இந்தியப் பெண் உயிரிழப்பு

இடுப்பு மாற்று அறுவை சிகிச்சைக்காக துபாய் சென்ற இந்திய பெண் உயிரிழந்துவிட்டதாக செய்திகள் வெளியாகியுள்ளன. இரண்டு குழந்தைகளுக்கு தாயான ரீட்டா பெர்னாண்டஸ் (42) மும்பையை சேர்ந்தவர்.

இவர் கடந்த மே 9ம் திகதியன்று இடுப்பு மாற்று அறுவை சிகிச்சைக்காக துபாயில் உள்ள அல் சகாரா மருத்துவமனையில் அனுமதிக்கப்பட்டுள்ளார். 2 மணி நேரம் அறுவை சிகிச்சை மேற்கொள்ளப்பட்ட நிலையில் அவர் தற்போது உயிரிழந்துவிட்டதாக செய்திகள் தெரிவிக்கின்றன.

சிகிச்சை நடந்த விதம் மற்றும் அனைத்தையும் வெளிப்படையாகவே ரீட்டா பெர்னாண்டஸ் குடும்பத்தாரிடம் தெரிவித்திருந்தோம் என மருத்துவமனையில் தலைமை நிர்வாக அதிகாரி மொஹமீம் அப்தல்ஹானி கூறியுள்ளார்.

ரீட்டா பெர்னாண்டஸ் பிறந்த பொழுதே அவருடைய இடுப்பு எலும்பு இடம் மாறி இருந்ததால், குடும்பத்தாரின் அனுமதியுடன் அறுவை சிகிச்சை மேற்கொள்ளப்பட்டதாக அறிக்கை தெரிவிக்கிறது.

இந்த சம்பவம் தற்போது துபாய் சுகாதார ஆணையம் மற்றும் இண்டர்நேஷன்ல் கூட்டு ஆணையத்தின் வழிகாட்டுதல்களின் படி, பல தரப்பட்ட மதிப்பாய்வு விசாரணைகளை செய்ய தூண்டியுள்ளது. ரீட்டா பெர்னாண்டஸின் கணவர் தொடுத்த வழக்கின் பேரில் விசாரணை நடைபெற்று வருகிறது.

சபதம் எடுத்த தந்தை

தமிழகத்தில் மகளின் தற்கொலைக்கு காரணமான நபரை தந்தை திட்டமிட்டு கொலை செய்துள்ள சம்பவம் அதிர்ச்சியை ஏற்படுத்தியுள்ளது. அரியலூர் மாவட்டம் செந்துறை அருகே உள்ள இலைக்கடம்பூர் கீழத்தெருவைச் சேர்ந்தவர் குமரவேல். அரசு பேருந்து நடத்துனராக இருக்கும் இவருக்கு சுமதி என்ற மனைவி இருந்தார், அவர் இறந்துவிட்டார்.

இந்நிலையில் இவருக்கும், எழுமலை என்பவரின் மகளான ஆனந்த வள்ளி என்பவருக்கும் பழக்கம் ஏற்பட்டுள்ளது. கடந்த 9 மாதங்களுக்கு முன்பு, இருவருக்கும் ஏற்பட்ட பிரச்சனை காரணமாக, ஆனந்த வள்ளி தற்கொலை செய்து கொண்டுள்ளார்.

இதனால் தன் தற்கொலைக்கு காரணமான குமரவேலை நிச்சயமாக கொலை செய்வேன் என்று ஆனந்த வள்ளியின் இறுதிச் சடங்கின் போது தந்தை எழுமலை சபதம் போட்டுள்ளார். அதன் படி அவருடன் தொடர்ந்து பழகி வந்த அவர், நேற்று விருத்தாசலத்தில் குமரவேலுவுடன் சேர்ந்து மது அருந்தியுள்ளார்.

அப்போது மது போதையில் இருந்த எழுமலையை, தன்னுடைய வீட்டிற்கு அழைத்து சென்று, வீட்டில் இருந்த மருமகன் சண்முகம், மனைவி வசந்தி ஆகியோரின் உதவியால் குமரவேலின் கழுத்தைக் கத்தியால் அறுத்து கொலை செய்துள்ளார்.

