அச்சத்தில் உறவினர்கள்

பாம்பன் வடக்கு கடற்கறை பகுதியில் இருந்து மீன்பிடிக்கச் சென்ற நான்கு மீனவர்கள் தொடர்பில் மூன்று நாட்களாகியும் எந்தவித தகவலும் கிடைக்காமையினால் மீனவர்களின் உறவினர்களிடையே அச்சம் ஏற்பட்டுள்ளது.

பாம்பன் வடக்கு மீன்பிடி துறைமுகத்தில் இருந்து நேற்று முன்தினம் 60இற்கும் குறைவான நாட்டுபடகுகளில் மீனவர்கள் மீன்பிடிக்கச் சென்றுள்ளனர். இவர்கள் மீன்பிடித்துவிட்டு வழக்கம் போல் மறுநாள் காலை கறைத் திரும்ப வேண்டிய நிலையில் இன்று வரை நான்கு மீனவர்கள் கறை திரும்பவில்லை.

ஸ்டீபன், அந்தோனி, வின்சன்ட், சின்தாஸ் ஆகிய நான்கு மீனவர்களே இவ்வாறு கரை திரும்பவில்லை எனத் தெரியவந்துள்ளது. இதனையடுத்து திரும்பாத மீனவர்களை மீன்துறை அதிகாரிகளிடம் அனுமதி பெற்று கடந்த இரண்டு நாட்களாக சக மீனவர்கள் தேடி வருகின்றனர். ஆனால், மாயமான மீனவர்கள் நிலை குறித்து இதுவரை தகவல்கள் கிடைக்கவில்லை என தெரிவிக்கப்படுகின்றது.

மேலும் மூன்று நாட்களாக கரை திரும்பாத மீனவர்களை பத்திரமாக உயிரோடு மீட்டுத் தர மத்திய மாநில அரசுகள் நடவடிக்கை எடுக்க வேண்டும் என மீனவ சங்க அமைப்புகள் மற்றும் உறவினர்கள் கோரிக்கை விடுத்துள்ளனர். கடலுக்கு மீன் பிடிக்க சென்று கடல் சீற்றத்தால் மீனவர்கள் கடலில் காணமல் போன சம்பவம் மீனவ கிராமங்கள் இடையே பெரும் சோகத்தை ஏற்படுத்தியுள்ளது.

நள்ளிரவில் நடந்த சம்பவம்

உத்தரபிரதேசத்தில் திருமணமானதை மறைத்த இளம்பெண்ணை அவர் குடும்பத்தார் சுட் டு கொ ன்ற சம்பவம் பெரும் பரபரப்பை ஏற்படுத்தியுள்ளது. உத்தரபிரதேச மாநிலத்தின் நொய்டாவை சேர்ந்தவர் நிஷா. இவர் சுனில் என்பவரை காதலித்து வந்த நிலையில் கடந்தாண்டு ஜூன் மாதம் வீட்டுக்கு தெரியாமல் திருமணம் செய்து கொண்டார்.

இந்நிலையில் தனக்கு திருமணமான விடயத்தை சில மாதங்களுக்கு முன்னர் குடும்பத்தாரிடம் நிஷா கூறினார். ஆனால் நிஷாவும், சுனிலும் தூரத்து உறவினர்கள் என்பதால் நிஷா குடும்பத்தார் இந்த திருமணத்தை ஏற்க முடியாது என கூறிவிட்டனர். இந்நிலையில் நேற்றிரவு நிஷா தனது வீட்டு மொட்டை மாடியில் சென்று தனியாக படுத்தார்.

அப்போது நள்ளிரவில் அங்கு வந்த குடும்பத்தாருக்கும் அவருக்கும் சண்டை ஏற்பட்ட நிலையில் திடீரென அவரை யாரோ துப் பாக்கியால் சுட் டுள்ளனர். பின்னர் சம்பவம் குறித்து தகவலறிந்து அங்கு வந்த பொலிசார் உயி ருக்கு போரா டிய நிஷாவை மருத்துவமனைக்கு தூக்கிச்சென்ற நிலையில் அவர் ஏற்கனவே உயிரி ழந்துவிட்டது தெரியவந்தது.

