தமிழ்நாட்டில் அத்தையை கொலை செய்த சிறுவன் குறித்து பல்வேறு திடுக்கிடும் தகவல்களை பொலிசார் வெளியிட்டுள்ளதோடு, சிறுவனும் பரபரப்பு வாக்குமூலம் அளித்துள்ளான்.

சென்னை அமைந்தகரையை சேர்ந்தவர் சங்கரசுப்பு. இவர் மனைவி தமிழ்ச்செல்வி கடந்த 2-ஆம் திகதி படுக்கையறையில் கை நரம்பு வெட்டப்பட்ட நிலையில் சடலமாக கிடந்தார்.

இது குறித்த பொலிசார் நடத்திய விசாரணையில் சங்கரசுப்புவின் தங்கை மகனான 10-ம் வகுப்பு படிக்கும் மாணவன் சிவக்குமார் (14) அத்தை தமிழ்ச்செல்வியை கொன்றது தெரியவந்தது.

இது குறித்து பொலிசார் கூறுகையில், சிசிடிவி ககெமரா பதிவுகளை ஆய்வு செய்தோம். அப்போது, மாணவன், தமிழ்ச்செல்வியின் வீட்டுக்கு செல்லும் காட்சிகள் பதிவாகியிருந்தன.

அதுதொடர்பாக மாணவனிடம் விசாரித்தபோது சுத்தியல் வாங்கச் சென்றதாகக் கூறினார். இருப்பினும் மாணவன் மீது எங்களுக்குச் சந்தேகம் வலுத்தது. தொடர்ந்து மாணவனிடம் விசாரித்தபோது உண்மையை ஒத்துக்கொண்டார்.

தமிழ்ச்செல்விக்கும் சிவக்குமாருக்கும் ஆரம்பத்திலிருந்தே பிரச்சனை இருந்துவந்துள்ளது. சிவக்குமார் டிவி தொடர்ந்து பார்த்தால் ரிமோட்டை தமிழ்செல்வி பிடுங்கி கொள்வார்.

அடுத்து தன்னுடைய மகளிடம் சிவக்குமார் பேசுவதையும் தமிழ்ச்செல்வி விரும்பவில்லை. இதனால் அத்தையின் மீது வெறுப்பில் இருந்துள்ளார் மாணவன்.

இந்தச் சமயத்தில் பாபநாசம் படத்தை சிவக்குமார் பார்த்துள்ளார். அதில் கமல்ஹாசன் கொலையை மறைக்க பொலிசிடம் பயப்படாமல் தப்பிக்கும் காட்சிகள் இடம்பிடித்திருக்கும்.

அதை போலவே எங்கள் விசாரணையில் தைரியமாக சுத்தியல் வாங்கச் சென்ற கதையைத் தெரிவித்தார். இருப்பினும் சிசிடிவி பதிவால் எங்களிடம் சிக்கிக்கொண்டான் என கூறியுள்ளனர்.

சிவக்குமார் அளித்துள்ள வாக்குமூலத்தில், அத்தை தமிழ்செல்வி செய்த டார்ச்சரால் தான் அவரைக் கொலை செய்யும் அளவுக்குச் சென்றேன். அத்தையின் ஒவ்வொரு நடவடிக்கைகளும் எனக்குப் பிடிக்கவில்லை.

என்னுடைய உறவினர் ஒருவரின் பிறந்தநாளான்று அத்தையின் மகளோடு பேசிக்கொண்டிருந்தேன். அப்போது, அங்குவந்த அவர் அனைவரின் முன் என்னை அடித்துவிட்டார். இதனால் அவமானத்தில் கூனிக்குறுகினேன். அதற்குப் பழிவாங்கத்தான் அவரைக் கொலை செய்தேன் என தெரிவித்துள்ளார்.

இந்தியாவில் ஒருதலை காதலில் ஈடுபட்ட இளம்பெண் காதலனை கத்தியால் தாக்கியதோடு, பைக்குகளை எரித்துள்ளது அதிர்ச்சியை ஏற்படுத்தியுள்ளது.

