தன்னை வளர்த்த முதியவர் மற்றும் தன்னுடன் இருந்த மாடு உயிருக்கு போராடிய நிலையில் தன்னுயிரையும் பொருட்படுத்தாமல் மின்வயரை கடித்து இழுத்து நாயும் உயிரிழந்த சம்பவம் கிராம மக்களிடையே பெரும் சோகத்தை ஏற்படுத்தியுள்ளது.

மதுரை மாவட்டம் உசிலம்பட்டி அருகேயுள்ள கல்கொண்டான்பட்டியில் நேற்று மாலை பெய்த மழையின் காரணமாக அங்குள்ள மின் வயர் ஒன்று அறுந்து கிடந்துள்ளளது.

இன்று காலை அவ்வழியாக சென்ற கல்கொண்டான்பட்டியைச் சேர்ந்த மொக்குசு என்ற முதியவரும் அவர் வளர்த்த நாய்யுடனும் தனது தோட்டத்தில் மாடு மேய்க்க சென்றுள்ளனர்.

இந்நிலையில் அறுந்து கிடந்த மின்வயரை மாடு மிதித்ததாக் மின்சாரம் பாய்ந்து துடித்தது. இதனை கண்ட முதியவர் மாட்டை காப்பாற்ற முயன்ற போதும் அவர் மீதும் மின்சாரம் தாக்கியது.

இதனையறிந்த முதியவரின் வளர்ப்பு நாய் அவர்களை காப்பாற்ற முயல்வதாக மின்வயரை கடித்து இழுத்த நிலையில் நாயின் மீதும் மின்சாரம் தாக்கி பரிதாபமாக மூவரும் உயிரிழந்தனர்.

தகவலறிந்து சம்ப இடத்திற்கு விரைந்து வந்த உறவினர்கள் பொலிசாருக்கு தகவல் அளித்தனர்.

உத்தப்பநாயக்கனூர் பொலிசார் வழக்குப் பதிவு செய்து உடல்களை கைப்பற்றி உடற்கூறு பரிசோதனைக்கு அனுப்பி வைத்தனர்.

மேலும் சம்பவம் நடந்த இடத்தை உசிலம்பட்டி கோட்டாச்சியர் முருகேசன், உசிலம்பட்டி காவல்துணைக் கண்காணிப்பாளர் கல்யாணக்குமார் நேரில் விசாரனை நடத்தி இறந்தவரின் குடும்பத்தினருக்கு அரசின் நிவாரணமாக 1 லட்சம் நிதி வழங்கப்படும் என உசிலம்பட்டி கோட்டாச்சியர் உறுதியளித்தார்.

உலக அளவில் புகழ்பெற்ற ஆபாசப்பட நடிகைகளின் முகங்கள் வரையப்பட்ட கேரள தனியார் பேருந்து ஒன்றின் புகைப்படம் இணையவாசிகளை ஸ்தம்பிக்க வைத்துள்ளது.

கேரள மாநிலத்தின் வர்க்கல நகரில் தனியாரால் இயக்கப்படும் ஒருசில பேருந்துகளில் இளைஞர்களை கவரும் நோக்கில் உலக அளவில் புகழ்பெற்ற ஆபாசப்பட நடிகர்களான Mia Khalifa, Johnny Sins, Jordi El Nini, Kortney Kane மற்றும் Sunny Leone ஆகியோரது புகைப்படங்களை ஓவியமாக தீட்டியுள்ளனர்.

இதற்கு அப்பகுதி இளைஞர்கள் மத்தியில் பெரும் வரவேற்பு கிடைத்துள்ளதாக குறித்த தனியார் பேருந்து நிறுவனர் ஷெரின் தெரிவித்துள்ளார்.

கல்லூரி மாணவர்கள் பொதுவாக சன்னி லியோன் புகைப்படத்தை பதாகையாக வடிவமைத்து பேருந்தின் பின்னால் இணைப்பதை வாடிக்கையாக செய்து வந்துள்ளனர்.

