“ஓவியா” என்னும் படத்திற்காக, இலங்கை அரசின் சிறந்த இசையமைப்பாளருக்கான தேசிய விருதை சிவா பத்மஜனுன் என்பவர் பெற்றுள்ளார்.

இமாலயன் என்டர்டெயின்மென்ட் நிறுவனம் சார்பில், காண்டீபன் ரங்கநாதன் தயாரித்து, நடித்துள்ள படம் “ஓவியா”. அறிமுக இயக்குனர் கஜன் ஜெகநாதன் இயக்க, சிவா பத்மஜன் இசையமைத்துள்ளார்.

இதில் நாயகியாக இலங்கையை சேர்ந்த மிதுனா என்பவரும், “ஓவியா” என்னும் சிறுமி கதாபாத்திரத்தில் சுவிக்சா ஜெயரத்னம் என்ற குழந்தையும் நடித்துள்ளனர். நிசாந்தன் மற்றும் விபின் சந்திரன் ஆகியோர் ஒளிப்பதிவு செய்ய, அனீஸ் ரஹ்மான் நடனம் அமைத்துள்ளார்.

இலங்கை அதிபர் மைத்ரிபால சிறிசேன முன்னிலையில், கடந்த 22-ம் தேதி நடைபெற்ற தேசிய விருதுகள் வழங்கும் விழாவில், சிறந்த பாடலுக்கான பிரிவில், ஓவியா படத்தில் இடம்பெற்றுள்ள “அள்ளிக்கொள்ளவா” பாடல் விருதை தட்டி சென்றது.

அதனடிப்படையில் இசையமைப்பாளர் சிவா பத்மஜனுக்கு, சிறந்த இசையமைப்பாளருக்கான தேசிய விருதினை கலைத்துறை அமைச்சர் எஸ்.பி.நவய்நெ (S.B.Nawwine) வழங்கியுள்ளார்.

முன்னதாக தனியார் தொலைக்காட்சியின் மூலம் பிரபலமான, பாடகர் ஆனந்த் அரவிந்தக்ஷன் தான் இப்பாடலை பாடியுள்ளார் என்பது குறிப்பிடத்தக்கது.

திருமணம் முடித்தவர்கள் பாலியல் துஸ்பிரயோகம் செய்ய மாட்டார்களா? என மல்லாகம் நீதிமன்றம் சட்டத்தரணியிடம் கேள்வி எழுப்பியுள்ளது.

வட்டுக்கோட்டையிலுள்ள தனியார் கல்வி நிலையம் ஒன்றில் பாடசாலை மாணவிகள் மூவர் பாலியல் வன்கொடுமைக்கு உள்ளாகிய சம்பவம் அண்மையில் மல்லாகம் நீதிமன்றில் விசாரணைக்கு எடுத்துக்கொள்ளப்பட்டது.

இந்த சம்பவத்தில் சந்தேகத்தின் பேரில் கைது செய்யப்பட்டுள்ள ஆசிரியர் சார்பில் ஆஜரான சட்டத்தரணியிடம் இந்த கேள்வியை நீதிமன்று எழுப்பியிருந்தது.

“இந்த ஆசிரியர் கௌரவமான குடும்பத்தில் பிறந்து வளர்ந்தவர், திருமணம் முடித்து பிள்ளைகளுடன் வாழ்ந்து வருகின்றார், அவர் மீது சேறு பூசும் நடவடிக்கையாகவே இந்த குற்றச்சாட்டு சுமத்தப்பட்டுள்ளது” என்று சட்டத்தரணி தெரிவித்துள்ளார்.

இதையடுத்து, “திருமணம் முடித்தவர்கள் இவ்வாறான செயற்பாட்டை செய்யமாட்டார்களா? திருமணம் முடிக்காதவர்கள் தான் இப்படி செய்வார்களா?” என்று கேள்வி எழுப்பிய மல்லாகம் நீதவான் ஏ.ஏ.ஆனந்தராசா, சந்தேகநபரான ஆசிரியருக்கு 14 நாட்கள் விளக்கமறியல் நீடிப்பு உத்தரவை பிறப்பித்துள்ளார்.

