கோபாலபுர இல்லத்தில் கருணாநிதியின் நாற்காலியும், அவருக்கு பூ போடப்பட்டு இருக்கும் படத்தை பார்த்தப்படியே படுத்திருக்கும் அவரின் வளர்ப்பு பிராணி புகைப்படமும் கல் நெஞ்சம் படைத்தவர்களையும் கரையவைத்துள்ளது.

கருணாநிதிக்கு செல்லப்பிராணி என்றால் உயிர். அவரின் கோபாலபுர இல்லம் மற்றும் சிஐடி காலனியிலும் லாசா அப்ஸோ மற்றும் பக் வகை நாய்களை வளர்த்தார்.

அந்த நாய்கள் மீது கருணாநிதிக்கு அலாதியான அன்பு. கோபாலபுரம் இல்லத்தில் லாசா அப்ஸோ நாயுடன் அவர் எடுத்துக் கொண்ட புகைப்படத்தை பார்த்து பல தலைவர்கள் பிரமித்து கேட்டுள்ளனர்.

கருணாநிதி நல்ல உடல் நலத்துடன் இருக்கும் போது தினமும் ஒரு முறையாவது அந்த நாய்களை மடியில் வைத்து கொஞ்சுவாராம்.

வீட்டில் உள்ள தொலைக்காட்சியில் கருணாநிதி பேச்சு அல்லது வீடியோ வந்தால் அந்த நாய்கள் உடனே ஓடிப்போய் தொலைக்காட்சியில் தெரியும் கருணாநிதிக்கு முத்தம் இடும்.

தினமும் அந்த நாய்களுக்கு தனது கையால் உணவு அளிப்பவர் கருணாநிதி தான். ஆனால், நிரந்தரமாக பிரிந்துவிட்ட கருணாநிதி இனி வரமாட்டார் என்பது இந்த நாய்களுக்கு தெரியாமல் அவரது புகைப்படத்தை பார்த்துக்கொண்டு படுத்திருப்பது சோகத்தை ஏற்படுத்தியுள்ளது.

மறைந்த திமுக தலைவர் கருணாநிதியின் ஓய்வு நேரத்தில் அவரை தினமும் சந்தித்து விளையாடி வந்த அவரது கொள்ளுப்பேரன், சமாதியில் கருணாநிதியின் படத்தைப்பார்த்து குதூகலித்த காட்சி அனைவரையும் நெகிழ வைத்தது.

கருணாநிதி உடல் நலக்குறைவால் வீட்டில் ஓய்வெடுத்து வந்த நேரத்தில் அவரது பேரன் அருள்நிதியின் 2 வயது மகன் மகிழன் தான் அவருக்கு பேச்சுத்துணையாக இருந்த உறவு.

ஒரு காலத்தில் 18 மணி நேரத்திற்கு மேலாக உழைத்தவர் திமுக தலைவர் கருணாநிதி. ஓய்வின்றி உழைத்த அவர் புத்தகம் வாசிப்பதையும், எழுத்துப்பணியையும் தனது வாழ்க்கையாகவே மாற்றிக்கொண்டவர்.

தமிழக அரசியலில் கடந்த 2016-ம் ஆண்டு வரை முழுநேரமும் இயங்கக்கூடிய அரசியல் தலைவராகவும் விளங்கினார்.

ஓய்வுக்கு ஓய்வு கொடுப்பவர் என்று கட்சிக்காரர்களால் புகழப்பட்ட கருணாநிதியும் ஒரு கட்டத்தில் அறைக்குள் முடங்கிப்போனார்.

தொண்டையில் பொருத்தப்பட்ட குழாய் பேசுவதற்கு சிக்கலை உருவாக்க, கொஞ்சம் கொஞ்சமாக உடல்நலம் தேறி வந்த அவருக்கு உற்சாகத்தைத் தரும் மருந்தாக அப்போது விளங்கியது மகிழன்தான்.

கருணாநிதியிடம் மிகவும் ஒட்டுதலாக இருந்த பேரன் மகிழனுக்கு அவரது மரணம் கூட விளையாட்டுதான். நேற்று மாலை கருணாநிதியின் சமாதிக்கு வந்த அவரது குடும்பத்தார் பேரன் மகிழனையும் அழைத்து வந்திருந்தனர்.

சமாதியில் பூக்களால் அலங்கரிக்கப்பட்டு கருணாநிதியின் படமும் வைக்கப்பட்டிருந்தது. அனைவரும் அஞ்சலி செலுத்தியபோது அருள்நிதியின் தாயார் தனது பேரனை கீழே இறக்கிவிட்டார். தாத்தாவின் படத்தைப் பார்த்து உற்சாகமான மகிழன் கைகளை உயர்த்தி, குனிந்து தாத்தாவின் சமாதியில் குதூகலத்துடன் வணங்கினான். தாத்தாவின் படத்தைப் பார்த்து கைகளை உயர்த்தி அழைத்தான்.

