சம்பள அதிகரிப்பு உட்பட ஐந்து அம்சக் கோரிக்கையை முன்வைத்து நடத்தப்பட்டு வரும் ரயில் தொழிற்சங்கங்களின் போ ராட்டம் இன்றும் தொடரும் என அறிவிக்கப்பட்டுள்ளது.
ரயில் தொழிற்சங்கங்கள் நேற்று மாலை நடத்திய பேச்சுவார்த்தை தீர்வின்றி முடிவடைந்ததால், பணிப்பகிஷ்கரிப்பு போ ராட்டம் இன்றும் நடைபெறும் என தொழிற்சங்க பிரதிநிதிகள் தெரிவித்துள்ளனர்.
இலங்கையில் அதிகளவான மக்கள் ரயில் ஊடாக தமது போக்குவரத்து தேவையை பூர்த்தி செய்கின்றனர். இந்நிலையில் தொடர் பகிஸ்கரிப்பு காரணமாக மக்கள் கடும் அசௌகரியத்தை எதிர்கொண்டுள்ளனர்.
இதேவேளை தொழிற்சங்கங்கள் முன்னெடுத்துள்ள நியாயமற்ற பகிஷ்கரிப்பிற்கு எதிராக மக்களைத் தெளிவுபடுத்த அமைச்சரவை தீர்மானித்திருப்பதாக அமைச்சர் ராஜித சேனாரத்ன தெரிவித்துள்ளார்.
சம்பள முரண்பாட்டை அடிப்படையாகக் கொண்டு முன்னெடுத்து வரும் பணிப்பகிஷ்கரிப்பு அரசியல் ரீதியில் அரசாங்கத்தை நெருக்கடிக்கு உள்ளாக்க திட்டமிடப்பட்டதாகும் என அவர் சுட்டிக்காட்டினார்.
தொழிலாளர்களின் கோரிக்கைகளை நிறைவேற்றக்கூடிய அனைத்துச் சந்தர்ப்பங்களிலும் அரசாங்கம் அதனை நிறைவேற்றியிருப்பதாக அமைச்சர் குறிப்பிட்டார். கடந்த 25ஆம் திகதி முதல் தொழிற்சங்க போராட்டம் முன்னெடுக்கப்பட்டு வருகின்றமை குறிப்பிடத்தக்கது.
வாள்வெட்டுக் கும்பலின் தா க்குதலுக்கு இலக்கான இரும்பக உரிமையாளர் 3 வாரங்களின் பின் சிகிச்சை பயனின்றி நேற்றிரவு உ யிரிழந்துள்ளார்.
எனினும் சம்பவம் இடம்பெற்று 3 வாரங்களுக்கு மேலாகியும் கோப்பாய் பொலிஸார் எந்தவொரு நடவடிக்கையும் எடுக்கவில்லை என உ யிரிழந்தவர்களின் உறவினர்கள் தெரிவித்துள்ளனர்.
கோண்டாவில் உப்புமடச் சந்தியில் அமைந்துள்ள லக்சுமி இரும்பகத்தின் உரிமையாளர் கந்தையா கேதீஸ்வரன் (வயது 47) என்பவரே உ யிரிழந்துள்ளார்.
இந்த சம்பவம் கடந்த செம்டெம்பர் மாதம் ஆறாம் திகதி மாலை 4 மணியளவில் இடம்பெற்றது. இரண்டு மோட்டார் சைக்கிளில் வந்த கும்பலே இரும்பகத்துக்குள் புகுந்து அதன் உரிமையாளரை கண்மூடித்தனமாகத் தா க்கி விட்டு தப்பிச் சென்றுள்ளது.
இதனால் தலையில் படுகாயமடைந்த இரும்பக உரிமையாளர், நேற்று வரை யாழ்ப்பாணம் போதனா வைத்தியசாலையில் சிகிச்சை பெற்று வந்தார். இது தொடர்பில் உ யிரிழந்தவரின் உறவினர்கள் கூறுகையில், சம்பவ தினத்தன்று கோப்பாய் பொலிஸார் இரும்பகத்துக்கு வந்து விசாரணைகளை மேற்கொண்டனர்.
எனினும் உரிமையாளரைத் தா க்க கும்பல் பயன்படுத்திய மரக்கட்டையை சான்றுப்பொருளாக எடுத்துச் செல்ல பொலிஸார் மறுப்பு தெரிவித்திருந்தனர். எனினும் உரிமையாளர் உ யிரிழந்தவுடன் உறவினர்களிடம் வாக்குமூலம் பெற்றுக்கொள்வதற்கு கோப்பாய் பொலிஸார் முயற்சிகளை முன்னெடுத்துள்ளதாக குறிப்பிட்டுள்ளனர்.
