தமிழகத்தில் தனது இரண்டாவது மனைவியின் மீது ஏற்பட்ட சந்தேகத்தால், கழுத்தை அறுத்து கொலை செய்துவிட்டு, குழந்தைகளுடன் பொலிசில் சரணடைந்த கணவரால் பரபரப்பு ஏற்பட்டுள்ளது.

தேனி மாவட்டம், ஆண்டிப்பட்டி அருகே உள்ள கொண்டமநாயக்கன்பட்டியை சேர்ந்தவர் சிவமுருகன். அரசு போக்குவரத்துக்கழகத்தில் ஓட்டுநராக வேலை பார்த்து வரும் இவரது முதல் மனைவி உடல்நலக் குறைவால் இறந்துவிட்டார்.

அதன் பின்னர், 3 ஆண்டுகள் கழித்து கல்யாணப்பிரியா என்ற பெண்ணை, சிவமுருகன் இரண்டாவதாக திருமணம் செய்து கொண்டார். இத்தம்பதியருக்கு ஒரு வயதிலும், இரண்டு வயதிலும் இரண்டு பெண் குழந்தைகள் உள்ளனர்.

இந்நிலையில், சிவமுருகனுக்கு தனது மனைவியின் நடத்தை மீது சந்தேகம் ஏற்பட்டுள்ளது. இதன் காரணமாக இருவருக்கும் அடிக்கடி தகராறு ஏற்பட்டு வந்துள்ளது. இதே போல், இன்று காலையும் இவர்களுக்கும் தகராறு ஏற்பட்டு வாக்குவாதம் முற்றியது.

இதனால் ஆத்திரமடைந்த சிவமுருகன், தனது மனைவியின் கழுத்தை அறுத்து கொலை செய்துள்ளார். அதன் பின்னர், தனது இரண்டுகுழந்தைகளையும் அழைத்துக் கொண்டு ஆண்டிப்பட்டி காவல்நிலையத்தில் சரணடைந்தார்.

சிவமுருகனிடம் வாக்குமூலம் பெற்ற பொலிசார், அவரது வீட்டிற்கு சென்று கல்யாணப்பிரியாவின் உடலை மீட்டு பிரேத பரிசோதனைக்கு அனுப்பி வைத்தனர்.

அதனைத் தொடர்ந்து, இரண்டு குழந்தைகளையும் சிவமுருகனின் பெற்றோரிடம் பொலிசார் ஒப்படைத்தனர். மேலும், இதுதொடர்பாக வழக்குப்பதிவு செய்து, விசாரணை மேற்கொண்டுள்ளனர்.

தமிழகத்தைச் சேர்ந்த இரண்டு இளைஞர்கள் ஐபோன் திருடியவனை பேஸ்புக் மூலம் வைத்து கண்டுபிடித்த சம்பவம் ஆச்சரியத்தை ஏற்படுத்தியுள்ளது.

தமிழகத்தின் சென்னையைச் சேர்ந்தவர் சிமியோன். இவர் சமீபத்தில் தன்னுடைய சிம்கார்டை தொலைத்துவிட்டதால், உடனடியாக சென்னையின் புரசைவாக்கத்தில் இருக்கும் ஏர்டெல் ஷோ ரூமுக்கு சென்று புதிய சிம் வாங்கியுள்ளார்.

சிம் வாங்கிய பின் கடையை விட்டு வெளியே வந்த போது சிமியோனின் விலைமதிப்புமிக்க ஐபோன் காணமல் போயுள்ளது. இதனால் கடை முழுவதும் தேடியும் கிடைக்காததால், சிமியோன் சற்று யோசித்துள்ளார்.

அப்போது அவர் உள்ளே நுழையும் போது தட்டிவிட்டு போன நபர் மீது சந்தேகம் வந்துள்ளது. அந்த சந்தேகத்தை அடிப்படையாக வைத்து சிசிடிவி காட்சிகளை போட்டுக்காட்ட சொல்லி இருக்கிறார் சிமியோன். அவர்களும் போட்டுக் காட்டி இருக்கிறார்கள்.

