189 பேருடன் சென்ற பயணிகள் விமானத்தின் விமானி, விமானத்தில் பிரச்சனை ஏற்பட்டுள்ளதாகவும், அதன் காரணமாக அதை பாதுகாப்பாக தரையிரக்க முயற்சி செய்வதாக விமானகட்டுப்பாட்டு அறையுடன் கடைசியாக பேசியுள்ளார்.

இந்தோனேஷியாவில் பயணிகள் விமானம் ஒன்று கடலில் விழுந்து விபத்துக்குள்ளானது. இதில் விமானத்தில் பயணம் செய்த 189 பேரும் உயிரிழந்திருக்க கூடும் என்று அதிகாரிகள் கூறி வருகின்றனர்.

பயணிகளின் உடல்களை மீட்பு படையினர் மீட்டு வருகின்றனர். அவர்களுக்கு உள்ளூர் மீன்வர்களும் உதவி செய்து வருவதாக கூறப்படுகிறது.

இந்நிலையில் தேடல் மற்றும் மீட்பு நிறுவனத்தின் டைரக்டர் Bambang Suryo விமானத்தில் இருந்த அனைவரும் உயிர் பிழைப்பதற்கு வாய்ப்பே இல்லை. தற்போது வரை 26 பேரின் உடல்கள் மீட்கப்பட்டுள்ளதாக கூறியுள்ளார்.

மேலும் அதன் தலைமை அதிகாரி Marshal Muhammad Syaugi, விபத்துக்குள்ளான விமானத்தின் கருப்பு பெட்டியினை 30 பேர் கொண்ட குழுவினர் தேடி வருகின்றனர். அதுமட்டுமின்றி இந்த விபத்திற்கான காரணம் என்ன என்பது குறித்த ஆதாரங்களையும் தேடி வருகின்றனர்.

விமானம் கடலில் விழுந்த எந்த ஒரு குண்டு சத்தமும் கேட்கவில்லை என்று உள்ளூர் மக்கள் கூறுகின்றனர். அதனால் விமான விபத்திற்கு அது காரணமாக இருக்காது.

விமானத்தை இயக்கிய இந்திய விமானி Bhavye Suneja பயணிகளை காப்பாற்ற முயன்றுள்ளார். அவர் கடைசியாக விமான கட்டுப்பாட்டு அறைக்கு பேசுகையில், விமானத்தில் ஏதோ தொழில்நுட்ப கோளாறு ஏற்பட்டுள்ளது, இதனால் விமானத்தை பாதுகாப்பாக விமாநிலையத்தில் தரையிறக்க முயற்சிக்கிறேன் என்று கூறினார்.

அதற்கு கட்டுப்பாட்டு அறையில் இருந்து அனுமதியும் கொடுக்கப்பட்டது. ஆனால் அனுமதி கொடுக்கப்பட்ட சில நிமிடங்களில் விமானத்தின் சிக்னல் எதுவும் கிடைக்கவில்லை.

அது தான் அவர் பேசிய கடைசி பேச்சாகும். இந்தவிபத்தில் அவரும் இறந்துவிட்டார் என்று விமான கட்டுப்பாட்டு அதிகாரிகள் கூறியுள்ளனர்.

இந்தோனேசியா விமான விபத்தில் சிக்கிய ஒரு பெண்ணின் மகளிடம் அது குறித்து கூறப்பட்ட நிலையில் பள்ளிக்கூடத்திலேயே கதறி அழுதுள்ளார்.

நாட்டின் ஜகர்டா நகரிலிருந்து பிங்கல் பினாங்குக்கு 189 பேருடன் விமானம் கிளம்பிய நிலையில் 13வது நிமிடத்தில் மாயமானது. இதையடுத்து விமானம் கடலில் மூழ்கியதாக அறிவிக்கப்பட்டது. விமானத்தையும், உள்ளிருந்தவர்களின் சடலங்களையும் தேடும் பணி நடைபெற்று வருகிறது.

