கேரளாவுக்கு சுற்றுலா வந்த வெளிநாட்டு பெண்ணின் கொலை வழக்கில் 2 சுற்றுலா வழிகாட்டிகள் கைது செய்யப்பட்டுள்ளனர்.

லத்வியா நாட்டைச் சேர்ந்த இளம்பெண் மன அழுத்த நோய்க்கு சிகிச்சை பெற்றுக்கொள்ள கடந்த பிப்ரவரி மாதம், திருவனந்தபுரத்தில் உள்ள போத்தன்கோட்டில் ஆயுர்வேத சிகிச்சை மையத்துக்கு சென்றுள்ளார். சிகிச்சை பெற்று முடித்த பின்னர், கேரளாவில் இருந்த அவர், மார்ச் 14 ஆம் திகதி கோவளம் கடற்கரைக்கு சென்றவர் திரும்பி வரவில்லை.

இதுகுறித்து அவரின் சகோதரி இலீஸ், பொலிசில் புகார் கொடுத்தார். மேலும், இளம்பெண்ணின் கணவர் ஆண்ட்ரூஸ், கேரள டி.ஜி.பி-யைச் சந்தித்து புகார் அளித்தார்.

இளம்பெண்ணின் கணவரும் சகோதரியும் திருவனந்தபுரத்தில் செய்தியாளர்களைச் சந்தித்து மரணத்தில் மர்மம் இருப்பதாகத் தெரிவித்தனர்

இதுகுறித்து கடந்த ஒரு மாதகாலமாக பொலிசார் தீவிர விசாரணையில் ஈடுபட்டனர். இந்நிலையில் கடந்த இரண்டு வாரங்களுக்கு முன்பு கோவளம் வாழமுட்டம் பகுதியில் மாங்குரோவ் காட்டுக்குள் வெளிநாட்டு இளம்பெண்ணின் உடல் கண்டுபிடிக்கப்பட்டது.

அழுகிய நிலையில் கிடந்த அந்த உடல், , லாட்வியா நாட்டை சேர்ந்த பெண்ணின் உடல் தான் என உறுதிப்படுத்தப்பட்டது. இந்த நிலையில் கோவளத்தில் சுற்றுலா வழிகாட்டிகளாக வலம் வந்த உமேஷ், உதயன் ஆகிய 2 பேரை பொலிசார் இன்று கைது செய்தனர்.

பாலியல் வன்கொடுமை செய்யப்பட்டுள்ள புகைப்படம் மற்றும் வீடியோக்களை ஊடகங்கள் வெளியிட வேண்டாம் என கேரள டி.ஜி.பி லோக்நாத் பெகரா கூறியள்ளார்.

தங்களை சுற்றுலா வழிகாட்டிகள் எனக்கூறி இவர்கள் இருவரும் அப்பெண்ணை பலாத்காரம் செய்து காட்டுக்குள் வீசியுள்ளனர். இறந்த இளம்பெண்ணின் உடலில் கிடந்த ஓவர்கோட் உதயனுடையது. உடல் கண்டெடுக்கப்பட்ட பகுதியில் சிதறிக்கிடந்த முடிகளும் இவர்கள் இருவருடையதுதான்.

ரசாயனம் மற்றும் தடயவியல் அறிக்கை வந்த பிறகுதான், கொலை என உறுதி செய்த பிறகே இருவரும் கைது செய்யப்பட்டுள்ளனர்.

இந்தியாவில் ஆண் குழந்தையை பெற்றெடுக்காத மனைவியை ஆத்திரத்தில் கொலை செய்த கணவரின் செயல் அதிர்ச்சியை ஏற்படுத்தியுள்ளது.

பஞ்சாப் மாநிலம் லூதியானாவை சேர்ந்தவர் வீரேந்திரா. இவர் மனைவி நிதி அரோரா. தம்பதிக்கு இரண்டு பெண் குழந்தைகள் உள்ளனர். இந்நிலையில் அரோரா கடந்த செவ்வாய்கிழமை வீட்டில் சடலமாக கிடந்துள்ளார்.

பொலிசார் இது குறித்து வீரேந்திராவிடம் விசாரணை நடத்திய நிலையில் தான் அலுவலகத்திலிருந்து வீட்டுக்கு வரும் போது அரோரா சடலமாக கிடந்ததாக கூறினார். மேலும் கொள்ளையர்கள் தனது மனைவியை கொன்றிருக்கலாம் எனவும் கூறினார்.

இது குறித்து பொலிசார் விசாரணை நடத்திய போது ஆண் குழந்தை இல்லாததால் வீரேந்திரா அடிக்கடி அரோராவுடன் சண்டை போடுவார் என தெரியவந்தது.
மேலும் மூன்றாவது குழந்தையை பெற்று கொள்ள அரோரா விருப்பமில்லாமல் இருந்துள்ளதும் தெரியவந்தது.

