முதல் குழந்தை பிறந்து மூன்றே மாதங்களில் இரண்டாவது குழந்தையை பெற்றெடுத்த தாய் : ஒரு அபூர்வ நிகழ்வு!!

அபூர்வ நிகழ்வு

கசகஸ்தானில் முதல் குழந்தை பிறந்து மூன்றே மாதங்களில் ஒரு பெண் இரண்டாவது குழந்தையை பெற்றெடுத்த அபூர்வ நிகழ்வு நடைபெற்றுள்ளது.

இரட்டைக் குழந்தைகளை கர்ப்பத்தில் சுமந்த கசகஸ்தானைச் சேர்ந்த Liliya Konovalova (29), 11 வாரங்கள் வித்தியாசத்தில் தனது குழந்தைகள் இரண்டையும் பெற்றெடுத்தார்.

மே மாதம் 24ஆம் திகதி Liya என்னும் அழகிய பெண் குழந்தையை பெற்றெடுத்த Liliya, ஆகத்து மாதம் 9ஆம் திகதி Liyaவின் தம்பி Maximஐப் பெற்றெடுத்து மருத்துவர்களை ஆச்சரியத்துக்குள்ளாக்கினார். காரணம், இது ஒரு அபூர்வ நிகழ்வாகும், 50 மில்லியனில் ஒருவருக்குதான் இப்படி நடக்கும் என்பது குறிப்பிடத்தக்கதாகும்.

இப்படி மூன்று மாத இடைவெளியில் Liliya குழந்தைகளைப் பெற்றெடுத்ததற்கு காரணம், அவரது உடலில் இரண்டு கர்ப்பப்பைகள் இருந்ததாகும். இரட்டையர்களாக இருந்தாலும் தங்களுக்கென்று தனித்தனி கர்ப்பப்பைகளில் வளர்ந்திருக்கிறார்கள் Liyaவும் Maximமும்.

தனக்கு இப்படி ஒரு நிலைமை இருப்பதை அறிந்தபோது அதிர்ச்சியடைந்ததாகவும், மருத்துவர்களின் அக்கறையால் தான் நல்லபடியாக குழந்தை பெற்றெடுத்ததாகவும் தெரிவிக்கும் Liliya, முதல் குழந்தை குறை பிரசவத்தில் பிறந்ததாகவும், இரண்டாவது பிரசவம் கடினமாக இருந்ததாகவும் தெரிவித்துள்ளார்.


தற்போது தனது இரண்டு குழந்தைகளையும் வீட்டுக்கு அழைத்துச் செல்லும் நடவடிக்கைகளில் இறங்கியுள்ள Liliyaவுக்கு ஏற்கனவே ஏழு வயதில் ஒரு மகள் இருக்கிறாள்.

காதலியை மீட்க 71 ஆடுகளை இழப்பீடாக கணவனுக்கு அளித்த காதலன் : சுவாரசிய சம்பவம்!!

இந்தியாவின் உத்தரப்பிரதேச மாநிலத்தில் காதலியை மீட்க கணவனுக்கு 71 ஆடுகளை இழப்பீடாக வழங்கிய சம்பவம் அரங்கேறியுள்ளது.

கோரக்பூர் பகுதியிலேயே இளைஞர்கள் இருவரின் பிரச்னையை தீர்க்க 71 ஆடுகளை இழப்பீடாக வழங்க கிராம சபை உத்தரவிட்டுள்ளது.

திருமணம் முடிந்த இளம்பெண் காதலனுடன் மாயமானதே பிரச்னைகளுக்கு துவக்கமாக அமைந்துள்ளது.

ஆனால் கணவரின் குடும்பத்தினர் இருவரையும் கண்டுபிடித்துள்ளனர். இருப்பினும், கணவருடன் தாம் வாழ முடியாது என அந்த இளம்பெண் அடம்பிடித்துள்ளார்.

தொடர்ந்து கணவனும் அந்த காதலனும் வாக்குவாதத்தில் ஏற்பட்டதுடன், கைகலப்பிலும் ஈடுபட்டுள்ளனர்.