இதையடுத்து சம்பவம் தொடர்பாக பொலிசார் விசாரணையை தொடங்கினார். நிஷா கணவர் சுனில் கூறுகையில், நிஷா தந்தை என்னிடம், நான் சொந்த வீடு கட்டினால் நிஷாவுடன் வாழ அனுமதிப்பதாக கூறினார். ஆனால் நான் அதை செய்தும் அவர் குடும்பத்தார் எங்களை வாழ அனுமதிக்கவில்லை.

நிஷாவின் பெற்றோர், சகோதரர்கள் தான் அவளை கொன்றுவிட்டதாக கூறினார். பொலிசார் கூறுகையில், நிஷாவுக்கு சுனில் தூரத்து உறவினர் ஆவார், இதனால் தான் நிஷா குடும்பத்தார் அவர் திருமணத்தை ஏற்கவில்லை. சம்பவம் தொடர்பாக 8 பேர் மீது வழக்குப்பதிவு செய்து விசாரித்து வருகிறோம் என கூறியுள்ளனர்.

இளம்பெண்ணின் புதிய முயற்சி

மதம் மாறி திருமணம் செய்துகொண்டதால் இந்தியா முழுக்க பரபரப்பாக பேசப்பட்ட இளம்பெண் ஹாதியா கேரள மாநிலம் மலப்புரம் மாவட்டத்தில் மருத்துவமனை தொடங்கியுள்ளார்.

இந்தியாவின் கேரள மாநிலத்தைச் சேர்ந்த இளம்பெண் ஹாதியா, தமிழகத்தில் உள்ள சேலம் ஓமியோபதி கல்லூரியில் படித்து வந்தார். அப்போது அவர் கேரளாவை சேர்ந்த ஷெபின் ஜஹான் என்பவரை காதலித்து திருமணம் செய்து கொண்டார்.

இதையடுத்து பெண்ணின் தந்தை அசோகன் தனது மகளை வலுக்கட்டாயமாக திருமணம் செய்து வைத்துள்ளனர் என்று கேரளா உயர் நீதிமன்றத்தில் வழக்கு தொடர்ந்தார். வழக்கை விசாரித்த நீதிமன்றம் திருமணத்துக்கு தடை விதித்தது.

இவர்கள் காதல் திருமணம் நாடு முழுவதும் பெரும் பரபரப்பையும், எதிர்பார்ப்பையும் ஏற்படுத்தியது. இந்த நிலையில் ஹாதியா உச்ச நீதிமன்றத்தில் வழக்கு தொடர்ந்தார். அதில் என்னை யாரும் கட்டாயப்படுத்தவில்லை.

எனது விருப்பத்தின் பேரில் காதலித்து திருமணம் செய்து கொண்டேன். எனது திருமணத்தை அங்கீகரித்து பாதுகாப்பு வழங்க வேண்டும் என்று முறையிட்டார். வழக்கை விசாரித்த நீதிமன்றம் ஹாதியா, ஷெபின் ஜஹான் திருமணத்தை அங்கீரித்தது. மேலும் சேலத்தில் படிப்பு முடியும் அவரை அவருக்கு பாதுகாப்பு வழங்கவும் உத்தரவிட்டது.

இந்நிலையில் மருத்துவ படிப்பை முடித்த ஹாதியா கேரள மாநிலம் மலப்புறத்தில் உள்ள ஒட்டுகுங்கலில் கிளினிக் தொடங்கினார். அந்த கிராம பஞ்சாயத்து தலைவர் கிளினிக்கை திறந்து வைத்தார். தனது மனைவி மருத்துவமனை தொடங்கியது குறித்து அவரது கணவர் ஷெபின் ஜஹான் வாழ்த்து தெரிவித்துள்ளார்.

சதி அம்பலம்

தமிழகத்தின் சத்தியமங்கலம் அருகே தாளவாடி மலைப்பகுதியில் குடிசை தீப்பிடித்து எரிந்து, தாய் மகள் கொல் லப்பட்ட சம்பவத்தில் திடீர் திருப்பம் ஏற்பட்டுள்ளது. இந்த விவகாரம் தொடர்பாக 4 பெண்கள் உட்பட அவர்களின் 7 உறவினர்களை தாளவாடி பொலிசார் கைது செய்துள்ளதில், இந்த சதியின் பின்னணி அம்பலமாகியுள்ளது.