அவுஸ்திரேலியாவின் மெல்பேர்னில் இடம்பெற்ற வீதி விபத்தில் இலங்கையை சேர்ந்த இளைஞர் ஒருவர் உ யிரிழந்துள்ளார். நேற்று முன்தினம் இடம்பெற்ற விபத்தில் 21 வயதான லொரென்சோ ஜூரியன்ஸ் என்ற இளைஞனே உ யிரிழந்துள்ளதாக அந்நாட்டு பொலிஸார் தெரிவித்துள்ளனர்.
ரொரென்சோ ஜூரியன்ஸ் தனது வாகனத்தில் பயணித்துக் கொண்டிருந்த போது, நான்கு இளைஞர்களை ஏற்றிக்கொண்டு வந்த வாகனத்துடன் மோதியதில் இந்த விபத்து நிகழ்ந்துள்ளது. இந்த விபத்தில் காயமடைந்த இலங்கை இளைஞர் வைத்தியசாலையில் அனுமதிக்கப்பட்டு சிகிச்சை பலனின்றி உ யிரிழந்துள்ளார்.
லொரென்சோ ஜுரியன்ஸ் கடந்த 7 வருடங்களுக்கு முன்னர் தனது குடும்பத்துடன் அவுஸ்திரேலியா சென்று குடியேறியுள்ளார் என தெரியவந்துள்ளது. அவுஸ்திரேலியாவில் Hampton Park மேல்நிலைக் கல்லூரியில் அவர் கற்கை நடவடிக்கைகளை மேற்கொண்டு வந்துள்ளார். அன்பான நண்பனை இழந்து விட்டோம் என பேஸ்புக்கில் அவரது நண்பர்கள் இரங்கல் வெளியிட்டுள்ளனர்.
வவுனியா புகையிரத நிலையம் முன்பாக புதிதாக புத்தர் சிலை ஒன்றினை முச்சக்கர வண்டி சாரதிகள் நேற்று (2019.09. 30) வைப்பு செய்துள்ளமை மக்கள் மத்தியில் பெரும் வரவேற்பை பெற்றுள்ளது.
வவுனியா, புகையிரத நிலையம் முன்பாக சிறிய கட்டடம் ஒன்று அமைத்து அதில் பிள்ளையார், மாதாவின் சிலை, புத்தர் சிலை ஆகிய சிலைகள் வைக்கப்பட்டுள்ளது.
குறித்த பகுதியில் உள்ள முச்சக்கர வண்டி சாரதிகள் தமது வழிபாட்டுக்காக குறித்த வழிபாட்டு தலத்தை மத நல்லிணக்கம் என்னும் பெயரில் அமைத்துள்ளனர்.
வவுனியாவில் தமிழ் சிங்கள மக்களின் ஒற்றுமைக்காகவும் புகையிரத நிலையத்திற்கு வருகை தரும் பயணிகளின் வழிபாட்டுக்காகவும், தமது வழிபாட்டுக்காகவும் விநாயகர் சிலை, மாதா சிலை, புத்தர் சிலை உள்ளிட்ட சிலைகள் வைப்புச் செய்யப்பட்டுள்ளதாக முச்சக்கர வண்டி தரிப்பிட சாரதிகள் தெரிவித்துள்ளனர்.
வவுனியா புகையிரத முச்சக்கர வண்டி தரிப்பிட சாரதிகளின் இச்செயலை வவுனியா முழுவதும் பாராட்டுக்களையும் வரவேற்பையும் பெற்று வருகின்றது என்பது குறிப்பிடத்தக்கது.
வவுனியாவில் சர்வதேச சிறுவர் தினத்தினை முன்னிட்டு வவுனியா மாவட்ட செயலகத்தின் ஏற்பாட்டில் “பிள்ளைகளின் வெற்றிக்கான நட்பான நாடு” எனும் தொனிப்பொருளில் இன்று (01.10.2019) விழிப்புணர்வு துவிச்சக்கரவண்டி பேரணி ஒன்று இடம்பெற்றது.
வவுனியா தமிழ் மத்திய மகாவித்தியாலயத்திற்கு முன்பாக பாடசாலை மாணவர்களின் துவிச்சரக்கரவண்டி பேரணியினை வவுனியா மாவட்ட மேலதிக அரசாங்க அதிபர் தி.திரேஸ்குமார் கொடியசைத்து ஆரம்பித்து வைத்தார்.