இந்நிலையில் விமானத்தில் பிபி ஜஜண்டோ என்ற பெண் பயணம் செய்துள்ளார். இதையடுத்து அவர் கடலில் மூழ்கிய விபரம் பள்ளிக்கூடத்தில் இருந்த அவரது மகள் கேஷியா (14) விடம் கூறப்பட்டது இதை கேட்டு கேஷியா கதறி அழுதார். பின்னர் ஒருவழியாக தன்னை தேற்றி கொண்டுள்ளார்.

சிறுமி கேஷியா கூறுகையில், என் அம்மா கடலில் மூழ்கிய செய்தி என்னை அதிர்ச்சியடைய வைத்தது. என்னை போல விமான விபத்தில் தங்களது சொந்தங்களை பறிகொடுத்தவர்கள் பலரும் அழுது கொண்டிருக்கிறார்கள்.

இந்த பாதிப்பு எனக்கு மட்டுமில்லை என்பதை புரிந்துகொண்டேன், இதனால் நான் தைரியமாக இருக்க வேண்டும் என்பதை உணர்ந்துள்ளேன். என் அம்மா என்னிடம் மிகவும் அன்பாக இருப்பார். இந்த விபத்து ஏன் நடந்தது என தெரியவில்லை என கூறியுள்ளார்.

இந்தோனேஷியாவில் கடலில் விழுந்து நொறுங்கியதில் அனைவரும் பலியாகியிருக்கலாம் என்று அஞ்சப்படும் நிலையில், விமானத்தில் பயணம் செய்த நபர் ஒருவரின் புகைப்படம் வெளியாகியுள்ளது.

இந்தோனேசியாவின் ஜகர்தாவில் இருந்து, சுமத்ரா தீவு அருகில் இருக்கும் பங்கல் பினாங் நகரத்திற்கு நேற்று காலை புறப்பட்டுச் சென்ற விமானம் நடுவானில் மாயமானது.

189 விமானிகளுடன் பயணித்த இந்த விமானம், 13 நிமிடங்கள் கழித்து விமான நிலையத்துடனான தொடர்பில் இருந்து விலகியது. இந்த விமானம் போயிங் 737 மேக்ஸ் 8 ரக விமானமாகும்.

6 விமான ஊழியர்கள், இரண்டு விமான ஓட்டிகள், 181 பயணிகள் என 189 நபர்கள் மாயம். அந்த 181 பயணிகளில் 1 குழந்தை மற்றும் 2 பச்சிளங்குழந்தைகளும் பயணித்திருந்தனர்.

இதனால் அந்த விமானம் என்ன ஆனது என்பது தெரியாததால் பரபரப்பு ஏற்பட்டது. இதையடுத்து விமானத்தை தேடும் பணி தொடங்கப் பட்டது. விமானத்தில் எத்தனை பயணிகள் இருந்தனர் என்கிற விவரங்கள் உடனடியாகத் தெரியவில்லை.

இந்நிலையில் அந்த விமானம் கடலில் விழுந்து நொறுங்கியது உறுதியானது. விமானத்தில் பயணம் செய்த அனைவரும் உயிரிழந்திருக்கக் கூடும் என்று அஞ்சப்படுகிறது.

உடைந்த விமான பாகங்கள் கடலில் மிதப்பதாகவும் மோசமான வானிலை காரணமாக இந்த விபத்து நேர்ந்திருக்கலாம் என்றும் தகவல்கள் தெரிவிக்கும் நிலையில், பிரபல ஆங்கில ஊடகம் விமானத்தில் பயணம் செய்த இளைஞர் ஒருவரின் புகைப்படத்தை வெளியிட்டுள்ளது.

அதில் அந்த இளைஞரின் பெயர் Deryl Fida Febrianto எனவும் அவர் தன் தாய் மற்றும் தந்தையுடன் பட்டமளிப்பு விழாவின் போது எடுக்கப்பட்ட புகைப்படம் என குறிப்பிட்டுள்ளது.

அதுமட்டுமின்றி விமானத்தில் அவர் மாஸ்க் போட்ட நிலையில் இருப்பது போன்ற புகைப்படமும் வெளியாகியுள்ளது.