இதனால் பொலிசாரின் சந்தேகம் வீரேந்திரா மீது விழுந்ததில் அவரிடம் தீவிர விசாரணை நடத்தினர்.
அதில் மனைவியை கொலை செய்ததை அவர் ஒப்பு கொண்டார்.

அவர் அளித்த வாக்குமூலத்தில், மூன்றாவது குழந்தை குறித்து செவ்வாய்கிழமை எங்களுக்குள் மீண்டும் சண்டை வந்தது. அப்போது ஆத்திரத்தில் தலையணையால் அவர் முகத்தில் அழுத்தி மூச்சு திணறடித்து கொலை செய்தேன் என கூறியுள்ளார்.

இதையடுத்து வீரேந்திராவை பொலிசார் கைது செய்த நிலையில் அவரின் இரண்டு குழந்தைகளும் பாட்டியிடம் ஒப்படைக்கப்பட்டன.

இந்தியாவில் சொத்து தகராறில் தாயை அம்மிக்கல்லால் அடித்து கொலை செய்த மகனின் செயல் அதிர்ச்சியை ஏற்படுத்தியுள்ளது. தெலுங்கானா மாநிலத்தின் ஹைதராபாத்தை சேர்ந்தவர் பாக்கியம்மா (50). இவருக்கு மூன்று மகன்கள் உள்ளனர்.

மூன்று மாதங்களுக்கு முன்னர் பாக்கியம்மாவின் கணவர் இறந்துவிட்டார். இந்நிலையில் பாக்கியம்மாவின் மூன்றாவது மகனான விஜய் (35) வேலை எதுவும் செய்யாமல் சும்மா இருந்துள்ளார். மேலும், பாக்கியம்மாவிடம் அடிக்கடி பணம் கேட்டதோடு சொத்தை பிரித்து தருமாறு தகராறு செய்து வந்துள்ளார்.

இந்நிலையில் நேற்று காலை வீட்டில் யாரும் இல்லாத நிலையில் அம்மாவிடம் விஜய் மீண்டும் சண்டை போட்டுள்ளார். அப்போது கோபமடைந்த விஜய் அருகிலிருந்த அம்மிக்கல்லை எடுத்து விஜயம்மாவின் தலையில் அடித்து கொலை செய்துவிட்டு தப்பியோடியுள்ளார்.

சம்பவம் குறித்து வழக்குப்பதிவு செய்த பொலிசார் விஜயம்மாவின் சடலத்தை கைப்பற்றிய நிலையில் விஜய்யை தேடி வருகிறார்கள்.

உத்தரபிரதேச மாநிலத்தில் பாலியல் பலாத்காரம் செய்ய முயன்ற நபரின் ஆணுறுப்பை பெண் ஒருவர் வெட்டிய சம்பவம் பரபரப்பை ஏற்படுத்தியுள்ளது.

உத்தரபிரதேச மாநிலத்தில் வரிசையாக குழந்தைகள் பலாத்காரம் நடந்து வந்த நிலையில் பெண்ணொருவர் தன்னை பாலியல் பலாத்காரம் செய்ய முயற்சித்தவரின் ஆணுறுப்பை வெட்டி இருக்கிறார். தானே நேரிடையாக பொலிசில் இந்த சம்பவம் பற்றி புகார் கூறி இருக்கிறார்.

சம்பந்தப்பட்ட பெண் தனியாக நள்ளிரவில் உறங்கிக் கொண்டு இருக்கும்போது அவரது உறவினர் ஒருவர் அவரது வீட்டிற்குள் நுழைந்து அவரை பலாத்காரம் செய்ய முயன்றார். தன்னை பாதுகாத்து கொள்வதற்காக சமையலறையில் உள்ள கத்தியை பயன்படுத்தி தன்னை வன்கொடுமை செய்ய வந்த நபரை கடுமையாக தாக்கி இருக்கிறார்.

இதனால் தடுமாறிய அந்த நபர் தப்பித்து ஓட முயற்சிக்கையில் அவரை இழுத்து மின் கம்பத்தில் கட்டிய அந்தப் பெண் பின் சரமாரியாக கத்தி கொண்டு அந்த நபரின் ஆணுறுப்பை வெட்டியிருக்கிறார்.

வலி தாங்காமல் கதறிய அந்த நபரை அப்படியே விட்டு விட்டு காவல் நிலைய கட்டுப்பாட்டு அறைக்கு தொலைபேசியில் தகவல் தந்திருக்கிறார்.

