மத்தியபிரதேச மாநிலத்தில் காதலை ஏற்க மறுத்த இளம்பெண்ணை 38 முறை, இளைஞர் ஒருவர் கத்தியால் குத்தி கொலை செய்துள்ள அதிர்ச்சி சம்பவம் நடந்துள்ளது.

மத்தியபிரதேச மாநிலம் இந்தூர் பகுதியில் உள்ள மீடியா துறையில் வேலை செய்து வருபவர் சுப்ரியா ஜெயின் (25). இவர் அங்கு விடுதி ஒன்றில் தங்கி வேலை செய்து வருகிறார்.

இந்த நிலையில் கடந்த வியாழக்கிழமையன்று விடுதியை நோக்கி வந்த கமலேஷ் சாஹு என்ற இளைஞர் திடீரென தன் கையில் வைத்திருந்த கத்தியை கொண்டு 38 முறை கொடூரமாக, சுப்ரியாவின் மீது குத்தியுள்ளார்.

இதனை பார்த்து அதிர்ச்சியடைந்த இரண்டு இளைஞர்கள் உடனடியாக அவரச பொலிஸாருக்கு தகவல் தெரிவித்தனர்.

இதனையடுத்து சம்பவ இடத்திற்கு வந்த பொலிஸார், ரத்த வெள்ளத்தில் கிடந்த சுப்பிரியவை மீட்டு மருத்துவமனைக்கு அனுப்பி வைத்தனர்.

பின்னர் குற்றவாளி கமலேஷை பிடித்து விசாரணை மேற்கொண்டனர். அதில், சுப்பிரியாவும் கமலேஷும் பள்ளி பருவத்திலிருந்தே நண்பர்களாக இருந்து வந்துள்ளார்.

கடந்த 6 வருடங்களுக்கு முன்னதாக கமலேஷ், சுப்பிரியவிடம் தன்னுடைய காதலை கூறியுள்ளார். ஆனால் சுப்ரியா அதற்கு மறுப்பு தெரிவித்துள்ளார்.

பின்னர் இந்தூரில் வேலை கிடைத்ததும், சுப்ரியா இங்கே வந்துவிட்டார்.

இதற்கிடையில் சுப்ரியாவின் இருப்பிடம் தெரியாமல் தவித்த கமலேஷ் ஒருவழியாக முகப்புத்தகத்தில் சுப்ரியாவை கண்டுபிடித்தார்.

முகப்புத்தகத்தில் பேச முயற்சித்தபோது கமலேசை சுப்ரியா பிளாக் செய்துள்ளார். மேலும் வேறு சில ஆண்களுடன் சுப்ரியா சுற்றித்திரிவதை பார்த்த கமலேஷிற்கு சகித்துக்கொள்ள முடியவில்லை.

இதனால் தான் இப்படிப்பட்ட ஒரு செயலில் ஈடுபட்டதாக தெரியவந்துள்ளது.

இதற்கிடையில் மருத்துவமனையில் சிகிச்சை பெற்று வந்த சுப்ரியா, வெள்ளிக்கிழமை காலை சிகிச்சை பலனின்றி உயிரிழந்தார். இதனையடுத்து இந்திய தண்டனை சட்ட பிரிவு 302-ன் கீழ் காமேலேஷ் மீது காவல்துறையினர் வழக்கு பதிவு செய்துள்ளனர்.

இந்தியாவின் கேரள மாநிலத்தில் சொந்த கணவருக்கு வேறு பெண்ணுடன் தொடர்பு இருப்பதாக கூறி ஆபாச படங்களை பேஸ்புக்கில் பதிவேற்றிய பெண்ணை பொலிசார் கைது செய்துள்ளனர்.

கேரளாவின் குளத்தூர் பகுதியில் குடியிருந்து வருபவர் 34 வயதான ரஞ்சு, கணவருடன் ஏற்பட்ட கருத்து வேறுபாடு காரணமாக சில ஆண்டுகளாக அவர் தனியாக வாழ்ந்து வருகிறார்.