மேலும் அந்த இளைஞனின் தாய் தன் மகனுக்கு என்ன ஆனது என்பது உறுதியாக தெரியாமல் Pangkal Pinang-ல் இருக்கும் Depati Amir விமானநிலையத்தில் கண்ணீருடன் காத்திருக்கிறார்.
இவருக்கு இரண்டு வாரங்களுக்கு முன்பு தான் திருமணம் ஆகியுள்ளது.

Deryl Fida Febrianto குறித்து விமானநிலையத்தில் இருக்கும் அவரது மனைவி Lutfinani Eka Putri(23) கூறுகையில், விமானம் புறப்படுவதற்கு முன்பு விமானத்தில் இருந்த நிலையில் அவர் புகைப்படம் எடுத்து அனுப்பினார், எனக்கு தொடர்ந்து குறுந்தகவல் அனுப்பிய படி இருந்தார். அதன் பின் திடீரென்று உள்ளூர் நேரப்படி காலை 06.15மணிக்கு அவரிடமிருந்து எந்த ஒரு பதிலும் இல்லை.

நான் ஏதோ சிக்னல் பிரச்சனை என்று நினைத்தேன், அதன் பின் செய்தியை பார்த்த போது விமானம் விபத்தில் சிக்கியதை அறிந்தேன். உடனடியாக என் கணவர் விமானத்தின் நம்பரையும், அதையும் சோதித்து பார்த்த போது அதிர்ச்சியடைந்தேன், என் கணவருக்கு எதுவும் ஆகியிருக்க கூடாது என்று கதறி அழுதுள்ளார்.

இதே போன்று Depati Amir விமானநிலையத்தில் ஏராளமான உறவினர்கள் தங்கள் சொந்தபந்தங்களுக்கு எதுவும் ஆகியிருக்க கூடாது என்று பிரார்த்தனை செய்து வருகின்றனர். ஆனால் அங்கிருக்கும் மீட்பு படை அதிகாரி ஒருவர் யாரும் உயிர் பிழைத்திருந்த வாய்ப்பில்லை என்று கூறுகிறார். ஆனால் எத்தனை பேர் இறந்துள்ளனர் என்பது குறித்து இன்னும் உறுதியான தகவல் வெளியாகவில்லை.

இதற்கிடையில் கடலில் பயணிகளின் வாலட் மற்றும் அவர்கள் பயன்படுத்திய செல்போன் போன்றவைகளும், விமானநிலையத்தில் தங்கள் உறவினர்களை நினைத்து பலர் கதறி அழுவது தொடர்பான புகைப்படங்களும் வெளியாகி பார்ப்போரை கண்கலங்க வைக்கிறது.

இந்தோனேசியாவில் விபத்துக்குள்ளான விமானத்தை ஒட்டியது இந்தியாவை சேர்ந்த விமானி என்ற தகவல் தற்போது வெளியாகியுள்ளது.

இந்தோனேசியாவில் செயல்பட்டு வரும், போயிங் 737 மேக்ஸ் 8 வகையை சேர்ந்த லையன் ஏர் பயணிகள் விமானம், 189 பேருடன், தலைநகர் ஜகார்த்தாவில் இருந்து பங்கல் பினாங் தீவு நோக்கி புறப்பட்டுள்ளது. விமானம் புறப்பட 13 நிமிடங்களில் திடீரென கட்டுப்பாட்டு அறையின் தொடர்பை இழந்து மாயமானது.

ஒரு சிறுவன், 2 கைக்குழந்தைகள் உட்பட 181 பயணிகள் மற்றும் 8 விமான பணியாளர்களுடன் புறப்பட்ட விமானம் திடீரென மாயமான சம்பவம் பெரும் பரபரப்பை ஏற்படுத்தியிருந்த நிலையில், விரைந்து நடவடிக்கை மேற்கொண்ட மீட்பு படையினர், விமானம் கடலில் மூழ்கியிருந்ததை கண்டறிந்தனர். இதில் பயணிகள் அனைவரும் உயிரிழந்திருக்கலாம் என அஞ்சப்படுகிறது.

இந்த நிலையில் விமானத்தை ஓட்டிச்சென்ற இரு விமானிகளின் ஒருவர், டெல்லி மயூர் விஹார் பகுதியைச் சேர்ந்த பாவ்யே சுனேஜா (31) என்பது தெரியவந்துள்ளது.

