கொலை செய்யப்பட்ட தமிழ் இளைஞன்

கொழும்பு புறக்கோட்டை பகுதியில் கூரிய ஆயுதங்களால் தாக்கப்பட்டு உயிரிழந்த பத்தனை திம்புள்ள கீழ்பிரிவு தோட்டத்தைச் சேர்ந்த குமார் டிக்ஷன் (வயது 21) என்பவரின் சடலம் இன்று அதிகாலை 4 மணியளவில் திம்புள்ள தோட்டத்திற்கு கொண்டு வரப்பட்டது.

கொழும்பில் பழக்கடை ஒன்றில் தொழில் புரிந்து வந்த நிலையில் ஏற்பட்ட வாய்தர்க்கம் கைகலப்பில் மாறியதையடுத்து, இவர் கூரிய ஆயுதங்களால் குத்தி கொலை செய்யப்பட்டிருப்பதாக பொலிஸார் தெரிவித்துள்ளனர்.

இந்த சம்பவம் தொடர்பில் சந்தேகத்தின் பேரில் நால்வர் கைது செய்யப்பட்டுள்ள நிலையில் கொழும்பில் தொழில் புரியும் மலையக இளைஞர்களுக்கு உரிய பாதுகாப்பினை வழங்க வேண்டும் எனவும், இவ்வாறானதொரு சம்பவம் இனிமேல் மலையக இளைஞர்களுக்கு ஏற்படக்கூடாது என திம்புள்ள கீழ்பிரிவு தோட்ட மக்கள் ஆதங்கத்துடன் தெரிவித்தனர்.

உயிரிழந்த குறித்த இளைஞன் தனது வீட்டின் மூன்றாவது பிள்ளை எனவும், இவரின் தந்தை சமீபத்தில் காலமாகியுள்ளதாகவும் தெரிவிக்கப்படுகின்றது.

உயிரிழந்த இளைஞனின் இறுதி கிரியைகள் நாளை மதியம் திம்புள்ள கீழ்பிரிவு தோட்டத்தில் இடம்பெறவுள்ளதாகவும் உறவினர்கள் தெரிவித்துள்னர்.

சிறை செல்லவும் தயாராக இருப்பதாக சபாநாயகர் கரு ஜயசூரிய இன்று அறிவித்துள்ளார். நாடாளுமன்ற அமர்வு இன்று இடம்பெறும் போது சபாநாயகர் இந்த அறிவிப்பு விடுத்துள்ளார்.

நீதியை நிலைநாட்டுவதற்காக சிறைக்குச் சென்று காற்சட்டை அணியவும் தயாராக இருக்கின்றேன் என்று சபாநாயகர் தெரிவித்தார்.

இன்று பிற்பகல் ஒரு மணியளவில் நாடாளுமன்றம் சபாநாயகர் தலைமையில் மீண்டும் கூடியது. இதன்போது ஒழுங்குப் பிரச்சினையொன்றை நாடாளுமன்ற உறுப்பினர் மரிக்கார் எழுப்பினார்.

சபாநாயகர் போலியான ஆவணங்களை தயாரித்துள்ளார். இதற்காக சிறைக்குச் செல்ல வேண்டிவரும். எனவே காற்சட்டை அணிவதற்கு தயாராக இருக்குமாறு நாடாளுமன்ற உறுப்பினர் உதய கம்மன்பில விடுத்துள்ள அறிவிப்பு தொடர்பில் சபாநாயகரின் கவனத்துக்கு கொண்டு வந்தார். இதற்கு பதிலளித்த சபாநாயகர் கரு ஜயசூரிய,

“நான் எந்தவொரு போலி ஆவணத்தையும் தயாரிக்கவில்லை. விசாரணைகளுக்கு முகங்கொடுக்க தயாராகவே இருக்கின்றேன். நீதியை நிலைநாட்டியதற்காக ஜனநாயகத்தை பாதுகாத்ததற்காக ஜம்பர் அணிய வேண்டிய நிலை ஏற்பட்டால் அதையும் செய்வதற்கு தயார். நான் நடுநிலை தவறி செயற்படுகின்றேன் என்றால், எனக்கு எதிராக நம்பிக்கையில்லாப் பிரேரணை கொண்டு வாருங்கள்” என்றார்.

