டெல்லி புகாரி அருகே நடைபெற்ற தற்கொலை சம்பவம், 10 ஆண்டுகளுக்கு முன் இறந்த தந்தை நாராயணன் உத்தரவின் பேரில் அவரது மகன் லலித் தான் செயல்படுத்தியுள்ளதாக விசாரணை வட்டாரங்கள் தெரிவிக்கின்றன.

டெல்லி பிகாரி அருகே சாண்ட் நகர் பகுதியில் உள்ள ஒரு வீட்டில், கடந்த 1-ம் தேதியன்று ஒரே குடும்பத்தை சேர்ந்த 11 பேர் மர்மமான முறையில் இறந்து போயினர்.

அனைவரையும் பெரும் குழப்பத்தில் ஆழ்த்திய இச்சம்பவம் தொடர்பாக காவல்துறையினரும் தொடர்ந்து பல்வேறு கட்ட விசாரணைகளை மேற்கொண்டு வருகின்றனர்.

இதுதொடர்பாக மேற்கொள்ளப்பட்ட விசாரணையின்போது, வீட்டிலிருந்த குறிப்பேடு ஒன்றினை காவல்துறையினர் கண்டறிந்தனர். அதன்பேரிலே தற்போது தீவிரமான விசாரணை மேற்கொள்ளப்பட்டு வருகிறது.

மர்மமான முறையில் நடைபெற்றள்ள இந்த சம்பவத்தில், நாராயணனின் மகன் லலித் பாட்டியாவுக்கு அதிக தொடர்பு இருப்பதாகவே போலீசார் கருதுகின்றனர்.

10 ஆண்டுகளுக்கு முன்பு இறந்த தந்தையை போலவே லலித் அடிக்கடி வீட்டில் நடந்துகொள்வாராம். அதேசமயம் தந்தையின் குரலிலே அடிக்கடி பேசியும் வந்துள்ளார்.

இதனால் தந்தை தான், தன் மூலமாக குடும்பத்தை வழிநடத்தி வருகிறார் என லலித் நம்பியுள்ளார். அதனையே குடும்பத்தாரும் நம்பியதால், ஏற்பட்ட விபரிதமே 11 பேரின் தற்கொலை சம்பவம்.

இறப்பதற்கு முன் 20 சப்பாத்திகளை குடும்பத்தார் ஆன்லைனில் ஆர்டர் செய்துள்ளனர். ஆனால் தொட்டுக்கொள்ள எதையும் வாங்கவில்லை.

அந்த சப்பாத்திகளை அனைவரும் தாய் மற்றும் நாராயணன் கைகளால் மட்டுமே உண்ணவேண்டும் எனவும் அந்த குறிப்பில் எழுதப்பட்டிருந்தது.

இதுகுறித்து சப்பாத்திகளை டெலிவரி செய்யவந்த பையனுடன் காவல்துறையினர் விசாரணை மேற்கொள்ளும்பொழுது, அவர்கள் சப்பாத்திகளை வாங்கும்பொழுது இறப்பதற்கான எந்த அறிகுறியும் தெரியவில்லை என கூறியுள்ளார்.

முன்னதாக காவல்துறையால் கைப்பற்றப்பட்ட குறிப்பேட்டில், “தற்கொலை செய்துகொண்டால் தந்தை காப்பாற்றுவார்” என குறிப்பிடப்பட்டிருந்துள்ளது.

மேலும், “கடைசி நேரத்தில் உங்கள் கடைசி ஆசையை சொல்லும்போது மேகங்களில் வெடிப்பு ஏற்படும், பூமி நகரும் என அனைவரும் சப்தமாக கத்தினால் நான் வருவேன், வந்து உங்களை காப்பேன்” என்று தந்தை சொல்வதை போல் லலித் எழுதியிருந்ததாகவும் காவல்துறையினர் தெரிவித்துள்ளனர்.