இந்த நிலையில் தமது கணவருக்கு வேறு பெண்ணுடன் தொடர்பு இருப்பதாக சந்தேகமடைந்த ரஞ்சு, குறித்த பெண்ணின் புகைப்படத்துடன் தமது கணவரின் புகைப்படங்களையும் இணைத்து ஆபாச புகைப்படங்களை உருவாக்கி அதை பேஸ்புக்கில் பதிவேற்றம் செய்துள்ளார்.

குறித்த புகைப்படங்கள் பலரது கவனத்தையும் ஈர்த்த நிலையில் தொடர்புடைய பெண் நடந்த சம்பவத்தை குறிப்பிட்டு கேரள சைபர் பொலிசாருக்கு புகார் அளித்துள்ளார்.

புகாரின் பேரில் நடவடிக்கை மேற்கொண்ட பொலிசார் சமூக வலைதளத்தில் ஆபாச படங்களை பதிவேற்றிய குற்றத்திற்காக ரஞ்சுவை கைது செய்துள்ளனர்.

மட்டுமின்றி ஆபாச புகைப்படங்களை உருவாக்க ரஞ்சுவுக்கு உதவிய இளைஞரையும் பொலிசார் கைது செய்து விசாரணைக்கு உட்படுத்தியுள்ளனர்.

ஹரியானா மாநிலத்தில் பிரசவ வலியால் துடித்த நிறைமாத கர்ப்பிணி பெண்ணை, தன்னுடைய கையிலே தூக்கிக்கொண்டு மருத்துவமனையில் சேர்த்த பொலிஸாருக்கு பல பகுதிகளில் இருந்தும் பாராட்டுக்கள் குவிந்த வண்ணம் உள்ளன.

ஹரியானா மாநிலத்தை சேர்ந்த மகேஷ்- பாவனா தம்பதியினர் ரயிலில் பயணம் செய்து கொண்டிருந்துள்ளனர். நிறைமாத கர்ப்பிணியாக இருந்த பாவனாவிற்கு திடீரென பிரசவ வலி ஏற்பட்டுள்ளது.

இதனையடுத்து மதுரா ரயில் நிலையத்தை வந்தடைந்ததும், பொலிஸார் மற்றும் ஆம்புலன்சிற்கு தகவல் தெரிவிக்கப்பட்டது.

ஆனால் நீண்ட நேரமாகியும் ஆம்புலன்ஸ் வராததால், ஆட்டோவின் மூலம் பாவனா மருத்துவமனைக்கு கொண்டு செல்லப்பட்டார். அங்கு பெண்கள் மகப்பேறு மருத்துவமனைக்கு கொண்டு செல்லுமாறு மருத்துவர்கள் அறிவுறுத்தியுள்ளனர்.

ஆனால் வாகனம் எதுவும் கிடைக்காததால், பொலிஸாரே தன்னுடைய கைகளில் பாவனாவை தூக்கி கொண்டு மருத்துவனையில் சேர்த்துள்ளார். அங்கு அனுமதிக்கப்பட்ட சில மணிநேரங்களில் பாவனாவிற்கு ஆண் குழந்தை பிறந்தது.

சரியான நேரத்தில் பாவனா அனுமதிக்கப்பட்டதால், யாருக்கும் எந்த வித ஆபத்தும் ஏற்படவில்லை. தாய்- குழந்தை இருவருமே நலமாக இருப்பதாக மருத்துவமனை நிர்வாகம் தெரிவித்துள்ளது.

இதுகுறித்து பாவனாவின் கணவர் கூறுகையில், ரயிலில் இருந்து நங்கள் இறங்கியதும், வழி தெரியாமல் தவித்தோம். இது எங்களுக்கு புதிய இடம் என்பதால் அங்கிருந்தவர்களிடம் உதவி கேட்டோம். ஆனால் யாருமே எங்களுக்கு உதவ முன்வரவில்லை.

என் மனைவியை மருத்துவமனையில் சேர்த்ததும், அந்த பொலிஸார் சென்றுவிட்டார். மகிழ்ச்சியில் இருந்த நான் அவருக்கு ஒரு நன்றி கூட கூறவில்லை என தெரிவித்துள்ளார்.