வவுனியா தமிழ் மத்திய மகாவித்தியாலயத்திற்கு முன்பாக ஆரம்பமான பாடசாலை மாணவர்களின் துவிச்சரக்கரவண்டி பேரணியானது ஏ9 வீதியுடாக சென்று மணிக்கூட்டு கோபுரம் வழியாக திரும்பி கந்தசுவாமி கோவில் வீதியூடாக வவுனியா இறம்பைக்குளம் மகளிர் மகா வித்தியாலயம் சென்று அங்கிருந்து மாணவர்களை அழைத்துக்கொண்டு,
ஹொரவப்பொத்தானை வீதியூடாக வவுனியா இலங்கை திருச்சபை தமிழ் கலவன் பாடசாலைக்கு அங்கிருந்து பாடசாலை மாணவர்களை அழைத்துக்கொண்டு மீண்டும் ஏ9 வீதிக்கு சென்று மன்னார் வீதியூடாக வவுனியா காமினி மகா வித்தியாலயத்திற்கு சென்று மாணவர்களை அழைத்துக்கொண்டு மீண்டும் மன்னார் வீதியூடாக பயணித்து வவுனியா பட்டானீச்சூர் முஸ்ஸிம் மகா வித்தியாலயத்திற்கு சென்று அங்கிருந்து மாணவர்களை அழைத்துக்கொண்டு,
மன்னார் வீதியூடாக பயணித்து பண்டாரிக்குளம் விபுலானந்தா கல்லூரிக்கு சென்று அங்கிருந்து மாணவர்களை அழைத்துக்கொண்டு வவுனியா சைவப்பிரகாச மகளிர் கல்லூரிக்கு அங்கிருந்து சென்று மாணவர்களை அழைத்துக்கொண்டு ஏ9 வீதியூடாக மாணவர்களின் துவிச்சரக்கரவண்டி பேரணியானது வவுனியா மாவட்ட செயலகத்தினை வந்தடைந்தது.
வவுனியா மாவட்ட செயலக வளாகத்தில் அரசாங்க அதிபர் ஜ.எம்.ஹனிபா அவர்களின் சிறுவர் தின ஆசியுரை இடம்பெற்றதுடன் பாடசாலை மாணவர்களுக்கான சிறுவர் திறன் விருத்தி செயலமர்வும் இடம்பெற்றது.
வவுனியா மாவட்ட செயலக சிறுவர் மேன்பாட்டு உத்தியோகத்தர் ஜெ.ஜெயகெனடி தலைமையில் இடம்பெற்ற துவிச்சக்கரவண்டி பேரணியில் வவுனியா மாவட்ட உதவி அரசாங்க அதிபர் நா.கமலதாசன், ஓமேகா நிறுவனத்தின் அதிகாரிகள் , வர்த்தக சங்க உறுப்பினர்கள், அரச மற்றும் அரசார்பற்ற உத்தியோகத்தர்கள், பாடசாலை அதிபர், ஆசிரியர், மாணவர்கள் என பலரும் கலந்து கொண்டிருந்தனர்.
குருணாகலில் 2 வயதான மகனை காப்பாற்ற உ யிரை பணயம் வைத்து போ ராடிய தாய் ஒருவர் தொடர்பில் செய்தி வெளியாகியுள்ளது.
பொல்பித்திகம பிரதேசத்தில் ஆழமான கிணற்றுக்குள் விழுந்து உ யிருக்கு போ ராடிய தனது மகனை காப்பாற்ற, தாயொருவர் கிணற்றில் குதித்துள்ளார்.
இரேஷா தமயந்தி என்ற பெண்ணே இந்த வீர செயலை செய்துள்ளதாக பலரும் பாராட்டு தெரிவித்துள்ளனர்.
கடும் வரட்சி காரணமாக கிணற்றின் நீர் வற்றிப் போயுள்ளது. இதனால் சற்று தூரத்தில் நீர் உள்ள ஆழமான கிணற்றில் தாய் தனது இரண்டு மகன்களுடன் குளிக்க சென்ற போதே இந்த சம்பவத்திற்கு முகம் கொடுத்துள்ளார்.
முதலில் மகன்கள் இருவரும் குளித்த பின்னர் தாய் குளிக்க சென்றார். திடீரென மூத்த மகனின் கூச்சல் சத்தம் கேட்டு சென்ற போது, சிறிய மகன் கிணற்றில் விழுந்து நீரில் மூழ்கியுள்ளார்.
