காதலனின் கண்ணீர் பதிவு

இந்தியாவின் கேரள மாநிலத்தை நடுக்கிய ஆணவக்கொலையின் முதலாம் ஆண்டில் தமது காதலை மார்போடு அணைத்த இளைஞர். திருமணத்தன்று சொந்தம் தந்தையால் கொல்லப்பட்ட தமது காதலி தொடர்பில் ஓராண்டு நிறைவில் இளைஞர் எழுதிய பேஸ்புக் பதிவு பலரது கவனத்தையும் ஈர்த்து வருகிறது.

இரு குடும்பத்தாரின் ஒப்புதலுடன் திருமணம் செய்து கொள்ள ஆச்சைப்பட்ட இளம்பெண், சொந்த தந்தையால் படுகொலை செய்யப்பட்ட தகவல் அறிந்து உடைந்து நொறுங்கிய பிரிஜேஷ் என்ற இளைஞரின் புகைப்படம் பொதுமக்களின் நெஞ்சை உலுக்கியது.

திருமணத்திற்கு சில மணி நேரமே மீதம் இருந்த இருந்த நிலையில், ஆதிரா சொந்தம் தந்தையால் கத்தியால் குத்தப்பட்டு மரணமடைந்தார். தமது சாதியை விடுத்து வேறு சாதி இளைஞருடன் காதல் திருமணம் செய்துகொள்ள முயன்றதே இறுதியில் கொலையில் முடிந்துள்ளது.

அதிக மதுபோதையில் இருந்ததாலையே மகளை கொலை செய்ததாக, பொலிசாரிடம் ஆதிராவின் தந்தை ராஜன் தெரிவித்துள்ளார். ஆதிரா, வேறு சாதி இளைஞரை காதலிப்பதை தந்தையான ராஜன் கடுமையாக எதிர்த்து வந்துள்ளார்.

இந்த விவகாரம் பொலிசார் தலையிட்டு முடிவுக்கு கொண்டுவந்தனர். மட்டுமின்றி இரு குடும்பத்தாருக்கும் பொதுவாக கோவிலில் வைத்து திருமணம் நடத்தவும் முடிவானது.

ஆனால் திருமணத்தன்று மதுபோதையில் வீட்டிற்கு வந்த ராஜன், தமது மனைவி மற்றும் மகளிடம் திருமணம் தொடர்பில் வாக்குவாதத்தில் ஈடுபட்டுள்ளார். இதில் தந்தையிடம் இருந்து தப்பித்து அருகாமையில் உள்ள குடியிருப்பு ஒன்றில் மறைந்திருந்த ஆதிராவை தேடிச் சென்று ராஜன் கொலை செய்துள்ளது விசாரணையில் தெரியவந்தது.

வெட்டிக்கொலை

திருச்சியில் கர்ப்பிணி மனைவியை சேர்த்து வைக்குமாறு கோரிக்கை விடுத்த முன்னாள் கணவன், பட்டப்பகலில் ஓட ஓட வெட்டிபடுகொலை செய்யப்பட்டுள்ள சம்பவம் பரபரப்பை ஏற்படுத்தியுள்ளது.

மதுரை சேர்ந்த சதீஷ்குமார் (24) கடந்த 2017ம் ஆண்டு அனிதா என்கிற பெண்ணை காதலித்து திருமணம் செய்துகொண்டார். அப்போது கணவன் – மனைவிக்கு இடையில் தொடர்ந்து கருத்து வேறுபாடு ஏற்பட்டு வந்ததால், அனிதா தன்னுடைய பெற்றோரின் வீட்டிற்கு திரும்பி விட்டார்.

கடந்த சில மாதங்களுக்கு முன்பு அனிதாவிற்கு அவருடைய பெற்றோர் வேறு ஒரு நபருடன் திருமணம் செய்து வைத்தனர். அனிதா தற்போது 4 மாத கர்ப்பிணியாக இருக்கிறார். இதற்கிடையில் அனிதாவிற்கும், சதீஷிற்கும் இடையில் மீண்டும் பழக்கம் ஏற்பட்டுள்ளது. செல்போனில் பேச ஆரம்பித்த இருவரும் மீண்டும் சேர்ந்து வாழ ஆசைப்பட்டுள்ளனர்.

நேற்றைக்கு முன்தினம் கோவில்பட்டிக்கு சென்ற சதீஷ், அனிதாவை தன்னுடன் மதுரைக்கு அழைத்து வந்துவிட்டார். இந்த சம்பவம் அறிந்த அனிதாவின் பெற்றோர் மதுரைக்கு விரைந்து, மகளை தங்களுடன் அனுப்பி வைக்குமாறு கூறியுள்ளனர்.

ஆனால் சதீஷ் குடும்பத்தினர் இதற்கு மறுப்பு தெரிவித்துள்ளனர். இதனால் இரண்டு குடும்பத்திற்கும் இடையில் வாக்குவாதம் ஏற்பட்டுள்ளது. உடனடியாக இந்த சம்பவம் குறித்து சதீஷ் பொலிஸ் நிலையத்தில் புகார் கொடுத்துள்ளார்.