பின்னர் இந்த சம்பவம் குறித்து ரயில்வே துறை பொலிஸார் Sonu Kumar Rajora கூறுகையில், நான் என்னுடைய கடமையை தான் செய்தேன். அந்த தம்பதியினர் இந்த இடத்திற்கு புதிது என்பதால் வழி தெரியாமல் தவித்தனர் என விளக்கம் கொடுத்துள்ளார்.

தெலுங்கானா மாநிலத்தில் உயர்சாதி பெண்ணை திருமணம் செய்து கொண்ட இளைஞர் ஆறு மாதங்களுக்கு பின்னர் பெண்ணின் குடும்பத்தாரால் கொடூரமாக கொலை செய்யப்பட்டுள்ள சம்பவம் அதிர்வலைகளை ஏற்படுத்தியுள்ளது.

24 வயதேயான இளைஞர் பிரனாய் கொல்லப்பட்டது அவரது தந்தையான பாலசுவாமியை பெரிதும் பாதித்துள்ளது.

உங்கள் மகளை அழைத்துச் செல்ல வேண்டியது தானே, ஏன் எனது மகனை கொலை செய்தீர்கள் என கண்ணீருடன் அவர் கேள்வி எழுப்பியுள்ளார்.

பிரனாய் மற்றும் அம்ருதா காதலுக்கு கடைசி வரை மறுப்பு தெரிவித்து வந்த தாயார் பிரேமலதா, நடந்த சம்பவங்களை வாழ்நாளில் மறக்கவே முடியாது என தெரிவித்துள்ளார்.

கண்முன்னே கணவர் படுகொலை செய்யப்பட்ட அதிர்ச்சியில் இருந்து இன்னமும் மீளாமல் நினைவை இழந்த நிலையில் அம்ருதா மருத்துவமனையில் உள்ளார். 21 வயதேயான அம்ருதாவின் தந்தை மாருதி ராவு நகரின் செல்வாக்கு மிகுந்த நபர்களில் ஒருவர்.

அவரது வெள்ளை நிற Ford Fortuna நகரில் அவரது அடையாளமாகவே உள்ளது. சம்பவம் நடந்த வெள்ளியன்று மாருதி ராவின் வெள்ளை நிற Ford Fortuna ஐதராபாத் நகரம் நோக்கி புறப்பட்டு சென்றதை பலரும் கவனித்துள்ளனர்.

மட்டுமின்றி கார் புறப்பட்டு சென்றதன் ஒருமணி நேரத்திற்கு பின்னர் குறித்த கொலை சம்பவம் நடந்துள்ளதாகவும் தெரிவிக்கின்றனர்.

மட்டுமின்றி பிரனாய் மற்றும் அம்ருதாவின் திருமண வீடியோ ஒன்றை சமீபத்தில் பேஸ்புக்கில் அவர்கள் பதிவேற்றியதாகவும், அதுவே இந்த கொலைக்கு மூல காரணமாக அமைந்திருக்கலாம் எனவும் பிரனாயின் உறவினர் சந்தேகம் தெரிவித்துள்ளார்.

பேஸ்புக்கில் குறித்த வீடியோ வெளியானதன் பின்னர் நபர் ஒருவர் தொடர்பு கொண்டு, திருமண வீடியோவை விடவும் உனது மரண வீடியோ அதிக வரவேற்பை பெறும் என மிரட்டியுள்ளதாகவும் தகவல் வெளியாகியுள்ளது.

மட்டுமின்றி திருமண நாள் வரவேற்பு நிகழ்ச்சி முடிவடைந்த மூன்றாவது நாள் இந்தி மொழி பேசும் ஒருவர் பிரனாய் வீட்டுக்கு வந்து அவர்களது காரை வாடகைக்கு கிடைக்குமா எனவும் கேட்டுள்ளதும் சந்தேகத்தை எழுப்பியுள்ளது.