கிளி­நொச்சி, கன­கபு­ரம் மாவீ­ரர் துயி­லும் இல்­லத்தில் மாவீ­ரர் நாள் நினை­வேந்­தல் மிகவும் உணர்வுபூர்வமாக நடைபெற்றுள்ளது. குறித்த பகுதியில் இன்று மாலை 6 மணிக்கு மணியொலி எழுப்பட்டதையடுத்து அகவணக்கம் செலுத்தப்பட்டுள்ளது.

இதையடுத்து பிரதான பொதுச் சுடரினை மாவீரர் தளபதி பிரிகேடியர் தீபன் மற்றும் லெப் கேணல் கில்மன் ஆகிய மாவீர்ர்களின் தந்தையார் ஏற்றியுள்ளனர்.

தொடர்ந்து துயிலுமில்ல பாடல் ஒலிக்க விடப்பட்டதையடுத்து ஏனைய சுடர்கள் ஏற்றப்பட்டு வணக்கம் செலுத்தப்பபட்டன.

1991ம் ஆண்டு காலப்பகுதிக்கு பின்னர் உருவாக்கப்பட்ட கனகபுரம் மாவீரர் துயிலும் இல்லத்தில் கடந்த 2008ம் ஆண்டு வரையான காலப்பகுதியில் போரின் போது வீரச்சாவடைந்த முன்னாள் அரசியற் துறைப் பொறுப்பாளர் பிரிகேடியர் சு.ப.தமிழ்ச்செல்வன் தளபதி வீரமணி மற்றும் தளபதிகள் மாவீரர்கள் போர் உதவிப்படை வீரர்கள் துணைப்படை வீரர்கள் என சுமார் இரண்டாயிரத்துக்கும் மேற்பட்டவர்களின்வித்துடல்கள் விதைக்கப்பட்டுள்ளன.

சமூக ஊடகங்களில் மிகவும் பரவலாகப் பேசப்பட்ட, மொனராலையில் தனது காதலனால் பெண்ணொருவர்கொலை செய்யப்பட்ட சம்பவம் தொடர்பில் பல்வேறு கருத்துக்கள் வெளியாகி உள்ளன.

ஆரம்பத்தில் உயிரிழந்த பெண்ணின் குடும்பத்தினர் மற்றும் அயலவர்கள் கூறிய கருத்துக்கும், கொலை செய்ததாக கூறப்படும் இளைஞனின் ஒப்புதல் வாக்குமூலத்திற்குமிடையில் வேறுபாடுகள் உள்ளதாக பொலிஸார் குறிப்பிட்டனர்.

உயிரிழந்த 22 வயதான பெண் திருமணமானவர் என சந்தேகநபரான இளைஞன் தெரிவித்துள்ளார்.

குறித்த பெண் திருமணமான கணவரிடமிருந்து பிரிந்து விவாகரத்து கோரி நீதிமன்றத்தில் வழக்கு தாக்கல் செய்துள்ள நிலையில், கடந்த ஒரு வருடமாக இளைஞருடன் தொடர்பு வைத்துள்ளதாக தெரிவிக்கப்படுகிறது.

உயிரிழந்த பெண் குறித்த இளைஞனின் சகோதரியின் அழகுக்கலை நிலையத்தில் வேலை செய்துள்ளார். அந்த சேவை நிலையத்திற்கு வந்த பின்னரே இருவருக்கும் இடையில் தொடர்புகள் ஆரம்பித்துள்ளன.

இந்த நிலையில் அந்த பெண் வேறு நபர்களுடன் தொடர்புகளைப் பேணி வருவதாக தான் அறிந்து கொண்டதாக குறிப்பிட்டுள்ள இளைஞன், கொழும்பில் பணியாற்றிவிட்டு மொனராகலைக்கு வந்தபோது பெண்ணிடம் பேசுவதற்காக அவருடைய மோட்டார் சைக்கிளில் அழைத்துக்கொண்டு சுமேத வாவிக்கு அருகில் சென்றதாக குறிப்பிட்டுள்ளார்.

