காதல் விவகாரத்தால் உயிரை மாய்த்த இளைஞன் : தமிழர் பகுதியில் சம்பவம்!!

காதல் விவகாரத்தால் 24 வயது இளைஞன் உயிரிழந்த சம்பவம் அம்பாறை காரைதீவில் துயரத்தை ஏற்படுத்தியுள்ளது.

அம்பாறை காரைதீவு புறநகர் பகுதியில் அமைந்துள்ள வீடொன்றின் பூஜை அறையில் தன் உயிரை மாய்த்துக்கொண்ட நிலையில் இளைஞன் ஒருவன் புதன்கிழமை(21) அன்று சடலமாக மீட்கப்பட்டுள்ளார்.

இந்த மரணம் தொடர்பான விசாரணைகள் சம்மாந்துறை நீதிமன்ற நீதிவான் நூர்டீன் முஹம்மட் சர்ஜுன் பணிப்புரைக்கமைய திடீர் மரண விசாரணை அதிகாரி முன்னிலையில் மேற்கொள்ளப்பட்டுள்ளதுடன் சடலம் உறவினர்களிடம் புதன்கிழமை(21) மாலை ஒப்படைக்கப்பட்டுள்ளது.

தனியார் நிதி நிறுவனம் ஒன்றில் பாதுகாப்பு உத்தியோகத்தராக கடமையாற்றி வந்த காரைதீவு -12 பிரதான வீதியை சேர்ந்த 24 வயது இளைஞனே சடலமாக மீட்கப்பட்டுள்ளார்.

காதல் விவகாரம் காரணமாக தன் உயிரை மாய்த்துக்கொண்டிருக்கலாம் என்பது பொலிஸாரின் ஆரம்பக்கட்ட விசாரணையில் இருந்து தெரியவந்துள்ளது. இளைஞனின் மரணம் தொடர்பில் காரைதீவு பொலிஸார் புலன் விசாரணைகளை மேற்கொண்டுள்ளனர்.

யாழில் இன்று இடம்பெற்ற கோர விபத்து : அரச உத்தியோகஸ்தர்களுக்கு நேர்ந்த கதி!!

யாழ்ப்பாணம் வடமராட்சி கிழக்கில் இடம்பெற்ற மோட்டார் சைக்கிளில் விபத்தில் மூவர் படுகாயமடைந்துள்ளனர்.

குடத்தனை பகுதியில் இன்றைய தினம் வியாழக்கிழமை காலை இரண்டு மோட்டார் சைக்கிள்கள் ஒன்றுடன் ஒன்று நேருக்கு நேர் மோதி விபத்துக்குள்ளானது.

அதில் ஒரு மோட்டார் சைக்கிளில் பயணித்த மருதங்கேணி பிரதேச செயலக கணக்காளரும் சக உத்தியோகஸ்தரும் பயணித்துள்ளனர். மற்றைய மோட்டார் சைக்கிளில் ஓட்டியான பிறிதொரு நபருமாக மூவர் படுகாயமடைதுள்ளனர்.

இந் நிலையில் , விபத்து மீட்கப்பட்டு பருத்தித்துறை ஆதார வைத்தியசாலையில் சிகிச்சைக்காக அனுமதிக்கப்பட்டுள்ளனர். மேலும் விபத்து தொடர்பிலான விசாரணைகளை பொலிஸார் முன்னெடுத்துள்ளனர்.

2026ல் உலகம் மாற்றம் : அதிர்ச்சியை கிளப்பிய பாபா வாங்காவின் கணிப்புகள்!!

2026- ஆம் ஆண்டுக்கான பாபா வாங்காவின் கணிப்புகள் சமூக வலைதளங்களை ஆக்கிரமித்துள்ளன. 2026-ல் மிகப் பெரிய போர் தொடங்குவதற்கான வாய்ப்புகள் அதிகம் உள்ளதாக பாபா வாங்கா கணித்து வைத்துள்ளார்.

2026 ஆம் ஆண்டில் AI தொழில்நுட்பம் மேலும் வளர்ச்சியைக் காணும். ஆனால் அது மனித வாழ்க்கைக்கு ஒரு பெரிய சவாலாக மாறக்கூடும் என்று பாபா வாங்கா எச்சரித்துள்ளார். தொழில்நுட்பம் மனித வாழ்க்கையில் ஆழமாக ஊடுருவும் என்றும் கணித்துள்ளார்.

2026-ஆம் ஆண்டு நவம்பர் மாதத்தில், பூமிக்கு வெளியே இருக்கும் உயிரினங்களுடன் மனிதர்கள் முதல் முறையாகத் தொடர்புகொள்வார்கள் என்று அவர் கணித்துள்ளதாகச் சொல்லப்படுகிறது. ஒரு பெரிய விண்கலம் பூமிக்குள் நுழையக்கூடும் என்பதும் இதில் அடங்கும்.