குறித்த நபர் தொடர்பில் பிரனாய் குடும்பத்தினர் பொலிசாரிடம் புகார் அளித்துள்ளனர். மேலும் கண்காணிப்பு கமெரா காட்சிகளையும் ஆதாரமாக அளித்துள்ளனர்.

டெல்லியில் ஒரே குடும்பத்தை சேர்ந்த 11 பேர் சடலமாக மீட்கப்பட்ட வழக்கில் அது தற்கொலை இல்லை எனவும் விபத்து என்றும் சிபிஐ நடத்திய உளவியல் உடற்கூராய்வில் தெரியவந்துள்ளது.

புராரி பகுதியில் ஒரே குடும்பத்தை சேர்ந்த 11 பேர் இறந்து கிடந்தனர். இதில் 10 பேர் தூக்கில் தொங்கிய நிலையிலும், வயதான பெண்மணி தரையிலும் சடலமாக கிடந்தனர்.

விசாரணையில் சொர்க்கத்தை அடைய போகிறோம் என்ற மூடநம்பிக்கையில் 11 பேரும் தற்கொலை செய்து கொண்டதாக பொலிசார் தெரிவித்தனர். இது தொடர்பான கடிதங்கள் வீட்டில் கைப்பற்றப்பட்டது.

இந்த வழக்கில் சிபிஐ சார்பில் முதலில் நடத்தப்பட்ட உளவியல் உடற்கூராய்வின் அடிப்படையில் இது தற்கொலை என முடிவு செய்யப்பட்டதாக கூறப்பட்டது.

ஆனால் இது தற்கொலை அல்ல விபத்து என்று இப்போது கூறப்பட்டுள்ளது.

அதாவது சொர்கத்தை அடைவதாக மதச்சடங்குகளை செய்யும் போது தவறுதலாக அவர்கள் உயிரிழந்திருக்கலாம் எனவும், அவர்கள் யாருக்கும் தங்கள் உயிரை விட விருப்பமில்லை எனவும் தெரிவிக்கப்பட்டுள்ளது.

இந்தியாவின் ஒடிசா மாநிலத்தில் மாற்றுத்திறனாளி இளைஞர் ஒருவரை தலைகீழாக தொங்கவிட்டு தீ மூட்டிய சம்பவம் பரபரப்பை ஏற்படுத்தியுள்ளது.

ஒடிசா மாநிலத்தில் பாபனி சங்கர் நந்தா எனும் மாற்றுத்திறனாளி இளைஞர் இருக்கிறார். நந்தாவின் உடல் குறைபாட்டை சரிசெய்ய அவரது தாய், கந்தமால் என்ற பகுதியில் உள்ள கோவிலை அணுகியுள்ளார்.

அங்கு, நந்தாவை தலைகீழாக தொங்கவிட்டு தீ மூட்டினால் அவரது குறைபாடு குணமடையும் என்று கூறியுள்ளனர். இதனை நம்பிய நந்தாவின் தாய், அவரை அழைத்துக் கொண்டு பலிகுடா எனும் கிராமத்திற்கு சென்றுள்ளார்.

ஆனால், தனக்கு இதில் விருப்பில்லை என நந்தா எதிர்ப்பு தெரிவித்துள்ளார். எனினும், நந்தாவை வலுக்கட்டாயமாக தலைகீழாக கட்டி தொங்கவிட்டு, சாமியார் ஒருவர் தீ மூட்டியுள்ளார்.

இதனால் அவர் படுகாயமடைந்தார். அதன் பின்னர், நந்தாவை வீட்டில் வைத்தே சிகிச்சை அளிக்குமாறு அந்த சாமியார் கூறியுள்ளார். ஆனால் நந்தாவின் உடல்நிலை மிகவும் மோசமடைந்ததைத் தொடர்ந்து, அவர் மருத்துவமனையில் அனுமதிக்கப்பட்டார்.

இந்நிலையில், இதுதொடர்பாக பொலிசாருக்கு தகவல் தெரிவிக்கப்பட்டதைத் தொடர்ந்து, குறித்த சாமியார் கைது செய்யப்பட்டுள்ளார். இச்சம்பவம் பரபரப்பை ஏற்படுத்தியுள்ளது.

