வவுனியாவில் பண்டாரவன்னியனின் நினைவுதினம் அனுஸ்டிப்பு!!

பண்டாரவன்னியனின் நினைவுதினம்

வன்னி மண்ணின் விடுதலைக்காக போராடிய இறுதி மன்னன் பண்டாரவன்னியனின் 216 ஆவது வெற்றி விழாவும், நினைவு தின அனுஸ்டிப்பும் இன்று (25.08.2019) நடைபெற்றது.

வவுனியா நகரசபைத் தலைவர் இ.கௌதமன் தலைமையில் வவுனியா மாவட்ட செயலகம் முன்பாகவுள்ள பண்டாரவன்னியனின் சிலைக்கு முன்னாள் இடம்பெற்றது.

இதன்போது பண்டாரவன்னியனின் சிலைக்கு மாலை அணிவித்தும் மலரஞ்சலி செலுத்தியும் நினைவு கூரப்பட்டதுடன், பண்டாரவன்னியனின் வரலாறு தொடர்பிலும் கருத்துரை இடம்பெற்றது.

இந்நிகழ்வில் பாராளுமன்ற உறுப்பினர்களான சிவசக்தி ஆனந்தன், சி.சிவமோகன், சாந்தி சிறிஸ்கந்தராஜா, வவுனியா நகரசபை உறுப்பினர்கள், வவுனியா வடக்கு பிரதேச சபை தலைவர் மற்றும் உறுப்பினர்கள்,

செட்டிகுளம் பிரதேச சபை தலைவர் மற்றும் உறுப்பினர்கள், ஜனாதிபதி சட்டத்தரணியும் பண்ணாரவன்னியனின் சிலை நிறுவியவருமான மு.சிற்றம்பலம், சமூக ஆர்வலர்கள், பொது அமைப்புக்களின் பிரதிநிதிகள் எனப்பலரும் கலந்து கொண்டனர்.

இரு பிள்ளைகளை கொ லை செய்து தானும் த ற்கொ லை செய்த தந்தை : பதற வைக்கும் சம்பவம்!!

ப தற வைக்கும் சம்பவம்

புத்தளத்தில் இரு பிள்ளைகளை ந ஞ்சு கொடுத்து கொ லை செய்த தந்தையொருவர் தானும் தற்கொ லை செய்துள்ளார். புத்தளம் – உடப்புவ பள்ளிவாசல் பிரதேசத்தில் இந்த சம்பவம் இடம்பெற்றுள்ளது. தற்கொ லை செய்து கொண்ட தந்தை 31 வயதுடையவர் என தெரியவந்துள்ளது.

13 மற்றும் 7 வயது பிள்ளைகளை ந ஞ்சூட்டி கொ லை செய்து விட்டு தானும் தூ க்கிட்டு தற் கொ லை செய்து கொண்டார். பிள்ளைகளின் ச டலங்கள் புத்தளம் வைத்தியசாலையில் வைக்கப்பட்டுள்ளன.

தற்கொ லை செய்து கொண்ட நபரின் ச டலம் மாத்திரம் அவரது வீட்டிலேயே வைக்கப்பட்டுள்ளது. சம்பவத்திற்கான காரணம் இன்னமும் கண்டுபிடிக்கப்படாத நிலையில் பொலிஸார் தீவிர விசாரணைகளை மேற்கொண்டு வருகின்றனர்.

மோட்டர் சைக்கிள் விபத்தில் இளைஞன் ஒருவர் பலி!!

மோட்டர் சைக்கிள் விபத்து

கண்டி – நுவரெலியா பிரதான வீதியின் தவலந்தென்ன கெரண்டிஎல்ல பகுதியில் நேற்று இரவு இடம்பெற்ற மோட்டர் சைக்கிள் விபத்தொன்றில் 20 வயதுடைய இளைஞன் ஒருவர் உ யிரிழந்துள்ளார்.

