இலங்கைக்கு தேனிலவு சென்ற போது மனைவியை பறிகொடுத்த கணவன் அவரை மறக்க முடியாமல் இரவில் நடசத்திரங்களைப் பார்த்து பேசிக் கொள்வதாக வேதனையுடன் கூறியுள்ளார்.

லண்டன் நகரைச் சேர்ந்தவர் கிளன் சந்தாரியா. 33 வயதாகும் இவர் வடக்கு லண்டனில் உள்ள பின்ச்லே பகுதியில் வசித்து வருகிறார்.

இவருக்கும் இதே பகுதியில் வசிக்கும் இந்திய வம்சாவளி பெண்ணான உஷிலா படேல் என்பவரும் மூன்று வருடங்களாக காதலித்து வந்த நிலையில் கடந்த மாதம் 19ஆம் திகதி இருவருக்கும் திருமணம் நடைபெற்றது.

திருமணத்தை கொண்டாடும் வகையில் இரண்டு நாள் தேனிலவு பயணமாக இலங்கைக்கு வந்துள்ளனர். அவர்கள் அங்கிருக்கும் ஐந்து நட்சத்திர ஹோட்டல் ஒன்றில் தங்கியுள்ளனர். கடந்த 25ம் திகதி உணவருந்திய தம்பதியினர் இருவரும் அங்கேயே மயங்கி விழுந்தனர். இதில் உஷிலா படேல் பரிதாபமாக சிகிச்சை பலனின்றி பரிதாபமாக மரணமடைந்தார்.

இந்நிலையில் அன்று நடந்த சம்பவத்தைப் பற்றி சந்தாரியா கூறுகையில், முதல் நாள் இரவில் தான் உணவு சாப்பிட்டோம். மறுநாள் காலையில் அவள் வாந்தி எடுக்க ஆரம்பித்துவிட்டாள்.

மூன்று பேர் எங்களை மருத்துவமனையில் சேர்த்தனர். ஆனால் இப்போது அவள் என்னுடன் இல்லை என்றாலும் இரவில் நட்சத்திரங்களைப் பார்க்கும் போதெல்லாம் உஷிலா உடன் பேசிக்கொண்டு தான் இருக்கிறேன்.

அவள் வாழ்நாள் முழுவதும் என்னுடன் இருப்பாள். இங்கு இருக்கும் அதிகாரிகள் என்னை ஒரு குற்றவாளியாக நடத்துவதில்லை. என்றாலும் என்னைப் பாதிக்கப்பட்டவனைப்போலும் நடத்துவதில்லை.

இந்த உலகம் முழுவதும் எனக்கு எதிராக இருப்பது போல் உணர்கிறேன். இருந்தாலும் அவளை விட்டு வரப்போவதில்லை என்று சோகமுடன் கூறியுள்ளார்.

மேலும் இந்த விவகாரத்தில் சந்தாரியாவுக்கு ஆதரவாக இருக்கப்போவதாக இங்கிலாந்து அரசு தெரிவித்திருந்தது குறிப்பிடத்தக்கது.

உஷிலாவின் பிரேத பரிசோதனை அறிக்கையில், உடல் வறட்சி மற்றும் வாந்தியின் காரணமாக அவர் உயிரிழந்துள்ளார் எனக் குறிப்பிடப்பட்டுள்ளது.

மனைவியின் மரணத்துக்கு ஹோட்டலில் கொடுத்த உணவே காரணம் என சந்தாரியா குற்றம் சாட்டிய நிலையில், ஹோட்டல் நிர்வாகமோ சாண்ட்விட்ச், சிப்ஸ் இவர்கள் சாப்பிட்டனர்.

கூடவே வோட்கா மற்றும் கூல்ட்ரிங்ஸ் மட்டுமே குடித்தனர். அப்படி இருக்கையில் எங்கள் உணவு தரமானதாக இல்லை எனக் கூறுவதே ஏற்க முடியாது என ஹோட்டல் நிர்வாகம் தரப்பில் தெரிவிக்கப்பட்டுள்ளது.

நாடு முழுவதிற்கும் அமுலாகும் வகையில் பொலிஸ் ஊரடங்குச் சட்டம் அமுல்படுத்தப்பட்டுள்ளது.