மனித வரலாற்றில் முதல் முறையாக, வேற்றுகிரகவாசிகளுடன் நேரடி தொடர்பு சாத்தியமாகும் என்பது அவரது மிகவும் வியக்கத்தக்க கணிப்பு. இது உலகை அதிர்ச்சிக்குள்ளாக்கும் ஒன்று. மேலும், 2026ஆம் ஆண்டுக்குள் தங்கத்தின் விலை 25 முதல் 40 சதவீதம் வரை அதிகரிக்கும் என்று இந்த மதிப்பீடுகள் கூறுகின்றன.

எதிர்காலத்தில் மனிதர்கள் மிகவும் சிறியதாயினும், மிக சக்திவாய்ந்த ஒரு மின்னணு சாதனத்தை முழுமையாகச் சார்ந்து வாழத் தொடங்குவார்கள்.

அந்தச் சாதனம் மனிதர்களின் தினசரி வாழ்க்கை, பழக்கவழக்கங்கள் மட்டுமல்ல, ஒருவருடன் ஒருவர் பழகும் முறையையும், அவர்களின் மனநிலையையும் மாற்றும் என்றும் அவர் எச்சரித்துள்ளார்.

 

என் உயிரில் பாதியான உன்னை கொன்று விட்டேனே : மனைவியை கொன்றுவிட்டு ஸ்டேட்டஸ் வைத்த கணவன்!!

தெலுங்கானாவில் மனைவியை கொன்று என் உயிரில் பாதியாக இருந்த உன்னை நான் என் கைகளால் கொன்று விட்டேனே என ஸ்டேட்டஸ் வைத்த கணவர் கைது செய்யப்பட்ட சம்பவம் பரபரப்பை ஏற்படுத்தியுள்ளது.

தெலுங்கானா மாநிலம், வனபர்த்தி மாவட்டம், சித்த குண்டாவை சேர்ந்தவர் ஆஞ்சநேயுலு. கார் டிரைவராக வேலை செய்து வந்தார். இவரது மனைவி சரஸ்வதி (வயது 34). தம்பதிக்கு 12 வயதில் மகனும், 9 வயதில் மகளும் உள்ளனர்.

சரஸ்வதி ஹைடெக் சிட்டி ப்குதியில் உள்ள ஒரு தனியார் நிறுவனத்தில் வீட்டு பராமரிப்பு மேற்பார்வையாளராக வேலை செய்து வந்தார். இவர்களது குடும்பத்தில் நிதி நெருக்கடி ஏற்பட்டது.

இதனால் விரக்தி அடைந்த சரஸ்வதி இனி உன்னுடன் வாழ முடியாது என கூறி தனது குழந்தைகளை அழைத்து கொண்டு தாய் வீட்டிற்கு சென்று விட்டார். கணவன் தான் திருந்தி விட்டதாகவும், இனி தவறு செய்ய மாட்டேன் என வாக்குறுதி அளித்து மனைவி, குழந்தைகளை மீண்டும் தனது வீட்டிற்கு அழைத்து வந்தார்.

சம்பவதினத்தன்று தூங்கிக் கொண்டு இருந்த மனைவியின் தலையில் பலமுறை கல்லால் தாக்கினார். இதில் சரஸ்வதியின் மண்டை உடைந்து ரத்த வெள்ளத்தில் துடித்து துடித்து சம்பவ இடத்திலேயே பரிதாபமாக இறந்தார்.

சரஸ்வதியின் அருகில் தூங்கிக் கொண்டு இருந்த அவரது குழந்தைகளின் உடைகளும் ரத்தத்தில் நனைந்தது. அப்போது குழந்தைகள் கண்விழித்த போது உங்களது தாய் தூங்கிக் கொண்டு இருக்கிறார்.நீங்களும் தூங்குங்கள் என தெரிவித்து விட்டு வெளியே சென்றார்.

தந்தையின் நடத்தையில் சந்தேகம் அடைந்த குழந்தைகள் விளக்கை போட்டு பார்த்த போது, தாய் ரத்த வெள்ளத்தில் இறந்து கிடந்ததை கண்டு கதறி துடித்தனர். சம்பவ இடத்திற்கு வந்து பொலிஸாருக்கு தகவல் தெரிவித்தார்.

மனைவியை கொலை செய்து விட்டு தப்பிச் சென்ற ஆஞ்சநேயுலு என் உயிரில் பாதியாக இருந்த உன்னை நான் என் கைகளால் கொன்று விட்டேனே என ஸ்டேட்டஸ் வைத்தார்.

