தன்னுடைய தாயை ஆபாசமாக திட்டியதால், வாலிபரை கொலை செய்தேன் என கொலையாளி பொலிசாரிடம் கூறியிருக்கும் சம்பவம் அதிர்ச்சியை ஏற்படுத்தியுள்ளது.

கர்நாடக மாநிலம் மண்டியா மாவட்டம் மலவள்ளி தாலுகா சிக்கபாகிலு கிராமத்தை சேர்ந்தவர் கிரீஷ் (35). அதேப்பகுதியை சேர்ந்தவர் பசுபதி(28).

இவர்கள் இரண்டு பேரும் நண்பர்கள் என்று கூறப்படுகிறது. இந்நிலையில் கிரீஷிசுக்கும், பசுபதியின் தாய்க்கும் இடையே திடீரென்று தகராறு ஏற்பட்டுள்ளது.

அப்போது கிரீஷ் பசுபதியின் தாயை அவதூறாக பேசியதோடு மட்டுமின்றி, ஆபாசமாகவும் திட்டியுள்ளார். இதனால் பசுபதி இது குறித்து அவரிடம் கேட்ட போது, இருவருக்கும் சண்டை ஏற்பட்டுள்ளது.

இந்த நிலையில் நேற்று காலை சிக்கபாகிலு பகுதியில் உள்ள விவசாய தோட்டத்தில் கிரீஷ் நின்று கொண்டு இருந்தார். அப்போது அங்கு சென்ற பசுபதி, கிரீசிடம் தனது தாயை ஆபாசமாக திட்டியது பற்றி கேட்டு உள்ளார்.

இதுதொடர்பாக அவர்களுக்குள் மீண்டும் தகராறு ஏற்பட்டுள்ளது. இந்த தகராறு முற்றி கைகலப்பாக மாறியதாக தெரிகிறது. அப்போது ஆத்திரம் அடைந்த பசுபதி அருகில் கிடந்த கோடரியால் கிரீசை வெட்டி உள்ளார். இதில் ரத்தவெள்ளத்தில் கிரீஷ் சம்பவ இடத்திலேயே சரிந்து விழுந்து பரிதாபமாக இறந்து உள்ளார்.

ஆனாலும் ஆத்திரம் தீராத பசுபதி, கிரீசின் தலையை கோடரியால் வெட்டி அதன் பின் துண்டித்த தலையை கையில் எடுத்து கொண்டு ரத்தம் சொட்ட சொட்ட அங்கிருந்த காவல்நிலையத்திற்கு பசுபதி சென்றார். இதை பார்த்து அதிர்ச்சியடைந்த பொலிசார் அவரை உடனடியாக கைது செய்தனர்.

அதன் பின் அவரிடம் விசாரணை மேற்கொண்ட போது, எனது தாயை ஆபாசமாக திட்டிய கிரீசை ஒன்றும் செய்யாமல் விட்டுவிட்டால், நான் வாழ்வதற்கே தகுதியில்லை. அதனால் தான் அவரை கோடரியால் வெட்டி கொலை செய்தேன் என்று கூறியுள்ளார்.

இந்தியாவின் பஞ்சாப்பில் காதலுக்கு எதிர்ப்பு தெரிவித்த பெண்ணின் குடும்பத்தார், இளைஞரை கொடூரமாக கொலை செய்த சம்பவம் அதிர்ச்சியை ஏற்படுத்தியுள்ளது.

உமேஷ்குமார் (26) என்ற இளைஞரும் மது (22) என்ற பெண்ணும் சில ஆண்டுகளாக காதலித்து வந்துள்ளனர். இந்த காதலுக்கு மதுவின் குடும்பத்தார் எதிர்ப்பு தெரிவித்துள்ளனர்.

