தமிழகத்தின் பழநியில் ஒருதலைக்காதலால் ஓடும் ஆட்டோவில் கழுத்து அறுக்கப்பட்ட ஆசிரியை சிகிச்சை பலனின்றி பரிதாபமாக இறந்துள்ளார்.

இதுதொடர்பாக அவரது அண்ணன் முறையுள்ள இளைஞரை பொலிசார் கைது செய்துள்ளனர். திண்டுக்கல் மாவட்டம், தில்லையாடி வள்ளியம்மை தெருவை சேர்ந்த பகவதி என்பவரின் மகள் பவித்ரா(24).

தனியார் பள்ளி ஆசிரியையாக பணியாற்றிவருகிறார். நேற்று முன்தினம் இரவு ரயில்வே பீடர் சாலையில் இருந்து ஆட்டோவில் ஒரு இளைஞருடன் சென்றுள்ளர்.

பழைய அடிவாரம் காவல் நிலையம் அருகே வந்தபோது, உடன் வந்த இளைஞர் பவித்ராவின் கழுத்தை அறுத்து விட்டு, ஓடும் ஆட்டோவில் இருந்து கீழே குதித்து ஓடியுள்ளார்.

ரத்த வெள்ளத்தில் கிடந்த பவித்ராவை அந்த ஆட்டோ ஓட்டுநர், பழநி அரசு மருத்துவமனைக்கு கொண்டு சென்றார்.

பின்னர் மேல்சிகிச்சைக்காக மதுரை அரசு மருத்துவமனையில் அனுமதிக்கப்பட்ட பவித்ரா, நேற்று அதிகாலை சிகிச்சை பலனின்றி உயிரிழந்துள்ளார்.

சம்பவம் தொடர்பாக பழநி அடிவாரம் பொலிசார் கொலை வழக்கு பதிந்து விசாரணை நடத்தி வந்தனர். விசாரணையில், பவித்ராவின் கழுத்தை அறுத்த இளைஞர், பழநி நெய்க்காரப்பட்டியை சேர்ந்த மில் தொழிலாளி மாயவன் (26), உறவு முறையில் பவித்ராவுக்கு அண்ணன் என தெரியவந்தது.

மாயவன் ஒருதலையாக பவித்ராவை காதலித்துள்ளார். அண்ணன் முறை என்பதால் அவரது காதலை பவித்ரா ஏற்க மறுத்துள்ளார். மேலும், இவருக்கு வேறு ஒருவருடன் நிச்சயிக்கப்பட்டு ஒரு மாதத்தில் திருமணம் நடக்க இருந்தது.

இதனால் ஆத்திரமடைந்த மாயவன், பவித்ராவின் கழுத்தை அறுத்து கொலை செய்திருக்கலாம் என தெரிய வந்துள்ளது. தலைமறைவாக இருந்த மாயவனை பழநி அடிவாரம் பொலிசார் நேற்று மாலை கைது செய்தனர்.

மேற்கு வங்க மாநிலத்தில் பேரக்குழந்தைகள் தங்களை கிண்டல் செய்துவிடுவார்கள் என்ற அச்சத்தில் தங்களுக்கு பிறந்த குழந்தையை பெற்றோர் கொலை செய்துள்ளனர்.

கூச்பெஹார் மாவட்டத்தை சேர்ந்த ராம்(47) என்ற கூலித்தொழிலாளிக்கு திருமணமாகி 3 மகள்கள், 2 மகன்கள் மற்றும் பேரக்குழந்தைகள் உள்ளனர்.

இந்நிலையில், ராமின் மனைவி கர்ப்பமானதையடுத்து இவர்களுக்கு பெண் குழந்தை பிறந்துள்ளது. இந்த நிலையில், குடும்ப உறுப்பினர்கள் தங்களை கிண்டல் செய்வார்கள் என்ற அச்சத்தில் இருந்த தம்பதி, பிறந்த பெண் குழந்தையை கொன்று உறவினர் வீட்டின் அருகே உள்ள குளத்தில் தூக்கி போட்டுள்ளனர்.

அந்த ஊர் பொதுமக்கள் குளத்தில் மிதந்த குழந்தையின் உடலை கண்டு அதிர்ச்சியடைந்து பொலிசில் தெரிவித்ததையடுத்து, இவர்கள் மீது வழக்குப்பதிவு செய்யப்பட்டு ஜல்பைகுரியில் உள்ள நீதிமன்றத்தில் நிறுத்தினர்.

இவர்களுக்கு 3 நாட்கள் பொலிஸ் காவல் விதித்து தீர்ப்பு வழங்கப்பட்டு உள்ளது.

