கர்நாடகாவில் திருமணமான 2 மாதத்தில் புதுமாப்பிள்ளை பேஸ்புக் நேரலையில் தூக்கிட்டு தற்கொலை செய்து கொண்டது சோகத்தை ஏற்படுத்தியுள்ளது.

மோகன் கவுடா (25) என்பவருக்கும் 22 வயதான இளம் பெண்ணுக்கும் இரண்டு மாதம் முன்னர் திருமணம் நடைபெற்றது. இந்நிலையில் பேஸ்புக் நேரலையில் மோகன் தூக்கிட்டு தற்கொலை செய்து கொண்டார்.

அப்போது அவர் கூறுகையில், நாங்கள் ஐந்து ஆண்டுகளாக காதலித்தோம். அவள் குடும்பத்தினரின் எதிர்ப்பையும் மீறி இரண்டு மாதத்துக்கு முன்னர் திருமணம் செய்து கொண்டோம்.

ஆனால் திருமணத்துக்கு பின்னர் என் மனைவி என்னை ஏமாற்றிவிட்டாள். என் மனைவியும், மாமனாரும் தான் என் தற்கொலைக்கு காரணம் என தெரிவித்துள்ளார்.

பொலிசார் இது குறித்து நடத்திய விசாரணையில், திருமணமான சில வாரங்களிலேயே மோகனின் மாமனாருக்கு உடல்நலம் சரியில்லை என போன் வந்துள்ளது.

இதையடுத்து தனது மனைவியை அவர் வீட்டுக்கு மோகன் அனுப்பியுள்ளார். ஆனால் பின்னர் மனைவி, மோகன் வீட்டுக்கே திரும்பவில்லை, இதையடுத்து 15 நாட்களுக்கு முன்னர் மோகன் தன்னை கட்டாயப்படுத்தி திருமணம் செய்ததாக அவர் மனைவி பொலிசில் புகார் கொடுத்துள்ளது தெரியவந்தது.

இதனால் ஏற்பட்ட வருத்தத்தால் மோகன் தற்கொலை செய்து கொண்டுள்ளார். இதையடுத்து மோகன் மனைவி மற்றும் மாமனாரை பொலிசார் கைது செய்து விசாரித்து வருகிறார்கள்.

மூன்றுமாத பெண் குழந்தையைக் கொலைசெய்து புதருக்குள் வீசிய தாயாரிடம் பொலிசார் தீவிர விசாரணையில் ஈடுபட்டுள்ள சம்பவம் அதிர்ச்சியை ஏற்படுத்தியுள்ளது.

தமிழகத்தின் கோவை சரவணம்பட்டியை அடுத்த சிவானந்தபுரம் பகுதியைச் சேர்ந்தவர்கள் கார்த்திக்- வனிதா தம்பதி. இவர்களுக்கு ஏற்கெனவே ஒன்றரை வயதில் பெண் குழந்தை இருக்கிறது. இந்நிலையில், கடந்த மூன்று மாதத்துக்கு முன்பு இரண்டாவதாக ஓர் பெண் குழந்தைப் பிறந்துள்ளது.

இதையடுத்து, தன் முதல் குழந்தையைத் திண்டுக்கல் சிறுமலை பகுதியிலுள்ள தன்னுடைய அம்மா வீட்டில் கொண்டுபோய்விட்ட வனிதா தன் மூன்று மாதக் குழந்தையான கவிஸ்ரீயை வளர்த்து வந்துள்ளார்.

இந்நிலையில், வீட்டில் தூங்கிக் கொண்டிருந்த குழந்தையை யாரோ தூக்கிச் சென்றுவிட்டதாக தமது கணவருக்கு வனிதா தொலைபேசியில் தகவல் அளித்துள்ளார்.

தகவலறிந்து வீட்டுக்கு விரைந்து வந்த கார்த்திக், தன் மனைவி வனிதாவுடன் சென்று சரவணம்பட்டி காவல்நிலையத்தில் புகார் அளித்துள்ளார்.

காவல்துறையினர் வனிதாவிடம் நடத்திய விசாரணையில் அவர் முன்னுக்குப் பின் முரணாகப் பதிலளித்துள்ளார். இதில் சந்தேகமடைந்த பொலிசார், வனிதாவை தனியாக விசாரித்துள்ளனர்.

ஒருகட்டத்தில் பொலிசாரிடம் பொய்சொல்ல முடியாமல் திணறிய வனிதா, குழந்தையைத் தானே கொலை செய்ததாக ஒப்புக்கொண்டார்.

