சென்னையில் திருமணமாகி 3 வருடங்களாக குழந்தை இல்லாத பெண் ஒருவர் திடீரென உயிரிழந்த சம்பவம் அதிர்ச்சியை ஏற்படுத்தியுள்ளது.

ஆவடியை சேர்ந்தவர் குளஞ்சிநாதன் (33). இவர், ஆவடியில் உள்ள மத்திய ரிசர்வ் பொலிஸ் படையில் காவலராக உள்ளார். இவருடைய மனைவி கீர்த்தனா (23). இவர்களுக்கு திருமணமாகி 3 ஆண்டுகள் ஆகியும், குழந்தைகள் இல்லை. கீர்த்தனா அல்சர் பிரச்சினைக்காக பல நாட்களாக மருத்துவ சிகிச்சை பெற்று வந்ததாக கூறப்படுகிறது.

நேற்று முன்தினம் இரவு அவருக்கு வயிற்று வலி ஏற்பட்டது. வலியால் துடித்த அவர் வாந்தி எடுத்தார். பின்னர் அவருக்கு மருந்து, மாத்திரைகள் கொடுத்து தூங்க வைத்தனர்.

ஆனால் நேற்று காலை மீண்டும் தொடர்ச்சியாக அவருக்கு வயிற்று வலியும், வாந்தியும் ஏற்பட்டது. திடீரென அவர் மயங்கி விழுந்துவிட்டார். குளஞ்சிநாதன் வேலைக்கு சென்றுவிட்டதால் வீட்டில் இருந்த கீர்த்தனாவின் தாய் மற்றும் சகோதரர் அவரை ஆவடியில் உள்ள அரசு மருத்துவமனைக்கு அழைத்து சென்றனர்.

ஆனால் மருத்துவமனைக்கு செல்லும் வழியிலேயே கீர்த்தனா பரிதாபமாக இறந்து விட்டார். சம்பவம் குறித்து தகவலறிந்த பொலிசார் கீர்த்தனா சடலத்தை கைப்பற்றிவிட்டு இது குறித்து விசாரித்து வருகின்றனர்.

இந்தியாவில் தேர்தலில் நின்றதன் மூலம் பிரபலமான இளம் விதவை பெண் தான் போட்டியிட்ட தொகுதியில் தோற்றுள்ளார். மகாராஷ்டிர மாநிலத்தின் புனேவை சேர்ந்தவர் சுதாகர். இவர் மனைவி வைஷாலி (28). தம்பதிக்கு இரண்டு பிள்ளைகள் உள்ளனர்.

விவசாயியான சுதாகர் கடந்த 2011ஆம் ஆண்டு தற்கொலை செய்து கொண்டார். ரூ.70000 கடன் வாங்கிய நிலையில் அதை திருப்பி செலுத்த முடியாமல் உயிரை மாய்த்து கொண்டார் சுதாகர்.

பின்னர் அங்கன்வாடியில் மாதம் ரூ.3500-க்கு வேலை செய்து வந்த வைஷாலிக்கு விதவை பென்ஷனாக ரூ 600 வந்தது. இந்த சொற்ப வருமானத்தில் தான் பிள்ளைகளை கவனித்து வந்தார் வைஷாலி.

இந்நிலையில் இலக்கிய கூட்டம் ஒன்றில் கலந்து கொண்டு வைஷாலி பிரமாதமாக பேசினார். இதை பார்த்த பிரஹர் ஜனசக்தி கட்சியின் எம்.எல்.ஏ ஓம் பிரகாஷ் அவரின் திறமையை பார்த்து வியந்து அவரை மக்களவை தேர்தலில் போட்டியிடுமாறு ஊக்குவித்தார்.

இதையடுத்து யாவட்மால் வாசிம் தொகுதியில் சுயேச்சையாக வைஷாலி போட்டியிட்ட நிலையில் ஓம் பிரகாஷ் அவருக்கு ஆதரவு கொடுத்தார்.

நேற்று தேர்தல் முடிவுகள் வெளியான நிலையில் வைஷாலி தோல்வியை தழுவியுள்ளார். ஆனாலும் அவர் 19,918 வாக்குகளை பெற்று அசத்தியுள்ளார்.