இதனையடுத்து கிராமத் தலைவர்களிடம் இந்த பிரச்னை கொண்டு செல்லப்பட்டது. அவர்கள் விசாரித்த பின்னர்,

யுவதி காதலனுடன் செல்லலாம் எனவும், ஆனால் கணவருக்கு இழப்பீடாக 71 ஆடுகள் தர வேண்டும் என முடிவு செய்து அறிவித்தனர்.

இதனையடுத்து 71 ஆடுகளுக்கு மனைவியை விட்டுத்தர அந்த கணவரும் ஒப்புக்கொண்டுள்ளார்.

ஆடுகளை வழங்கி காதலன் தமது காதலியை சொந்தமாக்கினார். ஆனால் காதலன் தமது காதலியை திரும்ப பெற அளித்த ஆடுகள் அனைத்தும் குடும்ப சொத்து எனவும், அதில் தமது கருத்தினை அவர் கேட்கவில்லை என்றும் அவரது தந்தை தற்போது பொலிசாரிடம் புகார் அளித்துள்ளார்.

அந்த புகாரில் தமது மகன், குடும்ப சொத்தில் இருந்து 71 ஆடுகளை திருடிவிட்டார் எனவும், அந்த ஆடுகளை மீட்டுத் தர வேண்டும் எனவும் கோரியுள்ளார்.

தற்போது இந்த விவகாரம் பொலிசார் விசாரணையில் உள்ளது.

தலை து ண்டித்து கொ ல்லப்பட்ட இளைஞர் : கைக்குழந்தையுடன் கதறும் மனைவி!!

கைக்குழந்தையுடன் க தறும் மனைவி

நெல்லை மாவட்டத்தில் கட்டிட தொழிலாளி ஒருவர் த லை துண்டித்து கொ லை செய்யப்பட்டுள்ள சம்பவம் பரபரப்பை ஏற்படுத்தியுள்ளது. நெல்லை மாவட்டத்தை சேர்ந்த கட்டிடத் தொழிலாளியான மணிகண்டன், கடந்த ஒன்றரை வருடத்திற்கு முன்பு முத்துமாரி என்பவரை திருமணம் செய்துள்ளார்.

இந்த தம்பதியினருக்கு மூன்று மாத கைக்குழந்தை ஒன்று உள்ளது. இந்த நிலையில் ஞாயிற்றுக்கிழமையன்று சரியாக இரவு 9.40 மணியளவில் மணிகண்டன் தன்னுடைய நண்பர்கள் கணேசன் மற்றும் சரவணனுடன் அப்பகுதியில் உள்ள ஆற்றுப்பாலம் அருகே பேசிக்கொண்டிருந்துள்ளார்.

அப்போது இரு சக்கர வாகனத்தில் அரிவாள்களுடன் வந்த மர்ம நபர்கள் 6 பேர், திடீரென மணிகண்டனின் காலில் ஓங்கி வெ ட்டியுள்ளனர். ஒரு கால் து ண்டானதால் அங்கிருந்து ஓட முடியாமல் திணறிய மணிகண்டனின் க ழுத்தில் மற்றொரு நபர் வெ ட்டியுள்ளார்.

இதில் அவருடைய த லை துண்டாக விழுந்துள்ளது. சம்பவ இடத்திலேயே மணிகண்டன் ர த்த வெ ள்ளத்தில் துடிதுடித்து இ றந்துள்ளார். இதனை பார்த்த மற்ற இருவரும் லேசான காயங்களுடன் அங்கிருந்து தப்பி ஓடியுள்ளனர்.

இந்த சம்பவமானது அப்பகுதியில் பெரும் பரபரப்பை ஏற்படுத்தியிருக்கும் நிலையில், பொலிஸார் வழக்கு பதிவு செய்து தீவிர விசாரணை மேற்கொண்டு வருகின்றனர். விரைவில் குற்றவாளிகளை கைது செய்யுமாறு மணிகண்டனின் உறவினர்கள் தொடர் போராட்டத்தில் ஈடுபட்டு வருகின்றனர்.