நடந்த விவகாரம் தொடர்பில் பொலிசாரிடம் அவர் அளித்த வாக்குமூலத்தில், “முதல் குழந்தை பெண்ணாகப் பிறந்ததால், இராண்டாவது ஆண் குழந்தை பிறக்கும் என நினைத்திருந்தேன்.

ஆனால், இரண்டாவது குழந்தையும் பெண்ணாகப் பிறந்ததால் குடும்பத்தினரால் ஒதுக்கி வைக்கப்பட்டுவிடுவோம் என்ற பயம் இருந்தது.

அதுமட்டுமல்லாது, இந்தக் குழந்தை எப்போதும் அழுதுகொண்டிருந்தது. இதனால் எனக்கு கடுமையான மன உளைச்சல் ஏற்பட்டது.

அதனால் குழந்தையைக் கொன்று வீட்டின் பின்புறம் உள்ள புதரில் வீசினேன். அதை மறைப்பதற்காகக் குழந்தை கடத்தப்பட்டதாக நாடகமாடினேன் என்று கூறியிருக்கிறார் வனிதா.

இதைத் தொடர்ந்து சம்பவ இடத்துக்கு விரைந்த பொலிசார், குழந்தையின் சடலத்தை மீட்டு பிரேதப் பரிசோதனைக்காகக் கோவை அரசு மருத்துவமனைக்கு அனுப்பி வைத்துள்ளனர். இச்சம்பவம் அப்பகுதியில் உள்ள மக்களிடையே கடும் அதிர்ச்சியை ஏற்படுத்தியுள்ளது.

தமிழ்நாட்டில் 8 வருடமாக காதலித்த பெண் திருமணத்துக்கு வற்புறுத்தியதால் காதலன் ஓட்டமெடுக்க காதலி, வீட்டு வாசலில் போராட்டம் நடத்தியது பரபரப்பை ஏற்படுத்தியது.

விழுப்புரம் மாவட்டத்தை சேர்ந்தவர் சம்மு. இவரும் மணிவண்ணன் என்ற இளைஞரும் கடந்த எட்டு ஆண்டுகளாக காதலித்து வந்தனர்.

இதில் மூன்று முறை கர்ப்பமாகி கருக்கலைப்பு செய்தார் சம்மு.

இந்நிலையில் தன்னை திருமணம் செய்து கொள்ளும்படி மணிவண்ணை சம்மு வற்புறுத்திய நிலையில் அவர்களுக்குள் கடந்த 2 மாதங்களாக விரிசல் ஏற்பட்டதாக கூறப்படுகின்றது.

இந்நிலையில் திங்கட்கிழமை சம்மு தனது குடும்பத்தினருடன் மணிவண்ணன் வீட்டுக்கு மாப்பிள்ளை கேட்டு வந்த நிலையில் அதை விரும்பாத அவர் ஓட்டம் பிடித்துள்ளார்.

இதையடுத்து மணிவண்ணனின் வீட்டின் முன்பு அமர்ந்து காத்திருப்பு போராட்டத்தில் ஈடுபட்டார் சம்மு. தகவல் அறிந்து சம்பவ இடத்துக்கு சென்ற பொலிசார் சம்முவிடம் விசாரித்த போது அனைத்தையும் வேதனையுடன் தெரிவித்தார்.

பின்னர் பொலிசார் அவரை காவல் நிலையம் அழைத்துச் சென்றனர். சம்பவம் குறித்து விசாரிக்கப்பட்டு வருகிறது.

பாகிஸ்தான் சிறையில் அடைக்கப்பட்டிருந்த தனது கணவரை எப்படியாவது மீண்டும் சந்தித்துவிடுவேன் என்ற நம்பிக்கையில் காத்திருந்த மனைவிக்கு வெற்றி கிடைத்துள்ளது.

ராஜஸ்தான் மாநில தலைநகர் ஜெய்ப்பூரை சேர்ந்த கஜானந்த் சர்மா என்பவர் கடந்த 36 ஆண்டுகளுக்கு முன்னர் ஜெய்ப்பூரில் இருந்து திடீரென்று தனது 32-வது வயதில் காணாமல் போனார்.

எங்கு தேடியும் இவர் கிடைக்கவில்லை. அவர் பாகிஸ்தான் சிறையில் அடைக்கப்பட்டுள்ளதாக பல ஆண்டுகள் கழித்து குடும்பத்தாருக்கு தகவல் கிடைத்தது.

இதற்கிடையே, பாகிஸ்தானின் சுதந்திர தினத்தை முன்னிட்டு அங்குள்ள சிறைகளில் அடைத்து வைக்கப்பட்டுள்ள 26 மீனவர்கள் உள்பட 29 கைதிகளை நல்லெண்ண அடிப்படையில் அந்நாட்டு அரசு நேற்று முன்தினம் விடுதலை செய்தது.

