வசமாக சிக்கிய காதலன்

இந்தியாவில் காதலி கோபித்து கொண்டதால், அவரை சமாதானப்படுத்துவதற்காக காதலன் செயல் செயல் கடைசியில் அவரை பொலிசில் சிக்க வைத்துள்ளது. உத்தரப்பிரதேச மாநிலத்தின் அலிகார் பகுதியில் அலிகார் முஸ்லிம் பல்கலைக்கழகம் செயல்பட்டு வருகிறது. இந்த பல்கலைகழகத்தில் மாயாவதியின் பகுஜன் சமாஜ் கட்சியில் நிர்வாகியாக இருக்கும் பெரோஸ் ஆலம் என்பவரின் காதலி எம்.பி.ஏ பயின்று வந்துள்ளார்.

அவர் பெரோசிடம் அலிகார் பல்கலைக்கழக எம்.பி.ஏ கேள்வித்தாள் வேண்டும் என்று கேட்டிருக்கிறார். அவரும் சரி என்று கூறி முதலில் பழைய வினாத்தாள்களை அனுப்பியுள்ளார்.
இதைக் கண்டுபிடித்த அவரின் காதலி கோபித்துக் கொண்டு அவரிடம் பேசாமல் இருந்துள்ளார்.

இதனால், தன் காதலியைச் சாமதானப்படுத்தும் முனைப்பில் அந்தக் கேள்வித்தாளைப் பெற முயற்சி செய்திருக்கிறார் பெரோஸ். இதற்கு அவர், தன் நண்பர் ஹைதருடன் இணைந்து அலிகார் பல்கலைக்கழகத்தில் பணியாற்றும் ஊழியர் இர்ஷாத் என்பவரின் உதவியை நாடியுள்ளார்.

கேள்வித்தாளை எடுத்துத் தந்தால், அந்தப் பல்கலைக்கழகத்தில் இர்ஷாத்-தை பணி நிரந்தரம் செய்வதாகவும் அவர்கள் வாக்குறுதி கொடுத்திருக்கின்றனர்.

அதன் படி கேள்வித்தாளை பெற்ற அவர்கள் முதலில் பெரோஸின் காதலிக்கு அனுப்பியுள்ளனர். அதன் பின் இதை அப்படியே விற்றால் நல்ல பணம் கிடைக்கும் என்ற ஆசையில், அந்த வினாத்தாளை ஜெராக்ஸ் எடுத்து வினாத்தாள் ஒன்று 2,000 ரூபாய் வீதம் விற்றுள்ளனர்.

இதற்காக வாட்ஸ் குரூப் ஒன்றை உருவாக்கி அதில் பிரத்யேகமாக பேசி வந்துள்ளனர். இறுதியில் இந்த விவகாரம் பொலிசாருக்கு எப்படியோ தெரியவர, இதையடுத்து, அந்தக் கேள்வித்தாளைப் பெற்ற அவர்கள், ஃபெரோஸின் காதலிக்குக் கொடுத்திருக்கிறார்கள். பெரோஸ், ஹைதர் மற்றும் இர்ஷாத் ஆகியோரை கைது செய்துள்ளனர்.

இதுகுறித்து அலிகார் பல்கலைக்கழகத்துக்குத் தகவல் தெரிவித்துவிட்டோம், கேள்வித்தாளை வெளிவிட்டதை ஒப்புக்கொண்ட பெரோஸிடம் பொலிசார் விசாரணை மேற்கொண்டு வருவதாக தெரிவித்துள்ளனர்.

இந்தியாவில் தன் மகனுடன் சேர்ந்து 10-ஆம் வகுப்பு தேர்வு எழுதிய 36 வயது தாய் தேர்ச்சி பெற்றிருப்பதால், அவருக்கு சமூகவலைத்தளங்களில் வாழ்த்துக்கள் குவிந்து வருகின்றன.

