வெளிநாட்டுக்கு செல்லவேண்டும் என்ற சுபஸ்ரீ கனவு நிறைவேறவேயில்லை : ஒரே மகளை பறிகொடுத்த தந்தை கண்ணீர்!!

சுபஸ்ரீ

சென்னையில் அந்நியாயமாக இளம்பெண் சுபஸ்ரீ உ யிரிழந்த நிலையில் அது குறித்து அவர் தந்தை கண்ணீருடன் பேசியுள்ளார். கனடாவுக்கு செல்வதற்காக தேர்வை எழுதிவிட்டு பள்ளிக்கரணை பகுதியில் நேற்று இருசக்கர வாகனத்தில் தனியாக வந்து கொண்டிருந்த சுபஸ்ரீ என்ற பெண் மீது சாலையில் வைக்கப்பட்டிருந்த அரசியல் கட்சி பதாகை சரிந்து விழுந்தது.

இதையடுத்து நிலைதடுமாறி கீழே விழுந்த சுபஸ்ரீ மீது லொறி ஏறி இறங்கியதில் அவர் உடல் ந சுங்கி உ யிரிழந்தார். இதையடுத்து தங்களின் ஒரே மகளை ப றிகொடுத்து விட்டு சுபஸ்ரீயின் பெற்றோர் கதறி துடித்து வருகின்றனர்.

இது குறித்து கண்ணீருடன் பேசிய சுபஸ்ரீயின் தந்தை ரவி, பி.டெக் படித்து முடித்துள்ள என் மகள் வெளிநாட்டுக்கு வேலைக்கு போக வேண்டும் என ஆசையாக இருந்தாள். ஆனால் பதாகைகள் வைக்கும் கலாசாரத்தால் என் ஒரே மகள் எமனுக்கு ப லியாகிவிட்டாள், இதனால் அவர் கனவு நிறைவேறாமலேயே போய்விட்டது.

இது போன்ற சம்பவம் இனி யாருக்கும் நடக்கக்கூடாது. பதாகை கலாச்சாரத்தால் உ யிரிழந்தது என் மகளே கடைசியாக இருக்கட்டும். இதை தடுக்க பொலிசார் உரிய நடவடிக்கை எடுக்க வேண்டும் என கண்ணீருடன் தெரிவித்துள்ளார்.

இலங்கையில் பேஸ்புக் பயன்படுத்துவோரின் கவனத்திற்கு : கண்காணிக்கப்படும் உங்கள் செயற்பாடுகள்!!

பேஸ்புக் பயன்படுத்துவோரின் கவனத்திற்கு..

ஜனாதிபதி தேர்தல் தொடர்பில் சமூக வலைத்தளங்களின் செயற்பாடுகள் குறித்து கண்காணிக்குமாறு தேர்தல்கள் ஆணைக்குழு கோரிக்கை விடுத்துளளது. இந்தக் கோரிக்கையை இலங்கை தகவல் தொழில்நுட்ப சங்கத்திடம், ஆணைக்குழுவின் தலைவர் மஹிந்த தேசப்பிரிய விடுத்துள்ளார்.

தேர்தல் ஆணைக்குழுவின் தலைவருக்கும் இலங்கை தகவல் தொழில்நுட்ப சங்க பிரதிநிதிகளுக்கும் இடையில் நடைபெற்ற கலந்துரையாடலின் போது இது குறித்து ஆலோசிக்கப்பட்டுள்ளது. அரசியல்வாதிகளுக்கு எதிரான பல்வேறு கருத்து மோதல்கள் சமூக வலைத்தளங்களில் பாரியளவில் முன்னெடுக்கப்பட்டு வருகின்றன. இதனை கட்டுப்படுத்த நடவடிக்கை எடுக்கப்பட வேண்டும் என அறிவுறுத்தப்பட்டுள்ளது.

ஜனாதிபதி தேர்தலை இலக்கு வைத்து பெருமளவு போலி பேஸ்புக் மற்றும் டுவிட்டர் கணக்குகள் உருவாக்கியுள்ளதாக சங்கத்தினர் தெரிவித்துள்ளனர்.