ஒடிசா மாநிலத்தை சேர்ந்தவர் திலீப்குமார், இவர் மகன் சிக்கூ. சிக்கூவை அந்த பகுதியில் வசிக்கும் இளம்பெண் ஒருதலையாக காதலித்த நிலையில் காதலை சிக்கூ ஏற்கவில்லை என கூறப்படுகிறது.

இதனால் ஆத்திரமடைந்த அப்பெண் நேற்றிரவு சிக்கூ வீட்டு வாசலில் நிற்கவைக்கப்பட்டிருந்த மூன்று பைக்குகளை தீயிட்டு கொளுத்தியுள்ளார்.

இதை பார்த்து சிக்கூவின் உறவினர்கள் அங்கு வருவதற்குள் பெண் தப்பியோடியுள்ளார், இதையடுத்து உறவினர்கள் பொலிசில் புகார் அளித்தனர்.

சிக்கூவின் உறவினர் கூறுகையில், ஏற்கனவே ஒருமுறை சிக்கூ தூங்கி கொண்டிருக்கும் போது அவரை கத்தியால் தாக்கினார், தற்போது பைக்கை எரித்துள்ளார் என கூறியுள்ளார். இதையடுத்து பெண்ணை பிடித்து பொலிசார் விசாரித்து வருகிறார்கள்.

தமிழகத்தில் மனைவியுடன் ஏற்பட்ட தகராறு காரணமாக மூன்று குழந்தைகளை ஆற்றில் வீசிய நபரை பொலிசார் கைது செய்துள்ளனர்.

ஆந்திர மாநிலம், சித்தூர் மாவட்டத்தைச் சேர்ந்தவர் வெங்கடேஷ். கட்டடத் தொழிலாளியான இவர் திருமணமாகியும் பல ஆண்டுகள் குழந்தை இல்லாத காரணத்தினால் அமராவதி என்ற பெண்ணை இரண்டாவதாக திருமணம் செய்தார்.

இவர்களுக்கு புனித் (5), சஞ்சை (3) மற்றும் ராகுல் (2) என்ற குழந்தைகள் இருந்தனர்.

இந்நிலையில் வெங்கடேஷ் அடிக்கடி மது அருந்திவிட்டு அமராவதியிடம் சண்டை போடுவதையே வழக்கமாக கொண்டுள்ளார்.

தொடர்ந்து இப்படி செய்து வந்ததால், அமராவதி, இனியும் இவருடன் வாழ்க்கை நடத்த முடியாது என்று கூறி, குழந்தைகளை அழைத்துக்கொண்டு அம்மாவின் வீட்டிற்கு சென்றுள்ளார்.

இதையடுத்து அவரை அழைத்து வருவதற்காக நேற்று இரவு மாமியாரின் வீட்டிற்கு சென்ற வெங்கடேஷ், அங்கு சண்டை போட்டுள்ளார்.

அப்போது தனது மூன்று குழந்தைகளையும் தன்னுடன் அழைத்துக்கொண்டு வீட்டிற்கு வந்த போது மனைவி மேல் இருந்த கோவத்தால், மூன்று குழந்தைகளையும் ஆற்றில் தூக்கிவீசி கொலைசெய்து விட்டு, வீடு திரும்பியுள்ளார்.

அங்கு சென்று எதுவும் நடக்காதது போல் வீட்டில் நிம்மதியாக தூங்கியுள்ளார். அதன் பின் காலை வெங்கடேஷின் வீட்டிற்கு வந்த உறவினர்கள் குழந்தைகள் எங்கே என்று கேட்ட போது மூன்று குழந்தைகளையும் காணவில்லை; எங்கு தேடியும் அவர்கள் கிடைக்கவில்லை என்று நாடகமாடியுள்ளார்.

இதற்கிடயில் குழந்தைகளின் சடலம் அப்பகுதியில் இருக்கும் ஆற்றில் மிதந்ததை அப்பகுதி மக்கள் பார்த்து பொலிசாருக்கு தகவல் தெரிவித்துள்ளனர்.