உடனடியாக தாய் கிணற்றில் குதித்து மகனை காப்பாற்றியுள்ளார். வேகமாக கிணற்றில் குதித்தமையினால் தாயின் கால்கள் உடைந்து நடக்க முடியாமல் படுக்கையில் முடங்கியுள்ளார்.
இந்த செய்தியை கேட்டு அங்கு சென்ற ஸ்ரீலங்கா சுதந்திர கட்சியின் யாபஹுவ தொகுதி அமைப்பாளர் தாயின் செயலுக்கு பாராட்டு தெரிவித்ததுடன், தேவையான உதவிகளை பெற்று தருவதாக வாக்குறுதியளித்துள்ளார்.
யாழ்ப்பாணம் பிரதான வீதியின் மடத்தடி சந்திக்கு அண்மையில் நிறுத்தி வைக்கப்பட்டிருந்த மோட்டார் சைக்கிளொன்று திடீரென தீப்பற்றி எரிந்துள்ளது. குறித்த சம்பவம் இன்று பிற்பகல் இடம்பெற்றுள்ளதாக தெரியவருகிறது.
வேலைக்கு சென்று விட்டு வீடு திரும்பிய நபரொருவர் நிறுத்தி வைத்திருந்த மோட்டார்சைக்கிள் திடீரென தீ பற்றிய நிலையில் அதன் அருகில் நிறுத்தி வைக்கப்பட்டிருந்த மோட்டார் சைக்கிளும் எரிந்து சாம்பலாகியுள்ளதாக தெரியவருகிறது.
இதன்போது மோட்டார்சைக்கிளை நிறுத்தி வைக்கும் கராஜ் பகுதியும் முற்றாக எரிந்து நாசமாகியுள்ளதாக தெரியவருகிறது.
எனினும் யாழ். மாநகரசபையின் தீயணைப்பு படையினர் அவ்விடத்துக்கு விரைந்து தீயினை கட்டுப்பாட்டுக்குள் கொண்டு வந்துள்ளனர்.
மேலும் சம்பவம் தொடர்பான விசாரணைகளை யாழ்ப்பாணம் பொலிஸார் மேற்கொண்டு வருகின்றனர்.
வவுனியா மாவட்டத்தில் அதிகரித்துச் செல்லும் கட்டாக்காலி நாய்களின் இனப்பெருக்கத்தைக் கட்டுப்படுத்த வவுனியா பிராந்திய சுகாதார சேவைகள் பணிமனையினர் வவுனியா நகரசபையினருடன் இணைந்து நடவடிக்கைகளை மேற்கொண்டு வருகின்றனர்.
இதன் முதற்கட்ட நடவடிக்கையாக இன்று (30.09.2019) வவுனியா நகரப்பகுதியில் திரியும் கட்டாக்காலி நாய்களை வாகனம் ஒன்றின் மூலம் ஏற்றி வவுனியா நகரசபையின் வாகனத்தரிப்பிடத்தில் நாய்களுக்கு குடும்பக்கட்டுப்பாடு சத்திர சிகிச்சை மேற்கொள்ளப்பட்டன.
வவுனியா நகரசபையின் பொது சுகாதார பரிசோதகர் சிவராமலிங்கம் கிரிதரனின் மேற்பார்வையின் கீழ் இச் செயற்றிட்டம் இடம்பெற்று வருகின்றது.
இதன் போது இருபதுக்கு மேற்பட்ட கட்டாக்காலி நாய்களுக்கு குடும்பக்கட்டுப்பாடு சத்திர சிகிச்சை மேற்கொள்ளப்பட்டமை குறிப்பிடத்தக்கது.
புங்குடுதீவு மாணவி வித்தியா படுகொ லை வழக்கில் தூ க்குத் த ண்டனை விதிக்கப்பட்ட பூபாலசிங்கம் ஜெயக்குமாருக்கும், மற்றொரு நபருக்கும் இன்றையதினம் யாழ். மேல் நீதிமன்ற நீதிபதி அன்னலிங்கம் பிரேமசங்கர் பிறிதொரு வழக்கிற்காக தூ க்குத்தண்டனை விதித்துத் தீர்ப்பளித்துள்ளார்.
புங்குடுதீவுப் பகுதியில் சோமசுந்தரம் சுப்பிரமணியம் என்பவரை கொ லை செய்தமைக்காகவே இருவருக்கும் இன்று யாழ். மேல் நீதிமன்றம் தூ க்குத்தண்டனை வழங்கியுள்ளது.
