இந்தியாவில் வீட்டுக்கு திருட வந்தவர்கள் மனைவியிடம் தவறாக நடந்து கொண்ட நிலையில் அதை தடுத்த கணவன் சுட்டு கொல்லப்பட்ட சம்பவம் அதிர்ச்சியை ஏற்படுத்தியுள்ளது.

பீகார் மாநிலத்தின் பாட்னாவை சேர்ந்தவர் ராஜீவ் குமார். இவர் மனைவி ரஜ்னி ரஞ்சன். தம்பதிக்கு அந்த்ரா என்ற மகள் உள்ளார்.

ராஜீவ் அரசு துறையில் பெரிய அதிகாரியாக உள்ள நிலையில் அரசு குடியிருப்பில் வசித்து வந்தார்.

இந்நிலையில் நேற்று முன்தினம் நள்ளிரவில் கழிவறைக்கு செல்ல ராஜீவ் எழுந்த நிலையில் வீட்டு முற்றத்தில் ஏதோ சத்தம் கேட்டது.

இதையடுத்து கதவை அவர் திறந்த போது அங்கு முகத்தை மூடியபடி மூன்று திருடர்கள் நின்றிருந்தனர்.

இந்த சமயத்தில் ரஞ்சனும் அங்கு வந்துள்ளார். இதையடுத்து அவர்கள் ராஜீவிடம் உள்ள பணம் நகைகளை கேட்டு மிரட்டினர். பயந்த போன ராஜீவ் தன்னிடம் இருந்த 40,000 பணத்தை கொடுத்தார்.

ஆனால் தங்களுக்கு இன்னும் பணம் வேண்டும் என திருடர்கள் கேட்ட நிலையில் ராஜீவ் தர மறுத்தார். இதையடுத்து மூவரும் ராஜீவ் மனைவி ரஞ்சனை பலாத்காரம் செய்ய முயன்றனர். இதை பார்த்து அதிர்ச்சியடைந்த ராஜீவ், மனைவியை காப்பாற்ற போராடினார்.

இதில் ஆத்திரமடைந்த மூவரில் ஒருவர் ராஜீவை துப்பாக்கியால் சுட்டு கொன்றுள்ளார். பின்னர் மூவரும் தப்பியோடியுள்ளனர்.

இது குறித்து பொலிசில் ரஞ்சன் புகார் கொடுத்த நிலையில் பொலிசார் விசாரித்து வருகிறார்கள்.

சென்னை வளசரவாக்கத்தில் கழிவு நீர்க் குழாயில் இருந்து பச்சிளம் குழந்தை ஒன்றை ஒரு பெண்மணி மீட்டெடுத்துள்ள சம்பவம் பதைபதைப்பை ஏற்படுத்தியுள்ளது.

பிறந்த சில நாட்கள் கூட கடந்திடாத நிலையில், ஒரு பச்சிளம் குழந்தையை யாரோ கழிவு நீர்க் குழாயின் அடியில் ஒரு துணியை சுற்றி வைப்பது போல், வைத்துவிட்டுச் சென்றுள்ளனர்.

அப்பகுதியில் இருந்த கீதா என்கிற பெண்மணியும் அவரது மகளும் குழந்தையின் அழுகுரல் கேட்டு தேடியிருக்கின்றனர்.

பின்னர் அழுகுரலானது கழிவுநீர்க் குழாயின் அடியில் இருந்து வருவதைக் கண்டறிந்த அந்த தாயும் மகளும், அதன் அருகே சென்று பார்த்துவிட்டு அதிர்ச்சியாகியுள்ளனர்.

அந்த பெண்மணியோ, படுத்துக்கொண்டபடி, கழிவுநீர்க் குழாயின் இடுக்கில் பார்த்து குழந்தை இருப்பதை உறுதி செய்து, அதிர்ச்சியுடன் அந்த குழந்தையை கையைவிட்டு வெளியே எடுத்துள்ளார்.

நீண்ட நேரம் மூச்சுத் திணறிய நிலையிலும், உடலின் மேல் கழிவுகள் ஏறியும் இருந்த குழந்தையை உடனடியாக கழுவி, அருகில் இருந்த மருத்துவமனைக்கு எடுத்துச் சென்று மீட்டுள்ளனர்.