விசாரணையில், பக்கத்து கிராமத்தை சேர்ந்த குறிப்பிட்ட சமூக மக்கள் இப்பகுதியை கடக்கும் போது, மணிகண்டன் சாதி பெயரை சொல்லி கேலி செய்திருப்பதாகவும், சாதித் தலைவருக்கு ப்ளக்ஸ் வைத்து கிழிக்கப்பட்ட பிரச்சனையில் மணிகண்டன் சிலரை தாக்கியிருப்பதாகவும் தெரியவந்துள்ளது.

புற்றுநோய் சிகிச்சைக்காக வைத்திருந்த பணத்தை வெள்ள நிவாரண நிதிக்கு கொடுத்த நடிகை!!

நடிகை சரண்யா

புற்றுநோய் சிகிச்சைக்காக வைத்திருந்த பணத்தில் ஒரு குறிப்பிட்ட தொகையை சீரியல் மற்றும் திரைப்பட நடிகையான சரண்யா கேரள வெள்ள நிவாரண நிதிக்கு கொடுத்துள்ளார்.

கேரளாவில் சீரியல் மற்றும் திரைப்படங்களில் நடித்து பிரபலமானவர் நடிகை சரண்யா. இவர் கடந்த 6 ஆண்டுகளுக்கு முன்பு புற்றுநோயால் பாதிக்கப்பட்டிருப்பது கண்டறியப்பட்டது.


அதிலிருந்து தற்போது வரை 7 முறை புற்றுநோய்க்கான அறுவை சிகிச்சை செய்துவிட்டார். இவருடைய சம்பளத்தில் மட்டுமே குடும்ப செலவுகள் அனைத்தும் கவனிக்கப்பட்டு வருவதால், 8வது முறை அறுவை சிகிச்சை செய்வதற்கு போதிய பணம் இல்லை என கடந்த சில மாதங்களுக்கு முன் சமூகவலைத்தளத்தில் கோரிக்கை வைத்தார்.

அதனை பார்த்த சில நடிகர்கள் அவருக்கு பண உதவி கொடுக்க முன்வந்தனர். இந்த நிலையில் அறுவை சிகிச்சைக்காக வைத்திருந்த பணத்தில் ஒரு குறிப்பிட்ட தொகையை, கேரளா வெள்ள நிவாரண நிதிக்கு நடிகை சரண்யா கொடுத்துள்ளார்.

அவருடைய இந்த சேவையினை இணையதளவாசிகள் பாராட்டி வருகின்றனர். இதேபோல நடிகர்கள், பிரபலங்கள், பொதுமக்கள் என பலரும் வெள்ளத்தால் பாதிக்கப்பட்ட கேரளாவிற்கு நிவாரண நிதியினை தொடர்ந்து அளித்து வருகின்றனர்.

2 மாதம் தான் ஆயுள் : சீமான் தயவுசெஞ்சு என்ன நிம்மதியுடன் வாழவிடுங்கள் : கண்ணீர் விட்டு கதறிய நடிகை!!

விஜயலட்சுமி

நாம் தமிழர் கட்சி தலைமை ஒருங்கிணைப்பாளர் சீமானுக்கு கோரிக்கை விடுத்து நடிகை விஜயலட்சுமி வீடியோ ஒன்றை வெளியிட்டுள்ளார்.

சமீபத்தில் நடிகர் ரஜினகாந்திடம் உதவி கேட்டு நடிகை விஜயலட்சுமி வீடியோ ஒன்றை வெளியிட்டார். சில தினங்களுக்கு பிறகு ரஜினி தன்னை தொடர்புக்கொண்டு பேசிய உதவி செய்ததாக மற்றொரு வீடியோ பதிவிட்டார்.