இதையடுத்து இரண்டு மாதங்களுக்கு முன்னர் வீட்டை விட்டு ஓடிய உமேஷும், மதுவும் தனி வீடு எடுத்து வசித்து வந்தனர்.
இந்நிலையில் குடும்பத்தினர் மிரட்டல் காரணமாக மீண்டும் கடந்த 22-ஆம் திகதி இருவரும் தங்கள் வீடுகளுக்கு திரும்பினார்கள்.

இதையடுத்து நேற்று மதுவின் சகோதரர் அஜித்குமார், தந்தை ரமேஷ் மற்றும் தாய் கலாவதி ஆகியோர் உமேஷுக்கு போன் செய்து அவரை சந்திக்க வேண்டும் என கூறி தங்கள் வீட்டுக்கு அழைத்துள்ளனர்.

உமேஷ் அங்கு சென்ற நிலையில் மூவரும் சேர்ந்து அவரை கழுத்தை நெரித்து துடிதுடிக்க கொலை செய்தனர்.

இது குறித்து பொலிசுக்கு தகவல் தரப்பட்ட நிலையில் மூவரையும் கைது செய்துள்ள பொலிசார் சம்பவம் குறித்து விசாரித்து வருகிறார்கள்.

ராமநாதபுரம் மாவட்டத்தை சேர்ந்த 45 வயதான நபர் ஒருவர் அழகான பெண் என நம்பி பேஸ்புக்கில் லைக் போட்டதற்காக 80 ஆயிரம் ரூபாயை இழந்துள்ளார்.

தனியார் நிறுவனத்தில் வேலை பார்த்து வரும் தனசேகரன் என்பவருக்கு திருமணமாகி 2 குழந்தைகள் உள்ளனர். இவர் பேஸ்புக் தளத்தை அதிகமாக பயன்படுத்தும் பழக்கம் கொண்டவர். சில மாதங்களுக்கு முன்பு அவரது பேஸ்புக்குக்கு காயத்ரி என்ற பெயரில் நட்புக்கான அழைப்பு வந்ததும், அதனை பார்த்துள்ளார்.

அதில் அழகான ஒரு பெண்ணின் புகைப்படம் இருந்தையடுத்து, அந்த புகைப்படத்திற்கு லைக் போட்டு, அந்த நட்புக்கான அழைப்பை ஏற்றுக்கொண்டார். இதனைத்தொடர்ந்து இருவரும் சமூகவலைதளத்தில் சாட்டிங் செய்ய ஆரம்பித்துள்ளனர்.

அப்போது ஒரு முறை தனக்கு வாய் பேச முடியாது, தனக்கு திருமணம் ஆகி கணவர் வெளிநாட்டில் உள்ளார். இங்கு தான் மடடும் வீட்டில் தனியாக இருப்பதாகவும் தெரிவித்துள்ளார்.

மேலும், செல்போன் எண்களை பரிமாறிக்கொண்ட இவர்கள் போனில் பேசிக்கொள்ள ஆரம்பித்தனர். ஒரு முறை வாட்ஸ்அப்பில் தனது சிசிச்சைக்கு பணம் தேவைப்படுகிறது. பணத்துக்காக அலைந்து கொண்டிருக்கிறேன் என்று அப்பெண் தெரிவித்துள்ளார்.

உடனே தனசேகரன், தான் உதவி செய்வதாக கூறியுள்ளார், உடன அப்பெண்ணும் நாகர்கோவில் வந்துவிடுங்கள் என பதில் சொல்லியுள்ளார்.

அதன்படி, பேருந்து நிலையத்தில் நின்ற தனசேகரனை நெருங்கிய ஒருவர், காயத்ரியின் தம்பி என்று கூறி தனசேகரனை மோட்டார் சைக்கிளில் அழைத்துக்கொண்டு சென்றார்.

அங்கு மேலும் ஒரு வாலிபர் இருந்தார். 2 வாலிபர்களும் சேர்ந்து தனசேகரனை தாக்கி செல்போன் மற்றும் ஏ.டி.எம். கார்டை பறித்தனர். ஏ.டி.எம். கார்டு மூலம் ரூ.80 ஆயிரம் எடுத்துவிட்டு அங்கிருந்து தப்பித்து சென்றனர்.

