கடைசியாக கணவருக்கு அனுப்பிய மெசேஜ்

மேற்குவங்க மாநிலத்தில் காதல் திருமணம் செய்துகொண்ட இளம்பெண், அலுவலக கட்டிடத்தின் ஜன்னலில் இருந்து திடீரென வெளியில் குதித்து த ற்கொ லை செய்துகொண்டுள்ள சம்பவம் பரபரப்பை ஏற்படுத்தியுள்ளது.

மேற்குவங்க மாநிலத்தை சேர்ந்த ஜாஸ்மின் மித்ரா (28) என்கிற இளம்பெண் கடந்த 7 வருடங்களுக்கு முன் அனிருத்தா என்பவரை காதலித்து கலப்பு திருமணம் செய்துகொண்டார். ஜாஸ்மினுக்கு நீண்ட நாட்களாகவே குழந்தை பெற்றுக்கொள்ள வேண்டும் என்கிற ஆசை இருந்துள்ளது.

ஆனால் அவருடைய மருத்துவ நிலைமைகள் மற்றும் நிதி நெருக்கடி காரணமாக, ஒரு நிலையான மனநிலையில் இல்லை என கூறப்படுகிறது. 6 மாத காலம் அவருடைய கணவர் வேலை இல்லாமல் வீட்டில் இருந்ததால், நிதி நெருக்கடியை சமாளிக்க, மாமியார் வீட்டிலிருந்து வெளியேறி தன்னுடைய தாய் வீட்டில் வந்து தங்கியிருந்தார்.

இந்த நிலையில் அலுவலகத்திற்கு வந்த ஜாஸ்மின், என்னுடைய நிதி விவரங்கள் மற்றும் வங்கி பின் எண்களைப் பற்றித் உனக்கு தெரியுமா என கணவரின் வட்ஸ் ஆப் எண்ணிற்கு மெசேஜ் செய்துள்ளார். பின்னர் 7 மாடியில் அமைந்திருக்கும் தன்னுடைய அலுவலகத்தின் ஜன்னல் பகுதிக்கு சென்ற அவர் காலணிகளை கழற்றி வைத்துவிட்டு அங்கிருந்து சத்தமிட்டபடியே வெளியில் குதித்துள்ளார்.

இதனை கேட்டு அதிர்ச்சியடைந்த காவலாளி, ஜாஸ்மின் ர த்த வெள்ளத்தில் கிடப்பதை பார்த்து பொலிஸாருக்கு தகவல் கொடுத்துள்ளார். உடனடியாக மீட்கப்பட்டு மருத்துவமனை கொண்டு செல்லப்பட்ட அவர் சிகிச்சை பலனின்றி உயி ரிழந்தார். இந்த சம்பவம் தொடர்பாக பொலிஸார் மேற்கொண்ட விசாரணையில், கணவன் மனைவி இருவருமே மகிழ்ச்சியாக இருந்து வந்துள்ளதால் என்ன காரணம் என தெரியாமல் திகைத்துள்ளனர். மேலும், ஜாஸ்மின் செல்போனை கைப்பற்றி அதனை ஆராய்ந்து வருகின்றனர்.

கைவிட்ட தந்தை

இந்திய மாநிலம் கேரளாவில் கடும் வறுமையிலும் மீன் விற்றுக்கொண்டு இளைஞர் ஒருவர் பி.எச்.டி படித்திருப்பது அனைவரையும் நெகிழச் செய்துள்ளது. கேரளாவின் எர்ணாகுளம் மாவட்டத்திலுள்ள முவாற்றுபுழா பகுதியை சேர்ந்தவர் அஜித். 30 வயது இளைஞரான இவர் வறுமையிலும் போராடி பி.எச்.டி படித்துள்ளார்.