குறித்த வழக்கு இன்றையதினம் விசாரணைக்காக எடுத்துக் கொள்ளப்பட்டபோதே இவ்வாறு தூ க்குத்தண்டனை விதித்து தீர்ப்பளிக்கப்பட்டுள்ளது.
அத்துடன், கு ற்றவாளிகள் இருவரும் இணைந்து சோமசுந்தரம் சுப்பிரமணியம் என்பவரின் உடமையில் இருந்து 10 ஆயிரம் ரூபா பணத்தைக் கொள்ளையிட்டமைக்காக 10 ஆண்டுகள் க டூழியச் சிறைத் தண்டனை விதித்த மேல்நீதிமன்றம்,
இருவரும் 10 ஆயிரம் ரூபா தண்டப் பணம் செலுத்தவும் அதனைச் செலுத்தத் தவறின் 10 மாதங்கள் சாதாரண சிறைத் தண்டனையை அனுபவிக்க நேரிடும் எனவும் உத்தரவிட்டது.
யாழ். தீவகம் புங்குடுதீவில் 2010ஆம் ஆண்டு மே மாதம் 28ஆம் திகதி சோமசுந்தரம் சுப்பிரமணியம் என்பவர் கொ லை செய்யப்பட்டார். ம து அருந்துவதற்காக பிற்பகல் சென்றவர் மாலை ச டலமாக மீட்கப்பட்டார்.
சம்பவத்தையடுத்து புங்குடுதீவு 9ஆம் வட்டாரத்தைச் செர்ந்த பூபாலசிங்கம் ஜெயக்குமார், செல்வராசா கிருபாகரன் ஆகிய இருவரும் கைது செய்யப்பட்டனர்.
அவர்கள் இருவருக்கும் எதிராக ஊர்காவற்றுறை நீதிவான் நீதிமன்றில் சுருக்க முறையற்ற விசாரணைகள் இடம்பெற்றன. யாழ்ப்பாணம் மேல் நீதிமன்றால் 2011ஆம் ஆண்டு சந்தேக நபர்கள் இருவருக்கும் பிணை வழங்கப்பட்டது.
சந்தேகநபர்கள் இருவருக்கும் எதிராக யாழ்ப்பாணம் மேல் நீதிமன்றில் 2018ஆம் ஆண்டு டிசம்பரில் குற்றப்பத்திரிகை தாக்கல் செய்யப்பட்டது.
சோமசுந்தரம் சுப்பிரமணியம் என்பவரை கொ லை செய்தமைக்காக தண்டனைச் சட்டக்கோவை 296ஆம் பிரிவின் கீழ் முதலாவது குற்றச்சாட்டும் சோமசுந்தரம் சுப்பிரமணியம் என்பவரின் உடமையிலிருந்து 10 ஆயிரம் ரூபா பணத்தை கொ ள்ளையடித்தமைக்காக தண்டனைச் சட்டக்கோவை 380ஆம் பிரிவின் கீழ் இரண்டாவது குற்றச்சாட்டும் முன்வைக்கப்பட்டது.
இந்த வழக்கு யாழ்ப்பாணம் மேல் நீதிமன்ற நீதிபதி அன்னலிங்கம் பிரேமசங்கர் முன்னிலையில் தொடர் விளக்கமாக கடந்த ஜூலை மாதம் இடம்பெற்றது.
வழக்குத் தொடுனர் சார்பில் அரச சட்டவாதி மாதினி விக்னேஸ்வரன் வழக்கை நெறிப்படுத்தினார். முதலாவது சந்தேகநபர் சார்பில் சட்டத்தரணி பி.அபிதனும் இரண்டாவது சந்தேகநபர சார்பில் விஸ்வலிங்கம் திருக்குமரனும் முன்னிலையாகினர்.
இந்த நிலையில் வழக்கில் எதிரிகள் இருவரையும் கு ற்றவாளிகளாகக் கண்டு தீர்ப்பளித்த யாழ்ப்பாணம் மேல் நீதிமன்ற நீதிபதி அன்னலிங்கம் பிரேமசங்கர், அவர்கள் இருவருக்கும் தூ க்குத் தண்டனை வழங்கித் தீர்ப்பளித்துள்ளார்.
வவுனியாவில் கடந்த மூன்று வருடங்களுக்கு முன்னர் வீட்டில் தனியாக இருந்தபோது பா லியல் வ ல்லுறவிற்குட்படுத்தப்பட்டு படுகொ லை செய்யப்பட்ட வவுனியா விபுலானந்தா கல்லூரி மாணவியான கெங்காதரன் ஹரிஸ்ணவியின் (வயது 14) வழக்கு விசாரணை மீண்டும் ஒத்தி வைக்கப்பட்டுள்ளது.