தற்போது, சீமானுக்கு கோரிக்கை விடுத்து நடிகை விஜயலட்சுமி வீடியோ ஒன்றை வெளியிட்டுள்ளார். அதில், ரஜினிகாந்த உதவி செய்ததை பலர் அரசியல் ஆக்குகிறார்கள். என்னை தவறான பெண்ணாக சித்தரித்து பலர் செய்தி வெளியிடுகின்றனர்.

இதனால், நான் மிகுந்த வேதனை அடைந்துள்ளேன். எனக்கு இதயப்பிரச்சினை இருக்கிறது, 2 மாதம் தான் ஆயுள் அதற்குள் குடும்பத்திற்காக எதாவது நான் செய்ய வேண்டும். கமல், ரஜினி என யாரிடம் வேண்டுமானாலும் நான் உதவி கேட்பேன். அதை அரசியல் ஆக்குகிறார்கள்.

சீமானுக்கும் எனக்கும் எந்த பிரச்சினையும் இல்லை. எனது வாழ்கை சூழ்நிலையே மோசமாக மாறிவிட்டது. அவருக்கு ஆதரவாக எழுதும் பலர் என்னை தவறாக சித்தரிக்கின்றனர். இது எனக்கு மிகுந்த வேதனை அளிக்கிறது. நான் முன் குறிப்பிட்டது போல் அனைத்தையும் விளாவாரியாக எழுத்து வைத்து த ற்கொ லை செய்துக்கொள்வேன். உங்களுக்கு தான் பிரச்சினை.

எனவே, சீமான் நீங்கள் உங்கள் ஆதவாளர்களிடம் இனி என்னை தவறாக சித்தரித்து எழுதுவதை நிறுத்தும் படி கூற வேண்டும். அந்த நிலையில் தான் நீங்கள் இருக்கிறீர்கள் என கோரியுள்ளார்.

யாழ்.கொக்குவில் பகுதியில் உணவகம் ஒன்றின் மீது தா க்குதல்!!

உணவகம் ஒன்றின் மீது தா க்குதல்

யாழ்.கொக்குவில் – பூநாறி மரத்தடிப் பகுதியில் உள்ள உணகவத்தில் அடையாளந்தெரியாத குழுவினரால் தா க்குதல் நடத்தப்பட்டுள்ளது. நேற்று இரவு குறித்த உணவத்திற்குள் புகுந்த அடையாளந்தெரியாத நபர்கள் அங்கு தா க்குதல் நடத்தி விட்டு தப்பிச் சென்றுள்ளனர்.

இதன்போது, உணவக உரிமையாளர் காயமடைந்துள்ளதுடன், அங்கிருந்த பெறுமதியான பொருட்களுக்கும் சே தம் ஏற்பட்டுள்ளன.

இச்சம்பவம் தொடர்பில் சந்தேகத்தின் பேரில் ஒருவர் கைது செய்யப்பட்டுள்ளதுடன், பொலிஸார் மேலதிக விசாரணைகளை மேற்கொண்டு வருகின்றனர்.

செல்பியால் பறிபோன பெண்ணின் வாழ்க்கை : கணவனின் கண் எதிரில் நடந்த ப யங்கரம்!!

செல்பியால் பறிபோன பெண்ணின் வாழ்க்கை

இந்தியாவில் புதுப்பெண் ஒருவர் செல்பி மோகத்தால் ஆற்றில் மூழ்கி உ யிரிழந்த சம்பவம் சோகத்தை ஏற்படுத்தியுள்ளது. மத்தியபிரதேச மாநிலத்தை சேர்ந்தவர் ரூபாலி. இவருக்கும் ராகுல் என்பவருக்கும் கடந்த நான்கு மாதங்களுக்கு முன்னர் திருமணம் நடைபெற்றது.

இந்நிலையில் ரக்‌ஷாபந்தன் பண்டிகையையொட்டி தனது சகோதரர் வீட்டுக்கு ரூபாலி இரு தினங்களுக்கு முன்னர் சென்றார். பின்னர் அங்கிருந்து கணவருடன் தனது வீட்டுக்கு திரும்பி கொண்டிருந்தார்.

