குழந்தைகளின் படிப்பிற்காவும், குடும்ப சூழ்நிலை காரணமாகவும் வெளிநாட்டிற்கு ஆடு மேய்க்கும் வேலைக்கு சென்ற தன் கணவனைப் பற்றி எந்த ஒரு தகவலும் தெரியவில்லை என்று மாவட்ட ஆட்சியரிடம் அவரின் மனைவி மனு அளித்துள்ளார்.

திருச்சி மாவட்டம், துறையூரை அடுத்த கோவிந்தபுரம் மேற்குத் தெருவைச் சேர்ந்தவர், முருகேசன். இவருக்கு, மகேஸ்வரி என்கிற மனைவியும் புவனேஸ்வரி மற்றும் மகேந்திரன் என்கிற இரண்டு குழந்தைகளும் உள்ளனர்.

இந்நிலையில் குடும்பச் சூழல் கருதியும், பிள்ளைகளின் படிப்பிற்காகவும், கடந்த மூன்று வருடங்களுக்கு முன்பு முருகேசன், ஆடு மேய்க்கும் வேலைக்காக ஏஜென்ட்டுகள் மூலம் சவுதி அரேபியாவுக்கு 2 லட்சம் ரூபாய் கட்டி அனுப்பிவைக்கப்பட்டார்.

வெளிநாடு சென்ற முருகேசன், துபாய் நாட்டிற்கு சென்ற பிறகு, அவரிடமிருந்து தொலைபேசியோ அல்லது பணமோ மற்றும் அவர் குறித்த தகவல்கள் எதுவுமே தெரியவில்லை.

எந்த ஒரு தகவலுமே இல்லாததால், சந்தேகமடைந்த அவரது குடும்பத்தினர், பணம் கட்டிய ஏஜென்ட்டுகள் மற்றும் சவுதி அரேபிய நாட்டில் உள்ள ஏஜென்ட்டுகளைத் தொடர்புகொண்டு பேசியுள்ளனர்.

ஆனால் அவர்கள் முறையாக பதில் பதில் அளிக்காமல், அதற்கு மாறாக அவர்கள், இந்தியத் தூதரகம் மூலம் முருகேசன் குறித்து விசாரித்துக்கொள்ளுங்கள் என்று கூறியுள்ளனர்.

அதனால் பதற்றமடைந்த முருகேசனின் மனைவி மகேஸ்வரி, ஏஜென்ட்டுகள் மீதும், தனது கணவர் முருகேசனை மீட்டுத்தரக் கோரியும் கடந்த சில மாதங்களுக்கு முன்பு, துறையூர் காவல் நிலையம், திருச்சி மாவட்ட காவல் கண்காணிப்பாளர் மற்றும் திருச்சி மாவட்ட ஆட்சியர் ஆகியோரை சந்தித்து புகார் மனு அளித்துள்ளார்.

ஆனாலும், முருகேசன் குறித்து எந்த வித தகவல்களும் தெரியாத நிலையில், இன்று தனது கணவரை மீட்டுத் தரக் கோரி மகேஸ்வரி மற்றும் அவரது மகள் புவனேஸ்வரி ஆகியோர் திருச்சி மாவட்ட ஆட்சியர் சிவராஜை சந்தித்து மனு அளித்தார்.

அதன் பின் அவர் கூறுகையில், அவர் வெளிநாடு சென்றதிலிருந்து அவர் குறித்து எந்தத் தகவலும் தெரியவில்லை. எங்கள் குடும்பம் மிகவும் சிரமத்திற்கு உள்ளாகி இருக்கிறது. இதுகுறித்து விசா எடுத்துத் தந்த ஏஜென்ட்டுகளிடம் கேட்டால், அலட்சியமாக பதில் கூறுகிறார்கள்.

அவரைக் கண்டுபிடித்து தரக்கோரி ஏற்கெனவே மாவட்ட ஆட்சியர், எஸ்பி உள்ளிட்டோரிடம் மனு அளித்தோம். அப்போது அவர்கள், விரைவில் எனது கணவரைமீட்டுத் தருவதாகக் கூறினார்கள். அவர்கள் கூறியதை நம்பி, மாதக்கணக்கில் காத்துக் கிடக்கிறேன்.