அதன் பின் அவரின் உடலை அருகிலிருக்கும் சிமென்ட் ஆலைக்குச் சொந்தமான சுரங்கத்தில் போட்டுவிட்டால் யாருக்கும் தெரியாது என எண்ணிய குமரவேல், ஒரு ஆட்டோவில் உடலை ஏற்றிச்சென்றுள்ளார். நள்ளிரவு நேரம் என்பதால், தனது திட்டத்தை வெற்றிகரமாக முடித்த அவர், ஆட்டோவில் ஊருக்குத் திரும்பிக்கொண்டிருந்தார்.

அப்போது வாகனச்சோதனயில் ஈடுபட்டிருந்த பொலிசார் ஆட்டோவில் இருக்கும் இரத்தக்கறையை கண்டு விசாரித்த போது, உண்மையை ஒப்புக் கொண்டுள்ளார். இதையடுத்து கைது செய்த பொலிசார் அவரிடம் தொடர்ந்து விசாரணை மேற்கொண்டு வருகின்றனர். முழு விசாரணைக்கு பின்னரே முழு தகவல்களை கூறுகிறோம் என்று பொலிசார் தெரிவித்துள்ளனர்.

மணப்பெண் இல்லாமல் திருமணம்

இந்தியாவில் மகனின் திருமண ஆசையை நிறைவேற்றிய தந்தையின் செயல் சமூகவலைத்தளங்களில் பலரது பாராட்டுக்களை பெற்று வருகிறது. குஜராத் மாநிலம் சபர்காந்தா மாவட்டத்தைச் சேர்ந்தவர் அஜய் பரோட். 27 வயதாகும் இவர் மனவளர்ச்சி குன்றியவர் என்று கூறப்படுகிறது.

இந்நிலையில் தனது சகோதரனின் திருமணத்தைக் கண்ட அஜய்பரோட், இது போன்ற திருமண விழா தனக்கு நடக்க வேண்டும் என்று ஆசையாக இருப்பதாக தந்தையிடம் கூறியுள்ளார். அதன் படி அவரின் ஆசையை நிறைவேற்றும் விதமாக அஜய்க்கு திருமண ஏற்பாடுகளை தந்தை செய்துள்ளார்.

இதனால் ஒரு திருமணம் என்றால் என்னென்ன நடக்குமோ மெகந்தி நிகழ்ச்சி, ஆட்டம் பாட்டம் என திருமண விழா நடைபெற்றுள்ளது. திருமண விழாவில் சுமார் 200-க்கும் மேற்பட்ட உறவினர்கள் மற்றும் நண்பர்கள் கலந்து கொண்டனர். இந்த திருமணம் குறித்து அஜயின் தந்தை ஏஎன்ஐ செய்தி நிறுவனத்திற்கு அளித்துள்ள பேட்டியில்,

மற்றவர்களின் திருமணத்தில் கலந்துகொண்டு மகிழ்ச்சியடையும் அஜய், அவனது திருமணம் குறித்து என்னிடம் கேட்டான். என்னால் எந்த பதிலும் சொல்லமுடியவில்லை. அவனுக்கு ஏற்ற ஜோடியை கண்டுப்பிடிப்பது கடினமானதாக இருந்ததால், எங்கள் குடும்ப உறுப்பினர்கள் அனைவரும் சேர்ந்து முடிவெடுத்து அஜய்க்கு திருமணம் செய்யலாம் என்று முடிவெடுத்தோம்.

அதன் படி அவனது ஆசை நிறைவேற திருமணம் செய்து வைத்தோம். இந்த சமூகம் என்ன சொல்லும் என்பதை பற்றி எனக்கு கவலை இல்லை. ஆனால் என் மகனின் கனவை நிறைவேற்றி இருக்கிறேன் என்று நெகிழ்ச்சியாக கூறியுள்ளார்.

இலட்சத்தில் திருமண ஆடை

குஜராத்தை சேர்ந்த இளம்பெண் ஒருவர் அனைவரின் கவனத்தை பெரும் விதமாக, பாலிவுட் நடிகைகளை போல தன்னுடைய திருமண ஆடைகளையும் வடிவமைத்துள்ளார்.

பெண்கள் எப்பொழுதும் தங்களுடைய திருமண நிகழ்வில், ஆடையிலிருந்து தாங்கள் அணியும் நகைகள் வரை ஒவ்வொன்றும் அனைவரின் கவனத்தையும் பெறவேண்டும் என ஆசைப்படுவார்கள்.