யாழ்.வட்டுக்கோட்டையிலுள்ள தனியார் கல்வி நிலையத்துக்கு சென்ற பதின்ம வயது மாணவியை வன்புணர்ந்தமை மற்றும் மாணவிகள் சிலருக்கு பாலியல் தொல்லை கொடுத்தமை உள்ளிட்ட குற்றச்சாட்டில் வட்டுக்கோட்டையைச் சேந்த ஆசிரியர் ஒருவர் கடந்த 13ஆம் திகதி கைது செய்யப்பட்டிருந்தமை குறிப்பிடத்தக்கது.

மாத்தறை – ஊருபொக்க, கல்பொக்க பிரதேசத்தில் கத்தி குத்துக்கு இலக்காகி பெண் ஒருவர் உயிரிழந்துள்ளதுடன், மேலும் இரண்டு பெண்கள் படுகாயமடைந்துள்ளனர். இந்த சம்பவம் நேற்று இரவு இடம்பெற்றுள்ளதாக பொலிஸார் தெரிவித்துள்ளனர்.

சம்பவத்தில் 28 வயதான பெண் உயிரிழந்துள்ள நிலையில், 32 மற்றும் 64 வயதான ஒரே குடும்பத்தை சேர்ந்த இரண்டு பெண்கள் படுகாயமடைந்து எம்பிலிபிட்டிய வைத்தியசாலையில் அனுமதிக்கப்பட்டுள்ளனர்.

மேலும், கத்தி குத்து தாக்குதலை மேற்கொண்ட 40 வயதான நபர் தற்கொலை செய்து கொண்டுள்ளதாகவும் குறிப்பிடப்படுகின்றது.

மனநோய் முற்றியதால் இந்த கத்தி குத்து தாக்குதலை மேற்கொண்டு விட்டு தானும் தற்கொலை செய்திருக்கலாம் என பொலிஸார் சந்தேகம் வெளியிட்டுள்ளனர்.

மட்டக்களப்பு – தும்பங்கேணி, பழுகாமம் சந்தியில் இடம்பெற்ற விபத்தில் இரண்டு வயது சிறுவன் உயிரிழந்துள்ளதுடன் இருவர் படுகாயமடைந்துள்ளனர்.

தும்பங்கேணி, பழுகாமம் சந்தியில் இன்று காலை டிப்பர் வாகனமும் முச்சக்கரவண்டியும் மோதுண்டதன் காரணமாக இந்த விபத்து ஏற்பட்டுள்ளது.

பலாச்சோலையில் இருந்து களுவாஞ்சிகுடிக்கு சென்ற முச்சக்கரவண்டியும், சம்மாந்துறையில் இருந்து கொக்கட்டிச்சோலைக்கு சென்ற டிப்பர் வாகனமும் மோதிய நிலையில் முச்சக்கரவண்டி இழுத்துச் செல்லப்பட்டதாக சம்பவத்தை நேரில் கண்டவர்கள் தெரிவித்தனர்.

இதன்போது குறித்த முச்சக்கரவண்டியில் பயணித்தி இரண்டு வயது சிறுவன் ஸ்தலத்திலேயே உயிரிழந்ததாகவும் சிறுவனின் தாயாரும் முச்சக்கரவண்டி சாரதியும் படுகாயமடைந்ததாகவும் வெல்லாவெளி பொலிஸார் குறிப்பிட்டுள்ளனர்.

சடலம் களுவாஞ்சிகுடி ஆதார வைத்தியசாலையில் வைக்கப்பட்டுள்ளதுடன் படுகாயமடைந்தவர்களும் களுவாஞ்சிகுடி ஆதார வைத்தியசாலையில் சிகிச்சை பெற்றுவருவதாகவும் வைத்தியசாலை வட்டாரங்கள் தெரிவித்தன.

இரண்டு வாகனங்களினதும் வேகமே விபத்து காரணம் என தெரிவித்த பொலிஸார் இச்சம்பவம் தொடர்பில் டிப்பர் வாகனத்தின் சாரதியை கைது செய்துள்ளனர்.

இது தொடர்பான மேலதிக விசாரணைகளை வெல்லாவெளி பொலிஸ் நிலைய போக்குவரத்து பிரிவு பொலிஸார் மேற்கொண்டு வருகின்றனர்.

