திருவள்ளூர் மாவட்டம் கும்மிடிப்பூண்டியில், மனைவியை ஹெல்மெட்டால் அடித்து கொலை செய்துவிட்டு, கணவன் காவல் நிலையத்தில் சரணடைந்துள்ளான். விவாகரத்துக்கு விண்ணப்பித்து, ஒரே வீட்டில் தனித்தனியாக வசித்துவந்த தம்பதியின் வாழ்க்கை சோகத்தில் முடிந்துள்ளது.

கும்மிடிப்பூண்டி அருகே ஈகுவார்பாளையத்தை சேர்ந்த டாஸ்மாக் ஊழியர் சுதாகர், ஆந்திராவை சேர்ந்த விமலா என்பவரை 6 ஆண்டுகளுக்கு முன்பு திருமணம் செய்தார். சுதாகரின் மதுப்பழக்கத்தால் இருவருக்குமிடையே அடிக்கடி தகராறு ஏற்பட்டுள்ளது.

குழந்தையின்மையை மருத்துவ ரீதியில் எவ்வாறு அணுகவது என்பதை யோசிக்காமல், இவர்களது கருத்து வேறுபாடு விவாகரத்து முடிவுக்கு கொண்டு சென்றது. நீதிமன்றத்தில் விண்ணப்பித்து விட்டு இருவரும் ஒரே வீட்டில் தனித்தனியாக வாழ்ந்து வந்தனர்.

இதனிடையே, விவாகரத்து கிடைக்கும் வரை, விமலாவுக்கு மாதந்தோறும் 6 ஆயிரம் ரூபாயை ஜீவனாம்சம் போன்று தறுமாறு சுதாகருக்கு பாதிரிவேடு காவல்துறையினர் அறிவுறுத்தியிருந்தனர்.

4 மாதங்களாக பணம் கொடுத்து வந்த சுதாகர் கடைசி 2 மாதமாக பணம் தரவில்லை. இதனால், இருவருக்குமிடையே மீண்டும் பிரச்சனை உருவாகி கடும் வாக்குவாதம் ஏற்பட்டது. ஒருகட்டத்தில் பொறுமையை இழந்த சுதாகர் ஆக்சாபிளேடால் விமலாவின் கழுத்தை அறுத்தும், ஹெல்மெட்டால் தலையில் கண்மூடித்தனமாக தாக்கியும் உள்ளார்.

ரத்த வெள்ளத்தில் சரிந்த விமலா அங்கேயே உயிரையும் விட்டார். உச்சக்கட்ட கோபத்தில் இருந்து வெளிவந்த பின்னர் தான், தாம் செய்த கொடூர செயலை உணர்ந்த சுதாகர் வேறுவழியின்றி காவல்நிலையத்திற்கு சென்று சரணடைந்தார்.

அதிக மதுப்பழக்கம், சந்தேக குணம், கட்டுக்கடங்கா கோபம் ஆகியவற்றால் இருவரின் வாழ்க்கை வீணானதை விட வேறு என்ன பயன் என்பதையே இந்த சம்பவம் பிரதிபலிப்பதாக அப்பகுதி மக்கள் கூறுகின்றனர்

ராஜஸ்தானில் 7 வயது சிறுமியை பாலியல் துஸ்பிரயோகம் செய்த 19 வயது காமுகனுக்கு தூக்குத்தண்டனை விதித்து நீதிமன்றம் அதிரடி தீர்ப்பளித்துள்ளது.

ராஜஸ்தான் மாநிலம் லட்சுமண்கர் பகுதியில் வசித்து தம்பதியினர், கடந்த மே 9ம் தேதியன்று தங்களது 7 வயது குழந்தையை உறவினர்கள் வீட்டில் விட்டு சென்றனர். திரும்பி வந்து பார்த்தபொழுது சிறுமி வீட்டில் இல்லாததை பார்த்து அதிர்ச்சியடைந்த பெற்றோர், அக்கம்பக்கத்தினரிடம் விசாரித்துள்ளனர். பக்கத்து வீட்டு 19 வயது இளைஞர் தான் சிறுமியை அழைத்து சென்றார் என அவர்கள் தெரிவித்துள்ளனர்.

இதனையடுத்து சிறுமியை பல பகுதிகளில் தேடிக்கொண்டிருக்கும் பொழுது, வீட்டில் இருந்து ஒரு கிலோ மீட்டர் தொலைவில் உள்ள கால்பந்தாட்ட மைதானத்தில் குழந்தை கதறி அழும் சத்தம் கேட்டுள்ளது.இதனையடுத்து அருகில் சென்று சிறுமியை பார்க்கும்பொழுது, உடல் முழுவதும் காயங்கள் இருப்பது கண்டறியப்பட்டது.