அப்போது அங்குள்ள ஒரு ஆற்றின் பாலத்தின் மீது ரூபாலி உட்கார்ந்த நிலையில் செல்பி புகைப்படம் எடுத்து கொண்டார். அப்போது அங்கு பலத்த காற்று வீசி கொண்டிருந்ததால் நிலை தடுமாறிய ரூபாலி அப்படியே ஆற்றுக்குள் விழுந்தார்.

அவர் தண்ணீரில் மூழ்குவதை பார்த்து செய்வதறியாமல் திகைத்த கணவர் ராகுல் கதறி அழுதார். பின்னர் பரிதாபமாக ரூபாலி உ யிரிழந்தார், சம்பவம் தொடர்பாக பொலிசார் வழக்குப்பதிவு செய்து விசாரித்து வருகிறார்கள்.

நாட்டுக்கு வர முடியாமல் வெளிநாட்டில் சிக்கி தவிக்கும் இலங்கைக் குடும்பம்!!

இலங்கைக் குடும்பம்

தாய் நாட்டுக்கு வர முடியாமல் டுபாயில் சிக்கித் தவிக்கும் இலங்கை குடும்பம் தொடர்பில் மத்திய கிழக்கு ஊடகம் ஒன்று தகவல் வெளியிட்டுள்ளது. மொஹமட் பெராட் அப்பாஸ் என்ற நபரும் அவரது மனைவியான இஷாரா விஜேதுங்க, அவரது 5 வயது மற்றும் 6 வயதுடைய பிள்ளைகளே இவ்வாறு டுபாயில் சிக்கியுள்ளனர்.

மொஹமட் பெராட் அப்பாஸ், 2008ஆம் ஆண்டில் இருந்து டுபாய் தனியார் நிறுவனம் ஒன்றில் சேவை செய்துள்ளார். 2016ஆம் ஆண்டு அவர் தனது தொழிலை இழந்துள்ளார். பின்னர் பெடார் அப்பாஸ் மற்றும் அவரது மனைவி இணைந்து பல்வேறு வர்த்தகங்களை மேற்கொண்டுள்ளனர். எனினும் அவர்களால் லாபத்தினை பெற முடியாமல் வங்குரோத்து நிலையை அடைந்துள்ளனர்.

இந்நிலையில் வங்கிகளில் பெற்ற கடனை திருப்பி செலுத்த முடியாமல் போயுள்ளது. கடனை செலுத்தாமல் இலங்கைக்கு செல்ல அவர்களுக்கு  அரசாங்கம் தடை விதித்துள்ளது. கடன் சுமை காரணமாக 10 மாதங்கள் சிறைப்படுத்தப்பட்டுள்ள இஷாரா விஜேதுங்கவுக்கு பயணத்தடையும் விதிக்கப்பட்டுள்ளது.

தங்கள் பிள்ளைகள் இருவருடன் அந்த குடும்பத்தினர் இலங்கை வர வேண்டும் என்றால் அதற்கு 52000 டிராம் பணம் செலுத்த வேண்டும். அவர்களின் விசா காலமும் காலாவதியாகியுள்ளதாக குறிப்பிடக்கின்றது. பெற்றோரின் கடன் சுமை காரணமாக பிள்ளைகளுக்கு கல்வி நடவடிக்கைகளும் இடை நிறுத்தப்பட்டுள்ளது.

தற்போது நண்பர்களினால் வழங்கப்பட்ட சிறிய அறை ஒன்றில் இந்த குடும்பத்தினர் வாழ்ந்து வருகின்றனர். எவ்வித வருமானமும் இன்றி கடன் செலுத்துவது எவ்வாறு என்ற சிக்கல் நிலைமை ஏற்பட்டுள்ளதாக பாதிக்கப்பட்ட குடும்பத்தினர் சர்வதேச ஊடகத்திடம் தெரிவித்துள்ளனர்.

வவுனியாவில் பெண் உள்ளுராட்சி உறுப்பினர்களுக்கான செயலமர்வு!!

