டெல்லியில் மனைவி மற்றும் மூன்று குழந்தைகளின் கழுத்தை அறுத்து கொலை செய்த டியூசன் ஆசிரியரை பொலிஸார் கைது செய்துள்ளனர்.

டெல்லியை சேர்ந்த உபேந்திர சுக்லா என்பவர் டியூஷன் ஆசிரியராக பணிபுரிந்து வருகிறார். இன்று அதிகாலை சுக்லாவின் தயார் கதவை தட்டி பார்த்துள்ளார்.

நீண்ட நேரமாக அறைக்கதவு திறக்கப்படாததால், சந்தேகமடைந்த அவர் உடனடியாக பொலிஸாருக்கு தகவல் கொடுத்தார்.

அதன்பேரில் சம்பவ இடத்திற்கு விரைந்த பொலிஸார், கதவை உடைத்துக்கொண்டு உள்ளே சென்ற போது, சுக்லா கத்தியுடன் அங்கு அமர்ந்திருந்துள்ளார்.

அவருக்கு அருகில் மனைவி மற்றும் 7 வயது மகளும், 5 வயது மகனும், 2 மாத குழந்தையும் கழுத்தறுத்து கொலை செய்யப்பட்டு கிடந்தனர்.

இதனை பார்த்து அதிர்ச்சியடைந்த பொலிஸார் உடனடியாக சுக்லாவை கைது செய்தனர். நான்கு பேரின் உடல்களையும் மீட்டு பிரேத பரிசோதனைக்கு அனுப்பி வைத்தனர்.

பின்னர் இதுகுறித்து செய்தியாளர்களிடம் பேசிய உயரதிகாரி, சுக்லாவின் மனைவிக்கு நீரிழிவு நோய் இருந்ததால், அதனை சமாளிக்க முடியமால் அவர் திணறியுள்ளார் என்பது முதற்கட்ட விசாரணையில் தெரியவந்துள்ளது.

வேறு ஏதேனும் காரணம் உள்ளதா என்பது முழுவிசாரணைக்கு பின்னரே தெரியவரும் எனக்கூறியுள்ளார்.

மலேசியாவில் இருந்து தமிழகத்துக்கு வந்த இளைஞர் திடீரென உயிரிழந்த சம்பவம் அதிர்ச்சியை ஏற்படுத்தியுள்ளது. மலேசிய தலைநகர் கோலாலம்பூரில் இருந்து திருச்சிக்கு நேற்றிரவு ஏர் ஏசியா விமானம் புறப்பட்டது. அதில் ராமநாதபுரம் மாவட்டத்தை சேர்ந்த ராமச்சந்திரன் (31) என்பவர் திருச்சிக்கு புறப்பட்டார்.

திருச்சி விமான நிலையத்தில் விமானம் இறங்கியதும், அதில் வந்த பயணிகள் அனைவரும் இறங்கி சென்றனர். ஆனால் ராமச்சந்திரன் மட்டும் இருக்கையில் தூங்கிய நிலையில் அமர்ந்திருந்தார். இதையடுத்து விமான பணிப்பெண்கள், அவரை எழுப்பிய போது எந்தவித உணர்வும் இல்லாமல் இருந்தார். உடனே பணிப்பெண்கள் விமான நிலைய மருத்துவர்களுக்கு தகவல் தெரிவித்தனர்.

இதையடுத்து மருத்துவர்கள் விரைந்து சென்று ராமச்சந்திரனை பரிசோதித்தனர். அப்போது அவரது உடல்நிலை மோசமாக இருப்பதாகவும், உடனே அவரை மருத்துவமனைக்கு கொண்டு செல்ல வேண்டுமென்றும் தெரிவித்தனர். இதைத்தொடர்ந்து அதற்கான ஏற்பாடுகளை விமான நிலைய அதிகாரிகள் செய்தனர்.

ஆம்புலன்சில் ஏற்றுவதற்காக ராமச்சந்திரனை விமானத்தில் இருந்து இறக்கிய போது அவர் திடீரென மரணமடைந்தார். இதனால் விமான நிலைய அதிகாரிகள் அதிர்ச்சியடைந்தனர்.

உடனே இது குறித்து ராமச்சந்திரனின் உறவினர்களுக்கு தகவல் தெரிவிக்கப்பட்டது. அவர்கள் திருச்சி விமான நிலையத்திற்கு விரைந்து வந்து உடலை பார்த்து கதறி அழுதனர்.

