தமிழகத்தில் காதலனால் கொலை செய்யப்பட்டதாக கூறப்பட்ட பெண் வழக்கில், அதிரடி திருப்பாக அவரது உறவினர்களே அந்த பெண்ணை கொலை செய்து நாடகமாடியுள்ளது விசாரணையில் தெரியவந்துள்ளது.

ராமநாதபுரம் மாவட்டம் கமுதி அருகே அபிராமத்தை அடுத்த டி.வல்லக்குளம் கிராமத்தை சேர்ந்தவர் மாயாண்டி. இவருக்கு ராதிகா என்ற 22 வயது மகள் உள்ளார். ராதிகாவிற்கும், பார்த்திபனூர் அருகே உள்ள பிச்சப்பனேந்தல் கிராமத்தை சேர்ந்த அருண்குமார்(30) என்பவருக்கும் கடந்த 2 ஆண்டுகளுக்கு முன்பு திருமணம் நடைபெற்றுள்ளது.

இருப்பினும் இரண்டு பேருக்கும் அடிக்கடி பிரச்சனை வந்ததால், ராதிகா கணவனை விட்டு பிரிந்து தனது தாய் வீட்டில் கடந்த ஒரு வருடமாக வசித்து வந்துள்ளார். அப்போது தான் ராதிகாவிற்கும், பக்கத்து கிராமத்தைச் சேர்ந்த கருப்பசாமி என்பவருக்கும் பழக்கம் ஏற்பட்டுள்ளது. இவர்களின் பழக்கம் நாளைடைவில் நெருங்கி பழகும் அளவிற்கு கள்ளக்காதலாக மாறியுள்ளது.

இந்த தகவல் ராதிகாவின் குடும்பத்தினருக்கு தெரியவர, அவர்கள் கண்டித்து வந்துள்ளனர். இந்நிலையில் கடந்த மாதம் 29-ஆம் திகதி ராதிகா வீட்டின் அருகே இருக்கும் கண்மாயில் உடல் கருகிய நிலையில் பிணமாக கண்டெடுக்கப்பட்டார்.

இந்த தகவல் பொலிசாருக்கு தெரியவந்ததால், விரைந்து வந்த பொலிசார் ராதிகா தீக்குளித்து தற்கொலை செய்திருக்கலாம் என்ற கோணத்தில் விசாரணை மேற்கொண்டு வந்த போது,

காதலன் கருப்பசாமிதான் ராதிகாவை கொன்றிருப்பதாக புகார் தெரிவித்துள்ளனர். அதுமட்மின்றி, அரசின் நிதி உதவி கோரியும் போராட்டத்தில் ஈடுபட்டனர். அதுவரை ராதிகாவின் உடலை வாங்கவும் மறுத்துவிட்டனர்.

இந்த போராட்டம் தொடர்ந்து 6 நாட்கள் நடந்த நிலையில், ராதிகாவின் மரணத்துக்கு அரசு நிவாரணமாக 8 லட்சத்து 25 ஆயிரம் ரூபாய் வழங்கப்படும் என அறிவிக்கப்பட்டது.

இதில் முதல் தவணையாக 4 லட்சத்து 12 ஆயிரத்து 500 ரூபாயை அவரது குடும்பத்தினரிடம் அதிகாரிகள் வழங்கினர். அதன் பின்னர் ராதிகாவின் உடலை வாங்கிச்சென்று அடக்கம் செய்தனர்.

இதைத் தொடர்ந்து இது குறித்து பொலிசார் மேற்கொண்டு வந்த தொடர் விசாரணையில், கள்ளத்தொடர்பை கைவிடாததால் ஆத்திரத்தில் ராதிகாவை அவருடைய உறவினர்கள் அடித்து கொடூரமாக கொன்றுவிட்டு, உடலை கண்மாய் கரையில் மண்எண்ணெயை ஊற்றி தீவைத்து எரித்துள்ளனர் என்பது தெரியவந்துள்ளது.

இது குறித்து பொலிசார் கூறுகையில், சம்பவ தினத்தன்று ராதிகா, தன்னுடைய காதலனான கருப்பசாமியை சந்தித்து பேசியுள்ளார். இதைக் கண்ட உறவினரான முருகன் மற்றும் சிலர் கண்டித்துள்ளனர். ஆனால் ராதிகாவோ நான் தான் வரச் சொன்னேன் என்று அவர்கள் மனம் நோகும் படி பேசவே, ஆத்திரமடைந் முருகன்,

அவருடைய தாயார் பாப்பா மற்றும் மோகன், அழகர்சாமி ஆகியோர், ராதிகா வீட்டு வாசலில் ஒரு சிறுவனை காவலுக்கு வைத்துவிட்டு உள்ளே சென்று ராதிகாவை பலமாக தாக்கி சுவரில் மோதவைத்து கொலை செய்துவிட்டு, உடலை அருகில் உள்ள வீட்டிற்குள் மறைத்து வைத்துள்ளது தெரியவந்துள்ளது.

