நிர்வாண நிலையில் வீட்டில் ச டலமாக கிடந்த தமிழ் தம்பதி : அவர்கள் எழுதிய கடிதத்தில் இருந்த உருக்கமான வரிகள்!!

தமிழ் தம்பதி

ஒடிசாவில் தமிழகத்தை சேர்ந்த தம்பதி தற்கொ லை செய்து கொண்ட நிலையில் அவர்கள் கடிதத்தில் எழுதி வைத்திருந்த உருக்கமான வரிகள் குறித்து தெரியவந்துள்ளது. தமிழகத்தை சேர்ந்தவர் ஆர்.ஜெயபாலன் (38). ஒடிசா மாநிலத்தில் தேசிய தொழில்நுட்ப நிறுவனத்தில் உதவி பேராசிரியராக பணியாற்றி வந்தார்.

இவரது மனைவி மாலினி (35). இவர்களுக்கு திருமணமாகி 9 ஆண்டுகள் ஆகின்றன. குழந்தைகள் இல்லை. ஜெயபாலன் தனது மனைவியுடன் அங்குள்ள குடியிருப்பில் வசித்து வந்தார். இந்நிலையில் இரண்டு நாட்களாக அவர்கள் வீடு உள்பக்கமாக பூட்டியிருந்த சூழலில் வீட்டிலிருந்து நேற்று காலை துர்நாற்றம் வீசியது. இதனால் சந்தேகமடைந்த அக்கம்பக்கத்தினர் இது குறித்து பொலிசுக்கு தகவல் கொடுத்தனர்.

சம்பவ இடத்துக்கு வந்த பொலிசார் வீட்டின் கதவை உடைத்து பார்த்த போது ஜெயபாலனும், மாலினியும் நி ர்வாண நிலையில் இ றந்து கிடந்தனர். இருவரும் விஷம் குடித்து தற்கொ லை செய்து கொண்டதாகக் கூறப்படும் நிலையில் உடலை கைப்பற்றிய பொலிசார் மருத்துவமனைக்கு அனுப்பி வைத்தனர்.


இதனிடையில் ஜெயபாலன் எழுதிய 4 பக்க கடிதம் வீட்டில் கிடைத்துள்ளது. அதில், தங்களது சா வுக்கு யாரும் காரணம் இல்லை என்றும் குழந்தை இல்லாத ஏக்கத்தால் தற்கொ லை செய்துகொண்டதாகவும் எழுதப்பட்டுள்ளது.

மேலும் தங்கள் பெற்றோர், இந்த முடிவுக்காகத் தங்களை மன்னிக்க வேண்டும் என்றும் கடிதத்தில் குறிப்பிடப்பட்டுள்ளது. சம்பவம் தொடர்பாக பொலிசார் விசாரணை நடத்தி வரும் நிலையில் பிரேத பரிசோதனை அறிக்கையின் அடிப்படையில் வழக்குப்பதிவு செய்யப்படும் என பொலிசார் தெரிவித்துள்ளனர்.

4 வயது மகளை பிரித்த சவுதி நீதிமன்றம் : பாசப்போராட்டம் நடத்தும் தாய்!!

பாசப் போராட்டம் நடத்தும் தாய்

மேற்கத்திய கலாசாரத்தை காரணம் காட்டி அமெரிக்க தாயிடம் இருந்து 4 வயது மகளை சவுதி நீதிமன்றம் பிரித்துள்ளது. அமெரிக்காவை சேர்ந்த பெத்தானி வியர்ரா (32) கடந்த 2011ம் ஆண்டு உள்ளூர் பல்கலைக்கழகத்தில் கற்பிப்பதற்காக மத்திய கிழக்கு நாட்டிற்கு குடிபெயர்ந்தார்.

அங்கு சவுதியை சேர்ந்த ஒருவரை காதலித்து திருமணம் செய்துகொண்டார். இவர்களுக்கு 4 வயதில் Zaina என்கிற மகள் இருக்கிறார். தம்பதியினருக்குள் ஏற்பட்ட கருத்து வேறுபாடு காரணமாக விவாகரத்து பெற்று பிரிந்துவிட்டனர். அதேசமயம் குழந்தை Zaina யாரிடம் வளர வேண்டும் என்பது குறித்து நீதிமன்றத்தில் விவாதிக்கப்பட்டது.

பெத்தானியா இஸ்லாமிய அல்லாத வாழ்க்கை முறையை வாழ்ந்து வருவதாக அவருடைய முன்னாள் கணவர் சமூகவலைத்தளத்தில் இருந்த ஆதாரங்களை சமர்ப்பித்தார். மேலும், அவருடைய சமூகவலைத்தளத்தில் அதிகமான ஆ பாச படங்கள் இருப்பதாகவும், நமது மதம் மற்றும் பழக்கவழக்கங்கள் மற்றும் மரபுகளுக்கு மு ரணான பல விடயங்களில் அவர் ஈடுபடுவதாகவும் பெத்தானியாவின் முன்னாள் கணவர் சார்பில் வாதாடிய வழக்கறிஞர் தெரிவித்தார்.

தனது முன்னாள் கணவர் வாய்மொழியாக து ஷ்பிரயோகம் செய்ததோடு, போ தைப் பொருளைப் பயன்படுத்தி வந்தாலே விவாகரத்து செய்ததாக வியர்ரா தரப்பில் தெரிவிக்கப்பட்டது. ஆனால் அவரது கணவர் அந்த குற்றச்சாட்டுகளை மறுத்துள்ளார்.