மேலும் சுதந்திர தினத்தன்று பாரத மாதாவே கொடுத்த அந்த குழந்தை என நினைக்கும் அந்த பெண்மணி, அந்த குழந்தைக்கு ‘சுதந்திரம்’ என பெயரிட்டு மகிழ்ச்சியடைந்தார்.

பச்சிளம் குழந்தையினை இப்படி மனிதாபிமானம் அற்று கழிவுநீர்க் குழாயடியில் வைத்துவிட்டுச் சென்ற சம்பவம் அப்பகுதியினரின் நெஞ்சத்தை உலுக்கியுள்ளது.

சென்னையில் பெண்களை நூதனமுறையில் ஏமாற்றி நகைகளைக் கொள்ளை அடித்ததோடு, பாலியல் வன்கொடுமை செய்தது குறித்தும் கால் டாக்ஸி டிரைவர் பரபரப்பு வாக்குமூலம் அளித்துள்ளார்.

இதுகுறித்து பொலிசார் கூறுகையில், சென்னையில் டாக்ஸி டிரைவராக உள்ள சுரேஷ் குமார் பல பெண்களை ஏமாற்றி வருவதாக இரண்டு பெண்கள் பொலிசிடம் புகார் அளித்தனர்.

இதன் பின்னர் அவரிடம் நடத்திய விசாரணையில் பல திடுக்கிடும் தகவல்களை அவர் தெரிவித்ததாக கூறியுள்ளார். சுரேஷ்குமார் அளித்துள்ள வாக்குமூலத்தில், சொந்தமாக டாக்ஸி வைத்துள்ள நான் தனியாக வேலைக்குச் செல்லும் பெண்களைத்தான் குறிவைப்பேன்.

நடந்து செல்லும் பெண்கள் அருகில் காரை நிறுத்தி தனது டாக்ஸி ஓனருக்கு இன்று பிறந்தநாள்ள். இதனைச் சிறப்பாகக் கொண்டாடும் வகையில் சுமங்கலி பெண்களுக்குப் பட்டுப்புடவை இலவசமாக வழங்கிக் கொண்டிருக்கிறார் என சொல்வேன்.

அதன் பின்னர், நம்பி வரும் பெண்களை காரில் ஏற்றிச் சென்று யாரும் இல்லாத இடத்தில் காரை நிறுத்தி கத்திமுனையில் அவர்களை மிரட்டி நகைகளைப் பறித்துவிடுவேன்.

சில பெண்களை பாலியல் ரீதியாகவும் துன்புறுத்தியுள்ளேன். அதன் பின்னர், பெண்களைப் பாதியில் இறக்கி விட்டுவிடுவேன். டாக்ஸியில் தனியாகப் பயணிக்கும் பெண்களிடமும் இப்படி நடந்து கொண்டுள்ளேன் என கூறியுள்ளார். இதையடுத்து சுரேஷ்குமாரை பொலிசார் கைது செய்துள்ளனர்.

பெரம்பலூர் மாவட்டத்தை சேர்ந்த கமருன்னிசா என்ற பள்ளி ஆசிரியையை அவரது காதலன் கத்தியால் குத்தி கொலை செய்துள்ள சம்பவம் அதிர்ச்சியை ஏற்படுத்தியுள்ளது.

ஆனந்த் என்பவரை கமருன்னிசா கடந்த 10 ஆண்டுகளாக காதலித்து வந்துள்ளார். இந்நிலையில், இன்று பள்ளிக்கு கமருன்னிசா சென்றுகொண்டிருக்கையில், வழிமறித்து பிரச்சனை செய்த ஆனந்த் தான் மறைத்துவைத்திருந்த கத்தியை எடுத்து குத்திகொலை செய்துவிட்டு தப்பத்து ஓடியுள்ளார்.

இந்நிலையில், தப்பியோடிய ஆனந்த் கைது செய்யப்பட்டு அவரிடம் விசாரணை நடத்தியதில், அதற்கான காரணத்தை வாக்குமூலமாக அளித்துள்ளார்.