கேரளா மாநிலத்தில் பத்தனம்திட்டா மாவட்டத்தில் உள்ள வெச்சூசிரா பகுதியில் காணாமல் போன கல்லூரி மாணவி ஜெஸ்னா குறித்த சிசிடிவி காட்சிகள் கிடைத்துள்ளன.

அவரை தேடும் பணி 100 நாட்கள் கடந்துள்ள நிலையில், காவல்துறையினருக்கு ஒரு புதிய தடயம் கிடைத்துள்ளது.

அதாவது முன்டக்கயம் பகுதியில் கிடைத்த ஒரு சிசிடிவி கமெராவின் காட்சியில் ஜெஸ்னா பதிவாகியுள்ளார். அதில் கையில் ஒரு பையுடனும், தோளில் ஒரு பையுடனும் ஜெஸ்னா ஒரு கடைக்குள் செல்கிறார். இந்தக் காட்சிகளைக்கொண்டு காவல்துறையினர் விசாரணையை முடுக்கிவிட்டுள்ளனர்.

அதன்பின்னர் 6 நிமிடங்களுக்கு பின் ஜெஸ்னாவின் ஆண் நண்பர் ஒருவர் அந்தக் கடைக்குள் செல்கிறார். ஏற்கனவே காவல்துறையினரின் விசாரணையில், ஜெஸ்னா காணாமல் போன கடைசி நேரங்களில் இந்த ஆண் நண்பருக்கு அதிக போன் கால் செய்ததும், மெசேஜ் அனுப்பியதும் தெரியவந்துள்ளது.

ஆனால் அந்தக் கடைக்குள் இருந்து அவர்கள் இருவரும் வெளியே வரும் காட்சிகள் இல்லை. இதனால் அந்த நபர் மீது சந்தேகம் கொண்டு, காவல்துறையினர் விசாரித்து வருகின்றனர்.

இந்தியாவில் மர்மமாக இறந்து கிடந்த 11 பேரும் மூடநம்பிக்கையின் காரணமாகவே தற்கொலை செய்து கொண்டுள்ளனர் என்பது சிசிடிவி காட்சிகள் மூலம் உறுதியாகியுள்ளது.

டெல்லி புராரி பகுதியில் உள்ள ஒரு வீட்டில் கடந்த சில தினங்களுக்கு முன் 11 சடலங்கள் கண்டெடுக்கப்பட்டது. எப்போதும் போல் இது ஒரு தற்கொலையாகத் தான் இருக்கும் என்று பொலிசார் அவர்களின் உடலை மீட்டு பிரேத பரிசோதனைக்கு அனுப்பி வைத்துவிட்டு விசாரணை மேற்கொண்டனர்.

விசாரணை ஆரம்பிக்கப்பட்டவுடன், சில நம்பமுடியாத தகவல்கள் எல்லாம் வெளிவந்தன. ஆம் இவர்கள் மூடநம்பிக்கையின் காரணமாக தற்கொலை செய்து கொண்டிருப்பதாகவும், அதற்காக வீட்டில் இருந்து ஆத்மா வெளியேற 11 குழாய்களை வீட்டிற்கு வெளியில் வரும் படி செட் செய்துள்ளார்கள் எனவும் கூறப்பட்டது.

இதற்கிடையில் அந்த வீட்டில் நிறைய கடிதங்கள், டைரிகள் கைப்பற்றப்பட்டது.

அதில் எப்படி தற்கொலை செய்தால் மோட்சம் கிடைக்கும், எந்த நேரத்தில் தற்கொலை செய்ய வேண்டும் என்றெல்லாம் எழுதப்பட்டிருந்தது.

இதனால் இது கொலையா, தற்கொலையா என்று தெரியாமல் பொலிசார் குழம்பி போய் நின்றனர். மேலும் இவர்களின் உடற்கு கூறு ஆய்விலும் கொலை செய்யப்பட்டதற்கான எந்த ஒரு ஆதாரமும் இல்லை.

