நெகிழவைக்கும் சம்பவம்

தமிழகத்தை சேர்ந்த இளம்பெண் விபத்தில் உயிரிழந்த நிலையில் அவரின் சடலத்தை காதலன் திருமணம் செய்து கொண்ட சம்பவம் மனதை உருக்கும் விதத்தில் அமைந்துள்ளது.

24 வயது இளைஞர் ஒருவரும் இளம் பெண்ணும் சில ஆண்டுகளாக உயிருக்கு உயிராக காதலித்து வந்தனர். இந்நிலையில் சமீபத்தில் நடந்த சாலை விபத்தில் அப்பெண் உயிரிழந்தார்.

இதையடுத்து தனது வாழ்க்கையின் முக்கிய அங்கமாக இருந்த காதலி இறந்துவிட்டாளே என கதறி துடித்த காதலன் நெகிழ்ச்சியை விடயத்தை செய்தார். அதன்படி சடலமாக கிடந்த காதலியை அவர் இந்து முறைப்படி குங்குமம் வைத்து தாலி கட்டி திருமணம் செய்து கொண்டார்.

இளைஞர் தனது காதலியின் சடலத்துக்கு தாலி கட்டும் போது அங்கிருந்தவர்கள் கண்ணீர் விட்டு கதறி அழுதார்கள். இது சம்மந்தமான நெஞ்சை உருக்கும் வீடியோ இணையத்தில் வெளியாகியுள்ளது.

பதறவைக்கும் CCTV காட்சிகள்

தமிழகத்தில் இளம்பெண்ணை ஒருதலைக் காதல் காரணமாக கொடூரமாக குத்திக் கொலை செய்த வழக்கில் இளைஞரை பொலிசார் கைது செய்துள்ளனர்.

நெல்லை மாவட்டம் வள்ளியூர் பஸ் நிலையம் எதிரே உள்ள ஜவுளிக்கடையில் இளம்பெண் ஒருவர் வேலை செய்தார். அவர் பணிமுடிந்து கடையிலிருந்து விடுதிக்குத் திரும்பிக்கொண்டிருந்த போது இளைஞர் ஒருவர் அவரை கத்தியால் சரமாரியாக குத்தினார். இதில் அப்பெண் சம்பவ இடத்திலேயே உயிரிழந்தார்.

விசாரணையில், அந்தப் பெண்ணின் பெயர் மெர்சி (21) என்பது தெரியவந்தது. அவரைக் கொலை செய்த நபரை அங்கிருந்த பொதுமக்கள் மடக்கிப்பிடித்து பொலிசில் ஒப்படைத்தார்கள். விசாரணையில் அவரின் பெயர் ரவீந்தரன் என்பது தெரியவந்துள்ளது. ரவீந்தரன், மெர்சியை ஒருதலையாகக் காதலித்து வந்துள்ளார். அவர், சில தினங்களுக்கு முன்பு தனது காதலைத் தெரிவித்திருக்கிறார். ஆனால், மெர்சி காதலிக்க மறுத்துள்ளார். அதனால் அவரைக் கொலைசெய்யும் திட்டத்துடன் கடந்த இரு தினங்களாகச் சுற்றிவந்துள்ளார்.

இந்நிலையில், நேற்று மெர்சி பேருந்து நிலையம் அருகே நடந்து வந்தபோது, தான் மறைத்து வைத்திருந்த கத்தியை எடுத்து கழுத்தில் குத்திக் கொலை செய்ததாகப் பிடிபட்ட ரவீந்திரன் வாக்குமூலம் அளித்துள்ளார்.

இதனிடையே, மெர்சியை ரவீந்திரன் கொலை செய்வதற்காக விரட்டும் காட்சிகள் அருகில் உள்ள சிசிடிவி-யில் பதிவாகியுள்ளது. அது தற்போது வெளியாகி பரபரப்பை ஏற்படுத்தியுள்ளது.

