15 வயது சிறுமியை அழைத்துச் சென்று பாலியல் பலாத்காரம் செய்த குற்றத்திற்காக விளக்கமறியலில் வைக்கப்பட்ட தொடங்கொட பொலிஸ் நிலையத்தின் சமூக பொலிஸ் பிரிவின் பொறுப்பதிகாரி சேவையிலிருந்து உடனடியாக இடைநீக்கம் செய்யப்பட்டுள்ளார்.
‘’எங்களுக்காக நாங்கள்” நிகழ்ச்சித்திட்டத்திற்கு சிறுமியை அழைத்துச் செல்வதாக பெற்றோரிடம் கூறி அவர்களின் விருப்பத்திற்மைய சிறுமியை அழைத்துச் சென்று துஸ்பிரயோகம் செய்ததாக தெரிவிக்கப்படுகிறது.
இரண்டு பிள்ளைகளின் தந்தையான குறித்த பொலிஸ் பொறுப்பதிகாரியை கடந்த மாதம் 20 ஆம் திகதி அனுராதபுரம் நீதவான் நீதிமன்றத்தில் ஆஜர்படுத்திய பின்னர், அவரை நாளை வரை விளக்கமறியலில் வைக்குமாறு நீதிமன்றம் உத்தரவிட்டுள்ளது.
இந்த சம்பவத்தில் பாதிக்கப்பட்ட சிறுமி களுத்துறை நகொட மருத்துவனையில் மருத்துவ பரிசோதனைக்காக அனுமதிக்கப்பட்டுள்ளார்.
அநுராதபுரத்துக்கு சிறுமியை அழைத்துச் சென்ற பொறுப்பதிகாரி துஷ்பிரயோகம் செய்த பின்னர் சிறுமியை மீண்டும், தங்கியிருந்த ஓய்வு விடுதிக்கு அழைத்துச் சென்றுள்ளார். பின்னர் உணவு வாங்கி வருவதற்காக வெளியில் சென்ற வேளை மேலும் பயமடைந்த சிறுமி விடுதியில் இருந்து வெளியேறி அந்த இடத்தில் தங்கியிருந்த கிராம பாதுகாப்பு உத்தயோகத்தரிடம் சம்பவம் தொடர்பாக தெரிவித்துள்ளார்.
இந்த சம்பவத்திற்குப் பிறகு தொடங்கொடக்கு வந்த சிறுமி, தனக்கு நேர்ந்தவைகளைப் பெற்றோர்களிடம் தெரிவித்துள்ளார். அதன் பின்னர் பெற்றார் களுத்துறைப் பொலிஸ் நிலையத்தில் முறைப்பாடு செய்ததையடுத்து குறித்த நபர் கைது செய்யப்பட்டுள்ளதாக தெரிவிக்கப்படுகிறது.