எதிர்வரும் தேர்தல் காலத்தில் போலி பேஸ்புக் கணக்குகள் மற்றும் டுவிட்டர் கணக்குகளை உருவாக்கி அதன் மூலம் வெளியிடப்படும் வன்முறை கருத்துக்களை தடுக்க நடவடிக்கை எடுக்கப்படவுள்ளது. இதற்காக சமூக வலைத்தளங்கள் தீவிரகமாக கண்காணிக்கப்பட்டு வருவதாக தொழில்நுட்ப பிரிவினர் தெரிவித்துள்ளனர்.

இலங்கையில் வாகனங்கள் வாங்க காத்திருப்போருக்கு கவலையான தகவல்!!

வாகனங்கள் வாங்க காத்திருப்போருக்கு..

இலங்கையில் சிறிய வாகனங்களின் விலை ஒன்றரை இலட்சம் ரூபாவினால் அதிகரித்துள்ளதாக வாகன இறக்குமதியாளர்கள் சங்கம் தெரிவித்துள்ளது. இலங்கை ரூபாவின் பெறுமதி வீழ்ச்சியடைந்து வரும் நிலையில், ஜப்பானின் யென் பெறுமதி அதிகரித்துள்ளது. இதனால் சிறிய வாகனங்களின் விலை ஒன்றரை இலட்சம் ரூபாவினால் அதிகரித்துள்ளதாக வாகன இறக்குமதியாளர்கள் சங்கத்தின் செயலாளர் தெரிவித்துள்ளார்.

விலை அதிகரிப்பு காரணமாக வாகனங்களின் விற்பனையில் பாரிய அளவில் வீழ்ச்சியடைந்துள்ளது. 2019ஆம் ஆண்டு வரவு செலவுத் திட்டத்திற்கமைய சொகுசு வாகன வரி விதிக்கப்படவுள்ளது. அதன் பின்னர் 35 இலட்சம் ரூபாவிற்கும் அதிக விலையில், 2300 இயந்திர திறன் கொண்ட வாகனம் மற்றும் 1800 திறன் கொண்ட அனைத்து வாகனங்களுக்கும் 5 – 25 இலட்சம் ரூபாய் மேலதிக வரி செலுத்த நேரிடும்.

வாகன விற்பனை வீழ்ச்சிக்கு இந்த நிலைமை மேலும் அதிகமாக தாக்கம் செலுத்தும். உயிர்த்த ஞாயிறு தா க்குதலின் பின்னர் பூஜ்ஜிய வீதமாக வாகன விற்பனை வீழ்ச்சியடைந்தது. அதன் பின்னர் 20 வீதத்தில் அதன் விற்பனை அதிகரித்து. இந்நிலையில் இவ்வாறான நிலைமை மேலும் விற்பனை வீழ்ச்சியடைய செய்யும்.

இயந்திர திறன் 650, 800 மற்றும் 1000 பிரிவுகளில் உள்ள வாகனங்ளின் விலை 1.5 இலட்சம் ரூபா வரை அதிகரிக்கவுள்ளது. இதனால் சிறிய அளவிலான வாகனங்களின் விலை 26 லட்சம் ரூபாவில் இருந்து 27.5 இலட்சத்திற்கு அதிகரிக்கும் என இறக்குமதியாளர்கள் சங்கத்தின் செயலாளர் மேலும் தெரிவித்துள்ளார்.

வெளிநாடு ஒன்றில் க ணவனை கொ டூரமாக வெ ட்டிய இலங்கைப் பெண்!!

வெளிநாடு ஒன்றில்..

மலேசியாவில் உறங்கிக் கொண்டிருந்த தனது கணவனை, இலங்கை சேர்ந்த ம னைவி கொ டூரமாக க த்தியால் வெ ட்டியுள்ளார். இந்த சம்பவம் நேற்று அதிகாலையில் அவர்களின் வாடகை வீட்டில் இடம்பெற்றுள்ளதாக மலேசிய பொலிஸார் தெரிவித்துள்ளனர்.

மனைவியின் தா க்கு தலால் இலங்கையை சேர்ந்த நபரே ப டுகா யம் அடைந்துள்ள நிலையில் வைத்தியசாலையில் அனுமதிக்கப்பட்டுள்ளார். இந்த சம்பவத்திற்கு ப யன்படுத்தப்பட்ட க த்தியை பொலிஸார் சம்பவ இடத்தில் இருந்து மீட்டுள்ளனர்.

