கைகளைக் கழுவக் கூடியதான கால் அழுத்த சாதனம் : இலங்கை இளைஞனின் கண்டுபிடிப்பு!!

கை கழுவும் சாதனம்..

கோவிட்-19 கொரோனா வைரஸ் நோய்த் தொற்றிலிருந்து மக்களை பாதுகாக்கும் வகையில் கைகளைக் கழுவிக் கொள்ளக் கூடியதான கால் அழுத்தத்துடன் இயங்கும் கை கழுவும் சாதனம் ஒன்றை கல்முனை பொலிஸ் பிரிவுக்கு உட்பட்ட சாய்ந்தமருதைச் சேர்ந்த இளைஞர் ஒருவர் கண்டுபிடித்துள்ளார்.

சாதாரணமாக காலின் அழுத்தத்தினாலும் இயங்கக்கூடிய தானியங்கி கைகழுவும் சாதனம் ஒன்றையே கண்டுபிடிப்பாளரரான AZ Tec ஐச் .எல்.எம் அஸீஸ் உருவாக்கி உள்ளார்.

அம்பாறை மாவட்டம் கல்முனை மாநகர சபை எல்லைக்குட்பட்ட சாய்ந்தமருது பகுதியில் வசிக்கும் இவர் பல இயந்திரங்களை கண்டுபிடித்து சாதனைகள் படைத்தவர் என்பது குறிப்பிடதக்கது
கல்முனை பிரதேச செயலகத்துக்கு இந்த சாதனம் வழங்கி வைக்கப்பட்டது.

-மெட்ரோ நியூஸ்-

கொரோனா வைரஸ் மேலும் இரண்டு வருடங்கள் உலகம் முழுவதும் பரவும்!!

கொரோனா வைரஸ்..

கொவிட் -19 என்ற கொரோனா வைரஸ் மேலும் சுமார் இரண்டு வருடங்களுக்கு உலகம் முழுவதும் பரவும் என அமெரிக்கா தொற்று நோய் தொடர்பான விஞ்ஞானிகள் வெளியிட்டுள்ள புதிய அறிக்கையில் தெரிவிக்கப்பட்டுள்ளது.

கொரோனா வைரஸ் காரணமாக உலகம் முழுவதும் இதுவரை 2 லட்சத்து 39 பேர் 652 பேர் உயிரிழந்துள்ளனர். 34 லட்சத்து 2 ஆயிரத்து 435 பேர் இதுவரை கொரோனா வைரஸ் தொற்றுக்கு உள்ளாகியுள்ளனர்.

அதேவேளை ரஷ்ய பிரதமர் மிகாய்ல் மிஸ்டீனுக்கு கொரோனா வைரஸ் தொற்றியிருப்பதாக நேற்று முன்தினம் இரவு அறிவிக்கப்பட்டிருந்தது. கொரோனா வைரஸ் தொற்றில் இருந்து பிரித்தானிய பிரதமர் போரிஸ் ஜோன்சன் குணமடைந்த நிலையில், ரஷ்ய பிரதமருக்கு அந்த நோய் தொற்றியுள்ளது.

ரஷ்ய ஜனாதிபதி விளாடீமீர் புட்டின் இதனை உறுதிப்படுத்தியுள்ளார். இதனால், பிரதமர் தனிமைப்படுத்தப்பட்டு சிகிச்சைக்கு உட்படுத்தப்பட்டுள்ளதாகவும் புட்டின் கூறியுள்ளார்.

ரஷ்யாவில் ஒரு லட்சத்து 14 ஆயிரத்து 431 பேர் கொரோனா வைரஸ் தொற்றுக்கு உள்ளாகியுள்ளதுடன் அங்கு இதுவரை ஆயிரத்து 169 பேர் இந்த வைரஸ் காரணமாக இறந்துள்ளனர். 13 ஆயிரத்து 220 பேர் கொரோனா வைரஸ் தொற்றில் இருந்து குணமடைந்துள்ளனர்.

இலங்கையில் கொரோனாவால் குணமடைந்தவருக்கு மீண்டும் கொரோனா!!