இந்த நிலையில் வாதங்களை கேட்டறிந்த நீதிபதி, குழந்தையின் தாய் மேற்கத்திய கலாசாரத்தை சேர்ந்தவர் என்பதால், இளம்வயதிலே குழந்தையும் அந்த முறைக்கு மாறிவிடும் எனக்கூறி பெத்தானியாவின் முன்னாள் கணவரின் தாயிடம் ஒப்படைத்துள்ளார்.

இதனை எதிர்த்து பெத்தானியா நீதிமன்றத்தில் மேல் முறையீடு செய்ய உள்ளார். இதற்கிடையில் பெத்தானியாவை கைது செய்ய உத்தரவு பிறப்பிக்கப்பட்டுள்ளதாகவும், அவர் அடுத்த 10 வருடங்களுக்கு அந்த நாட்டை விட்டு வெளியேற முடியாது எனவும் வாஷிங்டன் நகரத்தில் வசிக்கும் அவருடைய தந்தை வேதனை தெரிவித்துள்ளார்.

உயிரோடு இருக்கும் 19 வயது மகளுக்கு கண்ணீர் அஞ்சலி போஸ்டர் அடித்த தாய்!!

கண்ணீர் அஞ்சலி போஸ்டர்

தமிழகத்தில் காதலனுடன் வீட்டை விட்டு ஓடிய கல்லூரி மாணவிக்கு, பெற்ற தாயே கண்ணீர் அஞ்சலி போஸ்டர் ஒட்டிய சம்பவம் பரபரப்பை ஏற்படுத்தியுள்ளது. நெல்லை மாவட்டத்தை சேர்ந்த பன்னீர்செல்வம்-அமராவதி தம்பதிக்கு 3 மகள்கள்.

பன்னீர்செல்வம் 4 ஆண்டுக்கு முன் திடீரென்று இறந்துள்ளார். 3 மகள்களில் மூத்த மகளுக்கு மட்டும் திருமணமாகி உள்ளது. 2வது மகள் அபி (19) தனியார் கல்லூரியில் படித்து வருகிறார். 3வது மகள் பள்ளியில் படித்து வந்தார். இந்த குடும்பம் வசிக்கும் பகுதியில் சந்தோஷ் (21) என்பவர் வசித்து வந்த நிலையில் அபிக்கும், சந்தோஷுக்கும் இடையே காதல் ஏற்பட்டது.

ஆனால் சந்தோஷின் நடவடிக்கை சரியில்லாததால் தனது மகளின் காதலை அமராவதி ஏற்க மறுத்து எதிர்ப்பு தெரிவித்துள்ளார். இதற்கிடையில் அபியின் வீடு அருகில் வசித்து வந்த சந்தோஷ் குடும்பத்தினர், இடையன்குடி சாலையில் பகுதியில் புதிய வீடு கட்டி அங்கு சென்றுவிட்டனர். இருப்பினும் காதல் நீடித்தது.

அதற்கு எதிர்ப்பும் எகிறியது. இதனால் மனமுடைந்த அபி கடந்த 14ம் திகதி வீட்டை விட்டு வெளியேறி தனது காதலன் சந்தோஷை திருமணம் செய்து கொண்டதாக கூறப்படுகின்றது. இதனால் ஆவேசமான அமராவதி தனது பேச்சை கேட்காமல் வீட்டை விட்டு ஓடி திருமணம் செய்து கொண்ட தனது மகள் அபி இறந்து விட்டதாக ஊராருக்கு அறிவிப்பதற்காக 100 கண்ணீர் அஞ்சலி போஸ்டர்கள் அச்சிட்டு ஒட்டியது தெரியவந்தது.


இது தொடர்பாக விளக்கமளித்த அமராவதி, சந்தோஷுக்கு ஏற்கனவே திருமணமாகி ஒரு குழந்தை உள்ள நிலையில் அவனை தனது மகள் அபி காதலித்து ஓடிபோனதால், அவள் உ யிரிழந்துவிட்டதாக அறிவிக்க கண்ணீர் அஞ்சலி போஸ்டர் ஒட்டியதாகவும் மேற்கொண்டு எதுவும் பேச விரும்பவில்லை என்றார்.

இந்த சம்பவத்தில் இரு தரப்பும் காவல் நிலையத்தில் எழுத்துபூர்வ புகார் ஏதும் தெரிவிக்காததால் வழக்கு ஏதும் பதிவு செய்யப்படவில்லை. மகள் காதலனுடன் சென்றதால் அவர் இறந்துவிட்டதாக தாயே போஸ்டர் ஒட்ட ஏற்பாடு செய்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

கடலுக்குள் மூழ்கும் அபாயத்தில் இந்த நாட்டின் தலைநகரம் : எச்சரிக்கும் ஆய்வு!!

எச்சரிக்கும் ஆய்வு

இந்தோனேஷியாவின் தலைநகரான ஜகார்த்தாவின் மூன்றில் ஒருபகுதி 2050ம் ஆண்டுக்குள் கடலுக்குள் மூழ்கிவிடும் என நிபுணர்கள் எச்சரிக்கை விடுத்துள்ளனர். மனிதனின் செயல்பாடுகளால் பூமியின் வெப்பநிலை உயர்ந்து கொண்டே செல்கிறது, இதுதொடர்பான ஆய்வுகளும் நடந்த வண்ணம் இருக்கின்றன.

இதனால் பனிப்பாறைகள் உருகுவதுடன், ஓசோன் மண்டலத்தில் துளை, நச்சு வாயுக்களால் பாதிக்கப்படுதல், தோல் சம்பந்தமான நோய்கள் என பல மோசமான விளைவுகளும் ஏற்படுகின்றன.