மூடநம்பிக்கையின் காரணமாக தற்கொலை செய்திருக்கலாம் என்ற சந்தேகம் பொலிசாருக்கு நிலவியதால், சாமியார்கள் யாரும் தலையிட்டிருக்கிறார்களா என்ற கோணத்திலும் பொலிசார் விசாரணை மேற்கொண்டனர்.

ஆனால் இந்த சம்பவத்தில் சாமியார்களின் தலையீடு இல்லை என்று பொலிசார் உறுதி செய்தனர். இதைத் தொடர்ந்து இறந்தவர்களின் உறவினர்கள் 20 பேரிடம் விசாரணை மேற்கொண்டுள்ளனர்.

ஆனால் அது குறித்து எந்த ஒரு தகவலும் தெரிவிக்கவில்லை. இறந்த 11 பேர் விவகாரத்தில் shared psychosis என்ற நோயின் தாக்கம் இருக்குமா என்ற சந்தேகமும் எழுந்தது.

இந்நிலையில் ஒரே குடும்பத்தை சேர்ந்த 11 பேரும் மூட நம்பிக்கையால் தற்கொலை செய்தது பக்கத்துவீட்டில் பொருத்தப்பட்டு இருந்த சிசிடிவி காட்சி மூலம் உறுதியாகியுள்ளது.

சிசிடிவி காட்சிகளை ஆய்வு செய்து பார்க்கையில் இதில் பிறரது குற்றம் எதுவும் இல்லை என்பது தெரிகிறது எனவும் பொலிசார் கூறியுள்ளனர்.

சிசிடிவி காட்சியின்படி 10 மணியளவில் அந்த குடும்பத்தை சேர்ந்த பெண் ஒருவர் 5 நாற்காலிகளை எடுத்து வந்துள்ளார்,

சிறுவர்கள் கயிறு எடுத்து வந்துள்ளனர். அவர்கள் சொர்க்கத்தை அடைய வேண்டும் என்ற மூடநம்பிக்கையிலே இதனை செய்துள்ளனர் என்பதை காட்சிகள் உறுதிபடுத்துகிறது என தெரிவிக்கப்பட்டுள்ளது.

தமிழ்நாட்டில் சிலிண்டர் வெடித்த விபத்தில் ஒரே குடும்பத்தைச் சேர்ந்த 3 பேர் பரிதாபமாக உயிரிழந்த சம்பவம் சோகத்தை ஏற்படுத்தியுள்ளது.

திருப்பரங்குன்றத்தை சேர்ந்தவர் ராமமூர்த்தி. பிஸ்கட் மற்றும் மிட்டாய் வியாபாரம் செய்து வந்த இவருக்கு சமீபகாலமாக தொழிலில் நஷ்டம் ஏற்பட்டதால் கடன் சுமையால் பாதிக்கப்பட்டு இருந்ததாக கூறப்படுகிறது.

மேலும் குடிப்பழக்கமும் இருந்துள்ளதால், குடும்பத்தில் தகராறும் அடிக்கடி ஏற்பட்டு வந்துள்ளது

எல்லா வகையிலும் பிரச்சனைகள் சேர்ந்து கடும் மன உளைச்சலுக்கு ஆளான ராமமூர்த்தி குடும்பத்துடன் தற்கொலை செய்துகொள்ள முடிவெடுத்தார்.

நேற்றிரவு 2 மணியளவில், தனது மனைவி காஞ்சனா, 6 வயது மகள் அக்‌ஷயா தூங்கி கொண்டிருந்த அறையில் சிலிண்டரை கொண்டு வந்து வைத்து, அதனை திறந்துவிட்டதுடன் தீயையும் பற்றவைத்து தற்கொலை முயற்சியில் ஈடுபட்டுள்ளதாக கூறப்படுகிறது.