ஒடிசாவை சேர்ந்தவர் பசந்தி முதுலி. 36 வயதாகும் இவர் அங்கன்வாடி பணியாளராக பணியாற்றி வருகிறார். இவர் 18 ஆண்டுகளுக்கு முன்பு 10-ஆம் வகுப்பு படித்துக் கொண்டிருந்த நேரத்தில் பெற்றோர் அவருக்கு திருமணம் செய்து வைத்துவிட்டதால், பசந்தி தன் படிப்பை அப்போது கைவிட்டுள்ளார்.

இதனால் பசந்தியின் படிப்பு அத்தோடு தடைபட்டது. குழந்தைகள் பிறந்தாலும் கூட பசந்திக்கு 10-ஆம் வகுப்பை முழுமையாக முடிக்க முடியவில்லையே என்ற வருத்தம் இருந்துள்ளது.

இந்நிலையில் தான் அவருடைய மகன் 10-ஆம் வகுப்பிற்கு சென்றதால், மகனுடன் சேர்ந்து தானும் படித்து தேர்ச்சி பெற வேண்டும் என்ற எண்ணம் அவருக்கு தோன்றியுள்ளது.

அதன் படி மகனும் அவருக்கு உதவியுள்ளார். அதாவது பள்ளியில் என்ன சொல்லி கொடுக்கிறார்களோ அதை அப்படியே வீட்டிற்கு வந்து அம்மாவிற்கு சொல்லி கொடுத்து வந்துள்ளார். இதனால் பசந்தி மற்றும் அவரது மகன் என இருவருமே 10-ஆம் வகுப்பு மெட்ரிக் தேர்வில் தேர்ச்சி பெற்றுள்ளனர்.

பசந்திக்கு 203 மதிப்பெண்கள் பெற்ற நிலையில் அவரது மகன் 340 மதிப்பெண்கள் பெற்று தேர்ச்சி பெற்றுள்ளார். தேர்வில் வெற்றி பெற்றதை அறிந்த பசந்தி, மகிழ்ச்சியில் கண்கலங்கினார். இனி வேலையிலும் பதவி உயர்வு கிடைக்கும் என நம்பிக்கை தெரிவித்தார்.

பசந்தியின் வெற்றி குறித்து அவரது கணவர் கூறும்போது, அவரது மனைவி மேற்கொண்டு படிப்பை தொடர வேண்டும் என விரும்புவதாக தெரிவித்தார். இந்த செய்தி சமூகவலைத்தளங்களில் வைரலாக அவருக்கு வாழ்த்துக்கள் குவிந்து வருகின்றன.

கண்கலங்க வைக்கும் வீடியோ

இந்தியாவில் அரசு மருத்துவமனையில் சிகிச்சை பெற்று வரும் தாய்க்கு உணவளிக்க 6 வயது சிறுமி பிச்சை எடுத்த சம்பவம் மனதை உருக்கும் விதத்தில் அமைந்துள்ளது. கர்நாடக மாநிலத்தின் கோப்பால் பகுதியை சேர்ந்தவர் பாக்யஸ்ரீ (6). இவரின் தாய் மதுவுக்கு அடிமையான நிலையில் அதன் காரணமாக நோய் வாய்ப்பட்டார்.

இதையடுத்து அவர் அரசு மருத்துவமனையில் அனுமதிக்கப்பட்ட நிலையில் தன் தாய்க்கு தேவையான நேரத்தில் உணவளிக்க பாக்யஸ்ரீயிடம் கையில் காசு இல்லாத சூழல் நிலவியது.

இதனால் பிச்சை எடுக்க ஆரம்பித்தார் பாக்யஸ்ரீ. அந்த காசு மூலம் உணவு வாங்கி அதனை தாய்க்கு ஊட்டினார். இந்த சம்பவம் காண்போர் அனைவரையும் கண்கலங்கச் செய்தது. இந்த விடயம் வெளியே தெரிய வர பெண்கள் மற்றும் குழந்தைகள் நலத்துறை அதிகாரிகள் இருவரையும் சந்தித்து பேசியதோடு அவர்களுக்கு உதவ முன் வந்துள்ளனர்.