விடுதலையானவர்களில் ஒருவரான கஜானந்த் சர்மாவை, அட்டாரி-வாகா எல்லைப்பகுதியில் அவரது குடும்பத்தினர் மகிழ்ச்சியுடனும், நெகிழ்ச்சியுடன் கட்டித்தழுவி வரவேற்றனர்.

வாழ்நாளில் ஒரு முறையாவது தனது கணவரின் முகத்தை காண வேண்டும் என்ற ஆவலுடனும், ஏக்கத்துடனும் காத்திருந்தேன் என மக்னி தேவி கூறியுள்ளார்.

நிச்சயம் அவர் திரும்பி வருவார் என கடந்த 36 ஆண்டுகளாக மிகுந்த நம்பிக்கையுடன் காத்திருந்தேன். அவரை பிரிந்திருந்த காலங்கள் மிக கடினமானவை.

எனது கணவர் கண்டிப்பாக வருவார் என உண்மையாக நம்பினேன். அதனால் தான் எனது நம்பிக்கை நிறைவேறியது என கூறியுள்ளார். கஜனாந்தாவிற்கு தற்போது 68 வயதாகியுள்ளது.

இந்தியாவில் கல்லூரி மாணவி ஒருவர் வீட்டை எதிர்த்து திருமணம் செய்து கொண்ட நிலையில் தூக்கிட்டு தற்கொலை செய்து கொண்டுள்ளார்.

ஆந்திர மாநிலம் திருப்பதியை சேர்ந்தவர் கீதிகா (19), இரண்டாம் ஆண்டு மருத்துவ படிப்பு படித்து வந்தார். இந்நிலையில் நேற்று வீட்டில் உள்ள தனது அறையில் கீதிகா தூக்கில் தொங்கியுள்ளார்.

அறை கதவை வெகுநேரமாக கீதிகா திறக்காத நிலையில் அவர் அம்மா உள்ளே சென்று பார்த்துள்ளார். மகள் தூக்கில் தொங்கியதை பார்த்த அவர் அக்கம் பக்கத்தினர் உதவியுடன் மீட்டு மருத்துவமனைக்கு கொண்டு சென்றார். ஆனால் அவர் ஏற்கனவே இறந்துவிட்டதை பொலிசார் உறுதி செய்தனர்.

தனிப்பட்ட காரணங்களுக்காக கீதிகா இறந்ததாக தகவல் வெளியான நிலையில் இது குறித்து அவர் அம்மா ஊடகத்திடம் பேசவில்லை. ஆனால் கீதிகா குறித்த புதிய தகவல் வெளியாகியுள்ளது.

அதாவது, கீதிகா ஒரு ஆண்டுக்கு முன்னால் சுதிர் ரெட்டி என்பவரை காதலித்துள்ளார்.இதையடுத்து பெற்றோரின் எதிர்ப்பை மீறி திருமணம் செய்து கொண்டு கணவருடன் வசித்து வந்தார்.

இந்நிலையில் சில தினங்களுக்கு முன்னர் கீதிகாவின் பெற்றோர் அவரை வலுக்கட்டாயமாக கணவரிடம் இருந்து பிரித்து தங்களது வீட்டுக்கு அழைத்து வந்துள்ளனர். இந்த சூழலில் தான் கீதிகா தூக்கில் தொங்கியுள்ளார் என தெரியவந்துள்ளது.

பிரான்ஸ் நாட்டு நண்பரை எரித்துக் கொன்றது ஏன் என்பது தொடர்பில் கைதான தமிழக இளைஞர் அளித்த வாக்குமூலம் காவல்துறையினரை திகைப்பில் ஆழ்த்தியுள்ளது.

தமிழகத்தின் பட்டுக்கோட்டை அடுத்த ஆவிக்கோட்டை பகுதியைச் சேர்ந்தவர் திருமுருகன். இவர் கல்லூரி படிக்கும் காலத்தில் பிரான்ஸ் நாட்டு சுற்றுலாப் பயணியான பியாரே பெர்னாண்டோ ரெனேவுடன் நட்பு ஏற்பட்டிருக்கிறது.

இந்தநிலையில் கடந்த ஐந்து வருடமாக இருவருக்கும் நெருக்கமான நட்பு ஏற்பட்டுள்ளது. இதைத் தொடர்ந்து அடிக்கடி பிரான்ஸிலிருந்து தமிழ்நாட்டுக்கு வந்து திருமுருகனைச் சந்தித்து வந்துள்ளார்.