கொரோனா..

ஜா-எலா பகுதியில் கொரோனா வைரஸால் பாதிக்கப்பட்டு குணமடைந்த ஒருவருக்கு மீண்டும் கொரோனா தொற்றுத் தாக்கம் இருப்பதாக உறுதிசெய்யப்பட்டுள்ளது.

மார்ச் 17ம் திகதி அங்கொடவில் உள்ள ஐ.டி.எச் மருத்துவமனையில் அனுமதிக்கப்பட்ட அவர், கொரோனா நோய்க்கு சிகிச்சை பெற்றதன் பின்னர் குணமடைந்தார் என ஏப்ரல் 17ம் திகதி அன்று வீடு திரும்பினார்.

இதன் பின்னர் திடீரென இன்று மார்பு வலி காரணமாக அவர் கொழும்பு தேசிய மருத்துவமனையில் அனுமதிக்கப்பட்டார். நோயாளி பி.சி.ஆருக்கு மீண்டும் பரிசோதிக்கப்பட்டார்.

அவருக்கு கொரோனா வைரஸ் தொற்று இருப்பது இன்று தெரியவந்தது. பின்னர் மேலதிக சிகிச்சைக்காக அங்கொடவில் உள்ள ஐ.டி.எச் மருத்துவமனைக்கு மாற்றப்பட்டுள்ளார்.

மே 11ல் பாடசாலைகளை ஆரம்பிப்பதில் சிக்கல் : தீவிர நடவடிக்கையில் கல்வியமைச்சு!!

பாடசாலைகள்..

பாடசாலைகள் இரண்டாம் தவணைக்காக மீண்டும் திறக்கப்படும்போது கல்வி நடவடிக்கைகளைத் திட்டமிடுவது குறித்து கல்வி அமைச்சகம் மாகாண அளவிலான விவாதங்களைத் தொடங்கியுள்ளது.

இது தொடர்பில் தெற்கு, வட மத்திய மற்றும் வடமேற்கு பிராந்திய மட்ட அலுவலகங்களில் உள்ள அதிகாரிகளுடன் பேச்சுவார்த்தை நடத்தப்பட்டுள்ளது. மேலும் கல்வி அமைச்சக செயலாளர் எம்.எச்.எம். சித்ரானந்தா தெரிவிக்கையில்,

கொரோனா வைரஸ் தொற்றுப் பரவலால் பாடசாலைகள் அனைத்தும் மூடப்பட்டிருக்கின்றன. பாடசாலைகள் மீண்டும் திறக்கப்படுவதற்கு முன்னர் முத்தரப்புப் பணியாளர்கள் மற்றும் சுகாதார அதிகாரிகள் பள்ளிகளை கிருமி நீக்கம் செய்வார்கள்.

கடந்தவாரம் மேற்கொள்ளப்பட்ட கலந்துரையாடலின்போது பாடசாலைகள் மே 11 அன்று மீண்டும் திறக்கப்படும் என்று எதிர்பார்க்கப்பட்டது, ஆனால் கொரோனா வைரஸ் தொற்றுத் தாக்கம் அதிகரித்து வருகின்ற நிலையில் அரசாங்கம் இந்த நடவடிக்கையை மாற்றியமைத்ததுள்ளது.

இதற்கமைய “மீண்டும் பாடசாலைகள் திறக்கப்படும் திகதி மேலும் தாமதமாகுவதற்கே வாய்ப்புகள் உள்ளது. நாட்டின் நிலைமைக்கமைய இந்த தீர்மானம் எடுக்கப்பட்ட போதிலும் உறுதியாக மாற்றம் ஏற்படுமா இல்லையா, பாடசாலைகள் மீண்டும் எப்போது ஆரம்பிக்கப்படும் என திடமாக கூறமுடியாது என தெரிவித்துள்ளார்.

-தமிழ்வின்-

யாழ்ப்பாணத்தில் மயானத்திற்குள் நடந்தது என்ன : பொலிஸார் தீவிர விசாரணை!!