இன்று (30.09) வவுனியா நீதிமன்றில் வழக்கு விசாரணைக்கு எடுத்துக்கொள்ளப்பட்டுள்ள நிலையில் எவ்வித முன்னேற்றமும் இன்றி எதிர்வரும் ஜனவரி 06 ஆம் திகதிக்கு வழக்கு விசாரணைகள் ஒத்திவைக்கப்பட்டுள்ளதாக ஹரிஸ்ணவியின் உறவினர்கள் தெரிவித்துள்ளனர்.
இவ்விடயம் குறித்து ஹரிஸ்ணவியின் உறவினர்கள் தெரிவிக்கும் போது, கடந்த 2016 ஆம் ஆண்டு பா லியல் வ ன்பு ணர்விற்குட்படுத்தப்பட்டு படுகொ லை செய்யப்பட்டுள்ள ஹரிஸ்ணவியின் வழக்கு விசாரணைகள் திகதியிடப்பட்டு செல்லப்படுகின்றதே தவிர, வழக்கு விசாரணைகளில் எவ்வித முன்னேற்றமும் ஏற்படவில்லை.
இதனால் காலதாமதம் ஏற்படுகின்றதே தவிர கு ற்றவாளிகள் த ண்டிக்கப்படவில்லை. இன்று (30.09) இடம்பெற்ற விசாரணைகளின் போதும் சட்டமா அதிபரிடம் இருந்து குற்றப்பத்திரம் வராமையால் வழக்கு ஜனவரி 6 ஆம் திகதிக்கு ஒத்திவைக்கப்பட்டது.
கடந்த வழக்கு விசாரணைகளின் போதும் குற்றப்பத்திரத்தை விரைவில் தாக்கல் செய்யுமாறு சட்டமா அதிபருக்கு தெரிவிக்கப்பட்டிருந்தது. எனினும் வழக்கு விசாரணைகளில் எவ்வித முன்னேற்றங்களும் எற்படவில்லை.
இந்நிலையில் கடந்த 3 வருடங்கள் கடந்த நிலையிலும் இன்று வரையிலும் வழக்கில் எவ்வித முன்னேற்றமும் ஏற்படவில்லை.
பா லியல் வ ன்பு ணர்வு செய்யப்பட்டு படுகொ லை செய்யப்பட்ட ஹரிஸ்ணவிக்கு நீதி கிடைக்கவில்லை குற்றவாளி சமூகத்தில் நடமாடிக்கொண்டிருக்கின்றார் என்று கண்ணீருடன் உறவினர்கள் தெரிவித்துள்ளனர்.
மாணவி ஹரிஸ்ணவி சார்பில் மனிதவுரிமை அபிவிருத்திக்கான நிலையத்தைச் சேர்ந்த சட்டத்தரணி அனிஸ் மன்றில் முன்னிலையாகி வழக்கை நெறிப்படுத்தியிருந்தமை குறிப்பிடத்தக்கது.
வவுனியா செட்டிக்குளம் பிரதேச செயலக பிரிவுக்குட்பட்ட பெரியகட்டு கிராம சேவையாளர் பிரிவுக்குட்பட்ட பெரியகட்டு கணேசபுரம் கிராமத்தில் அமைந்துள்ள குறிசுட்டகுளம் இன்று பொதுமக்களின் உதவியுடன் புனரமைப்பு செய்யப்பட்டது.
வறட்சியை அதிகளவில் எதிர்நோக்கி கொண்டிருக்கும் இக் கிராம மக்கள் தங்களுடைய கிராமத்தின் வறட்சியை போக்கும் நோக்கோடு கிராம சேவையாளர் இராதாகிருஸ்ணன் வழிகாட்டலின் கீழ் கிராம அமைப்புக்கள், பெண்கள் அமைப்பினர் இணைந்து தமது முழு முயற்சியோடு இச் செயற்பாட்டினை வெற்றிகரமாக செயற்படுத்தி குளத்தின் புனரமைப்பு பணிகளை மேற்கொண்டனர்.
தற்போது கிராம மக்களின் உதவியினால் குறிசுட்டகுளம் நீர் தேக்கி வைக்குமளவில் புனரமைக்கப்பட்டுள்ளது.