கண்டி நகரிலிருந்து கொத்மலை புரட்டாசி பகுதியை நோக்கி பயணித்துக் கொண்டிருந்த மோட்டர் சைக்கிள் குறித்த பகுதியில் வைத்து வேக கட்டுப்பாட்டை இழந்து கால்வாய் ஒன்றில் விழுந்து இவ் விபத்து நிகழ்ந்துள்ளதாக பொலிஸாரின் ஆரம்கட்ட விசாரணைகளிலிருந்து தெரியவந்துள்ளது.

இரவு 7.30 மணியளவில் இடம்பெற்ற குறித்த விபத்தில், மோட்டர் சைக்கிளை செலுத்திய 20 வயது இளைஞர் சம்பவ இடத்திலேயே உ யிரிழந்துள்ளார். இவ்வாறு உ யிரிழந்தவர் கண்டி கட்டுகஸ்தோட்டை ஜம்புகாபிட்டிய பகுதியை சேர்ந்த திலின சம்பத் என அடையாளம் காணப்பட்டுள்ளார்.

உ யிரிழந்தவரின் ச டலம் பிரேத பரிசோதனைக்காக கொத்மலை பிரதேச வைத்தியசாலையில் பிரேத அறையில் வைக்கப்பட்டுள்ளது. இவ்விபத்து குறித்து மேலதிக விசாரணைகளை கொத்மலை பொலிஸார் மேற்கொண்டு வருகின்றனர்.

வவுனியா செட்டிக்குளத்தில் கோர விபத்து : 9பேர் படுகாயம்!!

கோர விபத்து

வவுனியா செட்டிக்குளம் ஆண்டியாபுளியங்குளம் பகுதியில் இன்று (25.08.2019) காலை 7.40 மணியளவில் வேன் ஒன்று விபத்துக்குள்ளானதில் 9 பேர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

வத்தளை பகுதியிலிருந்து மடு நோக்கி பயணித்த வான் ஆண்டியாபுளியங்குளம் பகுதியில் சாரதியின் கட்டுப்பாட்டையிழந்து வீதியின் அருகேயிருந்த மின்கம்பத்தில் மோதுண்டு விபத்துக்குள்ளானது.

இவ் விபத்தில் வானில் பயணித்த 11 பேர் படுகாயமடைந்த நிலையில் செட்டிக்குளம் வைத்தியசாலையில் அனுமதிக்கப்பட்டுள்ளனர். இவ் விபத்து தொடர்பாக மேலதிக விசாரணைகளை செட்டிக்குளம் பொலிஸார் மேற்கொண்டு வருகின்றனர்.

மரத்தில் ச டலமாக தொ ங்கிய இளம்காதல் ஜோடி : அதிர்ச்சியடைந்த கிராம மக்கள்!!

இளம்காதல் ஜோடி

இந்தியாவின் உத்திரபிரதேச மாநிலத்தில் திருமணமாக இளம்காதல் ஜோடி மரத்தில் தூக்குபோட்டு தற்கொ லை செய்துகொண்டுள்ள சம்பவம் அதிர்ச்சியை ஏற்படுத்தியுள்ளது. உத்தரபிரதேசத்தின் பராபங்கி மாவட்டம் அருகே உள்ள கிராமத்தில் திருமணமாக இளம்காதல் ஜோடி வெள்ளிக்கிழமையன்று தூ க்கில் தொ ங்கியுள்ளனர்.

இதனை பார்த்து அதிர்ச்சியடைந்த கிராம மக்கள் உடனடியாக பொலிஸாருக்கு தகவல் கொடுத்தனர். அதன்பேரில் சம்பவ இடத்திற்கு வந்த பொலிஸார், இருவரின் உ டலையும் கைப்பற்றி பிரேத பரிசோதனைக்கு அனுப்பி வைத்தனர்.