இதனையடுத்தே ஆபாசப்பட நடிகர்களின் புகைப்படங்களை பேருந்தின் வெளிப்புறம் முழுவதும் ஓவியமாக வரையும் திட்டத்தை செயல்படுத்தியதாகவும் அவர் தெரிவித்துள்ளார்.

ஓவியங்களை வரைய மொத்தம் 20 நாட்கள் ஆனது எனவும் சுமார் 2.6 லட்சம் செலவானது எனவும் அவர் தெரிவித்துள்ளார்.

இதனிடையே குறித்த பேருந்தின் புகைப்படம் இணையத்தில் பலரது கவனத்தையும் ஈர்த்த நிலையில், பிரபல ஆபாசப்பட நடிகர் Johnny Sins தமது டுவிட்டர் பக்கத்திலும் இதை பகிர்ந்துள்ளார் என்பது குறிப்பிடத்தக்கது.

கன்னியாகுமரி அருகே திருமணம் பாதியில் நின்றதால் மனமுடைந்த மணமகன், நள்ளிரவில் தூக்கிட்டு தற்கொலை செய்துகொண்டுள்ள சம்பவம் பெரும் சோகத்தை ஏற்படுத்தியுள்ளது.

கன்னியாகுமரி மாவட்டம் மார்த்தாண்டம் அருகே பாறவிளை பகுதியில் வசித்து வருபவர் கூலித்தொழிலாளி பினு(31). நீண்ட நாட்களாகவே திருமணத்திற்கு பெண் கிடைக்காததால் மனமுடைந்து இருந்த பினுவிற்கு, கோழிப்போர்விளை பகுதியில் பெண் கிடைத்தது.

இதனால் மகிழ்ச்சியில் திளைத்த பினுவின் குடும்பம் உடனடியாக திருமண வேலைகளை பார்க்க ஆரம்பித்தனர். அதன்படி திருமணம் நிச்சயிக்கப்பட்டு, மண்டைக்காடு பகுதியில் உள்ள ஆலயத்தில் நேற்று திருமணம் நடக்கவிருந்தது.

இதில் கலந்துகொள்வதற்காக உறவினர்கள், நண்பர்கள் என ஏராளமானோர் வருகை தந்திருந்தனர். வரவேற்பு நிகழ்ச்சியில் கலந்துகொண்டு அனைவரும் மகிழ்ச்சியாக இருந்தவேளையில், திடீரென சினிமாவில் வரும் ஒரு வசனம் போல, “திருமணத்தை நிறுத்துங்கள்” என குரல் ஒலித்துள்ளது.

இதனையடுத்து பதறிப்போன குடும்ப உறுப்பினர்கள், என்ன நடக்கிறது என விசாரிக்கையில், வந்திருந்தவர்கள் குழந்தைகள் நலத்துறை அதிகாரிகள் எனவும், மணப்பெண்ணுக்கு 16 வயது மட்டுமே நிரம்பியுள்ளதால்,தற்போது திருமணம் செய்யக்கூடாது என கூறியுள்ளனர். மேலும், இதனை மீறி திருமணம் செய்தால் போக்சோ சட்டத்தின் கீழ் கைது செய்யப்படுவீர்கள் என பினு குடும்பத்தாரை எச்சரித்துள்ளனர்.

சிறுமிக்கு 18 வயது நிரம்பியவுடனே, திருமணம் மற்றும் அதுதொடர்பான சடங்குகள் நடத்தப்படும் என பினு வீட்டார் உறுதியளித்ததையடுத்து சிறுமியை அழைத்துக்கொண்டு அதிகாரிகள் அங்கிருந்து கிளம்பினார்.

ஒருபுறம் விழாக்கோலத்தில் இருந்த நிகழ்வு, திடீரென அமைதி மயமாக மாற, மறுபுறம் நீண்ட நாட்களுக்கு பிறகு நடக்கவிருந்த திருமணமும் நின்றுவிட்டதே என பினு மனமுடைந்துள்ளார். இதனால் இரவு முழுவதும் சோகமாகவே இருந்த பினு, யாரும் இல்லாத நேரத்தில் தூக்கிட்டு தற்கொலை செய்துகொண்டுள்ளார்.

