விமானத்தில் திருட்டுப் பயணம்

விமானத்தின் சக்கரம் அமைந்துள்ள பகுதியில் ஒளிந்திருந்து லண்டனுக்கு திருட்டுப் பயணம் மேற்கொண்ட இளைஞரின் இன்றைய நிலை குறித்து தகவல் வெளியாகியுள்ளது. கடந்த 1996 ஆம் ஆண்டு அக்டோபர் மாதம், இந்தியாவில் இருந்து இரு சகோதரர்கள் திருட்டுத்தனமாக ஒரு பிரிட்டிஷ் ஏர்வேஸ் விமானத்தின் சக்கரம் அமைந்துள்ள பகுதியில் ஒளிந்திருந்து பிரித்தானியாவுக்குள் நுழைய திட்டமிட்டனர்.

அப்போது 22 வயதான பர்தீப் சைனி மற்றும் அவரது சகோதரர் 19 வயதான விஜய் ஆகிய இருவருமே, போயிங் 747 ரக ராட்சத விமானத்தில் திருட்டுப் பயணம் மேற்கொண்டவர்கள். 40,000 அடி உயரத்தில், -60C வெப்பநிலையில் சுவாஸிக்க ஆக்ஸிஜன் கூட அரிதான அந்த குட்டி அறையில் இந்த இரு இளைஞர்களும் சாகச பயணம் மேற்கொண்டனர்.

இந்திய தலைநகர் டெல்லியில் இருந்து லண்டனின் ஹீத்ரோ வரையான இந்த 11 மணி நேர சாகச பயணத்தில் பர்தீப் வெற்றி கண்டாலும் அவரது சகோதரர் விஜய் மரணமடைந்தார். விமானம் தரையிறங்கி சில மணி நேரங்களில் ஓடு தளத்தில் காலூன்றிய பர்தீப் குழப்பத்தில் இருந்துள்ளார். அவரை மீட்ட அங்குள்ள ஊழியர்கள் உடனடியாக மருத்துவமனைக்கு அனுப்பி வைத்துள்ளனர்.

தொடர்ந்து தீவிர சிகிச்சைக்கு பின்னர் அவரை தடுப்பு காவல் முகாமுக்கு அனுப்பி வைத்துள்ளனர். அங்கேயே தமது சகோதரர் விஜய் இறந்த தகவலை அதிகாரிகள் தெரிவித்துள்ளனர். அந்த கொடூரமான நிலையில் விஜய் தாக்குப்பிடிக்க முடியாமல் இறந்திருக்கலாம் என கூறப்படுகிறது.

விமானம் தரையிறங்க சக்கரங்களுக்கான பெட்டி திறக்கும்போது, தரையில் இருந்து 2,000 அடி உயரத்தில் இருந்து விஜயின் சடலம் விமானத்தில் இருந்து கீழே விழுந்துள்ளது. பின்னர் 5 நாட்கள் கடந்த பின்னரே ரிச்மண்ட், சர்ரே பகுதியில் இருந்து விஜய்யின் சடலத்தை மீட்டுள்ளனர். பர்தீப் கூட விமானம் புறப்பட்டு சில நிமிடங்களில் மயக்க நிலைக்கு சென்றுள்ளதாக அப்போது தெரிவித்திருந்தார்.

தற்போது வெம்ப்லி, வடக்கு லண்டன் பகுதியில் குடியிருக்கும் பர்தீப் சைனி நீண்ட சட்டப் போராட்டத்திற்கு பின்னரே பிரித்தானியாவில் குடியிருக்க அனுமதிக்கப்பட்டுள்ளார். மட்டுமின்றி, திருமணம் செய்து கொண்டு, இரண்டு பிள்ளைகளுக்கு தந்தையான பர்தீப் சைனி, அவர் திருட்டுத்தனமாக நுழைந்த அதே ஹீத்ரோ விமான நிலையத்திலேயே சாரதியாக பணியாற்றி வருகிறார்.