வடசேரி பொலிஸ் நிலையத்திற்கு சென்ற தனசேகரன் , தான் பேஸ்புக் மூலம் ஒரு பெண்ணுடன் நட்பாக பழகியது முதல் பணம் பறிபோனது வரை நடந்ததை சொல்லி புகார் அளித்தார். அதன்பேரில் பொலிசார் வழக்கு பதிவு செய்து விசாரணை நடத்தினர்.

பொன்னுலிங்கம் (30), செருப்பங்கோடை சேர்ந்த சிவலிங்கம் (34) ஆகிய இரண்டு பேர் சேர்ந்து பெண்களின் புகைப்படத்தை பதிவிட்டு ஆண்களை ஏமாற்றுவது தெரியவந்ததையடுத்து பொலிசார் அவர்களை கைது செய்து சிறையில் அடைத்தனர்.

இந்தியாவின் கொல்கத்தாவில் திருமணமான சில மாதத்தில் பெண்ணொருவர் தற்கொலை செய்து கொண்டுள்ளது அதிர்ச்சியை ஏற்படுத்தியுள்ளது.

நந்தினி (23) என்ற பெண்ணுக்கும் சஞ்சீப் என்பவருக்கும் சில மாதங்களுக்கு முன்னர் திருமணம் நடந்தது. இந்நிலையில் இரு தினங்களுக்கு முன்னர் நந்தினி வீட்டில் தூக்கில் சடலமாக தொங்கியுள்ளார்.

நந்தினி தற்கொலை செய்து கொண்டதாக தாங்கள் நம்புவதாகவும், பிரேத பரிசோதனைக்கு பின்னரே அதை உறுதிப்படுத்தமுடியும் எனவும் பொலிசார் கூறியுள்ளனர்.

அதே சமயம் நந்தினியை அவர் கணவரும், குடும்பத்தாரும் சேர்ந்து கொன்றுவிட்டதாக அவரின் குடும்பத்தார் புகார் தெரிவித்துள்ளனர்.

இது குறித்து பொலிசார் கூறுகையில், தற்போது நந்தினியின் கணவர் சஞ்சீப் மற்றும் மாமனார், மாமியார் தலைமறைவாக உள்ளனர்.

நந்தினி குடும்பத்தார் கூற்றுப்படி, திருமணமான எட்டாவது நாளே பத்து லட்சம் பணம் மற்றும் கார் கேட்டு அவரை, கணவர் கொடுமைப்படுத்த தொடங்கியுள்ளார்.

இதையடுத்து 3 லட்சம் பணம் அவருக்கு கொடுக்கப்பட்டது, ஆனாலும் கொடுமை தொடர்ந்துள்ளது. இதனிடையில் சஞ்சீப்புக்கு அவர் மைத்துனியுடன் தொடர்பு ஏற்பட்டதாகவும் நந்தினி குடும்பத்தார் கூறியுள்ளனர்.

மேலும், விவாகரத்து கேட்டு நந்தினியை சஞ்சீப் மிரட்டியுள்ளார். இதனால் மனவேதனையில் நந்தினி இருந்துள்ளார். சஞ்சீப் மற்றும் அவர் குடும்பத்தார் சிக்கிய பின்னரே முழு உண்மை வெளிவரும் என கூறியுள்ளனர்.

தமிழ்நாட்டில் 3 நாட்களுக்கு முன்னர் இறந்தவருக்கு ரமணா திரைப்பட பாணியில் தனியார் மருத்துவமனை சிகிச்சையளித்த சம்பவம் அதிர்ச்சியை ஏற்படுத்தியுள்ளது.

நாகை மாவட்டம் திருக்குவளையை சேர்ந்த சேகர் என்பவருக்கு வயிற்றுவலி ஏற்பட்ட நிலையில், அங்குள்ள ஒரு தனியார் மருத்துவமனையில் சிகிச்சை பெற்று வந்தார்.

