சமூக ஒழுக்கம் மற்றும் கட்டுப்பாட்டுக்கு பெயர் போன யாழ்ப்பாணம் தற்போது சினிமா மோகத்தில் மூழ்க்கி கொண்டிருக்கிறது. தமிழகத்தில் காணப்படும் சினிமா கலாச்சாரம் தற்போது, தாயகத்தையும் முழுமையாக ஆக்கிரமிக்கத் தொடங்கியுள்ளது.

இந்நிலையில் நேற்று முன்தினம் தென்னிந்திய நடிகர் அஜித்குமார் தனது பிறந்த நாளை கொண்டாடினார். இதனை முன்னிட்டு யாழ்ப்பாணத்திலுள்ள அவரது ரசிகர்களும் அவருக்கான பிறந்த நாள் கொண்டாட்டத்தில் ஈடுபட்டனர்.

யாழ்ப்பாணம் தெல்லிப்பளை ஆதார வைத்தியசாலைக்கு அருகாமையில் அஜித்துக்கு பனர் வைத்து பிறந்த நாள் கொண்டாடியுள்ளனர்.

நடிகர் விஜயக்கும் இவ்வாறு பெரிய பனர்கள் வைத்து பால் ஊற்றி பிறந்தநாள் கொண்டாடும் பைத்தியகார இளைஞர்களும் தாயக்தில் உருவாகியுள்ளனர்.

இதேவேளை அண்மைக்காலமாக தென்னிந்திய சினிமா நட்சத்திரங்கள் யாழ்ப்பாணத்தை இலக்கு வைத்து படையெடுக்க ஆரம்பித்துள்ளனர்.

கடந்த மாதத்தில் பிக்பாஸ் பிரபலங்கள் உட்பட பலர் யாழ்ப்பாணத்திற்கு விஜயம் மேற்கொண்டிருந்தனர். அதிலும் சிலர் தலைவர் பிரபாகரனின் இருப்பிடத்தை பார்ப்பதிலும் ஆர்வம் காட்டியுள்ளனர்.

தாயக இளைஞர்கள் மத்தியில் சமுதாய சீர்கேடுகளை ஏற்படுத்தி, கலாச்சாரத்தை அழிக்கும் வகையில் சில தரப்பினால் திட்டமிட்ட வகையில் இவ்வாறான நடவடிக்கைகள் முன்னெடுக்கப்பட்டு வருகிறதா என கேள்வி எழுப்பியுள்ளது.

வழமைக்கு மாறாக இவ்வாறான விஜயங்கள் சந்தேகங்களை ஏற்படுத்துவதாகவும், தாயக இளைஞர்களின் சினிமாத்தனமான செயற்பாடுகள் நாளைய சந்ததியின் எதிர்காலம் குறித்து அச்ச உணர்வை ஏற்பட்டுள்ளதாக சமூக ஆர்வலர்கள் சுட்டிக்காட்டியுள்ளனர்.

இலங்கைக்கு சுற்றுலா விஜயம் மேற்கொண்ட வெளிநாட்டு பெண்ணொருவர் பாலியல் துஷ்பிரயோகத்திற்கு உட்படுத்தப்பட்டுள்ளார்.

இஸ்ரேல் நாட்டிலிருந்து இலங்கை வந்த இளம் ஆசிரியையே இவ்வாறு துஷ்பிரயோகத்திற்கு முகங்கொடுத்துள்ளார். இந்த சம்பவத்துடன் தொடர்புடைய இலங்கை போக்குவரத்து சபைக்கு சொந்தமான பேருந்து நடத்துனர் கைது செய்யப்பட்டுள்ளார்.

கொழும்பில் இருந்து நீர்கொழும்பு சென்ற அரசாங்க பேருந்தில் இந்த அனர்த்தம் ஏற்பட்டுள்ளது. கொழும்பு பேருந்து நிலையத்தில் இருந்து நீர்கொழும்புக்கு செல்வதற்காக பேருந்தில் ஆசிரியை மற்றும் அவரது கணவர் சென்றுள்ளனர்.

