படுக்கையறைகளில் கையடக்கத் தொலைபேசிகளை பயன்படுத்துவது ஆபத்தை ஏற்படுத்தும் என சுகாதார அமைச்சு இலங்கையர்களுக்கு அறிவித்துள்ளது.

படுக்கையறையில் கையடக்கத் தொலைபேசியை பயன்படுத்துவதால் மூளை மற்றும் நுரையீரலுக்கு பாதிப்பு ஏற்படும் என சுட்டிக்காட்டப்பட்டுள்ளது.

உறங்க செல்வதற்கு முன்னர் படுக்கையறையில் இருந்து அவ்வாறான பொருட்களை அகற்றுமாறு பாவனையாளர்களை சுகாதாரப்பிரிவு கேட்டுக் கொண்டுள்ளது.

உலக மனநல தினத்தை முன்னிட்டு சுகாதார மேம்பாட்டு பணியகத்தில் அண்மையில் நடைபெற்ற கலந்துரையாடலில் இந்த விடயம் தொடர்பில் குறிப்பிடப்பட்டுள்ளது.

அத்துடன் நீண்ட நேரம் கையடக்கத் தொலைபேசியை பயன்படுத்துவதும் உடல்பாதுகாப்பிற்கு ஆபத்தை ஏற்படுத்தலாம் என்ற விடயமும் இதன்போது சுட்டிக்காட்டப்பட்டுள்ளதாக தேசிய

உயிரிழந்த தந்தையின் சடலத்தை வணக்கி விட்டு, ஐந்தாமாண்டு புலமைப்பரிசில் பரீட்சை எழுதச் சென்ற மாணவி சித்தி அடைந்துள்ளார்.

அம்பாறையில் யானையின் தாக்குதலுக்கு இலக்காகி தந்தை உயிரிழந்த நிலையில், மாணவி ஒருவர் பரீட்சைக்கு தோற்றியிருந்தார்.

அம்பாறை, மரியகந்த பிரதேசத்தில் சேர்ந்த 10 வயதான விஹங்கி ஆகர்ஷா என்ற மாணவியே பரீட்சையில் சித்தியடைந்து வியப்பை ஏற்படுத்தியுள்ளார்.

புலமைபரிசில் பரீட்சைக்கு முதல் நாள் மாணவியின் தந்தை மோட்டார் சைக்கிளில் பயணித்துக்கொண்டிருந்த போது காட்டு யானையின் தாக்குதலுக்கு உள்ளாகி உயிரிழந்தார்.

தந்தையை இழந்த சோகம் தாக்க முடியாமல் பரீட்சைக்கு செல்ல மறுத்த மாணவி, வீட்டியில் இருந்தார். எனினும் மாணவி கல்வி கற்கும் பாடசாலையின் அதிபர் மாணவியின் வீட்டிற்கு சென்று, அவருக்கு ஆறுதல் கூறி பரீட்சையில் தோற்ற வைத்தார்.

அதற்கமைய நேற்று வெளியான ஐந்தாமாண்டு புலமைப்பரிசில் பரீட்சையின் பெறுபேறுகளுககு அமைய குறித்த மாணவி, சித்தியடைந்துள்ளார் என தகவல் வெளியாகியுள்ளது.

மாணவி சித்தி அடைந்தமை பாடசாலைக்கு மட்டுமன்றி, அந்தப் பகுதி மக்களுக்கு பெருமை சேர்ந்த விடயமாக மாறியுள்ளதாக மக்கள் மகிழ்ச்சி வெளியிட்டுள்ளனர்.

கொழும்பின் பல பகுதிகளில் அதிகாலை முதல் அடை மழை பெய்து வருகிறது. இதன் காரணமாக மக்கள் இயல்பு வாழ்க்கை பாதிப்படைத்துள்ளது.

பிரதான வீதிகளில் லேசான வெள்ள நிலைமை காணப்படுவதால் போக்குவரத்து நெரிசலும் காணப்படுவதாக அறிவிக்கப்பட்டுள்ளது.

இலங்கையில் நிலவும் மழையுடன் கூடிய காலநிலை மேலும் அதிகரிக்கும் என்று வளிமண்டலவியல் திணைக்களம் அறிவித்துள்ளது.