சினிமாக்களில் வருவது போல இவரது வாழ்க்கையும் சிறுவயது முதலே போராட்டமாக இருந்துள்ளது. ஆனால் அதையெல்லாம் தாண்டி தன்னம்பிக்கையுடன் முயற்சி செய்து வாழ்க்கையின் பாதை எட்டிப்பிடித்துள்ளார் அஜித். அஜித் பிறந்து மூன்று மாதங்கள் இருக்கும் போது, அவரது தாயை தந்தை விவாகரத்து செய்விட்டார்.

அதன்பின்னர் தன் மகனுக்காவே தனது வாழ்வை அர்பணித்துவிட்டார் அந்த தியாகத் தாய். அவரது உறவினர்கள் மறுமணம் செய்துகொள்ளச் சொன்னாலும் மகனுக்காக அதை மறுத்துவிட்டார்.

கடுமையான வறுமையில் பள்ளி பயின்ற அஜித் வீட்டில் மின்சார வசதியோ, தண்ணீர் வசதியோ இல்லை. குடும்பத்தின் சூழ்நிலை காரணமாக 8வது படிக்கும்போது மரம் ஏறும் வேலைக்கு சென்றார் அஜித்.

அவரது தாயார் அன்னாசி பழம் தோட்டத்தில் வேலைக்கு சென்றுள்ளார். இதையடுத்து 10வது படிக்கும்போது கல்குவாரிக்கு வேலைக்கு சென்றுள்ளார்.
அங்கு வேலை செய்யும் போதே மாலை நேரத்தில் பள்ளிக்கு அருகே மீன் விற்கும் தொழில் செய்துள்ளார்.

இதனால் பள்ளிக்கு செல்வதற்கு சங்கடப்பட்ட அவர் தனது படிப்பை நிறுத்திவிட்டார். அதன்பின்னர் தனது ஆசிரியர்கள் அளித்த தன்னம்பிக்கையால் 12ஆம் வகுப்பு தேர்வை எழுதிய அஜித், அதில் தேர்ச்சி பெற்றார்.

அவரது படிப்பு திறமையை பார்த்த அவரது ஆசிரியை ஜோபி, அஜித்தை டிகிரி படிக்குமாறு வலியுறுத்தியுள்ளார். அவர் அளித்த அந்த தன்னபிக்கை இன்று அஜித்தை பி.எச்.டி வரை கொண்டு வந்து நிறுத்தியுள்ளது.

இதற்கிடையே கல்லூரிகளில் படிக்கும்போது அஜித் ஆட்டோ ஓட்டிக்கொண்டே படித்தது குறிப்பிடத்தக்கது.

கால்பந்து தொடருக்கு தெரிவான தமிழச்சி

பிஃபா 17 வயதுக்கு உட்பட்டவர்களுக்கான பெண்கள் உலகக் கோப்பைக்கான இந்திய அணியில், தமிழகத்தைச் சேர்ந்த மாரியம்மாள் இடம்பெற்றுள்ளார். தமிழகத்தின் சேலம் மாவட்டம் சங்ககிரியை சேர்ந்தவர் பாலமுருகன். விசைத்தறி தொழிலாளியான இவரது மகள் மாரியம்மாள்.

நாமக்கல்லில் உள்ள அரசு பெண்கள் மேல்நிலைப் பள்ளியில் 12ஆம் வகுப்பு பயின்று வரும் இவருக்கு, இளம் வயதில் இருந்தே கால்பந்தாட்டத்தின் மீது ஆவல் இருந்துள்ளது. அதன் விளைவாக நாமக்கல்லில் உள்ள கால்பந்தாட்ட விளையாட்டு விடுதியில் சேர்ந்தார் மாரியம்மாள். துவக்கத்தில் மாவட்ட அளவிலான போட்டிகளில் சிறப்பாக விளையாடி வந்த இவர், மாநில அளவிலான அணியில் இடம்பிடித்தார்.