ஆசிரியை மற்றும் அவரது கணவர் பேருந்து நிலையத்தில் இறங்கும் சந்தர்ப்பத்தில் குறித்த நடத்துனர் பலவந்தமாக அவரை பாலியல் பலாத்காரம் செய்துள்ளார்.

இந்த சம்பவம் தொடர்பில் நீர்கொழும்பில் வசிக்கும் பேருந்து நடத்துனர் கைது செய்யப்பட்டுள்ள நிலையில் நீதிமன்றத்தில் ஆஜர்படுத்தப்பட்டுள்ளார்.

பரிசுப் பொருட்களைப் பெற்றுக் கொள்வதற்காக சமூக வலைத்தள மோசடியாளர்களுக்கு 5 பேர், 1.8 மில்லியன் ரூபா பணத்தை செலுத்தியுள்ளதாக கணினி அவசர பதிலளிப்பு பிரிவு தெரிவித்துள்ளது.

பரிசுப் பொருட்களை சுங்கத்திலிருந்து விடுவிப்பதற்காக குறித்த மோசடியாளர்களின் வங்கிக் கணக்கில் அவர்கள் பணத்தை வைப்பிட்டுள்ளதாக, தமக்கு முறைப்பாடு கிடைக்கப்பெற்றுள்ளதென அதன் தகவல் பாதுகாப்பு அதிகாரி ரொஷான் சந்தரகுப்த தெரிவித்துள்ளார்.

முகநூல், வட்சப், வைபர் முதலான சமூக வலைத்தளங்கள் ஊடாக நண்பராக அறிமுகமாகும் மோசடியாளர்களால் இந்த நடவடிக்கை மேற்கொள்ளப்படுவதாக அவர் குறிப்பிட்டுள்ளார்.

எனவே, இவ்வாறான மோசடியாளர்களிடமிருந்து சமூக வலைத்தள பாவனையாளர்கள் பாதுகாப்பாக இருக்க வேண்டும் என்றும் அவர் அறிவுறுத்தியுள்ளார்.

பல சர்ச்சைக்குரிய வழக்குகளுக்கு அதிரடியான தீர்ப்புக்களை வழங்கி மக்கள் மத்தியில் மிகவும் நம்பிக்கைக்குரிய நீதிபதியாக யாழ். மேல் நீதிமன்ற நீதிபதி மா.இளஞ்செழியன் உள்ளார். இந்நிலையில் அவரை யாழ்ப்பாணத்தில் இருந்து மாற்றப்படவுள்ளதாக தகவல்கள் வெளியாக உள்ளன.

நீதிபதியின் மாற்றம் தொடர்பான தகவல்கள் யாழ் குடா நாட்டு மக்கள் மத்தியில் பெரும் அதிர்ச்சியை ஏற்படுத்தியுள்ளது. இவ்வாறான சூழ்நிலையில் நீதிபதியின் இடமாற்றம் குறித்து கொழும்பு ஊடகம் ஒன்று நீதிபதி இளஞ்செழியனிடம் கேள்வி எழுப்பியுள்ளது. அதற்கு பதிலளித்த நீதிபதி இளஞ்செழியன்,

இடமாற்றம் தொடர்பான தகவல்கள் இணையத்தில் பரவி வருகின்றன. எனினும் இதுவரையில் அவ்வாறான தகவல் எதுவும் எழுத்து மூலம் அறிவிக்கப்படவில்லை.

நான் அரசாங்க ஊழியர் என்பதனால் எந்த இடத்திற்கு இடமாற்றம் செய்யப்பட்டாலும், எங்கும் செல்லத் தயார். யாழ்ப்பாணத்தில் சேவை செய்த காலப்பகுதி என் வாழ் நாளில் மறக்கவே முடியாத காலம் என குறிப்பிட்டுள்ளார்.