மிக முக்கியமாக மலைகளில் உள்ள பனிக்கட்டுகள் உருகுதல், வெப்பத்தினால் கடல்நீரின் கனஅளவு அதிகரித்தல் போன்ற காரணங்களினால் கடலின் நீர்மட்டம் உயர்ந்து கொண்டே போகின்றது.

ஒரு வருடத்திற்கு 0.4 மி.மீ அல்லது ஒரு நூற்றாண்டுக்கு 2 அங்குலம் அளவிற்கு நீர்மட்டம் உயருவதாக ஆராய்ச்சியாளர்கள் கூறுகின்றனர். கடந்த 100 ஆண்டுகளில் மட்டும் 4 முதல் 8 அங்குலம் வரை நீர்மட்டம் உயர்ந்துள்ளது.

இந்நிலையில் இந்தோனேஷியாவின் தலைநகரான ஜகார்த்தாவின் மூன்றில் ஒரு பகுதி 2050ம் ஆண்டுக்குள் மூழ்கிவிடும் என எச்சரித்துள்ளனர். நிலத்தடி நீர் மட்டம் குறைந்து வருவதாலும், பருவ நிலை மாற்றத்தாலும் இது நடப்பது நிச்சயம் என்கின்றனர் நிபுணர்கள்.

ஏற்கனவே அந்நகரின் பல பகுதிகள் மூழ்கியுள்ள நிலையில், தீவிர நடவடிக்கை எடுக்காத பட்சத்தில் இந்தோனேஷியா புதிய தலைநகரை தேட வேண்டியிருக்கும் எனவும் எச்சரிக்கை விடுத்துள்ளனர்.

மந்திரவாதியின் பேச்சை கேட்டு நடுவீட்டில் பெண் செய்த அதிர்ச்சி செயல்!!

அதிர்ச்சி செயல்

சென்னையில் ஓய்வு பெற்ற தலைமைக்காவலரின் மனைவி நடுவீட்டில் 21 அடி ஆழத்தில் குழி தோண்டியுள்ள சம்பவம் பரபரப்பை ஏற்படுத்தியுள்ளது. சென்னையை சேர்ந்த ஓய்வு பெற்ற தலைமைக்காவலர் ராஜா என்பவரின் மனைவி மைதிலி. சில நாட்களாகவே இவர்களுடைய வீட்டிற்கு வெளியில் மூட்டைகள் அடுக்கி வைக்கப்பட்டிருப்பதாகவும், உள்ளே குழி தோண்டும் சத்தம் கேட்பதாகவும் பொலிஸாருக்கு அக்கம்பக்கத்தினர் தகவல் கொடுத்துள்ளனர்.

அதன்பேரில் சம்பவ இடத்திற்கு சென்று பொலிஸார் ஆய்வு மேற்கொண்ட போது, வீட்டிற்கு நடுவில் 21 அடி ஆழத்தில் பள்ளம் தோண்டப்பட்டிருப்பதும், அதிலிருந்த மணலை மூட்டையாக அங்கு கட்டி வைத்திருப்பதும் தெரியவந்தது.

இதுகுறித்து மைதிலியிடம் பொலிஸார் விசாரணை மேற்கொண்ட போது, குடும்பத்தில் பல இழப்புகள் நிகழ்ந்ததாலும் தன்னுடைய கணவர் ராஜா பக்கவாதத்தில் இருந்ததால் மந்திரவாதி சுரேஷ் என்பவரை மைதிலி அணுகியுள்ளார்.

அவர், வீட்டினுள் செய்வினை வைக்கப்பட்டிருப்பதாவதும், அதனை வெளியில் தோண்டி எடுக்குமாறு மைதிலிக்கு அறிவுறுத்தியுள்ளார். இதனை நம்பிய மைதிலியும் ஆள் வைத்து குழி தோண்டும் போது, உள்ளிருந்து கயிறு மற்றும் பொம்மையை எடுத்ததாக பொலிஸாரிடம் தெரிவித்துள்ளார்.

இதன்காரணமாக மைதிலி மணல் திருட்டில் ஈடுபடவில்லை என்பதும், மணல் மூட்டைகளை பாதுகாப்போடு வைத்திருந்ததும் தெரியவந்தது. பின்னர் பொலிஸார் வழக்கு எதுவும் பதிவு செய்யாமல், மைதிலியிடம் எழுதி வாங்கிக்கொண்டு அனுப்பி வைத்தனர்.

பீதியை கிளப்பும் ரஷ்யாவின் Doomsday ஏவுகணை : அபாயத்தில் உறைந்துபோயுள்ள உலக நாடுகள்!!

Doomsday ஏவுகணை

ரஷ்யாவில் சமீபத்தில் சோதனை முயற்சியில் வெடித்துச் சிதறிய doomsday ஏவுகணை தொடர்பில் பதற வைக்கும் தகவல்கள் வெளியாகியுள்ளன. ரஷ்யாவின் வடக்கு பகுதியில் அமைந்துள்ள செவரோட்வின்ஸ்க் என்ற நகரத்தில் இருந்து சோதனை மேற்கொள்ளப்பட்ட Burevestnik எனப்படும் doomsday ஏவுகணை முதல் முயற்சியிலேயே வெடித்துச் சிதறியுள்ளது.

இதனால் அந்த பகுதி முழுவதும் அணு கதிர்வீச்சு ஏற்பட்டது. மட்டுமின்றி நேரம் செல்லச் செல்ல அதன் தாக்கம் அதிகரித்து, சாதாரண நிலையை விட சுமார் 16 மடங்கு கூடுதலாக காணப்பட்டதாக தெரியவந்துள்ளது. இதனையடுத்து அதிகாரிகள் தரப்பில் இருந்து, அணுக்கதிர்வீச்சின் தாக்கத்தை அயோடின் ஓரளவு கட்டுப்படுத்தும் என்பதால் அயோடின் மருந்தை வாங்கி சாப்பிடுமாறு அறிவிக்கப்பட்டது .