இன்று இரவு 9.00 மணி முதல் நாளை அதிகாலை 4.00 மணி வரையில் பொலிஸ் ஊரடங்குச் சட்டம் அமுல்படுத்தப்பட்டுள்ளது.

இதேவேளை, வடமேல் மாகாணத்தில் மறு அறிவித்தல் வரையில் பொலிஸ் ஊரடங்குச் சட்டம் அமுல்படுத்தப்பட்டுள்ளதாக பொலிஸ் ஊடகப் பேச்சாளர் ருவான் குணசேகர அறிவித்துள்ளார்.

பொலன்னறுவை – லக்ஷயஉயன பிரதேசத்தில் அமைந்துள்ள வயல் பகுதியொன்றில் இருந்து நேற்று மாலை எரிந்த நிலையிலான உடற்பாகங்கள் மீட்கப்பட்டுள்ளன.

குறித்த உடற்பாகங்கள் கடந்த ஒரு வாரத்திற்கு முன்னர் புலஸ்திபுர பகுதியில் காணாமல் போயிருந்த யுவதியுடையது என கூறப்படுகின்றது. சம்பவம் தொடர்பில் தெரியவருவதாவது,

புலஸ்திபுர பீ.ஓ.பீ பகுதியை சேர்ந்த 23 வயதான குறித்த யுவதி கடந்த ஏப்ரல் மாதம் 10ஆம் திகதி முதல் காணாமல் போயுள்ளதாக அவரது தந்தை புலஸ்திபுர பொலிஸில் முறைப்பாடு செய்திருந்தார்.

இதற்கமைய விசாரணைகளை மேற்கொண்ட பொலிஸாரால் பொலன்னறுவை, சேவாகம பகுதியை சேர்ந்த அவரது காதலன் என கூறப்படும் நபரொருவர் கைது செய்யப்பட்டுள்ளார்.

குறித்த சந்தேகநபர் யுவதி பணிபுரிந்த பொலன்னறுவை பகுதியிலுள்ள ஆடை தொழிற்சாலையொன்றில் பணிபுரிந்து வந்தவர் எனவும், அவர் முன்னதாகவே திருமணமானவர் எனவும் தெரிவிக்கப்பட்டுள்ளதோடு, கைது செய்யப்பட்டு அவரிடம் மேற்கொண்ட விசாரணையின் போது குறித்த யுவதியின் சடலம் கண்டுபிடிக்கப்பட்டுள்ளது.

கடந்த மூன்று மாதங்களுக்கு முன்னர் இவருக்கும் இடையே காதல் உறவு ஆரம்பித்துள்ளதோடு குறித்த பெண் காணாமல் போவதற்கு ஒருசில வாரங்களுக்கு முன்னரே தனது காதலன் திருமணமானவர் என அறிந்துக் கொண்டுள்ளதாக மேற்படி விசாரணைகளிலிருந்து தெரிய வருகின்றது.

இந்த சம்பவம் தொடர்பில் இருவருக்கும் இடையில் பல முறை முறுகல் நிலை ஏற்பட்டுள்ளதோடு இம்முறுகல் நிலை அதிகரித்ததால் தான் இந்த கொலையை மேற்கொண்டதாக கைது செய்யப்பட்டுள்ள காதலன் பொலிஸாரிடம் வாக்குமூலம் வழங்கியுள்ளார்.

வடமேல் மாகாணத்திற்கு பொலிஸ் ஊரடங்குச் சட்டம் பிறப்பிக்கப்பட்டுள்ளது. மறு அறிவித்தல் அறிவிக்கப்படும் வரையில் இச்சட்டம் அமுலில் இருக்கும் என்றும் பொலிஸ் ஊடகப் பிரிவு தெரிவித்துள்ளது.

உடன் அமுலுக்கு வரும் வகையில் குறித்த பொலிஸ் ஊரடங்குச் சட்டம் பிறப்பிக்கப்பட்டுள்ளதாக பொலிஸ் ஊடகப்பிரிவு குறிப்பிட்டுள்ளது.

அப் பகுதியில் ஏற்பட்ட அசாதாரண சூழ்நிலையினை கருத்திற்கொண்டே இந்த ஊரடங்குச் சட்டம் அமுல்படுத்தப்பட்டுள்ளது.

