இந்தியாவில் இரண்டரை வயது சிறுமியின் உயிரைக் காப்பாற்றுவதற்கு காங்கிரஸ் கட்சியின் பொதுச் செயலால் பிரியங்கா காந்தி தனி விமானம் அனுப்பி உதவியிருக்கும் சம்பவம் நெகிழ்ச்சியை ஏற்படுத்தியுள்ளது.

உத்திரப்பிரதேச மாநிலத்தைச் சேர்ந்த இரண்டரவை வயது சிறுமி புற்றுநோய் காரணமாக அங்கிருக்கும் பிரயாக்ராஜ் Kamla Nehru மருத்துவமனையில் சிகிச்சை பெற்று வந்தார்.

இந்நிலையில் அந்த சிறுமியின் நிலைமை இன்னும் மோசமானதால், அவரை காப்பாற்றுவது கடினம் என்று மருத்துவர்கள் கூறியுள்ளனர்.

இந்த தகவலை காங்கிரஸ் கட்சியின் தலைவர் ராஜீவ்சுக்லா, உத்திரப்பிரதேசத்தின் காங்கிரஸ் கட்சியின் பொதுச்செயலாளர் பிரியங்கா காந்தியிடம் தெரிவிக்க, அவர் உடனடியாக அந்த சிறுமியின் சிகிச்சைக்காக டெல்லியில் இருக்கும் எய்ம்ஸ் மருத்துவமனைக்கு அனுப்பிவைத்துள்ளார்.

இதற்காக அவர் தனிவிமானம் ஒன்றை அனுப்பி வைத்துள்ளார், அதிலா சிறுமி மற்றும் சிறுமியின் பெற்றோர் மற்றும் காங்கிரஸ் கட்சியைச் சேர்ந்த சிலர் சென்றுள்ளனர்.

இந்தியாவில் மனைவி செய்த துரோகத்தை கண்கூடாக பார்த்த கணவன், மனைவி உட்பட இருவரை கொலை செய்த சம்பவம் அதிர்ச்சியை ஏற்படுத்தியுள்ளது.

ஜார்கண்ட் மாநிலத்தின் ராம்பூர் கிராமத்தை சேர்ந்தவர் சாகர் சஹு (35). இவருக்கும் தேவி (30) என்ற பெண்ணுக்கும் கடந்த ஆறு ஆண்டுகளுக்கு முன்னர் திருமணம் நடந்த நிலையில் தம்பதிக்கு இரண்டு குழந்தைகள் உள்ளனர்.

இந்நிலையில் தேவிக்கு கணேஷ் (20) என்ற இளைஞருடன் சில காலமாக பழக்கம் ஏற்பட்டது. இதையறிந்த சாகர் மனைவியை கண்டித்த நிலையில் இது தொடர்பாக ஊர் பஞ்சாயத்தில் புகார் செய்தார்.

பஞ்சாயத்தில் தேவி, கணேஷுடன் இனி பழகக்கூடாது என எச்சரிக்கை விடுக்கப்பட்டது.

இதையடுத்து தேவி சில காலமாக கணேஷூடன் பழகுவதை நிறுத்தினார். இந்நிலையில் நேற்று முன்தினம் சாகர் வேலை முடிந்து வீட்டுக்கு வந்தார்.

அப்போது தேவி கணேஷூடன் இருந்ததை கண்டு ஆத்திரமடைந்த சாகர் மனைவியை கத்தியால் குத்தி கொலை செய்தார், பின்னர் மரக்கட்டையால் கணேஷை அடித்து கொன்றார்.

இதையடுத்து வீட்டின் கதவை பூட்டிய சாகர் காவல் நிலையத்துக்கு சென்று அனைத்தையும் கூறி சரணடைந்தார்.

பின்னர் சாகரை கைது செய்த பொலிசார் சம்பவ இடத்துக்கு வந்து இரு சடலங்களையும் கைப்பற்றினார்கள். அவரிடம் தீவிர விசாரணை நடைபெற்று வருகிறது.

இந்தியாவில் திருமணமான ஒருநாளில் இளம்பெண் காதலனுடன் ஓடிபோனதாக கூறப்பட்ட நிலையில் அவர் தன்னை வலுக்கட்டாயமாக கடத்தி சென்றதாக பாதிக்கப்பட்ட பெண் கூறியுள்ளார்.

ராஜஸ்தான் மாநிலத்தின் உதய்பூரை சேர்ந்தவர் வினிதா. இளம் பெண்ணான இவருக்கும் இளைஞர் ஒருவருக்கும் 4 நாட்களுக்கு முன்னர் திருமணம் நடைபெற்றது.

திருமணம் நடந்த அடுத்தநாள் புதுப்பெண் வினிதா தனது கணவருடன் காரில் சென்று கொண்டிருந்தார். அப்போது எதிரில் வந்த இன்னொரு கார் புதுமண தம்பதியின் கார் மீது மோதியது.

