தமிழ்நாட்டில் ஆரம்ப சுகாதார நிலையத்தில் மருத்துவர் இல்லாததால் செவிலியர்களே பிரசவம் பார்த்ததால் குழந்தை இறந்தது அதிர்ச்சியை ஏற்படுத்தியுள்ளது.

தஞ்சை மாவட்டம் கருப்பட்டிப்பட்டி கிராமத்தை சேர்ந்தவர் பிரகாஷ் (30). இவரது மனைவி கனிமொழி (24). கனிமொழி நிறைமாத கர்ப்பிணியாக இருந்தார். நேற்று மாலை இவருக்கு பிரசவ வலி ஏற்பட்டதால் அருகில் உள்ள ஆரம்ப சுகாதார நிலையத்திற்கு கொண்டு சென்றனர்.

அங்கு மருத்துவர் பணியில் இல்லாததால் செவிலியர்களே பிரசவம் பார்த்துள்ளனர். இதில் கனிமொழிக்கு அழகான பெண்குழந்தை பிறந்தது. ஆனால் சிறிது நேரத்திலேயே அந்த குழந்தை இறந்து விட்டது. இது கனிமொழி மற்றும் அவர் குடும்பத்தாரை அதிர்ச்சியில் ஆழ்த்தியது.

இந்நிலையில் இன்று காலை குழந்தையின் உடலை அவரது பெற்றோர் மற்றும் உறவினர்கள் வாங்க மறுத்தனர். தகவலறிந்து சம்பவ இடத்துக்கு சென்ற பொலிசார் பிரகாஷ் மற்றும் அவர்களது உறவினர்களிடம் பேச்சுவார்த்தை நடத்தினர்.

அப்போது பொலிசாரிடம் மருத்துவர் பணியில் இல்லாததே குழந்தை இறக்க காரணம் என்று வாக்குவாதத்தில் ஈடுபட்டனர். அவர்களை பொலிசார் சமாதானப்படுத்தினார்கள். இச்சம்பவம் அந்த பகுதியில் பரபரப்பை ஏற்படுத்தியுள்ளது.

தமிழ்நாட்டில் காதலுக்கு எதிர்ப்பு தெரிவித்ததால் மனமுடைந்த காதல் ஜோடி விஷமருந்தி தற்கொலை செய்து கொண்டது சோகத்தை ஏற்படுத்தியுள்ளது.

காஞ்சிபுரம் மாவட்டம் ஆனூர் பாலாற்று பகுதியில் வாலிபரும், இளம் பெண்ணும் சடலமாக கிடந்த நிலையில் அவர்கள் அருகில் விஷ பாட்டில் இருந்துள்ளது.

இதை பார்த்த அப்பகுதி மக்கள் பொலிசாருக்கு தகவல் கொடுத்தனர். பொலிசார் நடத்திய விசாரணையில் இறந்தவர்கள் பிரதீப்ராஜ் (19) மற்றும் சவுமியா (17) என்பது தெரியவந்தது.

இருவரும் கடந்த 3 ஆண்டுகளாக காதலித்து வந்துள்ளனர். அவர்களது காதலுக்கு பெற்றோர் எதிர்ப்பு தெரிவித்ததால் கடந்த 3 நாட்களுக்கு முன்பு இருவரும் வீட்டை விட்டு வெளியேறியுள்ளனர்.

பின்னர் விஷம் குடித்து உயிரை மாய்த்து கொண்டது தெரியவந்துள்ளது. சம்பவம் குறித்து பொலிசார் விசாரணை நடத்தி வருகிறார்கள்.

தமிழ்நாட்டில் ஆற்றில் வெள்ளப்பெருக்கு ஏற்பட்ட நிலையில் திருமணத்துக்காக புதுமணப்பெண் உயிரை பணயம் வைத்து ஆற்றை கடந்துள்ளார்.

சத்யமங்கலம் அருகில் உள்ள மாயாற்றில் வெள்ளம் கரைபுரண்டு பாய்கிறது. இந்த ஊரை சேர்ந்த ராசாத்தி என்ற பெண்ணுக்கும், கோவை மாவட்டத்தை சேர்ந்த ரஞ்சித்குமாருக்கும் வரும் திங்கட்கிழமை திருமணம் நடைபெறவுள்ளது.

