நாமக்கல் அருகே பரிகார பூஜை செய்வதாக கூறி சகோதரர்கள் இருவர் மர்மமான முறையில் கொலை செய்யப்பட்டது தொடர்பாக இருவர் கைது செய்யப்பட்டுள்ளனர்.

நாமக்கல் மாவட்டம் கொல்லிமலையில், வாழையில் முட்டை, குங்குமம் மற்றும் இதர பூஜை பொருட்கள் வைக்கப்பட்ட நிலையில், அருகில் இருவரின் சடலங்களும் கிடப்பதாக பொலிஸாருக்கு தகவல் கிடைத்தது.

இதனையடுத்து விரைந்து சென்ற பொலிஸார், அங்கிருந்த பொருட்களை கைப்பற்றி ஆராயும்பொழுது, மஞ்சள் பை ஒன்றில் சிவப்பிரகாசம் என்பவரின் புகைப்படம் இருந்துள்ளது.
அதை கைப்பற்றிய காவல்துறையினர் புகைப்படத்தில் இருப்பவர் குறித்து விசாரணையை மேற்கொள்ளும்பொழுது, காலையில் சாமியார் வேடத்தில் வந்து, சகோதரர்களுக்கு யாரோ செய்வினை வைத்திருப்பதாகவும், அதற்கு பரிகார பூஜை செய்ய வேண்டும் என கூறி அழைத்து சென்றதாகவும் கூறினார்.

இதனையடுத்து சிவப்பிரகாசத்தை கைது செய்த காவல்துறையினர் அவரிடம் விசாரணை மேற்கொண்டனர். அதில், கிருஷ்ணன் என்பவருக்கும், கொலைசெய்யப்பட்ட சகோதரர்கள் முத்துசாமி, சீரங்கனுக்கு இடையே நிலத்தகராறு இருந்ததாகவும், அவர் கொடுத்த திட்டத்தின் அடிப்படையிலே கொலை செய்யப்பட்டதாக வாக்குமூலம் கொடுத்தார். இதனையடுத்து கிருஷ்ணனையும் காவல்துறையினர் கைது செய்து விசாரணை மேற்கொண்டு வருகின்றனர்.

இந்தியாவில் மாணவியிடம் காதல் கடிதம் கொடுக்க மறுத்த சக மாணவனை பெட்ரோல் ஊற்றி எரித்த பிளஸ் 2 மாணவனை பொலிசார் கைது செய்துள்ளனர்.

ஆந்திர மாநிலம், பிரகாசம் மாவட்டத்தில் உள்ள அன்கபூபல்லியைச் சேர்ந்த தம்பதி சேகர்-வெங்கடலட்சுமி. இவர்களுக்கு ரவிதேஜா (12) என்ற மகன் உள்ளார்.

ரவிதேஜா அங்கிருக்கும் அரசு உயர்நிலைப் பள்ளியில் 7-ஆம்வகுப்பு படித்து வந்த நிலையில், நேற்று முன்தினம் மதியம் உணவு இடைவேளையின்போது பள்ளி சுற்றுச்சுவர் அருகே ரவிதேஜா உடலில் தீப்பிடித்து எரிந்த நிலையில் அலறி துடித்துக் கொண்டிருந்தான்.

இதைக் கண்ட சக மாணவர்களும், ஆசிரியர்களும் அதிர்ச்சியடைந்துள்ளனர். இதையடுத்து மாணவனை ஆசிரியர்கள் ஆம்புலன்சில் ஏற்றிச் சென்று மருத்துவமனையில் அனுமதித்தனர்.

சம்பவம் குறித்து பொலிசாருக்கு தெரிவிக்கப்பட்டதால், மருத்துவமனையில் சிகிச்சை பெற்று வந்த ரவிதேஜாவிடம் பொலிசார் விசாரணை மேற்கொண்டுள்ளனர்.

அப்போது. நான் கழிவறைக்கு செல்வதற்காக காம்பவுண்ட் அருகே நின்றிருந்தேன். அப்போது, பிளஸ் 2 படிக்கும் மாணவர் ஒருவர், தன்னிடம் ஒரு காதல் கடிதம் ஒன்றை கொடுத்து, அங்குள்ள ஜூனியர் கல்லூரியில் படிக்கும் மாணவியிடம் கொடுக்கும்படி கூறினார்.

நான் மறுத்து கடிதத்தை கிழித்து எறிந்துவிட்டதால், ஆத்திரத்தில் அவன் என் மீது பெட்ரோல் ஊற்றி தீ வைத்து விட்டு தப்பியோடி விட்டான் என்று கூறியுள்ளார்.

அதன் பின் தலைமறைவாக இருந்த பிளஸ் 2 மாணவனை கைது செய்த பொலிசார் அவரிடம் தொடர்ந்து விசாரணை மேற்கொண்டு வருகின்றனர்.