காதல் ஜோடி

ஈரோடு மாவட்டத்தில் திருமணமான 6 மாதத்தில் புதுமணத்தம்பதியினர் விஷம் குடித்து தற்கொலை செய்துகொண்டுள்ள சம்பவம் சோகத்தை ஏற்படுத்தியுள்ளது. ஈரோடு மாவட்டம் சூரம்பட்டியைச் சேர்ந்த தங்கவேல் என்பவருடைய மகன் நந்தகுமார் (20). பிளஸ் 2 முடித்து விட்டு, திருமணம் மற்றும் விசேஷங்களுக்கு தந்தூரி மற்றும் சைனீஸ் உணவு வகைகளை சமைக்கும் தொழில் செய்து வருகிறார்.

புளியம்பேட்டையைச் சேர்ந்த இவரது மனைவி சத்யப்ரியா (23) பட்டதாரி. இவர்கள் இருவரும் பேஸ்புக் மூலம் அறிமுகமாகி காதலித்து கடந்த 6 மாதங்களுக்கு முன்னர் திருமணம் செய்துள்ளனர். இருவரும் வெவ்வேறு சமூகத்தை சேர்ந்தவர்கள் என்பதால், இருவரையும் பிரித்து பெற்றோர்கள் அவரவர் வீட்டில் வைத்திருந்தனர்.

பின்னர் சில நாட்கள் கழித்து மீண்டும் இருவரும் சேர்ந்து வெள்ளகோவில் அருகே உப்புபாளையம் பகுதியில் வாடகைக்கு வீடு எடுத்து வசித்து வந்தனர். நந்தகுமார் அப்பகுதியில் உள்ள டீ கடையில் வேலை செய்து வந்தார். இந்த நிலையில் கடைக்கு நந்தகுமார் வராமல் இருப்பதை அறிந்த கடையின் உரிமையாளர் வீட்டிற்கு சென்று பார்த்துள்ளார். அங்கு இருவரும் இறந்த நிலையில் கிடந்துள்ளனர். அருகே ஒரு விஷபாட்டிலும் கிடந்துள்ளது.

பின்னர் சம்பவம் அறிந்து வந்த பொலிஸார் இருவரின் உடலையும் கைப்பற்றி பிரேத பரிசோதனைக்கு அனுப்பி வைத்தனர். தற்கொலைக்கான காரணம் குறித்து பொலிஸார் மேற்கொண்ட விசாரணையில், நந்தகுமார் அடிக்கடி தன்னுடைய சொந்த ஊருக்கு சென்று தாயை சந்தித்து வந்துள்ளார்.

ஆனால் சத்யபிரியாவின் வீட்டிலிருந்து யாரும் வருவதில்லை. இதனால் நந்தகுமார் மீது சத்யபிரிய கோபமாக இருந்துள்ளார். இதனால் இருவருக்கும் இடையில் அடிக்கடி சண்டை ஏற்பட்டு வந்துள்ளது. இதில் ஏற்பட்ட மனஉளைச்சலால் இருவரும் தற்கொலை செய்துகொண்டதாக பொலிஸார் தெரிவித்துள்ளனர்.

தவறிவிழுந்து இறந்த கணவன்

இந்திய மாநிலம் கேரளாவில் மனைவியுடன் ரயிலில் பயணம் செய்த இளைஞர் தவறி விழுந்து மரணமடைந்த சம்பவம் அதிர்ச்சியை ஏற்படுத்தியுள்ளது.

கேரள மாநிலம் திருச்சூர் பகுதியை சேர்ந்த 24 வயது முகமதலி என்பவர் முதலாம் ஆண்டு திருமண நாள் கொண்டாட்டத்திற்கு பின்னர் மனைவியுடன் ரயிலில் மும்பை சென்றுள்ளார். போகும் வழியில் இரவு உணவுக்காக கை கழுவும் பொருட்டு இருக்கையில் இருந்து வெளியே வந்துள்ளார்.

