சென்னையில் கல்லூரி மாணவியை கத்தியால் முயன்ற உடற்பயிற்சி ஆசிரியரால் பரபரப்பு ஏற்பட்டுள்ளது,

சென்னை கல்லூரியில் பயிலும் மாணவி சுமதியிடம், `நீ ஏன் வெறுக்கிறாய்’ என்று கேட்டு தகராறு செய்துள்ளார் மதன். உடற்பயிற்சி மையம் வைத்திருக்கும் மதனுக்கும், கல்லூரி மாணவி சுமதியும் காதலித்து வந்துள்ளனர். இடையில் இவர்களுக்குள் பிரிவு ஏற்பட்டதால் சுமதி, மதனை சந்திக்காமல் தவிர்த்து வந்துள்ளார்.

இந்நிலையில், சுமதி படிக்கும் கல்லூரிக்கு கத்தியுடன் நுழைந்த மதன், நீ ஏன் என்னை வெறுக்கிறாய்?’ மதன் கேட்டுள்ளார். அதற்கு ‘உன்னை எனக்குப் பிடிக்கவில்லை’ என்று சுமதி கூறியுள்ளார். இதில் ஆத்திரமடைந்த மதன், சுமதியை கத்தியால் குத்த முயன்றுள்ளார்.

அப்போது சக மாணவர்கள் சுமதியை மதனிடமிருந்து காப்பாற்றினர். பிறகு, மதனை அண்ணா சதுக்கம் பொலிஸ் நிலையத்தில் ஒப்படைத்தனர்.

பீகார் மாநிலத்தில் 10ம் வகுப்பு மாணவியை பள்ளி தலைமையாசிரியர், ஆசிரியர்கள் உட்பட 18 பேர் சீரழித்த விவகாரத்தில் மாணவியின் வாக்குமூலம் பொலிசாரை அதிர்ச்சியடைய வைத்துள்ளது.

10 வகுப்ப மாணவியின் வாக்குமூலம் இதோ, என்னை பள்ளி கழிவறையில் வைத்து சில மாணவர்கள் ஒவ்வொருவராக பாலியல் வன்கொடுமை செய்தனர்.

அதில் பள்ளி தலைமையாசியரின் மகனும் இருந்தான். பிறகு ரத்தம் படிந்த உடையோடு வெளியே வந்தேன். அதை பார்த்த தலைமையாசியர் அவரது அறைக்கு அழைத்தார்.

நடந்ததை அவரி டம் கூறி அழுதேன். என்னை சிரழித்தவர்கள் மீது நடவடிக்கை எடுப்பதற்கு பதிலாக, இதை யாரிடமும் சொல்லக் கூடாது என்று எச்சரிக்கை செய்தார்.

பின்னர் அவரது அறையில் என்னை சுத்தம்செய்துகொள்ள சொன்னார். அதன்பின்னர் நான் அங்கிருந்து வந்துவிட்டேன். பத்து நாட்களுக்குப் பிறகு மீண்டும் பள்ளிக்குச் சென்றேன்.

அப்போது, தலைமையாசிரியர் அவரது அறைக்கு அழைத்தார். அங்கு சென்றபோது, என்னை பாலியல் வன்கொடுமை செய்ய முயன்றார்.

நான் தப்பிக்க நினைத்தேன். மறுத்தால் என் வாழ்க்கையை நாசமாக்கிவிடுவதாக மிரட்டி, ஆசையை தீர்த்துக்கொண்டார் என கூறியுள்ளார்.

பேஸ்புக் மூலமாக நண்பரான ஒருவர் தனக்கு தொடர்ந்து தொல்லை கொடுப்பதாக திருநங்கை எஸ்.ஐ. பிரித்திகா யாஷினி பொலிசில் புகார் அளித்துள்ளார்.

இந்தியாவின் முதல் திருநங்கை சப்-இன்ஸ்பெக்டராக தேர்வான பிரித்திகா யாஷினி சென்னை சூளைமேடு காவல் நிலையத்தில் பணிபுரிகிறார்.

இந்நிலையில் நேற்று அவர் அமைந்தகரை காவல் நிலையத்தில் புகார் ஒன்றை கொடுத்தார். அதில், தனக்கு கடந்த சில நாட்களுக்கு முன் பேஸ்புக் மூலமாக ஜனார்த்தனன் என்பவர் அறிமுகமானதாகவும், சில காலம் அவருடன் நட்பாக பழகி வந்ததாக தெரிவித்துள்ளார். இந்நிலையில், இருவருக்கும் கருத்து வேறுபாடுகள் இருந்ததால் பிரிந்து விட்டதாகவும் கூறியுள்ளார்.