இந்த சம்பவம் குறித்து பொலிஸார் கூறுகையில், ஓம் சந்திர யாதவ் என்பவரின் மகன் சிவம் மற்றும் அதேபகுதியை சேர்ந்த சோனி வர்மா என்கிற இளம்பெண்ணும் நீண்ட நாட்களாக காதலித்து வந்துள்ளனர்.

ஆனால் இருவரும் வெவ்வேறு சமூகத்தை சேர்ந்தவர்கள் என்பதால், வீட்டில் பலத்த எதிர்ப்பு கிளம்பியுள்ளது. இதனால் மனமுடைந்த காதல் ஜோடி வீட்டை விட்டு தற்கொ லை செய்துகொண்டுள்ளனர் என தெரிவித்துள்ளார்.

டாக்சியில் ஏறிய மொடல் அழகி : ஆள் நடமாட்டம் இல்லாத இடத்தில் சடலமாக மீட்பு!!

டாக்சியில் ஏறிய மொடல் அழகி

பெங்களூரில் மொடல் அழகி கொ லை செய்யப்பட்ட வழக்கில் கால் டாக்சி ஓட்டுனரை பொலிஸார் கைது செய்துள்ளனர். மொடல் அழகியாகவும், மேலாளராகவும் பதவி வகித்து வந்த கொல்கத்தாவைச் சேர்ந்த பூஜா சிங் தே என்பவர் கடந்த ஜூலை 30 ம் தேதி பெங்களூருக்கு வந்து, பின்னர் ஜூலை 31 அன்று மீண்டும் சொந்த ஊருக்கு கால் டாக்சியில் திரும்பியுள்ளார்.


அவரை காரில் ஏற்றி சென்ற எச்.எம்.நாகேஷ் (22) என்கிற இளைஞர், அதிகாலை 4.15 மணியளவில் ஓசூர் சாலையில் ஆள்நடமாட்டம் இல்லாத பகுதியில் காரை நிறுத்தி பணம் பறிக்க முயன்றுள்ளார். அதற்கு பூஜா மறுத்ததால், இரும்புக்கம்பியால் ஓங்கி தலையில் அடித்துள்ளார்.

இதில் பூஜா மயங்கியதும், அவருடைய பர்சில் இருந்த ரூ. 500 பணத்தையும், இரண்டு செல்போன்களையும் எடுத்துக்கொண்டு காரை மீண்டும் ஒட்டி சென்றுள்ளார். சிறிது தூரம் கார் சென்றதும், பூஜாவிற்கு சுயநினைவு திரும்பியுள்ளது. பூஜா தப்பி ஓடுவதற்கான கதவைத் திறந்தபோது, க த்தியால் சரமாரியாக அவரை குத்திக் கொ லை செய்துவிட்டு, முகத்தை கல்லால் அ டித்து சி தைத்துள்ளார்.

மறுநாள் காலையில் அப்பகுதியில் ச டலம் கிடப்பதை பார்த்த ஒருவர் பொலிஸாருக்கு தகவல் கொடுத்துள்ளார். அதன்பேரில் சம்பவ இடத்திற்கு வந்த பொலிஸார், இளம்பெண்ணின் உ டலை கைப்பற்றி பிரேத பரிசோதனைக்காக அனுப்பி வைத்தனர்.

அந்த பெண் அணிந்திருந்த ‘டைட்டன்’ கடிகாரத்தின் தனிப்பட்ட அடையாள எண்ணை வைத்து வடமாநிலத்தவர் என்பதை பொலிஸார் அடையாளம் கண்டனர். இதனையடுத்து விசாரணையை தீவிரப்படுத்திய பொலிஸார், நாகேஷை கைது செய்து விசாரித்த போது அவர் குற்றத்தை ஒப்புக்கொண்டார். பின்னர் அவரை நீதிமன்றத்தில் ஆஜர்படுத்தி சிறையில் அடைத்தனர்.

மன்னாரில் நண்பர்கள் இருவர் பரிதாபமாக பலி!!