காலியில் பெண் ஒருவர் துஷ்பிரயோகம் செய்து விட்டு 10 ஆண்டுகளுக்கும் அதிக காலம் உருவத்தை மாற்றி மறைந்திருந்த நபர் கைது செய்யப்பட்டுள்ளார்.

முச்சக்கர வண்டி சாரதியான இந்த நபர் நேற்று காலி, கோட்டை பொலிஸாரினால் கைது செய்யப்பட்டுள்ளார்.

கைது செய்யப்பட்ட சந்தேக நபரால் 2008ஆம் ஆண்டு மே மாதம் 18ஆம் திகதி, பாதிக்கப்பட்ட பெண்ணை விடுதிக்கு அழைத்து சென்று துஷ்பிரயோகத்திற்கு உட்படுத்தியுள்ளதாக பொலிஸார் தெரிவித்துள்ளனர்.

குறித்த முச்சக்கர வண்டி சாரதி பாதிக்கப்பட்ட பெண்ணுடன் காதல் ஒன்று தொடர்பு ஒன்றும் வைத்திருந்துள்ளார். எனினும் பலவந்தமாக அந்த பெண்ணை துஷ்பிரயோகத்திற்கு உட்படுத்தியுள்ளார்.

பின்னர் இது தொடர்பில் பெண் காலி பொலிஸ் நிலையத்தில் முறைப்பாடு செய்துள்ளார். எனினும் சந்தேக நபர் பாணந்துறை பிரதேசத்திற்கு தப்பி சென்று மறைந்திருந்துள்ளார்.

7 வருடங்களின் பின்னர் அந்த பிரதேசத்தில் பெண் ஒருவரை திருமணம் செய்த நபர் ஹபராதுவ பிரதேசத்தில் வசித்து வந்துள்ளார்.

அவர் தனது உருவத்தை மாற்றி முச்சக்கர வண்டி சாரதியாக செயற்பட்டுள்ளதாக பொலிஸார் தெரிவித்துள்ளனர்.

எனினும் இந்த நபர் தொடர்பில் தகவல் கண்டுபிடித்த புலனாய்வு பிரிவினர் நேற்று கைது செய்துள்ளனர்.

யாழ்ப்பாணம் – வட்டுக்கோட்டை சங்கரத்தை பகுதியில் கணவனின் கண்முன்னே மனைவியை கொடூரமான முறையில் பாலியல் பலாத்காரம் செய்த திருடர்கள், வீட்டில் இருந்த நகைகள், பணம் என்பவற்றையும் கொள்ளையடித்துச் சென்றுள்ளனர்.

வட்டுக்கோட்டை சங்கரத்தை பகுதியில் உள்ள வீடு ஒன்றுக்குள் நுழைந்த திருடர்கள், இந்த கொடூரத்தை அரங்கேற்றி விட்டுச் சென்ற சம்பவம் அப்பகுதி மக்களிடையே பெரும் அதிர்ச்சியை ஏற்படுத்தியுள்ளது.

குறித்த வீட்டிற்குள் நுழைந்த இரு திருடர்கள் கணவனை கடுமையாக தாக்கியதுடன் அவரின் வாய் மற்றும் கைகளை கதிரையுடன் சேர்த்து கட்டி வைத்துள்ளார்கள்.

பின்னர் மனைவியை தாக்கி அவர் அணிந்திருந்த நகைகளை பறித்ததுடன் அங்கிருந்த ஒரு தொகை பணத்தையும் அபகரித்துள்ளார்கள்.

தொடர்ந்து மனைவியின் வாயை கட்டி வைத்து அவரை மிகவும் கொடூரமான முறையில் துஷ்பிரயோகம் செய்துள்ளார்கள்.

குறித்த பெண்ணின் உடல் உறுப்புக்கள் அனைத்திலும் கத்தியால் வெட்டி காயப்படுத்தியதுடன் வாய், தலை என்பவற்றில் பலமாக தாக்கி காயம் ஏற்படுத்தியுள்ளார்கள்.

அதிகாலையில் புகுந்த திருடர்கள் சுமார் 3 மணி நேரம் வரை அவர்களை சித்திரவதை செய்துவிட்டு அங்கிருந்து இருவரும் தப்பிச்சென்றுள்ளனர்.