இதுவரை எந்தத் தகவலும் இல்லை. படித்துமுடித்த மகள் மற்றும் மகன் ஆகியோரை வைத்துக்கொண்டு அடுத்தகட்டமாக என்ன செய்வது என்று தெரியாமல் தவித்து கொண்டிருக்கிறேன்.

தனியாக உழைத்து இரண்டு பிள்ளைகளைக் காப்பாற்றுவது மிகவும் சிரமமாக உள்ளது. அவர் குறித்து எந்தத் தகவலும் தெரியாமல் இருப்பது எங்களுக்கு சந்தேகத்தையும், பயத்தையும் ஏற்படுத்துகிறது. எனது கணவரை நல்ல படியாக மீட்டுத் தர வேண்டும் என்று கோரிக்கை வைத்திருப்பதாக கூறியுள்ளார்.

கெஞ்சிய மனைவி

தமிழகத்தில் கணவனுக்கு துரோகம் செய்துவிட்டு காதலனுடன் சென்ற பெண் சம்பவத்தில் முக்கிய தகவல்கள் வெளியாகியுள்ளன. திருச்சி மண்ணச்சநல்லூர் அருகே பெரகம்பி கிராமத்தைச் சேர்ந்தவர் கனகராஜ். +2 வரை மட்டுமே படித்திருக்கும் இவர் தன்னுடைய கடுமையான உழைப்பால் சென்னையில் ஒரு ஹோட்டலும்,

சொந்த கிராமத்தில் பெற்றோருக்காக ஒரு ஹோட்டலும் நடத்திவருகிறார். ஹோட்டலில் நல்ல வருமானம் வந்தநிலையில் நான்கு ஆண்டுகளுக்கு முன் துறையூர் அருகே கீராம்பூரைச் சேர்ந்த சரண்யா என்ற பெண்ணுடன் திருமணம் முடிந்துள்ளது.

இந்த தம்பதிக்கு தற்போது இரண்டு வயதில் பெண் குழந்தை ஒன்று உள்ளது. மனைவி மீது அதிக பாசம் கொண்ட கனகராஜ் அவரை ராணி போன்று பார்த்து வந்துள்ளார். கனகராஜின் பெற்றோரும் அவரை உள்ளங்கையில் வைத்து தாங்கி வந்துள்ளனர்.

இந்நிலையில் சரண்யா நான் பி.சி.ஏ. படிச்சிருக்கேன். மேல படிக்கணும் வேலைக்கு செல்ல ஆசையா இருக்கு என்று கெஞ்ச, உடனே மனைவி மீது இருந்த கட்டுக்கடங்காத பாசத்தில் கனகராஜ் அவரை துறையூருக்கு படிக்க அனுப்பிவைத்துள்ளார்.

இப்படி இவர்களின் வாழ்க்கை நன்றாக சென்று கொண்டிருந்த போது, திடீரென்று கனகராஜின் போனுக்கு தொடர்பு கொண்ட பெண், உன் மனைவி வீடு திரும்பியது போனை வாங்கிப் பார், அதன் பின் தெரியும் என்று கூறி வைத்துள்ளார். இதனால் மனைவி வந்த பின்பு, போனை வாங்கிப் பார்த்த அவருக்கு அதிர்ச்சி காத்திருந்தது. அதில், மனைவி யாரோ ஒருவனுடன் லிப் டூ லிப் முத்தம் கொடுப்பது உள்ளிட்ட எடுக்கக்கூடாத படங்களால் நிரம்பியிருந்தது.

உடனடியாக மனைவி மீது ஆத்திரம் கொண்ட அவரை அடித்த போது, உடனே செளமியா நான் தப்புப் பண்ணிவிட்டேன், அவன் பேரு செல்வம். எங்க ஊர்க்காரன். சின்னவயதிலிருந்தே எங்களுக்குள்ள பழக்கம். அவனை திருமணம் செய்ய நினைத்தேன்.