இருவர் பரிதாபமாக பலி

மன்னார் – முருங்கன் பகுதியில் நேற்று முன்தினம் இடம்பெற்ற வாகன விபத்தில் இரு இளைஞர்கள் சம்பவ இடத்திலேயே பலியாகியுள்ளனர்.

அளவக்கையில் இருந்து முருங்கன் நோக்கி சென்ற போது வேக கட்டுப்பாட்டினை இழந்த மோட்டார் சைக்கிள் மின் கம்பத்துடன் மோதி விபத்துக்குள்ளாகியதில் குறித்த இரண்டு இளைஞர்களும் சம்பவ இடத்தில் பலியாகியுள்ளனர்.

இதன்போது அளவக்கை, புதுக்குடியிருப்பை சேர்ந்த இராசதுரை பிரசாந்த் (வயது 24) , கணேஸ் தயாளன்(வயது19) ஆகிய இரண்டு இளைஞர்களே விபத்தில் பலியாகியுள்ளனர். இந்நிலையில் உயிரிழந்தவர்களின் சடலம் உடல் கூறு பரிசோதனைக்காக மன்னார் மாவட்ட பொது வைத்தியசாலையில் வைக்கப்பட்டுள்ளது.

குறித்த விபத்து நடைபெற்ற இடத்தில் சிறிய வளைவு, வீதியோரத்தில் பற்றைகள் நிறைந்திருப்பதால் எதிரே வரும் வாகனங்கள் சாரதிகளுக்கு தென்படுவதில்லையெனவும்,குறித்த இடத்தில் மேலும் ஒருவர் பலியாகியுள்ளமையும் குறிப்பிடத்தக்கது.

இலங்கை குடியேறிகளை ஏற்றிச்சென்ற படகுக்கு ஏற்பட்ட நிலை : தீயில் எரிந்து நாசம்!!

இலங்கை கு டியேறிகளை ஏற்றிச்சென்ற படகு ஒன்று தீ விபத்தில் எரிந்து அ ழிந்துபோயுள்ளதாக சர்வதேச ஊடகம் ஒன்று வெளியிட்டுள்ள செய்தியில் தெரிவிக்கப்பட்டுள்ளது.

ரியூனியன் தீவிற்கு இலங்கை குடியேறிகளை ஏற்றிச்சென்ற படகு ஒன்றே இவ்வாறு தீக்கிரையாகியுள்ளதாக ரியூனியன் தீவின் ஊடகங்கள் செய்தி வெளியிட்டுள்ளன.

கடந்த 2018ம் ஆண்டு டிசம்பர் மாதம் 26ம் திகதி இலங்கை கு டியேறிகளை அழைத்துக்கொண்டு குறித்த படகு ரியூனியன் தீவை சென்றடைந்துள்ளது.

மீன்பிடி உபகரணங்களுடன் “ரோஷன்” என்று பெயரிடப்பட்ட குறித்த படகு ரீயூனியன் தீவில் உள்ள ஒரு துறைமுகத்தில் நிறுத்தி வைக்கப்பட்டிருந்தது.

இந்நிலையில், குறித்த படகு நேற்று முன்தினம் தீ க்கிரையாகியுள்ளதாக அந்த செய்தியில் கூறப்பட்டுள்ளது.

இதனையடுத்து, அந்நாட்டு பொலிஸார் சம்பவம் குறித்து விசாரணைகளை முன்னெடுத்துள்ளதாக” அந்த செய்தியில் மேலும் கூறப்பட்டுள்ளது.

இலங்கையில் தாயை தேடும் ஐரோப்பிய நாடொன்றில் வாழும் அக்கா, தம்பி : நெகிழ்ச்சியான பாசப் போராட்டம்!!

பிரான்ஸில் வாழும் சகோதரர்கள் இருவர் இலங்கையிலுள்ள தமது பெற்ற தாயை தேடி வருகின்றனர். இலங்கையில் பிறந்து சில மாதங்களில் பிரான்ஸ் தம்பதிக்கு தத்துக் கொடுக்கப்பட்ட இரு பிள்ளைகளே இவ்வாறு தமது தாயை தேடுகின்றனர்.