இந்தியாவின் சத்தீஸ்கர் மாநிலத்தில் இளம்பெண்ணை, அவரின் ஆண் நண்பரின் கண்முன்னே பாலியல் வன்கொடுமைக்கு உள்ளாக்கியதால் மனமுடைந்த இளைஞர் தற்கொலை செய்துகொண்ட சம்பவம் பரபரப்பாகியுள்ளது.

சத்தீஸ்கர் மாநிலத்தின் கோர்பால் பகுதியில் கடந்த வாரம் ஸ்வான் மற்றும் அவரின் பெண் தோழி என இருவரும் கடைவீதிக்குச் சென்றுவிட்டு வீடு திரும்பியுள்ளனர்.

அப்போது, இரண்டு நபர்கள் வழிமறித்து செல்போன், பணம் போன்றவற்றை வழிப்பறி செய்துள்ளனர். அதன்பின்னர், ஸ்வானை அடித்துக் காயப்படுத்தியுள்ளனர்.

மட்டுமின்றி அவர் கண் முன்னே பெண் தோழியை பாலியல் பலாத்காரம் செய்துள்ளனர்.

மறுநாள் காலை, மருத்துவமனையிலிருந்தபடி பாதிக்கப்பட்ட பெண், காவல்துறையில் புகார் அளித்துள்ளார்.

இதற்கிடையில் குறித்த சம்பவத்தால் மனதளவில் கடுமையாக பாதிக்கப்பட்ட ஸ்வான், தன்னுடைய வீட்டின் மின்விசிறியில் தூக்கிட்டுத் தற்கொலை செய்துகொண்டுள்ளார்.

குற்றவாளிகளாக அடையாளம் காணப்பட்ட ஈஸ்வர் தாஸ், கன்வர் இருவரையும் காவல்துறையினர் கைது செய்து,போக்ஸோ சட்டத்தின் கீழ் வழக்கு பதிந்து நடவடிக்கை எடுத்துள்ளனர்.

இச்சம்பவம் தொடர்பாக ஸ்வானின் பெற்றோர், என் மகன் மிகவும் சென்சிட்டிவானவன். அவனால் அங்கு நடந்த கொடுமையைத் தாங்கிக்கொள்ள முடியவில்லை.

வீட்டுக்கு வந்தும், ‘என்னால் தோழியைப் பாதுகாக்க முடியவில்லையே’ என அழுதான். ஆனால், இப்படித் தற்கொலை செய்துகொள்வான் என எதிர்பார்க்கவில்லை’ எனக் கதறினர்.

தெலுங்கான மாநிலத்தில் உயர்சாதி பெண்ணை திருமணம் செய்து கொண்ட நபர் 6 மாதங்கள் கழித்து பெண்ணின் தந்தையால் கொலை செய்யப்பட்டுள்ளது அதிர்ச்சியை ஏற்படுத்தியுள்ளது.

பினராய்- அம்ருதா தம்பதியினருக்கு கடந்த 6 மாதங்களுக்கு முன்னர் திருமணம் நடைபெற்றது. தற்போது அம்ருதா 3 மாத கர்ப்பிணியாக உள்ளார்.

இந்நிலையில், அம்ருதாவை மருத்துவமனைக்கு அழைத்துக்கொண்டு பினராய் சென்றுள்ளார். தம்பதியினர் மருத்துவமனை வாசலில் சென்றபோது, அவர்களை பின்தொடர்ந்து வந்த நபர் ஒருவர், பினராயின் தலையில் தாக்கியுள்ளார்.

தன்னை காத்துக்கொள்ள அந்த நபருடன் பினராயி சண்டையிட்டபோதும், பினராயின் தலையில் இரும்புகம்பியால் கொடூரமாக தாக்கிவிட்டு அந்நபர் தப்பித்து ஓடியுள்ளார், தனது கண்ணெதிலேயே தனது கணவன் தாக்கப்படுவதை அறிந்த மனைவி என்ன செய்வதென்று தெரியாமல் திகைத்துள்ளார்.