ஆனால் ஜனார்த்தனன் தொடர்ந்து தனக்கு தொல்லை கொடுத்து வருவதாகவும் அவர் மீது நடவடிக்கை எடுக்கக் கோரியும் பிரித்திகா கேட்டுக்கொண்டார்.

இதுதொடர்பான நடவடிக்கையில் இறங்கிய பொலிசார் ஜனார்த்தனனை நேரில் அழைத்து விசாரித்தனர்.

இதனைத்தொடர்ந்து பிரித்திகாவுக்கு தொல்லை கொடுக்க கூடாது என்று எழுதி வாங்கிக் கொண்டனர்.

எஸ்.ஐ. ஒருவரே பாதுகாப்பு கேட்டு பொலிசிடம் புகார் அளித்தது பொலிஸ் வட்டாரத்தில் பரபரப்பை ஏற்படுத்தியுள்ளது.

தமிழ்நாட்டையே அதிரவைத்த சிறுமி ஹாசினியின் கொலை வழக்கில் குற்றவாளிக்கு தரப்பட்ட தூக்கு தண்டனை தீர்ப்பை சென்னை உயர்நீதிமன்றம் உறுதி செய்துள்ளது.

2017ஆம் ஆண்டு பிப்ரவரி 27ஆம் திகதி வீட்டில் விளையாடி கொண்டிருந்த 7 வயது சிறுமி ஹாசினி காணாமல் போனார்.

விசாரணையில் சிறுமியை, பக்கத்துக்கு வீட்டுக்காரரான தஷ்வந்த் பாலியல் துன்புறுத்தல் செய்ததுடன் கொலை செய்து சடலத்தை எரித்த சம்பவத்தால் தமிழ்நாடே பதறியது.

இதனை தொடர்ந்து கொலைகாரன் தஷ்வந்தை குண்டர் சட்டத்தில் அடைத்தனர், ஆனாலும் சில மாதங்களில் ஜாமீன் தரப்பட்டது.

ஜாமீனில் வெளிவந்த தஷ்வந்த் தனது தாய் சரளாவை கொன்றுவிட்டு நகைகளுடன் மும்பைக்கு தப்பிச்சென்றான்.

தொடர்ந்து மும்பையில் தஷ்வந்தை கைது செய்த பொலிசார் புழல் சிறையில் அடைத்தனர். கடந்த பிப்ரவரி 19ஆம் திகதி இந்த வழக்கை விசாரித்த காஞ்சிபுரம் மாவட்ட மகளிர் நீதிமன்ற நீதிபதி குற்றவாளிக்கு தூக்கு தண்டனை விதித்து தீர்ப்பளித்தார்.

இந்த தண்டனையை எதிர்த்து தஷ்வந்த் தரப்பில் சென்னை உயர்நீதி மன்றத்தில் மேல் முறையீடு செய்யப்பட்டிருந்தது.

தனது தூக்கு தண்டனையை ரத்து செய்து தன்னை விடுவிக்க வேண்டும் என்று தஷ்வந்த் தரப்பில் கேட்கப்பட்டிருந்தது.

இன்று விசாரணைக்கு வந்த வழக்கில், காஞ்சிபுரம் மகளிர் நீதிமன்றம் விதித்த தண்டனை சரியானதுதான் என உயர்நீதிமன்ற நீதிபதிகள் தீர்ப்பு வழங்கினர், தஷ்வந்தின் மேல் முறையீட்டு மனு தள்ளுபடி செய்யப்பட்டது.

தமிழகத்தில் ஆசிரியர் ஒருவருக்கு பள்ளி மாணவன் தலையில் மசாஜ் செய்வது போன்ற வீடியோ இணையதளங்களில் வேகமாக பரவி வருகிறது.

திண்டுக்கல் மாவட்டம் ஒட்டன் சத்திரம் அருகே உள்ள இடையகோட்டையில், நேருஜி அரசு மேல்நிலைப்பள்ளி இயங்கி வருகிறது. 6ஆம் வகுப்பு முதல் 12ஆம் வகுப்பு வரை இயங்கி வரும் இந்த பள்ளியில், சுற்றுவட்டார பகுதிகளிலிருந்து சுமார் 1000க்கும் மேற்பட்ட மாணவ-மாணவிகள் பயின்று வருகின்றனர்.

இந்நிலையில், கடந்த சில ஆண்டுகளுக்கு முன்பு பள்ளியின் ஆண்டு விழாவை முன்னிட்டு, ஆசிரியர் இளங்கோவன் என்பவர் மாணவர்களுக்கு ஒத்திகை நடத்தியுள்ளார். அதன்படி, 8ஆம் வகுப்பு மாணவர் விஷால் கார்த்தி என்ற மாணவருக்கு ஒத்திகை நடத்த ஆசிரியர் இளங்கோவன் அழைத்து சென்றுள்ளதாக கூறப்படுகிறது.