இதனிடையே ராமச்சந்திரன் விமானத்தில் இருந்து இறங்கியதும் இறந்ததாக விமான நிலைய அதிகாரிகள் தரப்பில் சான்றிதழ் வழங்கப்பட்டது.

ஆனால் ராமச்சந்திரனின் உறவினர்கள், விமானத்தில் வரும் போதே ராமச்சந்திரன் இறந்துள்ளார். விமான பணிப்பெண்கள் சரியாக கவனிக்காமல் இருந்துள்ளனர் என குற்றஞ்சாட்டினர்.

இது தொடர்பாக அவர்களிடம் விமான நிலைய இயக்குனர் குணசேகரன் மற்றும் பொலிசார் பேச்சுவார்த்தை நடத்தினர்.

கடந்த 12 வருடங்களாக மலேசியாவில் உள்ள ஹொட்டலில் வேலை பார்த்து வந்த ராமச்சந்திரன் நேற்றிரவு அங்கிருந்து திருச்சி திரும்பிய போது, விமானத்தில் வைத்து அவருக்கு இருமல் அதிகமாக இருந்துள்ளது.

அதன்பிறகு அவர் இருக்கையிலேயே சாய்ந்தபடி தூங்கி விட்டார். அவர் மாரடைப்பு ஏற்பட்டு இறந்திருக்கலாம் என தெரிகிறது.

ஆனாலும் அவர் இறப்பு குறித்து விசாரிக்கப்பட்டு வருகிறது. உயிரிழந்த ராமச்சந்திரனுக்கு திருச்செல்வி என்ற மனைவியும், 2 மகன்களும் உள்ளார்கள்.

சென்னையில் கணவர் வெளியில் சென்றிருந்த நேரத்தில் மகனை கொன்றுவிட்டு தற்கொலை செய்து கொண்ட தாயின் செயல் அதிர்ச்சியை ஏற்படுத்தியுள்ளது.

சென்னை போரூரை சேர்ந்தவர் மகேஷ் (25). இவரது மனைவி அஸ்வினி. இந்த தம்பதிக்கு பிரதீப் (4), சக்திவேல் (2) என்ற இரண்டு மகன்கள் உள்ளனர்.

பிரதீப்பிற்கு பிறவிலேயே காது கேட்கும் திறன் இல்லை. வாய் பேசவும் மாட்டான். இதனால் தனியார் மருத்துவமனையில் அறுவை சிகிச்சை செய்து தற்போது பேச்சு பயிற்சி பெற்று வந்தான்.

இந்நிலையில் இளைய மகன் சக்திவேலை பரிசோதித்த மருத்துவர்கள் அவனுக்கும் காது கேட்காத குறை இருப்பதாக தெரிவித்தனர். ஏற்கனவே ரூ.3 லட்சம் வரை செலவு செய்து மூத்த மகனுக்கு சிகிச்சை பெற்ற நிலையில் இளைய மகனுக்கும் அதே பிரச்சினை ஏற்பட்டதால் அஸ்வினி மனவேதனை அடைந்தார்.

இதையடுத்து அவர் தற்கொலை செய்ய முடிவு செய்தார். இந்நிலையில் மூத்த மகனை மாமியார் வீட்டில் கொண்டு விட்டு விட்டு திரும்பி வந்த மகேஷ், வீடு உள்பக்கமாக பூட்டப்பட்டு இருந்ததை பார்த்து கதவை உடைத்து உள்ளே சென்றார்.

அங்கு அஸ்வினி தூக்கில் தொங்கிய நிலையில் இருந்ததை பார்த்து அதிர்ச்சியடைந்தார். மேலும் மகன் சக்திவேலை அஸ்வினி தலையணையால் அமுக்கி கொலை செய்து விட்டு தற்கொலை முடிவு எடுத்ததையும் உணர்ந்தார்.

பின்னர் சம்பவம் குறித்து தகவலறிந்து வந்த பொலிசார் இரு சடலங்களையும் கைப்பற்றி விட்டு விசாரணை நடத்தி வருகிறார்கள்.

