வவுனியா சுற்றுவட்ட வீதியில் இன்று (17.08.2018) அதிகாலை மரமொன்று சரிந்து வீழ்ந்ததில் பல மணிநேரமாக இவ் வீதியூடான போக்குவரத்து தடை ஏற்ப்பட்டுள்ளது.

சுற்றுவட்ட வீதியில் நின்ற பழமைவாய்ந்த மரமொன்று அதிகாலை வீதியில் சரிந்து வீழ்ந்துள்ளது. இதன் காரணமாக சுற்றுவட்ட வீதியூடான போக்குவரத்து பல மணிநேரமாக தடை ஏற்பட்டுள்ளது.

குறித்த இடத்திற்கு விரைந்த இலங்கை மின்சாரசபையினர் மின்சாரத்தினை தூண்டிக்கும் நடவடிக்கையில் ஈடுபட்டுக்கொண்டிருக்கின்றனர்.

மினுவாங்கொட பிரதேசத்தில் தனது தாயின் தலையில் கொடூரமாக தாக்கி காயப்படுத்திய குற்றச்சாட்டில் மகன் கைது செய்யப்பட்டுள்ளார்.

சந்தேகநபர் நீதிமன்றத்தில் ஆஜர்படுத்தப்பட்ட நிலையில் எதிர்வரும் 21ஆம் திகதி வரை விளக்கமறியலில் வைக்கப்பட்டுள்ளார்.

மினுவாங்கொட, ஜாபாலவத்தை பிரதேசத்தை சேர்ந்த இளைஞர் ஒருவரே இவ்வாறு விளக்கமறியலில் வைக்கப்பட்டுள்ளார்.

சந்தேக நபர் குடிபோதையில் வீட்டிற்கு வந்த கணவன், மனைவி மீது தாக்குதல் மேற்கொண்டுள்ளார். இதன்போது சண்டையை தடுக்க தாய் முன்வந்த போது அவரது தலையில் பாரிய காயம் ஏற்பட்டுள்ளது. காயமடைந்த தாயார் மினுவாங்கொட வைத்தியசாலையில் சிகிச்சை பெற்று வருகின்றார்.

சந்தேக நபர் 18 வயதான கணவன், இதற்கு முன்னரும் மனைவியை தாக்கிய குற்றச்சாட்டில் கைது செய்யப்பட்டு பிணையில் விடுவிக்கப்பட்டவர் என்பது குறிப்பிடத்தக்கது.

மனிதாபிமானத்தை மறந்து விட்டு அது பற்றி பேசும் இன்றைய சமூகத்தில் மனதை உருக்கும் சம்பவம் ஒன்று கேகாலை பகுதியில் பதிவாகியுள்ளது. இது மனிதர்கள் மத்தியில் அல்ல இரண்டு விலங்குகளுக்கு இடையில் நடந்த சம்பவம்.

வாழக்கை என்பது மிகவும் அதிசயமானது. இதில் நம்ப முடியாத பல விடயங்கள் நடக்கத்தான் செய்கின்றன. இதை இயற்கை என்று கூறுவதா? அல்லது இயல்பு என்று கூறுவதா?

கேகாலை – மொலகொட பிரதேசத்தில் தனியார் உணவகம் ஒன்றில் இரண்டு அபூர்வமான நண்பர்கள் வாழ்ந்து வந்தனர்.

அந்த சிறிய நண்பர்களில் ஒருவர், இந்த உலகத்தை விட்டுப் பிரிந்து 5 நாட்கள் ஆகின்றன. இதனால் நண்பனை பிரிந்து வாடும் ஒரு ஜீவன் பற்றிய கதையே இது. அதாவது ஒரு குட்டி குரங்கினதும், நாய் ஒன்றினதும் நெகிழ்ச்சியான சம்பவம்.

குரங்குகள் தமது குட்டியை வயிற்றில் அணைத்தபடி செல்லும். குரங்கு குட்டி ஒன்று தனது தாயுடன் இப்படி சென்று கொண்டிருந்த போது, தாய் குரங்கு மின்சாரம் தாக்கி இறந்து விட்டது.

குரங்கு குட்டியை காப்பற்றிய சுரங்கம் ஒன்றில் தொழில் புரியும் பொறியிலாளர் அதனை தனது வீட்டுக்கு கொண்டு சென்றுள்ளதுடன் சாலி என அதற்கு பெயர் சூட்டியுள்ளார்.