அப்போது ஆசிரியருக்கு மாணவர் விஷால்கார்த்தி தலையில் மசாஜ் செய்துள்ளார். இதனை ரங்கராஜ் எனும் மற்றொரு ஆசிரியர் தனது சட்டைப் பையில் வைத்திருந்த கைப்பேசியில் வீடியோவாக எடுத்துள்ளார்.

அதன் பின்னர், அந்த வீடியோவை அவர் இணையதளங்களில் வெளியிட்டார். இது பெரும் அதிர்ச்சியை ஏற்படுத்தியது. அதனைத் தொடர்ந்து, 10க்கும் மேற்பட்ட கிராம மக்கள் பள்ளியை முற்றுகையிட்டனர்.

இதுகுறித்து தகவல் அறிந்து சம்பவ இடத்திற்கு வந்த திண்டுக்கல் மாவட்ட முதன்மை கல்வி அலுவலர், பொதுமக்களிடம் சமரச பேச்சுவார்த்தை நடத்தினார். மேலும், ஆசிரியர்கள் இளங்கோவன் மற்றும் ரங்கராஜ் ஆகியோர் மீது துறை ரீதியாக நடவடிக்கை எடுக்கப்படும் என்று உறுதியளித்தார்.

இந்நிலையில், இதுதொடர்பாக மாவட்ட முதன்மை கல்வி அலுவலர் சுப்பிரமணி கூறுகையில்,

‘மசாஜ் சம்பவம் குறித்து ஒரு ஆண்டுக்கு முன்பு நடந்ததாக தெரிய வருகிறது. இது குறித்து விசாரணை நடத்த உள்ளோம். மேலும் சில ஆசிரியர்கள் சரியாக பணி செய்யவில்லை, அவர்கள் மீது நடவடிக்கை எடுக்க வேண்டும் என பொதுமக்கள் கோரிக்கை விடுத்தனர். இது சம்மந்தமாக விசாரணை நடத்தி நடவடிக்கை எடுக்கப்படும்’ என தெரிவித்துள்ளார்.

இந்தியாவில் பள்ளி மாணவி மாடியிலிருந்து கீழே குதித்து தற்கொலை செய்த நிலையில் அது குறித்து தோழியிடம் முன்னரே அவர் பேசியுள்ளது தெரியவந்துள்ளது.

மும்பையை சேர்ந்த ஹர்சிகா மாயவன்சி (14) என்ற மாணவி கடந்த வாரம் எட்டாவது மாடியிலிருந்து கீழே குதித்து தற்கொலை செய்து கொண்டார்.

ஹர்சிகாவின் தற்கொலைக்கான காரணம் குறித்து விசாரித்து வரும் பொலிசாருக்கு பல விடயங்கள் தெரியவந்துள்ளது.

அதன்படி அவர் பையில் இருந்த கடிதத்தை பொலிசார் கைப்பற்றியுள்ளனர். அதில், எல்லாம் முடிந்துவிட்டது, தனது தற்கொலைக்கு யாரும் காரணமில்லை என எழுதப்பட்டிருந்தது.

பொலிஸ் விசாரணையில், எப்படி தற்கொலை செய்வது என ஹர்சிகா தனது தோழியிடம் யோசனை கேட்டுள்ளதும், அது குறித்து இணையத்தில் தேடியதும் தெரியவந்துள்ளது.

பயம் காரணமாக இதை ஹர்சிகாவின் தோழி யாரிடமும் சொல்லாமல் இருந்த நிலையில் தற்போது வெளியில் சொல்லியுள்ளார்.

அவர் குறித்த அடையாளங்களை வெளியிடாத பொலிசார் தொடர்ந்து தற்கொலைக்கான காரணம் குறித்து விசாரித்து வருகிறார்கள்.

தமிழ்நாட்டில் பெருமாள் கோவிலுக்குள் புகுந்த நாக பாம்பு பெருமாள் சிலை மீது ஏறி காட்சியளித்தது பக்தர்களை சிலிர்க்க வைத்தது.

மதுரை திருமோகூரில் அமைந்துள்ளது காளமேகப் பெருமாள் கோவில். இந்த கோவிலின் பிராகரத்திற்குள் இன்று நாக பாம்பு ஒன்று புகுந்த நிலையில் பெருமாள் சிலை மீது ஏறி அனைவருக்கும் காட்சியளித்தது.

இதையடுத்து கோவிலுக்கு வந்திருந்த பக்தர்கள் பாம்பை ஆச்சரியத்துடன் பார்த்தது மட்டுமின்றி அதை தங்கள் செல்போனில் படமும் பிடித்தார்கள். இந்த காட்சிகள் சமூக வலைதளங்களில் தற்போது பரவி வருகிறது.