பொலிஸார் சம்பவ இடத்திற்கு வந்து சரஸ்வதியின் பிணத்தை மீட்டு பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். மேலும் பொலிஸார் வழக்கு பதிவு செய்து தலைமறைவாக உள்ள ஆஞ்சநேயுலு வை தேடி வருகின்றனர்.

சிறுமியை கண்டுபிடிக்க பொது மக்களிடம் உதவி கோரியுள்ள பொலிசார்!!

காணாமல்போயுள்ள சிறுமி ஒருவரை கண்டுபிடிக்க பண்டாரகமை பொலிஸார் பொதுமக்களிடம் உதவி கோரியுள்ளனர். பண்டாரகம , வீரகெப்பெத்திபொல பிரதேசத்தைச் சேர்ந்த சிறுமி ஒருவர் கடந்த ஒரு மாத காலமாக காணாமல் போயுள்ளார்.

குறித்த சிறுமி 2025.12.19 அன்றிலிருந்து காணாமல் போயுள்ளதாக பண்டாரகம கொட்டாஞ்சேனை பொலிஸ் நிலையத்திற்கு முறைப்பாடு அளிக்கப்பட்டுள்ளது.

இதனையடுத்து, விசாரணைகளை ஆரம்பித்த பொலிஸார் காணாமல்போயுள்ள சிறுமியின் புகைப்படம் ஒன்றை வெளியிட்டுள்ளனர். பெயர் – கரநாயக்ககே ஹசதி திவெத்மி, வயது – 15 , முகவரி – இல. 89/03/03, வீரகெப்பெத்திபொல மாவத்தை , பண்டாரகமை

இந்த புகைப்படத்தில் உள்ள சிறுமி தொடர்பில் ஏதேனும் தகவல்கள் கிடைத்தால் பண்டாரகம பொலிஸ் நிலையத்தின் 071 – 8591681 அல்லது 038 – 2290222 என்ற தொலைபேசி இலக்கங்களுக்கு தொடர்பு கொள்ளுமாறு பொலிஸார் கேட்டுகொண்டுள்ளனர்.

கோயிலில் நாய்க்கு நேர்த்திக்கடன் நிறைவேற்றிய நடிகை : விளாசும் இணையவாசிகள்!!

கோயிலில் நாய்க்கு நேர்த்திக்கடன் நிறைவேற்றிய பிரபல நடிகை Deena Sravya வை நெட்டிசன்கள் திட்டித்தீர்த்து வருகின்றனர்.

நடிகையின் இந்த செயல் இந்து மதத்தை அவமதிக்கும் நடவடிக்கை என்றும், இந்த சம்பவத்திற்கு நடைகை மன்னிப்பு கோர வேண்டும் என சமூக வலைத்தளங்களில் கண்டனங்கள் வெளிவந்துள்ளது.

தெலங்கானாவில் உள்ள மேடாரம் பகுதியில் சம்மக்கா-சாரக்கா அம்மன் திருவிழா வெகு பிரசித்தி பெற்றதாகும். இவ்விழா எதிர்வரும் 28 ஆம் திகதி முதல் 31ம் திகதி வரை நடைபெற உள்ளது.

இவ்விழாவில் திரளான பக்தர்கள் கலந்துகொண்டு நேர்த்தி கடனாக அம்மனுக்கு வெல்லத்தை எடைக்கு எடை துலா பாரம் செலுத்துவது ஐதீகம். இப்பண்டிகையை கொண்டாட தெலங்கானா அரசு 4 நாட்கள் விடுமுறை அளித்துள்ளது.

இவ்வளவு பிரசித்தி பெற்ற அம்மன் விழாவிற்கு “கமிட்டி குர்ரோள்ளு’ ‘ப்ரீ வெட்டிங் ஷோ’ ஆகிய தெலுங்கு திரைப்படங்களில் நடித்து புகழ்பெற்ற நடிகை யான டீனா ஸ்ரவ்யாDeena Sravya , தனது தாயார் மற்றும் நாய்க்குட்டியுடன் கோயிலுக்கு சென்றுள்ளார்.

அப்போது அவர், தனது செல்ல நாய்க்குட்டிக்கு எடைக்கு எடை வெல்லத்தை நேர்த்தி கடன் செலுத்தினார்.

இது தற்போது விவாதமாகி உள்ளது. இந்த வீடியோ சமூக வலைத்தளங்களில் வைரல் ஆகியதால், பக்தர்கள் நடிகையின் செயலை வன்மையாக கண்டித்து வருகின்றனர். சம்பவம் தொடர்பில் நடிகையின் தாயார் விடுத்துள்ள அறிக்கையில்,

ஒவ்வொருவரும் தங்கள் வீட்டில் வளர்க்கும் நாய்க்குட்டிகளை தங்களின் பிள்ளைகளை போல் பாவித்து வளர்த்து வருவர். அதுவும் அந்த வீட்டின் ஒரு உறுப்பினர்தான்.