வீட்டில் இருக்கும் மிட்டி என்ற பெண் நாய், மிகவும் அன்புடன் குரங்கு குட்டிக்கு பால் ஊட்டி தன்னுடன் வைத்துக்கொண்டுள்ளது. இருவரும் உற்ற நண்பர்களாக உலவாந்தனர்.

எனினும் துரதிஷ்டவசமாக மதுபோதையில் இருந்த நபர் ஒருவர், குரங்கு குட்டியை கொஞ்சி விளையாடிய போது, அது அந்த நபரின் காலில் மிதியுண்டு உயிரிழந்துள்ளது.

வேறு வேறு இனங்களாக இருந்தாலும் இரண்டும் ஒன்றுடன் ஒன்று மிகவும் பாசமாக இருந்துள்ளது. தாயை இழந்த குட்டி குரங்கு நாயை தனது தாயாக நினைத்து வந்துள்ளது.

இந்த நிலையில் தனது குட்டியைப் போல் பாசத்துடன் வளர்த்து வந்த குரங்கு இறந்துள்ளதால் நாய் மட்டுமல்ல அப்பகுதியில் உள்ள ஒட்டுமொத்த சமூகமும் கவலையில் உள்ளதாக தெரிவிக்கப்படுகின்றது.

இலங்கை மாணவரொருவர் வெளிநாட்டிலிருந்து க.பொ.த உயர்தரப் பரீட்சைக்கு தோற்றவுள்ளதாக தகவல் வெளியாகியுள்ளது.

இந்தோனேசியாவிலிருந்து குறித்த மாணவன் பரீட்சைக்கு தோற்றவுள்ளதுடன், இவ்வாறான சம்பவம் இடம்பெறுவது இதுவே முதல் தடவை என தெரிவித்து கொழும்பு ஊடகமொன்று நேற்று செய்தி வெளியிட்டுள்ளது.

கொழும்பு – பம்பலப்பிட்டி புனித பீற்றஸ் கல்லூரியில் கல்வி கற்று வரும் அகலங்க பீரிஸ் எனும் மாணவனுக்கே இவ்வாறாதொரு வாய்ப்பு கிட்டியுள்ளது.

ஆசிய விளையாட்டு விழாவிற்காக, இலங்கை நீச்சல் குழாமில் இடம்பிடித்து அந்த மாணவர் இந்தோனேசியா சென்றுள்ள நிலையிலேயே இந்த சந்தர்ப்பம் ஏற்படுத்திக் கொடுக்கப்படவுள்ளது.

இந்த விடயம் தொடர்பில் பரீட்சைகள் ஆணையாளர் நாயகம் சனத் பூஜித குறித்த கொழும்பு ஊடகத்திற்கு கருத்து தெரிவிக்கையில்,

தேசிய ஒலிம்பிக் குழுவின் கோரிக்கையால் இந்த மாணவன் வெளிநாட்டிலிருந்து பரீட்சை எழுதுவதற்கான வசதி ஏற்படுத்திக் கொடுக்கப்படவுள்ளது.

இந்தோனேசிய உயர்ஸ்தானிகராலயத்தில் இடம்பெறவுள்ள இந்த பரீட்சையில் கணக்கியல், பொது அறிவு மற்றும் ஆங்கிலம் ஆகிய 3 பாடங்களினதும் பகுதி ஒன்றுக்கான வினா பத்திரங்களுக்கு அகலங்க விடையளிக்கவுள்ளார்.

இதற்காக இலங்கை பரீட்சைகள் திணைக்களத்தின் சிரேஷ்ட அதிகாரிகள் இருவர் இந்தோனேசியாவிற்கு செல்லவுள்ளனர் என குறிப்பிட்டுள்ளார்.

நாட்டின் பல்வேறு பகுதிகளில் இடம்பெற்ற 6 விபத்துக்களில் பெண் ஒருவர் உட்பட 6 பேர் உயிரிழந்துள்ளனர். உகன, கிளிநொச்சி, கந்தான, மிஹிந்தலை, வெலிமட மற்றும் குளியாப்பிட்டிய ஆகிய பகுதிகளில் இடம்பெற்ற விபத்துக்களிலேயே இவ்வாறு உயிரிழப்புகள் ஏற்பட்டுள்ளதாக பொலிஸ் தலைமையாகம் தெரிவித்துள்ளது.

உகன பொலிஸ் பிரிவிற்குட்பட்ட சமனலபெந்த பகுதியில் மோட்டார் சைக்கிள் ஒன்று பாதையை விட்டு அருகில் இருந்த மின் கம்பத்துடன் மோதியதில் 71 வயதுடைய நபர் ஒருவர் உயிரிழந்துள்ளார்.

