கேரளாவில் வசிக்கும் முதிய தம்பதி தங்கள் மகளின் நலனுக்காக குடியிருக்கும் வீட்டை மறுவாழ்வு மையமாக மாற்றுவதற்கு முன்வந்திருக்கிறார்கள்.

என். கமலாசன் – சி.கே. சரோஜினி தம்பதிகள் 70 வயதை கடந்தவர்கள். இவர்களுடைய ஒரே மகள் பிரியா (39) மாற்றுத்திறனாளி ஆவார்.

தங்கள் காலத்திற்கு பிறகு பிரியா தனிமைப்படுத்தப்படுவார் என்ற கவலை அவர் பெற்றோருக்கு ஏற்பட்டது.

அதனை போக்கும் விதமாக தாங்கள் வசிக்கும் வீடு மற்றும் சொத்துக்களை அரசின் வசம் ஒப்படைக்கிறார்கள். இந்த தம்பதியருக்கு கொல்லம் மாவட்டத்திலுள்ள கயிலா கிராமத்தில் 83 செண்ட் நிலமும், வீடும் இருக்கிறது. அவற்றின் சந்தை மதிப்பு ரூ.3 கோடியாகும்.

அதனை மாற்றுத்திறனாளி பெண்கள் பயன்பாட்டுக்கு ஏற்ற மறுவாழ்வு மையமாக மாற்றிக்கொள்ளும்படி வேண்டுகோள் விடுத்திருக்கிறார்கள். அதே போல கோழிக்கோட்டில் இரண்டு வீடுகளும், 15 செண்ட் நிலமும் இருக்கிறது. அதில் ஒரு வீட்டில் தற்போது வசித்து வருகிறார்கள். தங்கள் இறப்புக்கு பிறகு அதனையும் மறுவாழ்வு மையமாக மாற்றிக்கொள்ளும்படி உயில் எழுதி வைத்திருக்கிறார்கள்.

இது குறித்து கமலாசன் கூறுகையில், எங்கள் மகள் அந்த வீட்டிற்கு விரைவில் சென்றுவிடுவாள். அங்கு அவளைப் போன்றவர்களோடு மகிழ்ச்சியாக வாழும் சந்தர்ப்பம் அவளுக்கு கிடைக்கும். அதன் மூலம் எங்கள் இறப்பு அவளை பாதிக்காது என்று நம்புகிறோம்.

அவளை உறவினர்கள் வசம் ஒப்படைப்பதற்கு மனம் ஒப்புக்கொள்ள வில்லை. ஏனெனில் எங்கள் இறப்புக்கு பிறகு எங்கள் உறவினர்களிடம் அவள் நன்றாக வாழ்வாள் என்பதற்கு உத்தரவாதம் இல்லை.

எங்கள் முடிவால் பொருளாதார ரீதியில் பாதிக்கப்பட்டிருக்கும் மற்ற மாற்றுத்திறனாளி பெண்களும் பலன் அடைவார்கள் என கூறியுள்ளார்.

இந்தியாவில் மனைவி சமூகவலைதளத்துக்கு அடிமையானதால் வெறுப்படைந்த கணவர் விவாகரத்து கோரி நீதிமன்றத்தை நாடியுள்ளார்.

புதுடெல்லியை சேர்ந்தவர் நரேந்திர சிங் (30). இவருக்கு திருமணமாகி ஒரு ஆண்டு ஆகவுள்ள நிலையில் சில தினங்களுக்கு முன்னர் குடும்ப நீதிமன்றத்தை நாடி விவாகரத்து கோரினார்.

அந்த மனுவில், திருமணமான நாள் முதல் என் மனைவி சமூகவலைதளத்தில் தான் எப்போதும் மூழ்கியுள்ளார்.

எனக்கு மற்றும் என் குடும்பத்தாருக்கு நேரம் ஒதுக்குவதில்லை, இரவில் வாட்ஸ் அப்பில் ஆண் நண்பர்களுடன் வெகுநேரம் அவர் பேசுகிறார்.

இது எனக்கு தொந்தரவாக இருக்கிறது என அவரிடம் கூறினால் என்னை மிரட்டுகிறார். இதனால் எனக்கு விவாகரத்து வேண்டும் என குறிப்பிட்டுள்ளார்.

இதையடுத்து நரேந்திர சிங்கின் மனுவை நீதிமன்றம் ஏற்று கொண்டுள்ளது. இந்த மாதத்தில் நரேந்திர சிங் மற்றும் அவர் மனைவிக்கு கவுன்சிலிங் செய்ய நீதிமன்றம் தற்போது உத்தரவிட்டுள்ளது.

மனைவிக்கு வேறு நபருடன் தொடர்பு இருப்பதாக சந்தேகப்பட்ட கணவன் அவருக்கு மொட்டை அடித்து கொடுமைப்படுத்திய சம்பவம் அதிர்ச்சியை ஏற்படுத்தியுள்ளது.