குருணாகல் மாவட்டத்தின், ரஸ்நாயக்கபுர மற்றும் கொபெய்கனே ஆகிய பகுதிகளிலும் பொலிஸ் ஊரடங்குச் சட்டம் பிறப்பிக்கப்பட்டுள்ளது.

மேலும், குருணாகல் பிரதேசத்தில் இரு குழுக்களுக்கிடையில் ஏற்பட்ட மோதல் காரணமாக ஹெட்டிபொல பகுதியில் ஊரடங்குச் சட்டம் பிறப்பிக்கப்பட்டுள்ளது.

குருணாகல், ஹெட்டிபொல நகரில் ஏற்பட்ட பதற்ற நிலையை தொடர்ந்து அப்பகுதியல் பொலிஸ் ஊரடங்குச் சட்டம் பிறப்பிக்கப்பட்டுள்ளது.

இன்று பிற்பகல் வேளையில் அங்கு சில குழுக்களினால் கடைகள், பொது சொத்துக்கள் சேதமாக்கப்பட்டதை அடுத்து அப்பகுதியில் பதற்றமான சூழல் நிலவியுள்ளது.

குறித்த பகுதியில் பிற்பகல் 2 மணி முதல் உடன் அமுலுக்கு வரும் வகையில் ஊரடங்கு அமுல்படுத்தப்பட்டுள்ளதுடன் நாளை காலை 4 மணிக்கு ஊரடங்குச் சட்டம் தளர்த்தப்படும் என அறிவிக்கப்பட்டுள்ளது. அப் பகுதிகளில் உள்ள கடைகளில் தாக்குதல் நடத்தப்பட்டுள்ளதாக தகவல்கள் வெளியாகியுள்ளன.

இந்நிலையில், சம்பவ இடத்தில் படையினர், பொலிஸார் குவிக்கப்பட்டுள்ளதாகவும் பொலிஸார் கண்ணீர்ப்புகை தாக்குதலை மேற்கொண்டதாகவும் தெரிவிக்கப்படுகின்றது.

நுவரெலியா – பூண்டுலோயாவில் இடம்பெற்ற வாகன விபத்தில் ஒருவர் உயிரிழந்துள்ளதுடன், இருவர் பலத்த காயங்களுக்கு உள்ளாகியுள்ளனர்.

பூண்டுலோயா வீதியில் நேற்று மாலை இரு முச்சக்கர வண்டிகள் மோதி, குடைசாய்ந்து விபத்துக்குள்ளாகியுள்ளது.

முச்சக்கரவண்டியில் பயணித்த சாரதி, அக்கா மற்றும் தங்கை ஆகியோரில் தங்கை ஸ்தலத்திலேயே உயிரிழந்துள்ளதோடு, சாரதி மற்றும் அக்கா ஆபத்தான நிலையில் கொத்மலை வைத்தியசாலையில் அனுமதிக்கப்பட்டுள்ளனர்.

பூண்டுலோயா, டன்சினன் தோட்டம் அக்கரமலை பிரிவைச் சேர்ந்த சந்திரமோகன் சாலினி எனும் 16 வயதுடைய யுவதியே இவ்வாறு விபத்தில் உயிரிழந்துள்ளார்.

வைத்தியசாலையில் அனுமதிக்கப்பட்ட இருவரின் நிலையும் கவலைக்கிடமாக இருப்பதாகவும், அவர்களை கம்பளை மாவட்ட வைத்தியசாலைக்கு மாற்றப்பட்டுள்ளதாக வைத்தியசாலை வட்டாரங்கள் தெரிவித்துள்ளன.

குறித்த யுவதியின் சடலம் கொத்மலை வைத்தியசாலையின் பிரேத அறையில் வைக்கப்பட்டுள்ளதுடன், பிரேத பரிசோதனைகளின் பின் சடலம் உறவினர்களிடம் ஒப்படைக்கப்படும் என தெரிவிக்கப்படுகின்றது.

முச்சக்கரவண்டியின் சாரதி மதுபோதையில் இருந்ததாகவும், சாரதியை பொலிஸார் கைது செய்வதாக தெரிவித்ததாகவும் தெரிய வந்துள்ளது. இச்சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.