இதேவேளை, கிளிநொச்சியில் இருந்து இரணைமடு திசை நோக்கி பயணித்த மோட்டார் சைக்கிள் மீது, அதே திசையில் சென்ற இராணுவத்தினரின் ரக் ரக வாகனம் மோதியதில் 51 வயதுடைய ஒருவர் உயிரிழந்துள்ளார்.

கந்தானை, ஆனியாகந்த வைத்தியசாலை வீதிக்கு அருகில் மோட்டார் சைக்கிள் ஒன்று கட்டுப்பாட்டை இழந்து கவிழ்ததில் 22 வயதுடைய இளைஞர் ஒருவர் உயியரிழந்துள்ளார்.

அத்துடன் மிஹிந்தலை, பெரளுஹிந்த சந்தியில் மோட்டார் சைக்கிள் ஒன்று டிரக்டர் ரக வாகனம் ஒன்றின் பின்னால் மோதியதில் நபர் ஒருவர் உயிரிழந்துள்ளார்.

விபத்தில் பலத்த காயமடைந்த நபரை ரம்பாவே வைத்தியசாலையில் அனுமதிக்கப்பட்ட பின்னர் அவர் உயிரிழந்துள்ளார்.

வெலிமட பகுதியில் பாதையை கடக்க முற்பட்ட பெண் ஒருவர் மீது பேருந்து ஒன்று மோதியதில் 51 வயதுடைய பெண் ஒருவர் உயிரிழந்துள்ளதாக வெலிமட பொலிஸார் தெரிவிக்கின்றனர்.

குளியாப்பிட்டிய பகுதியில் பாதசாரிகள் கடவையூடாக பாதையை கடக்க முற்பட்ட ஒருவரை லொறி ஒன்று மோதியதில் 70 வயதுடைய ஒருவர் உயிரிழந்துள்ளார்.

யாழ்ப்பாணம் பிரதேசத்தில் 50 பேர் கைது செய்யப்பட்டுள்ளதாக யாழ்ப்பாணம் பொலிஸார் தெரிவித்துள்ளனர். யாழில் இடம்பெற்ற குழு மோதல்கள் தொடர்பில் குறித்த நபர்கள் கைது செய்யப்பட்டுள்ளதாக பொலிஸார் குறிப்பிட்டுள்ளனர்.

இந்த மாதத்தின் முதலாம் திகதியில் இருந்து மேற்கொள்ளப்பட்ட விசேட சோதனை நடவடிக்கையின் போது குறித்த நபர்கள் கைது செய்யப்பட்டுள்ளதாக யாழ்ப்பாண பொலிஸார் குறிப்பிட்டுள்ளார்.

யாழ்ப்பாணம், மானிப்பாய், கோப்பாய், சுன்னாகம் பிரதேசத்தில் மேற்கொள்ளப்பட்ட திடீர் சோதனை போது, யாழில் வன்முறை செயற்பாடுகளுக்கு தொடர்புடைய 50 பேர் கைது செய்யப்பட்டுள்ளதாக பொலிஸார் தெரிவித்துள்ளனர்.

அந்த பிரதேசத்தில் இயங்கும் குழுக்களுக்கு இடையில் மோதல் மற்றும் பொது மக்களுக்கு அச்சுறுத்தல் விடுக்கப்பட்டமை, கொள்ளையில் ஈடுபட்டமை ஆகிய செயற்பாடு தொடர்பில் இந்த கைது சம்பவம் இடம்பெற்றதாக பொலிஸார் குறிப்பிட்டுள்ளனர்.

யாழ்ப்பாணம் பிரதேசத்தில் ஆவா, தனுரொக்,, விக்டர் போன்ற குழுக்களினால் யாழ்ப்பாணத்தில் வன்முறை சம்பவங்கள் அதிகரித்துள்ளதாக பொலிஸார் சுட்டிக்காட்டியுள்ளனர்.

யாழ்ப்பாணம், மானிப்பாய், கோப்பாய் சுன்னாகமம் பிரதேசத்தில் பொலிஸாரின் விடுமுறைகள் இரத்து செய்யப்பட்டுள்ளதுடன், விசேட சுற்றி வளைப்பு செயற்பாடுகள் முன்னெடுக்கப்பட்டுள்ளமை குறிப்பிடத்தக்கது.