ப லத்த கா யங் களுக்குள்ளான நபரின் மனைவியை பொலிஸார் விசாரித்து வருகின்றனர். அவரும் இலங்கை பெண் என பொலிஸார் தெரிவித்துள்ளனர். கா யங்களு க்குள்ள கணவன் மிகவும் ஆ பத்தான நிலையில் Raja Permaisuri Bainun வைத்தியசாலையில் சிகிச்சை பெற்று வருகிறார். த ண்டனைச் சட்டத்தின் பிரிவு 326 மற்றும் உள்நாட்டு வ ன்முறைச் சட்டம் 1994 இன் பிரிவு 18 ன் கீழ் இந்த வழக்கு விசாரிக்கப்பட்டு வருவதாக பொலிஸார் குறிப்பிட்டுள்ளனர்.

கொழும்பு வாழ் மக்களுக்கு இன்ப அதிர்ச்சி!!

கொழும்பில்..

கொழும்பில் நிர்மாணிக்கப்பட்டு வரும் துறைமுக நகரத்தினால் பல்வேறு நன்மைகள் ஏற்படவுள்ளதாக தெரிவிக்கப்படுகின்றது. இந்த காலப்பகுதியில் கொழும்பு 1, 2 மற்றும் 3 பகுதிகளில் உள்ள காணி மற்றும் சொத்து உரிமையாளர்களுக்கு புதிய எதிர்பார்ப்பு ஏற்பட்டுள்ளது.

துறைமுக நகரத்தில் சேவை மற்றும் தொழில் பெற்றுக்கொள்ளும் எதிர்பார்ப்பில் வருபவர்கள் தங்குவதற்காக தேவைப்படும் வசதி காரணமாக இந்த எதிர்பார்ப்பு ஏற்பட்டுள்ளாதாக தெரிவிக்கப்படுகின்றது.

இதனால் அவ்வாறு வருபவர்களுக்கு தங்குமிட வசதி வழங்குவதன் மூலம் தாம் இலாபத்தை ஈட்ட முடியும் என அந்த பகுதியினர் நம்பிக்கை வெளியிட்டுள்ளனர். துறைமுக நகர நிர்மாணிப்பு பணிகள் தற்போது இறுதி கட்டத்தை எட்டியுள்ளன. இதனால் தங்களின் வருமானம் அதிகரிக்கும் என குறித்த பிரதேசங்களில் வாழும் மக்கள் எதிர்பார்த்துள்ளனர்.

வவுனியா சிறைச்சாலையில் கண்பார்வை குறைபாடுள்ள 30 கைதிகளுக்கு வாழ்வளித்த சிறீ சபாரத்தினம் அறக்கட்டளை!!

வவுனியா சிறைச்சாலையில்..

வவுனியா விளக்கமறியல் சிறைச்சாலையிலிலுள்ள கண்பார்வை குறைபாடுள்ள 30 கைதிகளுக்கு சிறீ சபாரத்தினம் அறக்கட்டளையினால் முக்குக்கண்ணாடி வழங்கி வைக்கப்பட்டது.  இந் நிகழ்வு வவுனியா விளக்கமறியல் சிறைச்சாலையில் இன்று (12.09.2019) காலை 10 மணியளவில் இடம்பெற்றிருந்தது.

சிறைக்கைதிகளின் வாரத்தினை முன்னிட்டு வவுனியா சிறைச்சாலையிலுள்ள கண்பார்வை குறைபாடுள்ள 30 சிறைக்கைதிகளுக்கு மூக்குகண்ணாடி வழங்கி வைக்கப்பட்டதுடன் அவர்களின் பிள்ளைகளுக்கு (பாடசாலை மாணவர்கள்) பாடசாலை உபகரணங்களும் வழங்கி வைக்கப்பட்டது. அத்துடன் சிறு குற்றங்களுக்காக தண்டப்பணம் செலுத்த முடியாத நிலையில் சிறையிலுள்ள இரு சிறைக்கைதிகளின் தண்டப்பணத்தினையும் சிறீ சபாரத்தினம் அறக்கட்டளையினர் செலுத்தி அவர்களையும் விடுதலை செய்துள்ளனர்.