அதனால் தான் அதற்கு சமீபத்தில் உடல் நலம் சரியில்லாமல் போனது. அதனால் தான் அம்மனுக்கு எடைக்கு எடை வெல்லம் கொடுத்து நேர்த்தி கடன் செலுத்தியதாக தெரிவித்துள்ளார்.

எனினும், இது கோயிலையும், இந்து கலாச்சாரத்தையும் அவமானப்படுத்தும் செயல் என நடிகையின் செயலுக்கு பலர் கண்டனம் தெரிவித்து வருகின்றனர்.

அவுஸ்திரேலியாவில் மனைவியை கொடூரமாக தாக்கி விபத்தை ஏற்படுத்திய இலங்கையருக்கு விசா!!

அவுஸ்திரேலியாவில் இலங்கையர் ஒருவர் நாடு கடத்தலில் இருந்து தப்பியுள்ளதாக அந்நாட்டு ஊடகங்கள் தகவல் வெளியிட்டுள்ளன.

தனது குடும்பத்தினரின் உயிரிழப்புக்கு காரணமான விபத்து மற்றும் மனைவியை தாக்கிய குற்றச்சாட்டுகளுக்கு உள்ளான இலங்கையர் நாடு கடத்தலில் இருந்து தப்பியுள்ளார்.

42 வயதான தரங்க எஹலபே கமகே என்ற இலங்கையரின் விசா இரத்து செய்யப்பட்ட நிலையில், நிர்வாக மறுஆய்வு தீர்ப்பாயம் அவருக்கு ஆதரவாக தீர்ப்பளித்துள்ளது.

கடந்த 2019ஆம் ஆண்டு தரங்க ஓட்டிச் சென்ற கார் விபத்துக்குள்ளானதில், அவரது ஐந்து வயது மகள் மற்றும் 70 வயதுடைய தாய் ஆகிய இருவர் பரிதாபமாக உயிரிழந்தனர்.

விபத்து தொடர்பாக கவனக்குறைவாக வாகனத்தை ஓட்டி மரணத்தை ஏற்படுத்திய குற்றத்திற்காக அவருக்கு 2022 ஆம் ஆண்டு மூன்று ஆண்டுகள் சிறைத்தண்டனை விதிக்கப்பட்டது.

12 மாதங்களுக்கு மேல் சிறைத்தண்டனை பெற்றதால், அவுஸ்திரேலியக் குடிவரவு சட்டத்திற்கமைய, அவரது வதிவிட விசா இரத்து செய்யப்பட்டது.

எனினும் இந்த விசா ரத்துக்கு எதிராக அவர் தாக்கல் செய்த மேல்முறையீட்டை விசாரித்த தீர்ப்பாய உறுப்பினர் ஜான் ராவ், இலங்கையரின் வதிவிட உரிமையை மீண்டும் வழங்கியுள்ளார்.

விபத்திற்கு மேலதிகமாக அவருக்கு எதிராக இருந்த குடும்ப வன்முறைப் பின்னணி இந்த வழக்கில் பெரும் சவாலாகியுள்ளது. அவர் தனது மனைவியைத் தலைமுடியைப் பிடித்து இழுத்துத் தாக்கியது மற்றும் முகத்தில் குத்தியது போன்ற வன்முறைச் செயல்களில் ஈடுபட்டதாக நீதிமன்ற ஆவணங்கள் தெரிவிக்கின்றன.

விசாரணையின் போது, தான் இனிமேல் வன்முறையில் ஈடுபடமாட்டேன் எனவும் தனது குடும்பத்துடன் மீண்டும் இணைந்து வாழ விரும்புவதாகவும் அவர் உறுதியளித்தார்.

இந்த நிலையில் அவரது மனைவியும் அவருக்கு ஆதரவாகக் கடிதம் எழுதியிருந்தார். இதனை ஏற்றுக்கொண்ட தீர்ப்பாய உறுப்பினர், அவரது வார்த்தைகளை நான் நம்புகிறேன் எனக் கூறி, அவர் மீண்டும் வன்முறையில் ஈடுபட வாய்ப்பு மிகக் குறைவு என்ற அடிப்படையில் விசா வழங்க அனுமதி வழங்கியுள்ளார்.

இந்தத் தீர்ப்பு அவுஸ்திரேலியாவில் பெரும் விவாதத்தை ஏற்படுத்தியுள்ளது. வன்முறைப் பின்னணி கொண்ட ஒருவருக்கு மீண்டும் விசா வழங்கப்பட்டது குறித்து சமூக ஆர்வலர்கள் கவலை தெரிவித்துள்ளனர்.

இலங்கையில் வேலையை இழக்கும் அபாயத்தில் இலட்சக்கணக்கானோர்!!