ஆனால் ரயில் இருந்து தவறி விழுந்து குறித்த இளைஞர் மரணமடைந்ததாக கூறப்படுகிறது. கை கழுக சென்ற கணவர் திரும்ப வராதது கண்டு அதிர்ச்சியடைந்த இளம்பெண் அந்த ரயிலின் பல பெட்டிகளில் தேடியுள்ளார்.

பல கிலோ மீற்றர் கடந்த நிலையில் அடுத்த ரயில் நிலையத்தில் தகவல் தெரிவித்தபோது, அங்குள்ள அதிகாரிகள் நடந்தவற்றை உறுதி செய்துள்ளனர். இதனையடுத்து அரசு மருத்துவமனையில் இருந்து கிடைத்த தகவலின் அடிப்படையில் இறந்தது தமது கணவர் என்பதையும் அவர் உறுதி செய்துள்ளார்.

கடந்த 2017 ஆம் ஆண்டு நவம்பர் 26 ஆம் திகதி தாஹிரா மற்றும் முகமதலி இருவருக்கும் திருமணம் நடந்துள்ளது. மும்பையில் பணியாற்றும் முகமதலி தமது முதலாமாண்டு திருமண நாள் கொண்டாட்டத்தை குடும்பத்துடன் கொண்டாடும் பொருட்டும் மனைவியுடன் ஒரு மாதம் முன்னரே மும்பையில் இருந்து திருச்சூர் வந்துள்ளார். தற்போது உடற்கூறு ஆய்வுக்கு பின்னர் முகமதலியின் சடலத்தை திருச்சூருக்கு கொண்டு சென்றுள்ளனர்..

அதிர்ச்சித் தகவல்கள்

வேன் ஓட்டுநராக இருக்கும் விபின் என்ற வாலிபர், தனது வேனில் பயணிக்கும் பள்ளி மற்றும் கல்லூரி மாணவிகளை காதல் பாடல்களால் மயக்கி கற்பை சூறையாடுவதை வாடிக்கையாக வைத்துள்ளார் என்பது சமீபத்தில் அவர் செய்த ஒரு கொலையின் மூலம் வெளிச்சத்திற்கு வந்துள்ளது.

கன்னியாகுமரி மாவட்டம் குழித்துறை தாமிரபரணி ஆற்றின் பாலத்தின் கீழ், கடந்த 21-ம் தேதி ஸ்ரீஜா என்ற இளம்பெண்ணின் சடலம் மிதந்து வந்தது கண்டெடுக்கப்பட்டது. செவிலியராக பணியாற்றி வந்த இவரது மரணத்தில் மர்மம் இருப்பதாக பெற்றோர் புகார் அளித்ததையடுத்து, ஸ்ரீஜா-வின் மொபைல் எண்ணுக்கு வந்த அழைப்புக்களை வைத்து விசாரணை நடத்தி மங்காடு பகுதியைச் சேர்ந்த விபின் (26) என்ற வேன் ஓட்டுநரை காவல் துறையினர் கைதுசெய்தனர்.

பொலிசார் நடத்திய விசாரணையில் சில அதிர்ச்சி தகவல்கள் வெளியாகின. விபின், தனது வேனில் பணிக்கு செல்லும் பெண்களையும், பள்ளி, கல்லூரிகளுக்குச் செல்லும் மாணவிகளையும் ஏற்றிச் செல்வது வழக்கம்.

பெண்களை கவர்வதற்காக வேனில் காதல் பாடல்களை ஒலிபரப்பும் விபின், அதில் வரும் பெண்களிடம் செல்போன் நம்பரை வாங்கி வைத்துக் கொண்டு அவர்களை நினைத்துத் தான் காதல் பாடலை ஒலிபரப்பியதாகப் பேசி, பெண்களை மயக்கி கற்பை சூறையாடுவதை வாடிக்கையாக கொண்டுள்ளார்.