ஈரோடு மாவட்டம் சத்தியமங்கலம் அடுத்துள்ள தாளவாடி மலைப்பகுதி கிராமத்தைச் சேர்ந்தவர் 40 வயதாகும் ராஜம்மாள். கணவர் நாகண்ணா கடந்த சில ஆண்டுகளுக்கு முன்பு இறந்துவிட்டதால் ராஜம்மாள் விவசாயக் கூலி வேலை செய்து வந்துள்ளார்.

இவருக்கு மாதேவ பிரசாத்(20) என்ற மகனும் கீதா(18) என்ற மகளும் உள்ளனர். ராஜம்மாள் தனது மகள் மற்றும் மகனுடன், அதே ஊரில் உள்ள தனது தாய் தந்தை வசித்து வந்த வீட்டில் இருந்தபடி கூலி வேலைக்கு சென்று வந்தார். இதனிடையே கடந்த 10 நாட்களுக்கு முன்பு ராஜம்மாள், அதே ஊரில் ஒதுக்குப்புறமாக உள்ள தனது இடத்தில் தனியாக குடிசை அமைத்து குடியேறியுள்ளார்.

மகன் மாதேவ பிரசாத் கடந்த 3 தினங்களுக்கு முன்பு கேரளாவிற்கு வேலைக்கு செல்வதாக கூறிவிட்டு சென்றுவிட்டார். இந்நிலையில் ராஜம்மாளின் குடிசை வீடு முற்றிலும் தீப்பிடித்து எரிந்த நிலையில் ராஜம்மாள், கீதா இருவரும் தீயில் கருகி சம்பவ இடத்திலேயே உயிரி ழந்தனர்.

இது குறித்து தகவல் அறிந்த தாளவாடி பொலிசார் சம்பவ இடத்திற்கு சென்று விசாரித்தபோது இருவரின் உடல்களும் தீயில் கருகிய நிலையில் இருந்தது. இதனால் சம்பவ இடத்தில் வைத்து பிரேத பரிசோதனை மேற்கொள்ளப்பட்டது. இந்த வழக்கு தொடர்பாக உயிரிழந்தவர்களின் உறவினர்களை சந்தேகத்தின் அடிப்படையில் பொலிசார் விசாரித்துள்ளனர்.

அப்போது சொத்து பிரச்னை காரணமாக குடிசை வீட்டில் தீ வைத்து இருவரும் கொல் லப்பட்டது தெரியவந்தது. இது தொடர்பாக ராஜம்மாளின் தந்தை, ராஜம்மாளின் தாயார் சிவமல்லம்மா, ராஜம்மாளின் மாமியார் தொட்டமாதம்மா, ராஜம்மாளின் தம்பி பிரேஸ்,

உறவினர்கள் மாதேவம்மா, நாகரத்தினா, லிங்கராஜ் ஆகியோர் கைது செய்யப்பட்டனர். உயி ரிழந்த ராஜம்மாள், கீதாவுக்கு சொந்தமான 4 ஏக்கர் நிலத்தை அபகரிக்க தீவைத்து கொல்லப்பட்டதாக வாக்குமூலத்தில் அவர்கள் தெரிவித்துள்ளது குறிப்பிடத்தக்கது.

தாயை கண்டு அதிர்ந்த மகன்

தமிழகத்தில் வீட்டில் தனியாக இருந்த பெண் கழு த்தறுத்து கொல் லப்பட்டதாக முதலில் கூறப்பட்ட நிலையில் அது தற் கொ லை என தற்போது தெரியவந்துள்ளது. ஊட்டியை சேர்ந்தவர் உமா. இவர் தனது கணவர் பசுவராஜுடன் வசித்து வந்த நிலையில் கருத்துவேறுபாட்டால் கணவரை சில காலத்துக்கு முன்னர் பிரிந்தார்.

இதையடுத்து தனது மகன்களான உமாசங்கர் மற்றும் அபிஷேக்குடன் வசித்து வந்தார். உமாசங்கருக்கு கோவையில் வேலை கிடைத்ததால் அங்கு சென்றுவிட்டார். இளைய மகன் அபிஷேக் தனியார் காட்டேஜ் ஒன்றில் பார்ட் டைம் வேலை இரவு நேரங்களில் பார்க்கிறார்.

