தாய்க்கு மறுமணம் செய்துவைத்த இளைஞன்

கேரளாவை சேர்ந்த இளைஞர் ஒருவர் தன் தாய்க்கு திருமண வாழ்த்து தெரிவித்து பதிவிட்ட வார்த்தைகள் அனைவரையும் நெகிழச்செய்துள்ளது.

கேரளாவில் கொல்லம் மாவட்டத்தை சேர்ந்த கோகுல் ஸ்ரீதர் என்ற இளைஞர், CPM அமைப்பில் உறுப்பினராக செயல்பட்டு வருகின்றார். பொதுவாக பெண்கள் குறிப்பிட்ட வயத்திற்கு பின் தனது திருணம் என்பது குறித்து பொதுவெளியில் பேச தயங்கும் விடயத்தை நாம் பார்க்கலாம்.

ஆனால், கோகுல்ஸ்ரீதர் அவரின் தாயரின் மறுமணத்தை வித்தியாசமாகவும் ஏற்கொண்டுள்ளார். அதற்கான காரணத்தை பதிவில் தெரிவித்துள்ளார். அவர் பேஸ்புக்கில் பதிவிட்டுள்ள வார்த்தைகள் ”ஒரு பெண் எனக்காக அவரது வாழ்க்கையை ஒதுக்கி வைத்துள்ளார். அவள் தனது திருமணத்தின் மூலம் அதிக துன்பங்கள் அனுபவித்துள்ளாள். ஒருநாள் அடிவாங்கி கொண்டு தலையில் ரத்தம் சொட்டும் போது அவளிடம் கேட்டேன் இது உனக்கு சலிக்கவில்லையா என்று.

அவள் என்னிடம் நான் உனக்காகதான் வாழ்கிறேன் என்று தெரிவித்தால். அன்று அவளுடன் புறப்பட்டுவிட்டேன். அன்றுதான் நான் முடிவு செய்தேன், என்தாய் எனக்காக அவள் இளமையை தியம் செய்தாள் அவள் கனவை அடைய வேண்டும் என்று. இதில் மறைக்க என்னிடம் ஒன்றும் இல்லை… Mother, happy married life”. என்று பதிவிட்டிருந்தார். இந்த பதிவு மிகம் வைரலாகி பலரது வாழ்த்துகளை பெற்றுள்ளது.

நடந்த விபரீதம்

தமிழகத்தில் பெண்ணொருவர் டிக்-டாக் செயலி மூலம் விஷம் அருந்துவது போன்ற வீடியோவை வெளியிட்டு பலியான சம்பவம் பெரும் பரபரப்பை ஏற்படுத்தியுள்ளது. அரியலூர் மாவட்டம் செந்துறை அருகே உள்ள வங்காரம் கிராமத்தை சேர்ந்தவர் தங்கமணி மகள் அனிதா (வயது 24) என்பரே இச்சம்பவத்திற்கு பலியாகியுள்ளார்.

பெரம்பலூர் மாவட்டம் ஆலத்தூர் வட்டம் சீராநத்தம் கிராமத்தை சேர்ந்த பழனி வேலு என்பவருக்கும் கடந்த சில ஆண்டுகளுக்கு முன்பு திருமணம் நடந்தது மோனிஷா என்ற மகளும், அனீஷ் என்ற மகனும் உள்ளனர். தனது குடும்பத்தை பொறுப்புடன் நடத்திவந்த அனித்தா, செல்போனில் டிக் டாக் ஆப்பினை பதிவிறக்கம் செய்து அதற்கு அடிமையாகி உள்ளார்.

இதன்போது குழந்தைகளுக்கு சரியான நேரத்தில் சாப்பாடு கூட தயார் செய்து கொடுக்காமல் டிக்-டாக் வீடியோவில் நடனமாடுவது, பாடல் பாடுவது, மேக்அப் செய்து தன்னை அழகாக காட்டுவது போன்றவைகளை பதிவிட்டு லைக்குகளை அள்ளி வந்துள்ளார் அனிதா.