ஊடகங்களுக்கு சிறைச்சாலையினுள் அனுமதி மறுக்கப்பட்டமையினால் சிறைச்சாலை வாயிலுக்கு முன்பாக சிறைச்சாலை அதிகாரிகளிடம் மூக்குக்கண்ணாடிகள் கையளிக்கப்பட்டதுடன் சிறைச்சாலைக்குள் சிறைக்கைதிகளுக்கு கண்பரிசோதனை மேற்கொள்ளப்பட்டு மூக்குக்கண்ணாடி வழங்கி வைக்கப்பட்டது.

இந் நிகழ்வில் சிறீ சபாரத்தினம் அறக்கட்டளையினர் மற்றும் சிறைச்சாலை நலன்புரி சங்க உறுப்பினர், நகரசபை உறுப்பினர், வவுனியா மாவட்ட பொது அமைப்புக்களின் பிரதிநிதிகள், பௌத்த மதகுரு, சமூக ஆர்வளர்கள் என பலரும் கலந்து கொண்டிருந்தனர்.

வவுனியாவில் முதியோர் தின விளையாட்டுப் போட்டி!!

முதியோர் தின விளையாட்டுப் போட்டி

சர்வதேச முதியோர் தினத்தை முன்னிட்டு வவுனியா பிரதேச செயலகத்திற்குட்பட்ட முதியோர் சங்க உறுப்பினர்களிடையே விளையாட்டுப் போட்டிகள் மாவட்ட சமூக சேவை அலுவலகத்தில் இன்று (12.09.2019) காலை தொடக்கம் மதியம் வரை இடம்பெற்றது.

மாவட்ட சமூக சேவை அலுவலகர் செ.ஸ்ரீநிவாசன் தலைமையில் இடம்பெற்ற இவ் விளையாட்டுப் போட்டியில் கிடுகு பின்னுதல், வேகநடை, சங்கீதக்கதிரை, கூடைக்குள் பந்துபோடுதல் என பல்வேறு விளையாட்டுக்கள் இடம்பெற்றிருந்தன.

இப் போட்டிகளை விளையாட்டு உத்தியோகத்தர் பிந்துசன் வழிநடாத்தியதுடன் பிரதேச செயலக சமூக சேவை அபிவிருத்தி உத்தியோகத்தர் வசந்தரூபன் ஒழுங்கைப்பாளராக இருந்தார்.

இன்று போட்டியில் வெற்றி பெற்றவர்கள் எதிர்வரும் 19.09.2019 வியாழன் நடைபெறவுள்ள மாவட்ட மட்ட போட்டிகளில் கலந்து கொள்ளவுள்ளனர். இம்முறை மாகாண மட்ட முதியோர் தின விழா வவுனியாவில் 18.10.2019 அன்று நடைபெறவுள்ளது குறிப்பிடத்தக்கது.

வவுனியா பேரூந்து நிலையத்திற்கு அருகே விபத்து : ஒருவர் படுகாயம்!!

விபத்து

வவுனியா பழைய பேரூந்து நிலையத்திற்கு முன்பாக இன்று(12.09.2019) இரவு 8.30 மணியளவில் இடம்பெற்ற மோட்டார் சைக்கில் – வான் விபத்தில் ஒருவர் படுகாயமடைந்துள்ளார்.

வவுனியா நகரிலிருந்து ஏ9 வீதியூடாக பயணித்துக்கொண்டிந்த மோட்டார் சைக்கில் வீதியின் மறுபக்கம் மாற முற்பட்ட சமயத்தில் அதே பாதையில் வந்து கொண்டிருந்த வான் மோட்டார் சைக்கினை மோதித்தள்ளி விபத்துக்குள்ளானது. இவ் விபத்தில் மோட்டார் சைக்கிளை செலுத்திய 22 வயதுடைய இளைஞன் படுகாயமடைந்துள்ளார்.

சம்பவ இடத்திற்கு விரைந்த வவுனியா பொலிஸார் விபத்து இடம்பெற்ற இடத்திலிருந்து வாகனத்தினை அப்புறப்படுத்தியதுடன் அவ்விடத்திற்கு வருகை தந்த போக்குவரத்து பொலிஸார் விசாரணைகளை மேற்கொண்டனர்.

அத்துடன் மேலதிக விசாரணைகளுக்காக இரு வாகனத்தினையும் போக்குவரத்து பொலிஸார் பொலிஸ் நிலையத்திற்கு எடுத்துச் சென்றனர்.

வவுனியா மருத்துவமனையில் புதிய கட்டடம் திறந்து வைப்பு!!