சிறிது நேரத்தில் மருந்து கடைகளிலும் மருத்துவமனைகளிலும் மக்கள் கூட்டம் அலைமோதியது. வெறும் ஏவுகணை வெடித்ததால் கதிர்வீச்சு ஏற்படுமா? அணு ஆயுதத்துடன் ஏவுகணை வெடித்து சிதறியதால் கதிர்வீச்சு ஏற்பட்டதா போன்ற கேள்விகள் உலக நாடுகளிடையே எழத் தொடங்கின.

இந்த நிலையில், கடந்த ஆண்டு ரஷ்ய நாடாளுமன்றத்தில் ஜனாதிப்தி விளாடிமீர் புடின் ஆற்றிய உரையில், இதுவரை இல்லாத புதிய வகை ஏவுகணைகள் தயாரிப்பில் விஞ்ஞானிகள் ஈடுபட்டுள்ளதாக தெரிவித்து இருந்ததை சுட்டிக்காட்டி சர்வதேச ஊடகங்கள், அந்த doomsday ஏவுகணை தொடர்பில் பகீர் கிளப்பும் பின்னணி தகவல்களை வெளியிட்டுள்ளது.

ரஷ்ய ஜனாதிபதி குறிப்பிட்ட இதுவரை இல்லாத புதிய வகை என்பது ஏவுகணைகளுக்கான எரிபொருளாகவே அணுசக்தியை பயன்படுத்துவதுதான். தற்போது எரிபொருளாகவே அணுசக்தியை பயன்படுத்தும் தொழில்நுட்பத்தில் ரஷ்யா இறங்கியுள்ளது.

இதன் நோக்கம் தொலை தூரத்தில் உள்ள இலக்கையும் குறிவைத்து தாக்கி அழிக்கலாம் என்பதுதான். இந்த ஏவுகணை சோதனை வெற்றி பெற்றால், அது, அமெரிக்கா உள்ளிட்ட பல நாடுகளுக்கும் பெரும் அச்சுறுத்தலாக அமையும்.

அணு ஏவுகணை தாக்குதல் நடந்தால் கதிர்வீச்சு கட்டாயம் இருக்கும். ஏவப்பட்ட வினாடியில் இருந்து பாதிப்பு தொடங்கிவிடும். வருங்காலத்தில் ஏவுகணைகள் சுமந்து வருவது மட்டும் அணு ஆயுதமாக இருக்காது. ஏவுகணைகளே அணு ஆயுதமாக இருக்கும்.

இதில் ஆர்டிஜி எனப்படும் மிகச்சிறிய வகை அணுசக்தி ராக்கெட்டுகள் பயன்படுத்தப்படும். இதில் அணுக்கழிவுகள் வெளியேறுவது இல்லை. ராக்கெட்களில் பயன்படுத்தப்படும் ஆர்டிஜி தொழில்நுட்பத்தில் அணுவை பிளப்பதோ, இணைப்பதோ இல்லை.

ஆனால், ஏவுகணைகளை செலுத்த ஆர்டிஜி தொழில்நுட்பம் போதாது, மிகப்பெரிய அளவிலான அணுசக்தி பூஸ்டர்கள் தேவைப்படும். இங்கேதான் அணு கதிர்வீச்சு கொண்ட கழிவுகள் வெளியேறுகின்றன. இந்த வகை ஏவுகணைகளை எதிரி நாட்டின் மீது ஒன்றை ஏவினால் போதும், பல கி.மீ. தூரம் பஸ்பமாகி விடும்.


அங்கு புல், பூண்டு கூட இருக்காது. திரும்பவும் முளைக்க பல ஆண்டுகள் காத்திருக்க வேண்டும். இதனிடையே புதிய ஏவுகணை சோதனை தொடர்பில் விளக்கமளித்த ரஷ்யா, திரவ எரிபொருள் ஏற்றப்பட்ட ஒரு ஏவுகணை திடீரென வெடித்தது. இந்த விபத்தில் 5 பொறியாளர்கள் இறந்துள்ளனர் என ஒப்புக்கொண்டுள்ளது. மட்டுமின்றி கதிர்வீச்சு கட்டுப்பாட்டு மையம் பதிவு செய்த கதிர்வீச்சு 4 முதல் 16 என்ற அளவில் இருந்தது என்பது குறிப்பிடத்தக்கது.

அமெரிக்கா-ரஷ்யா போர் : 10 ஆண்டுகள் பூமி இருளில் மூழ்கும் : உலகிற்கு பேரழிவு எச்சரிக்கை!!

உலகிற்கு பேரழிவு எச்சரிக்கை

அமெரிக்காவிற்கும் ரஷ்யாவிற்கும் இடையிலான அணு ஆயுத போர் பூமியை பத்து வருட குளிர்காலத்தில் மூழ்கடிக்கக்கூடும், உலகம் மொத்தமும் இருளில் மூழ்கும் என்று விஞ்ஞானிகள் எச்சரித்துள்ளனர்.

ஏவுகணைகளில் இருந்து வெளியேறும் தீ, 147 மில்லியன் டன் புகைக்கரி மற்றும் தூசியை வளிமண்டலத்தில் வெளியிடும். இது பல ஆண்டுகளாக சூரிய ஒளியைத் தடுக்கும். ஒளி இயல்பு நிலைக்கு வர பத்து ஆண்டுகள் ஆகும் என்று நிபுணர்கள் கணித்துள்ளனர். மேலும், பூமியின் சராசரி மேற்பரப்பு வெப்பநிலை 9 செல்சியஸ் வீழ்ச்சியடையும் என குறிப்பிட்டுள்ளனர்.