அவன் வேற ஜாதி பையன் என்பதால் முடியாமல் போய்விட்டது. அவனுக்கு வேற பொண்ணோட திருமணமாகி, இரண்டு குழந்தைகள் இருக்கு. அவனை தற்போது திடீர் என்று பார்த்தவுடன், பழைய பழக்கத்துல தப்புப் செய்துவிட்டேன், என்னை மன்னித்துவிடுங்கள், இனிமே நான் இப்படி தப்புப் பண்ணமாட்டேன் என்று கூறி மனைவி அழ, கனகராஜ் இனிமேல் ஒழுங்கா இரு என்று எச்சரிக்கை செய்துள்ளார்.

அதன் பின் சில நாட்களில் இரவுச் சாப்பாட்டிற்கான குழம்பில் மயக்க மாத்திரையை கலந்து பரிமாறிய சரண்யா, கணவனும், மாமனார்-மாமியாரும் தூங்கிய பின்பு, குழந்தையைத் தூக்கிக்கொண்டு ஏற்கனவே திட்டமிட்டபடி செல்வத்துடன் துறையூர் பகுதியில் தலைமறைவாகியுள்ளார்.

மனைவியையும், குழந்தையையும் நாலாபுறமும் தேடிப்பார்த்த கனகராஜ் இறுதியாக என் மனைவியையும் குழந்தையையும் மீட்டுத் தாருங்கள் என்று காவல் நிலையத்தில் புகார் செய்ய,
செல்வத்தின் பெற்றோரை அழைத்து விசாரணை நடத்தி வந்தனர்.

இதற்கிடையில் தான் கனகராஜிற்கு போன் செய்த செல்வம், நான் உன் மனைவி, குழந்தைகள் எல்லாரும் துறையூரில் இருக்கும், இங்கு வா உன்னுடன் அவள் வருகிறேன் என்று சொன்னால் நீ அழைத்துச் செல் என்று கூறி முடித்துள்ளார்.

உடனடியாக உறவினர்களுடன் கனகராஜ் அங்கு சென்ற போது, செல்வம் மற்றும் செளமியாவை தாக்கியுள்ளனர். இந்த விவகாரம் துறையூர் பொலிசாருக்கு தெரியவர, பொலிசார் அவரை அங்கு அழைத்துச் சென்று விசாரித்துள்ளனர்.

அப்போது கனகராஜ், என் மனைவி மீது அளவுக்கடந்த பாசம் வைத்திருந்தேன், அவள் படிக்க வேண்டும் என்று சொன்னால் அதற்காக ஒரு லட்சம் ரூபாய் செலவு செய்து படிக்க வைத்தேன், ஆனால் கடைசியில் எனக்கு துரோகம் செய்துவிட்டாள் அவள் மற்றும் செல்வம் மீது நடவடிக்கை எடுங்கள் கூற, அங்கிருந்த இன்ஸ்பெக்டர் இவர்கள் இருவர் மீதும் வழக்கு போட முடியாது.

வயதுக்கு வந்த இரண்டுபேர் விருப்பப்பட்டு ஒன்றாக இருக்கலாம். உச்சநீதிமன்ற தீர்ப்பு அப்படி இருக்கு. நான் எதுவும் செய்ய முடியாது, சரண்யாவும், செல்வமும் என்ன சொல்கிறார்களோ, அதைப் பொறுத்துத்தான் முடிவெடுக்க முடியும் என்று கூறி, செல்வத்தையும், சரண்யாவையும் பார்த்த போது, சரண்யா எனக்கு கனகராஜ் மற்றும் அவர் மூலம் பெற்ற குழந்தைகள் வேண்டாம் செல்வமே போதும் என்று சொல்ல, பொலிசார் செல்வத்துடன் செளமியாவை அனுப்பி வைத்தனர்.

வெளியில் இருந்த செல்வத்தின் மனைவி மற்றும் குழந்தைகள் கண்கலங்கி நின்று கொண்டிருக்க, ஆனால் அவர்களை பற்றி எல்லாம் கவலைப்படாமல் காமம் கண்ணை மறைக்க செல்வம், செளமியாவுடன் சென்றுவிட்டார். அதன் பின் தன் தோழில் குழந்தைகளை சுமந்த படி கனகராஜும் சென்றுவிட்டார்.