அதில் அந்த நபர் தான் போனை எடுத்துச் சென்றுவிட்டார் என்பது உறுதியாகியுள்ளது. ஆள் தெரிந்த போது, தப்பித்துவிட்டாரே என்று எண்ணி போது, அவர் உடனடியாக அந்த ஷோ ரூமில் போனை திருடியவரிடன் நம்பர் இருக்கிறதா என்று கேட்டுள்ளார்.

அதன் பின் அவர்கள் கொடுத்த நம்பரை ட்ரூ காலரில் போட்டு தேடி இருக்கிறார். அந்த சிம் பீகாரில் உள்ளது என தெரிய வந்துள்ளது. அதே நம்பரை வைத்து பேஸ்புக்கில் துழாவிய போது போனை எடுத்தவரின் பேஸ்புக் அக்கவுண்ட கிடைத்துள்ளது.

சிசிடிவி புட்டேஜில் உள்ள முகமும் பேஸ்புக் முகமும் பொருந்தியுள்ளது. உடனடியாக அவரது நண்பர்களை தொடர்பு கொண்டு நம்பரை கேட்டிருக்கிறார்கள்.

அவர்கள் யாரும் கொடுக்கவில்லை என்பதால், வடநாட்டு மொழியில் அவரின் நண்பர்களிடம் எங்க நண்பர் ஒருவருக்கு அவர் ஆலோசகராக இருந்தார். ஆனால் அவர் தற்போது எங்க இருக்கிறார் என்று கேட்ட பின்பு நம்பர் கொடுத்துள்ளனர்.

அதன் பின் அவரைப் பற்றி விசாரித்த போது மாதவரம் பகுதியில் இருப்பது தெரியவந்ததால், அங்கு போய் காத்துள்ளனர். ஆனால் திருடன் சிக்காததால், மறுநாள் மீண்டும் அங்கு சென்று நின்றுள்ளனர்.

திட்டமிட்ட படி திருடன் வர, அவனை பிடித்து விசாரித்த பின்னர் கடைசியாக போன் கைக்கு கிடைத்துள்ளது. இவை அனைத்தையும் சிமியோன் தனி ஒருவனாக செய்யவில்லை, இவருடைய நண்பர் ஜாபரும் உடன் இருந்து உதவியுள்ளார்.

சென்னையைச் சேர்ந்த இவர்கள் இருவரைப் பற்றி தான் தற்போது சமூகவலைத்தளங்களில் வைரலாக பேசப்பட்டு வருகிறது.

தொலைக்காட்சி நடிகை நிலானி, பொலிஸ் சீருடையில் தூத்துக்குடி துப்பாக்கி சூடு சம்பவம் குறித்து கருத்து தெரிவித்து வெளியிட்ட வீடியோ பதிவு, சமூக வலைத்தளங்களில் வேகமாக பரவி பெரும் பரபரப்பை ஏற்படுத்தியது.

இது குறித்து வடபழனி பொலிசார் வழக்குப்பதிவு செய்து, தலைமறைவாக இருந்த நிலானியை தேடி வந்தனர். இந்தநிலையில் நேற்று முன்தினம் குன்னூரில் இருந்த நிலானியை கைது செய்தனர்.

குன்னூர் நீதிமன்றத்தில் ஆஜர்படுத்திய பிறகு அவரை நேற்று சென்னை வடபழனி பொலிஸ் நிலையத்துக்கு அழைத்து சென்றனர். பின்னர் நிலானியை சைதாப்பேட்டை நீதிமன்றத்தில் நீதிபதி முன்பு ஆஜர்படுத்தினர்.

நிலானியை ஜூலை மாதம் 5ம் திகதிவரை நீதிமன்ற காவலில் அடைக்கும்படி நீதிபதி உத்தரவிட்டார். இதையடுத்து நடிகை நிலானியை பொலிசார் புழல் சிறையில் அடைத்தன

கடந்த 15ம் திகதி திரிபுராவின் அகர்தலாவின் தலாய் அருகே அம்பாசாவில் நிலச்சரிவால் ரயில்வே தண்டவாளம் பழுதடைந்திருந்தது.