இந்தியாவில் காய்ச்சலால் உயிருக்கு போராடிக் கொண்டிருந்த குழந்தையை வைத்து தாய் அழுது கொண்டிருந்ததைக் கண்ட இளைஞர் ஒருவர் இருவரையும் இரு சக்கர வாகனத்தில் அழைத்து சென்று காப்பாற்றிய சம்பவம் பலரது பாராட்டுக்களை பெற்று வருகிறது.

பீகார் மாநிலம் முசாபர்பூர் அருகே உள்ள கிராமத்தின் சாலையோரத்தில் தாய் ஒருவர் மூளைகாய்ச்சலால் பாதிக்கப்பட்ட குழந்தையுடன் பரிதாபமாக உட்கார்ந்துள்ளார்.

சில நாட்களுக்கு முன்பு தான் காய்ச்சலுக்குச் சிகிச்சை பெற்றுவந்த அந்தக் குழந்தை காய்ச்சல் குணமானதால் வீடு திரும்பியுள்ளது. வீடு திரும்பியதும் மீண்டும் காய்ச்சல் ஏற்படவே குழந்தையை தூக்கிக்கொண்டு மருத்துவமனைக்கு விரைந்துள்ளனர்.

நீண்ட தூரம் நடந்து வந்ததால், குழந்தையை தூக்கிக் கொண்டு, மருத்துவமனைக்கு செல்ல முடியாமல், அங்கிருந்த சாலையோரத்தில் குழந்தையை வைத்துக் கொண்டு அழுதபடி இருந்துள்ளார்.

அந்த வழியே சென்றவர்கள் அவரை பார்த்து தான் சென்றார்களே தவிர என்ன என்று எதுவும் கேட்கவில்லை. அப்போது அந்த வழியே வந்த நிரூபர் அமீர் என்பவர் உடனடியாக இருவரையும் இருசக்கர வாகனத்தில் அமர வைத்து மருத்துவமனைக்கு அழைத்துச் சென்றுள்ளார்.

மருத்துவமனைக்குச் சென்றபிறகு தான் குழந்தையின் உடல்நிலை மிகவும் மோசமாக இருந்தது தெரியவந்தது.

காய்ச்சல் அதிகமானதால் குழந்தையின் உடல் அதிக வெப்பத்தால் தகித்துள்ளது. சிறிது தாமதமாகியிருந்தாலும் குழந்தையின் உயிருக்கு ஆபத்து ஏற்பட்டிருக்கும் என மருத்துவர்கள் விளக்கியதுடன் அந்த நிருபரின் செயலை பாராட்டியுள்ளனர்.

இந்த சம்பவம் குறித்து அந்த பெண் கூறுகையில், நீண்ட நேரம் அங்கு அழுத படி உட்கார்ந்து கொண்டிருந்தேன், யாரும் உதவ முன்வரவில்லை, என்னால் அவ்வளவு தூரம் குழந்தையைத் தூக்கிச்செல்ல முடியவில்லை. சரியான சமயத்தில் வந்து எங்களை ஆஸ்பத்திரிக்குக் கொண்டுவந்தார் அமீர். அவரால் தான் இன்று என் குழந்தை உயிர் பிழைத்துள்ளது என்று கண்ணீருடன் கூறியுள்ளார்.

அமீர் பாதிக்கப்பட்ட குழந்தையை இரு சக்கர வாகனத்தில் அழைத்துச் செல்லும் புகைப்படத்தை அங்கிருந்தவர்கள் வலைதளங்களில் பதிவிட அவரின் மனிதநேயத்துக்குப் பாராட்டுகள் குவிந்து வருகிறது.

பீகார் மாநிலம் முசாபர்பூர் மாவட்டத்தில் மூளைக் காய்ச்சலால் உயிரிழந்த குழந்தைகளின் எண்ணிக்கை 120-ஐ தொட்டுள்ளது குறிப்பிடத்தக்கது.

மாயமான இளம்பெண்

கேரள மாநிலம் எர்ணாகுளம் பகுதியில் குளம் ஒன்றில் இருந்து சடலமாக மீட்கப்பட்ட இளம்பெண் விவகாரத்தில், அவரது தந்தை கடந்த 2 ஆண்டுகளாக போராடி வருகிறார். எர்ணாகுளம் பகுதியை சேர்ந்த ஷாஜி வர்கீஸ் என்பவரின் மகள் மிஷேல். சி.ஏ. படித்து வந்த மிஷேல் கடந்த 2017 ஆம் ஆண்டு மார்ச் 5 ஆம் திகதி தங்கியிருந்த விடுதியில் இருந்து அருகில் உள்ள தேவாலயம் சென்றுள்ளார்.