தாத்தாவின் அந்திமக் காலத்தில் நெருக்கமாக இருந்த கடைக்கோடி உறவான கொள்ளுப்பேரன் மகிழனுக்குக் கிடைத்த அந்த வாய்ப்பை, வளர்ந்து நினைவு தெரியும்போது அவர் நினைத்துப் பார்க்க வாய்ப்புள்ளதை எண்ணி குடும்பத்தினர் நெகிழ்ச்சி கொண்டனர்.

போபாலில் 10ம் வகுப்பு படிக்கும் சிறுவன் 14 கைதிகளை சிறையிலிருந்து விடுதலை செய்வதற்காக பணம் கொடுத்து உதவியுள்ள நெகிழ்ச்சி சம்பவம் அரங்கேறியுள்ளது.

போபாலை சேர்ந்த 10-ம் வகுப்பு படிக்கும் மாணவன் Ayush Kishore, கல்விக்காக தேசிய மற்றும் சர்வதேச போட்டிகளில் கலந்துகொண்டு பல பதக்கங்களை வென்றுள்ளார். இதன் காரணமாக கிசோருக்கு பல்வேறு உதவித்தொகைகள் வந்தவண்ணம் உள்ளன.

கடந்த 2016-ம் ஆண்டு சிறையிலிருந்து தப்பிய சில கைதிகள், சிறைக்காவலரை கொலை செய்துவிட்டு தப்பியுள்ளனர்.

அடுத்த சில தினங்களில் அவருடைய மகளுக்கு திருமணமும் நடைபெறவிருந்தது. இதனை அறிந்த கிசோர் அந்த பெண்ணுக்கு உதவ முன்வந்துள்ளார். தனக்கு கிடைத்த பரிசுத்தொகை ரூ.10000-ஐ அந்த பெண்ணிற்கு கொடுத்து உதவியுள்ளார்.

மகனின் உதவும் குணத்தை நினைத்து பெருமையடைந்த தாய், சிறையில் கைதிகள் படும் வேதனை குறித்து விவரித்துள்ளார். இதனை அறிந்த கிசோர், தண்டனை காலம் முடிந்து அபராதத்தொகை செலுத்த முடியாமல் சிறையில் இருக்கும் கைதிகளுக்கு உதவ வேண்டும் என முடிவெடுத்தார்.

அதன்படி, ரூ.27,850 அபராதத்தொகை செலுத்தி இந்தூர் சிறையிலிருந்து 12 கைதிகளும், போபால் சிறையிலிருந்து இருவரும் வெளியில் வர உதவியுள்ளார். கொலை குற்றவாளிகளான இவர்கள் 14 பேரும் வரும் சுதந்திர தினத்தன்று விடுதலை செய்யப்பட உள்ளனர்.

இதுகுறித்து கிசோர் கூறுகையில், கடந்த ஜனவரி மதம் 4 சிறை கைதிகள் வெளியில் வர உதவி செய்தேன். குடும்பத்தினரை சந்தித்ததும், அவர்கள் அனைவரும் அளவற்ற மகிச்சியில் இருப்பதை பார்த்து மிகுந்த உற்சாகமடைந்தேன். அப்போதுதான் நிறைய கைதிகளுக்கு உதவ வேண்டும் என்ற எண்ணம் தோன்றியது என கூறியுள்ளார்.

திமுக தலைவரான கலைஞர் கருணாநிதியை அடக்கம் செய்வதற்கான சந்தனப் பேழை 12 மணிநேரத்தில் தயார் செய்யப்பட்டுள்ளது.

உடல்நலக்குறைவு காரணமாக காவேரி மருத்துவமனையில் சிகிச்சை பெற்று வந்த கருணாநிதி, கடந்த 7ம் திகதி மாலை 6.10 மணியளவில் காலமானார்.

இதனை தொடர்ந்து கோபாலபுரம் வீடு, சிஐடி காலனியில் உறவினர்களின் அஞ்சலிக்காக வைக்கப்பட்டு, 8ம் திகதி காலை முதல் ராஜாஜி அரங்கில் பொதுமக்களின் பார்வைக்காக வைக்கப்பட்டது.

பிரபலங்கள், பொதுமக்கள், தொண்டர்கள் அஞ்சலி செலுத்த அன்றைய தினம் மாலை மெரினா கடற்கரையில் அண்ணா சமாதி அருகே அடக்கம் செய்யப்பட்டது.

இவருக்கு தயாரான சந்தன பேழையில், ஓய்வெடுக்காமல் உழைத்தவன் இதோ ஓய்வு கொண்டிருக்கிறான் என்ற வாசகம் பொறிக்கப்பட்டிருந்தது.