பின்னர் மருத்துவமனையில் பரிசோதனை மேற்கொண்ட மருத்துவர்கள் சிறுமி கொடூரமாக பலாத்காரம் செய்யப்பட்டிருப்பதாக கூறினார். இதனையடுத்து சம்மந்தப்பட்ட இளைஞரை காவல்துறையினர் கைது செய்தனர்.

இதுதொடர்பான வழக்கு ஜெய்ப்பூர் நீதிமன்றத்தில் நடந்து வந்த நிலையில், குற்றவாளியான 19 வயது இளைஞருக்கு தூக்குத்தண்டனை வழங்கி அதிரடி தீர்ப்பளிக்கப்பட்டது.

முன்னதாக 12 வயதிற்குட்பட்ட சிறுமிகளை பலாத்காரம் செய்தால் மரண தண்டனை விதிப்பதற்கான சிறப்பு சட்டத்தை, கடந்த மார்ச் மாதம் கொண்டு வந்த பிறகு மரண தண்டனை விதிக்கப்படும் முதல் நபர் இவர் தான் என்பது குறிப்பிடத்தக்கது.

உத்திரபிரதேசத்தில் காதலன் ஏமாற்றியதால் கர்ப்பமான காதலி அழிக்கப்பட்ட கருவை ஒரு பையில் போட்டு எடுத்துக்கொண்டு காவல் நிலையம் சென்றுள்ளார்.

குறித்த பெண், அந்நபரை காதலித்துள்ளார். இந்நிலையில் 6 மாதங்களுக்கு முன்னர் இப்பெண்ணை அவரது காதலர் பலாத்காரம் செய்துள்ளார்.

இதனால் கர்ப்பமான பெண், தனது காதலனிடம் திருமணம் செய்துகொள்ளுமாறு கேட்டுள்ளார். ஆனால் திருமணம் செய்துகொள்ள மறுத்த காதலன், கருவை கலைக்குமாறு வற்புறுத்தி கருவை கலைத்துள்ளார்.

இதனால் அப்பெண் கலைக்கப்பட்ட 5 மாத கருவை ஒரு பையில் போட்டு எடுத்துக்கொண்டு காவல் நிலையம் சென்று, தன்னை ஏமாற்றிய நபர் மீது நடவடிக்கை எடுக்க வேண்டும் என புகார் அளித்துள்ளார்.

இவரின் புகார் ஏற்றுக்கொண்ட பொலிஸார் குறித்த நபர் மீது நடவடிக்கை எடுக்கப்படும் என தெரிவித்துள்ளனர்.

தமிழகத்தில் சக மாணவனை தாக்கிய மற்றொரு மாணவன் மர்மான முறையில் இறந்து கிடந்த சம்பவம் அதிர்ச்சியை ஏற்படுத்தியுள்ள நிலையில், பள்ளியில் மாணவர்கள் சண்டை போட்டுக் கொண்டது தொடர்பான வீடியோ வெளியாகியுள்ளது.

தூத்துக்குடி மாவட்டம் கயத்தாறு பகுதியில் உள்ள தனியார் பள்ளியில் உடையார் என்ற மாணவன் 10-ஆம் வகுப்பு படித்து வந்துள்ளார்.

இதையடுத்து இந்த மாணவன் கடந்த 16-ஆம் திகதி பள்ளிக்கு அருகே உள்ள கிணற்றில் மர்மான முறையில் இறந்துகிடந்தான்.
இதனால் இது தொடர்பாக பொலிசார் விசாரணை மேற்கொண்டு வருகின்றனர்.

பொலிசார் மேற்கொண்ட முதல்கட்ட விசாரணையில், பள்ளியில் மதிய உணவு இடைவேளையில் வகுப்பறையில் இரு மாணவர்களுக்கு இடையே தகராறு ஏற்பட்டுள்ளது.

அப்போது உடையார் மற்றொரு மாணவனைத் சற்று கடுமையாக தாக்கியுள்ளார். இதனால் அந்த மாணவன் வகுப்பறையிலே மயங்கி விழுந்துள்ளான்.

இதைக் கண்ட சக மாணவர்கள் உடனடியாக அந்த மாணவனை மருத்துவமனைக்கு அழைத்துச் சென்று அனுமதித்துள்ளனர். இந்த சம்பவம் தொடர்பாக பள்ளி ஆசிரியர்கள் உடையாரை கண்டித்துள்ளனர்.

இந்நிலையில் தாக்கப்பட்ட மாணவன் மருத்துவமனையில் சிகிச்சை பெற்றுவருவதால், அவன் இறந்துவிட்டால் தன்னை பொலிசார் கைது செய்துவிடுவார்கள் என்ற அச்சத்திலே உடையார் கிணற்றில் குதித்து தற்கொலை செய்திருக்கலாம் என்று விசாரணையில் தெரியவந்துள்ளது.