இந்தியாவின் குஜராத்தில் மணமகளை, மணமகனின் சகோதரி திருமணம் செய்யும் நடைமுறை வழக்கத்தில் இருப்பது ஆச்சரியத்தை ஏற்படுத்தியுள்ளது.

குஜராத்தில் சோட்டா உதேபூர் நகரில் சுர்கேடா, சனடா மற்றும் ஆம்பல் என்ற 3 கிராமங்கள் உள்ளன. இந்த கிராமங்களில் வசித்து வரும் பழங்குடியினர் வினோத நடைமுறை ஒன்றை வழக்கத்தில் வைத்துள்ளனர்.

இங்குள்ள ஆண் ஒருவர் திருமணம் செய்வதற்காக ஷெர்வானி உடை அணிந்து, தலையில் தலைப்பாகை அணிந்து, பாரம்பரிய வாள் ஏந்தி திருமணத்திற்கு தயாராகிறார். ஆனால் அவரது திருமணத்தில் அவர் கலந்து கொள்ள முடியாத சூழல் நிலவுகிறது. அதற்கு காரணம் அவர்களது சடங்குமுறை.

அவருக்கு பதிலாக திருமணம் ஆகாத அவரது சகோதரி அல்லது அவரது குடும்பத்தில் உள்ள கன்னிப்பெண் ஒருவர் மணமகனுக்கு பதிலாக அனைத்து சடங்குகளையும் செய்வார். மணமகளின் வீட்டிற்கு சென்று அவரை மணமுடித்து, பின்பு அவரை அழைத்து வருவார்.

இந்த வழக்கம் பல காலங்களாக நடந்து வருகிறது. இத்தகைய சடங்குமுறையை கடைபிடிக்காவிட்டால் துன்பங்கள் வந்து சேரும் என அப்பகுதியினரின் நம்பிக்கை.

இந்த சடங்கை கடைபிடிக்காதவர்களுக்கு பல பிரச்னைகள் ஏற்பட்டுள்ளது எனவும் அவர்களது திருமண வாழ்வில் முறிவு ஏற்பட்டுள்ளது எனவும் கிராம தலைவர் ராம்சிங்பாய் ரத்வா தெரிவிக்கிறார்.

இந்தியாவின் அரியானா மாநிலத்தில் மர்ம நபர்கள், முஸ்லிம் இளைஞனை வழிமறித்து தொப்பியை கழட்டு, ஜெய் ஸ்ரீ ராம் என கூற சொல்லி துஷ்பிரயோகம் செய்துள்ள சம்பவம் அதிர்ச்சியை ஏற்படுத்தியுள்ளது.

குருகிராம், ஜக்குப்புரா பகுதியை சேர்ந்த 25 வயதான முகமது பர்கத் என்ற இளைஞனே இவ்வாறு பாதிக்கப்பட்டுள்ளார். மே 25ம் திகதி இரவு இத்தாக்குதல் சம்பவம் நடந்ததாக பர்கத் தெரிவித்துள்ளார்.

சம்வம் குறித்து பாதிக்கப்பட்ட பர்கத் கூறியதாவது, சம்பவத்தன்று இரவு நான் மசூதியிலிருந்து வீட்டிற்கு திரும்பிக்கொண்டிருந்த போது, ஆறு போர் கொண்ட கும்பல் என்னை வழிமறித்தது. அதில், ஒருவன் தவறான வார்த்தையால் திட்டி இப்பகுதியில் தொப்பி அணிய அனுமதி இல்லை என கூறினான்.

நான் மசூதியிலிருந்து வருகிறேன் என கூறியவுடன் அவன் என்னை அறைந்தான். பின்னர், பாரத் மாதா கி ஜே, ஜெய் ஸ்ரீ ராம் என கூற சொல்லி வற்புறுத்தினான். நான் மறுத்தேன், நீ கூறவில்லை என்றால் உன்னை பன்றி இறைச்சி உண்ண வைப்பேன் என அவன் மிரட்டினான்.