தன் மீதான குற்றச்சாட்டுக்களை இதன்போது குறித்தபெண் மறுத்ததாகவும் அவரது மோட்டார் சைக்கிளை பரிசோதனை செய்ய சென்றபோது அதற்கு குறித்த பெண் கடுமையான எதிர்ப்பை வெளியிட்டதாகவும் தெரிவித்துள்ளார்.

பலாத்காரமாக பரிசோதனை செய்தபோது அதில் இருந்த இரண்டு தொலைபேசிகளை கண்டு பிடித்ததாகவும் அதுதொடர்பாக கடுமையான வாக்கு வாதம் இருவருக்குமிடையில் இடம்பெற்றதாக தெரிவித்துள்ளார்.

இந்த நிலையில் வாக்குவாதம் தொடர்ந்ததில் அப்பெண்ணை தான் கழுத்து நெரித்துக் கொலை செய்ததாக பொலிஸாரிடம் குறித்த இளைஞன் ஒப்புக்கொண்டுள்ளார்.

கடந்த 23ம் திகதி இந்த கொலை இடம்பெற்றதாக தெரிவிக்கப்படுகின்றதுடன் சந்தேக நபரான இளைஞனை பொலிஸார் 25ம் திகதி கைது செய்து நீதிமன்றத்தின் முன்னலைப்படுத்தியிருந்தனர்.

குறித்த கொலைச்சம்பவத்தை மற்றமொரு குழுவினர் வீடியோ பதிவு செய்து சமூக ஊடகங்களில் பதிவேற்றியிருந்தமை குறிப்பிடத்தக்கது.

வீரச்சாவடைந்த மாவீரர்களை நினைவு கூறும் தினமான இன்று வடக்கு மற்றும் கிழக்கில் நினைவேந்தல் நிகழ்வுகள் முன்னெடுப்பட்டுள்ளன.

அந்த வகையில் மன்னார், பண்டிவிரிச்சான் மாவீரர் துயிலுமில்லத்தில் மாவீரர் நினைவேந்தல் நிகழ்வுகள் நடைபெற்று வருகின்றன.

இந்நிகழ்வில் நாடாளுமன்ற உறுப்பினர் சார்ள்ஸ் நிர்மலநாதன், வடமாகாண சபை முன்னாள் உறுப்பினர் டெனீஸ்ரன், சிராய்வா உள்ளிட்ட அருட்தந்தையர்கள் மற்றும் அருட்சகோதரிகள் என பலரும் கலந்து கொண்டுள்ளனர். இந்நிகழ்வில் ஆயிரத்திற்கும் மேற்பட்டோர் கலந்து கொண்டிருந்ததாக தெரிவிக்க்ப்படுகின்றது.

மட்டக்களப்பு, வாகரை கண்டலடி மாவீரர் துயிலும் இல்லத்தில் மாவீரர் நாள் மிகவும் உணர்வு பூர்வமாக, பெருமளவான மக்களின் கண்ணீரின் மத்தியில் இடம்பெற்றது.

கார்த்திகை 27ஆம் நாளான இன்று தமிழர் தாயகப் பிரதேசங்களில் மாவீரர் நாள் மிகவும் உணர்வுபூர்வமாக அனுஷ்டிக்கப்படுகின்றது.

அந்த வகையில், மட்டக்களப்பு வாகரை கண்டலடி மாவீரர் துயிலும் இல்லத்தில் ஒன்று கூடிய பெருமளவான மக்கள் உயிர் நீத்த உறவுகளுக்கு சுடரேற்றி கண்ணீர் அஞ்சலி செலுத்தி வருகின்றனர்.

தமிழீழப் போராட்டத்தில் இன்னுயிர் நீத்த மாவீரர்களை நினைவுகூரும் வகையில் கார்த்திகை மாதம் 27ஆம் திகதி மாவீரர் தினம் அனுஷ்டிக்கப்படுகின்றது.

அந்த வகையில், இன்றைய தினம் உயிர்நீத்த வீரர்களை இலங்கையின் வடக்கு மற்றும் கிழக்கில் பல இடங்களில் மக்கள் நினைவுகூர்ந்து வருகின்றனர். இந்த நிலையில் யாழ். சாட்டியில் உள்ள மாவீரர் துயிலும் இல்லத்தில் நெகிழ்ச்சியான சம்பவம் ஒன்று இடம்பெற்றுள்ளது.