ஆனால் உடையாரின் பெற்றோரோ தங்கள் மகனின் மரணத்தில் மர்மம் இருப்பதாக கூறி கயத்தாறு தாலுகா அலுவலகத்தை முற்றுகையிட்டு போராட்டம் நடத்தியுள்ளனர்.

இந்தியாவில் தந்தை, காதலுக்கு எதிர்ப்பு தெரிவித்ததால் தாயுடன் சேர்ந்து அவரை கொலை செய்த மகளின் செயல் அதிர்ச்சியை ஏற்படுத்தியுள்ளது.

பஞ்சாப் மாநிலம் லூதியானாவை சேர்ந்தவர் குல்தீப் சிங் (44). இவரின் மகள் சுதிக்‌ஷா (18). இவர் தருண் (23) என்ற இளைஞரை காதலித்து வந்த நிலையில் இதற்கு குல்தீப் சிங் எதிர்ப்பு தெரிவித்துள்ளார்.

இதனால் தந்தை மீது கோபமடைந்த சுதிக்‌ஷா அவரை கொலை செய்ய முடிவெடுத்தார். தனது தாயையும் இதில் கூட்டு சேர்த்து கொள்ள முடிவெடுத்த சுதிக்‌ஷா, குல்தீப் தன்னிடம் தவறாக நடந்து கொண்டதாக கூறியுள்ளார்.

இதை கேட்டு அதிர்ச்சியடைந்த சுதிக்‌ஷாவின் தாய் குல்தீப்பை கொல்ல ஒத்து கொண்டார். அதன்படி தருணிடம் இது குறித்து சுதிக்‌ஷா கூற, நான்கு பேர் கொண்ட கூலிப்படையை தருண் தயார் செய்துள்ளார்.

இதையடுத்து எல்லோரும் சேர்ந்து குல்தீப் வீட்டுக்கு வந்து அவர் கழுத்தை கத்தியால் அறுத்து கொன்றுள்ளனர். பின்னர் சந்தேகம் வரக்கூடாது என்பதற்காக குல்தீப் பைக்கை கூலிப்படையினர் திருடி சென்றுள்ளனர்.

சம்பவம் குறித்து பொலிசுக்கு தகவல் கொடுத்த சுதிக்‌ஷா திருடர்கள் தங்கள் வீட்டுக்கு வந்து பைக்கை திருடி சென்றதோடு குல்தீப்பை கொலை செய்துவிட்டதாக கூறியுள்ளனர்.

இதையடுத்து சம்பவ இடத்துக்கு வந்த பொலிசாருக்கு சுதிக்‌ஷா மற்றும் அவர் அம்மா மீது சந்தேகம் வந்த நிலையில் அவர்களிடம் கிடுக்குபிடி விசாரணை நடத்தியுள்ளனர்.

இதில் அனைத்து உண்மைகளையும் அவர்கள் கூறியுள்ளனர். இதையடுத்து இருவரையும் கைது செய்த பொலிசார் தருணையும் கைது செய்துள்ளனர். இச்சம்பவத்தில் ஈடுபட்ட கூலிப்படையினரை பொலிசார் தேடி வருகிறார்கள்.

திருச்சி மாவட்டத்தில் தனது தாயின் காதல் விவகாரத்தை அறிந்துகொண்ட மகன் கழுத்து நெறித்து கொலை செய்யப்பட்டுள்ளது அதிர்ச்சியை ஏற்படுத்தியுள்ளது.

கட்டிட தொழிலாளியாக இருக்கும் மீனாம்பாள் என்பவரின் கணவர் கடந்த 6 மாதத்திற்கு முன்பு புற்றுநோயின் காரணமாக இறந்துவிட்டார். இவருக்கு அங்குராஜ் என்ற மகன். 14 வயதான அவன் 9-ம் வகுப்பு படித்து வந்தான்.

இந்நிலையில் கடந்த வெள்ளிக்கிழமை அங்குராஜ், வீட்டில் மயங்கி விழுந்துவிட்டதாக மீனாம்பாள் மருத்துவமனைக்கு கொண்டு சென்றுள்ளனர், ஆனால் அவன் இறந்துவிட்டதாக மருத்துவர்கள் தெரிவித்ததையடுத்து, வீட்டிற்கு கொண்டு வந்து அனைவர் முன்னிலையிலும் அழுதுள்ளார்.

இந்த சிறுவனின் இறப்பில் சந்தேகம் இருப்பதாக அறிந்துகொண்ட பக்கத்துவீட்டார் பொலிசிற்கு தகவல் தெரிவித்ததையடுத்து, மீனாம்பாள் வீட்டிற்கு விரைந்து வந்த பொலிசார் அவரிடம் நடத்திய விசாரணையில் அதிர்ச்சி வாக்குமூலம் அளித்துள்ளார்.