இதனை அறியாமல், சுமார் 2000 ஆயிரம் பேருடன் ரயில் ஒன்று தண்டவாளத்தில் வந்தது. இதனை அறிந்த பழங்குடியின 9 வயது சிறுமி சோமதி மற்றும் தந்தை டெப்பார்மா தங்களது சட்டையை காட்டி ரயிலை நிறுத்தி விபத்தை தடுத்தனர்.

சம்பவத்தையறிந்த அமைச்சர் சுதீப்ராய் பர்மா தனது வீட்டிற்கு 2 பேரையும் அழைத்து பாராட்டி உணவளித்தார். மேலும், 2000 ஆயிரம் பேரின் உயிரை காப்பாற்றிய சிறுமிக்கு பாராட்டுகள் குவிந்துள்ளன.

தமிழகத்தில் ஏழு மாத கர்ப்பிணி மனைவியை கொடூரமாக கொன்றுவிட்டு நாடகமாடிய கணவரை பொலிசார் கைது செய்துள்ளனர்.

விழுப்புரம் மாவட்டத்தின் பூவனூர் கிராமத்தை சேர்ந்தவர் சீனிவாசன்(வயது 25), ஓட்டுநராக பணியாற்றி வந்துள்ளார்.

இவருக்கும் அதே பகுதியை சேர்ந்த ஜெயந்திக்கும் காதல் மலர்ந்துள்ளது, இவர்கள் நெருங்கி பழகவே, கர்ப்பமாகியுள்ளார் ஜெயந்தி. இது தெரிந்ததும் மருந்துகள் வாங்கி கொடுத்து சீனிவாசன் கர்ப்பத்தை கலைத்துள்ளார்.

இதேபோன்று கடந்த ஆறு மாதத்துக்கு முன்பு மீண்டும் கர்ப்பமாகியுள்ளார், இந்த முறை கர்ப்பத்தை கலைக்காமல் பெற்றோரிடம் சென்று கூறினாராம் ஜெயந்தி.

தகவல் அறிந்ததும் இருவருக்கும் திருமணம் செய்து வைத்துள்ளனர், இதனால் சீனிவாசன் கடும் கோபத்தில் இருக்க, ஜெயந்தி அவரது தாய் வீட்டில் இருந்துள்ளார்.

இந்நிலையில் கடந்த 15ம் திகதி ஜெயந்தியை கோவிலுக்கு அழைத்து சென்றுள்ளார் சீனிவாசன். சில மணிநேரங்கள் கழித்து ஜெயந்தியின் வீட்டுக்கு போன் செய்து, ஜெயந்து வந்துவிட்டாரா என கேட்டுள்ளார்.

அவரை காணாமல் பெற்றோர்கள் பதற, எதுவும் தெரியாதது போல் இவரும் தேடியுள்ளார், அத்துடன் அருகிலுள்ள பொலிஸ் நிலையங்களிலும் புகார் அளித்துள்ளார்.

இந்நிலையில் பொலிசார் சீனிவாசனிடம் கிடுக்குப்பிடி விசாரணை நடத்த உண்மைகள் வெளிவந்துள்ளது.

அவர் அளித்த வாக்குமூலத்தில், ஜெயந்தியுடன் உல்லாசம் அனுபவித்துவிட்டு கழட்டி விட எண்ணினேன். ஆனால் பெற்றோரிடம் கூறியதால் திருமணம் நடந்துவிட்டது, எப்படியாவது அவளை கொன்றுவிட எண்ணி, ரிஷிவந்தியம் கோவிலுக்கு அழைத்துச் சென்றேன்.

அங்கிருந்து காட்டுபகுதிக்கு கூட்டிசென்று கட்டையால் அடித்துக் கொன்றேன்.

என்னை விட்டுவிடுங்க என கெஞ்சிய போதும், அவள் கட்டியிருந்த சேலையிலேயே கழுத்தை நெறித்து கொன்றுவிட்டேன்.