சுமார் 75 கிலோ தேக்கு மரங்களைப் பயன்படுத்தி 12 மணிநேரத்தில் இந்த சந்தனப் பேழை செய்யப்பட்டுள்ளதாம்.

இதை உருவாக்கிய பிளையிங் ஸ்குவார்டு நிறுவன உரிமையாளர் கூறுகையில், 7ம் திகதி மாலை 6.30 மணியளவில் சந்தனப் பேழை தயாரிக்குமாறு கூறப்பட்டது.

இதனையடுத்து மூன்று மாதிரிகள் குடும்ப உறுப்பினர்களிடம் காண்பிக்கப்பட்டு, ஒன்றை தெரிவு செய்து தந்தனர்.

உடனடியாக சுமார் 10 மணியளவில் 8 ஊழியர்கள் பணியை தொடங்கினர், 6 அடி நீளத்தில் 2.5 அடி அகலத்தில் உருவாக்கப்பட்டது.

சுமார் 75 கிலோ தேக்கு மரங்கள் பயன்படுத்தப்பட்டன, உள்பகுதி முழுதும் உயர்ரக துணியால் அலங்கரிக்கப்பட்டது.

பேழையின் இருபுறமும் 6 தங்க முலாம் பூசிய கைப்பிடிகளும், நட்சத்திரங்களும் அமைக்கப்பட்டுள்ளன, பணிகள் அனைத்தும் 8ம் திகதி காலை 10 மணிக்கு முடிந்தது என தெரிவித்துள்ளார்.

இந்தியாவின் கன்னியாகுமரி மாவட்டத்தை சேர்ந்த தேவானந்தம் வெளிநாட்டில் இருந்து விடுமுறையில் வந்து காதல் மனைவியை கொலை செய்த குற்றத்திற்காக கைது செய்யப்பட்டுள்ளார்.

தேவானந்தம் (வயது 35). இவர் கடந்த 10 வருடங்களுக்கு முன்பு வாள்வச்சகோஷ்டம் பகுதியை சேர்ந்த ரத்தினமணி மகள் ஷைலா (31) என்பவரை காதலித்து திருமணம் செய்து கொண்டார். இவர்களுக்கு சுனித் (8) என்ற மகனும், அடோனா (3) என்ற மகளும் உள்ளனர்.

வெளிநாட்டில் தான் வேலைபார்த்து சம்பாதித்த பணத்தை தனது மனைவிக்கு அனுப்பிவிடுவார் தேவானந்தம். இந்நிலையில் விடுமுறையில் வீட்டுக்கு வந்திருந்த தேவானந்தம், தான் அனுப்பிய பணத்திற்கான விவரங்களை கேட்டுள்ளார்.

அதற்கு ஷைலா சரியான பதிலை சொல்லாமல் முன்னுக்கு பின் முரணாக பேசியுள்ளார். இதனால் அவர்களுக்கிடையே வாக்குவாதம் ஏற்பட்டு ஷைலா கோபித்துக் கொண்டு தனது குழந்தைகளுடன் பெற்றோர் வீட்டுக்கு சென்று விட்டார்.

பிறகு, சமாதானம் ஆகி வீட்டுக்கு வந்த ஷைலாவிடம் , தேவானந்த் வாக்குவாதம் செய்துள்ளார். இதில் கோபம் கொண்டு, கழுத்தை நெறித்தும் தலையணை வைத்து அமுக்கியும் கொலை செய்துள்ளார்.

மனைவியை கொன்றதை தன்னுடைய பெற்றோரிடம் தெரிவித்து விட்டு வெளியேறினார். இதற்கிடையே பொலிசார் தேடுவதை அறிந்த பக்ளி தேவானந்தம் நேற்று மதியம் தக்கலை பொலிசில் சரணடைந்தார். இதனையடுத்து பொலிசார் வழக்குப்பதிவு செய்து அவரை கைது செய்தனர்.

கைது செய்யப்பட்ட கணவன் பொலிசில் அளித்துள்ள வாக்குமூலத்தில், ஊருக்கு வந்தபோது என்னுடைய மனைவியின் கழுத்தில் தாலி செயின் இல்லை. அது எங்கே என்று கேட்ேடன். குழந்தைகளின் படிப்பு செலவுக்காக நகைகளை அடகு வைத்து விட்டேன். மேலும் குடும்ப செலவுக்கு கடன் வாங்கி உள்ளதாகவும் கூறினாள். மாதந்தோறும் நான் அனுப்பும் பணம் எங்கே என கேட்டபோது எங்களுக்குள் தகராறு ஏற்பட்டது.

நான் பணம் எதுவும் அனுப்பவில்லை என என்னிடம் பொய் கூறினாள், இதனால் ஏற்பட்ட பிரச்சனையில் இதில் கோபம் கொண்டு, கழுத்தை நெறித்தும் தலையணை வைத்து அமுக்கியும் கொலை செய்தேன் என கூறியுள்ளார்.