சிலிண்டர் பயங்கர சத்தத்துடன் வெடித்து சிதறியது. இதனால் பக்கத்திலிருந்து மற்றொரு சிலிண்டரும் வெடித்து சிதறியது. இதில், தூங்கிக் கொண்டிருந்த ராமமூர்த்தியின் மனைவி, காஞ்சாவும் அவர்களது 6 வயது பெண் அட்ஷயாவும் சம்பவ இடத்திலேயே உடல் சிதறி உயிரிழந்தனர்.

ராமமூர்த்தி படுகாயமடைந்து உயிருக்கு போராடினார். சத்தத்தை கேட்டு ஓடிவந்த அக்கம்பக்கத்தினர் அவரை அரசு மருத்துவமனைக்கு அழைத்து சென்றனர். ஆனால் வழியிலேயே ராமமூர்த்தி பரிதாபமாக உயிரிழந்தார்.

சம்பவம் குறித்து வழக்குப்பதிவு செய்துள்ள பொலிசார் விசாரணை நடத்தி வருகிறார்கள்.

டெல்லியில் புராரி பகுதியில் ஒரே குடும்பத்தைச் சேர்ந்த 11பேர் தூக்குப்போட்டு தற்கொலை செய்துகொண்டனர்.

டெல்லியின் வடக்குப்பகுதியில் சாந்த் நகர் புராரி பகுதியைச் சேர்ந்தவர் பவனேஷ். அவரின் சகோதரர் லலித் பாட்டியா. இருவரின் குடும்பத்தைச் சேர்ந்த 11 பேரும் நேற்று வீட்டில் கைகள், கால்கள், கண்கள் கட்டப்பட்ட நிலையில் தூக்குப் போட்டு தற்கொலை செய்து கொண்டனர்.

தற்கொலை செய்துகொண்டதில் வீட்டில் வயது முதிர்ந்த பெண் நாராயண் தேவி(வயது77) தரையில் படுத்தவாறு இறந்திருந்தார். மற்ற 10 பேரும் தூக்கில் தொங்கி இருந்தனர். இதில் நாராயண் தேவியின் இரு மகன்கள் பவனேஷ் (வயது 50), லலித் பாட்டியா (45), மகள் பிரதிபா(வயது 57). மற்றொரு மகள் இங்கு இல்லை.

மூடப்பழக்கவழக்கங்களுக்கு அடிமையான குடும்பம்
வினோதமான மூடப்பழக்கங்களைக் கடைப்பிடித்த இந்தக் குடும்பத்தினர் கடவுளைத் தரிசிக்கப் போகிறோம் என்று எழுதிவிட்டு, தற்கொலை செய்துள்ளதாக முதல்கட்ட விசாரணையில் தெரியவந்தது.

அவர்கள் எழுதிய டைரியில், உடல் தற்காலிகமானது, கண்களையும், வாயையும் மூடிக்கொண்டால் பயத்தில் இருந்து விடுபடலாம் என்று எழுதி வைத்துள்ளனர்.

முக்தி அடைவது குறித்து இறந்து போன தனது தந்தை கூறியதாக லலித் தனது டைரியில் எழுதி வைத்துள்ளார். தூக்கில் தொங்கினால் தங்களை லலித்தின் தந்தையின் ஆன்மா வந்து காப்பாற்றும் என்று அவர்கள் நம்பியுள்ளனர்.

ஒரு டைரியின் கடைசி வாக்கியத்தில் கூறப்பட்டிருப்பதாவது, ஒரு கப்பில் தண்ணீர் வைக்கவும், அதன் நிறம் மாறியதும் நான் வந்து உங்களை காப்பாற்றுவேன் என்று இருந்துள்ளளது. இவை அனைத்தும் பொலிசாருக்கு கிடைத்த ஆதாரங்கள்.