இரு தாய்மாருக்கு பிறந்த பிள்ளைகள் இருவர், பிரான்ஸ் தம்பதிக்கு தத்துகொடுக்கப்பட்ட நிலையில் இருவரும் சகோதரன், சகோதரிகளாக வாழ்ந்து வருகின்றனர்.

இரத்தினபுரி வைத்தியசாலையில் 1986ஆம் ஆண்டு பெப்ரவரி மாதம் 19ஆம் திகதி பிறந்த நிலந்திகே என்ற குழந்தை பிறந்த ஒரு மாதத்திலேயே பிரான்ஸ் தம்பதிக்கு தத்து கொடுக்கப்பட்டார். குறித்த பெண் தற்போது பிரான்ஸில் நடன கலைஞராக பணியாற்றி வருகின்றார்.

1987ஆம் ஆண்டு மற்றுமொரு குழந்தையை அதே பிரான்ஸ் தம்பதியர், இலங்கையில் தத்து எடுத்துள்ளனர். 1987ஆம் ஆண்டு ஜுன் மாதம் 20ஆம் திகதி சிறிவர்தன என்ற ஆண் குழந்தையே இவ்வாறு தத்து கொடுக்கப்பட்டுள்ளார்.

32 வருடங்களில் தமது சொந்த தாய்மாரை தேடி அக்காவும் தம்பியும் பிரான்ஸிலிருந்து இலங்கை வந்துள்ளனர். தாய்மாரை அடையாளம் காண டி.என்.ஏ சோதனை செய்வதற்கு அவர்கள் திட்டமிட்டுள்ளனர்.

விமானப் பயணிகளுக்கு மகிழ்ச்சியான செய்தி : குறைந்த கட்டணத்தில் மற்றுமொரு விமான சேவை!!

குறைந்த கட்டணத்தில் விமான சேவை

உக்ரைனை தளமாக கொண்ட SkyUp LLC நிறுவனத்திற்கு சொந்தமான SkyUp Airlines விமான சேவை குறைந்த கட்டணத்தில் விமான சேவையை முன்னெடுப்பதற்கு தீர்மானித்துள்ளது. உக்ரைன் நாட்டு தலைநகரான Kyivவில் இருந்து கொழும்பு மற்றும் ஆஸ்திரியா ஆகிய இடங்களுக்கு குறைந்த கட்டனத்தில் விமான சேவையினை முன்னெடுப்பதற்கு தீர்மானிக்கப்பட்டுள்ளது.

சர்வதேச ஊடகங்கள் வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது. இதற்கான விண்ணப்பம், தாக்கல் செய்யப்பட்டுள்ளதாகவும் தகவல்கள் வெளியாகியுள்ளன. குறிப்பாக, எதிர்வரும் ஒக்டோபர் முதலாம் வாரத்தில் Kyivவில் இருந்து கொழும்புக்கு சேவையினை ஆரம்பிப்பதற்கு அனுமதி கோரியுள்ளதாகவும் தெரிவிக்கப்பட்டுள்ளது.

அதேநேரம், Kyiv-Salzburgக்குமான விமானங்களையும் அதே விதிமுறைகளில் தொடங்குவதற்கு திட்டமிடப்பட்டுள்ளது. தற்போது, உக்ரைனில் இருந்து கொழும்பு மற்றும் Salzburgக்கு நேரடி விமான சேவைகள் இல்லை.

முன்னதாக, Kyiv மற்றும் கொழும்புக்கு இடையில், உக்ரைனின் மிகப்பெரிய விமான நிறுவனமான உக்ரைன் இன்டர்நேஷனல் ஏர்லைன்ஸ் (யுஐஏ) ஆல் இயக்கப்பட்டது, எனினும், திறமையின்மை காரணமாக மூடப்பட்டமை குறிப்பிடத்தக்கது!