தொல்லை கொடுத்த சாமியார்

மதுரையில் மருந்து தடவி பாலி யல் தொல்லை கொடுத்ததாக சாமியார் உள்பட 4 பேர் மீது பெண் பொலிஸார் புகார் கொடுத்துள்ளார். மதுரையை சேர்ந்த 29 வயதான சந்தான லட்சுமி என்கிற பெண் பொலிஸார் தல்லாகுளம் காவல்நிலையத்தில் பணிபுரிந்து வருகிறார்.

இவருக்கும், சீனிவாச பெருமாள் என்பவருக்கும் கடந்த 2007–ம் ஆண்டு திருமணம் முடிந்து ஒரு பெண், ஒரு ஆண் என இரண்டு குழந்தைகள் உள்ளனர். கணவன்- மனைவி இருவருக்குள்ளும் ஏற்பட்ட கருத்து வேறுபாடு காரணமாக 9 மாதங்கள் பிரிந்து வாழ்ந்து வருகின்றனர். இதனால் அவருடைய கணவர் விவாகரத்து கேட்டு நோட்டீஸ் அனுப்பியிருந்தார்.

அதனை தீர்த்து வைப்பதற்காக தனது சமூகத்தை சேர்ந்த தலைவர் ஒருவரான பூமிநாதன் என்பவரின் உதவியை சந்தான லட்சுமி நாடியுள்ளார். இதனை சாதகமாக பயன்படுத்திக்கொண்ட பூமிநாதன், ஆறுமுகம் என்பவருடன் சேர்ந்து ஒரு லட்சம் ரூபாய்க்கு மேலாக பணம் பெற்றுள்ளார். இந்நிலையில் சாமியார் உள்பட 3 பேர் தனக்கு பாலி யல் தொல்லை கொடுத்ததாக சந்தான லட்சுமி மதுரை மாநகர காவல் ஆணையர் அலுவலகத்தில் புகார் மனு அளித்துள்ளார்.

அந்த மனுவில், கேரளாவை சேர்ந்த ஜோதி என்கிற சாமியார் பூஜை நடத்தினால், கணவருடன் இருக்கும் பிரச்னை சரியாகிவிடும் என பூமிநாதன் கூறியிருந்தார். இதற்காக நான் என்னுடைய கணவரின் சட்டை, காலடி மண் ஆகியவற்றை எடுத்துக்கொண்டு அவர்கள் கூறிய இடத்திற்கு சென்றேன்.

நாங்கள் நான்கு பேரும் காரில் சென்றுகொண்டிருந்த சமயத்தில் சாமியார் ஒருவிதமான மையை என் மீது தடவினார். இதனால் நான் மயக்கமடைந்து விட்டேன். பின்னர் விழித்து பார்த்தபோது என்னுடைய ஆடைகள் கலைந்திருந்தன.

நான் பாலி யல் ரீதியாக துன்புறுத்தப்பட்டிருப்பதை பார்த்து அதிர்ச்சியடைந்ததும், பூமிநாதனுடன் சண்டையிட்டு அங்கிருந்து வந்துவிட்டேன். அப்போது பூமிநாதனின் தந்தை எனக்கு போன் செய்து, இந்த சம்பவம் குறித்து வெளியில் கூறினால், கஞ் சா வியாபாரிகளை வைத்து என்னை கொ லை செய்துவிடுவதாக மிரட்டினார் என குறிப்பிட்டுள்ளார்.

இந்த மனுவை பெற்றுக்கொண்ட மாநகர காவல் ஆணையர், இதுகுறித்து விசாரணை நடத்தி சம்மந்தப்பட்டவர்கள் மீது உரிய நடவடிக்கை எடுக்கப்படும் என தெரிவித்துள்ளார்.

துபாயில் வீட்டில் அடைத்து வைத்து சித் ரவதை செய்யப்பட்ட தமிழக பெண்கள் இரண்டு பேர் பத்திரமாக மீட்கப்பட்டுள்ளனர்.

தமிழகத்தை சேர்ந்த ராதாகிருஷ்ணன் என்பவரின் மனைவி வீரம்மாள் (28). இந்த தம்பதியினருக்கு 14 வயதில் மகள் உள்ளார். ராதாகிருஷ்ணன் வேலை இல்லாமல் வீட்டில் இருந்ததால், குடும்பத்தை வறுமை சோதித்து பார்த்துள்ளது.