ரட்ஜர்ஸ் பல்கலைக்கழகத்தின் வளிமண்டல விஞ்ஞானி ஜோசுவா கூப், அணு ஆயுத போருக்கு காலநிலை எவ்வாறு எதிர்விளையாற்றும் என்பதை உருவகப்படுத்தியுள்ளார். ஜோசுவா கூப் தலைமையிலான குழு தங்கள் கண்டுபிடிப்புகளை, நீண்ட குளிர்காலத்தை கணித்த 2007 ஆம் ஆண்டு நாசாவின் ஆய்வோடு ஒப்பிட்டுள்ளது.

அமெரிக்காவிற்கும் ரஷ்யாவிற்கும் இடையில் பெரிய அளவிலான அணு ஆயுத போரின் விளைவாக பூமியில் அணு குளிர்காலம் ஏற்படும். அத்தகைய அணு ஆயுத தாக்குதலை நடத்த முடிவு செய்யும் நாட்டிற்கு, அது தற்கொ லையாக இருக்கும். அமெரிக்காவும் ரஷ்யாவும் அத்தகைய முறையில் அணு ஆயுதங்களைப் பயன்படுத்துவது உலகளவில் பேரழிவு விளைவுகளை ஏற்படுத்தும்.

இறுதியில், அணு ஆயுதங்களை குறைப்பது மற்றும் அணு ஆயுத திறன் கொண்ட அனைத்து நாடுகளையும் நிராயுதபாணியாக்குவதே இந்த பூமியின் நலனுக்கு முக்கிய தேவை என விஞ்ஞானிகள் குறிப்பிட்டுள்ளனர்.

உலக டெஸ்ட் சம்பியன்ஷிப் போட்டி : முதல் வெற்றியை பதிவு செய்து இலங்கை அணி சாதனை!!

இலங்கை அணி

நியூஸிலாந்து அணிக்கு எதிரான முதல் டெஸ்ட் போட்டியின் முதல் போட்டியில் அணித் தலைவரின் நிதான ஆட்டத்துடன் கூடிய சதம் கைகொடுக்க, இலங்கை அணி 6 விக்கெட்டுகளால் வெற்றிபெற்று 2 போட்டிகள் கொண்ட தொடரில் 1-0 என முன்னிலை பெற்றுள்ளது.

இலங்கைக்கு விஜயம் செய்துள்ள நியூஸிலாந்து கிரிக்கெட் அணியானது இலங்கை கிரிக்கெட் அணியுடன் 2 டெஸ்ட், 3 இருபதுக்கு – 20 சர்வதேச கிரக்கெட் போட்டிகளில் விளையாடி வருகிறது.

இந்நிலையில், காலியில் இடம்பெற்ற டெஸ்ட் தொடரின் முதலாவது போட்டியில் நாணயச் சுழற்சியில் வெற்றிபெற்ற நியூஸிலாந்து அணியானது முதலில் துடுப்பெடுத்தாடி அனைத்து விக்கெட்டுக்களையும் இழந்து 249 ஓட்டங்களை பெற்றது.

நியூசிலாந்து அணி சார்பாக துடுப்பாட்டத்தில் டெய்லர் 86 ஓட்டங்களையும் நிக்கொலஸ் 46 ஓட்டங்களையும் பெற்றுக்கொடுத்தனர். பந்து வீச்சில் இலங்கை அணி சார்பில் தனஞ்சய டி சில்வா 5 விக்கெட்டுகளையும் சுரங்க லக்மால் 4 விக்கெட்டுகளையும் கைப்பற்றினர்.

இதன் பின்னர் பதிலுக்கு தனது முதல் இன்னிங்ஸில் துடுப்பெடுத்தாடிய இலங்கை அணி 267 ஓட்டங்களைப் பெற்று 18 ஓட்டங்களால் முதல் இன்னிங்ஸில் முன்னிலை பெற்றிருந்தது. இலங்கை அணி சார்பாக டிக்வெல்ல 61 ஓட்டங்களையும் குசல் மென்டிஸ் 53 ஓட்டங்களையம் மெத்தியூஸ் 50 ஓட்டங்களையும் பெற்றுக்கொடுத்தனர்.

பந்து வீச்சில் நியூசிலாந்து அணி சார்பில் பட்டேல் 5 விக்கெட்டுகளை கைப்பற்றினார். இந்த நிலையில் 18 ஓட்டங்களால் பின்னிலை வகிக்க தனது 2 ஆவது இன்னிங்ஸை ஆரம்பித்த நியூசிலாந்து அணி 285 ஓட்டங்களைப் பெற்று அனைத்து விக்கெட்டுகளையும்இழக்க இலங்கை அணிக்கு வெற்றி இலக்காக 267 ஓட்டங்கள் நிர்ணயிக்கப்பட்டது.

தனது 2 ஆவது இன்னிங்ஸில் இலங்கை அபாரமாக விளையாடி வெற்றி இலக்கை அடைந்து 6 விக்கெட்டுகளால் வெற்றி பெற்றது. திரிமான்னேயின் அரைச்சதமும் (64) அணித்தலைவரின் நிதான ஆட்டத்துடன் கூடிய சதம் (122) கைகொடுக்க இலங்கை அணி தனது சொந்த மண்ணில் கைத்து நியூசிலாந்து அணியை வெற்றி கொண்டு 2 போட்டிகள் கொண்ட தொடரில் 1-0 என முன்னிலை பெற்றுள்ளது.