இலங்கையை சேர்ந்த சுமார் 180,000 தொழில் வல்லுநர்கள் வேலைகளை இழக்கும் அச்சுறுத்தலுக்குள்ளாகியுள்ளதாக தெரிவிக்கப்படுகின்றது.

இலங்கையின் கொள்கை ஆய்வுகள் நிறுவனம் சமீபத்தில் நடத்திய ஆய்வில், இதற்கு காரணம் செயற்கை நுண்ணறிவு (AI) என்று தெரியவந்துள்ளது.

இவ்வாறு அச்சுறுத்தலுக்கு உள்ளானவர்களில் 179,290 பேர் எழுதுவினைஞர் வேலைகளில் (Clerk Job) பணிபுரிபவர்கள் என்றும் கண்டறியப்பட்டுள்ளது.

இந்த ஆய்வின் மூலம் செயற்கை நுண்ணறிவு பயன்பாட்டினால் நாட்டில் சுமார் 1.83 மில்லியன் பணியாளர்களின் தொழில்கள் அச்சுறுத்தலுக்கு உள்ளாகியுள்ளதாக சுட்டிக்காட்டப்படுகின்றது

இலங்கையில் பணிபுரியும் மக்களில் சுமார் 22.8% பேர் செயற்கை நுண்ணறிவின் தாக்கத்தால் வேலை இழந்துள்ளதாக கொள்கை ஆய்வுகள் நிறுவனம் மேலும் தெரிவித்துள்ளது.

உலக சந்தை வரலாற்றில் உச்சம் தொட்டிருந்த தங்க விலையில் திடீர் மாற்றம் : இலங்கையில் பதிவான நிலவரம்!!

உலக சந்தையில் தங்கத்தின் விலை இன்று (22.01.2026) காலை 4790 டொலர்களாக பதிவாகியுள்ளது. வரலாற்றில் முதல் முறையாக 4800 என்ற எல்லையைத் தாண்டிய உலக சந்தையில் தங்கத்தின் விலையில் இன்று இந்த சரிவு நிலை பதிவாகியுள்ளது.

அகில இலங்கை நகையக வியாபாரிகள் சங்கத்தின் தரவுகளின்படி, நேற்று (21) ஒரு பவுண் 24 கரட் தங்கத்தின் விலை 15,000 ரூபாயால் அதிகரித்திருந்தது. இருப்பினும், இன்று (22) தங்கத்தின் விலையில் ஓரளவு வீழ்ச்சி பதிவாகியுள்ளதாக தெரிவிக்கப்படுகிறது.

அந்தவகையில், இன்று காலை நிலவரப்படி 24 கரட் தங்கம் பவுண் ஒன்றுக்கு 4,000 ரூபாயால் குறைவடைந்துள்ளது.

இதன்படி, 24 கரட் தங்கம் பவுண் ஒன்று தற்பொழுது 381,000 ரூபாயாக விற்பனை செய்யப்படுகிறது. 22 கரட் தங்கம் பவுண் ஒன்று 352,450 ரூபாயாகவும், விற்பனை செய்யப்படுகிறது.

இதேவேளை கொழும்பு செட்டியார்தெரு தகவல்களின் படி நேற்றைய தினம் (21.01.2026) 24 கரட் ஒரு பவுண் தங்கத்தின் விலை 385,000 ரூபாவாக பதிவாகியுள்ளது.

அத்துடன் 22 கரட் ஒரு பவுண் தங்கத்தின் விலை 356,125 ரூபாவாகவும் பதிவு செய்யப்பட்டிருந்தமை குறிப்பிடத்தக்கது.

தங்கம் விற்கும் விலையில் நகைக் கடையில் நூதன திருட்டு : காட்டிக்கொடுத்த சிசிடிவி!!

ஹட்டன் நகரில் இயங்கும் தங்க நகைக் கடையொன்றில், வாடிக்கையாளர் போல் வந்த நபர் ஒருவர் 2,85,000 ரூபா பெறுமதியான தங்கச் சங்கிலியை திருடிக்கொண்டு தப்பித்துச் சென்ற சம்பவமொன்று ஹட்டனில் இடம்பெற்றுள்ளது .

இந்த சம்பவம் ஹட்டன் நகர் மத்தியில் அமைந்துள்ள நகை கடையொன்றில் வியாழக்கிழமை (22) பிற்பகல் இடம்பெற்றுள்ளது.

குறித்த நபர் தங்கச் சங்கிலி வாங்குவதற்காக வந்தவர் போல் கடைக்குள் நுழைந்து, அங்கிருந்த பெண் ஊழியர்கள் காண்பித்த பல நகைகளைப் பார்வையிட்டுள்ளார்.

பின்னர் ஒரு சங்கிலியை பார்த்து கொண்டிருப்பது போல் எடுத்துக் கொண்ட நிலையில், திடீரென கடையிலிருந்து தப்பியோடியுள்ளார்.