பாரிய வீழ்ச்சியடைந்த இலங்கை ரூபாயின் பெறுமதி!!

ரூபாயின் பெறுமதி

அமெரிக்க டொலருடன் ஒப்பிடும் போது இலங்கை ரூபாயின் பெறுமதி பாரிய வீழ்ச்சியடைந்துள்ளது. இலங்கை மத்திய வங்கியினால் வட்டி வீதத்தை குறைப்பதற்கு நடவடிக்கை மேற்கொண்டமையினால் இந்த நிலைமை ஏற்பட்டுள்ளது.

மத்திய வங்கி வெளியிட்ட புதிய அறிக்கைக்கமைய இந்த தகவல் வெளியாகியுள்ளது.  அதற்கமைய மத்திய வங்கியினால் வெளியிடப்பட்ட நாணய மாற்று வீதத்திற்கமைய, வார இறுதியில் டொலர் ஒன்றின் விற்பனை விலை 181.24 ரூபாயாக பதிவாகியுள்ளது.

ரூபாயின் பெறுமதி பாரிய வீழ்ச்சியடைந்துள்ளது.இலங்கை மத்திய வங்கியினால் வட்டி வீதத்தை குறைப்பதற்கு நடவடிக்கை மேற்கொண்டமையினால் இந்த நிலைமை ஏற்பட்டுள்ளது.

திருகோணமலையில் இடம்பெற்ற விபத்தில் இளைஞரொருவர் படுகாயம்!!

திருகோணமலையில் இடம்பெற்ற விபத்தில்..

திருகோணமலை – ஹொரவ்பொத்தான பிரதான வீதியின் கம்பகொட்ட பகுதியில் இடம்பெற்ற விபத்தில் இளைஞர் ஒருவர் படுகாயமடைந்துள்ளார்.

குறித்த விபத்து நேற்றைய தினம் இடம்பெற்றுள்ளதுடன், இதன்போது படுகாயமடைந்த இளைஞர் திருகோணமலை பொது வைத்தியசாலையில் அனுமதிக்கப்பட்டுள்ளார்.

சம்பவத்தில் திருகோணமலை – கேணியடி பகுதியை சேர்ந்த 28 வயதுடைய இளைஞரே காயமடைந்துள்ளதாக தெரியவருகிறது.

திருகோணமலையிலிருந்து அநுராதபுரம் நோக்கி பயணித்த காரின் சாரதி வீதியின் குறுக்கே வந்த நாயை காப்பாற்ற முற்பட்ட போது கார் வீதியை விட்டு விலகி மின்கம்பத்துடன் மோதி விபத்து நேர்ந்துள்ளதாக ஆரம்ப கட்ட விசாரணைகளில் இருந்து தெரியவருகிறது.

வவுனியாவில் காணாமல் ஆக்கப்பட்ட உறவுகள் போராட்டம்!!

போராட்டம்

யாழ்ப்பாணத்தில் இன்று (24.08.2019) காலை காணாமல் ஆக்கப்பட்டோரின் அலுவலகம் திறந்து வைக்கப்பட்டமை மற்றும் பளை மருத்துவமனை மருத்துவர் சிவரூபன் கைது செய்யப்பட்டமைக்கும் எதிர்ப்புத் தெரிவித்து காணாமல் ஆக்கப்பட்ட உறவுகள் கவனயீர்ப்புப் போராட்டம் ஒன்றினை மேற்கொண்டுள்ளனர்.

வவுனியாவில் தொடர் போராட்டம் முன்னெடுத்து வரும் காணாமல் ஆக்கப்பட்ட உறவுகளே இன்று மதியம் இப் போராட்டத்தை முன்னெடுத்தனர்.