செயலமர்வு

வவுனியா மற்றும் மன்னார் மாவட்டங்களை பிரதிநிதித்துவப்படுத்தும் உள்ளுராட்சி மன்ற பெண் உறுப்பினர்களுக்கான பயிற்சிப்பட்டறை வவுனியா மில் வீதியில் அமைந்துள்ள விருந்தினர் விடுதியில் இன்று (19.08.2019) காலை 9 மணி முதல் இடம்பெற்று வருகின்றது.

டிரான்ஸ்பரன்சி இன்டநெசனல் ஸ்ரீலங்கா நிறுவனத்தினால் நடத்தப்படும் இவ் பயிற்சி பாசறையின் வளவாளராக நளினி ரட்ணராஜா பங்குபற்றி உள்ளுராட்சி மன்ற பெண் உறுப்பினர்களுக்கு சுயநம்பிக்கையினை வளர்ப்பதற்கான வழிகள், தனிநபர் சுயமதிப்பீடு, பலம் மற்றும் பலவீனம், சந்தர்ப்பம், அச்சுறுத்தல், ஊடகப் பயன்பாடு மற்றும் அதன் நுட்பங்கள் என்பன பற்றிய கருத்துக்களை வழங்கியிருந்தார்.

டிரான்ஸ்பரன்சி இன்டநெசனல் ஸ்ரீலங்கா நிறுவனத்தின் திட்ட உத்தியோகத்தர் எம்.எச்.எம் மக்கீன் , சட்ட ஆலோசனை முகாமையாளர் மங்களா சங்கர் ஆகிய இருவரினதும் வழிகாட்டலில் 18,19ம் திகதி ஆகிய இரு தினங்களாக நடைபெறும் இவ் பயிற்சி பாசறையில் 20க்கு மேற்பட்ட பெண் உறுப்பினர்கள் கலந்து கொண்டிருந்தமை குறிப்பிடத்தக்கது.

வவுனியாவில் கட்டாக்காலி நாய்களின் தொல்லை அதிகரிப்பு!!

நாய்களின் தொல்லை அதிகரிப்பு

வவுனியா நகரப்பகுதிகளில் அண்மைய சில நாள்களாக கட்டாக்காலி நாய்களின் தொல்லைகள் அதிகரித்துக் காணப்படுவதாக மக்கள் விசனம் தெரிவிக்கின்றனர். இதனால் வீதிகளில் செல்லும் மக்கள் அசௌகரியங்களை எதிர் நோக்குவதாகவும் தெரிவிக்கப்படுகிறது.

வவுனியா நகரில் மக்கள் நடமாடும் பகுதிகளில் அதிகளவான கட்டாக்காலி நாய்கள் நடமாடித் திரிகின்றது. இதனால் நகருக்கு பல்வேறு தேவைகளின் நிமித்தம் செல்லும் மக்கள் வீதிகளிலுள்ள கட்டாக்காலி நாய்களினால் விபத்துக்களையும் எதிர்நோக்கி வருவதாகவும் கூறப்படுகிறது.

இதனைக் கட்டுப்படுத்த நகரசபை நடவடிக்கை மேற்கொள்ள வேண்டும் என்றும் பொதுமக்கள் தெரிவிக்கின்றனர்.

திருகோணமலையில் அண்ணனால் தங்கைக்கு நேர்ந்துள்ள கொடூரம்!!

திருகோணமலையில்..

திருகோணமலை – சீனக்குடா பகுதியில் தங்கையை தாக்கி காயப்படுத்திய அண்ணனை சீனக்குடா பொலிஸார் நேற்றிரவு கைது செய்துள்ளனர். சம்பவம் தொடர்பில் தீவரகம்மானை, இரண்டாம் பியவர, சீனக்குடா பகுதியைச் சேர்ந்த 33 வயதுடைய ஒருவரே கைது செய்யப்பட்டுள்ளார்.