இந்தியாவில் போதை பழக்கத்துக்கு அடிமையான இளைஞர் திருமணமான ஒரு மாதத்தில் உயிரிழந்துள்ளது சோகத்தை ஏற்படுத்தியுள்ளது.

பஞ்சாப் மாநிலத்தின் ஜலந்தரை சேர்ந்தவர் ரிக்கி லஹோரியா (23). போதை மருந்துகளுக்கு அடிமையான இவருக்கு கடந்த ஒரு மாதத்துக்கு முன்னர் தான் திருமணம் நடைபெற்றது.

இதையடுத்து இனி போதை மருந்துகளை தொடமாட்டேன் என ரிக்கி தனது தாயிடம் கூறியுள்ளார். இதோடு போதை பழக்கத்திலிருந்து விடுபட மருத்துவமனையில் சேர்க்கப்பட்டார் ரிக்கி. இந்நிலையில் ரிக்கியின் கல்லீரல் அதிகளவு சேதமடைந்த காரணத்தால் அவரின் உயிர் நேற்று பிரிந்தது.

ரிக்கியின் மாமா ராஜேஷ்குமார் கூறுகையில், வீட்டிலிருந்த பொருட்களை விற்று போதை மருந்துகள் வாங்கும் அளவுக்கு ரிக்கி சென்றான்.

ஆனால் திருமணம் ஆனபின்னர் திருந்திவாழ ஆசைப்பட்டான், அது நடக்காமலேயே போய்விட்டது என சோகத்துடன் கூறியுள்ளார்.

தமிழ்நாட்டில் 8 மாத ஆண் குழந்தையை கழுத்து நெரித்து கொன்ற தந்தையை பொலிசார் கைது செய்துள்ளனர்.

மதுரையில் உள்ள அம்மச்சியாபுரத்தை சேர்ந்த அஜித்குமார் கடந்த இரு ஆண்டுகளுக்கு முன்னர் அத்தை மகள் பாண்டிசெல்வியை காதலித்து திருமணம் செய்த நிலையில் தம்பதிக்கு கிஷோர் என்ற 8 மாத ஆண் குழந்தை உள்ளது.

இந்நிலையில் அஜித்குமாருக்கு அதே பகுதியை சேர்ந்த வேறு பெண்ணுடன் தொடர்பு ஏற்பட்டுள்ளது. இதனையறிந்து கணவருடன் தகராறில் ஈடுபட்ட பாண்டிசெல்வி கிஷோரை தூக்கி கொண்டு தாய் வீட்டில் சென்று வசித்து வந்தார்.

இந்நிலையில், தனது இரண்டாவது திருமணத்திற்கு குழந்தை தடையாக இருக்கும் என கருதிய அஜித்குமார், தனது மனைவியிடம் தான் திருந்தி விட்டதாக கூறி நயவஞ்சகமாக அழைத்து வந்துள்ளார்.

பின்னர் குழந்தை கிஷோரை தனது நண்பரின் உதவியோடு கழுத்தை நெறித்து கொலை செய்து ஒன்றும் தெரியாது போல் நாடகமாடியுள்ளார்.

ஆனால் மருத்துவர்கள் குழந்தையின் மரணத்தில் மர்மம் இருப்பதாக கூறிய நிலையில் பொலிசார் அஜித்குமாரிடம் விசாரித்தனர்.

விசாரணையில் அவர் உண்மையை ஒப்பு கொண்ட நிலையில் அவரையும், நண்பர் மணியையும் பொலிசார் கைது செய்துள்ளனர்.

இந்தியாவை உலுக்கிய 11 பேர் தற்கொலை செய்து கொண்ட வழக்கில், கடைசியாக ஒருவர் மட்டும் தப்பிக்க போராடியதாக தடயவியல் நிபுணர்கள் தெரிவித்துள்ளனர்.

டெல்லியில் சமீபத்தில் ஒரே வீட்டை சேர்ந்த 11 பேரும் சடலமாக கண்டெடுக்கப்பட்ட சம்பவம் அதிர்வலைகளை ஏற்படுத்தியது.

அனைவரது கண்கள் மற்றும் கைகள் கட்டப்பட்ட நிலையில், வழக்கு குறித்து பொலிசார் விசாரணை நடத்தினர். அப்போது வீட்டுக்குள்ளேயே கோயிலை கட்டி வழிபாடு செய்து வந்ததும், மோட்சம் அடைவதற்காக இவ்வாறு செய்ததும் கண்டுபிடிக்கப்பட்டது.

இதுதவிர டைரியின் மரண குறிப்புகள், 11 குழாய்கள் என பல தகவல்கள் வெளியாகி பொலிசாரை குழப்பத்தில் ஆழ்த்தின.