என்மேல் சந்தேகம் வரக்கூடாது என்பதற்காக தேடுவது போல் நாடகமாடினேன் என தெரிவித்துள்ளார்.

சென்னையில் தினமும் பாலியல் தொல்லை கொடுத்து வந்த நபரை உறவினர்களுடன் சேர்ந்து கள்ளக்காதலி ஒருவர் அடித்துக் கொன்ற சம்பவம் வெளிச்சத்துக்கு வந்துள்ளது.

வண்ணாரப்பேட்டை மாடர்ன் தெருவில் வசிப்பவர் அருண், இவரது கள்ளக்காதலி ஜோதி. தினமும் குடித்துவிட்டு வரும் அருண், ஜோதிக்கு பாலியல் தொல்லை கொடுத்துள்ளார்.

இதனால் ஆத்திரமடைந்த ஜோதி, அருணை கொல்ல திட்டம் தீட்டினார். இதன்படி சம்பவத்தினத்தன்றும் குடிபோதையில் இருந்த அருணை, ஜோதி மற்றும் அவரது உறவினர்கள் இணைந்து அடித்துக் கொன்றுள்ளனர்.

இதுதொடர்பான வழக்கில் பொலிசார் விசாரணை நடத்தியதில் உண்மைகள் வெளிவந்துள்ளது. இதனை தொடர்ந்து ஐந்து பேரை கைது செய்த பொலிசார் தீவிர விசாரணை நடத்தி வருகின்றனர்.

உத்திரபிரதேசத்தில் நபர் ஒருவர் பசுவதை செய்ததாக கூறி அவரை கிராமத்து மக்கள் கொடூரமாக அடித்துள்ள சம்பவம் பரிதாபத்தை ஏற்படுத்தியுள்ளது.

Pilakhuwa மாவட்டத்தில் உள்ள ஒரு கிராமத்தில் 45 வயதுடைய நபர் ஒருவர் பசுவதை செய்ததாக கூறி, அவரை அந்த கிராமத்து மக்கள் சுற்றிவளைத்தனர்.

தான் அவ்வாறு செய்யவில்லை என்ற அந்நபர் கூறியபோதும், அதனை ஏற்க மறுத்த சிலர் கொடூரமாக அடித்து உதைத்துள்ளனர்.

இதில் வலி தாங்க முடியாத அவர், என்னை விட்டுவிடுங்கள் என்றும் தயவுசெய்து எனக்கு குடிப்பதற்கு தண்ணீர் கொடுங்கள்….எனது உயிர் போகிறது என கெஞ்சியுள்ளார்.

ஆனால், இதனை யாரும் காதில்வாங்கிகொள்ளாமல் ரத்தம் கொட்டிய நிலையிலும், அவனை அடித்து உதைத்ததில் அந்நபர் சுயநினைவு இழந்துள்ளார்.

இதனைத்தொடர்ந்து சம்பவ இடத்திற்கு வந்த பொலிசார் அந்த நபரை மீட்டு மருத்துவமனையில் அனுமதித்துள்ளனர். ஆனால், அவர் உயிருக்கு ஆபத்தான நிலையில் இருப்பதாக மருத்துவர்கள் தெரிவித்துள்ளனர்.

இப்படி ஒரு மனிதாபிமானமற்ற செயலில் ஈடுபட்ட நபர்களில் 2 பேர் கைது செய்யப்பட்டுள்ளனர் என்றும் எஞ்சிய நபர்களை தேடி வருவதாக பொலிசார் தெரிவித்துள்ளனர்.

உத்திரப் பிரதேச மாநிலத்தில் பசுப் பாதுகாவலர்கள் என கூறிக்கொண்டு அப்பாவிகள் மீது நிகழ்த்தப்படும் வன்முறைகள் தொடர்கதையாகியுள்ளது.

கடந்த ஆண்டு முகமது அக்லக் என்பவர் வீட்டில் மாட்டுக்கறி வைத்திருந்ததாக கொல்லப்பட்டார் என்பது குறிப்பிடத்தக்கது.