கொத்தனார் வேலை செய்யும் முத்தழகு என்பவருடன் எனக்கு பழக்கம் ஏற்பட்டது. அவர் அடிக்கடி என்னை பார்ப்பதற்காக எனது வீட்டிற்கு வருவார்.

அப்போது நாங்கள் குடி கும்மாளம் என சந்தோஷமாக இருப்போம். எனக்கு அடுத்ததாக எனது தோழி லட்சுமியையும் முத்தழகு காதலித்தார்.

3 பேரும் தண்ணி அடித்துவிட்டு, 3 பேரும் சந்தோஷமாக இருப்போம். நான் செய்யும் தவறை மகன் தன் கண்ணாலேயே பார்த்துவிட்டான்.

இதனால் அங்குராஜ் தனியாக அழுதிருக்கிறான். அம்மாவை வெறுக்கவும் முடியாமல், கண்டிக்கவும் வயதில்லாமல், வீட்டில் உள்ள பெரியவர்களிடம் கூறி, அம்மாவை திருத்த சொன்னான்.

உறவினர்கள எனது கள்ளக்காதலை கைவிட சொல்ல, என் மகன் மீது வெறுப்பும் ஆத்திரமும் வந்து அவனை தீர்த்து கட்ட முடிவு செய்தேன்.

அங்குராஜ் தூங்கபோகும்போது, குடிக்கும் பானம் ஒன்றில் தூக்க மாத்திரையை கலந்து கொடுத்தேன். நான் கொடுத்ததால் பேசாமல் வாங்கி குடித்துவிட்டு தூங்க சென்றுவிட்டான். சிறிது நேரம் கழித்து லட்சுமியும், அங்குராஜ்ம் கழுத்தை கயிற்றால் நெரித்தனர்.

தன் கண் முன்னாலேயே கை, கால்களை உதைத்துக்கொண்டு மகன் துடிதுடித்து சாவதை பார்த்துள்ளார் மீனாம்பாள், பிறகு அவன் இறந்துவிட்டதை முத்தழகனிடம் சொல்ல, முத்தழகனோ மருத்துவமனைக்கு கொண்டு சென்றுவிடுங்கள் என ஆலோசனை கொடுத்ததையடுத்து, மருத்துவமனைக்கு கொண்டு சென்று நாடகம் ஆடியுள்ளனர்.

இரு பெண்களையும் கைது செய்து திருச்சி மகளிர் சிறையில் பொலிசார் அடைத்தனர். கூடவே இருந்து குடித்துவிட்டு ஆட்டம்போட்ட முத்தழகன், கள்ளக்காதலிகள் இருவரும் கம்பி எண்ணுவதை அறிந்து தலைமறைவாகி விட்டார். அவரை பொலிசார் தேடி வருகின்றனர்,

சாதி மாறி திருமணம் செய்ய முயன்ற மகளை பெற்ற தந்தை உயிரோடு எரித்து கொன்ற சம்பவம் அதிர்ச்சியை ஏற்படுத்தியுள்ளது.

மத்தியபிரதேச மாநிலத்தின் சைன்புர் சர்கார் கிராமத்தை சேர்ந்தவர் சுந்தர் லால் (52). இவர் மகள் லட்சுமி பாய் (19). இவரும் ராஜ்குமார் என்ற இளைஞரும் காதலித்து வந்த நிலையில் இருவரும் வெவ்வேறு சாதி என்பதால் இவர்கள் காதலுக்கு சுந்தர்லால் எதிர்ப்பு தெரிவித்துள்ளார்.

ஆனால் தந்தை எதிர்ப்பை மீறி காதலனை கரம் பிடிக்க முடிவு செய்த லட்சுமி வீட்டை விட்டு வெளியேறினார். இது குறித்து அறிந்த சுந்தர்பாய் லட்சுமியை பின் தொடர்ந்து சென்று தடுத்து நிறுத்தினார்.

இதையடுத்து இருவருக்கும் வாக்குவாதம் ஏற்பட்ட நிலையில் தன்னிடம் இருந்த மண்ணெண்ணெயை லட்சுமி மீது ஊற்றி சுந்தர்பாய் தீவைத்தார்.

இதையடுத்து வலியால் துடித்த லட்சுமி நடுரோட்டிலேயே துடிதுடித்து உயிரிழந்தார்.

சம்பவம் குறித்து பொலிசாருக்கு தகவல் தரப்பட்ட நிலையில் லட்சுமியின் சடலத்தை கைப்பற்றிய பொலிசார் சுந்தர்பாயையும், இதற்கு உடந்தையாக இருந்த அவர் சகோதரரரையும் கைது செய்துள்ளனர்.