ஆனால், மற்றொரு பெண், அம்ருதாவை அடிப்பதற்கு துரத்தியுள்ளார். அப்பெண்ணிடம் இருந்து தப்பிப்பதற்காக அம்ருதா ஓடியுள்ளார்.

இதனைத்தொடர்ந்து பினராயி மருத்துவமனையில் அனுமதிக்கப்பட்டபோது, அவர் சம்பவ இடத்திலேயே உயிரிழந்துவிட்டதாக மருத்துவர்கள் தெரிவித்துள்ளனர்.

இந்த தொடர்பான காட்சிகள் அனைத்தும் மருத்துவமனையில் இருந்த சிசிடிவி கமெராவில் பதிவாகியுள்ளது.

பொலிசார் விசாரணையில், அம்ருதா உயர்ந்த சாதியை சேர்ந்தவர் என்றும், தாழ்ந்த சாதியை சேர்ந்த பினராயி பெற்றோரின் எதிர்ப்பை மீறி திருமணம் செய்துகொண்டனர் என்பதும் தெரியவந்துள்ளது.

இந்நிலையில் அம்ருதாவின் தந்தை ஆட்களை வைத்து பினராயை கொலை செய்துள்ளார் என பினராயின் பெற்றோர் புகார் அளித்துள்ளனர்.

இந்தியாவில் பொலிஸ் உயர் அதிகாரியின் மகன் இளம் பெண்ணை பலாத்காரம் செய்து விட்டு அவரை அடித்து சித்ரவதை செய்யும் வீடியோ காட்சிகள் இணையத்தில் வெளியாகி அதிர்ச்சியை ஏற்படுத்தியுள்ளது.

டெல்லியில் போதை மருந்து தடுப்பு பிரிவில் எஸ்.ஐ.ஆக பணிபுரிந்து வருபவர் அசோக் சிங் தோமர்.

இவரின் மகன் ரோகித் தோமர். இவர் சமீபத்தில் இளம் பெண் ஒருவரை காட்டுமிராண்டித்தனமாக அடிக்கும் காட்சி இணையத்தில் வெளியாகி வைரலாக பரவியது.

இந்த வீடியோ காட்சி டெல்லி உத்தம்நகரில் கடந்த 3-ஆம் திகதி எடுக்கப்பட்டது என்று கூறப்படுகிறது.

உத்தம்நகரில் உள்ள பிபிஓ அலுவலகத்துக்கு அந்த இளம் பெண்ணை வரக்கூறிய அந்த இளைஞர் குறித்த பெண்ணை பலாத்காரம் செய்துள்ளார்.

இது குறித்து புகார் கொடுப்பேன் என்று கூறியதால் பெண்ணை அடித்து துன்புறுத்தியுள்ளார். இருப்பினும் அந்த பெண் துணிச்சலாக காவல்நிலையத்தில் புகார் தெரிவித்துள்ளார்.

அந்த வீடியோவில், இளம்பெண்ணை தரையில் கிடத்தி தலைமுடியை பிடித்து தரதரவென இழுத்து அந்த இளைஞர் தாக்குகிறார்.

தன்னுடைய முழங்காலால் அந்த இளம்பெண் முதுகில் உதைத்து அந்த பெண்ணை சித்ரவதை செய்கிறார். வலிதாங்க முடியாமல் அந்த பெண் அலறுகிறார்.

ரோகித் நிறுத்து, நிறுத்து என்று வீடியோவில் யாரே சிலர் சொல்வது கேட்டபோதிலும், யாரும் அந்த சம்பவத்தை தடுக்கவில்லை.

மேலும் இந்த வீடியோ வைரலானதால், இந்த விவகாரம் தொடர்பாக உள்துறை மந்திரி ராஜ்நாத் சிங் விசாரணைக்கு உத்தரவிட்டார். இதனையடுத்து பொலிஸ் ரோஹித்தை கைது செய்து விசாரணை நடத்தி வருகின்றனர்.