மாயாற்றில் வெள்ளப்பெருக்கு ஏற்பட்டுள்ள நிலையில் ராசாத்தியையும் அவர் குடும்பத்தாரையும், ஊர் மக்கள் பரிசலில் ஏற்றி ஆற்றின் மறுகரையில் சேர்த்தனர்.

பின்னர் ராசாத்தி கூறுகையில், எனக்கு திங்கட்கிழமை திருமணம், ஆனால் அதற்கு கூட வெளியில் வராதமுடியாத நிலையில் ஊர்மக்களும், வனத்துறை அதிகாரிகளும் எங்களிடம் பேசி அனுப்பிவைத்தனர்.

எங்கள் பகுதியில் பாலம் கட்டி தரக்கோரியும் இன்னும் செய்யவில்லை என கூறியுள்ளார்.

நாமக்கல் மாவட்டத்தில் திருமணம் நிச்சயிக்கப்பட்ட வாலிபர் ஒருவர் திடீரென காணாமல் போன காரணத்தால் மணமகள் குடும்பத்தார் அதிர்ச்சியடைந்துள்ளனர்.

வினோத் (27) என்பவருக்கும், கரூரை சேர்ந்த பெண் ஒருவருக்கு திருமணம் நிச்சயிக்கப்பட்டிருந்தது, அவர்களுக்கு நேற்று (ஆகஸ்ட் 17, 2018) காலை உத்தமசோழபுரத்தில் உள்ள கரபுரநாதர் கோயிலில் திருமணம் செய்ய ஏற்பாடுகள் நடந்து வந்தன.

திருமணம் முடிந்த பிறகு இன்று மாலை கிச்சிப்பாளையத்தில் உள்ள சிவா திருமண மண்டபத்தில் வரவேற்பு நிகழ்ச்சிக்கும் ஏற்பாடுகள் செய்து வந்தனர்.

இந்நிலையில் மணமகன் வினோத் நேற்று மாலை அவசரமாக வெளியே எங்கேயே கிளம்பிச் சென்றவர் அதன்பின் வீடு திரும்பவில்லை. உறவினர்கள் பல இடங்களில் தேடிப்பார்த்தும் வினோத் இருக்கும் இடத்தைக் கண்டுபிடிக்க முடியவில்லை. அவருடைய செல்போனுக்கு தொடர்பு கொண்டபோது, அது ஸ்விட்ச் ஆப் செய்யப்பட்டு இருந்தது.

இதுகுறித்து வினோத்தின் பெற்றோர் பொலிசில் புகார் அளித்துள்ளனர், வினோத் மாயமானது குறித்து மணமகளின் பெற்றோருக்கும் தகவல் தெரிவிக்கப்பட்டது. இதைக்கேட்டு அவர்களும் அதிர்ச்சி அடைந்தனர். திருமணம் பிடிக்காமல் மணமகன் ஓடிவிட்டாரா? அல்லது வேறு பெண்ணை காதலித்து வந்ததால் ஓடிவிட்டாரா? என பல்வேறு கோணங்களில் விசாரணை நடத்தி வருகின்றனர்.

கேரளாவில் தன் மகளின் நிச்சயதார்த்தத்தை நிறுத்திவிட்டு அதற்கான பணத்தை, வெள்ளத்தால் பாதிக்கப்பட்ட மக்களுக்கு நிதி உதவி அளித்த பத்திரிகையாளரின் செயலை அனைவரும் பாராட்டி வருகின்றனர்.

இந்தியாவின் கேரள மாநிலம் வரலாறு காணாத வெள்ளத்தில் சிக்கித்தவிக்கிறது. நிலச்சரிவுகளும் வீடுகளைச் சூழ்ந்த வெள்ளமும் சாப்பாட்டுக்கு வழியில்லாத குழந்தைகளின் அழுகைகளும் தொடர்ந்தவண்ணம் உள்ளன.

உயிரிழப்புகளின் எண்ணிக்கையானது நாளுக்கு நாள் அதிகரித்தவண்னம் உள்ளது. இயற்கையின் கோரத்தாண்டவத்தால் சிக்கி பரிதவிக்கும் கேரளத்துக்கு அண்டை மாநிலங்கள் உதவிக்கரம் நீட்டுகின்றன.