புதிய கட்டடம் திறந்து வைப்பு

வவுனியா மருத்துவமனையில் மறுசீரமைப்பு செய்யபட்ட குழந்தை பராமரிப்பு நிலையம் இன்றையதினம் (12.09.2019) திறந்து வைக்கபட்டது.

மருத்துவமனை ஊழியர் நலன்புரிச் சங்கத்தின் 7.95 மில்லியன் நிதியில், இலங்கை கடற்படையினரால் குறித்த கட்டடம் மறுசீரமைப்பு செய்யபட்டது.

மருத்துவமனைப் பணிப்பாளர் நந்தகுமார் தலைமையில் இடம்பெற்ற இந்த நிகழ்வில் கடற்படைத் தளபதி வைஸ் அட்மிரல் பியல் த சில்வா கலந்துகொண்டு கட்டடத்தை திறந்து வைத்தார்.

நிகழ்வில் மேலதிக மாவட்டச் செயலர் தி.திரேஸ்குமார், மருத்துவர்கள், தாதியர்கள், மருத்துவமனை ஊழியர்கள், உட்படப் பலரும் கலந்து கொண்டனர்.

வவுனியாவில் கள்ளுத் தவறணையை மூடுமாறு கோரி மக்கள் ஆர்ப்பாட்டம்!!

மக்கள் ஆர்ப்பாட்டம்

வவுனியா, பூவரசன்குளம், கந்தன்குளம் பகுதியில் உள்ள கள்ளுத் தவறணையை மூடுமாறு கோரி நேற்று (11.08.2019) கவனயீர்ப்பு போராட்டம் ஒன்று மேற்கொள்ளப்பட்டது. குறித்த ஆர்ப்பாட்டமானது கள்ளுத் தவறணைக்கு முன்பாக சுமார் ஒரு மணிநேரம் இடம்பெற்றது.

வவுனியா, பூவரசன்குளம், கந்தன்குளம் சந்திப் பகுதியில் கள்ளுத் தவறணை ஒன்று அண்மையில் திறக்கப்பட்டுள்ளது. இதன்காரணமாக குறித்த பகுதியில் பேரூந்துக்கு காத்து இருப்பவர்களும், அவ் வீதி வழியாக பயணிக்கும் பாடசாலை மாணவிகள் உட்பட பலரும் பல்வேறு அசௌகரியங்களுக்கு முகம் கொடுத்துள்ளதுடன், குறித்த பகுதியில் சமய வழிபாட்டு தளம் ஒன்றும் காணப்படுகின்றது.

இதன்காரணமாக குறித்த பகுதியில் கள்ளுத் தவறணை அமைக்கப்பட்டுள்ளமை கிராமத்தின் காலாசாரத்தை பாதித்துள்ளதுடன், விரும்பத்தாகாத அசம்பாவிதங்கள் ஏற்பட வழிவகுக்கும் எனவும் தெரிவித்த கிராம மக்கள், வறுமையான தமது கிராமத்திற்கு கள்ளுத் தவறைணையை திறந்து மக்களை அழிக்காதீர்கள் எனத் தெரிவித்து ஆர்ப்பாட்டத்தில் ஈடுபட்டனர்.

இதன்போது ‘பனையை தென்னை வள அபிவிருத்தி சங்கத்திற்கும் உற்பத்திப் பொருட்களுக்கும் நாம் எதிரானவர்கள் அல்ல’ மாற்றிடத்தை தெரிவு செய், கள்ளுக் கடையை அகற்ற கால அவகாசம் வேண்டாம், வேண்டாம் கள்ளுக் கடை, வேண்டும் நூலகம், கந்தன்குளம் சந்தியை கள்ளுத்தவறணை சந்தி ஆக்காதே’ உள்ளிட்ட பல்வேறு வாசங்கள் பொறிக்கப்பட்ட பதாதைகளை தாங்கியிருந்தனர்.

ஆர்ப்பாட்டத்தில் ஈடுபட்ட மக்களை சிறிரெலோ கட்சியின் செயலாளர் நாயகம் பா.உதயராசா, அப்பகுதி கிராம அலுவலர் ஆகியோர் சென்று கலந்துரையாடியதுடன், சிறிரெலோ கட்சியின் செயலாளர் நாயகம் பா.உதயராசா உரிய அதிகாரிகளுடன் தொலைபேசியூடாக கலந்துரையாடி தற்காலிகமாக கள்ளுதவறைணை முடிவதற்குரிய நடவடிக்கையினை எடுத்தமையினையடுத்து போ ராட்டம் கைவிடப்பட்டது. குறித்த போ ராட்டத்தில் கந்தன்குளம் மக்கள், மாணவர்கள் எனப்பலரும் கலந்து கொண்டனர்.