நாட்டின் பெரும்பாலான இடங்களில் மழை பெய்யும். மத்திய, வடமேல், வடமத்திய, ஊவா, சப்ரகமுவ மாகாணங்களிலும், மன்னார் மாவட்டத்திலும், 100 மில்லி மீற்றர்களை தாண்டிய மழை பெய்யலாம்.

மேற்கு, தென் மாகாணங்களின் கரையோரப் பிரதேசங்களில் அடைமழை பெய்யும். சப்ரகமுவ, மேற்கு, மத்திய மாகாணங்களில் சில இடங்களில் காலை நேரத்தில் பனிமூட்டமான காலநிலை நிலவும் என்று வளிமண்டலவியல் திணைக்களம் தெரிவித்துள்ளது.

இதேவேளை அடுத்த வரும் நாட்களில் தமிழகத்தில் அடைமழை பெய்யும் என அந்நாட்டு வானிலை மையம் சிவப்பு எச்சரிக்கை விடுத்துள்ளது.

தமிழகத்தில் பெரும் வெள்ளப்பெருக்கு ஏற்பட்டலாம் என எச்சரிக்கப்பட்டுள்ள அதேவேளை இலங்கையிலும் பல்வேறு பகுதிகளில் அடைமழை பெய்து வருகின்றமையால் வெள்ளப்பெருக்கு ஏற்பட்டுள்ளது.

அடுத்து வரும் சில தினங்களில் தமிழகம், இலங்கையின் பல பகுதிகளின் வெள்ளத்தில் மூழ்கும் என அமெரிக்காவை தளமாக கொண்ட வானிலை நிறுவனம் ஒன்று எச்சரிக்கை விடுத்திருந்தமை குறிப்பிடத்தக்கது.

காலி தடல்ல பிரதேச கடற்கரைப் பகுதியில் அமைந்துள்ள தாழை மரமொன்றில் கடந்த 2ம் திகதி தூக்கில் தொங்கிய நிலையில் மீட்கப்பட்ட சிறுமியின் சடலம் தொடர்பான மரண பரிசோதனைகள் ஆரம்பிக்கப்பட்டுள்ளன.

இந்தநிலையில் சிறுமியின் சடலத்தின் உடற்பாகங்கள் மேலதிக பரிசோதனைக்காக அரசாங்க ஆய்வாளருக்கு அனுப்பி அதன் அறிக்கை கிடைத்த பிறகு மரணத்திற்கான காரணத்தை கூற முடியும் என கராப்பிட்டிய வைத்தியசாலை வைத்தியர் அஜித் ரத்னவீர தெரிவித்துள்ளார்.

கடந்த 2ம் திகதி கொடகவெல பல்லேவத்த பிரதேசத்தைச் சேர்ந்த 13 வயதான ஹிருணி சுனேத்ரா விஜேசிங்க என்ற சிறுமி தாழை மரமொன்றில் தூக்கில் தொங்கிய நிலையில் சடலமாக மீட்கப்பட்டார்.

அதன் பின்னர் சம்பவ இடத்திற்கு சென்ற காலி நீதவான் நீதிமன்ற நீதிபதி மரண பரிசோதனைகளுக்காக சடலத்தை கராப்பிட்டிய வைத்தியசாலையில் ஒப்படைக்குமாறு உத்தரவிட்டிருந்தார்.

இந்த நிலையில் ஓகஸ்ட் மாதம் குறித்த சிறுமியை பஸ் நடத்துனர் ஒருவர் ஹொட்டலுக்கு அழைத்துச் சென்று துஸ்பிரயோகம் செய்ததாகவும் அந்த சம்பவம் தொடர்பாக குறித்த நபரை கைது செய்வதற்கு முடியாமல் இருப்பதால் ஹொட்டல் உரிமையாளர் கொடகவெல பெண்கள் மற்றும் சிறுவர் பிரிவு பொலிஸ் அதிகாரிகளால் கைது செய்யப்பட்டார்.