இந்தநிலையில், கேரளாவில் பத்திரிகையாளர் ஒருவரின் செயல், பொதுமக்களை நெகிழ்ச்சியில் ஆழ்த்தியுள்ளது.

அங்குள்ள தேசாபிமானி என்ற பத்திரிகையில் தலைமை ஆசிரியராக பணியாற்றி வருபவர் மனோஜ். இவர் தனது மகளுக்கு திருமண நிச்சயதார்த்தம் செய்ய முடிவு செய்திருந்தார். வரும் ஞாயிற்றுக்கிழமை, கேரள மாநிலம் கண்ணூரில் நடைபெற இருந்த நிச்சயதார்த்தத்தை நிறுத்திய மனோஜ்,

அந்தப் பணத்தை வெள்ளத்தால் பாதிக்கப்பட்ட மக்களுக்கு உதவும் வகையில், முதல்வர் நிவாரண நிதிக்கு அவர் வழங்கியுள்ளார்.

இந்த முடிவை மணமகன் வீட்டாரும் வரவேற்றனர். இது தொடர்பாக மனோஜ் தனது பேஸ்புக் பக்கத்தில், `என் மகள் தேவி மற்றும் வழக்கறிஞர் சுதாகரன் ஆகியோருக்கு வருகிற 19-ம் திகதி திருமணம் செய்ய முடிவு செய்யப்பட்டது.

கேரளாவின் இயற்கைப் பேரிடரைக் கருத்தில் கொண்டு நிச்சயதார்த்தத்தை நிறுத்தி வைத்தோம். இருவீட்டாரும் இணைந்து பாதிக்கப்பட்ட மக்களுக்கு உதவும் வகையில், முதல்வர் நிவாரண நிதிக்கு, நிச்சயதார்த்தத்துக்காகச் சேர்த்து வைத்த பணத்தை வழங்கினோம்’ என்று பதிவிட்டுள்ளார்.

கேரளாவில் உயிரிழந்த செவிலியர் லினியின் கணவர் தனது முதல் மாத சம்பளத்தை வெள்ளத்தால், பாதிக்கப்பட்ட மக்களின் நிவாரணத்துக்கு வழங்கியிருப்பது நெகிழ்ச்சியை ஏற்படுத்தியுள்ளது.

கேரளாவில் கடந்த மே மற்றும் ஜுன் மாதங்களில் மலப்புரம், கோழிக்கோடு ஆகிய மாவட்டங்களில்வெவ்வால்கள் மூலம் நிபா வைரஸ் காய்ச்சல் பரவியது.

இதன் காரணமாக 17 பேர் வரை உயிரிழந்தனர். இந்த நிபா வைரஸ் காய்ச்சலால் பாதிக்கப்பட்ட மக்களுக்குச் சிகிச்சை அளிக்கும் பணியில் லினி என்ற செவிலியர் ஈடுபட்டிருந்தார்.

தொடர்ந்து இரவு, பகல் என பெரம்பரா நகர மருத்துவமனையில் தங்கி லினி மக்களுக்கு சேவை ஆற்றி வந்ததால், அவருக்கும் நிபா வைரஸ் காய்ச்சலின் தொற்று ஏற்பட்டது.

இதனால் இவருக்கு தொடர்ந்து சிகிச்சையளிக்கப்பட்டு வந்த நிலையில், சிகிச்சை பலனின்றி பரிதாபமாக உயிரிழந்தார். உயிரிழந்த லினிக்கு, சஜேஸ் புதூர்(36) என்ற கணவரும் இரண்டு குழந்தைகளும் உள்ளனர்.

மக்களுக்காக இரவு, பகல் பாராமல் தொடர்ந்து சேவையாற்றி வந்த லினி இறந்ததால், கருணை அடிப்படையில் அவரின் கணவர் சஜேஸ்க்கு கேரள அரசு சார்பில் வேலை கொடுக்கப்பட்டது.