அலறியடித்து ஓடிய கணவன்

தமிழகத்தில் கூலித்தொழிலாளியை கொலை செய்ய முயன்ற மனைவி மற்றும் அவரது ஆண் நண்பரை பொலிசார் கைது செய்துள்ளனர். நாமக்கல் மாவட்டம் ராசிபுரத்தை சேர்ந்தவர் கூலித்தொழிலாளி முருகேசன். இவரது மனைவி பிரியா. தம்பதிக்கு இரண்டு குழந்தைகள் உள்ளனர்.

பிரியாவுக்கும், மல்லூர் பகுதியை சேர்ந்த கௌதம் ராஜூவுக்கும் தொடர்பு இருந்தது. இதனால் தம்பதி இடையே அடிக்கடி தகராறு ஏற்பட்டது. இந்நிலையில், முருகேசனை கொலை செய்ய பிரியாவும், கௌதம் ராஜூவும் திட்டமிட்டனர்.

அதன்படி முருகேசனுக்கு தூக்க மாத்திரை கொடுத்த பிரியா கணவரை தாக்கியதோடு அவரை கொல்லவும் முயன்றார். எனினும், அங்கிருந்து பலத்த காயத்துடன் தப்பியோடிய முருகேசன் இது குறித்து பொலிஸ் புகார் அளித்தார். இதையடுத்து பொலிசார் பிரியா மற்றும் கெளதமை கைது செய்ததோடு அவர்களிடம் இருந்த கத்தி, கையுறை மற்றும் இருசக்கர வாகனம் உள்ளிட்டவற்றை பறிமுதல் செய்தார்கள்.

வயிற்று வலியால் துடித்த சிறுமி

இந்தியாவின் பஞ்சாப் மாநிலத்தில், ஆசிரியர் மற்றும் பெற்றோருக்கான கூட்டத்தில் தாயார் கலந்துகொண்டிருக்கும்போது அவரது மகளுக்கு நேர்ந்த அவலம் வெளிச்சத்துக்கு வந்து அதிர்ச்சியை ஏற்படுத்தியுள்ளது.

பஞ்சாப் மாநிலத்தின் தூரி பகுதியில் குடியிருக்கும் அந்த தாயாரின் 4 வயது மகளுக்கே பாடசாலையில் வைத்து இந்த அவலம் ஏற்பட்டுள்ளது. சம்பவத்தன்று அந்த தாயார் தமது மகள் படிக்கும் பாடசாலையில் ஏற்பாடு செய்யப்பட்டிருந்த பெற்றோர் மற்றும் ஆசிரியர்களுக்கான கூட்டத்தில் கலந்துகொள்ள தமது மகளுடன் சென்றுள்ளார்.

பின்னர் கூட்டம் முடிந்து, மகளுடன் குடியிருப்புக்கும் திரும்பியுள்ளார். இந்த நிலையில் தமக்கு வயிற்றில் வலி இருப்பதாக அந்த தாயாரிடம் சிறுமி முறையிட்டுள்ளார். சாப்பிட்ட உணவு காரணமாக இருக்கலாம் என கருதி, அந்த தாயார் மகளை ஆசுவாசப்படுத்தியுள்ளார்.

ஆனால் அடுத்த நாள் காலையிலும் வலி இருப்பதாக சிறுமி கூறவே பதறிய அவர், சிறுமியை அழைத்துக் கொண்டு மருத்துவமனை விரைந்துள்ளார். மருத்துவமனையில் நடந்த சோதனையில் தான் உண்மை என்னவென தெரியவந்தது. சிறுமி பாலியல் வன்கொடுமைக்கு உள்ளாக்கப்பட்டது தெரியவந்தது.

இந்த விவகாரம் தொடர்பில் சிறுமியிடம் விசாரிக்கையில், பாடசாலையில் பெற்றோர் – ஆசிரியர் கூட்டத்தில் தாயார் கலந்துகொண்டிருந்தபோது சிறுமி அங்குள்ள பூங்காவில் விளையாடிக் கொண்டிருந்துள்ளார்.