மயானத்திற்குள் நடந்தது என்ன..

யாழ்ப்பாணம் வலிகாமம் தென்மேற்கு பிரதேச சபைக்குட்பட்ட நவாலி பகுதியில் அமைந்துள்ள நவாலி அமெரிக்கன் சிலோன் மிசன் திருச்சபைக்கு சொந்தமான சேமக்காலையில் உள்ள சில நினைவு கட்டங்கள் வி சமிகளால் சே தமாக்கப்பட்டுள்ளன.

குறித்த சம்பவம் நேற்று இரவு இடம்பெற்றிருக்கலாம் என சந்தேகிக்கப்படுகின்றது. சம்பவம் இடம்பெற்ற இடத்திற்கு வருகைதந்த மானிப்பாய் பிரதேச சபை தவிசாளர் அந்தோனிப்பிள்ளை ஜெபநேசன் குறித்த விடயம் தொடர்பாக ஆராய்ந்திருந்தார்.

ஊரடங்கு அமுல்ப்படுத்தப்பட்டிருக்கும் இந்நிலையில் யார் இப்படி செய்திருக்கமுடியும் என குறித்த விடயம் தொடர்பாக மானிப்பாய் பொலிஸார் வி சாரணைகளை மேற்கொண்டு வருகின்றமை குறிப்பிடத்தக்கது.

எரிபொருளுக்கான விலைகளில் மாற்றமில்லை : அரசாங்கம்!!

எரிபொருட்களுக்கான விலை..

எரிபொருட்களுக்கான விலைகளில் மாற்றம் இருக்காது என அரசாங்கம் அறிவித்துள்ளது. உலக சந்தையில் எரிபொருளுக்கான விலைகள் வீழ்ச்சியடைந்தாலும் இலங்கையில் விலைகள் குறைக்கப்படாது என விலை வீழ்ச்சியின் அணுகூலம் நாட்டு மக்கள் அனைவருக்கும் சேரும் வகையில் நடவடிக்கை எடுக்கப்படும் எனவும் பெற்றோலிய வள அமைச்சர் மஹிந்த அமரவீர தெரிவித்துள்ளார்.

கொரோனா வைரஸ் தொற்று காரணமாக உலகின் அநேக நாடுகளில் எரிபொருளுக்கான கேள்வியில் பாரியளவு வீழ்ச்சி பதிவாகியுள்ளது எனவும், இலங்கையிலும் எரிபொருளின் பயன்பாடு வீழ்ச்சியடைந்துள்ளது எனவும் அவர் குறிப்பிட்டுள்ளார்.

எவ்வாறெனினும், எரிபொருள் விலை வீழ்ச்சியினால் பெற்றோலியக் கூட்டுத்தாபனம் அடையும் லாபம் திறைசேரிக்கு அனுப்பி வைக்கப்படுவதாகத் தெரிவித்துள்ளார்.

இந்த நிதியினால் கொரோனா வைரஸ் தொற்றினால் பாதிக்கப்பட்ட அனைவருக்கும் நலன்கள் வழங்குவதற்கு நடவடிக்கை எடுக்கப்படும் என அவர் குறிப்பிட்டுள்ளார்.

எரிபொருளுக்கான விலை குறைத்தல் அதன் நலன்கள் ஒரு தப்பிற்கு மட்டுமே கிடைக்கும் எனவும் அரசாங்கம் ஒட்டுமொத்த மக்களுக்கும் நலன்களை வழங்குவதற்கு திட்டமிட்டுள்ளதாகவும் தெரிவித்துள்ளார்.

-தமிழ்வின்-

வவுனியாவில் சிகையலங்கார நிலையங்கள் மூடப்பட்டுள்ளமையால் 500 குடும்பங்கள் பாதிப்பு!!

சிகையலங்கார நிலையங்கள்..

சிகையலங்கார நிலையங்கள் மூடப்பட்டுள்ளமையால் 500 வரையிலான குடுமபங்கள் பாதிக்கப்பட்டுள்ளதாக வவுனியா அழகக கூட்டுறவுச் சங்க பொருளாளர் அந்தோனிப்பிள்ளை கிருபைராசா தெரிவித்துள்ளார்.