பின்னர், ஒரு குச்சியை எடுத்து அடித்து என்னை துஷ்பிரயோகம் செய்தான். நான் அவனை தள்ளி விட்டு ஓட முயன்ற போது என் சட்டையை பிடித்து கிழித்தான். நான் அழ தொடங்கியவுடன், நான்கு பேர் இருசக்கர வாகனத்திலும், இருவர் நடந்தும் தப்பிச்சென்றனர் என பாதிக்கப்பட்ட பர்கத் தெரிவித்துள்ளார். சம்பவம் குறித்து வழக்கு பதிவுசெய்துள்ள பொலிசார் குற்றவாளிகளை தேடி வருவதாக தெரிவித்துள்ளனர்.

மும்பையில் சாதி பெயரை சொல்லி சக மருத்துவர்கள் சித்ரவதை செய்ததால், அவமானம் தாங்காமல் இளம் பெண் மருத்துவர் தற்கொலை செய்துகொண்டுள்ள சம்பவம் சோகத்தை ஏற்படுத்தியுள்ளது.

மும்பையில் உள்ள தீபவாலா தேசிய மருத்துவ கல்லூரியில் பயின்று வரும் பயல் தத்வி (26) என்கிற இளம் பெண் மருத்துவர் கடந்த 22ம் திகதியன்று தூக்கு போட்டு தற்கொலை செய்துகொண்டார்.

அன்றைய தினம் காலை நேரத்தில் இரண்டு அறுவை சிகிச்சையை முடித்துவிட்டு நேரே விடுதிக்கு சென்ற பயல், நீண்ட நேரம் கதவை திறக்காமல் இருந்துள்ளார். 4 மணி நேரம் கழித்து தான், அவர் தூக்கில் தொங்குவதை மற்றவர்கள் பார்த்துள்ளனர்.

உடனடியாக மீட்கப்பட்ட பயல் மருத்துவமனைக்கு கொண்டு செல்லப்பட்டார். அங்கு பரிசோதித்த மருத்துவர்கள், ஏற்கனேவே உயிரிழந்துவிட்டதாக கூறியுள்ளனர்.

இந்த சம்பவம் குறித்து வழக்கு பதிவு செய்து பொலிஸார் விசாரணை மேற்கொண்டு வருகின்றனர். இந்த நிலையில் புற்றுநோயால் பாதிக்கப்பட்டிருக்கும் பயல் தத்விவியின் தாய் அபேடா தத்வி, தற்கொலைக்கான காரணம் குறித்து பேசியுள்ளார்.

என்னுடைய மகள் இடஒதுக்கீட்டின் மூலமாக தான் மருத்துவ சீட்டு பெற்றார். அதனை வைத்து மூன்று மூத்த பெண் மருத்துவர்கள் சித்ரவதை செய்வதாக எங்களிடம் கூறினாள். நாங்களும் அவர்கள் தங்கியிருக்கும் விடுதி பாதுகாப்பாளரிடம் புகார் அளித்தோம்.
அவரும் அந்த மூன்று பேரை அழைத்து இனிமேல் இதுபோன்று நடந்துகொள்ள வேண்டாம் என அறிவுறுத்தினார்.

மே மாதம் 22ம் திகதியன்று மதியம் நான் என்னுடைய மகளுக்கு போன் செய்தேன். இன்னும் அவளுடைய சீனியர்கள் சாதி பெயரை சொல்லி சித்ரவதை செய்வதாக என்னிடம் வேதனை தெரிவித்தாள்.

நானும் தந்தையும் உடனடியாக மும்பைக்கு கிளம்பி வந்து, மருத்துவமனை நிர்வாகம் மற்றும் பொலிசாரிடம் புகார் கொடுப்பதாக அவளிடம் கூறினேன். ஆனால் அவள் சித்திரவதையை தாங்கிக்கொள்ள முடியவில்லை என்று கூறிவிட்டு போனை வைத்துவிட்டாள் என கூறியுள்ளார்.

மேலும், நாங்கள் புகார் கொடுத்தபோதே நடவடிக்கை எடுக்கப்பட்டிருந்தால் எங்களுடைய மகள் இந்நேரம் உயிருடன் இருந்திருப்பார் என கண்ணீர் மல்க பேசியுள்ளார்.

பயலின் தந்தை சலீம் கூறுகையில், முதல் ஆறு மாதங்கள் நன்றாக இருந்தன. சில வார்த்தைகள் இருவருக்குள்ளும் பரிமாறிக்கொள்ளப்பட்டன.