இதனை தொடர்ந்து வெளிநாட்டில் இருக்கும் கணவரிடம் உறவினர்கள் அனிதாவின் செயல்பாடு குறித்து புகார் தெரிவித்தனர். அவரும் அனிதாவை போனில் கண்டித்தார். இதற்கிடையே கடந்த சில நாட்களுக்கு முன்பு விளையாடிக் கொண்டிருந்த மகன் மோனிஷா கீழே விழுந்து காயம் அடைந்தார். அவரை ஆஸ்பத்திரிக்கு அழைத்து செல்லாமல் அனிதா இருந்துள்ளார்.

தகவல் அறிந்து ஆத்திரமடைந்த கணவர் பழனிவேலு, அனிதாவை போனில் கடுமையாக திட்டியுள்ளார். இதனால் மனம் உடைந்த அனிதா தற்கொலை செய்துகொள்ள முடிவெடுத்துள்ளார். அதனை தனது கடைசி விருப்பமாக டிக்-டாக் செயலியில் வயலுக்கு தெளிக்கும் பூச்சி மருந்தை குடித்த அவர், பின்னர் தண்ணீரை குடிப்பது போன்ற வீடியோவை வெளியிட்டுள்ளார்.

இறுதியாக ஒரு சில விநாடிகளில் அவரது கண்கள் மயக்க நிலையை ஏற்பட்டு மயக்கம் அடைந்ததுள்ளார். இதனை கண்ட அவரை அக்கம்பக்கத்தினர் அரியலூர் அரசு ஆஸ்பத்திரியில் சேர்த்தனர். மேல் சிகிச்சைக்காக திருச்சி தனியார் ஆஸ்பத்திரியில் அனுமதிக்கப்பட்ட அனிதா நேற்று சிகிச்சை பலனின்றி பரிதாபமாக இறந்துள்ளார்.

குறித்த சம்பவம் தொடர்பாக குன்னம் போலீசார் வழக்குப்பதிவு செய்து விசாரணை நடத்தி வருகிறார்கள் மேலும் தந்தை வெளிநாட்டில் வேலை பார்த்து வரும் நிலையில், தாயும் தற்கொலை செய்து கொண்டதால் அவரது இரண்டு குழந்தைகளும் ஆதரவற்ற நிலையில் தவித்து வருகிறார்கள்.

காதலன் செய்த அதிர்ச்சி செயல்

மங்களூரில் அப்பார்ட்மெண்ட் ஒன்றில் இளம்பெண் மாரடைப்பால் மரணமடைந்ததாக சொல்லப்பட்ட விவகாரத்தில், அவரது காதலனே கழுத்தை நெரித்து கொலை செய்தது விசாரணையில் தெரியவந்துள்ளது.

கடந்த வெள்ளிக்கிழமை மங்களூருவில் உள்ள அபார்ட்மெண்ட் ஒன்றில் அஞ்சனா என்ற இளம் பெண், மர்மமான முறையில் இறந்து கிடந்தார். இந்த கொலை குறித்து நடத்திய விசாரணையில், அந்த வீட்டில் அஞ்சனாவோடு தங்கியிருந்த காதலன் சந்தீப் என்ற இளைஞரை தேடிவந்தனர்.

அந்த நபர் தனது சொந்த ஊரான பெங்கோடகி தண்டா சென்றுவிட்டார் என தகவல் கிடைத்தது. அவரை சுற்றி வளைத்து விசாரித்தபோது, கொலை செய்ததை ஒப்புக் கொண்டுள்ளார். சமூக ஊடகத்தின் மூலமாக, இருவரும் பழக தொடங்கி, பின்னர் காதலிக்க ஆரம்பித்த இவர்கள். சில மாதங்களுக்கு முன்பாக, வீட்டில் பொய் சொல்லிவிட்டு, இருவரும் மங்களூருவிற்கு ஓடிவந்து, அபார்ட்மெண்ட் ஒன்றில் வீடு பார்த்து வாடகைக்கு தங்கியுள்ளனர்.

வீட்டின் உரிமையாளரிடம் இருவரும் திருமணமானதாகவும், வேலை தேடி மங்களூரு வந்தோம் என்றும் பொய் சொல்லியுள்ளனர். சில நாள் ஒன்றாக தங்கியிருந்து விட்டு, பின்னர் திருமணம் செய்துகொள்ள இருவரும் தீர்மானித்திருக்கிறார்கள்.