விடிந்ததும் காலையில் அறையை திறந்தபொழுது பினு சடலமாக தூக்கில் தொங்குவதை பார்த்து கதறி அழுத குடும்பத்தார், உடனடியாக காவல்துறையினருக்கு தகவல் கொடுத்தனர்.

இதனையடுத்து சம்பவ இடத்திற்கு வந்த காவலர்கள் உடனடியாக பினுவின் உடலை கைப்பற்றி பிரேத பரிசோதனைக்கு அனுப்பி வைத்தனர். பெற்றோர்களின் தவறான முடிவால் திருமணம் தடைபட்டதோடு, இளைஞர் ஒருவரும் தற்கொலை செய்துகொண்டு இறந்துள்ள சம்பவமானது அப்பகுதியில் பெரும் சோகத்தை ஏற்படுத்தியுள்ளது.

தமிழகத்தில் காவலரை வெட்டிய ரவுடியை பொலிசார் எண்கவுண்டரில் சுட்டுத்தள்ளியுள்ளனர்.

சென்னை ராயப்பேட்டை தர்கா குடிசை மாற்று வாரிய குடியிருப்பு அருகே நேற்றிரவு சிலர் குடித்துவிட்டு தகராறு செய்வதாக காவல்துறையினருக்கு தகவல் வந்துள்ளது.

இதனால் அப்பகுதியின் E2 ராயப்பேட்டை காவல்நிலைய முதல்நிலை காவலர் ராஜவேலு ரோந்து பணியில் சென்றுள்ளார்.

அப்போது அங்கு 5-க்கும் மேற்பட்ட ரவுடிகள் மது அருந்திக் கொண்டிருந்ததைப் பார்த்த அவர், இங்கிருந்து செல்லுமாறு கூறியுள்ளார்.

ஆனால் அங்கிருந்த சுமார் 10-க்கும் மேற்பட்டோர் காவலரை கத்தியால் சரமாரியாக தாக்கியுள்ளனர். அவரை தலையில் கத்தியால் வெட்டியுள்ளனர்.

இதனால் தலையில் பலத்த வெட்டுக் காயமுடன் ரத்தம் வடிந்த நிலையில் ராகவேலு காவல்நிலையத்திற்கு ஓடி வந்துள்ளார்.

இதைக் கண்டு அதிர்ச்சியடைந்த மற்ற காவலர்கள் அவரை உடனடியாக மருத்துவமனைக்கு அனுப்பி வைத்துவிட்டு, அதிகாலை தாக்குதல் நடத்தியவர்கள் பற்றி விசாரணை மேற்கொண்டுள்ளனர்.

இந்த அதிரடி தேடலில் ரவுடி ஆனந்தன் உள்ளிட்ட 5 பேர் கைது செய்யப்பட்டனர். இருப்பினும் ஆனந்தன் உள்ளிட்ட 4 முக்கிய குற்றவாளிகள் தப்பிச் சென்றுள்ளனர்.

தப்பிச் சென்ற அவர்களை பொலிசார் தொடர்ந்து தேடி வந்துள்ளனர்.

இந்நிலையில் அவரை பிடிக்கச் சென்றபோது, மற்ற காவலர்களை ஆனந்தன் கத்தியால் வெட்ட வந்ததாக கூறப்படுகிறது.

அப்போது தங்களை காப்பாற்றிக்கொள்ள காவலர்கள், ரவுடி ஆனந்தனை தற்காப்பிற்காக என்கவுண்டர் செய்துள்ளதாகவும், இந்த சம்பவம் மத்திய கைலாஷ் செண்ட்ரல் பாலிடெக்னிக் அருகே நடந்ததாக தெரிவிக்கப்பட்டுள்ளது.