தமிழ்நாட்டில் கர்ப்பிணியாக இருந்த அங்கன்வாடி சமையலர் வயிற்றில் சத்துணவு அமைப்பாளர் எட்டி உதைத்ததால் உயிருக்கு ஆபத்தான நிலையில் மருத்துவமனையில் சேர்க்கப்பட்டுள்ளார்.

நாமக்கல் மாவட்டம் ராசிபுரத்தில் உள்ள அங்கன்வாடி மையத்தில் சமையலராக உள்ளவர் தனலட்சுமி.

7 மாத கர்ப்பிணியான தனலட்சுமி சத்துணவு அமைப்பாளர் உமா அரிசி, முட்டை போன்றவற்றை வெளியே கொண்டு சென்று விற்பதாக உயர் அதிகாரிகளிடம் புகார் அளித்ததாக கூறப்படுகிறது.

இதுகுறித்து வியாழனன்று இருவருக்கும் வாக்குவாதம் ஏற்பட்ட நிலையில் கர்ப்பிணி என்றும் பாராமல் தனலட்சுமியை உமா வயிற்றில் எட்டி உதைத்தாக சொல்லப்படுகிறது.

இதில் சுருண்டு விழுந்த தனலட்சுமி, உயிருக்கு ஆபத்தான நிலையில் சேலம் அரசு மருத்துவமனையில் சேர்க்கப்பட்டார்.

புகாரின் அடிப்படையில் ராசிபுரம் பொலிசார் இது குறித்து விசாரணை நடத்தி வருகின்றனர்.

சென்னையில் செல்போன் வியாபாரி எரித்துக்கொலை செய்யப்பட்ட சம்பவம் தொடர்பாக அவரது வீட்டில் வேலைபார்த்த வேலைக்கார பெண் பொலிசில் வாக்குமூலம் அளித்துள்ளார்.

சுல்தான் என்பவர் செல்போன் உதிரிபாகங்கள் விற்பனையுடன், ரியல் எஸ்டேட் புரோக்கர் தொழிலும் செய்துவந்தார்.

இவர் கடந்த 18 ஆம் திகதி கை, கால்களை கட்டிப்போட்ட நிலையில் பெட்ரோல் ஊற்றி எரித்துக்கொலை செய்யப்பட்டு கிடந்தார்.

இதுகுறித்து பொலிசார் விசாரணையி சில அதிர்ச்சி தகவல்கள் வெளியாகியுள்ளன. சுல்தானுடன் கடைசியாக வேலைக்கார பெண் ரெனியாபானு பேசியுள்ளார்.

இதுகுறித்து ரெனியாவிடம் பொலிசார் விசாரணை நடத்தியபோது அவர் அளித்த வாக்குமூலத்தில், எனக்கு முகமது சுல்தான் பாலியல் தொல்லை கொடுத்ததால் இதுபற்றி எனக்கு திருமணம் நிச்சயிக்கப்பட்ட இமாமுதீனிடம் கூறினேன்.

இமாமுதீன் , முகமது சுல்தானிடம் இதுதொடர்பாக பேசினார். அப்போது எங்களை முகமது சுல்தான் மிரட்டினார். எங்களை அவர் வாழவிடமாட்டார் என்பதால் அவரை தீர்த்துக்கட்ட முடிவு செய்தோம்.

இதையடுத்து 18 ஆம் திகதி மாலை வீட்டிற்கு சென்று முகமது சுல்தானின் கை, கால்களை கட்டிப்போட்டு, பெட்ரோல் ஊற்றி எரித்து கொலைசெய்துதோம் என கூறியுள்ளார். தற்போது இவர்கள் இருவரும் கைது செய்யப்பட்டுள்ளனர்.

விமான பணிப்பெண் தற்கொலை விவகாரத்தில் அவர் கடைசியாக தோழிக்கு அனுப்பிய மெசேஜ் மேலும் சந்தேகத்தை வலுப்படுத்தியுள்ளது.

டெல்லியை சேர்ந்த அனிசியா பத்ரா தனது கணவர் மாய்ங்க் சிங்வியுடன் வசித்து வந்த நிலையில் கடந்த 13ம் திகதி வீட்டு மாடியிலிருந்து கீழே குதித்து தற்கொலை செய்து கொண்டார்.

இறப்பதற்கு முன்னால் தனது கணவர் மாயங்க் சிங்விக்கு தான் இறக்க போவதாக செல்போனில் மெசேஜ் அனுப்பியதாக பொலிசார் ஏற்கனவே தெரிவித்தனர்.