வவுனியாவில் 14 வயது பாடசாலை மாணவனை காணவில்லை : பெற்றோர் கதறல்!!

பாடசாலை மாணவனை காணவில்லை

வவுனியா பூந்தோட்டம் மகா வித்தியாலயத்தில் தரம் 9 இல் கல்வி பயிலும் 1 வயது ஜெயராசா கனிஸ்டன் என்ற பாடசாலை மாணவனை காணவில்லை என மாணவனின் தந்தை பொலிஸ் நிலையத்தில் முறைப்பாடொன்றினை மேற்கொண்டுள்ளார்.

பூந்தோட்டம் காந்திநகர் பகுதியிலிருந்து மன்னார் வீதி வேப்பங்குளம் பகுதியில் அமைந்துள்ள அப்பம்மா வீட்டுற்கு செல்வதாக தெரிவித்து கடந்த 07.09.2019 அன்று மதியம் துவிச்சக்கரவண்டியில் குறித்த சிறுவன் வீட்டை விட்டு வெளியே சென்றுள்ளார்.

இரவு நேரமாகியும் சிறுவன் அப்பம்மா வீட்டிற்கு செல்லவில்லை. இதனையடுத்து அயவலர்கள் மற்றும் உறவினர்களின் உதவியுடன் பெற்றோர்கள் சிறுவனை தேடும் முயற்சியில் ஈடுபட்டிருந்தனர். எனினும் அது பயனளிக்கவில்லை

அதன் பின்னர் நேற்று முன்தினம் (10.09.2019) மகனை காணவில்லை என வவுனியா பொலிஸ் நிலையத்தில் தந்தை முறைப்பாடொன்றினை மேற்கொண்டுள்ளார்.

வீட்டை விட்டு குறித்த சிறுவன் வெளியேறிய சமயத்தில் நாவற் கலர் சேட் மற்றும் கறுப்பு ஜீன்ஸ் அணிந்திருந்ததாகவும் அவரை பற்றி தகவல் எதேனும் அறிந்தால் உடனடியாக அருகில் உள்ள பொலிஸ் நிலையத்திற்கோ அல்லது கீழேயுள்ள இலக்கத்திற்கோ அழைப்பினை ஏற்படுத்தி தெரிவிக்குமாறு சிறுவனின் தந்தை தெரிவித்துள்ளார்.

077 – 4982220 ஜெனுசன் (சகோதரன்)
076 – 6530123 சன்ஜீத் (உறவினர்)
076 – 0158241 ஜெயராசா (தந்தை)

வவுனியாவில் எழுக தமிழ் எழுச்சிப் பேரணிக்கு ஆதரவு கோரி மாபெரும் விழிப்புணர்வுப் பேரணி!!

விழிப்புணர்வுப் பேரணி

எழுக தமிழ் மக்கள் எஎழுச்சிப் பேரணிக்கு மக்களை அணிதிரட்டும் முகமாக விழிப்புணர்வுப் பேரணி ஒன்று இன்று வவுனியாவில் முன்னெடுக்கப்பட்டது.

வவுனியா நகரை அண்டிய பகுதிகள் மற்றும் பேருந்து நிலையங்கள், சனநடமாட்டம் உள்ள பகுதிகள் அத்துடன் செட்டிகுளம் பகுதிகளிலும் இப் பிரச்சார நடவடிக்கை வவுனியா மாவட்ட ஈழமக்கள் புரட்சிகர விடுதலை முன்னணி மற்றும் தமிழ்மக்கள் கூட்டணியினரால் இன்று காலை 9மணியிலிருந்து மாலை 3.30 மணி வரையும் இடம்பெற்றிருந்தது.

இந் நிகழ்வில் காணாமல் ஆக்கப்பட்டோரின் உறவினர்கள் அரசியல் கைதிகளின் உறவினர்கள், ஈழமக்கள் புரட்சிகர விடுதலை முன்னணியின் உறுப்பினர்கள் , தமிழ் மக்கள் கூட்டணியின் வவுனியா மாவட்ட உறுப்பினர்கள் பொது அமைப்புக்களின் பிரதிநிதிகள், பொதுமக்கள் என பலரும் கலந்து கொண்டிருந்தனர்.