இந்நிலையில் இரு அணிகளுக்குமிடையிலான 2 ஆவதும் இறுதியுமான டெஸ்ட் போட்டி எதிர்வரும் 22 ஆம் திகதி கொழும்பு பி. சரவணமுத்து மைதானத்தில் இடம்பெறவுள்ளது.

வடக்கு கிழக்கில் இன்று ஏற்படப்போகும் மாற்றம் : மக்களே அவதானம்!!

மக்களே அவதானம்

வடக்கு, வடமத்திய மற்றும் கிழக்கு மாகாணங்களில் பிற்பகலில் இடியுடன் கூடிய மழை பெய்வதற்கான சாத்தியம் உயர்வாக காணப்படுவதாக, வளி மண்டலவியல் திணைக்களம் அறிவித்துள்ளது.


சுமார் 75 மில்லி மீற்றர் வரையான பலத்த மழை பெய்யலாம் என எதிர்பார்க்கப்படுகின்றது. சப்ரகமுவ, மத்திய, தென் மற்றும் மேல் மாகாணங்களில் இடைக்கிடை மழை பெய்யும் என எதிர்பார்க்கப்படுகின்றது.

ஏனைய பிரதேசங்களில் பல இடங்களில் பி.ப. 2.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுவதாக திணைக்களம் தெரிவித்துள்ளது. யாழ்ப்பாணம் மற்றும் மன்னார் மாவட்டங்களில் காலை வேளையிலும் மழைவீழ்ச்சி எதிர்பார்க்கப்படுகின்றது.

வடக்கு மற்றும் வடமத்திய மாகாணங்களிலும் திருகோணமலை மாவட்டத்திலும் சில இடங்களில் 50 மி.மீ அளவான ஓரளவு பலத்த மழைவீழ்ச்சி எதிர்பார்க்கப்படுகின்றது. கிழக்கு மற்றும் வட மத்திய மாகாணங்களில் இடியுடன் கூடிய மழை பெய்யும் வாய்ப்பு காணப்படுவதோடு, மணிக்கு 70 – 80 கிலோமீற்றர் வேகத்தில் காற்று வீசும் என தெரிவிக்கப்பட்டுள்ளது.

தற்காலிகமாக வீசும் பலத்த காற்றினாலும் மின்னல் தா க்கங்களினாலும் ஏற்படக்கூடிய பாதிப்புகளை குறைத்துக்கொள்ள தேவையான மு ன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள்.

வவுனியாவில் மிகுதி பணத்திற்கு பதிலாக இனிப்புக்கள் : மக்களுக்கு விடுக்கப்பட்டுள்ள ஓர் அறிவிப்பு!!

வர்த்தக நிலையங்களில் மிகுதி பணத்திற்கு பதிலாக இனிப்புக்கள் வழங்கப்பட்டால் பொதுமக்கள் வர்த்தக சங்கத்தில் முறைப்பாட்டினை மேற்கொள்ளுமாறு வவுனியா வர்த்தக சங்கத்தினர் அறிவித்துள்ளனர்.

வவுனியாவில் உள்ள பல வர்த்தக நிலையங்களில் பொருட்களை கொள்வனவு செய்யும் போது மிகுதி சில்லறைப் பணத்திற்கு பதிலாக இனிப்புக்கள் வழங்கப்படுவதாக செய்திகள் வெளியாகியிருந்தன.

இதனையடுத்து மேற்கொள்ளப்பட்ட விசாரணைகளில், வர்த்தக நிலையங்களில் சில்லறை நாணயங்களுக்கு தட்டுப்பாடு நிலவி வருவதன் காரணமாகவே இந்த நடவடிக்கை மேற்கொள்ளப்படுவதாக வர்த்தகர்கள் குறிப்பிட்டிருந்தனர்.

இதற்கு தீர்வு காணும் வகையில் அரச மற்றும் தனியார் வங்கி முகாமையாளர்களுடன் வர்த்தக சங்கத்தினர் கலந்துரையாடி சில்லறை நாணயங்களை பெறுவதற்குரிய நடவடிக்கையினை வவுனியா வர்த்தக சங்கத்தினர் மேற்கொண்டிருந்தனர்.

அத்துடன், சில்லறை நாணயங்கள் தேவைப்படும் வர்த்தகர்கள் வர்த்தக சங்கத்தின் காரியாலத்தில் அலுவலக நேரங்களில் பெற்றுக் கொள்ள முடியும் என தெரிவிக்கப்பட்டுள்ளது.

இந்த நிலையிலேயே, இதற்கு பின்னரும் வர்த்தக நிலையங்களில் மிகுதி பணத்திற்கு பதிலாக இனிப்புக்கள் வழங்கப்பட்டால் வர்த்தக சங்கத்தில் முறைப்பாடு செய்யுமாறு வர்த்தக சங்கத்தினர் மக்களுக்கு அறிவித்துள்ளனர்.

இலங்கையில் தாயை வாழ வைப்பதற்காக இப்படியொரு மோசமான செயலா?

கொ ள்ளையில் ஈடுபட்ட ஆசிரியர்

திவுலபிட்டியவில் சூட்சுமான முறையில் மக்களை ஏமாற்றி கொ ள்ளையில் ஈடுபட்ட ஆசிரியர் ஒருவர் கைது செய்யப்பட்டுள்ளார். இந்த நபர் காணி அதிகாரியாக நடித்து வீடுகளுக்கு சென்று வறுமையில் வாடும் குடும்பங்களுக்கு வீடுகள் மற்றும் காணிகளை வழங்குவதாக குறிப்பிட்டுள்ளார்.

