பேரனின் தாக்குதலுக்கு உள்ளாகி காயமடைந்த நிலையில், புத்தளம் வைத்தியசாலையில் அனுமதிக்கப்பட்டிருந்த மூதாட்டி நேற்று உயிரிழந்துள்ளதாக வண்ணாத்துவில்லு பொலிஸார் தெரிவித்துள்ளனர்.

வண்ணாத்துவில்லு, இஸ்மையில்புரம் – மயிலங்குளம் பிரதேசத்தை சேர்ந்த 93 வயதான மஹிபாலகே எக்னஸ் என்ற பெண்மணியே சம்பவத்தில் உயிரிழந்துள்ளார்.

உயிரிழந்த பெண்மணியும் அவரது பேரனும் ஒரே வீட்டில் வசித்து வந்துள்ளனர். இருவருக்கும் இடையில் கடந்த 7 ஆம் திகதி வாக்குவாதம் ஏற்பட்டுள்ளது.

இதன் போது பேரன் பொல்லால் தாக்கியத்தில் பெண்மணி ஆபத்தான நிலையில் புத்தளம் வைத்தியசாலையில் அனுமதிக்கப்பட்டுள்ளார். வைத்தியசாலையில் அனுமதிக்கப்பட்ட அவர் சிகிச்சை பலனின்றி உயிரிழந்துள்ளார்.

மரணத்திற்கு பின்னரான விசாரணைகள் இன்று நடைபெறவுள்ளன. மூதாட்டியை தாக்கியதாக கூறப்படும் 17 வயதான நபரை பொலிஸார் கைது செய்துள்ளனர்.

இந்த நபர் மனநோயால் பாதிக்கப்பட்டவர் எனவும் பொலிஸார் தெரிவித்துள்ளனர். வண்ணாத்துவில்லு பொலிஸார் மேலதிக விசாரணைகளை மேற்கொண்டு வருகின்றனர்.

கடந்த மாதம் மட்டக்களப்பில் மேற்கொள்ளப்பட்ட தற்கொலை குண்டுத் தாக்குதலில் பெற்றோரை இழந்த பிள்ளைகள் தொடர்பில் தகவல் வெளியாகி உள்ளது.

உயிரிழந்த தம்பதியின் 19 வயதான ஜீவனா திருகேஸ்வரன் என்ற மூத்த மகள் அவுஸ்திரேலியாவில் கல்வி கற்று வருகிறார். எனினும் உயிர்த்த ஞாயிறு அன்று இடம்பெற்ற குண்டுத்தாக்குதலில் அவரின் 15 வயதான சகோதரன் சுஷான் மாத்திரமே குடும்பத்தில் உயிர் தப்பியுள்ளார்.

சகோதரன் மட்டக்களப்பு மெதடிஸ் பாடசாலையில் கல்வி கற்று வருகிறார். கடந்த மாதம் 21ஆம் திகதி இடம்பெற்ற தேவாலய பூஜைக்காக இந்த பிள்ளைகளின் பெற்றோர் மட்டக்களப்பு சியோன் தேவாலயத்திற்கு சென்றிருந்தனர்.

வேறு நாட்களில் பெற்றோருடனே தேவாலயத்திற்கு செல்லும் சுஷான் அன்றைய தினம் தனக்கு நித்திரையாக உள்ளதென கூறி தேவாலயத்திற்கு செல்லவில்லை.

எனினும் தேவாலயத்தில் இடம்பெற்ற பயங்கரவாத தாக்குதலில் தனது தாய் தந்தையை இழந்து விட்டதாக சுஷான் குறிப்பிட்டுள்ளார்.

இந்த செய்தியை கேட்டதில் இருந்து மகள் ஜீவனா இன்னமும் அதிர்ச்சியில் இருந்து மீளவில்லை. அவருக்கு அவுஸ்திரேலிய மக்கள் மிகப்பெரிய ஆறுதலாக இருப்பதாக தெரிவித்துள்ளார்.