அதுதொடர்பான வழக்கு இரத்தினபுரி நீதிமன்றில் நடைபெறுவதாகவும் குறித்த சிறுமியை நன்னடத்தை இல்லத்தில் தங்குமாறு உத்தரவு பிறப்பிக்கப்பட்டிருந்ததாகவும் பொலிஸாரின் விசாரணைகளின் மூலம் தெரியவந்துள்ளது.

தரம் ஐந்து புலமைப்பரிசில் பரீட்சையில் சித்தி பெறாத மாணவர்களை உள ரீதியாக காயப்படுத்த வேண்டாம் என சுகாதார அமைச்சு பெற்றோரிடம் கோரிக்கை விடுத்துள்ளது.

சுகாதார அமைச்சின் உளவியல் சுகாதார பிரிவின் பணிப்பாளர் நிபுணத்துவ மருத்துவர் சித்ரமாலி டி சில்வா இந்த கோரிக்கையை விடுத்துள்ளார். அவர் தொடர்ந்தும் கோருகையில்,

தரம் ஐந்து புலமைப்பரிசில் பரீட்சையில் உரிய அடைவினை பெற்றுக் கொள்ள தவறிய மாணவர்களை பெற்றோர் திட்டக்கூடாது.

அடுத்து வரும் பரீட்சைகளில் சித்தி எய்த முடியும் என அவர்களை தைரியமூட்ட வேண்டும். தரம் ஐந்து புலமைப்பரிசில் பரீட்சை பெறுபேறுகள் நேற்றைய தினம் வெளியாகியுள்ளன.

இந்த நிலையில் சில மாணவர்கள் சித்தி எய்தியிருப்பார்கள். மேலும் ஒரு தொகுதி மாணவர்கள் சித்தி எய்த தவறியிருப்பார்கள்.

பரீட்சையில் சித்தி எய்த தவறியமைக்காக தங்களது பிள்ளைகளை பெற்றோர் திட்டித் தீர்க்கக் கூடாது. “ஏன் புள்ளிகளை பெற்றுக் கொள்ளவில்லை, பாருங்கள் எத்தனை வகுப்புக்களுக்கு நாம் உங்களை அனுப்பியிருக்கின்றோம்” என கூறக்கூடாது.

ஏனைய பிள்ளைகளுடன் உங்கள் பிள்ளைகளை ஒப்பீடு செய்வதனை தவிர்த்து கொள்ளவும். பரீட்சையில் சித்தி எய்திய மற்றும் எய்த தவறிய மாணவ மாணவியரை உள ரீதியாக வீழ்த்த வேண்டாம் என குறிப்பிட்டுள்ளார்.

அத்துடன், பிள்ளைகளை தூற்றுவதனால் அவர்கள் பிழையான முடிவுகளை எடுப்பதற்கான வாயப்பும், அவர்கள் உள ரீதியாக பாதிக்கப்படக்கூடிய வாய்ப்பும் உள்ளதாக அவர் பெற்றோரை எச்சரித்துள்ளார்

இலங்கையில் இளைஞனின் புதிய கண்டுபிடிப்பு தொடர்பில் நாட்டுக்கள் பெரும் மகிழ்ச்சி அடைந்துள்ளனர். வாகன தயாரிப்பு துறையில் ஆர்வம் கொண்டுள்ள இளைஞன், வித்தியசமான மோட்டார் வாகனம் ஒன்றை தயாரித்துள்ளார்.

அனுராதபுரத்தை சேர்ந்த 21 வயதான தினேஷ் ராஜபக்ச என்ற இளைஞனே வித்தியாசமான முறையில் ஈடுபட்டு வெற்றி பெற்றுள்ளார்.

மோட்டார் வாகனம் முன்னோக்கி பயணிக்கும் போது தடை ஏற்பட்டால், மீண்டும் பின் பக்கமாக திரும்பி தடை இன்றி பயணிக்க கூடிய வகையில் தயாரிக்கப்பட்டுள்ளது.

புதிய கண்டுபிடிப்பான வாகனம் பயணித்து கொண்டிருக்கும் போது, கையடக்க தொலைபேசியில் கட்டுப்படுத்தும் வகையில் தயாரிக்கப்பட்டுள்ளது.

