விசாகப்பட்டினத்தில் கர்ப்பமடைந்திருப்பதாக கூறிய காதலியை, 17 வயது சிறுவன், உயிருடன் தீவைத்து எரித்து கொலை செய்துள்ள சம்பவம் பரபரப்பை ஏற்படுத்தியுள்ளது.

ஆந்திர மாநிலம் விசாகபட்டினத்தை சேர்ந்த 16 வயது மாணவி கடந்த 7ம் தேதி முதல் மாயமாகி விட்டதாக, சிறுமியின் பெற்றோர் பொலிஸ் நிலையத்தில் புகார் கொடுத்தனர்.

இதையடுத்து பொலிஸார் வழக்கு பதிவு செய்து விசாரணை மேற்கொண்ட போது, சம்பவம் நடைபெற்ற அன்று சிறுமியின் காதலன் மற்றும் அவனுடனுடைய நண்பர்கள் அப்பகுதியில் சுற்றி திரிந்ததாக தெரியவந்தது.

அதன் பின் அந்த சிறுவனிடம் மேற்கொள்ளப்பட்ட விசாரணையில், சில நாட்களுக்கு முன்பு அந்த சிறுமி தான் கர்ப்பம் அடைந்திருப்பதை போல் உணர்வதாக காதலனிடம் கூறியுள்ளார்.

இதனால் பயந்து போன அந்த சிறுவன், சிறுமிக்கு கர்ப்பம் கலைக்கும் மாத்திரைகள் கொடுத்துள்ளான். ஆனால் அதனை சிறுமி உண்ண மறுப்பு தெரிவித்திருக்கிறாள்.

இந்த விவகாரம் பெற்றோருக்கு தெரிந்தால் அவமானமாகிவிடும் என நினைத்த சிறுவன், 7ம் தேதியன்று ஆள் நடமாட்டம் இல்லாத பள்ளி மைதானத்திற்கு சிறுமியை வரவழைத்துள்ளான்.

அங்கு ஒரு இரும்பு கம்பியை கொண்டு சிறுமியின் தலையில் ஓங்கி அடித்துள்ளான். பின்னர் மயங்கி விழுந்த சிறுமியின் மீது பெட்ரோலை ஊற்றி உயிருடன் எரித்து கொலை செய்துள்ளதாக பொலிசாரின் வாக்குமூலத்தில் தெரிவித்துள்ளான்.

இதனை கேட்டு அதிர்ச்சியடைந்த பொலிஸார் தற்போது சிறுவன் மற்றும் அவனுக்கு உடந்தையாக இருந்த 2 சிறுவர்களை கைது செய்துள்ளனர். மேலும் சிறுமியின் பிரேத பரிசோதனை அறிக்கைக்காக பொலிஸார் காத்திருக்கின்றனர்.

இந்தியாவில் ஆண் நண்பர்களுடன் குடிபோதையில் காரை ஓட்டி வந்த பெண், எதிரே வந்த காரின் மீது மோதியதால் காரின் உள்ளே இருந்த பெண் பரிதாபமாக இறந்துள்ளார்.

டெல்லியைச் சேர்ந்த ஷிவானி மாலிக் என்ற 22 வயது பெண், கடந்த வெள்ளிக்கிழமை தன் ஆண் நண்பர்களுடன் கிளப்பிற்கு சென்று மது அருந்திவிட்டு, இரவு 11 மணியளவில் காரில் திரும்பிக் கொண்டிருந்தார். மது அருந்திய நிலையில் ஷிவானி காரை ஓட்டியதால், கார் அதிவேகமாக சென்றதாக கூறப்படுகிறது.

கார் பஞ்சாபி பாக் மேம்பாலம் அருகே வந்த போது, எதிரே வந்த கார் மீது பயங்கரமாக மோதியது. இதனால் அந்த காரின் உள்ளே இருந்த பெண் ஒருவர் பரிதாபமாக இறந்துள்ளார்.