அந்த வரிசையில் குஜராத்தை சேர்ந்த அனுஷா பாட் என்கிற இளம்பெண், பாலிவுட் நடிகைகளான தீபிகா படுகோன், சோனம் கபூரின் திருமண ஆடைகளைப் போன்று தன்னுடைய திருமண ஆடைகளை வடிவமைத்து, அதனை தன்னுடைய இன்ஸ்டாகிராம் பக்கத்தில் வெளியிட்டுள்ளார். அவை தற்போது இணையத்தில் வைரலாக பரவி வருகின்றன.

சோனம் கபூர் தன்னுடைய மெகந்தி நிகழ்விற்கு அணிந்திருந்ததை போன்ற ஆடையினை தன்னுடைய மெகந்தி நிகழ்விலும், திருமணத்தன்று தீபிகா படுகோன் அணிந்திருந்ததை போன்ற ஆடையினை தன்னுடைய திருமணத்தன்றும் அனுஷா அணிந்திருந்துள்ளார்.

காதலனை கடத்திய காதலி

சென்னையில் உள்ள தனியார் கல்லூரியில் படித்து வந்த கல்லூரி மாணவனை அவரது அமெரிக்க காதலி அடியாட்கள் மூலம் கடத்தி தாக்குதல் நடத்தியுள்ளார். நவீத் அகமது என்பவர் நுங்கம்பாக்கத்தில் உள்ள கல்லூரியில் பி.காம் இறுதி ஆண்டு படித்து வந்துள்ளார். இவரும் அமெரிக்காவில் வசித்து வந்து தொழிலதிபரின் மகளும் கடந்த இரண்டு ஆண்டுகளாக காதலித்து வந்துள்ளனர்.

இந்நிலையில் கடந்த ஒரு வாரத்திற்கு முன்னர் அமெரிக்காவில் இருந்து வந்த காதலி, தனது காதலனுடன் திரையரங்கு மற்றும் பூங்காங்களுக்கு சென்றுள்ளார். அதன்போது இவர்கள் இருவரும் நெருக்கமாக புகைப்படம் எடுத்துக்கொண்டனர்.

நெருக்கமான புகைப்படத்தை அழிக்கும்படி காதலி கேட்டுக்கொண்டார். ஆனால் நவீத் அகமது மறுத்துவிட்டார். இதனால் இருவருக்கும் இடையே தகராறு ஏற்பட்டது. அப்போது காதலியை, நவீத் அகமது ஹெல்மெட்டால் தாக்கியுள்ளார்.

இதனால் கோபம் அடைந்த காதலி, தனது நண்பர்கள் பாஸ்கர் (26), சரவணன் (23), பாட்ஷா (22) ஆகியோரிடம், காதலன் நவீத்தை கடத்தி, அவரிடம் உள்ள புகைப்படங்களை அழித்துவிட்டு தாக்குதல் நடத்துமாறு கூறியுள்ளார்.

அதன்படி, கடந்த 9-ந் தேதி இரவு நவீத் அகமதுவை 3 பேர் கொண்ட கும்பல் கத்தியை காட்டி மிரட்டி, மோட்டார் சைக்கிளில் கடத்தி சென்றனர். ஜாபர்கான்பேட்டையில் உள்ள இருட்டு பகுதியில் நவீத் அகமதுவை இறக்கிவிட்டு அவரிடம் இருந்த பொருட்களை பறித்துவிட்டு அவரை அடித்து உதைத்துவிட்டு தப்பித்து சென்றுள்ளனர்.

இதில் மயங்கிய நவீத், சிறிது நேரம் கழித்து தானாக அங்கிருந்து வீட்டுக்கு சென்று தனது தந்தையின் உதவியுடன் பொலிசில் புகார் அளித்துள்ளார். விசாரணையில், பாஸ்கர் மற்றும் சரவணனை கைது செய்தனர். பாட்ஷா தலைமறைவாகி விட்டார். அவரை பொலிசார் தேடி வருகிறார்கள். நெருக்கமான புகைப்படத்தை வைத்து காதலன் மிரட்டியதாகவும், அதனால் ஆள் வைத்து கடத்தியதாகவும் அமெரிக்க காதலி பொலிசில் தெரிவித்துள்ளார்.

கல்லால் அடித்து கொலை

தமிழகத்தில் திருமணம் முடிந்து 5 மாதங்களே ஆன நிலையில், மனைவி கணவரை கல்லாலேயே அடித்து கொலை செய்த சம்பவம் அதிர்ச்சியை ஏற்படுத்தியுள்ளது. நாகை மாவட்டம் தலைசங்ககோட்டையை சேர்ந்தவர் சதீஷ் குமார். இவர் அப்பராசபுதூரை சேர்ந்த கலைமதி என்பவரை காதலித்து வந்து அவரை திருமணம் செய்ய முடிவு செய்தார்.