உடனடியாக சம்பவ இடத்திற்கு விரைந்த பொலிசார் அந்த நபரை மருத்துவமனையில் சேர்த்துள்ளனர். இது தொடர்பாக அந்த பெண்ணின் புகாரின் பேரில் குறித்த நபர் மீது நடவடிக்கை எடுக்க போவதாக விகாஸ் திவாகர் எனும் காவல்துறை அதிகாரி குறிப்பிட்டுள்ளார்.

சமூகவலைதளமான பேஸ்புக்கை, வீடியோக்கள் மற்றும் புகைப்படங்கள் பகிரவும், தகவல்களை அறிந்துகொள்ளவும் தான் பயன்படுத்துகிறார்கள். ஆனால் கேரளாவை சேர்ந்த ஜோதி என்ற பெண் பேஸ்புக் தளத்தை, திருமண தளமாக பயன்படுத்தியுள்ளது வைரலாகியுள்ளது.

மலப்புரத்தில் வசித்து வரும் ஜோதி என்பவர் தனது பேஸ்புக் பக்கத்தில் பதிவிட்டுள்ளதாவது, எனது பெயர் ஜோதி. வயது 28. எனக்கு பெற்றோர் கிடையாது. Fashion Designing படித்து முடித்துள்ள எனக்கு நல்ல வாழ்க்கை துணை வேண்டும். நண்பர்களே…உங்களுக்கு தெரிந்தவர்கள் யாரேனும் இருந்தால் என்னை தொடர்பு கொண்டு தெரியப்படுத்துங்கள்.

ஜோதிடம், சாதி இவைகளை நான் பார்ப்பதில்லை என பதிவிட்டுள்ளார். இதனுடன் தனது அண்ணன் மற்றும் சகோதரி ஆகியோரின் படிப்பு அவர்கள் படிக்கும் வேலையையும் குறிப்பிட்டுள்ளார்.

ஏப்ரல் 26 ஆம் திகதி இவர் பதிவிட்டுள்ளார். இந்த பதிவானது 6,000 shares பெற்றுள்ளது. மேலும் பேஸ்புக் நிறுவனர் மார்க் ஷீபெர்க்குக்கும் சேர்த்து ஒரு பதிவினை பதிவிட்டுள்ளார். அதில் என்னை போன்ற தங்களது வாழ்க்கை துணையை தேடிக்கொள்வதற்கு உதவியாக FBMatrimony என்ற வசதியை நீங்கள் ஏற்படுத்திக்கொடுக்க வேண்டும்.

இது சரியான வாழ்க்கை துணையை கண்டுபிடிக்க உதவும் என கோரியுள்ளார். பேஸ்புக்கில் புகைப்படத்தை பதிவிடவே பெண்கள் பயந்துகொண்டிருக்கையில், துணிச்சலாக தனது புகைப்படம் மற்றும் விவரங்களை பதிவிட்டு அனைவரையும் ஆச்சரியத்தில் ஆழ்த்தியுள்ளார்.

இந்தியாவின் வட மாநிலங்களில் நேற்று ஏற்பட்ட மணல் புயலில் சிக்குண்டு, இதுவரையில் 100 பேர் உயிரிழந்துள்ளதாக தகவல்கள் தெரிவிக்கின்றன. உத்தரப்பிரதேசம், ராஜஸ்தான் மற்றும் ஜார்க்காண்ட் ஆகிய மாநிலங்களையே குறித்த புயல் அதிகளவில் தாக்கியுள்ள நிலையில், அம்மாநிலத்தை சேர்ந்த மக்களே புயலில் சிக்கி உயிரிழந்துள்ளனர்.

இதில் ராஜஸ்தானில் மட்டும் 47பேரும், உத்தரப் பிரதேசத்தில் 46பேரும், ஜார்காண்ட் மாநிலத்தில் 2பேருமென, மொத்தம் 100பேர் உயிரிழந்துள்ளதாக இதுவரையிலான தகவல்கள் தெரிவிக்கின்றன.

இவர்கள் மூச்சுதிணறல் மற்றும் மின்னல் தாக்குதல் உட்பட, மரங்கள் முறிந்து வீழந்தமை உள்ளிட்ட காரணங்களினாலேயே உயிரிழந்துள்ளதாக தெரிவிக்கப்படுகிறது.

இந்நிலையில் பாதிக்கப்பட்ட மாவட்டங்களில் விரைவில் மீட்புப் பணிகள் முன்னெடுக்கப்பட வேண்டும் என உத்தரப்பிரதேச மாநில முதல்வர் யோகி ஆதித்யநாத் உத்தரவிட்டுள்ளமை குறிப்பிடத்தக்கது.