வவுனியாவில் உள்ள அழகக சங்க தொழிலாளர்களின் நிலை தொடர்பில் இன்று கேட்ட போதே இவ்வாறு தெரிவித்தார். அவர் மேலும் தெரிவிக்கையில்,

செட்டிகுளம் தொடக்கம் ஓமந்தை வரையிலான எமது சங்கத்தில் உள்ள எமது அழககங்களை உள்ளடக்கி வவுனியா மாவட்ட அழகக கூட்டுறவுச் சங்கமாக பதிவு செய்துள்ளோம். கொரோனா தாக்கம் காரணமாக எமது தொழில் செய்யும் 500 வரையிலான குடும்பங்கள் பாதிக்கப்பட்டுள்ளன.

அவர்கள் நாளாந்தம் இந்த தொழிலை நம்பியே வாழ்ந்து வந்தார்கள். கடந்த ஒன்றரை மாதங்காளக சுகாதார அதிகாரிகளின் கோரிக்கைக்கு அமைவாக மூடியுள்ளோம்.

எமது பாதுகாப்பு மட்டுமல்ல சமூக பாதிகாப்பையும் கருத்தில் கொண்டு நாம் மூடியிருக்கின்றோம். இதனால் எமது சங்க உறுப்பினர்கள் பலரது குடும்பங்கள் மிகவும் பாதிக்கப்பட்டுள்ளன. வேறு தொழில் செய்ய முடியாதவர்களாக உள்ளனர்.

எனவே அரசாங்கம் பாதுகாப்பான சுகாதார வழிமுறைகளை ஏற்படுத்தி திறப்பதற்கு அனுமதி வழங்க வேண்டும். அல்லது எமது தொழிலாளர்களுக்கான இழப்பீடு வழங்க வேண்டும் எனவும் தெரிவித்துள்ளார்.

இலங்கையில் கொரோனா வைரஸ் தொற்று காரணமாக 900 பில்லியன் ரூபா நட்டம்!!

கொரோனா வைரஸ்..

கொரோன வைரஸ் தொற்று காரணமாக இலங்கையில் 900 பில்லியன் ரூபா பொருளாதார நட்டம் ஏற்படும் என மூடிஸ் முதலீட்டு நிறுவனத்தினால் நடத்தப்பட்ட மதிப்பீடுகளின் மூலம் தெரியவந்துள்ளது.

2020ம் ஆண்டில் இலங்கைக்கு ஏற்படக்கூடிய பொருளாதார நட்டம் 900 பில்லியன் ரூபா என மதிப்பீடு செய்யப்பட்டுள்ளது. இது 2020ம் ஆண்டுக்கான மதிப்பீடு செய்யப்பட்ட மொத்த தேசிய உற்பத்தியின் 6 வீதம் என்பது குறிப்பிடத்தக்கது.

இதேவேளை, கொவிட்-19 வைரஸ் தொற்று பரவுகையினால் உலகப் பொருளாதாரம் சுமார் 900 பில்லியன் டொலர் பாதிப்பினை எதிர்நோக்கும் என உலக வங்கி மதிப்பீடு செய்துள்ளது. இந்த பாதிப்பாளது ஜப்பான் மற்றும் ஜெர்மனியின் மொத்த பொருளாதாரத்தை விடவும் இந்த தொகை பெரியது என தெரிவிக்கப்படுகின்றது.

இந்த நோய்த் தொற்று காரணமாக உலகப் பொருளாதாரம் மறை 3 வீத பொருளாதார வீச்சியையும், இலங்கை மறை 0.5 வீத பொருளாதார வீழ்ச்சியையும் பதிவு செய்யும் என பிரபல பொருளியியலாளர் மேர்வின் பெர்னாண்டோ தெரிவித்துள்ளார்.

முல்லைத்தீவு கொரோனா தனிமைப்படுத்தல் முகாமில் இருவர் உயிரிழப்பு!!