இந்த சம்பவத்தில் 59 வயதான பெண்ணும் அவருடைய கணவரும் பாதிக்கப்பட்டு யாழ்.போதனா வைத்தியசாலையில் சிகிச்சைக்காக அனுமதிக்கப்பட்டுள்ளனர்.

இக் கொடூர சம்பவம் தொடர்பாக அப்பகுதி மக்கள் பெரும் அச்சத்தில் இருப்பதுடன், இவ்வாறான சம்பவங்களுக்கு விசனம் வெளியிட்டுள்ளனர்.

இதேவேளை, திருடர்கள் இருவரும் அரைக்காற்சட்டையும் ரிசேட்டும் அணிந்து முகத்தை மூடி துணி கட்டியிருந்தனர். கைகளுக்கு குளோஸ் போட்டிருந்தனர் தெரிவிக்கப்படுகின்றது.

இலங்கையின் எரிபொருள் சந்தையில் இன்று முதல் யூரோ 4 என்ற வகை எரிபொருள் விநியோகிக்கப்படவுள்ளதாக பெற்றோலியத்துறை அமைச்சு அறிவித்துள்ளது.

இதனையடுத்து இன்று முதல் ஒக்டெய்ன் 95 பெற்றோல் மற்றும் டீசல் என்பன விநியோகிக்கப்படாது என்று அமைச்சின் செயலாளர் அறிவித்துள்ளார்.

யூரோ 4 டீசலை பயன்படுத்துவதன் மூலம் அதிக புகை வெளியாவதை கட்டுப்படுத்த முடியும் என்றும் செயலாளர் குறிப்பிட்டுள்ளார்.

இந்தநிலையில் யூரோ 4 எரிபொருள் ஒரு வாரத்துக்குள் நாட்டின் அனைத்து எரிபொருள் நிலையங்களுக்கும் விநியோகிக்கப்பட்டு விடும் என்றும் அவர் தெரிவித்துள்ளார்.

சிறுமி றெஜினாவின் படுகொலை விவகாரம் நாளுக்கு நாள் மக்கள் மத்தியில் பாரிய அதிர்வலைகளை ஏற்படுத்தி வருகின்றது.

சிறுமியின் கொலை தொடர்பில் பல்வேறு சந்தேகங்கள் எழுப்பப்பட்டிருந்த நிலையில் தொடர்ந்து பொலிஸார் விசாரணைகளை தீவிரப்படுத்தியிருந்தனர்.

இந்நிலையில், நேற்று 12 மணியளவில் றெஜினாவின் உள் பெனியன், தலைமுடிக்கு போடும் கிளிப் மற்றும் பூல்பான்ட் என்பன பற்றைக்குள்ளிருந்து மீட்கப்பட்டுள்ளது.

வீட்டில் இருந்து சுமார் 600 மீற்றர் தூரத்தில் இருந்து இவை மீட்கப்பட்டுள்ளது. கிராம இளைஞர்கள் இன்று காலை 10.30 மணிதொடக்கம் தேடுதலில் ஈடுபட்டுள்ளனர். இதன்போதே மேற்படிப் பொருட்களைக் கண்டுபிடித்துள்ளனர்.

மேலும், இப்பொருட்களை பெற்றோர் அடையாளம் காட்டியுள்ளதாகவும் குறிப்பிடப்பட்டுள்ளது. இதைத் தொடர்ந்து பொலிஸார் மோப்ப நாயுடன் வந்து தேடுதலில் ஈடுபட்டனர்.

எனினும், சிறுமியின் பாடசாலைச் சீருடை, ரை, சப்பாத்து என்பன மீட்கப்படவில்லை.

இதேவேளை, கடந்த 25ஆம் திகதி மாலை கிணறு ஒன்றில் இருந்து சிறுமி றெஜினாவின் சடலம் மீட்கப்பட்டிருந்ததுடன், சம்பவம் தொடர்பில், சந்தேகத்தின் பேரில் ஆறு பேரை கைதுசெய்து பொலிஸார் விசாரணைகளை மேற்கொண்டு வருகின்றனர்.