இந்த சம்பவத்தை படித்த பார்த்து இணையவாசிகள் சிலர், நீதிமன்ற தீர்ப்புகளில் தனிமனித சுதந்திரத்திற்கும், உரிமைக்கும் முக்கியத்துவம் கொடுக்கப்படுகிறது. இது ஒருவகையில் சிறப்பானது என்றாலும் அதன் நல்ல நோக்கத்தை தங்களின் தீய நோக்கத்திற்கு ஏற்ற வகையில் பயன்படுத்திக் கொள்கின்ற சிலரால் நீதிமன்ற தீர்ப்புகளின் சாராம்சம் விமர்சனத்திற்கு ஆளாகிறது என்று கூறி வருகின்றனர்.

செளமியா

தமிழகத்தில் செளமியா என்ற பெண்ணை எரித்து கொலை செய்த சம்பவத்தில் கொலையாளி வாக்குமூலம் அளித்துள்ளான். கேரள மாநிலம், ஆலப்புழா மாவட்டம் மாவேலிக்கரை அருகே உள்ள வள்ளிக்குந்நு காவல் நிலையத்தில் சிவில் பொலிஸ் அதிகாரியாக பணிபுரிந்து வந்தவர் சௌமியா.

இவரை சமீபத்தில் ஆலுவா டிராபிக் காவலர் அஜாஸ் என்பவர் காரால் இடித்து, அரிவாளால் வெட்டி, அதன் பின் பெட்ரோல் ஊற்றி அவரை கொலை செய்தார். செளமியாவை பெட்ரோல் ஊற்றி எரித்த பின்பு, தன் மீது பெட்ரோல் ஊற்றி தீ வைத்து தற்கொலைக்கு முயன்றார்.

ஆள் நடமாட்டம் இல்லாத இடத்தில் நடந்தாலும், அங்கிருந்த சிலர் இதைக் கண்டு அவரை உடனடியாக மருத்துவமனையில் அனுமதித்தனர். அஜாஸ் 50 சதவிகிதம் தீக்காயங்களுடன் ஆலப்புழா மருத்துவக்கல்லூரி மருத்துவமனையில் சிகிச்சைபெற்று வருகிறார்.

இதற்கிடையில் செளமியாவுக்கும் அஜாஸுக்கும் காவலர் பயிற்சி காலத்திலேயே நட்பு இருந்ததாகவும். அஜாஸ் கடனாகக் கொடுத்த ஒன்றே கால் லட்சம் ரூபாயை திருப்பிக் கொடுத்தபோது அதைப் பெறாமல் தன்னை திருமணம் செய்துகொள்ளும்படி கூறியதாகவும் செளமியாவின் தாய் இந்திரா தெரிவித்தார்.

இந்நிலையில் மருத்துவமனையில் இருக்கும் அஜாஸ் மாஜிஸ்திரேட்டிடம் அளித்த வாக்குமூலத்தில், செளமியா என்னைத் திருமணம் செய்யாமல் உதாசீனப்படுத்தியதால் பெட்ரோல் உற்றி எரித்துக் கொலை செய்தேன். பின்னர் என் உடலிலும் பெட்ரோல் ஊற்றி தீவைத்தேன். இதற்காக வாடகை கார் எடுத்துக்கொண்டு வந்தேன் என்று கூறியுள்ளார். உயிரிழந்த செளமியாவிற்கு திருமணமாகி குழந்தை உள்ளது. இவரின் கணவர் வெளிநாட்டில் வேலை செய்து வருகிறார் என்பது குறிப்பிடத்தக்கது.

சிறுமி ஜோதி

இசைநிகழ்ச்சியில் பங்கேற்பதற்காக தமிழகத்திலிருந்து பிரித்தானியா செல்லவிருந்த மாற்றுத்திறனாளியான பாடகி ஜோதிக்கு உள்துறை அலுவலகம் அனுமதி மறுத்துள்ளது. 19 வயதான வயலின் கலைஞர் ஜோதி மற்றும் 25 வயதான விசைப்பலகை கலைஞர் பிரேம் பகவன் நாகராஜு ஆகியோர், ஸ்காட்டிஷ் அரசாங்கத்தால் நிதியளிக்கப்பட்ட ஒரு நிகழ்ச்சியில் கலந்துகொள்வதற்கு அனுமதி மறுக்கப்பட்டுள்ளது.