முக்தி அடைவதே நோக்கம்! காட்டிக்கொடுத்த சிசிடிவி
சிசிடிவி பதிவுகள் மூலம் வெளியாட்கள் யாரும் வீட்டிற்குள் செல்லவில்லை என்பது தெரிய வந்துள்ளது

சிசிடிவி பதிவுகளில் நாராயண் தேவி குடும்பத்தை சேர்ந்த ஒரு பெண், 12 வயது த்ருவ், 15 வயது ஷிவம் ஆகியோர் பர்னிச்சர் கடைக்கு சென்று வயர்கள், ஸ்டூல்கள் வாங்கி வந்தது தெரிய வந்துள்ளது. அவர்கள் அனைவரும் திட்டமிட்டு தான் இந்த செயலை செய்துள்ளனர்.

அனைவரும் இரவு 1 மணி அளவில் இறந்துள்ளனர். நாராயண் தேவியின் இளைய மகன் லலித் சுந்தாவத்(45) உத்தரவுகள் பிறப்பிக்க அதை குடும்பத்தார் பின்பற்றியது சிசிடிவி பதிவில் தெரிய வந்துள்ளது

5 ஸ்டூல்களை வைத்து அவர்கள் தூக்கு போட்டுள்ளனர். த்ருவ் மற்றும் ஷிவம் ஆகிய சிறுவர்களை அவர்களின் பெற்றோரே கைகளை கட்டி வயரை மாட்டிவிட்டுள்ளனர்.

லலித்தின் மனைவி டினாவின் கைகளும், கண்களும் கட்டப்படவில்லை. அவர் தான் மற்றவர்களின் கைகளை பின்புறமாக கட்டி, கண்களை துணியால் கட்டியிருக்க வேண்டும் என்று கூறப்படுகிறது. நாராயண் தேவி மட்டும் தரையில் பிணமாகக் கிடந்தார்.

இரவு 10 மணிக்கு மூத்த மருமகள் ஸ்டூல்களை கொண்டு வந்துள்ளார். இரவு 10.15 மணிக்கு த்ருவ், ஷிவம் ஆகயோர் தூக்குப் போடத் தேவையான வயர்களை கொண்டு வந்துள்ளனர். 10.39 மணிக்கு அந்த குடும்பம் ஆர்டர் செய்த 20 சப்பாதி டோர் டெலிவரி செய்யப்பட்டுள்ளது. 10.57 மணிக்கு நாராயண் தேவியின் மூத்த மகன் புவனேஷ் நாயை வெளியே அழைத்துச் சென்றுள்ளார்.

11.04 மணிக்கு புவனேஷும், நாயும் வீட்டிற்குள் சென்றுள்ளனர். ஜூலை மாதம் 1ம் தேதி காலை 5.56 மணிக்கு பால் கார்டன்களை வைத்துவிட்டு டிரக் சென்றுள்ளது. 7.14 மணிக்கு அக்கம் பக்கத்தார் வந்து பார்த்தபோது அனைவரும் இறந்து கிடந்தனர். இது தான் சிசிடிவி பதிவுகள் மூலம் தெரிய வந்துள்ளது.

கேரளாவில் ஆணவக்கொலைக்கு காதல் கணவனை பறிகொடுத்த நீனுவின் மனநலம் பாதிக்கப்பட்டிருப்பதா கூறி அவளைஇழிவுபடுத்த முயல்வதாக இறந்துபோன கெவினின் தந்தை ஜோசப் கூறியுள்ளார்.

நீனு என்கிற மாற்று சமூகத்தைச்சேர்ந்த பெண்ணைத் திருமணம் செய்துகொண்ட கெவின் ஜோசப் என்ற இளைஞர் கேரள மாநிலத்தில் கடந்த மாதம் ஆணவக் கொலை செய்யப்பட்டார்.

கணவர் கொலை செய்யப்பட்ட பின், வீட்டுக்குள்ளேயே முடங்கிக் கிடந்த நீனு வேதனையிலிருந்து மீண்டு கல்லூரி செல்லத் தொடங்கியுள்ளார்.