ஆந்திர மாநிலத்தில் உள்ள மஞ்சிகலப்படு கிராமத்தை சேர்ந்தவர் ஸ்ரீனிவாச ராவ். இவர் மனைவி பாக்யலட்சுமி. தம்பதிக்கு இரண்டு குழந்தைகள் உள்ளனர்.

இந்நிலையில் பாக்யலட்சுமிக்கு வேறு ஆணுடன் கள்ளத்தொடர்பு இருப்பதாக ஸ்ரீனிவாச ராவுக்கு சந்தேகம் ஏற்பட்டுள்ளது.

இதையடுத்து இரு தினங்களுக்கு முன்னர் தனது தந்தையுடன் சேர்ந்து பாக்யலட்சுமிக்கு மொட்டை அடித்த ஸ்ரீனிவாச ராவ், அவர் முகத்தில் கருப்பு மையை பூசியுள்ளார்.

பின்னர் கிராமம் முழுவதும் மனைவியை நடக்கவைத்த ஸ்ரீனிவாசராவ், இனி இது போன்ற தவறு செய்ய மாட்டேன் என பாக்யலட்சுமியை கூறவைத்துள்ளார்.

இதையெல்லாம் வேடிக்கை பார்த்த கிராம மக்கள் யாரும் பாக்யலட்சுமிக்கு உதவாத நிலையில் சிலர் பொலிசுக்கு தகவல் கொடுத்தனர்.

இதையடுத்து சம்பவ இடத்துக்கு வந்த பொலிசார் பாக்யலட்சுமியிடம் விசாரணை நடத்தினார்கள்.

இதில் சம்மந்தப்பட்ட ஸ்ரீனிவாசராவ் மற்றும் அவர் தந்தை மீது நிச்சயம் நடவடிக்கை எடுக்கப்படும் என பொலிசார் தெரிவித்துள்ளார்கள்.

நாகாலாந்தில் சிறுமி ஒருவரை துஷ்ப்ரயோகம் செய்த 29வயது ஆணை அந்த ஊர் மக்கள் வித்யாசமான முறையில் போலீசிடம் ஒப்படைத்தனர்.

லோங்க்யா போம் (26) என்பவன் நாகலாந்து பகுதியில் ஒரு சிறுமியை பாலியல் துஷ்ப்ரயோகம் செய்தான். இதனால் கொதிப்படைந்த ஊர் மக்கள் அவனை நிர்வாண படுத்தி ஊரை சுற்றி ஊர்வலம் வரவைத்து அதன் பின் பொலிஸிடம் ஒப்படைத்தனர்.

பாதிக்கப்பட்ட சிறுமியும் இந்த நபரும் பக்கத்து வீட்டில் வசித்து வந்தனர். இந்த தகவல் அறிந்தது, சிறுமியின் குடும்பத்தார் உறவினர்களிடம் இதுபற்றி கூறினர்

அதன்பின் அங்கிருந்த பெண்கள் அமைப்பு ஒன்று கடந்த கடந்த 29ஆம் தேதி குற்றவாளியை பிடித்தனர். அதன்பின் அவனை நிர்வாணப்படுத்தி ஊர் முழுதும் சுற்றி வரவைத்து பின்னர்தான் அந்த குற்றவாளியை பொலிஸிடம் ஒப்படைத்துள்ளனர்.

இது பற்றி வழக்கு பதிந்த போலீசார் குற்றவாளியை விசாரித்து வருகிறார்கள்.

ஒன்றுமறியாத சிறுமிகளை மற்றும் பெண்களை தங்களது இச்சைக்கும் வக்கிரத்துக்கும் பயன்படுத்துவதும் அதன் பின் அவர்களை கொல்வதும் என பல கொடூரங்கள் செய்து வரும் இது போன்ற நபர்களுக்கு இந்த தண்டனை உளவியல் ரீதியான சிறந்த தண்டனை என்று சொல்ல தோன்றுகிறது.

மும்பை கண்டிவாலி அருகே உள்ள தாகூர் எனும் பகுதியில் ஒன்பதாம் வகுப்பு சிறுமி ஹர்ஷிகா மாயவந்தி எட்டாவது மாடியிலிருந்து குதித்து தற்கொலை செய்து கொண்டார். இவரது தற்கொலை வீடியோ சமூகவலைதளங்களில் வைரலானது.

உயிரை மாய்த்து கொள்வதற்காக தனது வீட்டிற்கு அருகில் உள்ள உயரமான குடியிருப்பு கட்டிடத்தில் ஏறிய ஹர்ஷிகா மாயவந்தி அங்கிருந்து குதித்து தற்கொலை செய்துகொண்டார்.

ஹர்ஷிகா இதற்கு முன்பும் தற்கொலைக்கு முயன்றுள்ளார் என்பது குறிப்பிடத்தக்கது. படிப்பில் சிறந்த மாணவியான ஹர்ஷிகா எதற்காக இந்த முடிவை எடுத்தார் என்பது குறித்து பெற்றோர் குழப்பத்தில் உள்ளனர்.