இதன்மூலம் தமிழ்நாடு அணியில் பங்கேற்று, தேசிய அளவிலான போட்டிகளில் பல வெற்றிகள் பெற காரணமாக அமைந்தார். இந்நிலையில், 17 வயதுக்குட்பட்டோருக்கான பிஃபா உலகக்கோப்பை தொடருக்கான இந்திய அணியில் மாரியம்மாள் இடம்பிடித்துள்ளார். இந்த தொடர் அடுத்த ஆண்டு நடைபெற உள்ளது.

இதுகுறித்து மாரியம்மாள் கூறுகையில், ‘எனது அண்ணன் இளம் வயது முதலே கால்பந்தாட்ட வீரராக விளங்கியதை கண்டு, எனக்கு கால்பந்தின் மீது அதிக ஆர்வம் ஏற்பட்டது. இதனைத் தொடர்ந்து, நான் நாமக்கல்லில் உள்ள தமிழக அரசின் தமிழ்நாடு விளையாட்டு மேம்பாட்டு ஆணைய விடுதியில், கடந்த 5 ஆண்டுகளாக பயிற்சி பெற்று விளையாடி வருகிறேன்.

மேலும், எனது பயிற்சியாளர் கோகிலா அளித்த பல்வேறு தொழில்நுட்ப பயிற்சியின் வாயிலாக மாவட்ட, மாநில அளவில் சிறப்பாக விளையாடினேன். அதன் விளைவாக அடுத்தாண்டு இந்தியாவில் நடைபெறும் 17 வயதிற்கு உட்பட்டோருக்கான கால்பந்தாட்ட போட்டிகளில் இந்திய அணிக்கு தேர்வு செய்யப்பட்டுள்ளேன். நான் தொடர்ந்து சிறப்பான பயிற்சி மேற்கொண்டு, இந்தியாவிற்காக சிறப்பாக விளையாடுவேன் என்று நம்பிக்கை உள்ளது’ என தெரிவித்துள்ளார்.

கொத்தடிமையாக இருந்த குடும்பத்தினர் மீட்பு

நாமக்கல் மாவட்டத்தில் 70 ஆயிரம் கடன் தொகைக்காக 24 ஆண்டுகள் கொத்தடிமையாக வேலை செய்து வந்த குடும்பத்தினரை அதிகாரிகள் பத்திரமாக மீட்டுள்ளனர். நாமக்கல் மாவட்டத்தில் உள்ள இரண்டு செங்கல் சூளைகளில் ஒப்பந்த அடிப்படையில் 10 பேர் பல வருடங்களாக கொத்தடிமைகளாக வேலை செய்து வருகின்றனர் என, ஒரு தன்னார்வ தொண்டு நிறுவன ஊழியர் மாவட்ட ஆட்சியருக்கு தகவல் கொடுத்தார்.

அதன்பேரில் பொலிஸாருடன் அங்கு விரைந்த அதிகாரிகள் 3 குழந்தைகள் உட்பட 10 பேரையும் மீட்டெடுத்தனர். அவர்களிடம் மேற்கொள்ளப்பட்ட விசாரணையில், 70,000 கடன் தொகைக்காக ஒரே குடும்பத்தை சேர்ந்த 4 பேர் 24 வருடங்கள் கொத்தடிமையாக வேலை செய்துள்ளனர்.

3 குழந்தைகள் உட்பட ஒரே குடும்பத்தை சேர்ந்த 6 பேர் ரூ.1.5 லட்சம் கடன் தொகைக்காக ஒரு வருடம் கொத்தடிமையாக இருந்துள்ளனர். மேலும், அவர்களை கொடுமைப்படுத்தி 24 மணி நேரம் தொடர்ந்து வேலை செய்யுமாறும் அதன் உரிமையாளர் வற்புறுத்தியுள்ளார் என்பது தெரியவந்துள்ளது. இந்த நிலையில் சம்பவம் தொடர்பாக அதிகாரிகள் விசாரணை மேற்கொண்டு வருகின்றனர்.