வீட்டுக்குள்ளேயே முடங்கிக் கிடந்த அவருக்கு, கெவின் ஜோசப்பின் பெற்றோர் ஆறுதல் அளித்து, படிப்பைத் தொடங்க உதவியுள்ளனர்.

கெவினை கொலை செய்த குற்றத்திற்காக நீனுவின் தந்தை மற்றும் அண்ணனை பொலிசார் கைது செய்துள்ளனர். இந்நிலையில் தனது கணவருக்கு ஜாமீன் கோரி நீனுவின் தாய் நீதிமன்றத்தில் மனுதாக்கல் செய்துள்ளார்.

மேலும், நீனுவுக்கு மனநலம் பாதித்துவிட்டதாகவும் கூறியுள்ளார். இவரின் இந்த கருத்தை நீனுவின் மாமனார் மறுத்துள்ளார். அவளை எங்கள் மகள் போல பார்த்து வருகிறோம், அவள் நன்றாக படிக்கிறாள். அவளுக்கு மனநலம் பாதித்துவிட்டது என்று அவரது தாயார் கூறுவது அவரை இழிவுபடுத்துவதாக உள்ளது என கூறியுள்ளார்.

கேரள அரசு கெவின் குடும்பத்துக்கு ரூ.10 லட்சம் நிதியுதவி அளித்துள்ளது. நீனுவின் படிப்புச் செலவையும் அரசே ஏற்றுள்ளது. சிவில் சர்வீஸ் தேர்வெழுத வேண்டுமென்பது நீனுவின் லட்சியம்.

ஆந்திர மாநிலத்தில் மாமியார், மனைவி கொடுமை காரணமாக இளைஞர் ஒருவர் ரயில்முன் பாய்ந்து தற்கொலை செய்துகொண்டுள்ள சம்பவம் நிகழ்ந்துள்ளது.

ஆந்திர மாநிலம் வியஜவாடா அருகே உள்ள ரயில் நிலையத்தில், இளைஞர் ஒருவர் தற்கொலை செய்துகொண்டு உயிரிழந்துள்ளதாக காவல்துறையினருக்கு தகவல் கிடைத்துள்ளது.

இதனையடுத்து சம்பவ இடத்திற்கு வந்த ரயில்வே காவல்துறையினர், இளைஞரின் உடலை கைப்பற்றி பரிசோதனை மேற்கொள்ளும் பொழுது அவரது சட்டைலிருந்து, ஒரு செல்போன் கிடைத்துள்ளது.

அதனை காவல்துறையினர் ஆராயும்பொழுது, அதில் இறுதியாக எடுக்கப்பட்ட செல்பி வீடியோ ஒன்று இருந்துள்ளது.

அந்த வீடியோவில், நீ எனக்கு துரோகம் செய்துவிட்டாய், வேண்டுமென்றே பொய் வழக்கு பதிந்து என்னை காவல்நிலையத்தில் உட்கார வைத்துவிட்டாய் என கூறியதோடு, தன்னுடைய மரணத்திற்கு மனைவி, மாமியார் மற்றும் அவரது சகோதரர்களே காரணம் என குறிப்பிட்டிருந்தார்.

மேலும், என்னை மன்னித்து விடுங்கள் அப்பா, இந்த மனஅழுத்தத்தை என்னால் தாங்கிக்கொள்ள முடியவில்லை. உங்களை நீங்களே நன்றாக பார்த்துக்கொள்ளுங்கள் என கூறியிருந்தார்.

பின்னர் இதுகுறித்து வழக்கு பதிவுசெய்து காவல்துறையினர் தீவிரமான விசாரணை மேற்கொள்ளும்பொழுது பல்வேறு திடுக்கிடும் தகவல்கள் வெளியாகின.