இந்நிலையில் தற்கொலை செய்துகொள்வதற்கு முன்னர், கடிதம் ஒன்றை எழுதி அதனை சகமாணவனிடம் கொடுத்து தனது பெற்றோரிடம் இதனை கொடுத்துவிடுமாறு தெரிவித்துள்ளார்.

அந்த கடிதத்தில், அம்மா எனக்கு நீண்ட நாட்கள் வாழபிடிக்கவில்லை. நான் உடல்நலம் சரியில்லாமல் இருக்கிறேன், அதனால் தற்கொலை செய்துகொள்ளப்போகிறேன் என எழுதியுள்ளார்.

மாணவியின் தற்கொலை குறித்து பொலிசார் விசாரணை நடத்தி வருகின்றனர்.

இந்தியாவின் மகாராஷ்டிரா மாநிலத்தில் குழந்தை கடத்தல் கும்பல் என கருதி 5 பேரை பொதுமக்கள் அடித்துக் கொன்றுள்ள சம்பவம் தேசிய அளவில் கவனத்தை ஈர்த்துள்ளது.

நாடு முழுவதும் குழந்தை கடத்தும் கும்பல் களமிறங்கியிருப்பதாக வெளியான சமூக வலைதள வதந்தியை நம்பி இந்த கொடூரம் அரங்கேறியுள்ளது.

மகாராஷ்டிரத்தில் துல மாவட்டம் ரயின்பாதா கிராமத்தில் 5 பேரை பொதுமக்கள் அடித்துக் கொன்றுள்ளனர். இவர்கள் ஐந்து பெறும் ஒரே குடும்பத்தை சேர்ந்தவர்கள். இந்த கொலையில் ஈடுபட்ட மக்கள் யார் என்று விசாரிக்கப்பட்டு வருகிறது.

இவர்கள் அங்கு சுற்றுலா சென்றவர்கள் என்பதும், குழந்தை கடத்தல் கும்பல் இல்லை என்பதும் முதல்கட்ட விசாரணையில் தெரிய வந்துள்ளது.

இந்த ஆண்டு துவக்கத்தில், உங்கள் குழந்தைகளை ஒரு கும்பல் கடத்துகிறது, பாதுகாப்பாக இருங்கள் என்று ஒரு வட்ஸ் அப் தகவல் தீயாக பரவியது.

மர்ம கும்பல் ஒன்று குழந்தைகளை கடத்தி விற்பதாக வெளியான இந்த வட்ஸ் அப் வதந்தி காரணமாக கடந்த 5 மாதங்களில் மட்டும் 23 பேர் இந்தியா முழுக்க கொலை செய்யப்பட்டுள்ளது குறிப்பிடத்தக்கது.

உத்திரகாண்ட் மாநிலத்தில் பேருந்து ஒன்று 200 அடி பள்ளத்தில் கவிழ்ந்து விபத்து ஏற்பட்டதில் 40 பேர் பரிதாபமாக பலியாகியுள்ள சம்பவம் பெரும் சோகத்தை ஏற்படுத்தியுள்ளது.

உத்திரகாண்ட் மாநிலம் பௌன் பகுதியிலிருந்து ராம்நகர் நோக்கி சென்று கொண்டிருந்த தனியார் பேருந்து ஒன்று, Gween என்ற கிராமம் அருகே சென்று கொண்டிருந்தபொழுது, எதிர்பாராதவிதமாக 200 அடி பள்ளத்தில் தவறி விழுந்துள்ளது.

இதனையடுத்து தகவலறிந்து சம்பவ இடத்திற்கு வந்த காவல்துறையினர், தீவிரமான மீட்பு பணியில் ஈடுபட்டு காயமடைந்தவர்களை Dhumakot மருத்துவமனைக்கு அனுப்பி வைத்தனர்.

இதுகுறித்து காவல்துறை அதிகாரி ஒருவர் கூறுகையில், விபத்தில் 40 பேர் பலியாகியுள்ளதாகவும், ஏராளமானோர் படுகாயங்களுடன் மருத்துவமனையில் அனுமதிக்கப்பட்டுள்ளதகவும் தெரிவித்துள்ளார். மேலும் விபத்திற்கான காரணம் குறித்தும் தீவிரமான விசாரணை மேற்கொண்டு வருவதாகவும் தெரிவித்துள்ளார்.

இதற்கிடையில் அம்மாநில முதல்வர் விபத்தில் சிக்கி உயிரிழந்தவர்களின் குடும்பத்தாருக்கு தன்னுடைய ஆழ்ந்த இரங்கலை தெரிவித்தார். மேலும் இறந்தவர்களின் உறவினர்களிடம் இழப்பீடு தொகையாக ரூ.2 லட்சம் வழங்கப்படும் எனவும் அறிவித்துள்ளார்.