தனிமைப்படுத்தல் முகாமில்..

முல்லைத்தீவு தனிமைப்படுத்தல் மையத்தில் இறந்தவர்கள் இருவரும் கொரோனா வைரஸால் உயிரிழக்கவில்லை என வைத்திய அறிக்கையில் குறிப்பிடப்பட்டுள்ளது.

கொழும்பு குணசிங்கபுர பிரதேசத்தில் இருந்து முல்லைத்தீவு பகுதிக்கு அழைத்து வந்து தனிமைப்படுத்தலில் ஈடுபடுத்தப்பட்ட இருவர் உயிரிழந்துள்ளனர் என்று விமானப்படை பேச்சாளர் குரூப் கப்டன் துஷான் விஜேசிங்க தெரிவித்துள்ளார்.

அவர்கள் இருவரும் 80 வயதை கடந்தவர்கள் என்றும் முள்ளியவளை வைத்தியசாலையில் அனுமதிக்கப்பட்ட நிலையில் உயிர் பிரிந்தது என்றும் தெரிவித்துள்ளார்.

முல்லைத்தீவு கேப்பாப்புலவு விமானப்படை தளத்தில் அமைக்கப்பட்டுள்ள கொரோனா தனிமைப்படுத்தல் நிலையத்தில் கண்காணிக்கப்பட்டு வந்த இருவர் நேற்று திடீர் சுகயீனம் காரணமாக உயிரிழந்துள்ளனர்.

கொரோனா தனிமைப்படுத்தல் முகாமிலிருந்து இரண்டு வயோதிபர்கள் உயிரிழந்த விடயம் பிரதேச மக்கள் மத்தியில் அச்சத்தை ஏற்படுத்தியுள்ளது.

கொழும்பில் யாசகம் பெற்று வந்த மற்றும் வீடுகள் அற்ற நிலையில் நிர்க்கதியாகியிருந்த 100இற்கும் மேற்பட்டவர்கள் கேப்பாப்புலவு விமானப்படை தளத்தில் அமைக்கப்பட்டுள்ள கொரோனா தனிமைப்படுத்தல் நிலையத்திற்கு கொண்டு செல்லப்பட்டனர்.

இவர்களில் சுமார் 80 வயதுடைய வயோதிபர் ஒருவர் நேற்று காலை சுகயீனம் காரணமாக முல்லைத்தீவு வைத்தியசாலைக்கு கொண்டுச் செல்லப்பட்ட நிலையில் உயிரிழந்துள்ளார்.

உயிரிழந்த நபர்களின் இரத்த மாதிரிகளை பெற்று கொரோனா பரிசோதனை மேற்கொள்ளப்படவுள்ளதாகவும் தெரிவிக்கப்பட்டுள்ளது.

வவுனியாவில் மரக்கறி,பழவகை வியாபாரம் தொடர்பாக கமநல அபிவிருத்தி திணைக்களம் விடுத்துள்ள அறிவிப்பு!

வவுனியா  கமநல அபிவிருத்தி திணைக்களத்தினால் ஊரடங்கு   நேரத்தில்  உள்ளூர் மற்றும்  வெளியூர்களுக்கான  மரக்கறி மற்றும் பழவகைகளின்   மொத்த  மற்றும் சில்லறை கொள்வனவு விற்பனை சந்தைபடுத்தல்  தொடர்பாக விடுக்கபட்டுள்ள அறிவித்தல்-02.05.2020

வவுனியாவில் ஊரடங்கு நேரத்தில்  பொதுமக்கள்  மரக்கறிகளை வீடுகளில் இருந்தபடியே  கொள்வனவு செய்யக்கூடிய வகையில்  உள்ளூர்களில் வீடுகளுக்கு நேரடியாக  மரக்கறி வியாபாரம் மேற்கொள்ளுவதற்காக வியாபாரிகள் ஒழுங்குபடுத்தபட்டுள்ளனர். அவர்களது விபரங்கள்

 