மேலும், திருமணமானது முதலே வரதட்சணை கேட்டு மனைவியை மாயங்க் அடித்து கொடுமைப்படுத்தியதாகவும், அவர் மரணத்தில் சந்தேகம் இருப்பதாகவும் பத்ரா குடும்பத்தார் பொலிசிடம் கூறியிருந்தனர்.

இந்நிலையில் பத்ரா இறப்பதற்கு முன்னர் தனது தோழிகளுக்கு மெசேஜ் அனுப்பியது தெரியவந்துள்ளது.

இது குறித்து பத்ராவின் தோழியை பொலிசார் விசாரித்துள்ளனர். அவர் கூறுகையில், பத்ரா இறப்பதற்கு முன்னர் அவர் கணவர் எனக்கு போன் செய்தார்.

அவர்கள் பிரச்சனை எனக்கு தெரியும் என்பதால் நான் சமாதானம் செய்தேன். பின்னர் மாலை 3.56 மணிக்கு பத்ரா எனக்கு மெசேஜ் அனுப்பினார். அதில், தன்னை அறையில் அடைத்து வைத்திருப்பதாகவும் இது குறித்து பொலிசில் சொல் என கூறினார்.

நான் டெல்லியில் இல்லாததால் உடனடியாக என்னால் உதவ முடியவில்லை, நீ தோழி வீட்டுக்கு தப்பி சென்றுவிடு என கூறினேன்.

சிறிது நேரத்தில் மீண்டும் வந்த மெசேஜில் இந்த முடிவை எடுப்பதற்கு நான் தள்ளப்பட்டுவிட்டேன். நடந்ததை இனி சரி செய்ய முடியாது என கூறப்பட்டிருந்தது என தெரிவித்துள்ளார்.

தோழியின் வாக்குமூலத்தை வைத்து பத்ரா தற்கொலை செய்தாரா அல்லது கொல்லப்பட்டாரா என பொலிசார் விசாரித்து வருகிறார்கள்.

தமிழ்நாட்டில் குடிபோதையில் தனது மனைவி மற்றும் இரண்டு மகன்களை படுகொலை செய்த திமுக முன்னாள் சட்டமன்ற உறுப்பினர் மகனை பொலிசார் தேடிவருகின்றனர்.

தஞ்சையின் அன்னப்பன்பேட்டை பகுதியில் திமுக முன்னாள் சட்டமன்ற உறுப்பினர் செல்லப்பனின் மகன் ஜெயக்குமார் வசித்து வருகிறார்.

நேற்று குடிபோதையில் வீட்டிற்கு வந்த ஜெயக்குமார் தனது மனைவி அனிதாவை மண் வெட்டியால் வெட்டியுள்ளார்.

தனது தாயாரின் அலறல் சத்தம் கேட்டு ஓடி வந்த 9 வயதான தினேஷ் மற்றும் 7 வயது தருண் ஆகியோரையும் ஜெயக்குமார் வெட்டியுள்ளார்.

ரத்த வெள்ளத்தில் கிடந்த 3 பேரையும் அப்பகுதி மக்கள் மருத்துவமனையில் சேர்ந்த்தனர். படுகாயம் அடைந்த 3 பேரும் சிகிச்சை பலனின்றி உயிரிழந்தனர்.

இதையடுத்து தலைமறைவாக உள்ள ஜெயக்குமாரை பொலிசார் தேடி வருகிறார்கள்.

கோயம்புத்தூரில் பல பெண்களுடன் கணவருக்கு தொடர்பு இருப்பதாக சந்தேகப்பட்டு மனைவி அவரை நடுரோட்டில் வைத்து அடித்து உதைத்துள்ளார்.

திருமணமாகி 5 நாட்களிலே பொது இடத்தில் கணவனை சரமாரியாக தாக்கியுள்ளார். சாய்பாபா கோவிலுக்கு வந்தபோது, கணவருக்கு வேறாரு பெண்ணுடன் திருமணமாகி குழந்தை இருப்பதை அறிந்துகொண்டார். மேலும், கையில் வேறொரு பெண்ணின் பெயரையும் பச்சை குத்தியிருந்தார்.

இதனால் கோப ம் கொண்டு அடித்து உதைத்துள்ளார். அடிதாங்கமுடியாத கணவன் கண்ணீர் விட்டு கதறியுள்ளார். சம்பவம் அறிந்து வந்த காவல்துறையினர், இருவரிடமும் பேச்சுவார்த்தை நடத்தி, பிரச்சனை இருந்தால் காவல் நிலையத்தில் புகார் அளியுங்கள் என தெரிவித்துள்ளனர்.

இவர்கள் இருவருக்கும் கடந்த வாரம் தான் திருமணம் நடந்தது என்பது குறிப்பிடத்தக்கது.