இந்த நேரத்தில் வீரம்மாளை தொடர்பு கொண்ட ஒரு பெண் ஏஜென்ட், துபாயில் சமையல் வேலை வாங்கி தருகிறேன். கைநிறைய சம்பளம் என ஆசை வார்த்தை கூறியுள்ளார்.
அதில் மயங்கிய வீரம்மாள் சுற்றுலா விசாவில் அவருடன் துபாய்க்கு சென்றுள்ளார்.

அங்கு பல்வேறு வீடுகளில் வேலை செய்த வீரம்மாள் மாதம் 900 திர்ஹாம் (இந்திய மதிப்பில் சுமார் 17 ஆயிரம் ரூபாய்) சம்பளமாக பெற்றுள்ளார். வீரம்மாளின் பாஸ்போர்ட்டை வாங்கி வைத்துக்கொண்ட பெண் ஏஜென்ட், தினமும் காலை 3 மணி முதல் நள்ளிரவு 12 மணி வரை வேலை செய்யுமாறு கொடுமைப்படுத்தியுள்ளார்.

இதனால் உடல்நிலை சரியில்லாமல் போன வீரம்மாளை கண்டுகொள்ளாமல் தொடர்ந்து வேலை செய்ய வற்புறுத்தி வந்துள்ளார். அங்கு ஒரு வீட்டினுள் பல பெண்களுடன் சேர்த்து வீரம்மாளையும் அடைத்து வைத்து சித் ரவதை செய்ய ஆரம்பித்துள்ளார்.

இதற்கிடையில் இந்திய ஓட்டுநர் ஒருவரின் உதவியுடன் அங்கிருந்து தப்பிய வீரம்மாள், இந்திய தூதரகத்தில் தஞ்சம் புகுந்து தனக்கு நடந்த கொடுமை பற்றி கூறியுள்ளார். தூதரக அதிகாரி ஸ்மிதா பாண்ட் தலைமையிலான குழு வீரம்மாளுக்கு தேவையான உதவிகளை செய்தனர்.

இந்த சம்பவம் அறிந்த ஏஜென்ட் அங்கிருந்து தப்பி தமிழகத்திற்கு தப்பி ஓடிவந்துள்ளார். அவரை கண்டுபிடிப்பதற்கான வேலைகளில் அதிகாரிகள் ஈடுபட்டு வருகின்றனர். அதேபோன்று பாதிக்கப்பட்ட மற்ற பெண்களையும் மீட்க அமீரக அரசு உதவியை அதிகாரிகள் நாடியுள்ளனர்.

இந்த நிலையில் வீரம்மாளுடன் சேர்ந்து தமிழகத்தை சேர்ந்த லோகேஷ்வரி என்கிற பெண்ணும் மீட்கப்பட்டுள்ளனர். விரைவில் இருவரும் தமிழகத்திற்கு அனுப்பி வைக்கப்படுவார்கள் என அதிகாரிகள் தெரிவித்துள்ளனர்.

4 பேரைத் தேடும் பொலிஸ்

தமிழகத்தின் கன்னியாகுமரி மாவட்டத்தில் பைக்கில் சென்ற இரண்டு இளைஞர்களை வெ ட்டி கொ லை செய்த 4 பேர் கொண்ட கும்பல் குறித்து பொலிசார் விசாரணை மேற்கொண்டு வருகின்றனர். கொ லையாளிகள் விட்டுச் சென்ற பைக்கை கைப்பற்றிய பொலிசார் சந்தேகத்தின் பேரில் 3 பேரை பிடித்து விசாரித்துவருவதாக தகவல் வெளியாகியுள்ளது.

கன்னியாகுமரி மாவட்டம் தென்தாமரைகுளம் பகுதியை சேர்ந்த அஜித்(19) என்பவரும் வண்டி குடியிருப்புப் பகுதியை சேர்ந்த அர்ஜுன்(17) என்பவரும் நண்பர்கள். இந்த நிலையில் நண்பர்கள் இருவரும் இன்று நாகர்கோவிலை அடுத்த பறக்கை சி.டி.என்.புரம் பகுதியில் பைக்கில் சென்றுகொண்டிருந்தனர்.