வெளியேறு வெளியேறு ஓ.எம்.பி வெளியேறு, விடுதலை செய் விடுதலை செய் மருத்துவரை விடுதலை செய், எங்கே எங்கே எமது உறவுகள் எங்கே? வேண்டும் வேண்டும் எமது உறவுகள் வேண்டும், உறவுகளை மீட்க சர்வதேசம் வேண்டும்,

போன்ற கோசங்களை எழுப்பியவாறும் அமெரிக்கா, ஐரோப்பிய ஒன்றிய கொடிகளைத் தாங்கியவாறு கதறி அழுது போராட்ட களத்தில் தமது போராட்டத்தில் ஈடுபட்டனர்.

வவுனியாவில் மக்கள் அதிகம் எதிர்நோக்கும் சவால்கள் தொடர்பில் கலந்துரையாடல்!!

கலந்துரையாடல்

இலங்கையில் மனித மற்றும் தொழிலாளர் உரிமை மீ றல் தொடர்பிலான குழுவின் கலந்துரையாடல் ஒன்று வவுனியா புகையிரத நிலையத்திற்கு அருகேயுள்ள விருந்தினர் விடுதியில் இன்று (24.08.2019) 9.30 மணி தொடக்கம் 11.30 மணி வரை இடம்பெற்றிருந்தது.

இக் கலந்துரையாடலின் போது வவுனியா வடக்கில் பெருன்பான்மையினத்தவரின் ஆ க்கிரமிப்பு, வடக்கில் தமிழ் மொழிப் பு றக்கணிப்பு, தமிழர்களின் பூர்வீக இடங்களை தொல்பொருள் திணைக்களம் ஆ க்கிரமிப்பது , வவுனியாவில் பொதுமக்கள் அதிகமாக எதிர்நோக்கும் பிரச்சனைகள், வரிச்சலுகை தொடர்பான அறிக்கையிடல் அதுசார்ந்த தெளிவுத்தன்மை, வவுனியா மாவட்டத்தின் தற்காலிக நிலைமைகள், மனித உரிமைகள் சார்ந்த விடயங்கள் தொடர்பில் கலந்துரையாடப்பட்டது.

இக் கலந்துரையாடலில் பொது அமைப்புக்களின் பிரதிநிதிகள், அரசார்பற்ற நிறுவனத்தின் பிரதிநிதிகள், உள்ளுராட்சி மன்ற உறுப்பினர் என பலரும் கலந்து கொண்டிருந்தனர்.

இக் குழுவின் இவ்வாறான கலந்துரையாடல் நாடளாவிய ரீதியில் ஒவ்வொரு மாவட்டத்திலும் இடம்பெற்று வருகின்றமை குறிப்பிடத்தக்கது.

வவுனியாவில் சிறப்பாக இடம்பெற்ற தமிழர் மேம்பாட்டு ஒன்றயத்தின் கலந்துரையாடல்!!

கலந்துரையாடல்

தமிழர்களின் கல்வியை மேம்படுத்தும் நோக்கில் தமிழர் மேம்பாட்டு ஒன்றியத்தின் கலந்துரையாடல் வவுனியா நகரசபை மண்டத்தில் இன்று (24.08.2019) மதியம் இடம்பெற்றது.

வடக்கு, கிழக்கு மற்றும் மலையக பகுதிகளில் பின்னடைந்துள்ள தமிழர்களின் கல்வியை மேம்படுத்தும் நோக்கில் பேராசிரியர் எஸ்.சந்திரசேகரன் மற்றும் பேராசிரியர் எம்.கருணாநிதி தலைமையில் தமிழர் மேம்பாட்டு ஒன்றியம் உருவாக்கப்பட்டது.

அதன் தொடர்ச்சியாக ஒன்றியத்தை மக்களுக்கு அறிமுகப்படுத்துவதற்கும், பொதுமக்களின் அபிப்பிராயத்தை பெற்று ஒன்றியத்தின் வேலைத்திட்டங்களை முன்னெடுத்து கல்வி அபிவிருத்தியை ஏற்படுத்துடும் நோக்கில் இக் கலந்துரையாடல் இடம்பெற்றது.