அதற்காக வீட்டில் உள்ளவர்களை புகைப்படம் எடுக்க வேண்டிய அவசியம் உள்ளதாக கூறியுள்ளர். புகைப்படம் எடுக்கும் போது நகைகளை போட்டு எடுக்க வேண்டாம் என கூறுகின்றார். அவர் கூறுவதனை கேட்கும் மக்கள் நகைகளை அகற்றி அருகில் வைத்துவிட்டு புகைப்படம் எடுத்துக்கொள்கின்றார்கள்.

பின்னர் தனக்கு குடிக்க தண்ணீர் வழங்குமாறு ஆசிரியர் கேட்கும் நிலையில், தண்ணீர் எடுப்பதற்கு வீட்டவர்கள் செல்லும் சந்தர்ப்பத்தில் அந்த தங்க நகைகளை கொ ள்ளையடித்து செல்வதாக குறிப்பிடப்படுகின்றது.

இது தொடர்பில் பொலிஸ் நிலையத்தில் செய்யப்பட்ட முறைப்பாட்டிற்கமைய சந்தேக நபர் கைது செய்யப்பட்டுள்ளார். கைது செய்யப்பட்ட நபரிடம் நகை அடகு பிடிக்கப்பட்ட பல ரசிதுகளும் பல்வேறு அடையாள அட்டைகளும் காணப்பட்டதாக பொலிஸார் தெரிவித்துள்ளனர்.

கட்டுநாயக்க பிரதேசத்தை சேர்ந்த இந்த நபர் நீர்க்கொழும்பில் மேலதிக வகுப்பு நடத்திய ஆசிரியர் என பொலிஸார் தெரிவித்துள்ளனர். தனது தாயை வாழ வைப்பதற்காக இவ்வாறான கொள்ளைச் சம்பவங்களில் ஈடுபட்டதாக குறித்த ஆசிரியர் விசாரணையின் போது தெரிவித்துள்ளார்.

வெளிநாடு செல்ல முயற்சித்த 10 தமிழர்கள் : சுற்றிவளைத்து பிடித்த பொலிஸார்!!

வெளிநாடு செல்ல முயற்சித்த தமிழர்கள்

சட்டவிரோ தமான முறையில் கடல் வழியாக வெளிநாடு செல்ல முயற்சித்த 10 பேர் சிலாபம் பொலிஸாரினால் கைது செய்யப்பட்டுள்ளனர். ச ந்தேகத்திற்குரிய முறையில் சிலர் பயணிப்பதாக கிடைத்த தகவல்களுக்கு அமைய மேற்கொள்ளப்பட்ட சு ற்றிவளைப்பின் போது அவர்கள் கைது செய்யப்பட்டுள்ளதாக பொலிஸார் தெரிவித்துள்ளனர்.

சிறிய ரக லொறி ஒன்றில் சிலாபம், இரணவில வீதியில் பயணித்து கொண்டிருந்த போது இந்த நபர்கள் கைது செய்யப்பட்டுள்ளனர். இதற்கு ஆதரவு வழங்கிய லொறியின் சாரதி மற்றும் உதவியாளர் கைது செய்யப்பட்டுள்ளார்.

கைது செய்யப்பட்ட அனைவரும் வாழைச்சேனை பிரதேசத்தை சேர்ந்த 20 – 40 வயதுடைய தமிழர்களாகும். லொறியின் சாரதி மற்றும் உதவியார்கள் மாரவில மற்றும் தொடுவாவ பிரதேசத்தை சேர்ந்த சிங்களவர்களாகும் என பொலிஸார் தெரிவித்துள்ளனர்.

கனடாவுக்கு சென்ற பெருமளவு இலங்கையர்கள் கைது!!

இலங்கையர்கள் கைது

கனடாவுக்கு சென்ற இலங்கையர்கள் உட்பட 67 பேர் நேற்று கைது செய்யப்பட்டுள்ளதாக அறிவிக்கப்பட்டுள்ளது. புகலிடக் கோரிக்கையாளர்கள் மெக்சிக்கோ கரையோர அதிவேக நெடுஞ்சாலையில் பயணித்துக் கொண்டிருந்த போது கைது செய்யப்பட்டுள்ளார்கள்.

இவர்கள் இலங்கை, பங்களாதேஷ் நாடுகளைச் சேர்ந்தவர்கள் என்று மெக்சிக்கோ பொலிஸார் அறிவித்துள்ளார்கள். நீர், உணவு இல்லாமையினால் இவர்கள் நோய்வாய்ப்பட்டிருந்தார்கள் என்று அறிவிக்கப்பட்டுள்ளது. அமெரிக்க தேச எல்லைக்குள் மெக்சிக்கோவின் ஊடாக நுழைவது இவர்களின் நோக்கமாகும்.

இவர்கள் கட்டார் ஊடாக துருக்கி, கொலம்பியா, ஈக்குவாடோர், பனாமா, குவத்தமாலா ஆகிய நாடுகள் ஊடாக மெக்சிக்கோ சென்றடைந்துள்ளார்கள். லத்தீன் அமெரிக்க நாடுகளிலிருந்து படகு மூலம் மெக்சிக்கோ – அமெரிக்க எல்லையை சென்றடைந்துள்ளார்கள் என்று மெக்சிக்கோ பொலிஸார் அறிவித்துள்ளார்கள். கனடாவை சென்றடைவது இவர்களின் பிரதான இலக்காகும் என பொலிஸார் தெரிவித்துள்ளனர்.