அதேபோன்று விவசாயிகளிடம் இருந்து  பிற மாவட்டங்களுக்கு   மரக்கறி பழவகைகளை கொள்வனவு செய்து கொண்டு செல்வதற்கானவசதிகளும்ஏற்படுத்தபட்டுள்ளன.பிற  மாவட்டங்களுக்கு பொருட்களை சந்தைபடுத்த விரும்பும் விவசாயிகளின் நலன்கருதி   பொருட்கள் சந்தைபடுத்தும் இடங்கள் மற்றும்  வெளிமாவட்டங்களுக்கு  அனுமதிக்கபட்ட  வாகனங்கள் தொடர்பான  விபரங்கள் இணைக்கபட்டுள்ளன.

அதேபோன்று  வெளிமாவட்டங்களுக்கு  பப்பாசி பழங்களை கொண்டு செல்வதற்கும்  வசதிகள் ஏற்படுத்தபட்டுள்ளன.

ரெட்லேடி  பப்பாசி பழத்த்திற்கான ஆகக்குறைந்த கொள்வனவு விலை  கிலோ ரூபாய் 20 /=  ஆகும்.  கிலோ ரூபாய் 20 /=க்கு குறைந்த விலையில் கொள்வனவு செய்யும் வியாபாரிகள் தொடர்பான முறைபாடுகள் கிடைக்குமிடத்து   ஊரங்கு நேர போக்குவரத்து அனுமதி செல்லுபடியற்றதாக்கப்படும்.

மேலும் வீடுகளுக்கு நேரடியாக பொருட்களை விற்பனை செய்யும் வியாபாரிகள் கூடிய விலைகளில் விற்பனை செய்வது தொடர்பாக கிடைக்கபெறும்   முறைப்பாடுகளின் அடிப்படையில்  ஊரடங்கு நேர வியாபார அனுமதி செல்லுபடியற்றதாக்கப்படும்.

முறைபாடுகளுக்க்கான தொலைபேசி இலக்கம்

024-2225511

தகவல்

கமநல அபிவிருத்தி  திணைக்களம்

வவுனியா

 

 

 

நீர் குழாயில் கை அசைவு முலம் கைகழுவும் முறையை கண்டுபிடித்த மாணவன்!!

கொரோனா வைரஸ் தொற்றிலிருந்து கைகளை பாதுகாக்கவும், சுகாதாரத்திற்கு ஏற்றமுறையில் கைகளை சுத்தம் செய்யவும் புதிய தொழினுட்பங்களை பயன்படுத்தி தொடுகை மூலம் அல்லாமல் கை அசைவு முலம் மற்றும் ஸ்மார்ட் கையடக்க தொலைபேசி இயக்கம் மூலம் இயக்கும் நீர் குழாயில் கைகழுவும் வசதிகள் கொண்ட தொழிநுட்ப கருவியை மாணவனொருவர் கண்டுபிடித்துள்ளார்.

கல்முனை சாஹிரா தேசிய கல்லூரியில் கடந்த வருடம் 2019 உயர் தரபிரிவில் பொறியியல் தொழினுட்பத்தில் கல்வி கற்று தற்போது பல்கலைக்கழக நுழைவுக்கு காத்திருக்கும் எஸ்.அஷ்ஷாக் என்ற மாணவன் உருவாக்கியுள்ளார்.

இதனை கல்முனை சாஹிரா தேசிய கல்லூரியில் பாடசாலை அதிபர்எம்.ஐ.ஜாபீர் முன்னிலையில் நேற்று அறிமுகம் செய்துள்ளார்.

அன்றாடம் நாம் நீர் குழாயினை தொடுகை மூலமே திறந்து கைகளினை கழுவி வருகின்றோம்.இதற்கு மாற்றமாக தொடுகை மூலம் அல்லாமல் தொழிநுட்ப முறையில் நீர் குழாயில் கையினை கழுவும் நுட்பமுறை கண்டுபிடிப்பை மேற்கொண்டுள்ளேன் .