இக்குளம் பல வருடங்களாக அரச அதிகாரிகளின் அசமந்தபோக்கினால் புனரமைக்கப்படாமலும் பாவனைக்குதவாமலும் காணப்பட்டமை குறிப்பிடத்தக்கது.
வவுனியா போக்குவரத்து பொலிஸார் இன்று (30.09.2019) காலை முதல் மேற்கொண்ட திடீர் சோதனை நடவடிக்கையின் போது 25 சாரதிகளுக்கு எதிராக தண்டப்பணம் விதிக்கப்பட்டதுடன் 3 சாரதிகளுக்கு எதிராக வழக்கு தாக்குதல் மேற்கொள்ளப்பட்டுள்ளது.
வவுனியா போக்குவரத்து பொலிஸ் பொறுப்பதிகாரியின் தலைமையில் வவுனியா நீதிமன்றத்திற்கு முன்பாக மேற்கொள்ளப்பட்ட திடீர் சோதனை நடவடிக்கையின் போது சுமார் இரு மணிநேரத்தில் மாத்திரம் மூன்று (03)சாரதிகளுக்கு எதிராக நீதிமன்றத்தில் வழக்கு தாக்குதல் செய்யப்பட்டுள்ளதுடன் இருபத்தைந்து (25) சாரதிகளுக்கு எதிராக தண்டப்பணமும் விதிக்கப்பட்டுள்ளது.
குறித்த சோதனை நடவடிக்கையில் தலைக்கவசம் சீராக அணியாமை, சாரதி அனுமதிப்பத்திரம் இன்மை, அதிக சத்தம், முச்சக்கரவண்டிக்கு அதிகளவான அலங்காரம் , தலைக்கவசத்தினுள் தொலைபேசி வைத்திருந்தமை போன்ற பல்வேறு குற்றங்களுக்காகவே சாரதிகளுக்கு தண்டம் விதிக்கப்பட்டமை குறிப்பிடத்தக்கது.
நாடாளாவிய ரீதியில் புகையிரத ஊழியர்கள் பணிப்புறக்கணிப்பில் ஈடுபட்டுள்ளனர். இதன் காரணமாக வவுனியா புகையிரத நிலைய ஊழியர்களும் கடந்த 26.09.2019 தொடக்கம் இன்று வரை பணிப்புறக்கணிப்பில் ஈடுபட்டுள்ளனர்.
இதனால் புகையிரத சேவைகள் முற்றாக முடங்கியுள்ளதுடன், இராணுவத்தினர், பொலிசார் புகையிரத நிலையத்தில் பா துகாப்பு க டமையில் நிறுத்தப்பட்டுள்ளனர்.
தினசரி அதிகாலை 3.35 இற்கு வவுனியாவில் இருந்து மாத்தறை நோக்கிப் பயணிக்க வேண்டிய ரஜட்ட ரஜனி புகையிரதம் கடந்த நான்கு நாட்களாக (26.09.2019 – 30.09.2019) வவுனியாவிலேயே தரித்து நிற்கின்றது.
சம்பள மு ரண்பாடுகள், கடந்த அமைச்சரவை கூட்ட முடிவுகள் நடைமுறைப்படுத்தாமை உட்பட பல்வேறு பி ரச்சனைகளை முன்னிறுத்தி குறித்த பணிப்புறக்கணிப்பு முன்னெடுக்கப்பட்டுள்ளது.
இதனையடுத்து வவுனியா புகையிரத நிலைய அதிபர்கள், ஒழுங்கமைப்பாளர்கள், இயக்குனர்கள் உள்ளிட்ட புகையிரத ஊழியர்கள் பணிப்புறக்கணிப்பில் ஈடுபட்டுள்ளனர்.
வவுனியாவில் நிலவும் கடும் பனிமூட்டம் காரணமாக வாகன சாரதிகள் பல்வேறு அசௌகரியங்களுக்கு முகம் கொடுத்துள்ளதுடன், மக்களது இயல்பு வாழ்க்கையும் பாதிப்படைந்துள்ளது.
இன்று அதிகாலையிலிருந்து வவுனியாவில் கடும் பனிப்பொழிவு ஏற்பட்டது. கடந்த சில நாட்களாக வவுனியாவில் மழை பெய்து வந்த நிலையில் தற்போது பனிப்பொழிவு ஏற்பட்டுள்ளது. இதன்காரணமாக ஏ9 வீதியும் பனிமூட்டமாக காட்சியளித்தது.