குறித்த மர்ம நபரின் செயற்பாடுகளும் தங்க சங்கிலியை கொள்ளையடித்துக் கொண்டு தப்பியோடும் பரபரப்பு சிசிடிவி காட்சி வெளியாகியுள்ளது.

சம்பவ நேரத்தில் கடையில் இரண்டு பெண் ஊழியர்கள் மட்டுமே பணியில் இருந்துள்ளதோடு இந்த சம்பவம் தொடர்பாக பொலிஸ் நிலையத்தில் முறைப்பாடு பதிவு செய்யப்பட்டுள்ளது.

மேலும் புகாரின் பேரில் சிசிடிவி காட்சியை வைத்து திருட்டு சம்பவம் தொடர்பில் ஹட்டன் பொலிஸார் மேலதிக விசாரணைகளை முன்னெடுத்துள்ளனர்.

திருமணமான 2 வாரத்தில் புதுமணப்பெண் எடுத்த விபரீத முடிவு!!

லக்னோ மாநிலம் குஷிநகர் மாவட்டத்தில் நிகழ்ந்த இந்தச் சம்பவம், சட்டங்கள் பல இருந்தாலும் இன்னும் வேரூன்றி இருக்கும் வரதட்சணை என்னும் சமூக அவலத்தை மீண்டும் வெளிச்சம் போட்டுக் காட்டியுள்ளது.

ஜந்தம்பூர் பகுதியைச் சேர்ந்த நேஹா (20) என்ற இளம்பெண்ணிற்கும், விவேக் (24) என்பவருக்கும் கடந்த இரு வாரங்களுக்கு முன்பு இருவீட்டு பெற்றோர் நிச்சயித்த நிலையில் கோலாகலமாகத் திருமணம் நடைபெற்றது.

திருமணம் முடிந்த சில நாட்களிலேயே, நேஹாவின் கணவர் குடும்பத்தினர் கூடுதல் வரதட்சணை கேட்டு அவரை மனரீதியாகவும் உடல்ரீதியாகவும் துன்புறுத்தத் தொடங்கியுள்ளனர்.

கணவர் விவேக் மற்றும் அவரது குடும்பத்தினரின் தொடர் நெருக்கடியால் கடும் மன உளைச்சலுக்கு ஆளான நேஹா, நேற்று மாலை தனது அறையில் துப்பட்டாவால் தூக்கிட்டுத் தற்கொலை செய்துகொண்டார்.

நேஹாவின் தந்தை அளித்த புகாரின் அடிப்படையில், அவரது கணவர் விவேக், மாமியார் மீனா உட்பட ஒரே குடும்பத்தைச் சேர்ந்த 6 பேர் மீது போலீசார் வழக்குப் பதிவு செய்துள்ளனர்.

நேஹாவின் உடலை மீட்ட போலீசார், பிரேதப் பரிசோதனைக்காக அரசு மருத்துவமனைக்கு அனுப்பி வைத்துள்ளனர். வரதட்சணைக் கொடுமைத் தடுப்புச் சட்டத்தின் (Dowry Prohibition Act) கீழ் கைது நடவடிக்கைகள் மேற்கொள்ளப்பட உள்ளதாகப் போலீசார் தெரிவித்துள்ளனர்.

3 வயதுக் குழந்தை தண்ணீர்த் தொட்டியில் தவறி விழுந்து பரிதாபமாக பலி!!

திருவண்ணாமலை மாவட்டம் ஆரணியை அடுத்த ராட்டினமங்கலம் கிராமத்தைச் சேர்ந்த இளவரசன்–பவானி தம்பதியரின் மகன் சஞ்சீவ் மித்ரன் (3).

நேற்று முன்தினம் இரவு வீட்டின் அருகே உள்ள தண்ணீர் தொட்டி முன்பு குழந்தை விளையாடிக் கொண்டிருந்தான். நீண்ட நேரமாகியும் வீடு திரும்பாததால் பெற்றோர் கவலையடைந்தனர்.

இதையடுத்து அக்கம்பக்கத்தினர் உதவியுடன் குழந்தையை தேடியுள்ளனர். அப்போது வீட்டின் அருகே இருந்த தண்ணீர் தொட்டியில் சஞ்சீவ் மித்ரன் தவறி விழுந்து தண்ணீரில் மூழ்கியது தெரியவந்தது. உடனடியாக குழந்தையை மீட்டு அரசு மருத்துவமனைக்கு கொண்டு சென்றனர்.

ஆனால் பரிசோதித்த டாக்டர்கள், குழந்தை ஏற்கனவே உயிரிழந்துவிட்டதாக தெரிவித்தனர். இதைக் கேட்டதும் பெற்றோர் மற்றும் உறவினர்கள் கதறி அழுதது அப்பகுதியை உருக்கச் செய்தது. சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.