ஆனால் அதன்பிறகு விடுதிக்கு அவர் திரும்பவில்லை. இதனால் பெற்றோர்கள் அவர் காணாமல் போய்விட்டதாக கூறி பொலிசாரிடம் புகார் அளித்தனர். இந்த நிலையில் மறுநாள் மாலையே கொச்சி அருகே குளம் ஒன்றில் மிஷேல் சடலமாக மீட்கப்பட்டார்.

இவரது இறப்பு தற்கொலை என பொலிசார் கூறி வந்தனர். க்ரோனின் அலெக்சாண்டர் பேபி என்பவரைக் காதலித்ததாகவும், இதன் காரணமாகவே தற்கொலை செய்ததாகவும் காவல்துறையினர் வழக்கு பதிவுசெய்தனர். மட்டுமின்றி க்ரோனினை கைது செய்தும் விசாரித்தனர். பின்னாளில் அவர் ஜாமீனில் விடுவிக்கப்பட்டார்.

ஆனால் மிஷேலின் மரணத்தில் மர்மம் இருப்பதாக அவரது குடும்பம் சந்தேகம் எழுப்பியது. மட்டுமின்றி இந்த விவகாரம் தொடர்பில் கடந்த இரண்டு ஆண்டுகளாகப் போராடி வருகிறார் மிஷேலின் தந்தை ஷாஜி வர்கீஸ்.

தற்கொலைக்கான அடையாளங்கள் மிஷேலின் உடம்பில் இல்லை. கொலை செய்யப்பட்டிருப்பதற்கான அடையாளங்கள்தான் அவரது உடம்பில் இருக்கின்றன. ஆனால், இதை காவல்துறை மறைத்து தற்கொலை என வழக்கு பதிந்துள்ளனர்’ எனக் குற்றம்சாட்டிப் போராடி வருகிறார் ஷாஜி வர்கீஸ்.

மேலும், மிஷேலின் முகத்தில் நகக்கீறல்கள் உள்ளன. இதேபோல் இரண்டு கைகளிலும் மற்றவர்களின் கைத் தடம் உள்ளது. நீரில் மூழ்கியிருந்தால் ஒன்று உடல் அழுகியிருக்க வேண்டும் அல்லது மீன்கள் கொஞ்சமாவது கடித்திருக்க வேண்டும்.

ஆனால், எதுவுமே இல்லாமல் உடல் இரண்டு மணி நேரம் மட்டுமே நீரில் இருந்துள்ளதாக உடற்கூறாய்வு அறிக்கை தெரிவித்துள்ளது. மிஷேல் கடைசியாக தேலாலயத்திற்குப் போன பிறகுதான் காணாமல் போயுள்ளார். இறந்தபோது அவளிடம் இருந்த மொபைல் போன், அவரது பேக் என எதையும் பொலிசார் இதுவரை கண்டுபிடிக்கவில்லை.

மொபைல் கிடைத்திருந்தால் இந்த வழக்கின் முக்கிய சாட்சியாக இருந்திருக்கும். மேலும், கடைசியாக அவர் எங்கு சென்றார் என அவரது செல்போன் டவர் லொகேஷேனை வைத்துக் கண்டுபிடிக்கலாம்.

ஆனால், அதையும் பொலிசார் இதுவரை செய்யவில்லை. தற்கொலை எனக் கூறினாலும் இரண்டு வருடம் கடந்தும் இதுவரை இந்த வழக்கின் இறுதி அறிக்கையைத் தாக்கல் செய்யாமல் உள்ளது என தனது தரப்பு வாதங்களை நீதிமன்றத்தில் முன்வைத்துள்ளார் மிஷேலின் தந்தை ஷாஜி. தற்போது கொலை என்கிற ரீதியில் விசாரணையை முடுக்கிவிட்டுள்ளனர் பொலிசர். இதனால் இந்த வழக்கில் உள்ள மர்மம் விரைவில் விலகலாம் என எதிர்பார்க்கப்படுகிறது.