அதன் படி இருவருக்கும் கடந்த ஐந்து மாதங்களுக்கு முன்பு திருமணம் நடைபெற்றது. காதலித்து திருமணம் செய்த போதிலும், இருவருக்கும் இடையே திருமணம் ஆன சில வாரங்களிலே கருத்து வேறுபாடு ஏற்பட்டு, அடிக்கடி தகராறு ஏற்பட்டுள்ளது.

பின்னர் சில நாட்களாக இருவரும் பிரிந்து வாழ்ந்து வந்துள்ளனர். இந்நிலையில் கடந்த ஞாயிற்றுக்கிழமை அன்று இருவருக்கும் இடையே மீண்டும் கருத்து வேறுபாடு காரணமாக தகராறு ஏற்பட்டு உள்ளது. இதனால் மிகுந்த கோபத்துக்கு ஆளான கலைமதி அவருடைய கணவர் சதீஷ்குமாரை அருகில் இருந்த கல்லை எடுத்து தாக்கியுள்ளார்.

பின்னர் கலைமதி உடன் வந்த அவருடைய பெற்றோரான நாகராஜன், மருமகனை கத்தியால் குத்தி உள்ளார். இதில் சதீஷ்குமார் நிலைகுலைந்து சம்பவ இடத்திலேயே மயங்கி விழுந்து பரிதாபமாக உயிரிழந்தார். இதுகுறித்து அக்கம்பக்கத்தினர் காவல் நிலையத்திற்கு புகார் அளிக்க, விரைந்து வந்த பொலிசார் இருவர் மீதும் வழக்கு பதிவு செய்து தீவிர விசாரணை மேற்கொண்டு வருகின்றனர்.

ஆடு மாடு மேய்க்கும் வெளிநாட்டுப் பெண்

காதலுக்கு கண்கள் இல்லை,காதலுக்கு எல்லையும் இல்லை என நிரூபித்துள்ளார் வெளிநாட்டு பெண்மணி ஆண்ரியன் பெரல். கலிபோர்னியாவில் கைநிறைய சம்பளம், சொகுசு வாழ்க்கை என இருந்த 41 வயதான ஆண்ரியன், 2013 ஆம் ஆண்டு பேஸ்புக் மூலம் தன்னை விட வயதில் இளையவரான 25 வயது முகேஷ் குமார் என்பவடன் பழக்கம் ஏற்பட்டுள்ளது.

நாளடைவில் இந்த பழக்கம் காதலாக மாறியது. வேலை முடித்ததும் கிளப்புக்கு செல்வது, விடுமுறை நாட்களில் நண்பர்களுடன் சேர்ந்து ஜாலி வாழ்க்கை என இருந்த ஆண்ரியன், ஹரியானா மாநிலத்தில் மாடுகளை மேய்த்து வருகிறார்.

எல்லாம் காதல் செய்த வேலை. எல்லை தாண்டி இதயத்தை கிழத்த இந்த காதல், தற்போது சந்தோஷமாக பயணித்துக்கொண்டிருக்கிறது. என்னதான் வயதில் சிறியவராக இருந்தாலும், முகேஷின் பெற்றோர் இந்த திருமணத்திற்கு சம்மதம் தெரிவித்தனர்.

திருமணத்திற்கு பிறகு, ஹரியானா மாநிலத்தில் உள்ள ஒரு குக்கிராமத்தில் தனது கணவர் மற்றும் அவரது குடும்பத்துடன் வசித்து வருகிறார். முகேஷ் குடும்பம் விவசாயம் மற்றும் ஆடு மாடுகளை மேய்க்கும் குடும்பம். என்னதான் வெளிநாட்டில் சொகுசு வாழ்க்கை வாழ்ந்தாலும், இந்தியாவில் உள்ள ஒரு கிராமத்தில் வசிப்பது எனக்கு மிகவும் பிடித்துவிட்டது.

இங்குள்ள கலாசாரத்திற்குள் நான் மூழ்கிவிட்டேன். இந்திய மருமகளாக வாழ்வதில் எனக்கு பெருமையாக இருக்கிறது என கூறியுள்ளார்.