இதனை இரு முறை மூலம் இயக்க முடியும் சென்சர் தொழிநுட்பத்தின் மூலம் அசைவினால்இயக்க முடியும் (0n/Off) மற்றையது ஸ்மார்ட் கையடக்க தொலைபேசி மூலம் குரல்பதிவை மேற்கொள்வதவன் ஊடாக இயக்க முடியும்.

(on/off) இதன் மூலம் எமதுசெயற்பாடுகளை தொடுகை இல்லாம் இலகுவாக மேற்க்கொள்ள முடியும் என்றும் குறித்த மாணவன் தெரிவித்துள்ளார்.

நீண்ட நாட்களுக்கு பின்னர் பொது நிகழ்வில் கலந்துகொண்ட வடகொரிய ஜனாதிபதி?

வடகொரிய ஜனாதிபதி..

சுமார் 20 நாட்களுக்கு பின்னர் வடகொரிய அதிபர் கிங் ஜாங் உன் பொது நிகழ்வு ஒன்றில் பங்கேற்றதாக அந்நாட்டு அரச ஊடகம் தெரிவத்துள்ளது.

அவர் கடும் சுகவீனம் அடைந்துள்ளவதாகவும், இறந்துவிட்டதாகவும் பல்வேறு ஊகங்கள் வெளியிடப்பட்டு வந்தன.

இந்நிலையில் பசளை உற்பத்தி நிலையம் ஒன்றை அவர் திறந்து வைத்ததாக கூறி வடகொரிய அரச ஊடகம் செய்தி வெளியிட்டுள்ளது.

எனினும் இந்த நிகழ்வு தொடர்பான எவ்வித புகைப்படங்களையும் வடகொரிய அரச ஊடகம் வெளியிடவில்லை என்று சர்வதேச ஊடகங்கள் தெரிவித்துள்ளன.

கடந்த ஏப்ரல் 12ம் திகதியின் பின்னர் வடகொரிய அதிபர் பொது நிகழ்வுகளில் பங்கேற்கவில்லை என்று தெரிவிக்கப்பட்டிருந்தமை குறிப்பிடத்தக்கது.

இதேவேளை வடகொரிய அதிபர் பொதுமக்கள் மத்தியில் தோன்றியமை தொடர்பில் அமெரிக்க அதிபர் டொனால்ட் ட்ரம்ப் கருத்துக்கூற மறுத்துள்ளார்.

ஊடுருவல் செய்யப்பட்ட பேஸ்புக் கணக்குகள் தொடர்பில் முறைப்பாடுகள்!!

பேஸ்புக் கணக்குகள்..

ஊடுருவல் செய்யப்பட்ட பேஸ்புக் கணக்குகள் தொடர்பில் இலங்கை கணணி அவசர தயார்நிலை அணி ஒருங்கிணைப்பு குழுவுக்கு முறைப்பாடுகள் கிடைத்துள்ளன.

இதன்படி பேஸ்புக் பயனர்கள் ஒரு பேஸ்புக் நண்பரிடம் இருந்து இணைப்பு உட்பட்ட ஏமாற்றும் செய்தி ஒன்றை பெறுவார்கள். பயனர் அந்த இணைப்பை கிளிக் செய்தவுடன் அது ஒரு போலியான பேஸ்புக் பக்கத்துக்கு அனுப்பப்படும்.

மேலும் பயனர் நற்சான்றுகளை உள்ளிட்ட பின் அது தாக்குபவரினால் கைப்பற்றப்படும். குறித்த பேஸ்புக் கணக்கை சமரசம் செய்தபின்னர் தாக்குபவர் அந்தக்கணக்கை பயன்படுத்தி அதன் நண்பர்களின் பட்டியலுக்கு ஒத்தவகையான செய்திகளை அனுப்புவார்.

எனவே பேஸ்புக்கில் நண்பர்கள் அனுப்பும் இணைப்புக்களை கிளிக் செய்வதை தவிர்க்குமாறு இலங்கை கணணி அவசர தயார்நிலை அணி ஒருங்கிணைப்பு குழு கோரியுள்ளது.