பொலிசார் நடத்திய விசாரணைக்கு பின்னரே வெங்கடேஷ் குழந்தைகளை ஆற்றில் தூக்கி வீசியது தெரியவந்துள்ளது.

இந்நிலையில் இதுகுறித்து கூறிய அவரது மனைவி அமராவதி இவ்வாறு குழந்தைகளைக் கொடூரமாகக் கொலை செய்வார் என கற்பனை செய்து பார்க்கவில்லை என பொலிசாரிடம் வேதனையுடன் கூறியுள்ளார்.

குழந்தைகளை ஆற்றில் வீசியபோது தான் குடிபோதையில் இருந்ததாக வாக்குமூலம் அளித்துள்ளார்.

மந்திர சக்திக்காக ஒரே குடும்பத்தில் நான்கு பேர் கொன்று புதைக்கப்பட்ட சம்பவம் கேரளாவில் அதிர்ச்சியை ஏற்படுத்தியுள்ளது.

கேரள மாநிலம் இடுக்கி மாவட்டத்தில் உள்ள தொடுபுழா அருகில் உள்ள முண்டன்முடியைச் சேர்ந்த தம்பதி கிருஷ்ணன்(52)-சுசிலா(50).

இந்த தம்பதிக்கு அர்ஷா (21), அர்ஜுன் (19) என்று இரண்டு பிள்ளைகள் உள்ளனர். ரப்பர் தோட்டத்தில் பணிபுரிந்த கிருஷ்ணன் மாந்தீரிக தொழிலும் ஈடுபட்டு வந்துள்ளார்.

இந்நிலையில் காலையில் பால் வாங்க வெளியே வரும் கிருஷ்ணன், கடந்த சில தினங்களாக வெளியே வராத காரணத்தினால் சந்தேகமடைந்த அக்கம் பக்கத்தினர் வீட்டின் உள்ளே சென்று பார்த்துள்ளனர்.

அப்போது வீட்டின் உள்ளே இரத்தக் கறை இருந்ததால், அதிர்ச்சியடைந்து அவர்கள் பொலிசாருக்கு தகவல் கொடுத்துள்ளனர்.

விரைந்து வந்த பொலிசார் வீட்டின் உள்ளே சென்று பார்த்த போது தரையிலும் சுவரிலும் ரத்தக்கறை இருந்ததைக் கண்டுள்ளனர்.

அதுமட்டுமின்றி சுத்தியல் ஒன்றும் ரத்தக் கறை படிந்த நிலையில் இருந்துள்ளது. அதன் பின் வீட்டின் பின்னே சென்று பொலிசார் பார்த்த போது, குழி ஒன்று புதிததாக தோண்டப்பட்டு, மண் மூடப்பட்டிருந்தது.

சந்தேகமடைந்த பொலிசார் அதை தோண்டி பார்த்த போது, கிருஷ்ணனின் உடல் இருந்துள்ளது. அதற்கு கீழே மனைவி, மகள் மற்றும் மகன் ஆகியோர் உடல்கள் இருந்துள்ளது.

இவர்கள் கடுமையாக தாக்கப்பட்டு இருந்ததால், சுத்தியலால் தாக்கப்பட்டு கொலை செய்யப்பட்டிருக்கலாம் என்று பொலிசார் சந்தேகித்தனர்.

அதுமட்டுமின்றி வீட்டில் இருந்த 30 பவுன் சவரன் நகைகள் வேறு காணமல் போயுள்ளது. இதைத் தொடர்ந்து பொலிசார் அங்கு நடத்திய சோதனையில் 4 போன்கள் கிடைத்துள்ளது.

அதில் ஒரு போன் மட்டும் ஆக்டிவில் இருந்ததால், அதில் யார், யாரிடம் எல்லாம் பேசியிருக்கிறார்கள் என்பது குறித்து பொலிசார் விசாரணை மேற்கொண்டனர்.