அப்போது அங்கு வந்த பாடசாலையில் வேலை செய்யும் நபர் சிறுமியை துஸ்பிரயோகம் செய்துள்ளார். இந்த விவரங்கள் தெரியவரவும் சிறுமியின் உறவினர்கள் பாடசாலையை முற்றுகையிட்டு போராட்டம் நடத்தியுள்ளனர். போராட்டத்தை அடுத்து அந்த நபர் கைது செய்யப்பட்டுள்ளார். அதேவேளை பாடசாலை நிர்வாகத்தின் மீதும் நடவடிக்கை எடுக்க வேண்டும் எனவும் கோரிக்கை எழுந்துள்ளது.

அழுகிய நிலையில் கிடந்த சடலம்

தமிழகத்தில் கணவரை பிரிந்து தனியாக வாழ்ந்து வந்த பெண் கழுத்து அறுத்து கொலை செய்யப்பட்டு கிடந்த சம்பவம் அதிர்ச்சியை ஏற்படுத்தியுள்ளது. கும்மிடிப்பூண்டி அருகே உள்ள எளாவூர் கிராமத்தை சேர்ந்தவர் ரமேஷ். இவர் மனைவி சிவகாமி. ரமேஷுக்கும், சிவகாமிக்கும் கருத்து வேறுபாடு ஏற்பட்ட நிலையில் சில காலமாக கணவரை பிரிந்து சிவகாமி தனியாக வசித்து வந்தார்.

இந்நிலையில் கடந்த 3 நாட்களாக வீட்டை விட்டு சிவகாமி வெளியே வராத நிலையில் நேற்று அவரது வீட்டில் இருந்து துர்நாற்றம் வீசியது. இதையடுத்து அக்கம்பக்கத்தினர் வீட்டிற்குள் சென்று பார்த்தபோது சிவகாமி பிணமாக கிடந்தார். இதை பார்த்து அதிர்ச்சியடைந்த அவர்கள் பொலிசார் தகவல் தெரிவித்தனர்.

சம்பவ இடத்திற்கு விரைந்து வந்து பொலிசார் பார்த்த போது, சிவகாமியின் கழுத்து அறுக்கப்பட்ட நிலையில் படுகொலை செய்யப்பட்டு இருந்தார். அவரது கை மற்றும் உடலில் வெட்டுக்காயங்கள் காணப்பட்டதுடன் அழுகிய நிலையில் துர்நாற்றத்துடன் உடல் கிடந்தது.

விசாரணையில், அவர் இறந்து 3 நாட்களுக்கு மேல் இருக்கும் என என்பது தெரியவந்தது. பொலிசார் உடலை கைப்பற்றி பிரேத பரிசோதனைக்காக அரசு பொது மருத்துவமனைக்கு அனுப்பி வைத்தனர். சிவகாமியை கொலை செய்தது யார்? கொலைக்கான காரணம் என்ன? கள்ளக்காதல் விவகாரத்தில் கொலை நடந்ததா? என பல்வேறு கோணங்களில் விசாரணை நடத்தப்பட்டு வருகிறது.

சோகத்தை மறைத்து உறவினர்கள் நடத்திய திருமணம்

கேரளவில் தந்தை இறந்ததை மறைத்து மகளுக்கு திருமணம் செய்து வைத்த சம்பவம் அங்கிருந்த பலரையும் சோகத்தில் ஆழ்த்தியுள்ளது. கேரள மாநிலம் கொல்லம் நீண்டகரா புத்தன்துறையைச் சேர்ந்தவர் விஷ்ணுபிரசாத் (வயது 55) திருவனந்தபுரம் அருகே உள்ள கரமனை போலீஸ் நிலையத்தில் சப்-இன்ஸ்பெக்டராக பணியாற்றி வந்துள்ளார்.