இந்தியாவில் 11 பேர் தற்கொலை செய்து கொண்ட விவகாரத்தில் சாமியாரின் தலையீடு இல்லை என்று பொலிசார் கூறியுள்ளனர்.

டெல்லி புராரி பகுதியில் உள்ள ஒரு வீட்டில் 11 சடலங்கள் கண்டெடுக்கப்பட்டது. முதலில் இவர்கள் அனைவரும் தற்கொலை செய்யப்பட்டதாக கூறப்பட்ட நிலையில், இவர்களின் உறவினர் ஒருவர் அவர்கள் தற்கொலை செய்திருக்க வாய்ப்பில்லை, நிச்சயம் இது ஒரு கொலையாகத்தான் இருக்கும் என்று கூறியிருந்தார்.

இதற்கிடையில் பொலிசார் நடத்திய விசாரணையில், அந்த வீட்டில் நிறைய கடிதங்கள், டைரிகள் கைப்பற்றப்பட்டது. அதில் எப்படி தற்கொலை செய்தால் மோட்சம் கிடைக்கும், எந்த நேரத்தில் தற்கொலை செய்ய வேண்டும் என்றெல்லாம் எழுதப்பட்டிருந்தது.

இதனால் இது கொலையா, தற்கொலையா என்று தெரியாமல் பொலிசார் குழம்பி போய் நிற்கின்றனர். மேலும் இவர்களின் உடற்கு கூறு ஆய்விலும் கொலை செய்யப்பட்டதற்கான எந்த ஒரு ஆதாரமும் இல்லை.

அதுமட்டுமின்றி இந்த சம்பவத்தில் சாமியார்கள் யாரும் தலையிட்டிருக்கிறார்களா என்ற கோணத்திலும் பொலிசார் விசாரணை மேற்கொண்டனர்.

ஏனெனில் டைரிகள் மற்றும் கடிதங்களில் சொர்க்கத்திற்கு எப்படி செல்வது போன்று குறிப்பிட்டிருந்ததால், மூடநம்பிக்கை காரணமாக செய்திருக்கலாம் என்று பொலிசார் சந்தேகமடைந்தனர்.

இந்நிலையில் இந்த சம்பவத்தில் சாமியார்களின் தலையீடு இல்லை என்று பொலிசார் கூறியுள்ளனர். பொலிசார் இறந்தவர்களின் உறவினர்கள் 20 பேரிடம் விசாரணை மேற்கொண்டுள்ளனர்.

ஆனால் அது குறித்து எந்த ஒரு தகவலும் தெரிவிக்கவில்லை. இறந்த 11 பேர் விவகாரத்தில் shared psychosis என்ற நோயின் தாக்கம் இருக்குமா என்ற சந்தேகமும் எழுந்துள்ளது.

shared psychosis என்றால் ஒருவர் மூடநம்பிக்கையோ அல்லது வேறு ஏதேனும் பற்றி மற்றொருவரிடம் தொடர்ந்து கூறிக் கொண்டிருக்கும் போது அவர்களும் அதற்கு அடிமையாகிவிடுவார்களாம்.

இதனால் இந்த 11 பேர் மரணம் விவகாரத்தில் யாரேனும் மூடநம்பிக்கை மிகுந்தவர் இருந்தாரா அல்லது தற்கொலைப் பற்றி தொடர்ந்து கூறிக் கொண்டே மற்றவர்களை மாற்றினாரா என்ற கோணத்தில் விசாரணை மேற்கொண்டு வருகின்றனர்.

இதில் சம்பவத்தில் இறந்தவர்களை கடைசியாக அதாவது அவர்கள் இறப்பதற்கு ஒரு நாளுக்கு முன்பு டெலிவரி பையன் 20 ரொட்டிகளை டெலிவரி செய்துள்ளான்.

அவனே இறந்தவர்களை கடைசியில் பார்த்துள்ளான் என்பதால் அவனிடமும் பொலிசார் விசாரணை மேற்கொண்டு வருகின்றனர்.