இந்த தோல்வியால் அவர் துவண்டுவிடவில்லை. இது குறித்து வைஷாலி கூறுகையில், என் தொகுதிக்கு உட்பட்ட 2000 கிராமத்தை சேர்ந்த மக்களையும் என்னால் சென்று பார்க்கமுடியவில்லை.

இதற்கு காரணம் தேவையான பணபலமும் மக்கள் பலமும் என்னிடம் இல்லாதது தான். அடுத்த முறை மீண்டும் நிச்சயம் முயற்சி செய்வேன் என கூறியுள்ளார்.

தென்னாப்பிரிக்காவுக்கு தேனிலவுக்கு கணவருடன் சென்ற இந்திய வம்சாவளியினரான ஒரு பெண் சுட்டுக் கொல்லப்பட்ட வழக்கில், உண்மையைத் தேடி பெண்ணின் தந்தையே களமிறங்கியுள்ளார்.

2010ஆம் ஆண்டு இந்திய வம்சாவளியினரான Anni Dewani, தென்னாப்பிரிக்காவில் தனது கணவருடன் தேனிலவுக்கு செல்லும்போது மர்மமான முறையில் கொல்லப்பட்டார்.

அவரை மூன்று பேர் காரில் கடத்திச் சென்று விட்டதாகவும் தான் மட்டும் தப்பி வந்து விட்டதாகவும் Anniயின் கணவரான Shrien கூறியிருந்தார்.

Anniயின் கொலை வழக்கிலிருந்தும் அவர் 2014ஆம் ஆண்டு விடுவிக்கப்பட்டார். Anniயை கடத்தி கொலை செய்ததாக Zola Tongo என்பவரும் மற்றும் இருவரும் கைது செய்யப்பட்டனர்.

வழக்கு விசாரணையில் உதவியதற்காக Tongoவுக்கு குறைவான தண்டனை வழங்கப்பட்டுள்ளதால் அவன் விரைவில் விடுவிக்கப்பட வாய்ப்புள்ளது.

ஆனால், Tongo வழக்கு விசாரணையின்போது கூறியதை விட அவனுக்கு அதிகமான விடயங்கள் தெரியும் என்று தான் நம்புவதாக தெரிவித்துள்ள Anniயின் தந்தையான Mr Hindocha, அவனுடன் தொலைபேசியில் பேசினார்.

அத்துடன் தென்னாப்பிரிக்கா செல்லும் அவர், தனது மகள் எப்படி கொல்லப்பட்டார் என்பதை அறியும் முன், தான் வீடு திரும்பப்போவதில்லை என்று கூறியுள்ளார். தற்போது மும்பையில் ஒரு ஆண் நண்பருடன் வசித்து வருகிறார் Shrien.

Shrien ஒரு ஓரினச்சேர்க்கையாளர் என்பதை மறைத்தே தனது மகளை அவர் திருமணம் செய்ததாக கூறும் Hindochaவுக்கு, தனது மகளை ஆள் வைத்து கொன்று விட்டதாக தனது மருமகனான Shrien மீது சந்தேகம்.

ஏனென்றால், Anni கொலை செய்யப்படுவதற்கு முன்னும், கொலை செய்யப்பட்ட பின்னரும் Tongoவுடன் அவர் பேசியதும் பணம் கொடுத்ததும் CCTV கெமராவில் பதிவாகியுள்ளது.

எனவே, Tongoவை சந்தித்து, எப்படியாவது அவனிடமிருந்து உண்மையை தெரிந்து கொள்ள விரும்புகிறார் Anniயின் தந்தையான Mr Hindocha. அதற்காக அவர் தனது சகோதரருடன் தென்னாப்பிரிக்கா கிளம்பியுள்ளார்.

மேற்கு வங்க மாநிலத்தில் மாப்பிள்ளைக்கு மணப்பெண் வீட்டார் கொடுத்துள்ள வரதட்சணையை பார்த்து அனைவரும் ஆச்சர்யமடைந்துள்ளனர்.

வரதட்சணை கொடுப்பது என்கிற பெரும் பிரச்சனையானது இந்தியாவில் பல ஆண்டுகளாகாவே இருந்து வருகிறது. பெண் வீட்டார் வரதட்சணை கொடுக்க தவறி விட்டால், தாலி காட்டும் கடைசி நேரத்தில் கூட மணமகன் திருமணத்தை நிறுத்துவிடும் கொடூரமும் ஆங்காங்கே அரங்கேறிக்கொண்டு தான் இருக்கிறது.