ஜெர்மனியில் இருந்து வந்த தம்பதியினர் யாழ். சாட்டியில் உள்ள மாவீரர் துயிலும் இல்லத்திற்கு இன்று காலை 8 மணியளவில் சென்றுள்ளனர். இதில் தமக்கும் சுடரேற்றுவதற்கு அனுமதி தருமாறு கோரியுள்ளனர். இதை ஏற்றுக்கொண்ட நிகழ்ச்சி ஏற்பாட்டாளர்களும் அவர்களுக்கு சுடரேற்றுவதற்கு அனுமதி வழங்கியுள்ளனர்.

யுத்தத்தில் உயிர் நீத்த தமது உறவுகளுக்கு இரத்த உறவுகள் வந்து அஞ்சலி செலுத்தும் நிலையில், கடல் கடந்து வந்து எமது தாயக உறவுகளுக்கு அஞ்சலி செலுத்தியுள்ளமை அங்குள்ள மக்கள் மத்தியில் நெகிழ்ச்சியை ஏற்படுத்தியுள்ளது.

கொழும்பை சேர்ந்த தம்பதி தொடர்பில் இந்தியாவிலுள்ள இலங்கை உயர்ஸ்தானிகர் அலுவலகத்தால் அவசரமாக தகவல் கோரப்பட்டுள்ளது.

இந்திய பொலிஸாரின் கட்டுப்பாட்டின் கீழ் தற்சமயம் இருந்து வருகின்ற 29 வயதான ஜோய் என்பவரின் பெற்றோர் குறித்த தகவல்களே கோரப்பட்டுள்ளன.

இலங்கையிலுள்ள தனது பெற்றோரை தேட இலங்கைக்கு செல்வதற்கான அனுமதியை பெற்று தருமாறு ஜோய் இந்தியாவிலுள்ள இலங்கை உயர்ஸ்தானிகர் அலுவலகத்திடம் கோரியுள்ளார்.

இதனடிப்படையிலேயே இந்தியாவிலுள்ள இலங்கை உயர்ஸ்தானிகர் அலுவலகம், குறித்த தம்பதி தொடர்பான தகவல்களை கோரியுள்ளது.

ஜோய்க்கு ஐந்து வயதாக இருக்கும் போது உறவினரொருவரால் இந்தியாவிற்கு கூட்டி செல்லப்பட்டுள்ளதுடன், இதன்போது அவரது பெற்றோர் கொழும்பிலுள்ள கத்தோலிக்க தேவாலயமொன்றுக்கு முன்பாக வசித்து வந்துள்ளதாக விசாரணைகளில் இருந்து தெரியவந்துள்ளது. அத்துடன் ஜோயின் தந்தை மீனவரான பில்லு எனவும், தாயின் பெயர் மன்கோ எனவும் மேலதிக தகவல்கள் தெரிவிக்கின்றன.

இந்த நிலையில் தகவல் தெரிந்தவர்கள் 0112 2451397, 0112 2432457 போன்ற தொலைபேசி இலக்கங்களுக்கு தெரிவிக்க முடியும் என அறிவிக்கப்பட்டுள்ளது.

முல்லைத்தீவு – புதுக்குடியிருப்பு மத்திய கல்லூரிக்கு முன்பாக புலிக்கொடி ஒன்று பறக்கவிடப்பட்டுள்ளதாக தெரிவிக்கப்படுகின்றது.

புதுக்குடியிருப்பு பாடசாலைக்கு முன்பாக உள்ள மின்கம்பத்தில் சிவப்பு நிற துணியில் “தமிழீழம் எங்கள் தாயடா” என எழுதப்பட்டு குறித்த புலிக்கொடி பறக்கவிடப்பட்டுள்ளது.

இன்றைய தினம் மாவீரர் நாள் அனுஸ்டிக்கப்படும் நிலையில், இந்த கொடி இன்று காலை பறக்கவிடப்பட்டுள்ளது.

இதை அவதானித்தவர்கள் புதுக்குடியிருப்பு பொலிஸாருக்கு தகவல் வழங்கியதை அடுத்து புதுக்குடியிருப்பு பொலிஸார் குறித்த புலிக்கொடியை அகற்றியதோடு மேலதிக விசாரணைகளை மேற்கொண்டு வருகின்றனர்.