அதன்பேரில் இரண்டு குடும்பத்தையும் அழைத்து பொலிஸார் விசாரணை மேற்கொண்டுள்ளனர். அதன்பிறகு சதீஷ் மட்டும் தனியாக பேருந்து நிலையத்திற்கு நடந்து சென்றுள்ளார். அப்போது இருசக்கர வாகனத்தில் அங்கு வந்த மர்ம நபர்கள் 4 பேர், திடீரென சுற்றிவளைத்து மறைத்து வைத்திருந்த அரிவாள் போன்ற ஆயுதங்களால் சதீஷை சரமாரியாக வெட்டிவிட்டு தப்பிள்ளனர்.

இதனை பார்த்து அதிர்ச்சியடைந்த பொதுமக்கள் உடனடியாக பொலிஸாருக்கு தகவல் கொடுத்தனர். ஆனால் அதற்குள் சதீஷ் சம்பவ இடத்திலேயே உயிரிழந்தார். இதனையடுத்து வந்த பொலிஸார் சதீஷ் உடலை கைப்பற்றி பிரேத பரிசோதனைக்கு அனுப்பி வைத்தனர். மேலும், இந்த கொலை சம்பவத்தில் அனிதாவின் சகோதரன் செந்தில்குமாருக்கு இதில் தொடர்பு இருக்கிறதா என்கிற கோணத்திலும் விசாரணையை முடுக்கிவிட்டுள்ளனர்.

நெகிழ்ச்சி சம்பவம்

இந்தியாவில் மூளை காய்ச்சலால் பாதிக்கப்பட்ட சிறுவன் உயிர் பிழைப்பதற்கு 10 சதவீதம் தான் வாய்ப்புள்ளது என்று கூறப்பட்ட நிலையில், அரசு மருத்துவர்களின் சிகிச்சையால் சிறுவனுக்கு மறுவாழ்வு கிடைத்துள்ளது.

மத்தியப் பிரதேச மாநிலம், போபால் பகுதியைச் சேர்ந்தவர் ஜெத்தேந்தர் பர்மன். இவருக்கு ராகுல் என்ற ஐந்து வயது மகன் உள்ளார். இந்நிலையில் இவர் சமீபத்தில் தமிழகத்தின் திருப்பூரில் தங்கி கூலி வேலை செய்வதற்காக போபாலில் இருந்து சிலருடன், தன்னுடைய குடும்பத்தையும் ஜெத்தேந்தர் ரயிலில் அழைத்துவந்தார்.

வேலூர் மாவட்டம், காட்பாடியை ரயில் கடந்தபோது, சிறுவன் ராகுலுக்கு திடீரென காய்ச்சலுடன் வலிப்பு ஏற்பட்டது. அடுத்த சில சிறுவனின் மூக்கில் இரத்தம் வழிந்தது. அதன் பின் சிறுவன் திடீரென்று மயங்கி விழுந்தார்ன்.

இதனால் இரயில்வே பொலிஸ் அதிகாரிகள் உடனடியாக சிறுவனை மீட்டு அருகிலிருக்கும் வாணியம்பாடி அரசு மருத்துவமனைக்கு அனுப்பி வைத்தனர். அங்கு சிறுவனை மருத்துவர்கள் பரிசோதித்த போது, சிறுவனுக்கு மூளைக் காய்ச்சல் ஏற்பட்டுள்ளதாகவும், அபாயக் கட்டத்தை எட்டியிருப்பதால் உயிர்பிழைப்பது கடினம். 10 சதவிகிதம் மட்டுமே காப்பாற்ற வாய்ப்பிருப்பதாகவும் பெற்றோரிடம் கூறியுள்ளனர்.

இதைக் கேட்டு அதிர்ச்சியில் பெற்றோர் உறைந்து நிற்க, உடனடியாக மேல் சிகிச்சைக்காக வேலூர் அடுக்கம்பாறை அரசு மருத்துவமனையில் உள்ள குழந்தை தீவிர சிகிச்சைப் பிரிவில் ராகுல் அனுமதிக்கப்பட்டான்.

மருத்துவமனை டீன் சாந்திமலர் மேற்பார்வையில், குழந்தைகள் நலத்துறைத் தலைவர் மருத்துவர் தேரணிராஜன் தலைமையிலான மருத்துவக் குழுவினர், சிறுவனைத் தீவிர கண்காணிப்பில் வைத்து சிகிச்சை அளித்துவந்தனர்.

இந்நிலையில், சிறுவன் ராகுல் குணமடைந்துள்ளான். இன்னும் சில நாள்கள், சிகிச்சை பெற்றபிறகு, சிறுவன் டிஸ்சார்ஜ் செய்யப்படுவான் என்று மருத்துவர்கள் தெரிவித்தனர். 10 சதவீதமே உயிர் பிழைக்க வாய்ப்பிருக்கிறது என்று கூறப்பட்ட சிறுவனை மருத்துவர்கள் காப்பாற்றியதால் அவர்களுக்கு பாராட்டுகள் குவிந்து வருகிறது.