அதன் பின் இது தொடர்பாக இரண்டு பேரை கைது செய்த பொலிசார் அவர்களிடம் விசாரணை செய்துள்ளனர். அதில் கிருஷ்ணனின் உதவியாளர் அனீஷிடம் விசாரித்த போது, இவரும், இவரது நண்பருமான லிபீசும் சேர்ந்து கொலை செய்திருப்பது தெரியவந்துள்ளது.

கிருஷ்ணனின் உதவியாளரான அனிஷ் தனியாக மாந்திரீக தொழில் செய்து வந்துள்ளார். ஆனால் அவர் செய்யும் பூஜைகள் எல்லாம் சரியாக போகவில்லை.

இதற்கு காரணம் கிருஷ்ணன் தான், அவரை கொன்று அவரது மந்திர சக்தியை, அது தொடர்பான பொருட்களையும் கைப்பற்ற நினைத்துள்ளார்.

இதனால் கடந்த 12-ஆம் திகதி கிருஷ்ணாவின் வீட்டிற்கு சென்ற இந்த இரண்டு பேரும், முதலில் வீட்டின் மின்சாரத்தை நிறுத்தியுள்ளனர்.

அதன் பின் வீட்டில் இருந்த கன்றுக் குட்டியை குத்தியதால், அது சத்தம் போட்டுள்ளது. இதனால் கிருஷ்ணனும் அவரது மனைவியும் வெளியில் வந்த போது, இரண்டு பேரையும் இவர்கள் தாக்கியுள்ளனர்.

இவர்களின் சத்ததைக் கேட்டு பிள்ளைகள் ஓடி வர அவர்களையும் கொலை செய்துள்ளனர். இந்த கொலை திட்டத்தை அவர்கள் 6 மாதத்திற்கு முன்பே திட்டமிட்டிருந்தனர் என்று பொலிசார் கூறியுள்ளனர்.

சென்னை புளி யந்தோப்பில், ஆலய நேர்த்திக்கடனை நிறைவேற்ற இரு சிறுவர்கள் மீது பெற்றோரின் அனுமதியுடன் பழம் குற்றுதல் நடத்தப்பட்டமை சமூக வலைத்தளங்களில் விமர்சனத்திற்கு உள்ளாகியுள்ளது.

குறித்த சம்பவம் நேற்று முன்தினம் (ஞாயிற்றுக்கிழமை) இடம்பெற்றுள்ளது. புளியந்தோப்பு பகுதியில் உள்ள ஸ்ரீ முன்டகன்னியம்பாள் ஆலய வைபவத்தின்தின் போது, குறித்த இரு பிள்ளைகளையும் பெற்றோர் நேர்த்திக்காக கொடுமைப்படுத்தியுள்ளனர்.

பிள்ளைகளின் உடலில் பழம் குத்தி (ஊசியில் பழம் குற்றி அதனை உடலில் குற்றுதல்) குறித்த நேர்த்திக் கடன் நிறைவேற்றப்பட்டுள்ளது.

எனினும் இரு சிறுவர்களும் வலியின் உச்சத்தின் கண்கலங்கி நிற்கும் புகைப்படங்கள் பார்ப்போர் கண்களை கலங்க வைத்துள்ளது.

இந்நிலையில், இவ்வாறான மூட நம்பிக்கைகளும் சிறுவர்கள் மீதான வன்கொடுமை என்றும், இவை நிறுத்தப்பட வேண்டும் என்றும் சமூக வலைத்தளங்களில் கருத்துக்கள் வலுப்பெற்றுள்ளன.

இவ்வாறான கொடூர செயற்பாடுகள் நிறுத்தப்பட வேண்டுமெனில், சட்டத்தில் பலம் கொண்டுவரப்பட வேண்டும் என, குறித்த செயலுக்கு எதிராக பலரும் டுவிட் மற்றும் முகநூல்களில் கருத்து வெளியிட்டு வருகிறமை குறிப்பிடத்தக்கது.