கல்வியில் ஆர்வம் செலுத்தாமல் இளைஞரொருவரை காதலித்து வந்துள்ள நிலையிலேயே தங்கையை அண்ணன் தாக்கியுள்ளதாக விசாரணைகளில் இருந்து தெரியவந்துள்ளது. காயங்களுக்குள்ளான தங்கை திருகோணமலை பொது வைத்தியசாலையில் அனுமதிக்கப்பட்டுள்ளார்.

இந்த நிலையில் சந்தேகநபர் தடுத்து வைக்கப்பட்டுள்ளதுடன், மேலதிக விசாரணைகளின் பின் திருகோணமலை நீதிமன்ற நீதிவான் முன்னிலையில் ஆஜர்படுத்தப்பட உள்ளதாக பொலிஸார் குறிப்பிட்டுள்ளனர்.

இலங்கையில் மரணித்துப் போன மனிதநேயம் : கண்ணீரை சிந்த வைக்கும் காட்சி!!

மரணித்துப் போன மனிதநேயம்

கண்டியைச் சேர்ந்த ஒரு இளம் தாயொருவர் தன் இரண்டு குழந்தைகளுடன் ஆசனங்கள் கிடைக்காததால் புகையிரதத்தில் தரையில் அமர்ந்து கொழும்புவரை பயணித்துள்ள சம்பவமொன்று பதிவாகியுள்ளது. கண்ணீரை சிந்த வைக்கும் இந்த காட்சி தொடர்பான புகைப்படங்கள் தற்போது சமூக வலைத்தளங்களில் வைரலாகி வருகின்றன.

கடந்த சனிக்கிழமை கண்டியில் இருந்து கொழும்பு செல்லும் நகர்சேர் கடுகதி புகையிரதத்தின் இரண்டாம் வகுப்பிற்கான பயணச்சீட்டை தாயொருவர் பெற்றுக் கொண்டுள்ளார். பிறந்து சில மாதங்களேயான குழந்தை மற்றும் மூன்று வயது நிரம்பிய சிறுவனுடன் அவர் புகையிரதத்தில் ஏறியுள்ளார்.

எனினும் அவர்களுக்கு ஆசனங்கள் கிடைக்காததால், அந்த தாய் தனது பிள்ளைகளுடன் புகையிரதத்தில் தரையில் அமர்ந்து கொழும்பு வரையில் பயணித்துள்ளனர். குழந்தையுடன் வந்த அந்த தாய்க்கு மனிதாபிமான முறையில் ஒரு ஆசனத்தை கூட கொடுக்க யாரும் முன்வரவில்லை என்பது கலைக்குரிய விடயம் என சமூக அவதானிகள் குறிப்பிட்டுள்ளனர்.

வவுனியாவில் கடும் மழை போக்குவரத்தும் பாதிப்பு!!

கடும் மழை

வவுனியாவில் நேற்று மாலை பெய்த கடும் மழையினால் வீதிகள் அனைத்தும் நீர் நிரம்பி வெள்ள காடாக காட்சியளித்ததுடன் போக்குவரத்தும் பாதிக்கப்பட்டுள்ளதாக தெரிவிக்கப்படுகின்றது.

இரண்டு மணித்தியாலங்கள் நீடித்த மழையினால் வவுனியா, மன்னார் வீதி, காமினி மகாவித்தியாலயத்திற்கு முன்பான பகுதி மற்றும் தாண்டிகுளம், குடியிருப்பு ஆகிய பகுதிகளில் வெள்ளநீர் வீதிகளில் தேங்கி நிற்பதுடன், தாழ்நில பிரதேசங்களும் நீரில் மூழ்கியுள்ளன.

இதன் காரணமாக குறித்த வீதிகளினூடான போக்குவரத்தும் பாதிக்கப்பட்டிருந்ததுடன், வவுனியா நகரின் சில வர்த்தக நிலையங்களிற்குள்ளும் வெள்ள நீர் உட்சென்றமையால் வியாபார நடவடிக்கைகளும் பாதிக்கப்பட்டுள்ளது.

வடிகான்கள் சீர் செய்யப்படாமையாலேயே வெள்ள நீர் உட்புகுந்துள்ளதாக வர்த்தகர்கள் விசனம் தெரிவிக்கின்றனர்.