தமிழ்நாட்டின் மதுரையில் காதல் திருமணம் செய்த தங்கையின் கணவரை அவரது அண்ணன் வீடு புகுந்து வெட்டியுள்ளார்.

மதுரையை சேர்ந்த பொன்ராஜ் என்பவர் தனது உறவுக்கார பெண் மீனாவை காதலித்து வந்துள்ளார். இவர்களது திருமணத்திற்கு பெற்றோர் சம்மதம் தெரிவித்ததையடுத்து திருமண ஏற்பாடு செய்யப்பட்டது,

இதனிடையே, இரு வீட்டாருக்குமிடையே கருத்துவேறுபாடுகள் ஏற்பட்டதால், திருமணம் நிறுத்தப்பட்டது. இருந்தபோதிலும், பொன்ராஜ்- மீனா ஆகியோரின் காதல் தொடர்ந்துள்ளது.

இந்நிலையில், கடந்த ஞாயிற்றுக்கிழமை திருச்செந்தூர் முருகன்கோயிலில் இருவரும் திருமணம் செய்துகொண்டனர்.

இதனால் கோபம் கொண்ட மீனாவின் அண்ணன் பிரபு, எப்படி என் தங்கையை நீ திருமணம் செய்துகொள்ளலாம்” என்று ஆவேசத்துடன் கேட்டு பொன்ராஜை சரமாரியாக வெட்டியுள்ளார்.

இதைத் தடுக்க வந்த பொன்ராஜியின் தாயாரையும் பிரபு வெட்டியுள்ளார், பின்னர் அங்கிருந்து தப்பிவிட்டார். ரத்த வெள்ளத்தில் கிடந்த இரண்டு பேரையும் அக்கம் பக்கத்தினர் ராஜாஜி அரசு மருத்துவமனையில் சேர்த்துள்ளனர்.

இவர்களுக்கு தீவிர சிகிச்சை அளிக்கப்பட்டு வருகிறது. இதுகுறித்து பொலிசார் வழக்குப்பதிவு செய்து தலைமறைவாகியுள்ள பிரபுவை தேடி வருகின்றனர்.

கேரளாவில் முஸ்லீம் பெண்ணும், கிறிஸ்தவ ஆணும் காதலித்து திருமணம் செய்து கொண்ட காரணத்தால் பல்வேறு இன்னல்களை சந்தித்து வருகின்றனர்.

கிறிஸ்தவ மதத்தை சேர்ந்த ஹிரிசனுக்கும், முஸ்லீம் மதத்தை சேர்ந்த சஹானாவிற்கும் கடந்த திங்களன்று திருமணம் நடந்தது.

இவர்கள் தங்களது புகைப்படத்தை பேஸ்புக்கில் பதிவிட்டதையடுத்து எதிர்ப்புகள் கிளம்பியுள்ளன. எஸ்.டி.பி.ஐ. உள்ளிட்ட அமைப்புகளிடம் இருந்து தங்களுக்கு கொலை மிரட்டல் விடுக்கப்படுகிறது என தம்பதியினர் குற்றம் சாட்டியுள்ளார்கள்.

என்னுடைய பெற்றோர்களையும் என்னால் தொடர்பு கொள்ளமுடியவில்லை. எங்களுடன் என்னுடைய பெற்றோர் மற்றும் சகோதரியை கொன்றுவிடுவதாக மிரட்டுகிறார்கள். எங்களால் காவல் நிலையமும் செல்ல முடியாது. என்ன செய்ய வேண்டும் என்று எங்களுக்கு தெரியவில்லை என ஹிரிசன் கூறியுள்ளார்.

மனைவி சஹானா கூறியதாவது, என்னுடைய குடும்பத்தார் எங்களையும், என்னுடைய கணவர் குடும்பத்தாரையும் கொலை செய்துவிடுவதாக மிரட்டுகிறார்கள். நான் ஒரு முஸ்லீம், என்னுடைய கணவர் கிறிஸ்தவர், நாங்கள் இருவரும் மதத்தை மாற்றிக்கொள்ள வேண்டும் என்று ஒருவருக்கு ஒருவர் வலியுறுத்தவில்லை.

நான் என்னுடைய கணவருடன் வாழ வேண்டும், உயிரிழக்க விரும்பவில்லை. எங்களை கொலை செய்வதால் உங்களுக்கு என்ன கிடைக்கப்போகிறது? எங்களுடைய உறவு மற்றும் திருமணத்தின் போதும் நாங்கள் மதம் மற்றும் ஜாதி பற்றி எதுவும் நினைத்தது கிடையாது என உருக்கமாக கூறியுள்ளார்.