ஆனால் இதற்கு அப்படியே மாறாக மேற்கு வங்க மாநிலத்தில் ஒரு திருமண சம்பவம் நடந்துள்ளது. மேற்கு வங்க மாநிலத்தை சேர்ந்த சூர்யங்கட்டா பாரீக் (30) என்கிற பள்ளி ஆசிரியர், வரதட்சணை எதுவும் வாங்க மாட்டேன் என தன்னுடைய வருங்கால மனைவியின் வீட்டாரிடம் கண்டிப்பாக கூறியுள்ளார்.

இருப்பினும் திருமண நாளில் மணமகள் பிரியங்கா பெஜ்ஜுவின் கழுத்தில் தாலி காட்டும் சமயத்தில் அங்கிருந்த புத்தக குவியலை பார்த்த மணமகன் பெரும் ஆச்சர்யமடைந்துள்ளார்.

மணமகன் வரதட்சணையை ஏற்க மறுத்ததற்காக ரூ.1 லட்சம் மதிப்பிலான 1000 புத்தகங்களை மணமகள் பரிசாக வழங்கியுள்ளார்.

மணமகன் புத்தகம் படிப்பதில் அதிக ஆர்வம் கொண்டவர் என்பதால், மணமகளின் வீட்டார் அவரை ஆச்சர்யப்படுத்த திட்டமிட்டுள்ளனர். “அறிவு செல்வத்தை தவிர பெரிய பரிசொன்றும் இவ்வுலகில் இல்லை” என்பதால் புத்தகங்களை வாங்கி கொடுத்ததாக பெண் வீட்டார் கூறியுள்ளனர்.

ஒரு காலத்தில் காங்கிரஸ் எம்பி ஜோதிராதித்யாவுடன் செல்ஃபி எடுக்க முயன்று தோற்றுப்போனவர், இன்று தேர்தலில் அவரையே வென்றுள்ளார்.

கிருஷ்ணபால் என்பவர் சில ஆண்டுகளுக்கு முன்னர் காங்கிரஸ் கட்சியில் நிர்வாகியாக இருந்தார். அந்தச் சமயத்தில் ஜோதிராதித்யா சிந்தியா காங்கிரஸ் கட்சியின் முக்கிய புள்ளிகளுள் ஒருவராகவும், மத்திய மின்சக்தி துறை அமைச்சராகவும் இருந்தார்.

அந்தக் காலகட்டத்தில் கட்சியின் நிகழ்ச்சி ஒன்றில் பங்கேற்க வந்த ஜோதிராதித்யாவுடன் கிருஷ்ணபால் செல்ஃபி எடுக்க முயன்றார்.

ஆனால் அவர் செல்ஃபி எடுத்துக்கொள்ள அனுமதிக்கப்படவில்லை. இதனால் காரில் சென்ற ஜோதிராதித்யாவுடன் சற்று தொலைவில் நின்று கிருஷ்ணபால் செல்ஃபி எடுத்தார்.

பின்னர் இடைத்தேர்தல் ஒன்றில் உட்கட்சிப் பூசலால் கிருஷ்ணபால் முற்றிலும் புறக்கணிப்பட்டார். இதனால் காங்கிரசிலிருந்து வெளியேறிய அவர், பாஜகவில் தன்னை இணைத்துக்கொண்டார்.

அங்கு படிப்படியாக கட்சி பொறுப்புகளை பெற்றார். இந்நிலையில் நடந்து முடிந்த மக்களவைத் தேர்தலில், மத்திய பிரதேசத்தின் குனா மக்களவைத் தொகுதியில் காங்கிரஸ் வேட்பாளர் ஜோதிராதித்யாவை எதிர்த்து பாஜக வேட்பாளர் கிருஷ்ணபால் களமிறக்கப்பட்டார்.

இந்தத் தேர்தல் முடிவுகள் நேற்று வெளியான நிலையில், கிருஷ்ணபால் 1.25 லட்சம் வாக்குகள் வித்தியாசத்தில் அபார வெற்றி பெற்றார்.

இந்த நிலையில் காலம் அனைவருக்கும் பாடத்தை கற்றுக்கொடுக்கம் என பலரும் கிருஷ்ணபால் செல்ஃபி எடுக்க முயன்று தோற்றுப்போன புகைப்படத்தை பகிர்ந்து வருகின்றனர்.