இந்நிலையில் வழக்கம்போல, 2 தினங்களுக்கு முன்பு வேலைக்கு சென்றுவிட்டு, மறுநாள் காலை அபிஷேக் வீட்டுக்கு வந்தார். அப்போது உமாவின் கழு த்து அறு பட்டு, சடலமாக கிடப்பதை கண்டு அலறினார். உடனடியாக இது குறித்து அவர் பொலிசாருக்கு தகவல் சொல்ல, மோப்ப நாயுடன் விசாரணை ஆரம்பமானது.

வீட்டிற்குள் எந்த பொருளுமே திருடு போகவில்லை என்பதால், இந்த கொ லையை கொள்ளையர்கள் செய்திருக்க வாய்ப்பில்லை என்பது தெரிய வந்துள்ளது. ஆனால் படுக்கையறையில் உமாவின் ரத் தக்கறை இருந்தது பல சந்தேகத்தை ஏற்படுத்தியது.

இதையடுத்து இது கொ லை வழக்காகவே பார்க்கப்பட்டது. இந்நிலையில் உமா எழுதிய கடிதம் நேற்று கைப்பற்றப்பட்டது. அதில், நான் தனிமையில் வாழ விரும்பவில்லை, என் தற் கொ லைக்கு யாரும் காரணம் இல்லை. மகன்கள் இருவரையும் உறவினர்கள் பார்த்துக்கொள்ளுமாறு கேட்டுக்கொள்கிறேன் என எழுதப்பட்டுள்ளது. இது தொடர்பாக பொலிசார் மேலும் விசாரணை நடத்தி வருகிறார்கள்.

நேர்ந்த கொடுமை

மனைவியின் நடத்தையில் ஏற்பட்ட சந்தேகத்தால் ஒன்றுமே அறியாத தன்னுடைய 3 குழந்தைகள் மற்றும் மனைவியை கொ ன்றுவிட்டு கணவனும் த ற்கொ லை செய்துகொண்டுள்ள சம்பவம் பரபரப்பை ஏற்படுத்தியுள்ளது. உத்திரப்பிரதேச மாநிலத்தை சேர்ந்தவர் பிரதீப் குமார் (37). இவருக்கு சங்கீதா (35) என்கிற மனைவியும், மானஸ்வி (8), யஷ்வி (5) மற்றும் ஓஜாஸ்வி (3) என்கிற மூன்று மகள்கள் உள்ளனர்.

மது போதைக்கு அடிமையாக இருந்த பிரதீப் கடந்த ஒரு மாதமாக வேலைக்கு செல்லாமல் வீட்டில் வெட்டியாக இருந்து வந்துள்ளார். இதனை அவருடைய மனைவி சங்கீதா கடுமையாக எதிர்த்து வந்துள்ளார். அதோடு அல்லாமல் பிரதீப் தன்னுடைய மனைவியின் நடத்தையில் சந்தேகமடைந்து சண் டையிட்டு வந்துள்ளார்.

இந்த நிலையில் அதிகாலை 4.30 மணிக்கு பிரதீப் குடும்பத்தினர் தங்கியிருந்த அறையிலிருந்து ஒரு மாதிரியான சத்தம் வந்துள்ளது. இதனால் சந்தேகமடைந்த பிரதீப்பின் தந்தையும், சகோதரி ரீனா அறையை திறந்து பார்த்த போது ஓரத்தில் பிரதீப் செல்போன் பயன்படுத்தி கொண்டிருந்துள்ளார்.

பின்னர் இரண்டு பெரும் உறங்க சென்றுவிட்டனர். 10 நிமிடங்கள் கழித்து குழந்தைகள் கதறும் சத்தம் அறையிலிருந்து கேட்டுள்ளது. உடனே இருவரும் அறையை திறக்க முயன்றுள்ளனர். மனைவியுடன் பேசிக்கொண்டிருக்கிறேன் என கூறி பிரதீப் அறையை திறக்க மறுத்துள்ளார்.

அடுத்த சில நிமிடங்களில் அறையிலிருந்து எந்த சத்தமும் இல்லத்தில் அமைதியாக இருந்தது. இதற்கிடையில் சம்பவம் அறிந்து வந்த பொலிஸார் கதவை திறந்து பார்த்த போது, சத்தம் வெளியில் கேட்கக்கூடாது என்பதற்காக அனைவரின் வாயிலும் பேண்டேஜ் போடப்பட்டிருந்தது.