இதன்போது பலரும் கல்வியை மேம்படுத்தும் நோக்கில் பல்வேறு கருத்துக்களையும், அதில் உள்ள சவால்கள் தொடர்பிலும் தமது கருத்துக்களை முன்வைத்தனர்.

ஒன்றியத்தின் வடமாகாண இணைப்பாளர் இரா.ராஜேஸ்வரன் தலைமையில் நடைபெற்ற இந் நிகழ்வில் கொழும்பு பல்கலைக்கழக போராசியர்களான எஸ்.சந்திரசேகரன் மற்றும் எம்.கருணாநிதி,

வவுனியா கல்வியற் கல்லூரியின் சிரேஸ்ட விரிவுரையாளர் எஸ்.பார்த்தீபன், ஒன்றியத்தின் கொழும்பு மற்றும் மலையக பகுதி இணைப்பாளர் இந்திரஜித், அதிபர்கள், ஆசிரியர்கள், சமூக மட்ட அமைப்புக்களின் பிரதிநிதிகள், பொதுமக்கள் எனப் பலரும் கலந்து கொண்டனர்.

பிக்பாஸ் நிகழ்ச்சியால் யாழ்ப்பாணத்தில் நடந்த விநோத சம்பவம் : மகளின் பரிதாப நிலை!!

விநோத சம்பவம்

தென்னிந்தியத் தொலைக்காட்சி ஒன்றில் ஒளிபரப்பாகும் பிக்பாஸ் நிகழ்ச்சியால் யாழ்ப்பாணத்தில் விநோத சம்பவம் ஒன்று இடம்பெற்றுள்ளது. குறித்த நிகழ்ச்சியால் நவாலிப் பகுதியில் வீடொன்றில் நாள் முழுவதும் மின்சாரம் தடைப்பட்டுள்ளது.

அந்தப் பகுதியிலுள்ள வீடொன்றில் பழைய பாடல்கள் மீது ஈர்ப்பு கொண்ட தந்தை ஒருவர் வானொலியில் பாடல் கேட்டுக் கொண்டிருந்தார். அவரது மகளுக்கு பிக்பாஸ் நிகழ்ச்சியில் ஆர்வம். தந்தை பாடல் கேட்டுக்கொண்டிருந்த நேரம் பிக்பாஸ் பார்த்துக் கொண்டிருந்தார்.

தொலைக்காட்சி சத்தத்தில் தந்தைக்கு பாடல் கேட்கவில்லை. அவர் வானொலியின் சத்தத்தைக் கொஞ்சம் அதிகரித்துள்ளார். தொலைக்காட்சி பார்த்துக்கொண்டிருந்த மகளுக்கு பாடல் சத்தம் இடையூறாக இருந்ததால் கொலைக்காட்சி சத்தத்தைக் கொஞ்சம் அதிகரித்தார். இருவரும் மாறி மாறி சத்தத்தை அதிகரித்தமையினால் இருவருக்கும் இடையே தர்க்கம் வெடித்தது.

பொறுமை இழந்த தந்தை ஒரு கட்டத்தில் அதிரடி முடிவு எடுத்தார். வீட்டுக்கு வெளியே சென்றவர் வீட்டு மின்சார மானிக்கான பியூஸை பிடுங்கி எடுத்து சட்டைப்பையில் போட்டுக் கொண்டு வீட்டை விட்டு வெளியேறியுள்ளார்.

வீடு இருளில் மூழ்க, மகளின் பிக்பாஸ் நிகழ்ச்சியும் தடைப்பட்டது. வீட்டை விட்டு பியூஸ் கட்டையுடன் சென்ற தந்தை மறுநாள் மாலை வீட்டுக்கு வந்தார். அதுவரை வீட்டில் இருந்தவர்கள் மின்சாரம் இல்லாதே இருந்துள்ளனர்.