இப்படித்தான், தன்னை சினிமா நாயகன் போல நினைத்து பல காதல் பாட்டுகளை போட்டு, ஸ்ரீஜாவை காதல் வலையில் மயக்கியுள்ளார். அவனது காதலை நம்பி அவன் அழைத்த இடத்துக்கெல்லாம் சென்றுவர குளிர்பானத்தில் மயக்க மருந்து கொடுத்து ஸ்ரீஜாவை பலாத்காரம் செய்துள்ளான்.

இதனால் கர்ப்பமான ஸ்ரீஜா, தன்னை திருமணம் செய்துகொள்ளும்படி வற்புறுத்தியுள்ளார். இதனால், கடந்த 20-ம் தேதி இரவு நாம் திருமணம் செய்துகொள்ளலாம் எனக்கூறி ஸ்ரீஜாவை பைக்கில் அழைத்து சென்று தாமிரபரணி ஆற்றில் தள்ளிகொலை செய்துள்ளார்.

இதனை விபின் பொலிசில் வாக்குமூலமாக அளித்துள்ளார். எந்த ஒரு பெண்ணும் புகார் அளிக்காததால் அவன் தப்பி வந்ததும் தெரியவந்தது. விபினை கைது செய்த பொலிசார் நீதிமன்றத்தில் ஆஜர்படுத்தி சிறையில் அடைத்தனர்.

விபத்தில் பலியான சோகம்

தமிழகத்தில் கணவனின் உடலை பின் தொடர்ந்து சென்ற மனைவியும், மகனும் உயிர்ழந்த சம்பவம் உறவினர்கள் மத்தியில் மிகுந்த சோகத்தை ஏற்படுத்தியுள்ளது. திருச்சி மாவட்டம் நாச்சிக்குறிச்சியைச் சேர்ந்தவர் பாபு. இவர் சென்னை சிட்லபாக்கத்தில் இருக்கும் இந்தியன் வங்கிக் கிளையில் மேலாளராகப் பணிபுரிந்து வந்தார்.

இந்நிலையில் இவர் நேற்று உடல்நிலை சரியில்லாத காரணத்தினால் பரிதாபமாக உயிரிழந்தார். இதனால் அவரின் உடலை சொந்த ஊரான திருச்சிக்கு கொண்டு செல்ல மனைவி ராதா(45) மற்றும் உறவினர்கள் முடிவு செய்துள்ளனர். அதன் பின் ஆம்புலன்சில் பாபுவின் உடல் கொண்டு செல்லப்பட்டது. அவரின் மனைவி ராதா, மகன் அம்பரீஷ்(22), தாய் தங்கம்(70) மகள் சோனியா(25) ஆகியோர் மற்றொரு காரில் ஆம்புலன்சை பின் தொடர்ந்து சென்றனர்.

கார் விழுப்புரம் மாவட்டம் உளுந்தூர்பேட்டையை அடுத்த எடைக்கல் எனுமிடத்தில் செல்லும்போது, சாலையோரம் பழுதாகி நின்ற லாரி மீது திடீரென்று மோதி விபத்துக்குள்ளானது. இதில் ராதா, அம்பரீஷ் ஆகியோர் சம்பவ இடத்திலேயே உயிரிழந்தனர்.

மேலும் அவரது தாய் தங்கம், மகள் சோனியா, சிட்லபாக்கத்தைச் சேர்ந்த கார் ஓட்டுநர் கோகுல், லாரியை பழுது பார்த்துக் கொண்டிருந்த மெக்கானிக் சந்திரபாபு ஆகியோர் காயமடைந்தனர்.

இந்த தகவலை அறிந்து சம்பவ இடத்திற்கு உடனடியாக விரைந்து வந்த பொலிசார். காயமடைந்தவர்களை மீட்டு மருத்துவமனைக்கு அனுப்பி வைத்து, இது தொடர்பாக விசாரணை மேற்கொண்டு வருகின்றனர். கணவரின் சடலத்தைப் பின்தொடர்ந்து சென்ற மனைவியும், மகனும் விபத்தில் இறந்தது உறவினர்களிடையே பெரும் சோகத்தை ஏற்படுத்தியுள்ளது.