யாழ்ப்பாணத்தை சேர்ந்த பெண்ணொருவர் வெள்ளவத்தையில் தற்கொலை செய்து கொண்ட நிலையில் சடலமாக மீட்கப்பட்டார். அவரது மரணத்திற்கான காரணத்தை பொலிஸார் வெளியிட்டுள்ளனர்.

மன உளைச்சலுக்கு உள்ளான நிலையில் தற்கொலை செய்து கொண்டதாக மரண விசாரணையில் தெரியவந்துள்ளது.

உயிரிழந்த பெண்ணின் மகள் கபொத உயர்தரத்தில் படிப்பினை தொடர மறுத்துள்ளார். எனினும் தாயார் படிக்க சொல்லி வலியுறுத்தியுள்ளார். எனினும் அவரது மகள் மறுத்துள்ளமையினால் விரத்தியடைந்த நிலையில் தற்கொலை செய்துள்ளார்.

வெள்ளவத்தை பீட்டர்சன் வீதியிலுள்ள வீடொன்றில் தாய் ஒருவர் தூக்கிட்டு தற்கொலை செய்து கொண்ட நிலையில் சடலமாக பொலிஸாரினால் மீட்கப்பட்டார்.

இரு பிள்ளைகளின் தாயான 46 வயது நிரம்பிய பிரியதர்ஷனி புஷ்பராஜா, இவ்வாறு தற்கொலை செய்து கொண்டுள்ளார்.

தற்கொலை செய்து கொண்ட பெண்ணின் பிரேத பரிசோதனை நேற்றையதினம் களுபோவில் வைத்தியசாலையில் இடம்பெற்றுள்ளது.

வெள்ளவத்தையில் இரண்டு பிள்ளைகளின் தாய் சடலமாக மீட்கப்பட்டுள்ளதாக பொலிஸார் தெரிவித்துள்ளனர்.

குறித்த பெண்ணின் சடலம் வெள்ளவத்தை பொலிஸ் பிரிவுக்குட்பட்ட பீட்டர்சன் வீதியிலுள்ள அவரது வீட்டின் அறையிலிருந்து மீட்கப்பட்டுள்ளது.

குடும்பத்தில் ஏற்பட்ட தகராறு காரணமாக குறித்த பெண் தற்கொலை செய்து கொண்டதாக முதற்கட்ட விசாரணையில் தெரியவந்துள்ளது.

யாழ்ப்பாணத்தை பிறப்பிடமாகவும் தற்போது வெள்ளவத்தையில் வசித்து வரும் 46 வயதுடைய பிரியதர்சினி புஷ்பராஜா என்பவரே இவ்வாறு தூக்கிட்டு தற்கொலை செய்து கொண்டுள்ளார்.

பெண்ணின் சடலம் பிரேத பரிசோதனைகளுக்காக களுபோவில வைத்தியசாலையில் வைக்கப்பட்டுள்ளது.

சம்பவம் தொடர்பான மேலதிக விசாரணைகளை வெள்ளவத்தை குற்றத்தடுப்பு பிரிவு பொலிஸ் பொறுப்பதிகாரியின் தலைமையிலான குழுவினர் மேற்கொண்டு வருகின்றனர்.

கிளிநொச்சியில் இராணுவத்தினரின் வாகனம் மோதியதில் ஒருவர் சம்பவ இடத்திலேயே பரிதாபமாக பலியாகியுள்ளார். இந்த சம்பவம் இன்று பிற்பகல் இடம்பெற்றுள்ளதுடன், இதனால் சிலமணிநேரம் அமைதியின்மை ஏற்பட்டுள்ளதாகவும் கூறப்படுகின்றது.

கிளிநொச்சியிலிருந்து இரணைமடு திசை நோக்கி பயணித்த மோட்டார் சைக்கிள் மீது, அதே திசையில் சென்ற இராணுவத்தினரின் டக் ரக வாகனம் மோதியதில் குறித்த விபத்து இடம்பெற்றுள்ளது.

விபத்தில் மோட்டார் சைக்கிளை செலுத்திய கிளிநொச்சி பாரதிபுரம் பகுதியை சேர்ந்த 51 வயதான க.குகனேஸ்வரன் என்ற 5 பிள்ளைகளின் தந்தையே உயிரிழந்துள்ளதாக பொலிஸார் கூறியுள்ளனர்.

இதேவேளை, மேலதிக விசாரணைகளை கிளிநொச்சி பொலிஸார் முன்னெடுத்து வருகின்றனர்.