இது குறித்து தகவல்கள் தெரிவிக்கையில், விபத்திற்குள் சிக்கிய காரில் பயணம் செய்த குடும்பத்தினர் கோவிலுக்கு சென்று வீடு திரும்பிய போது இந்த சம்பவம் நடந்துவிட்டதாகவும், உள்ளே 4 பேர் இருந்ததாகவும், அதில் பூனம்(38) என்ற பெண் மருத்துவமனைக்கு கொண்டு செல்லப்பட்ட போதும் சிகிச்சை பலனின்றி பரிதாபமாக உயிரிழந்துள்ளார்.

இந்த விபத்தில் அந்த பெண்ணின் 13 வயது மகளும் பலத்த காயமடைந்துள்ளார். ஆண் நண்பர்களுடன் சேர்ந்து குடி போதையில் காரை ஓட்டி வந்த பெண்ணால், தற்போது 13 வயது சிறும் தன்னுடைய தாயை இழந்து நிற்கிறாள்.

நெல்லை மாவட்டம் திசையன்விளை அருகே கணவர் இறந்த செய்தி கேட்டு அடுத்த நிமிடமே மனைவியும் இறந்துள்ள சோக சம்பவம் நடந்துள்ளது.

திசையன்விளை அருகே உள்ள நவ்வலடியை சேர்ந்தவர் 83 வயதான மகாலிங்கம். இவருடைய மனைவி அபூர்வ மணிக்கு 73 வயதாகிறது. இந்த தம்பதியினருக்கு 5 மகன்கள், ஒரு மகள் உள்ளார். இதில் 2 மகன்கள் சொந்த ஊரிலும், மற்ற 3 மகன்கள் சென்னையிலும் தங்கி வேலை செய்து வருகின்றனர். மகள் திசையன்விளை பகுதியில் திருமணம் செய்து வைக்கப்பட்டுள்ளார்.

வயது முதிர்ச்சியின் காரணமாக தம்பதியினர் இருவருமே உடல்நிலை சரியில்லாமல் இருந்து வந்துள்ளனர். உள்ளூரில் தனித்தனியே வசித்து வரும் இரு மகன்களும் அடிக்கடி பெற்றோரையும் சென்று கவனித்து வந்துள்ளனர்.

இந்த நிலையில் மூத்தமகன் மகாலிங்கம், தாய், தந்தையை பார்ப்பதற்காக வீட்டிற்கு சென்றுள்ளார். அங்கு மகாலிங்கம் இறந்த நிலையில் கிடந்துள்ளார். அவர் இறந்தது கூட தெரியாமல் தாயும் இருந்துள்ளார். இதனையடுத்து தன்னுடைய உறவினர்கள் அனைவருக்கும் மகாலிங்கம் தகவல் கொடுத்துள்ளார்.

வீட்டிற்கு அதிகமானோர் வருவதை பார்த்த அபூர்வமணி, நடந்தது பற்றி கேட்டுள்ளார். அப்போது தான் அவருக்கு கணவர் இறந்தது பற்றி தெரிவிக்கப்பட்டுள்ளது. இதனை கேட்டு அதிர்ச்சியடைந்த அபூர்வ மணி, சம்பவ இடத்திலேயே மயக்கமடைந்து உயிரை விட்டுள்ளார். இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

ராஜஸ்தான் மாநிலத்தில் இறந்த முதியவர் இறுதிச்சடங்கில் போது, திடீரென உயிருடன் எழுந்துள்ள சம்பவம் அனைவருக்கு அதிர்ச்சியை ஏற்படுத்தியுள்ளது.

ராஜஸ்தான் மாநிலத்தின் வடமேற்குப் பகுதியில் உள்ள கிராமத்தை சேர்ந்தவர் 95 வயதான ராம். வயது முதிர்ச்சியின் காரணமாக படுக்கையிலே கிடந்த ராம், தீபாவளியன்று எழாமல் நீண்ட நேரம் உறங்கி கொண்டிருந்துள்ளார்.

அவரை பரிசோதித்து பார்த்த மருத்துவர் ராம் இறந்துவிட்டதாக குடும்பத்திற்கு தெரியப்படுத்தினர். உடனே அவருடைய உறவினர்கள் அனைவரும் வீட்டிற்கு வருகை தர ஆம்பித்தனர்.