இருவரும் சிறிது காலம் கணவன் மனைவி போல வாழ்ந்துள்ளனர். அடிக்கடி இருவருக்கும் இடையே தகராறு ஏற்பட தொடங்கியுள்ளது. சந்தீப் நடவடிக்கையால் அதிருப்தியில் இருந்த அஞ்சனா, அவரையே திருமணம் செய்யும் முடிவை கைவிடுவதாகக் கூறியிருக்கிறார்.

இந்நிலையில், கடந்த 7 ஆம் தேதி அவர்கள் எதிர்காலத்தைப் பற்றி விவாதித்தபோது, ​​அஞ்சனா தன் பெற்றோருக்கு அவளுக்கு பொருத்தமான மாப்பிள்ளையை பார்த்துள்ளதாகவும், அவனையே திருமணம் செய்துகொள்வதாகவும் கூறியிருக்கிறார்.

இந்த விவாதம் போய்க் கொண்டிருக்கும்போதே டென்ஷானான சந்தீப், இவ்வளவு நாள் என்னோடு வாழ்ந்துவிட்டு, இப்போது உனக்கு வேறொருவன் வேண்டுமா என கேபிள் வயரால் அஞ்சனாவை கழுத்து நெரித்து கொலை செய்திருக்கிறார்.

பின்னர் அங்கிருந்து அவர் தப்பியோடியுள்ளார். மாலையில் வீட்டு உரிமையாளர் அறையில் அஞ்சனா இறந்ததைக் கண்டதும். போலீசில் புகார் அளித்தனர். விரைந்து வந்த போலீஸ் சடலத்தைக் கைப்பற்றி பிரேதப பரிசோதனைக்கு அனுப்பிவைத்தனர்.

மேலும் அந்த வீட்டின் உரிமையாளர், காஞ்சனாவின் காதலன் சந்தீப்பை அடையாளம் காட்டியிருக்கிறார். கொலை செய்தபின், சந்தீப் தனது சொந்த ஊரான சிங்காகிக்கு ஓடிவிட்டார். போலீஸ் சிறப்பு குழுக்கள், உருவாக்கி சந்தீப் கைது செய்யப்பட்டார். கைதான சந்தீப்பிடம் நடத்தப்பட்ட விசாரணையில் கொலை செய்ததை ஒப்புக்கொண்டுள்ளார்.

நள்ளிரவில் நடந்த சம்பவம்

இந்தியாவில் தொழிலபதிபர் ஒருவர் தனது மனைவி மற்றும் குழந்தையை சுட்டு கொன்றுவிட்டு தானும் தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது. பீகார் மாநிலத்தின் பாட்னாவை சேர்ந்தவர் நிஷாந்த் சரப். இவர் மனைவி அல்கா. தம்பதிக்கு அனன்யா (8) இஷாந்த் (4) என இரண்டு பிள்ளைகள் இருந்தனர். இந்நிலையில் நிஷாந்த் தனது குடும்பத்தாருடன் ஐரோப்பாவுக்கு சுற்றுலா சென்ற நிலையில் கடந்த வாரம் ஊருக்கு திரும்பினார்கள்.

நேற்று நள்ளிரவு நிஷாந்த் தனது மனைவி மற்றும் குழந்தைகளை துப்பாக்கியால் சுட்டு விட்டு தானும் தற்கொலை செய்து கொண்டார். காலையில் அவர் வீட்டுக்கு நபர் ஒருவர் வந்த போது நால்வரும் ரத்த வெள்ளத்தில் கிடப்பத்தை பார்த்து அதிர்ச்சியடைந்து பொலிசுக்கு தகவல் கொடுத்தார்.

சம்பவ இடத்துக்கு பொலிசார் வந்த நிலையில் சிறுவன் இஷாந்த் தவிர மற்ற மூவரும் இறந்து விட்டது தெரியவந்தது. இதையடுத்து இஷாந்த் உடனடியாக மருத்துவமனையில் சேர்க்கப்பட்ட நிலையில் அவனுக்கு தீவிர சிகிச்சையளிக்கப்பட்டு வருகிறது.