டிசம்பர் 2018-ல் நடந்தவை பற்றி எங்களிடம் பயல் கூறினாள். அதனை உடனே பயலின் கணவர் சல்மான் கவனத்திற்கு கொண்டு சென்றோம். இதுபோன்ற விடயங்கள் நடப்பது சகஜம். அதனை புறக்கணிக்குமாறு அவர் கூறியதாக தெரிவித்துள்ளார்.

இந்த சம்பவமானது தற்போது பெரும் பரபரப்பை ஏற்படுத்தியிருக்கும் நிலையில், மருத்துவர்கள் ஹேமா அஹுஜா, பக்தி மேஹார் மற்றும் அன்கிதா கந்தெல்வால் ஆகியோர் மீது பொலிஸார் வழக்கு பதிவு செய்து விசாரணை மேற்கொண்டு வருகின்றனர்.

கேரளாவில் தேனிலவு முடித்து ஊருக்கு திரும்பிய புதுமண தம்பதிகள் சாலை விபத்தில் கொல்லப்பட்ட சம்பவம் அவர்களது குடும்பத்தினரை கண்ணீரில் ஆழ்த்தியுள்ளது.

கேரளாவின் கோட்டயம் மாவட்டத்தில் குடியிருக்கும் 31 வயதான கிரண் மற்றும் அவரது மனைவி 28 வயதான ஜின்ஸி ஆகியோரே சாலை விபத்தில் கொல்லப்பட்டவர்கள். நீண்ட பல ஆண்டுகளாக காதலித்துவந்த இருவரும் கடந்த மாதமே திருமணம் செய்துகொண்டுள்ளனர்.

இந்த நிலையில் கர்நாடக மாநிலம் பெங்களூருவில் உள்ள உறவினர் வீட்டில் தேனிலவு கொண்டாடும் வகையில் தங்களது வாகனத்தில் சென்றுள்ளனர். இவர்களுடன் நண்பர் ஜயதீப் மற்றும் அவரது மனைவியும் பெங்களூருவில் இருந்து திரும்பியுள்ளனர்.

இந்த நிலையிலேயே மாண்டியா பகுதியில் வைத்து இவர்களது வாகனம் சாலை விபத்தில் சிக்கியுள்ளது. இதில், கிரண் மற்றும் அவரது மனைவியுடன் நண்பரும் அவரது மனைவியும் உள்ளிட்ட நால்வரும் கொல்லப்பட்டுள்ளனர்.

இந்த இழப்பில் கடுமையாக பாதிக்கப்பட்ட கிரணின் நண்பர்கள், உனது இறப்பை எங்களால் நம்ப முடியவில்லை, இந்த வலி காலங்கள் கடந்தும் எங்களிடம் தங்கும் என கண்ணீருடன் தங்களின் பேஸ்புக் பக்கத்தில் பதிவிட்டுள்ளனர்.

இந்தியாவில் வயிற்று வலி என்று கூறிய நபரின் வயிற்றுப் பகுதியை ஸ்கேன் செய்து பார்த்த போது உள்ளே இருந்ததைக் கண்டு மருத்துவர்கள் அதிர்ச்சியடைந்துள்ளனர்.

இமாச்சலப்பிரேதசத்தில் உள்ள மாண்டி நகரில், அரசு மருத்துவக்கல்லூரி மருத்துவமனை உள்ளது. இங்கு 35 வயது மதிக்கத்தக்க நபர் வயிற்று வலி என்று கூறி சிகிச்சைக்காக வந்துள்ளார்.

அப்போது முதலில் வயிற்றை ஸ்கேன் செய்து பார்த்தால் மட்டுமே சொல்ல முடியும் என்று கூறியதால், ஸ்கேன் செய்துள்ளனர். அதன் பின் ஸ்கேனைப் பார்த்த போது மருத்துவர்கள் அதிர்ச்சியடைந்துள்ளனர். ஏனெனில் அவரின் வயிற்றின் உள்ளே 8 ஸ்பூன்ஸ், 2 ஸ்க்ரூ டிரைவர், 2 டூத் பிரஷ், 1 கத்தி இருந்துள்ளது.

இதனால் இவை எல்லாம் வயிற்றுக்குள் எப்படி வந்தது என்று மருத்துவர்கள் கேட்ட போது, அவர் எந்த ஒரு பதிலும் அளிக்காமல் இருந்துள்ளார். முதலில் வயிற்றில் இருப்பவைகள் நீக்க வேண்டும் என்பதால் உடனடியாக மருத்துவர்கள் அறுவை சிகிச்சை செய்து பொருட்களை அகற்றியுள்ளனர்.