கிளிநொச்சியில் தலை கீழாக கவிழ்ந்த வேன்!!

கிளிநொச்சி நோக்கி பயணித்த வேன் கட்டுப்பாட்டை இழந்து குடமுருட்டி பாலத்தில் மோதி குடைசாய்ந்து விபத்துக்குள்ளாகியுள்ளது. வேகக் கட்டுப்பாட்டை இழந்து வாகனம் விபத்துக்குள்ளானதில் மூவர் காயமடைந்துள்ளனர். குறித்த விபத்து இன்று காலை 9.30 மணியளவில் பரந்தன் பூநகரி வீதியில் இடம்பெற்றுள்ளது.

விபத்திற்குள்ளான குறித்த வாகனத்தில் பயணித்த மூவர் காயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளனர்.

விபத்து தொடர்பான விசாரணைகளை கிளிநொச்சி பொலிசார் முன்னெடுத்து வருகின்றனர்.

 

கிளிநொச்சியில் மோட்டார் சைக்கிளுடன் மோதிய கனரக வாகனம்!!

கிளிநொச்சி ஏ-09 வீதியின் மத்திய கல்லூரிக்கு முன்பாக கனரக வாகனம் மோதி விபத்துக்குள்ளானதில் மோட்டார் சைக்கிள் பயணித்தவர் தெய்வாதீனமாக தப்பியுள்ளார். குறித்த விபத்தானது நேற்றையதினம் (20.1.2026) இடம்பெற்றுள்ளது.

சம்பவம் தொடர்பில் தெரியவருகையில், கடந்த நவம்பர் மாதம் திருவையாறு பகுதியில் சட்டவிரோத மணல் அகழ்வினை தடுக்க முற்பட்ட இளம் குடும்பஸ்தரை மோதி விபத்துக்குள்ளாக்கி உயிரிழந்த சம்பவத்துடன் தொடர்புடைய டிப்பர் வாகனம் நேற்று முன்தினம்(19) நீதிமன்ற கட்டளைக்கு அமைவாக பிணைமுறியில் விடுவிக்கப்பட்டது.

இதனையடுத்து, குறித்த கனரக வாகனத்தை இன்று காலை பொலிஸ் நிலையத்தில் இருந்து மற்றுமொரு கனரக வாகனத்தில் இழுத்துச் சென்ற சமயம் ஏற்கனவே விபத்தில் உயிரிழந்தவரின் சகோதரன் மீது இந்த வாகனம் மோதியுள்ளது.

இந்த விபத்தில் மோட்டார் சைக்கிள் செலுத்தி சென்றவர் தெய்வாதீனமாக சிறு காயங்களுடன் உயிர் தப்பி உள்ளார். குறித்த விபத்தானது திட்டமிட்டு மேற்கொள்ளப்பட்ட ஒரு கொலை முயற்சியாக இருக்கலாம் என அவர்களது உறவினர்கள் தெரிவித்துள்ளனர்.

அதேவேளை ஒன்றின் பின் ஒன்றாக அழைத்து வரப்பட்ட கனரக வாகனங்கள் விபத்தை ஏற்படுத்திவிட்டு தப்பிச் செல்ல முற்பட்ட நிலையில் பொதுமக்கள் இணைந்து வாகனங்களை வழிமறித்தனர்.

அத்துடன்அங்கு அமைதியின்மை ஏற்பட்டத்துடன் நீண்ட நேரத்துக்கு பின்னர் பொலிஸார் குறித்த கனரக வாகனங்களை பொலிஸ் நிலையத்திற்கு கொண்டு சென்று ஆரம்பகட்ட விசாரணை முன்னெடுத்துள்ளனர்.

தங்க நகை அணிந்து செல்லும் பெண்களுக்கு எச்சரிக்கை : தமிழ் பெண்ணுக்கு காத்திருந்த அதிர்ச்சி!!

கேகாலை – தீவல வீதியின் எவுங்கல்ல பகுதியில் மோட்டார் சைக்கிளில் சென்ற பெண்ணிடம் 7,58,000 ரூபாய் பெறுமதியான தங்க நகைகள் கொள்ளையிடப்பட்டுள்ளன.

கடந்த 17 ஆம் திகதி பதுளையைச் சேர்ந்த 25 வயதுடைய பெண், ஹெட்டிமுல்லையில் உள்ள தனது சகோதரர் வீட்டிற்கு வந்திருந்த போதே இச்சம்பவம் நிகழ்ந்துள்ளது.