பலத்த காயங்களுடன் சங்கீதா மற்றும் அவருடைய கடைசி மகள் மட்டும் உயி ருக்கு போராடி கொண்டிருத்துள்ளனர். இதனையடுத்து அவர்களை வேகமாக மீட்ட பொலிஸார் மருத்துவமனைக்கு அனுப்பி வைத்தனர்.

ஆனால் இருவரும் உயிரி ழந்துவிட்டதாக மருத்துவர்கள் தெரிவித்துள்ளார். இந்த சம்பவமானது அப்பகுதியில் பெரும் பரபரப்பை ஏற்படுத்தியிருக்கும் நிலையில், கடிதம் ஒன்றினை கைப்பற்றி பொலிஸார் விசாரணை மேற்கொண்டு வருகின்றனர்.

பெண்ணின் சோகக் கதை

பசி நேரத்தில் சூடாக பிரியாணி சாப்பிட நினைத்த பெண்ணிடம் இருந்து 40 ஆயிரம் ரூபாய் பறிக்கப்பட்ட சம்பவம் பிரியாணி பிரியர்கள் மத்தியில் அதிர்ச்சியை ஏற்படுத்தியுள்ளது.

சிக்கன் பிரியாணி, மட்டன் பிரியாணி, ஒரு கிலோ பிரியாணி என எந்த பிரியாணியை ஆர்டர் செய்தாலும் அதன் மதிப்பு 300 ரூபாயை தாண்டாது. ஆனால் சென்னையை சேர்ந்த கல்லூரி மாணவி பிரியா ஒரு பிளேட் பிரியாணியை ரூ. 40 ஆயிரம் கொடுத்து வாங்கியுள்ளார் என்றால் உங்களால் நம்ப முடிகிறதா?

சென்னை சவுகார்பேட்டை பகுதியை சேர்ந்தவர் பிரியா இவர் நேற்று முன் தினம் ஆன்லைனில் ஹைதராபாத் பிரியாணியை ஆர்டர் செய்துள்ளார். பிரியாணிக்கான பணம் 76 ரூபாயையும் ஆன்லைன் மூலம் செலுத்தியுள்ளார்.

இந்நிலையில், ஆர்டர் செய்யப்பட்ட பிரியாணி கேன்சல் செய்யப்பட்டுள்ளது. பின்னர், சம்பந்தப்பட்ட தனியார் நிறுவனத்திடம் தொலைபேசியில் தொடர்பு கொண்டு, தனது பணத்தை திரும்ப கேட்டுள்ளார். அப்போது, தொலைபேசியில் பேசியவர், 76 ரூபாய் பெரிய தொகை இல்லை என்பதால், 5 ஆயிரம் ரூபாயை செலுத்தமாறு கேட்டுக்கொண்டுள்ளார். அவ்வாறு செலுத்தினால், 5 ஆயிரத்து 76 ரூபாயாக உங்கள் அக்கவுன்ட்-ல் டெபாசிட் செய்யப்படும் எனவும் தெரிவித்துள்ளார்.

இதை நம்பிய பிரியா, 5 ஆயிரம் ரூபாயை செலுத்தியுள்ளார். அதன் பிறகு, மீண்டும் பிரியாவை தொடர்பு கொண்ட அந்த நபர், உங்கள் கைப்பேசிக்கு வரும் ஓடிபி நம்பரை கூறுமாறு கேட்டுக்கொண்டுள்ளார்.

ஓடிபி நம்பரை தெரிவித்த பிரியா, இதேபோல், 8 முறை 5 ஆயிரம் ரூபாயை செலுத்த, பிரியாணிக்கு பதிலாக செலுத்த வேண்டிய பணம் 40 ஆயிரம் ரூபாயாக உயர்ந்துள்ளது. இருப்பினும், பிரியாணியும் வரவில்லை, பிரியாணிக்காக செலுத்திய பணமும் வந்தபாடில்லை. இதன் பின்னர் தான், தான் ஏமாற்றப்பட்டதை உணர்ந்த பிரியா, செய்வதறியாமல் திகைத்து நின்றுள்ளார். இதனையடுத்து, வடபழனி காவல் நிலையத்திற்கு சென்ற பிரியா நடந்த நிகழ்வுகளை எடுத்துரைத்துள்ளார்.