எப்படியாவது தனது தம்பியை அவுஸ்திரேலியாவுக்கு அழைத்து வருமாறு கேட்டுக்கொண்டுள்ளார். தன்னால் தனது தம்பியை காப்பாற்ற முடியும் என கண்ணீருடன் தெரிவித்துள்ளார்.

இத்தாலியின் ஃரென்சி நகரில் வசித்து வரும் 19 வயதான சிங்ஹார முதலிகே ஹங்சிகா பெரேரா என்ற இலங்கை யுவதி எதிர்வரும் 26 ஆம் திகதி நடைபெறவுள்ள ஃரென்சி நகர சபைத் தேர்தலில் 4வது தொகுதியில் வேட்பாளராக போட்டியிடுகிறார்.

ஐரோப்பிய ஒன்றிய நாடாளுமன்ற தொகுதி மற்றும் ஃரென்சி நகர சபையின் தொகுதிகளுக்கு 26 ஆம் திகதி தேர்தல் நடைபெறவுள்ளது.

ஹங்சிகா தனது இரண்டு வயது பெற்றோருடன் இத்தாலி சென்றுள்ளார். ஹங்சிகா, ஃரென்சி நகரில் உள்ள சீ.ஜீ.ஐ.எல். ஃல்கெம்ஸ் நிறுவனத்தின் தற்போதைய பணிப்பாளர் சபையின் தலைவராக பதவி வகித்து வருகிறார்.

ஹங்சிகா, சிங்ஹார முதலிகே சமன் பெரேரா என்பவரின் மூத்த மகள். சமன் பெரேரா தொழிலாளர் சட்ட ஆலோசகராகவும் சமூக சேவையாளராக இருந்து வருகிறார்.

சமன் பெரேரா கடந்த 2003 மற்றும் 2009 ஆம் ஆண்டு ஃரென்சி நகர சபைத் தேர்தலில் போட்டியிட்டு தெரிவானவர். ஹங்சிகா பெரேரா, ஸ்னெவ்டிச்சி ரசல் நியூடன் அறிவியல் கல்லூரியில் இறுதியாண்டு படித்து வருகிறார்.

பிறந்து ஒரு நாளான ஆண் சிசுவின் சடலம் கை, தலை பகுதிகளில் காயங்களுடன் நேற்று மாலை யாழ்ப்பாணத்தில் கிடந்துள்ளது.

கரவெட்டி ஞானாசாரியார் சுடலைக்கு அண்மையில் குறித்த சடலம் கிடந்துள்ளதாக நெல்லியடி பொலிஸார் தெரிவித்துள்ளனர்.

நெல்லியடி பொலிஸாருக்கு கிடைத்த இரகசிய தகவலின் அடிப்படையில் அப்பகுதிக்கு பொலிஸார் விரைந்திருந்தனர்.

இந்த நிலையில், இன்று பருத்தித்துறை நீதிமன்றின் உத்தரவு பெறப்பட்டு சிசுவின் சடலம் மீட்கப்படும் என பொலிஸார் குறிப்பிட்டுள்ளனர்.

எரிபொருள் விலைச்சூத்திரத்திற்கு அமைய இன்று நள்ளிரவு முதல் எரிபொருள் விலைகளை உயர்த்துவதற்கு நிதியமைச்சு தீர்மானித்துள்ளது.

இதன்படி, சுப்பர் டீசலின் விலை 2 ரூபாவாலும், 92 ஒக்டேன் பெற்றோல் லீற்றர் ஒன்றின் விலை 3 ரூபாவாலும் அதிகரிக்கப்படவுள்ளது.

இதேவேளை, ஓட்டோ டீசலின் விலையில் எவ்வித மாற்றமும் இல்லை எனவும் நிதியமைச்சு அறிவித்துள்ளமை குறிப்பிடத்தக்கது.