இவருக்கு 3 பிள்ளைகளில் 2 பேருக்கு ஏற்கனவே திருமணம் ஆகிவிட்டது. இறுதியாக இளைய மகளான ஆர்ச்சாவுக்கு திருமணம் செய்ய முடிவு செய்து கொல்லத்தை சேர்ந்த ஒரு வாலிபருடன் நிச்சயம் செய்யப்பட்டது. கடைசி மகளின் திருமணம் என்பதால் செலவைப் பற்றி கவலைப்படாமல் அனைத்து ஏற்பாடுகளையும் சிறப்பாக செய்து வந்துள்ளார்.

இந்நிலையில் திருமணத்திற்கு முதல் நாள் நிச்சயதார்த்தமும் கோலாகலமாக நடைபெற்ற வேளையில் நிச்சயதார்த்த நிகழ்ச்சியில் இசைக்கச்சேரிக்கும் ஏற்பாடு செய்திருந்தார். அதில் பாடகர்கள் பாடிக்கொண்டிருந்த வேளையில் விஷ்ணுபிரசாத் நன்றாக பாடகூடியவர் என்பதால் நண்பர்கள் சிலர் அவரையும் பாடல் பாடும்படி கூறி அவரும் அதை ஏற்று ஒரு பாடலை உற்சாகமாக பாடத் தொடங்கி சிறிது நேரத்திலேயே அவர் மேடையில் மயங்கி சரிந்துள்ளார்.

இதனால் நிச்சயதார்த்த நிகழ்ச்சியில் பங்கேற்க வந்திருந்தவர்கள் இதைப்பார்த்து அதிர்ச்சி அடைந்துள்ளனர். மற்றும் தந்தையின் நிலையைப் பார்த்து ஆர்ச்சாவும் கதறி அழுதார். இதனை கண்ட உறவினர்கள் அவருக்கு ஆறுதல் கூறிய நிச்சயதார்த்த நிகழ்ச்சியை தொடரும்படி கூறிவிட்டு, உடனடியாக விஷ்ணுபிரசாத்தை அந்த பகுதியில் உள்ள மருத்துவமனைக்கு கொண்டு சென்றுள்ளனர். அதன் பினனர் அங்கு அவரை பரிசோதித்த மருத்துவர்கள் அவர் ஏற்கனவே இறந்து விட்டதாக கூறினர்.

மறுநாள் திருமணம் என்ற நிலையில் விஷ்ணுபிரசாந் த் இறந்த தகவலை அவரது மகளிடம் தெரிவித்தால் அவரால் அந்த துக்கத்தை தாங்க முடியாது என்பதாலும் அதன் மூலம் விஷ்ணுபிரசாத் தனது மகளுக்கு நடத்த திட்டமிட்ட திருமணம் தடைபடும் என்பதாலும் அந்த தகவலை ஆர்ச்சாவிடம் தெரிவிக்காமல் மறைக்க உறவினர்கள் முடிவு செய்துள்ளனர். அதன்படி ஆர்ச்சாவிடம் தந்தை நலமாக இருப்பதாகவும், திருமணத்திற்கு அவர் வந்துவிடுவார் என்று கூறி சமாதானம் செய்தனர்.

தனது கழுத்தில் தாலி ஏறும் வரை தந்தை திருமண மண்டபத்திற்கு வரவில்லை என்பதால் அவரை மகள் கலங்கிய கண்களுடன் தேடிக் கொண்டே இருந்தார். மணமகனும், உறவினர்களும் அவரது தந்தை எப்படியும் வந்துவிடுவார் என்று ஆறுதல் கூறி திருமணத்தை நடத்தி முடித்தனர். இறுதியாக ஆர்ச்சாவிடம் அவரது தந்தை இறந்த தகவல் தெரிவிக்கப்பட்டு ஆர்ச்சா கதறி அழுது உள்ளார். இந்த சம்பவம் அங்கு கூடியிருந்த அனைவரையும் பெரும் சோகத்தில் ஆழ்த்தியுள்ளது.