இதனை தொடர்ந்து லலித் சுண்டவத் என்பவர் காரணமாக இருக்கலாம் என சந்தேகிக்கப்பட்டது, 10 ஆண்டுகளுக்கு முன்னர் மரணமடைந்த தந்தை உயிரோடு இருப்பதாக எண்ணி வாழ்ந்து வந்ததும், சொர்க்கத்தை அடைய தற்கொலை தான் வழி என குடும்பத்தாருக்கு தெரிவித்ததும் கண்டுபிடிக்கப்பட்டது.

இந்நிலையில் 130 பேரிடம் விசாரணை நடத்தியதில், அந்த 11 பேரில் புவனேஷ் என்பவர் மட்டும் கடைசி நேரத்தில் உயிர் பிழைக்க போராடி இருக்கிறார் என தடயவியல் நிபுணர்கள் தெரிவித்துள்ளனர்.

மேலும் அவரது ஒரு கை, கழுத்தில் மாட்டியிருந்த கயிற்றை பிடித்து இழுப்பது போன்று இருந்தது, கைகளிலும் கயிறுகள் இறுக்கமாக கட்டப்படவில்லை, எனவே கடைசி நேரத்தில் தப்பிக்க போராடி இருக்கலாம் என தெரிவித்துள்ளனர்.

மத்திய பிரதேசத்தில் பாஜக இளைஞரணி தலைவர் ஒருவர் தன்னுடைய காதலை நிரூபிக்க தன்னை தானே சுட்டுக்கொண்ட சம்பவம் பலரை அதிர்ச்சியில் ஆழ்த்தியுள்ளது.

பாரதிய ஜனதா கட்சியின் இளைஞரணி தலைவராக இருப்பவர் அதுல். 30 வயதான இவர், தன்னுடைய தோழி ஒருவரை காதலித்து வந்துள்ளார்.

ஆனால், இருவரின் திருமணத்துக்கு பெண்ணின் தந்தை ஒப்புக்கொள்ளவில்லை. பெண்ணிடம் வீட்டைவிட்டு வந்துவிடு திருணம் செய்து கொள்ளலாம் என ஹண்டே கூறியபோதிலும், தந்தையைவிட்டு வரமுடியாது என அந்தப் பெண் கூறியுள்ளார். இதனால், அடிக்கடி தனது வருங்கால மாமனாரிடம் தனது திருமணத்தை பற்றி அதுல் லோக்ஹண்டே பேசியுள்ளார்.

இந்நிலையில், கடந்த 3-ம் தேதி தனது காதல், திருமணம் குறித்துப் பேசியபோது, பெண்ணின் தந்தை, ‘உன் காதல் உண்மைதான் என்பதை நிரூபி’ எனக் கேட்டுள்ளார். அதற்குத் தான் என்ன செய்யவேண்டும் கேட்கவே, ‘என் வீட்டுக்கு முன்வந்து துப்பாக்கியால் உன்னை நீயே சுட்டுக்கொண்டு காதலை நிரூபிக்க முடியுமா?’ எனக் கேட்டுள்ளார்.

இதனால் ஆத்திரமடைந்த பாஜக நிர்வாகி அதுல், பெண்ணின் வீட்டிற்கு முன் நின்று தன்னை தானே சுட்டுக்கொண்டார். இதில் பலத்த காயமடைந்த அதுல் உயிருக்கு ஆபத்தான நிலையில் மருத்துவமனையில் அனுமதிக்கப்பட்டார்.

ஆபத்துக் கட்டத்தைத் தாண்டி உயிர் பிழைத்தாலும், மூளைச்சாவு நிலைக்குச் சென்றார். மருத்துவர்கள் பல்வேறு சிகிச்சை அளித்தும் அவர் மூளைச்சாவு நிலைக்குச் செல்வதை தடுக்க முடியவில்லை.

என் உடல் உறுப்புகளை என் காதலியிடம் காண்பித்து தானம் செய்துவிடுங்கள் என உருக்கமாக தெரிவித்தார். அதுலின் ஆசைப்படி உடல் உறுப்புகள் தானம் செய்யப்பட்டது.

அதுலின் இதயத்தையும், கண், உடல் உறுப்புகளையும் பார்த்த அவரின் காதலியும், தந்தையும் கண்ணீர்விட்டு அழுது, கதறினார்கள். மற்ற உடல் உறுப்புகள் போபாலில் உள்ள பல்வேறு மருத்துவமனைகளுக்கு அனுப்பப்பட்டது.

சினிமாவில் வரும் துயரமான காதல் காட்சிகள் போன்று அதுல் லோக்ஹண்டேவின் காதல் அமைந்துவிட்டது.