இதைத் தொடர்ந்து கடந்த சேகரை மேல்சிகிச்சைக்காக தஞ்சையில் உள்ள வேறு தனியார் மருத்துவமனையில் சேர்த்தனர். இந்த மருத்துவமனையில் சிகிச்சைக்க ரூ.5½ லட்சம் வரை செலவானது.

மேலும் மருத்துவமனை நிர்வாகம் ரூ.2½ லட்சம் பாக்கி உள்ளது என்றும், அந்த தொகையை உடனடியாக கட்ட வேண்டும் என்றும் வற்புறுத்தியது.

இதையடுத்து தங்களிடம் இருந்த ரூ.50 ஆயிரம் ரூபாயை அவரது உறவினர்கள் கட்டியுள்ளனர். தொடர்ந்து சிகிச்சை அளிக்க பணம் இல்லாதால் நேற்று மதியம் தஞ்சை மருத்துவக்கல்லூரி மருத்துவமனையில் சேகர் சிகிச்சைக்காக சேர்க்கப்பட்டுள்ளார்.

அங்கு அவரை பரிசோதித்த மருத்துவர்கள் சேகர் இறந்து 3 நாட்களாகி விட்டது என்று தெரிவித்தனர்.

இதை கேட்டு அவருடைய குடும்பத்தினர் அதிர்ச்சி அடைந்தனர். இறந்தவரை உயிருடன் இருப்பதாக கூறி பணம் வசூலித்து அந்த தனியார் மருத்துவமனை தங்களை ஏமாற்றி விட்டதே என வேதனை அடைந்தனர்.

இதுகுறித்து அந்த தனியார் மருத்துவமனை மீது நடவடிக்கை எடுக்கக்கோரி சேகரின் மகன் சுபாஷ், பொலிசில் புகார் அளித்துள்ளார்.

தமிழகத்தின் திண்டுக்கல் மாவட்டத்தில் கணவரின் கல்லறை முன்பு விஷம் குடித்து தற்கொலைக்கு முயன்ற திருநங்கையின் செயல் அதிர்ச்சியை ஏற்படுத்தியுள்ளது.

திருநங்கை ஜீவா-வின் கணவர் ஸ்டீபன் ராஜ் கொலை செய்யப்பட்டுள்ளதாக அவர் அளித்த புகார் மீது பொலிஸ் நடவடிக்கை எடுக்கவில்லை என்று கூறப்படுகிறது.

இதில் மனவேதனை அடைந்த ஜீவா, நேற்று கணவரின் கல்லறை முன்பு விஷம் குடித்து தற்கொலைக்கு முயன்ற காட்சி சமூக வளைதளங்களில் பரவியது. அதில், என்னுடன் இருந்ததால் கணவரை கொன்றுவிட்டார்கள், என் நிலை வேறு யாருக்கும் வரக்கூடாது என ஜீவா கூறியுள்ளார்.

இதனிடையே மயங்கிய நிலையில் சமாதி அருகே கிடந்த ஜீவாவை உறவினர்கள் மீட்டு, சிகிச்சைக்காக மருத்துவமனையில் சேர்த்துள்ளனர்.

தமிழகத்தின் சேலம் மாவட்டத்தில் தனியார் நிதிநிறுவனம் ஒன்று பணத்தை ஏமாற்றியதால் வேதனையடைந்த மூன்று சகோதரிகள் தற்கொலைக்கு முயன்றுள்ள சம்பவம் அதிர்ச்சியை ஏற்படுத்தியுள்ளது.

குறித்த தற்கொலை முயற்சியில் சகோதரிகளில் ஒருவர் சிகிச்சை பலனின்றி உயிரிழந்துள்ளதாக தெரியவந்துள்ளது.