2011ம் ஆண்டு லயன் ஏர் நிறுவனத்தில் பணிக்கு சேர்ந்த சுனேஜா, விரைவில் இந்தியாவிற்கு திரும்ப இருந்ததாகவும், வேறு ஒரு விமான நிறுவனத்தில் பணிக்கு சேர இருந்ததாகவும் தற்போது செய்திகள் வெளியாகியுள்ளன.

வழக்கமான சோதனையின் போது கொடுக்கப்பட்ட மயக்கமருந்தால் பிரித்தானியாவை சேர்ந்த சிறுமி பரிதாபமாக பலியாகியுள்ள சம்பவம் சோகத்தை ஏற்படுத்தியுள்ளது.

பிரித்தானியாவில் சாதாரண சிகிச்சைக்கு சென்ற, அலிஸ் ஸ்லோமன் என்ற 14 வயது சிறுமி திடீரென ஏற்பட்ட மாறுதல்களால் பரிதாபமாக பலியாகியுள்ளார்.

இந்த சம்பவம் குறித்து கூறிய சிறுமியின் தாய் சாரா, எனக்கு அலிசை சேர்ந்து 19, 12 மற்றும் 6 வயதில் 4 குழந்தைகள் உள்ளனர். அலைசா பிறந்தது முதலே பல்வேறு நோய்களால் பாதிக்கப்பட்டிருந்தார். அவருக்கு ஆட்டிசம், பார்வை குறைபாடு மற்றும் ஹைபரோமொபிலிட்டி நோய்கள் இருந்தது. இதனால் சிறிய குழந்தை போலவே எப்பொழுதும் விளையாடி கொண்டிருந்தாள்.

14 வயதை கடந்தும் சிறுமியை போல இருந்தாள். அவளுடைய பிட்யூட்டரி சுரப்பி சரியாக ஹார்மோனை உற்பத்தி செய்யவில்லை. இதனால் அவளுக்கு தினமும் ஹார்மோன் ஊசி போட்டு வந்தது.

இந்த நிலையில் அவள், திடீரென சிரித்துக்கொண்டும், பாடல் பாடிக்கொண்டும் இருந்தாள். அவளை மருத்துவமனைக்கு அழைத்துக்கொண்டு போய் எம்.ஆர்.ஐ ஸ்கேன் எடுத்து பார்க்குமாறு அவளுடைய ஆலோசகர் கூறியிருந்தார்.

அதன்பேரில் நாங்களும் மருத்துவமனைக்கு சென்றோம். அங்கு ஸ்கேன் செய்வதற்கு முன்பு அவளுக்கு மயக்கமருந்து கொடுக்கப்பட்டது. அடுத்த சில நிமிடங்களில் அவளுடைய இதயம், சீரான அளவை தாண்டி அதிகமான முறை துடிக்க ஆர்மபித்தது.

உடல் வெப்பநிலை தொடர்ந்து அதிகரித்தது. உடனே குழந்தைகள் நல மருத்துவமனைக்கு அலைசாவை கொண்டு சென்றோம். அங்கு அனுமதிக்கப்பட்ட 72 மணிநேரத்தில் அவள் எங்களைவிட்டு பிரிந்துவிட்டாள்.

பின்னர் பிரேத பரிசோதனை மேற்கொண்ட மருத்துவர்கள், அவளுடைய இதயம் 14 வயது குழந்தையின் இதயத்தை விட வலிமையிழந்து காணப்பட்டதாக கூறினார். அவளுடைய வலது ஆரிக்கிள் பாதிக்கப்பட்டிருந்ததாலே இந்த சோக சம்பவம் நடந்ததாக தெரிவித்துள்ளார்.

இதுகுறித்து எச்சரிக்கை விடுத்துள்ள சாரா, பெற்றோர்கள் யாரேனும் குழந்தைகளுக்கு மயக்கமருந்து கொடுத்தால், அதற்கு முன்னதாக அவர்களுடைய இதயம் சீராக உள்ளதா என்பதை பரிசோதனை செய்த பின்னர் கொடுங்கள் என கூறியுள்ளார்.