பின்னர் காரில் இருந்து இறங்கிய சில நபர்கள், தம்பதி இருந்த காரின் கதவை திறந்து புதுமாப்பிள்ளையை கீழே தள்ளி அடித்து உதைத்தனர். இதையடுத்து வினிதாவை தங்கள் காரில் ஏற்றி கொண்டு அங்கிருந்து வேகமாக சென்றுவிட்டனர்.

அடிப்பட்ட புதுமாப்பிள்ளை இது குறித்து பொலிசில் புகார் அளித்த நிலையில் பின்னர் மருத்துவமனையில் சேர்க்கப்பட்டார். விசாரணையில் வினிதாவை அழைத்து கொண்டு போனது பிரயக் ஜின்கர் என்ற இளைஞர் மற்றும் அவர் நண்பர்கள் என தெரிந்தது.

ஜின்கர் காரில் அழைத்து சென்ற வினிதாவுடன் அவருக்கு முன்னார் காதல் இருந்தது தெரியவந்தது.

இதையடுத்து வினிதா காதலனுடன் ஓடிபோய்விட்டதாக கூறப்பட்டட நிலையில் நேற்று ஜெய்ப்பூரில் இருந்த வினிதா, ஜின்கர் மற்றும் அவரின் 4 நண்பர்களை பொலிசார் பிடித்தனர்.

இதையடுத்து வினிதாவிடம் பொலிசார் விசாரணை நடத்திய போது, ஜின்கரை நான் காதலித்தது உண்மை தான், ஆனால் எனக்கு அவரை திருமணம் செய்ய விருப்பம் இல்லாமல் இருந்தது.

ஆனால் என்னை கொலை செய்துவிடுவதாக தொடர்ந்து அவர் மிரட்டி வந்தார்.

இந்நிலையில் தான் என்னை வலுக்கட்டாயமாக அவர் கடத்தி சென்றுவிட்டார் என கூறினார்.

இதோடு தன்னால் தான் தனது கணவருக்கு அடிப்பட்டது என கூறிய வினிதா அவருக்கு ஆறுதல் கூறியதோடு கணவருடன் சேர்ந்து வாழ விரும்புவதாக கூறினார்.

இதன்பின்னர் சில மணி நேரம் கழித்து வினிதா நீதிமன்றத்தில் ஆஜர்படுத்தப்பட்ட நிலையில் நீதிபதி முன்னால் வேறு மாதிரி வாக்குமூலம் அளித்தார்.

அதாவது, தனது கணவருடன் சேர்ந்து வாழ விரும்பவில்லை எனவும், பெற்றோர் வீட்டுகே செல்ல விரும்புவதாகவும் கூறினார், வினிதாவின் இந்த வார்த்தையை கேட்டு அவர் கணவர் அதிர்ச்சியடைந்தார்.

இந்நிலையில் வினிதாவை தொண்டு நிறுவனத்தில் தற்காலிகமாக தங்க வைக்க நீதிமன்றம் உத்தரவிட்டுள்ளது. அவரை கடத்திய ஜின்கர் மற்றும் 4 பேர் நீதிமன்ற காவலில் வைக்கப்பட்டுள்ளனர்.

கிருஷ்ணகிரி மாவட்டத்தில் கடன் தொல்லையால் குழந்தையை தவிக்கவிட்டு தம்பதியினர் தற்கொலை செய்துகொண்டுள்ள சம்பவம் சோகத்தை ஏற்படுத்தியுள்ளது.

மண்டியா மாவட்டத்தை சேர்ந்த நாகராஜூ (28) என்பவர் கடந்த 3 ஆண்டுகளுக்கு முன்பு மஞ்சுளா (24) என்பவரை திருமணம் செய்தார். இந்த தம்பதியினருக்கு ஒரு ஆன் குழந்தை உள்ளது.

இந்த நிலையில் நேற்று காலை இவர்களுடைய வீடு நீண்ட நேரமாக திறக்கப்படாமல் இருந்துள்ளது. இதனால் சந்தேகமடைந்த அக்கம்பக்கத்தினர், ஜன்னல் வழியே எட்டி பார்த்தபோது தம்பதியினர் இருவரும் தூக்கில் தொங்கியபடி கிடந்துள்ளனர்.

இதனை பார்த்து அதிர்ச்சியடைந்த அவர்கள், உடனடியாக பொலிஸாருக்கு தகவல் கொடுத்துள்ளனர். அதன்பேரில் சம்பவ இடத்திற்கு விரைந்து வந்த பொலிஸார் இருவரின் உடல்களையும் கைப்பற்றி பிரேத பரிசோதனைக்கு அனுப்பி வைத்தனர்.

பின்னர் இதுகுறித்து வழக்கு பதிவு மேற்கொள்ளப்பட்ட விசாரணையில், அந்தப்பகுதியை சேர்ந்த ஒருவரிடம் ரூ.1.50 லட்சம் கடன் வாங்கியதும், அதனை திருப்பி கொடுக்க முடியாமல் தற்கொலை செய்திருப்பதும் தெரியவந்துள்ளது.