இன்று அதிகாலை இடம்பெற்ற விபத்து : ஒருவர் படுகாயம்!!

விபத்து

திருகோணமலை, கந்தளாயில் இன்று அதிகாலை வேகக் கட்டுப்பாட்டை இழந்த டிப்பர் வாகனமொன்று விபத்திற்குள்ளாகியுள்ளது.

குறித்த டிப்பர் வாகனம் வயல் வெளியில் விழுந்தமையினால் வாகனத்தின் சாரதிக்கு படுகாயம் ஏற்பட்டுள்ள நிலையில் வைத்தியசாலையில் அனுமதிக்கப்பட்டுள்ளார்.

இதன்போது, படுகாயமடைந்தவர் கந்தளாய், கெமுனு மாவத்தை பகுதியைச் சேர்ந்த 37 வயதுடைய ரொசான் சிறிமேவன் என தெரியவந்துள்ளது. இவ்விபத்து தொடர்பில் கந்தளாய் பொலிஸார் மேலதிக விசாரணைகளை மேற்கொண்டு வருகின்றனர்.

வவுனியாவில் சிறப்பாக நடைபெற்ற சிக்கன கடனுதவி கூட்டுறவு சங்கங்களின் சங்கமம் நிகழ்வு!!

சிக்கன கடனுதவி கூட்டுறவு சங்கங்களின் சங்கமம் நிகழ்வு

சிக்கன கடனுதவு கூட்டுறவு சங்கங்களின் சங்கம நிகழ்வு வவுனியாவில் இன்று (17.08) சிறப்பாக நடைபெற்றது.

வவுனியா மாவட்ட சிக்கன கடனுதவு கூட்டுறவு சங்கங்களின் சமாசம் மற்றும் சிக்கன கடனுதவு கூட்டுறவு சங்கங்கள் இணைந்து ஏற்பாடு செய்த இந்நிகழ்வு நகரசபை கலாசார மண்டபத்தில் நடைபெற்றது.

இதன்போது கலை நிகழ்வுகள் இடம்பெற்றதுடன், சிறப்பாக செயற்பட்ட உத்தியோகத்தர்களுக்கும், சிறந்த பரீட்சைப் பெறுபேறுகளைப் பெற்ற அங்கத்தவர்களின் பிள்ளைகளுக்கும் பரிசளிப்பும், சமாசத்தின் கணொளி வெளியீடும் இடம்பெற்றது.

வவுனியா மாவட்ட சிக்கன கடனுதவு கூட்டுறவு சங்கங்களின் சமாசத் தலைவர் அ.ச.பாரதி ஆனந்தம் தலைமையில் நடைபெற்ற இந்நிகழ்வில் 50 வருடகாலம் கூட்டுறவுச் சேவையில் இணைந்து செயற்பட்டமைக்காக சமாசத்தின் முன்னாள் தலைவரும், வவுனியா நகரசபை உறுப்பினருமான நா.சேனாதிராஜா அவர்களுக்கு ஆளுனர் கௌரவிப்பை வழங்கினார்.

இந்நிகழ்வில் வடமாகாண ஆளுனர் கலாநிதி சுரேன் ராகவன், அரச அதிபர் ஐ.எம்.ஹனீபா, கூட்டுறவு ஆணையாளர் பொ.வாகீசன், இலங்கை சிக்கன கடனுதவு கூட்டுறவுச் சங்கங்களின் சம்மேளனத் தலைவர் பி.ஏ.ஹிரிவந்தெனிய, வவுனியா நகரசபை உறுப்பினர்களான த.பரதலிங்கம், ரி.கே.இராஜலிங்கம், க.செந்தில்ரூபன், வவுனியா வடக்கு பிரதேச செயலாளர் க.பரந்தாமன், வவுனியா பிரதேச செயலாளர் கா.உதயராஜா, செட்டிகுளம் பிரதேச செயலாளர் க.சிவகரன், கூட்டுறவு உத்தியோகத்தர்கள், சிக்கன கடனுதவு கூட்டுறவுச் சங்க அங்கத்தவர்கள் எனப் பலரும் கலந்து கொண்டனர்.

வவுனியாவில் ஒரு இலட்சம் பனை விதைகளை நடவதற்கு நடவடிக்கை!!

ஒரு இலட்சம் பனை விதை

வவுனியா மாவட்டத்தில் ஒரு இலட்சம் பனை விதைகளை நடுவதற்கு சுயாதீன தமிழ் இளைஞர் அமைப்பினரால் நடவடிக்கை மேற்கொள்ளப்பட்டுள்ளது.

2019 ஆம் ஆண்டு ஒரு இலட்சம் பனை விதைகளை விதைக்கும் நோக்கத்துடன் வவுனியா சுயாதீன தமிழ் இளைஞர் அமைப்பினரால் மேற்கொள்ளப்பட்டுள்ள இந்த நடவடிக்கையின் முதல் கட்டமாக இன்று (17.08.2019) ஆயிரம் பனை விதைகள் விதைக்கப்பட்டுள்ளது.

வவுனியா கூமாங்குளம் குளக்கரை அண்டிய பகுதிகளில் வவுனியா சுயாதீன தமிழ் இளைஞர்களால் முதற்கட்டமாக பனை விதைகளை விதைக்கும் நடவடிக்கை முன்னெடுக்கப்பட்டுள்ளது.

கடந்த 2018 ஆம் ஆண்டு வவுனியா சுயாதீன தமிழ் இளைஞர் அமைப்பினரால் 10 ஆயிரம் பனை விதைகள் வவுனியா பிரதேசத்தில் விதைக்கப்பட்டமை குறிப்பிடத்தக்கது.