உறவினர்கள் அனைவரும் அழுதுகொண்டிருக்கு, பூசாரியும், இறுதிச்சடங்கிற்கான வேலைகளை கவனிக்க ஆரம்பித்துள்ளார். அப்போது ராமின் உடலை கழுவ, அவருடைய நெஞ்சில் குளிர்ச்சியான நீரை ஊற்றியுள்ளனர். அடுத்த நிமிடமே திடீரென ராம் கண்விழுத்துள்ளார்.

இதனை பார்த்ததும் அங்கிருந்த உறவினர்கள் பயத்தில் திகைத்து போய் நின்றுள்ளனர். அதன் பின்னர் தான் தெரியவந்துள்ளது, ராம் நீண்ட நேரம் உறங்கிக்கொண்டிருந்துள்ளார் என்பது.

இந்த சம்பவம் குறித்து கூறியுள்ள அவருடைய மகன், தந்தை இறந்து விட்டதால், அனைவரும் சோகத்தில் மூழ்கிப்போனோம். ஆனால் அவர் திடீரென விழித்ததும் எங்களுக்கு மிகுந்த மகிழ்ச்சி. இதுதான் எங்களுடைய உண்மையான தீபாவளி என நினைத்தோம். அதனை நாங்கள் வெகுவிமரிசையாகவும் கொண்டாடினோம் என தெரிவித்துள்ளார்.

இந்தியாவில் ராணுவ பயிற்சியின் போது, பாரசூட் விரியாததால், 11 ஆயிரம் அடி உயரத்தில் இருந்து கீழே விழுந்த விமானப்படை வீரர் உயிரிழந்தார்.

பஞ்சாப் மாநிலத்தை சேர்ந்தவர் ஹர்தீப் சிங். இவர் 5 ஆண்டுகளுக்கு முன் இந்திய விமானப்படையில் இணைந்தார். இந்நிலையில் ஆக்ரா ராணுவ பயிற்சி பள்ளி வளாகத்தில், பறக்கும் விமானத்திலிருந்து பாராசூட் மூலம் கீழே குதிக்கும் பயிற்சியில் அவர் ஈடுபட்டார்.

விமானமானது 11 ஆயிரம் அடி உயரத்தில் பறந்து கொண்டிருந்தபோது, ஹர்தீப் சிங் கீழே குதித்தார். அப்போது, அவரது பாராசூட் விரியாததால், அங்கிருந்து ஹர்தீப் தரையில் விழுந்தார். விழுந்த வேகத்தில் படுகாயமடைந்து அவர் பரிதாபமாக உயிரிழந்தார்.

ஆந்திராவில் 17 வயது சிறுமி பலாத்காரம் செய்யப்பட்டு உயிரோடு எரித்து கொல்லப்பட்ட சம்பவம் அதிர்ச்சியை ஏற்படுத்தியுள்ளது.

விசாகப்பட்டினத்தை சேர்ந்தவர் பில்லாலா பத்மாவதி (17). இவர் தனது வீட்டருகில் வசிக்கும் ராஜூ என்ற தனது வயதுடைய சிறுவனை காதலித்து வந்தார். இதையறிந்த பத்மாவதியின் பெற்றோர் இருவரையும் கண்டித்தனர்.

இந்நிலையில் இரு தினங்களுக்கு முன்னர் பத்மாவதி அங்குள்ள காட்டு பகுதியில் எரிந்த நிலையில் சடலமாக கண்டெடுக்கப்பட்டார். பிரேத பரிசோதனையில் பத்மாவதி பெட்ரோல் ஊற்றி எரித்து கொல்லப்படுவதற்கு முன்னர் பலாத்காரம் செய்யப்பட்டது தெரியவந்தது.

இது தொடர்பாக பத்மாவதியின் காதலன் ராஜூ உட்பட மூன்று சிறுவர்களை பொலிசார் கைது செய்துள்ளனர். மூவரும் தான் இந்த செயலை செய்தார்கள் என சந்தேகிக்கும் பொலிசார் அவர்களிடம் தீவிர விசாரணை மேற்கொண்டு வருகிறார்கள்.