வவுனியாவில் பாரதியாரின் 98ஆவது நினைவு தினம் அனுஷ்டிப்பு!!

பாரதியாரின் 98ஆவது நினைவு தினம்

மகாகவி பாரதியாரின் 98ஆவது நினைவு தினம் வவுனியாவில் அனுஷ்டிக்கப்பட்டது. வவுனியா குருமன்காடு பகுதியில் உள்ள அவரது உருவச்சிலைக்கு முன்பாக இன்று (11.09.2019) காலை 8.30 மணியளவில் இந்த நிகழ்வுகள் இடம்பெற்றன.

வவுனியா நகரசபையின் செயலாளர் இ.தயாபரன் தலைமையில் இடம்பெற்ற இந்நிகழ்வில் பாரதியாரின் உருவச் சிலைக்கு மலர்மாலை அணிவிக்கப்பட்டு வணக்கம் செலுத்தப்பட்டது.

அதனைத் தொடர்ந்து அவரது தமிழ் பற்று மற்றும் சுதந்திர வேட்கை தொடர்பான கருத்துரைகளை தமிழருவி சிவகுமாரன், தமிழ்மணி அகளங்கன் ஆகியோர் ஆற்றியிருந்தனர்.

இந்த நிகழ்வில் நகரசபை உறுப்பினர்களான நா.சேனாதிராசா, க.சந்திரகுலசிங்கம், ரி.கே.ராஜலிங்கம், பா.பிரசன்னா, க.சுமந்திரன், சமூக சேவை உத்தியோகத்தர் எஸ்.எஸ்.வாசன், தமிழ் விருட்சம் அமைப்பின் தலைவர் சந்திரகுமார் , வெளிச்சம் அறக்கட்டளையின் தலைவர் பா.லம்போதரன் , வவுனியா மாவட்ட பொது அமைப்புக்களின் பிரதிநிதிகள் , சமூக ஆர்வலர்கள் , வர்த்தகர்கள் , பொதுமக்கள் என பலரும் கலந்து கொண்டனர்.

வவுனியா வைத்தியசாலையில் பல்வேறு கோரிக்கைகளை முன்வைத்து வைத்தியர்கள் போராட்டம்!!

வவுனியா வைத்தியசாலையில்..

வவுனியா மாவட்ட பொது வைத்தியசாலை வைத்தியர்களால் இன்று (11.09.2019) மதியம் 12.30 மணியளவில் வைத்தியசாலை வளாகத்தினுள் கவனயீர்ப்புப் போ ராட்டம் ஒன்று மேற்கொள்ளப்பட்டது.

விரைவில் வடகிழக்கில் பாரிய வைத்தியர் பற்றாக்குறை? , வடகிழக்கிற்கு வைத்தியர்கள் வேண்டாமா?, வைத்தியர்களின் இடமாற்றத்தில் அரசியல் தலையீடு வேண்டாம், எதிர்காலத்தில் வடகிழக்கில் வைத்தியர்கள் தட்டுப்பாடு உறுதி,

ராஜிதவின் அரசியல் காய்நகர்த்தலில் அப்பாவி நோயாளிகள் ப லியா? என பல்வேறு கோரிக்கைகளை தாங்கிய பாதாதைகளை ஏந்தியவாறு 20க்கும் மேற்ப்பட்ட வைத்தியர்கள் கவனயீர்ப்புப் போ ராட்டத்தில் ஈடுபட்டிருந்தனர்.

நோயாளிகளின் நலனை கருத்தில் கொண்டு வைத்தியர்கள் 12 மணி தொடக்கம் 1 மணி வரையிலான உணவு நேரத்தில் குறித்த போ ராட்டத்தினை மேற்கொண்டிருந்தமை குறிப்பிடத்தக்கது.

வவுனியாவில் மூன்று இளைஞர்கள் வாள்களுடன் வீட்டுக்குள் புகுந்து அட்டகாசம்!!

மதவுவைத்தகுளம் பகுதியில்..