இந்நிலையில் கடந்த மாதம் பணியில் சேர்ந்த சஜேஸ்க்கு முதல் மாத சம்பளமான 25,200 ரூபாய் இந்த மாதம் கொடுக்கப்பட்டது. அதை அவர் தற்போது கேரளா வெள்ள நிவாரண நிதிக்காக அளித்துள்ளார்.

இது குறித்து அவர் கூறுகையில், தற்போது என் மாநிலம் இருக்கும் சூழலில் அவர்களுக்கு உதவி செய்ய வேண்டியது என்னுடைய கடமை, இதனால் நான் என்னுடைய முதல் மாத சம்பளம் முழுவதையும் வெள்ள நிவாரண நிதிக்காக அளித்துவிட்டேன்.

என்னையும், எனது குடும்பத்தையும் கவனித்துக் கொள்ள கேரள அரசும், மக்களும் இருக்கிறார்கள் என்று நெகிழ்ச்சியாக கூறியுள்ளார்.

மேலும் என் மனைவி லினி தனது வாழ்க்கையையும். உயிரையும் செவிலியர் பணிக்காக தியாகம் செய்தார். அவரை நினைத்து நான் பெருமைப்படுகிறேன்.

அவரின் தியாகத்தால் எனக்கு வேலைவாய்ப்பு கிடைத்தது. எனக்கு இந்த வேலையை அளித்த கேரள அரசுக்கும், ஆதரவு அளித்த மக்களுக்கும் எப்போதும் நான் விசுவாசமாக இருப்பேன் என்று தெரிவித்துள்ளார்.

லினாவுக்கு ஏற்பட்ட நிபா வைரஸ் காய்ச்சல் தொற்று வேறுயாருக்கும் பரவிவிடக்கூடாது என்பதற்காக அவர் உயிரோடு இருக்கும் வரை அவரின் கணவர் மற்றும் குழந்தைகளை பார்ப்பதற்கு மருத்துவமனை நிர்வாகம் அனுமதிக்கவில்லை.

இதனால் அவர் தனது கணவரையும், குழந்தைகளையும் பார்க்காமலே கடைசியில் உயிரிழந்தார் என்பது குறிப்பிடத்தக்கது.

ஜேர்மனியைச் சேர்ந்த 36 வயது பெண் ஒருவர் தன்னுடைய கற்பை இணையத்தில் ஏலம் விட்டதால், அவரை 4 கோடிக்கு ஒரு தொழிலதிபர் வாங்கியுள்ளார்.

ஜேமனியைச் சேர்ந்தவர் Mandy. 36 வயதான இவர் விமானப்பணிப் பெண்ணாக பணியாற்றி வருகிறார். இந்நிலையில் இவர் தன்னுடைய கற்பை Cinderella Escorts என்ற இணையதளம் ஒன்றில் ஏலம் விடுவதற்கு முடிவு செய்துள்ளார். அதன் படி அவர் தன்னுடைய புகைப்படம் மற்றும் வீடியோக்கள் போன்றவைகளை அதில் பதிவேற்றம் செய்துள்ளார்.

இதையடுத்து இவரை ஜேர்மனியின் முனிச் பகுதியைச் சேர்ந்த தொழிலதிபர் ஒருவர் £223,000(இலங்கை மதிப்பு 4,55,50,973 கோடி ரூபார்)-க்கு வாங்கியுள்ளார்.

இது குறித்து Mandy பிரபல ஆங்கில நாளிதழ் ஒன்றிற்கு அளித்துள்ள பேட்டியில், பல வருடங்களாக என்னுடைய காதலனுக்காக காத்திருந்தேன்.

ஆனால் நான் தற்போது வரை பார்க்க முடியவில்லை. வயது தான் ஆகிக் கொண்டே இருக்கிறது தவிர, எந்த ஒரு பயனும் இல்லை.
இதன் காரணமாக என்னுடைய கற்பை விற்க முடிவு செய்தேன். இதைப் பற்றி செய்திதாள்களில் படித்து தெரிந்து கொண்டேன்.

அடுத்த மாதம் அந்த நபரை சந்திக்கவுள்ளேன். இதில் வரும் பணத்தை என்னுடைய வாழ்க்கைக்கும் மற்றும் குடும்பத்தினருக்கும் பயன்படுத்த முடிவு செய்துள்ளேன் என்று கூறியுள்ளார்.