அத்துடன் மோட்டார் வாகனம் பயணிக்க முடியாத வகையில் ஆழமான பள்ளங்கள் காணப்பட்டால், தானாகவே நின்று பின்னால் நோக்கி பயணிப்பதே கண்டுபிடிப்பின் விசேட தன்மையாகும்.

தினேஷின் அபார கண்டுபிடிப்பினை மேம்படுத்த உதவிகளை தேவைப்படுவதாக அறிவிக்கப்பட்டுள்ளது. அவ்வாறு உதவும் பட்சத்தில் இலங்கையில் தனித்துவமான மோட்டார் வாகனம் தயாரிக்கும் அளவு திறமையானவர் என தெரிவிக்கப்படுகின்றது.

குறித்த இளைஞனின் தாயார் வெளிநாட்டில் வசிக்கின்ற நிலையில், தந்தை எரிபொருள் நிரப்பு நிலையத்தில் பணியாற்றி வருகின்றார்.

நாடளாவிய ரீதியில் 2018ஆம் ஆண்டுக்கான ஐந்தாமாண்டு புலமைப்பரிசில் பரீட்சைக்கான பெறுபேறுகள் இன்று வெளியாகி உள்ளன.

இதன் அடிப்படையில், 6 வருடங்களுக்கு பின்னர் கல்முனை ஸ்ரீ முருகன் வித்தியாலய மாணவி ஒருவர் படைத்துள்ள சாதனையை கிராமமே போற்றுகின்றது.

மத்தியமுகாம் பின்தங்கிய கிராமத்தில் ஸ்ரீ முருகன் வித்தியாலயத்தில் பயின்று வருகின்ற யோகராசா திலக்சிகா என்ற மாணவியே 172 புள்ளிகளை பெற்றுள்ளார்.

கற்றலில் ஊக்கம் நிறைந்த மாணவியாக திகழ்கின்ற திலக்சிக்கா ஆரியர்களுக்கு கீழ்ப்படிவான மாணவியும் கூட இதுவே மாணவியின் வெற்றியின் ரகசியம் என்று வித்தியாலய அதிபர் க.கதிரைநாதன் தெரிவித்துள்ளார்.

இதேவேளை, கற்பித்த ஆசிரியர் சக ஆசிரியர்களுக்கு நன்றியை தெரிவித்துக் கொள்வதாகவும், எதிர்காலத்தில் மக்கள் சேவகியாக திகழ்வதே எனது இலக்காகும் என்று யோகராசா திலக்சிகா குறிப்பிட்டுள்ளார்.

இவ்வருடத்திற்கான தரம் ஐந்து புலமைப்பரிசில் பரீட்சைக்கான பெறுபேறுகள் இன்றைய தினம் காலை வெளியாகியிருந்தன.

நாடளாவிய ரீதியில் பல்வேறு மாணவர்கள் அதி உயர் சித்திகளைப் பெற்று, தமது வீட்டுக்கும் பாடசாலைக்கும் பெறுமை சேர்த்திருந்தனர்.

இந்நிலையில், முல்லைத்தீவில் வசிக்கும் யுத்தத்தால் கடுமையாக பாதிக்கப்பட்டு தனது கையை இழந்த சிறுமி ஒருவரின் சாதனை அனைவரையும் அவர்பால் ஈர்க்கச் செய்துள்ளது.

முல்லைத்தீவு, முள்ளியவளை கலைமகள் வித்தியாலய மாணவி ராகினி 169 புள்ளிகளைப் பெற்று சித்தியடைந்துள்ளார்.

கடந்த மூன்று தசாப்த காலமாக வடக்கு, கிழக்கு தாயகத் தமிழர்களை வதைத்து எடுத்த கோர யுத்தம் இந்த சிறுமியையும் விட்டுவைக்கவில்லை.

அந்த கொடூரங்களின் அடையாளமாக தனது கையை இழந்த நிலையிலும், அதில் மனம் தளராது இன்று அதி உயர் சித்தியினைப் பெற்று சாதனைப் படைத்துள்ளார்.

குறித்த மாணவியின் இந்த சாதனையை பலரும் வெகுவாகப் பாராட்டி வருவதுடன் அதிகமானவர்களை கண்கலங்க வைத்துள்ளது.