கிளாஸ்கோவை தளமாகக் கொண்ட பாராகன் மியூசிக் நடனம் மற்றும் இசை தொண்டு நிறுவனம் கடந்த 2017ம் ஆண்டு இந்தியாவிற்கு வருகை தந்து கலைநிகழ்ச்சி நடத்தியிருந்தது. அதன் கலாச்சார பரிமாற்றமாகாவே தற்போது மாற்றுத்திறனாளிகளை ஆதரிக்கும் சென்னை அமைப்பான தேவசிதம் அறக்கட்டளையை சேர்ந்த குழுவினர், பிரித்தானியாவில் கலைநிகழ்ச்சி நடத்தவிருந்தனர்.

இதற்காக விண்ணப்பிக்கப்பட்ட இரண்டு வார விசா, ஜோதி அவருடைய தாய் கலைச்செல்வி மற்றும் பிரேம் ஆகியோரை தவிர மற்ற அனைவருக்கும் வழங்கப்பட்டுள்ளது. இதுகுறித்து விளக்கம் கொடுத்துள்ள உள்துறை அமைச்சகம். “இந்தியாவில் இருவருக்கும் போதுமான உறவுகள் இருப்பதாக தெரியவில்லை. அதாவது அவர்கள் பயணத்தின் முடிவில் இங்கிலாந்தை விட்டு வெளியேற மாட்டார்கள்” என தாங்கள் நம்புவதாக கூறியுள்ளனர்.

உள்துறை அலுவலகத்தின் இந்த நடவடிக்கையால் அந்த தொண்டு நிறுவனம் கொதித்தெழுந்துள்ளது. ஸ்காட்டிஷ் எம்.பி. டீட்ரே ப்ராக் ட்விட்டரில் தன்னுடைய கோபம் குறித்து பதிவிட்டுள்ளார்.

இதுகுறித்து அந்த நிறுவனத்தின் இயக்குனர் நினியன் பெர்ரி கூறுகையில், இந்த சம்பவத்தினால் ஜோதி கண்ணீரில் மூழ்கிவிட்டார். சென்னையில் இருக்கும் அவருடைய நண்பர்கள் அனைவரும் சோகமாக உள்ளனர். இந்த நிகழ்ச்சி பல மாதங்களுக்கு முன் திட்டமிடப்பட்டது. இதற்காக நாங்கள் 8000 பவுண்டுகள் வரை செலவு செய்துள்ளோம்.

மாற்றுத்திறனாளிகளை ஆதரிக்கும் சென்னை அமைப்பான தேவசிதம் அறக்கட்டளையை சேர்ந்த குழுவினர், சென்னையிலிருந்து, சனிக்கிழமையன்று பிரித்தானியாவிற்கு வரவிருந்தனர். ஆனால் தற்போது அது ரத்து செய்யப்பட்டுள்ளது.

உள்துறை அலுவலகம் பயன்படுத்திய சுயவிவரக் கருவி முற்றிலும் பாரபட்சமானது. மாற்றுத்திறனாளிகளுக்கு விசா வழங்கப்படுகிறது. ஆனால் பார்வையற்றவர்களுக்கு அனுமதி இல்லை என்கிற தர்க்கத்தைப் என்னால் புரிந்து கொள்ள முடியவில்லை என கூறியுள்ளார்.

மேலும், இதற்காக நாங்கள் கையெழுத்து திட்டத்தினை துவங்கியுள்ளோம். தற்போது வரை 470 பேர் கையெழுத்திட்டுள்ளனர். ஆயிரம் கையெழுத்துக்கள் கிடைத்தால், உள்துறை அமைச்சத்திற்கு அழுத்தம் கொடுக்கலாம் என கூறியுள்ளார்.

முன்னதாக சிறுமி ஜோதி, இசையமைப்பாளர் ஜி.வி பிரகாஷ் இசையமைப்பில் விரைவில் வெளிவர இருக்கும் “அடங்காதே” படத்தில் பாடல் பாடியிருப்பது குறிப்பிடத்தக்கது