நோய்வாய்ப்பட்டிருந்த தனது சகோதரரின் மனைவியுடன் மோட்டார் சைக்கிளில் மருத்துவமனைக்கு சென்றுவிட்டு வீடு திரும்பும் வழியில் மர்ம நபர் ஒருவரால் இவர் வழிமறிக்கப்பட்டுள்ளார்.

எவுங்கல்ல பகுதியில் மண் சரிவு ஏற்பட்ட இடத்தில் வைக்கப்பட்டிருந்த மரப்பலகையை வைத்து வீதியை மறைத்து மோட்டார் சைக்கிள் நிறுத்தப்பட்டுள்ளது.

போது, காட்டு பகுதியில் இருந்து வந்த இளைஞன் ஒருவன் நகைகளை பறித்துச் சென்றுள்ளார். இரண்டு பவுண் தங்க சங்கிலி மற்றும் ஒரு பவுண் எடையுள்ள தங்கப் பென்டன் ஆகியவையே இவ்வாறு திருடப்பட்டுள்ளதாக பொலிஸார் தெரிவித்தனர்.

வீதி வழியாக வரும் போது முச்சக்கர வண்டி ஒன்றில் வந்த நபர் தன்னைச் சந்தேகத்திற்கிடமான முறையில் முந்திச் சென்றதாக பாதிக்கப்பட்ட பெண் தனது முறைப்பாட்டில் குறிப்பிட்டுள்ளார். இச்சம்பவம் குறித்து கேகாலை பொலிஸார் குற்றப் புலனாய்வுப் பிரிவினர் மேலதிக விசாரணைகளை முன்னெடுத்து வருகின்றனர்.

உலக சந்தையில் வரலாற்று சாதனையை பதிவு செய்த தங்கத்தின் விலை : இலங்கையிலும் திடீர் மாற்றம்!!

சர்வதேச சந்தையில் தங்கத்தின் விலை வரலாறு காணாத உச்சத்தை எட்டியுள்ள நிலையில் இலங்கையிலும் ஒரே நாளில் இரண்டாவது முறையாக தங்கத்தின் விலை அதிகரித்துள்ளது.

அதன்படி, தங்கத்தின் விலை இன்று (21) 24 கரட் தங்கம் பவுண் ஒன்றுக்கு 10,000 ரூபாவால் அதிகரித்த நிலையில் இரண்டாவது முறையாக 24 கரட் தங்கம் பவுண் ஒன்றுக்கு 5,000 ரூபாவால் மீண்டும் அதிகரித்துள்ளது.

இதனடிப்படையில், 24 கரட் தங்கம் பவுண் ஒன்று தற்பொழுது 385,000 ரூபாவாகவும் 22 கரட் தங்கம் பவுண் ஒன்று 356,125 ரூபாவாகவும், விற்பனை செய்யப்படுகின்றது.

முதலாம் இணைப்பு

அமெரிக்க டொலரின் மதிப்பு வீழ்ச்சி காரணமாகத் தங்கத்தின் விலை வரலாறு காணாத உச்சத்தைத் தொட்டுள்ளது. சர்வதேச சந்தையில் ஒரு அவுன்ஸ் தங்கத்தின் விலையானது இன்று (21) 4,800 அமெரிக்க டொலர்களுக்கும் அதிகமாக உயர்ந்து வரலாற்று சாதனை அளவை தாண்டியுள்ளது.

 

நேற்றைய தின இறுதியில் 4,730 டொலர்களாகக் காணப்பட்ட தங்கம் விலை, இன்று ஆசிய வர்த்தக நேரத்தின் தொடக்கத்தில் 4,800 டொலர்களை கடந்து புதிய உச்சத்தை எட்டியுள்ளது.

உலகளாவிய பொருளாதாரச் சூழல் காரணமாக முதலீட்டாளர்கள் தங்கத்தை பாதுகாப்பான புகலிடமாக நாடுவதால் இந்த திடீர் விலை உயர்வு ஏற்பட்டுள்ளது.

இதேபோல், உலக சந்தையில் தங்கத்தின் விலை அதிகரிப்பிற்கு ஏற்ப இலங்கையிலும் தங்கத்தின் விலை அதிகரித்துள்ளது.

கொழும்பு செட்டியார் வீதி தங்க சந்தை வெளியிட்டுள்ள சமீபத்திய தரவுகளின்படி, இன்று காலை தங்கத்தின் மொத்த விலையில் 10,000 ரூபாய் அதிகரிப்பு ஏற்பட்டுள்ளது.

அதன்படி, இன்று, ஒரு பவுண் “22 கரட்” தங்கத்தின் விலை ரூ. 351,500 ஆகவும், “24 கரட்” தங்கத்தின் விலை இன்று ரூ. 380,000 ஆகவும் உயர்ந்துள்ளதாக தங்க சந்தை வட்டாரங்கள் தெரிவிக்கின்றன.

1...165166167...4,737Page 166 of 4,737