அத்துடன் பயனர் நற்சான்றிதழ்களை உள்ளிடும்போது உண்மையான பேஸ்புக் பக்கத்தில் இருப்பதை உறுதிப்படுத்திக்கொள்ளவேண்டும் என்றும் இலங்கை கணணி அவசர தயார்நிலை அணி ஒருங்கிணைப்பு குழு வலியுறுத்தியுள்ளது.

பேஸ்புக்கில் வெளியான காணொளி : நான்கு சிறுவர்கள் தடுத்து வைப்பு!!

பேஸ்புக்கில்..

சமூக ஊடகங்களில் வெளியிடப்பட்ட கு ழந்தைகள் இடம்பெறும் வ ன்முறை காணொளி தொடர்பில் நான்கு சி றுவர்கள் த டுத்து வை க்கப்பட்டுள்ளனர். க த்தியுடன் இருக்கும் சி றுவன் த வறான வா ர்த்தைகளை பேசும் காணொளி ஒன்று பேஸ்புக்கில் வைராகியுள்ளது.

தடுத்து வைக்கப்பட்டுள்ளவர்களில் தன்னை “நிகவெரதிய சஹான்” என்ற அடையாளப்படுத்திய சி றுவனும், பேஸ்புக் காணொளியில் அவர் பயன்படுத்திய கத்தியும் பறிமுதல் செய்யப்பட்டது.

இந்நிலையில், குறித்த காணொளி தொடர்பில் தேசிய குழந்தைகள் பாதுகாப்பு ஆணையம் (NCPA) விசாரணைகளை முன்னெடுத்துள்ளதாக தெரிவிக்கப்பட்டுள்ளது.

எவ்வாறாயினும், இதுபோன்ற காணொளிகளை பதிவிடுவதும், பகிர்வதும் தொடர்பில் எவரும் கண்டறியப்பட்டால் கைது செய்யப்படுவார்கள் என்று காவல்துறை தெரிவித்துள்ளது.

கொரோனாவை கட்டுப்படுத்த தயாராகும் மருந்து!!

கொரோனா..

கொரோனா வைரஸை ரெம்டெசிவிர் மருந்து கட்டுப்படுத்துவதாக கலிபோர்னியாவில் உள்ள கிலியட் என்ற மருந்து நிறுவனம் தெரிவித்துள்ளது.

இதுபற்றி அந்த நிறுவனம் வெளியிட்டுள்ள செய்தியில், கொரோனா நோயாளிகளுக்கு வைரஸூக்கு எதிரான ரெம்டெசிவிர் மருந்து கொடுக்கப்பட்டதில் நல்ல பலன் கிடைத்தது. முதல் ஐந்து நாட்கள் ரெம்டெசிவிர் மருந்து கொடுக்கப்பட்டது.

இரண்டு வாரங்களில் பாதி பேர் குணமடைந்து வீடு திரும்பினர். ரெம்டெசிவிர் மருந்தின் மூன்றாவது பரிசோதனைதான் இறுதியானது. மருந்துக்கான அனுமதி பெறுவதற்கான அனுமதி பெறுவதற்கான இறுதிக் கட்டத்தை எட்டியுள்ளோம் என்று தெரிவித்துள்ளது.

மின்னல் தாக்கத்திற்கு குடும்பஸ்தர் ஒருவர் பலி!!

மின்னல்..

கிண்ணியா – கண்டல் காடு கிராமத்தில் மாடு மேய்த்துக்கொண்டிருந்த குடும்பஸ்தர் ஒருவர் நேற்று (01.05.2020) மாலை மின்னல் தாக்கத்தினால்உயிரிழந்துள்ளார்.

கிண்ணியா – காக்காமுனை பிரதேசத்தைச் சேர்ந்த 42 வயதான முகம்மது பாருக் என்பவரே இவ்வாறு உயிரிழந்துள்ளார்.

சடலம் கிண்ணியா வைத்தியசாலையில் பிரேத அறையில் வைக்கப்பட்டுள்ளதோடு,மேலதிக விசாரணைகளை கிண்ணியா பொலிஸார் மேற்கொண்டு வருகின்றனர்.