இந்த நட்பு பின்னர் இருவரும் ஓரின சேர்க்கையில் ஈடுபடும் அளவுக்கு வளர்ந்ததாக பொலிஸ் விசாரணையில் தெரியவந்துள்ளது.

கடந்த மாதம் 31-ம் திகதி பியாரே ரெனே சுற்றுலாவாகச் சென்னை வந்துள்ளார். 3-ம் திகதி வரை சென்னையில் தங்கி இருந்த அவர், பின்னர் திருச்சி சென்றுள்ளார்.

திருச்சியில் தங்கி இருந்து பல்வேறு இடங்களைச் சுற்றிப் பார்த்த அவர், 5-ம் திகதி திருமுருகனை தொடர்புகொண்டுள்ளார்.

இதையடுத்து, திருச்சி சென்று அவரை அழைத்துக்கொண்டு மதுக்கூரில் உள்ள தனது வீட்டுக்கு சென்றுள்ளார் திருமுருகன். அங்கு வைத்து இருவரும் மது அருந்தியுள்ளனர்.

பின்னர், ஓரினச் சேர்க்கையில் ஈடுபட்டபோது ரெனே திடீரென வலிப்பு ஏற்பட்டு பேச்சு மூச்சின்றி நினைவிழந்து மயங்கிவிழுந்துள்ளார்.

அவரை எழுப்ப முயற்சித்தும் பலனில்லாமல் போனது. இதனிடையே அவர் இறந்ததாக தெரியவந்தது. இதனால் அவருடைய சடலத்தை என்ன செய்வது என்று தெரியாமல் திகைத்ததாக கூறும் திருமுருகன்,

வீட்டின் சமையலறையில் வைத்து டீசல், பெட்ரோல் டயர் ஆகியவற்றைக்கொண்டு பியாரே ரெனே உடலை எரித்ததாக தெரிவித்துள்ளார்.

எரிந்து முடிந்ததும் எலும்பு, சாம்பல் மற்றும் எரியாமல் கிடந்த சதைப்பகுதியை 3 சாக்குகளில் அடைத்து மூட்டையாகக் கட்டி உக்கடை வாய்க்காலிலும் பையை ஓலையக்குன்னம் கிராமத்தில் உள்ள ஒரு வயலிலும் வீசியதாக பொலிஸ் விசாரணையில் தெரிவித்துள்ளார்.

இதுதொடர்பாகத் திருமுருகனிடம் தொடர்ந்து விசாரித்து வருவதாகக் கூறியுள்ள பொலிசார், பிரான்ஸிலிருந்து பெர்னாண்டோ ரெனேவின் உறவினர்கள் யாராவது தொடர்புகொண்டார்களா என்பது குறித்து தகவல் வெளியிடவில்லை

தமிழகத்தில் மத்திய சிறையில் ஆயுள் தண்டனை கைதிகள் நன்னடத்தை காரணமாக அவர்கள் குடும்பத்துடன் விருந்து சாப்பிட அனுமதிக்கப்பட்டதால், அது தொடர்பான புகைப்படங்கள் வெளியாகியுள்ளன.

கடலூர் மத்திய சிறையில் 700-க்கும் மேற்பட்ட கைதிகள் உள்ளனர். இதில் 300-க்கும் மேற்பட்டோர் தண்டனை கைதிகள். இந்நிலையில் சிறையில் இருக்கும் ஆயுள் தண்டனை கைதிகள் நன்னடத்தை காரணமாக, அவர்கள் குடும்பத்தினருடன் சேர்ந்து விருந்து சாப்பிட அனுமதிக்கப்பட்டனர்.

அதன் படி 27 பேரும் அவர்களது குடும்பத்தை சேர்ந்தவர்களை நேற்று சந்தித்து தங்களது மகிழ்ச்சியை பரிமாறிக் கொண்டனர்.

அப்போது சிறையில் சமைத்து கொடுக்கப்பட்ட உணவினை அவர்களுக்கு ஊட்டி விடுவது, குழந்தைகளுடன் கொஞ்சி பேசியது மற்றும் தாயின் மடியில் உறங்குவது போன்ற உணர்ச்சிகரமான புகைப்படங்களை கடலூர் மத்திய சிறை நிர்வாகம் வெளியிட்டுள்ளது.

கணவனை மனைவி பார்க்காமலும், குழந்தைகள் தந்தையை பார்க்காமலும், வயதான பெற்றோர் மகனை சந்திக்காமலும் வாழ்ந்து வந்த நிலையில் இந்த சந்திப்பின் மூலம் இருத்தரபினரும் மிகுந்த மகிழ்ச்சியடைந்துள்ளனர் என்பது குறிப்பிடத்தக்கத்தக்கது.