முத்தம் கொடுக்க மறுத்த பாடாலை மாணவனை கொ டூரமாக தா க்கிய நபர்!!

மாணவனை கொ டூரமாக தா க்கிய நபர்

புத்தளத்தில் முத்தம் கொடுக்க மறுத்த பாடாலை மாணவனை, நபர் ஒருவர் கொ டூரமாக தா க்கியுள்ளதாக தெரிவிக்கப்படுகிறது. ஆனமடுவ, ஆடிகம நகரத்திற்கு கு டிபோ தையில் வந்த நபர் ஒருவர், இம்முறை சாதாரண தர பரீட்சை எழுதும் மாணவர்கள் இருவரிடம் முத்தம் வழங்குமாறு கோரியுள்ளார்.

எனினும் மாணவர்களை முத்தம் வழங்க மறுத்துள்ளனர். இதனால் கோபமடைந்த குறித்த நபர் பாடசாலை மாணவன் ஒருவரை கொ டூரமாக தா க்கியுள்ளார்.

இந்த சம்பவம் அருகில் இருந்த சிசிடீவி கமராவில் பதிவாகியுள்ளது. எனினும் இந்த தா க்குதலுக்கு எதிராக மிகவும் மந்தமான முறையில் விசாரணைகள் முன்னெடுக்கப்படுவதாக பாதிக்கப்பட்ட மாணவர்களின் பெற்றோர் குற்றம் சுமத்தியுள்ளனர்.

வவுனியாவில் தென்னை செய்கையாளர்களை துரத்தும் வண்டு!!

வண்டுத்தாக்கம்

வவுனியாவில் பல இடங்களில் தென்னை மரங்களில் வண்டுத்தாக்கம் அதிகரித்துள்ளதாகத் தெரிவிக்கப்படுகிறது.

இனந்தெரியாத வண்டு இனம், இளம் தென்னங்கன்றுகளை தாக்குவதால் அவை முறிந்து வீழ்ந்தும், ஓலைப்பகுதி கருகியும் அழிந்து வருகின்றது.

ஒலுமடு, மருதோடை, மாமடு கிராமங்களில் இந்த வண்டுத்தாக்கம் ஏற்ப்பட்டுள்ளது. இதன் காரணமாக தென்னைச்செய்கையை கைவிடும் நிலைக்கு தாம் சென்றுள்ளதாக தென்னைப்பயிர்ச்செய்கையாளர்கள் கவலை தெரிவிக்கின்றனர்.

வவுனியாவில் சமகால அரசியல் நிலவரங்களை ஆராயும் ரெலோ!!

தமிழீழ விடுதலை இயக்கத்தின் உயர்மட்டக் கூட்டம்

தமிழீழ விடுதலை இயக்கத்தின் (ரெலோ) உயர்மட்டக் கூட்டம் கட்சியின் வவுனியா அலுவலகத்தில் இன்று நடைபெற்றது.

ரெலோவின் அடுத்த கட்ட நகர்வு, சமகால அரசியல் நிலவரங்கள், வரவிருக்கும் தேர்தலை எவ்வாறு எதிர் கொள்வது உள்ளிட்ட பல்வேறு விடயங்கள் கலந்துரையாடலில் பேசப்பட்டது.

கட்சியின் தலைவர் செல்வம் அடைக்கலநாதன் தலைமையில் கலந்துரையாடலில் கட்சியின் செயலாளர் ஸ்ரீகாந்தா, முன்னாள் நாடாளுமன்ற உறுப்பினர் வினோ நோகராதலிங்கம், முன்னாள் மாகாண சபை உறுப்பினர்களான சிவாஜிலிங்கம், விந்தன் கனகரட்ணம், கோவிந்தன் கருணாகரன் , முன்னாள் கிழக்கு மாகாண சபை‌‌ உறுப்பினர் பிரசன்னா உள்ளிட்ட உயர்மட்ட உறுப்பினர்கள் கலந்து கொண்டனர்.