அப்போது இவர்கள் பைக் மீது இரண்டு பைக்குகளில் வந்த 4 பேர் திடீரென மோதினர். கீழே விழுந்த அஜித் மற்றும் அர்ஜுன் ஆகியோர் சுதாரிப்பதற்கு முன், அவர்கள் நால்வரும் அரி வாளால் சரமாரியாக வெட் டியுள்ளனர். இதில் படுகாயமடைந்த இருவரையும் அப்படியே விட்டுவிட்டு அந்த கும்பல் தப்ப முயன்றுள்ளனர்.

அப்போது பொதுமக்கள் அங்கு கூடியதால் ஒரு பைக்கை அந்த இடத்தில் விட்டுவிட்டு மற்றொரு பைக்கில் ஏறி நால்வரும் தப்பியுள்ளனர். இதனிடையே படுகாயமடைந்த இருவரும் சம்பவ இடத்திலேயே மர ணமடைந்துள்ளனர். இந்த விவகாரம் தொடர்பாக விசாரணை மேற்கொண்ட பொலிசார்,

கிரிக்கெட் விளையாட்டின்போது கடந்த மூன்று மாதங்களுக்கு முன்பு சிலருடன் அஜித் மற்றும் அர்ஜுனுக்கும் தகராறு ஏற்பட்டதாகவும், அந்த முன்விரோதம் காரணமாக அவர்கள் கொ லை செய்யப்பட்டிருக்கலாம் எனவும் தெரியவந்துள்ளது.

மட்டுமின்றி காதல் விவகாரம் காரணமாகவும் இந்த கொ லை நடந்திருக்கலாம் எனவும் கூறப்படுகிறது. கொ லை நடந்த இடத்தில் கொ லையாளிகள் விட்டுச் சென்ற பைக்கின் விபரங்களை சேகரித்து, அதன் அடிப்படையில் மூன்றுபேரை பிடித்து விசாரணை நடத்திவருவதாக காவல்துறை வட்டாரத்தில் கூறப்படுகிறது.

இந்திய மாநிலம் கேரளாவில் கிணற்றங்கரையில் நின்று செல்போனில் பேசி இளைஞர் தவறி விழுந்து 3 நாட்கள் உயிருக்கு போராடிய சம்பவம் வெளிச்சத்துக்கு வந்துள்ளது.

கேரள மாநிலம் திருவனந்தபுரம் அருகே வெம்பாயம் பகுதியைச் சேர்ந்தவர் 38 வயதான பிரதீப். தாயார் சரளாவுடன் வசித்து வரும் இவர் கடந்த புதன்கிழமை மாலை அவரது வீட்டின் அருகில் உள்ள கிணற்றங்கரையில் நின்று செல்போனில் பேசி கொண்டிருந்தார்.

அப்போது திடீரென்று அந்த கிணற்றுக்குள் தவறி விழுந்துள்ளார். கிணற்றில் 2 அடி தண்ணீர்தான் இருந்துள்ளது. இதனால் அவர் உயிர்தப்பினார். ஆனால் அந்த கிணற்றில் இருந்து வெளியே வர முடியாமல் தவித்துள்ளார்.

அக்கம் பக்கத்தில் குடியிருப்புகள் ஏதும் இல்லாததால் இவரது அலறல் சத்தம் யாருக்கும் கேட்கவில்லை என கூறப்படுகிறது. நீண்ட நேரமாக சத்தம்போட்டதால் தளர்ச்சியடைந்து பிரதீப் மயக்கமிட்டு சாய்ந்துள்ளார்.

3வது நாளான நேற்று அவ்வழியாக சென்ற ஒருவர், கிணற்றில் இளைஞர் ஒருவர் மயங்கி கிடப்பதை கண்டு அதிர்ச்சியடைந்து தீயணைப்பு துறைக்கு தகவல் அளித்துள்ளார்.

தகவல் அறிந்து சம்பவயிடத்திற்கு வந்த மீட்பு குழுவினர் கிணற்றில் இருந்து மீட்டுள்ளனர். சம்பவத்தின் போது பிரதீபின் தாயார் சரளா அவரது உறவினர்களை சந்திக்க வெளியூர் சென்றதாக கூறப்படுகிறது.