வவுனியா மதவுவைத்தகுளம் பகுதியில் அமைந்துள்ள வீடு ஒன்றினுள் வாளுடன் புகுந்து தா க்குதல் மேற்கொள்ள முயற்சித்த மூன்று இளைஞர்களை அப்பகுதி மக்கள் மடக்கிப்பிடித்துள்ளனர். இன்று (11.09.2019) புதன்கிழமை காலை 7.30 மணியளவில் இடம்பெற்ற இச் சம்பவம் தொடர்பில் மேலும் தெரியவருகையில்,

குறித்த வீட்டிலிலுள்ள ஒருவருக்கும் தா க்குதல் மேற்கொள்ள முயற்சித்த இளைஞர்களுக்குமிடையே இன்று காலை வீதியில் வாய்த்தர்க்கம் இடம்பெற்றுள்ளது. அதன் பின்னர் இருவரும் அவ்விடத்திலிருந்து அகன்று சென்றுள்ளனர்.

பின்னர் குறித்த வீட்டுக்கு முச்சக்கரவண்டியில் வாளுடன் வருகை தந்த மூன்று இளைஞர்கள் வீட்டாரை வெளியே வரவழைத்து தா க்குதல் மேற்கொள்ள முயற்சித்துள்ளனர். எனினும் இவ் தா க்குதல் சம்பவம் அயவர்களினால் முறியடிக்கப்பட்டுள்ளது.

தா க்குதல் மேற்கொள்ள முயற்சித்த மூன்று இளைஞர்களை அயலவர்களும் கிராம இளைஞர்களும் இணைந்து மடக்கிப்பிடித்து வீட்டுக்குள் அடைத்து வைத்து 119 பொலிஸாருக்கு தகவல் வழங்கியுள்ளனர்.

எனினும் மூன்று மணிநேரம் கடந்தும் பொலிஸார் சம்பவ இடத்திற்கு வருகைதராத நிலையில் கிராம பொது அமைப்புக்கள் இரு தரப்பினருடனும் கலந்துரையாடி இணக்கத்திற்கு வந்து இளைஞர்கள் கொண்டு வந்த வாளை பொது அமைப்புக்கள் தம்வசப்படுத்தியுள்ளனர்.

இனிமேல் எவ்வாறான சட்டவிரோத செயல்களில் ஈடுபடமாட்டோம் என கிராம பொது அமைப்புக்கள் மற்றும் அயலவர்கள் முன்னிலையில் குறித்த மூன்று இளைஞர்களும் தெரிவித்தமையினையடுத்து அவர்கள் பொதுமக்களினால் விடுவிக்கப்பட்டுள்ளனர்.

வவுனியா மாவட்ட வைத்தியசாலையில் வெடிகுண்டு?  மோப்ப நாயின் உதவியுடன் பொலிஸார் தேடுதல்!!

பொலிஸார் தேடுதல்


வவுனியா பொது வைத்தியசாலையில் மோப்ப நாயின் உதவியுடன் பொலிசாரால் விசேட தேடுதல் வேட்டை இன்று (11.09.2019) நடைபெற்றது.

வவுனியா பொலிசாருக்கு கிடைக்கபெற்ற இரகசிய தகவலுக்கு அமைவாக வெடிபொருட்கள் ஏதும் இருக்கலாம் என்ற சந்தேகத்தின் பேரில் மோப்ப நாயின் உதவியுடன் வைத்தியசாலை அமைந்துள்ள பகுதிகளில் கடும் தேடுதல் வேட்டை நடைபெற்றது.

வவுனியா பொது வைத்தியசாலையின் வெளிநோயாளர் பிரிவு, நோயாளர்களின் விடுதிகள், விபத்துப்பிரிவு, மலசலகூடம், உணவகம், அதிகாரிகளின் அறைகள் அமைந்துள்ள பகுதிகளில் கடும் சோதனை நடவடிக்கைகள் மேற்கொள்ளப்பட்டதுடன் வைத்தியசாலையின் நுழைவாயில் பகுதியில் பொலிசார் பொதிகளை கடும் சோதனையின் பின்னர் அனுமதித்திருந்தனர்.

சுமார் இரண்டு மணிநேரத்திற்கு மேலாக குறித்த சோதனை நடவடிக்கை மேற்கொள்ளப்பட்டிருந்தது. எனினும் எவ்வித வெடிபொருள்களும் பொலிஸாரினால் மீட்கப்படவில்லை.