சேலத்தை சேர்ந்த மூன்று சகோதரிகள் அங்குள்ள தனியார் நிதி நிறுவனம் ஒன்றில் பணம் முதலீடு செய்திருந்தனர். இந்நிலையில் அந்த தனியார் நிதி நிறுவனம் பணத்தை தராமல் ஏமாற்றி வந்ததாக தெரிகிறது.

சகோதரிகள் மூவரும் திருமணத்திற்காக பணத்தை சேமித்த வைத்திருந்த நிலையில் நிதி நிறுவனம் ஏமாற்றியதால் பணம் கிடைக்காது என்ற சூழல் ஏற்பட்டுள்ளது.

இதனால் அதிர்ச்சியடைந்த சகோதரிகள் மூன்று பேரும் விஷம் குடித்து தற்கொலை முயன்றனர். இதையடுத்து மூன்று பேரும் அருகில் உள்ள மருத்துவமனையில் அனுமதிக்கப்பட்டனர்.

அவர்களில் மேனகா என்பவர் சிகிச்சை பலனின்றி உயிரிழந்துள்ளார். ஆபத்தான நிலையில் உள்ள ரேவதி மற்றும் கலை ஆகிய 2 பேருக்கும் தீவிர சிகிச்சை அளிக்கப்பட்டு வருகிறது. இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

தேனி மாவட்டம் அல்லிநகரத்தில் தற்கொலை செய்துகொண்ட 12 வயது சிறுமியின் இறப்பில் சந்தேகம் உள்ளதாக கூறி இரண்டாவது நாளாக உறவினர்கள் போராட்டம் நடத்தி வருகின்றனர்.

சேர்ந்தவர்கள் ராஜா – ஜெயா தம்பதியினர். இவர்களுக்கு மூன்று மகள்கள் உள்ளனர். இவருடைய இரண்டாவது மகள் ராகவி, அப்பகுதில் அருகே உள்ள பள்ளியில் 7-ம் வகுப்பு படித்து வருகிறார்.

இவர் கடந்த இரண்டு நாட்களுக்கு முன்னதாக வீட்டில் பெற்றோர் யாரும் இல்லாத போது, ராகவி சடலமாக தூக்கில் தொங்கியுள்ளார். இதனை கேள்விப்பட்டு பதறியடித்து ஓடிவந்த ஜெயா மகளை கட்டியணைத்தவாறே அழுது கொண்டு பொலிஸாருக்கும் தகவல் கொடுத்துள்ளார்.

இதனையடுத்து சம்பவ இடத்திற்கு வந்த பொலிஸார், ராகவியின் உடலை கைப்பற்றி தேனி அரசு மருத்துவக்கல்லுாரி மருத்துவமனைக்கு பிரேத பரிசோதனைக்காக அனுப்பி வைத்தனர். அங்கு பிரேத பரிசோதனை முடிந்தும் உடலை வாங்க மறுத்து உறவினர்கள் போராட்டத்த்தில் ஈடுபட ஆரம்பித்தனர்.

இறந்த ராகவியின் காலப்பகுதியில் காயங்கள் இருந்ததாகவும், வீட்டை அடிக்கடி ஒரு நபர் சுற்றி திருந்ததாகவும் கூறியுள்ளனர். மேலும் தற்கொலை என பதியப்பட்டுள்ள வழக்கினை, கொலை என மாற்றுமாறு கோரிக்கை விடுத்தும் போராட்டத்தில் ஈடுபட்டனர்.

இரண்டாவது நாளாகவும் போராட்டம் தொடர்ந்து வந்த நிலையில் தேனி ஏ.டி.எஸ்.பி., சுருளிராஜ், பழனிகுமார் தலைமையில் பொலிஸார் பேச்சு வார்த்தை நடத்தியதை அடுத்து அனைவரும் கலைந்து சென்றுவிட்டனர்.

இந்த சம்பவத்தில் தற்போது இளைஞர் ஒருவர் கைது செய்யப்பட்டு விசாரணை மேற்கொள்ளப்பட்டு வருவதாக செய்திகள் வெளியாகியுள்ளன.