இதுபற்றி அறுவை சிகிச்சை செய்த டாக்டர் நிகில் கூறும்போது, வயிற்றுக்குள் அந்த பொருட்கள் இருந்ததை அறிந்ததும் எங்கள் மருத்துவக் குழு உடனடியாக அறுவைச் சிகிச்சை செய்து அவற்றை நீக்கியது.

சிகிச்சைக்கு பின்னர் அவர் நலமுடன் இருக்கிறார். சாதாரணமான மனிதர்கள் கத்தி, ஸ்குரூடிரைவர், ஸ்பூன்களை விழுங்க மாட்டார்கள். நோயாளி, மனநலம் பாதிக்கப்பட்டவர் என்பதால் இதை செய்திருக்கிறார். இது அரிதான ஒன்று என்று கூறியுள்ளார்.

அமெரிக்க இளம்பெண்ணுக்கும், தமிழகத்தைச் சேர்ந்த இளைஞருக்கும் பேஸ்புக் மூலம் காதல் மலர்ந்ததைத் தொடர்ந்து, நேற்றைய பெற்றோர் முன்னிலையில் அவர்களது திருமண நிச்சயதார்த்தம் நடந்தது.

அமெரிக்காவின் கரோலினாவில் உள்ள சான்போர்டு நகரைச் சேர்ந்தவர் பிரட்டி(22). இவர் தனது பெற்றோருடன் தமிழ் கலாச்சாரத்தை தெரிந்துகொள்வதற்கும், தமிழ் தொடர்பான ஆராய்ச்சி செய்வதற்கும் கடந்த சில மாதங்களுக்கு முன்பு சென்னை வந்தார்.

சென்னையில் ஒரு வீட்டில் தங்கிய பிரட்டி, பேஸ்புக்கில் தமிழ் கலாச்சாரம் குறித்து தெரிவிக்குமாறு கூறி வந்தார். இந்நிலையில் தான், கடலூர் மாவட்டம் திட்டக்குடியைச் சேர்ந்த சூரிய பிரகாஷ்(25) என்பவர் பிரட்டி அறிமுகமானார்.

அவர் தமிழ் கலாச்சாரம் குறித்த தகவல் மற்றும் புகைப்படங்கள், வீடியோக்களை பேஸ்புக்கில் பதிவு செய்தார். இவ்வாறாக பிரட்டி-சூரிய பிரகாஷ் இடையே ஏற்பட்ட பழக்கம், நாளடைவில் காதலாக மாறியது.

இருவரும் பரஸ்பரம் செல்போனில் பேசி வந்த நிலையில், பெற்றோரிடம் தங்கள் காதல் குறித்து தெரிவித்துள்ளனர். அதனைத் தொடர்ந்து, பெற்றோர் மற்றும் உறவினர்கள் சம்மதத்துடன் பிரட்டி-சூரிய பிரகாஷின் திருமண நிச்சயதார்த்த நிகழ்ச்சி திட்டக்குடியில் நடந்தது.

இந்நிகழ்ச்சியில் இருவரின் பெற்றோர் மற்றும் உறவினர்களும் கலந்து கொண்டனர். இந்நிலையில் பிரட்டி இதுகுறித்து கூறுகையில், ‘தமிழ் கலாச்சாரம், உடை, உணவு, மனிதர்கள் அன்போடு பழகும் விதம் ஆகியவை எனக்கு மிகவும் பிடித்துள்ளது.

எனவே நான் தமிழ் கலாச்சாரப்படி சேலை கட்டி வருகிறேன். இங்குள்ள ஒருவரை திருமணம் செய்துகொள்ள முடிவு செய்தேன். அப்போதுதான் சூரிய பிரகாஷுடன் பேஸ்புக் மூலம் பழக்கம் ஏற்பட்டது. முதலில் நட்பாக தொடங்கிய இந்த பழக்கம் பின்னர் காதலாக மாறியது.

இருவரது மனமும் ஒத்துப்போனதால் திருமணம் செய்துகொள்ள முடிவு செய்து, தமிழ் கலாச்சாரப்படி நிச்சயதார்த்தம் நடந்தது. அமெரிக்காவில் இருந்து உறவினர்கள் சிலர் வர உள்ளனர். அவர்கள் வந்ததும் திகதி முடிவு செய்யப்பட்டு, தமிழ் கலாச்சாரப்படி இங்கேயே எங்களது திருமணம் நடைபெறும்’ என தெரிவித்துள்ளார்.