இதனால் அதிகாலையில் தமது கடமைகளுக்குச் செல்லும் வாகனச் சாரதிகள், அரச ஊழியர்கள், தனியார் வகுப்புகளுக்குச் செல்லும் மாணவர்கள், விவசாயிகள், தனியார் துறையினர் போன்ற பல்வேறு தரப்பினர் இன்றைய தினம் போக்குவரத்து பாதிப்பினை எதிர்நோக்கியுள்ளனர்.
அயர்லாந்தில் சுமார் 23 கோடி ரூபாய் மதிப்பிலான டுனா மீன் பிடிபட்ட போது, அதை மீண்டும் கடலுக்குள் விட்ட நிகழ்வு சமூகவலைத்தளங்களில் வைரலாகி வருகிறது.
டேவ் எட்வர்ட்ஸ் தலைமையிலான குழு, அட்லாண்டிக் கடலில் உள்ள கடல்வாழ் உயிரினங்களின், குறிப்பான மீன் வகைகளை உலகிற்கு காட்டவும், அதுகுறித்த விழிப்புணர்வை மக்களிடையே ஏற்படுத்தும் பொருட்டு கேட்ச் அண்ட் ரிலீஸ் நிகழ்ச்சியை நடத்தி வருகின்றனர்.
அவர்கள் இந்த நிகழ்ச்சியை, வரும் அக்டோபர் 15ஆம் திகதி வரை நடத்தவுள்ளனர். இதற்காக, அயர்லாந்து கடலில் மீன்பிடித்துக்கொண்டிருந்தபோது அவர்களது வலையில் பெரிய டுனா மீன் ஒன்று சிக்கியது. இதன் எடை 270 கிலோ ஆகும்.
இந்தாண்டில் பிடிபட்ட அதிக எடை கொண்ட மீன் இதுவாகும், அதன் மதிப்பு இந்திய ரூபாயில் 23 கோடி ரூபாய் ஆகும். ஆனால் டேவ் எட்வர்ட்ஸ் தலைமையிலான குழு, இந்த டுனா மீனை மீண்டும் கடலில் விட்டனர்.
இந்த வீடியோ தற்போது சமூகவலைத்தளங்களில் வை ரலாகி வருவதால், இணையவாசிகள் பலரும் இப்படி தேடி வந்த அதிர்ஷ்டத்தை விட்டுவிட்டார் எனவும், ஒரு சிலர் அவரை பாராட்டியும் வருகின்றனர்.
பிக்பாஸ் நிகழ்ச்சியில் கலந்து கொண்டு, வெளியேற்றப்பட்ட தர்ஷன் இலங்கையை பெருமைபடுத்தி விட்டதாக பிரபல நடிகை ஆர்த்தி தன்னுடைய டுவிட்டர் பக்கத்தில் தெரிவித்துள்ளார்.
தனியார் தொலைக்காட்சியான விஜய் டிவியில் 15 பிரபலங்கள் கலந்து கொள்ளும் 100 நாட்கள் நடத்தப்படும் பிக்பாஸ் நிகழ்ச்சி நடத்தப்பட்டு வருகிறது. இதில் போட்டிகளுக்கு நடுவே, வைல்ட் கார்ட் போட்டியாளராக சிலர் வருவர்.
இந்நிலையில் நேற்று இந்நிகழ்ச்சி 99வது நாளை எட்டியுள்ள நிலையில், சிறந்த போட்டியாளராக கருதப்பட்ட தர்ஷன் திடீரென்று வெளியேற்றப்பட்டார்.
இது பார்வையாளர்கள் பலருக்கும் அதிர்ச்சியாக இருந்தது. சிறந்த போட்டியாளர், மக்களால் விரும்பபடுபவர், பிக்பாஸ் விளையாட்டை மிகவும் அற்புதமாக விளையாடியவர் எப்படி வெளியேற முடியும் என்ற ரசிகர்கள் ஆவேசமாக கேள்வி எழுப்பி வருகின்றனர்.
இந்நிலையில் பிரபல திரைப்பட நடிகையான ஆர்த்தி, தன்னுடைய டுவிட்டர் பக்கத்தில், ரொம்ப கொண்டாடப்படும் போதே நினைத்தேன்…..மக்களால் போற்றப்படுபவர்கள் #BiggBossTamil ஆல் eliminate செய்யப்படுவார் என்று குறிப்பிட்டுள்ளார்.
இதே போன்று சீரியல் நடிகையான நீலமனி நீங்கள் தான் பிக்பாஸ் டைட்டில் வின்னர், உங்களுக்கான மிகப் பெரிய வாய்ப்பு காத்திருக்கிறது என்று குறிப்பிட்டுள்ளார்.