சம்பவ இடத்தில் இருந்து பொலிசார் நிஷாந்த் எழுதி வைத்திருந்த கடிதத்தை கைப்பற்றினார்கள். அதில், இந்த சம்பவத்துக்கும் எங்கள் குடும்பத்தை சேர்ந்த யாருக்கும் தொடர்பில்லை, இதற்கு நானே பொறுப்பு என எழுதப்பட்டிருந்தது.

பொலிசார் கூறுகையில், நிஷாந்தின் மனைவியும், குழந்தைகளும் தூங்கி கொண்டிருக்கும் போது அவர்களை நிஷாந்த் சுட்டிருக்கலாம் என கருதுகிறோம். நிஷாந்த் குடும்பத்தினர் அனைவரும் தொழிலபதிபர்கள் தான்.

நிஷாந்த் துணிக்கடை நடத்தி வந்தார், அவர்களுக்கு நகைக்கடை கூட உள்ளது. அல்கா மற்றும் நிஷாந்தின் செல்போன்களை கைப்பற்றியுள்ளோம், அதன் மூலம் துப்பு கிடைக்கும் என எதிர்பார்க்கிறோம் என கூறியுள்ளனர்.

கழிவறையில் எழுதப்பட்ட வாசகம்

2017 ஆம் ஆண்டு விமான கழிவறையில் எழுதி வைத்த ஒரு வாசகத்தால் மும்பை தொழிலதிபரின் தலையெழுத்து மாறிப்போனது பரிதாபத்தை ஏற்படுத்தியுள்ளது. பிர்ஜு சல்லா என்கிற தொழிலதிபர் 2017 ஆம் ஆண்டு அக்டோபர் 30 ஆம் திகதியன்று, மும்பை-டெல்லி நடுவே இயக்கப்பட்ட ஜெட் ஏர்வேஸ் விமானம் 9w339ல் பயணித்துள்ளார்.

அந்த பயணத்தின்போது, விமானத்தை கடத்தப்போவதாக ஆங்கிலம் மற்றும் உருது ஆகிய மொழிகளில் எழுதி அந்த பேப்பரை பொருளாதார பிரிவில் உள்ள கழிவறையில் வைத்துள்ளார்.மேலும், பாகிஸ்தான் ஆக்கிரமிப்பு காஷ்மீருக்கு விமானம் கடத்தப்படும் என்றும் அல்லா சிறந்தவர் எனவும் இவர் எழுதிவைத்துள்ளார். இந்த வாசகத்தால் விமானம் அவசரமாக அகமதாபாத்தில் தரையிறக்கப்பட்டு விசாரணை நடத்தியதில், இது சல்லாவின் விளையாட்டு என தெரியவந்து அவர் கைது செய்யப்பட்டார்.

டெல்லியில் உள்ள ஜெட் ஏர்வேஸ் நிறுவனத்தில் தனது காதலி பணியாற்றி வருவதாகவும், இப்படி ஒரு மிரட்டல் விடுத்தால் டெல்லி விமான சேவைகள் ரத்து செய்யப்பட்டு, காதலி, மும்பை அலுவலகத்திற்கே வருவார் என்ற ஆசையில் இப்படி ஒரு விபரீதமான செயலை செய்துள்ளார் என அவரிடம் நடத்தப்பட்ட விசாரணையில் தெரியவந்தது.

இந்த சம்பவம் தொடர்பாக இவர் மீது வழக்குப்பதிவு செய்யப்பட்ட கடந்த இரண்டு ஆண்டுகளாக வழக்கு விசாணை நடைபெற்று வந்த நிலையில், குற்றவாளியான பிர்ஜு சல்லாவுக்கு 5 கோடி அபராதமும், ஆயுள் தண்டனையும் விதித்து இன்று தீர்ப்பு வழங்கப்பட்டுள்ளது.

இந்த அபராதத் தொகை குறித்த விமானத்தில் பயணித்த பயணிகள் மற்றும், ஊழியர்களுக்கு பகிர்ந்தளிக்கப்பட வேண்டும் என தீர்ப்பளிக்கப்பட்டுள்ளது. இந்தியாவில் எந்த ஒரு விமானத்திலும் பறக்க முடியாது என்ற பட்டியலில் பிர்ஜு சல்லா கொண்டு வரப்பட்டார் என்பது குறிப்பிடத்தக்கது.