கடந்த 2006 ஆம் ஆண்டில் இருந்து நானும், கமருன்னிசாவும் காதலித்து வருகிறோம், நாங்கள் காதலித்தபோது அவருக்கு தேவையான அனைத்தையும் வாங்கிகொடுத்தேன், ஆனால் இடையில் திடீரென என்னுடன் பேசுவதை நிறுத்தி விட்டார்.

என்னை திருமணம் செய்யவும் மறுத்து விட்டார். மேலும் அவருக்கு வேறொரு மாப்பிள்ளையை பார்த்து நிச்சயம் செய்தனர். இதனால் எனது நண்பருடன் சேர்ந்து அவளை கொலை செய்ய திட்டமிட்டு அதன்படி செய்தேன் என கூறியுள்ளார்.

ஆனந்த் மது அருந்திவிட்டு திரிகிறார் என்ற காரணத்தால் கமருன்னிசா அவரை விட்டு பிரிந்ததாக கூறப்படுகிறது.

தமிழகத்தில் தினசரி நாளிதழ் மூலம் விளம்பரம் கொடுத்து பல பெண்களை ஏமாற்றிய 58 வயது நபரை பொலிசார் கைது செய்துள்ளனர்.

சென்னை, போரூரை சேர்ந்தவர் முருகன் (58). இவர் மீது ஓசூரைச் சேர்ந்த இளம் பெண் ஒருவர் தாம்பரம் காவல்நிலையத்தில் முருகன் தன்னை ஏமாற்றிவிட்டதாக கூறி புகார் அளித்துள்ளார்.

இதையடுத்து பொலிசார் அவரை தேடி வந்த நிலையில் சிசிடிவி காட்சிகள் மற்றும் செல்போன் இஎம்ஐ நம்பரை வைத்து கைது செய்தனர்.

அதன் நடத்தப்பட்ட முதல் கட்ட விசாரணையில் பல திடுக்கிடும் தகவல்கள் வெளிவந்துள்ளன. இவர் கடந்த பத்து ஆண்டுகளாக இதே போன்று தான் பல பெண்களை ஏமாற்றியுள்ளார் என்பது தெரியவந்துள்ளது.

அதாவது, பிரபல தினசரி நாளிதழில் திருமணத்திற்கு பெண் தேவை. அதுவும் 35 வயதுக்கு மேலான பெண்கள் மட்டும் தேவை என விளம்பரம் செய்து வருவதை வழக்கமாக கொண்டுள்ளார்.

இதனால் திருமண ஆசையில் இருக்கும் பெண்கள் அவரை நேரில் சந்திக்க வரும் போது, தான் ஒரு பணக்காரர் போலவும், தொழில் அதிபர் போலவும் காட்டிக்கொண்டுள்ளார்.

அதன் பின் அந்த பெண்களிடம் ஒன்றாக வசிப்பார். இதைத் தொடர்ந்து திடீரென்று என்றாவது ஒருநாள் தனது உடைமைகளை மற்றும் அந்தப் பெண்ணின் நகை, பணம் எல்லாவற்றையும் சுருட்டிக்கொண்டு ஓடிவிடுவார்.

இப்படி பல பெண்களை 10 ஆண்டுகளாக ஏமாற்றி வந்துள்ளார். கைது செய்யப்பட்ட இவரிடமிருந்து 18 சவரன் தங்க நகைகள், 30 ஆயிரம் ரூபாய் பணம் மற்றும் 50-க்கும் மேற்பட்ட சிம் கார்டுகள் பறிமுதல் செய்யப்பட்டுள்ளன.

அத்துடன் சில ஏடிஎம் கார்டுகளும் பறிமுதல் செய்யப்பட்டன. தற்போது முருகனிடம் பொலிசார் தொடர்ந்து விசாரணை மேற்கொண்டு வருவதாகவும், இவர் மீது ஏற்கனவே மூன்று வழக்குகள் பதிவு செய்யப்பட்டு, தேடப்பட்ட நபர் தான் என்பதும் தெரியவந்துள்ளது.