அதில், கிருஷ்ணா மாவட்டம் கிருஷ்ணாலங்கா பகுதியை சேர்ந்தவர் குருவா ரெட்டி(27). இவரும், அதே பகுதியை சேர்ந்த காயத்ரியும்(25) 10-ம் வகுப்பிலிருந்தே காதலித்து வந்துள்ளனர்.

10ம் வகுப்பு முடித்த உடனே குருவா தன்னுடைய படிப்பை நிறுத்தியுள்ளார். ஆனால் தொடர்ந்து இன்ஜினீரிங் வரை படித்து வந்த காயத்ரிக்கு பண மற்றும் பொருளுதவி செய்து வந்துள்ளார்.

இதற்கிடையில் இருவரும் கடந்த 2013-ம் ஆண்டு திருமணம் செய்துகொண்டனர். இன்ஜினீரிங் முடித்த உடனே ஹைதராபாத்தில் உள்ள தனியார் நிறுவனம் ஒன்றில் காயத்திரிக்கு வேலை கிடைத்துள்ளது.

சில நாட்களாகவே மனைவியின் நடத்தையில் சந்தேகமடைந்த குருவா, அவர் வேலைக்கு சென்றதும், “Spyhuman” என்ற அப்ளிகேஷன் மூலம் காயத்ரியின் செல்போனை ஆராய்ந்துள்ளார்.

அதில் வேறு ஒருவருடன் மனைவி நெருக்கமாக பேசியிருப்பதை தெரிந்துகொண்ட குருவா, மனைவியிடம் இதுகுறித்து கேட்டுள்ளார். இதனால் இருவருக்குமிடையே வாக்குவாதம் ஏற்பட்டுள்ளது.

கடந்த 26-ம் தேதி விஜயவாடாவில் உள்ள வீட்டிற்கு வந்த காயத்ரி தனது அம்மா மற்றும் சகோதரருடன் இணைந்து தூக்க மாத்திரை சாப்பிட்டுள்ளார்.

இதனையடுத்து மருத்துவமனையில் அனுமதிக்கப்பட்ட காயத்ரி மற்றும் அவரது குடும்பத்தார், குருவா மீது புகார் கொடுத்தனர். இதனடிப்படையில் வழக்கு பதிவு செய்த காவல்துறையினர், குருவாவிற்கு சம்மன் அனுப்பியதோடு, அவரை காவல்நிலையத்திற்கு அழைத்து விசாரித்துள்ளனர்.

இதனால் மனமுடைந்த குருவா, இறப்பதற்கு முன்னர் செல்பி வீடியோவாக தன்னுடைய மரண வாக்குமூலத்தை கொடுத்துவிட்டு ரயில்முன் பாய்ந்து தற்கொலை செய்துகொண்டுள்ளார்.

இந்த விவகாரம் தற்போது பெரும் பரபரப்பை ஏற்படுத்தியிருப்பதால்,காவல்துறையினர் விசாரணையை தீவிரப்படுத்தியுள்ளனர்

புதுக்கோட்டை மாவட்டத்தில் 12 வயது சிறுமி கற்சிலையாக மாறப்போகிறாள் என்ற செய்தி பரவியதால் மக்கள் கோவிலில் குவிந்துள்ளனர்.

பழநி என்பவரின் மகள் 6 ஆம் வகுப்ப படித்து வருகிறாள். கடவுள் பக்தி அதிகம் கொண்ட சிறுமி, தனது 13 வது வயதில் கற்சிலையாக மாறிவிடுவாள் என கனவு கண்டுள்ளார்.

இந்நிலையில், 13 வது பிறந்தநாளான நேற்று சிறுமிக்கு சேலை உடுத்து அம்மன் கோயிலுக்கு அழைத்து சென்றுள்ளார். இந்த செய்தி அங்கு பரவியதால் மக்கள் அங்குகூடி ஓம் சக்தி என கூச்சமிட்டுள்ளனர், ஆனால் அப்படி எதுவும் நடக்காத காணத்தால் மக்கள் திரும்பி சென்றுள்ளனர்.