அதிர்ந்து போன கணவன்

தமிழகத்தில் பெண்ணின் ஆபாச படத்தை கணவரின் செல்போனுக்கு அனுப்பிய வாலிபரை பொலிசார் கைது செய்துள்ளனர். திருவண்ணாமலை மாவட்டத்தை சேர்ந்தவர் வீரமணி (26). இவர் அந்த பகுதியில் பாத்திரக் கடை வைத்துள்ளார். இவரது கடையில் கீழ்பென்னாத்தூரை சேர்ந்த 22 வயது இளம்பெண் வேலை செய்து வந்தார். அப்போது அந்த பெண்ணிற்கும், வீரமணிக்கும் இடையே பழக்கம் ஏற்பட்டுள்ளது. இந்த பழக்கம் நாளடைவில் காதலாக மாறியது.

வீரமணி அந்த பெண்ணிடம் ஆசைவார்த்தை கூறி பாலியல் தொல்லை கொடுத்துள்ளார். அதை பெண்ணிற்கு தெரியாமல் செல்போனில் படம் பிடித்து வைத்திருந்ததாக தெரிகிறது. அந்த பெண் வீரமணியிடம் தன்னை திருமணம் செய்து கொள்ளும்படி பலமுறை கேட்டு உள்ளார். வீரமணி அப்பெண்ணை திருமணம் செய்து கொள்ள மறுத்துள்ளார்.

இந்நிலையில் அந்த பெண்ணிற்கும் வேறு ஒருவருக்கும் இடையே கடந்த சில நாட்களுக்கு முன்பு திருமணம் நடைபெற்றது. அந்த பெண்ணின் கணவரின் செல்போன் எண்ணிற்கு வீரமணி வாட்ஸ்–அப் மூலம் அப்பெண்ணின் ஆபாச படங்களை அனுப்பியதாக கூறப்படுகிறது.

இதை கண்டு அதிர்ச்சி அடைந்த அவர், தனது மனைவியை அவரது தாய்வீட்டில் கொண்டு வந்து விட்டுவிட்டு இனி உன்னுடன் வாழ மாட்டேன் என்று கூறியுள்ளார். இதனால் மனமுடைந்த இளம்பெண், வீரமணியை கைது செய்யக்கோரி காவல் நிலையத்தில் புகார் செய்தார். அதன்பேரில் பொலிசார் வழக்குப்பதிவு செய்து வீரமணியை கைது செய்து விசாரணை நடத்தி வருகின்றனர்.

சென்னையில் குடும்ப தகராறு காரணமாக பெண் மருத்துவர் துாக்கிட்டு தற்கொலை செய்துகொண்டுள்ளார். செங்கல்பட்டு அரசு மருத்துவமனையில், எலும்பு பிரிவு மருத்துவராக பணிபுரிந்து வருபவர் மகரஜோதி (41). இவர் அதே மருத்துவமனையில் பணிபுரிந்து வரும் வளர்மதி (36) என்பவரை திருமணம் செய்துள்ளார்.

இந்த தம்பதியினருக்கு 12 வயதில் ரிஷித் என்கிற மகனும், 4 வயதில் ஓமிஷா என்கிற மகளும் உள்ளனர். கடந்த சில நாட்களாகவே கணவன் மனைவிக்கு இடையில் சண்டை ஏற்பட்டு வந்துள்ளது. இந்த நிலையில் இவர்களுடைய மகன் ரஷித், சைக்கிளில் பள்ளி சென்று வர ஆசைப்பட்டுள்ளான். ஆனால் இதற்கு வளர்மதி கடும் எதிர்ப்பு தெரிவித்துள்ளார்.

அதனையும் மீறி நேற்று ரஷித் சைக்கிளில் பள்ளி சென்று வந்துள்ளான். இதனால் கணவன்-மனைவிக்கு இடையில் மீண்டும் வாக்குவாதம் ஏற்பட்டுள்ளது. இதில் மனமுடைந்த காணப்பட்ட வளர்மதி, படுக்கை அறை ஜன்னலில் துாக்குபோட்டு தற்கொலை செய்து கொண்டுள்ளார்.

இந்த சம்பவமானது அப்பகுதியில் சோகத்தை ஏற்படுத்தியிருக்கும் நிலையில், பொலிஸார் விசாரணை மேற்கொண்டு வருகின்றனர்.