இதேவேளை நீதிபதி இளஞ்செழியன் இன்னும் சில காலம் யாழ். மேல் நீதிமன்ற நீதிபதியாக இருக்க வேண்டும் என மக்கள் விரும்புகின்றனர். அவரை மாற்ற நடவடிக்கை எடுக்கப்பட்டால், அதனை இரத்து செய்ய மேற்கொள்ள வேண்டிய அனைத்து நடவடிக்கைகளையும் தாம் மேற்கொள்வதாக யாழ்ப்பாண பொது மக்கள் அமைப்பு தெரிவித்துள்ளது.

திருகோணமலை மேல் நீதிமன்றத்தில் நீதிபதியாக செயற்பட்ட போது, 2015ஆம் ஆண்டு யாழ்ப்பாண மேல் நீதிமன்றத்தில் நீதிபதி இளஞ்செழியன் மாற்றப்பட்டார்.

நீதிபதி இளஞ்செழியனின் அதிரடி தீர்ப்புகள் தமிழ் மக்களை மட்டுமன்றி ஒட்டுமொத்த இலங்கை மக்களையும் மிகவும் கவர்ந்த ஒன்றாகும்.

அண்மைக்காலமாக தென்னிலங்கை மக்கள் நீதிபதி இளஞ்செழியன் தமது பகுதிகளில் பணியாற்ற வேண்டும் என சமூக வலைத்தளங்களில் கோரிக்கை விடுத்து வருகின்றமை குறிப்பிடத்தக்கது.

நாட்டின் சில மாகாணங்களில் இன்று அதிகளவான வெப்பநிலை உணரப்படுமென காலநிலை அவதான நிலையம் எதிர்வுகூறியுள்ளது. இதனால் வெளியில் செல்வோர் மிகவும் அவதானத்துடன் செல்லுமாறு அந் நிலையம் பொது மக்களை கேட்டுக்கொண்டுள்ளது.

குறிப்பாக இன்று வடக்கு, வடமேல், கிழக்கு, ஊவா மாகாணங்களிலும் மாத்தளை மற்றும் ஹம்பாந்தோட்டை மாவட்டங்களிலும் அதிகளவில் வெப்பம் உணரப்படுமென காலநிலை அவதான நிலையம் மேலும் குறிப்பிட்டுள்ளது.

அத்துடன் வெப்பநிலை 44 – 45 °C வரை கூட அதிகரிக்கலாம், Heat shock உயிராபத்தை ஏற்படுத்தக் கூடியது .குறிப்பாக 45 வயதை தாண்டியவர்கள் நன்கு நீர் அருந்த வேண்டும் என்றும் கேட்டுக்கொள்ளப்படுகின்றனர்.

கனடாவில் வசிக்கும் ஈழத்து மாணவி ஒருவர் Queen’s University Accelerated Route to Medical School (QuARMS) என்கின்ற மருத்துவ படிப்புக்கு தெரிவு செய்யப்பட்டுள்ளார். ஒவ்வொரு ஆண்டும் சுமார் 1500க்கும் மேற்ப்பட்டவர்கள் இந்த துறைக்கு விண்ணப்பிப்பார்கள். அதில் 10 பேர் மட்டுமே ஏற்றுக்கொள்ளப்படுவர்.

அந்த 10 பேர்களில் ஒருவராக ஈழத்தை சேர்ந்த மாணவியான விதுசா யோகதாசன் என்பவர் ஏற்றுக்கொள்ளப்பட்டிருப்பது ஈழத் தமிழர்களாகிய எமக்கு பெருமை சேர்ப்பதாகும்.

இந்த மருத்துவப்படிப்பிற்கு எற்றுக்கொள்ள உயர்நிலை பள்ளியில் எடுக்கப்படும் அதி உச்ச மதிப்பெண்கள் மட்டும் பெற்றிருந்தால் போதாது. இதர பாடத் திட்டங்கள் சாராதச் செயற்பாடுகளிலும் ஈடுபட்டிருக்கவேண்டும் (Extra curricular activities)

சாதாரணமாக 4-5 வருடங்கள் இளங்கலை (undergraduate) படித்துவிட்டு தான் மருத்துவத்துறைக்கு அனுமதிக்கப்படுவார்கள். ஆனால், இந்த QuARMS ஊடாக ஏற்றுக்கொள்ளப்படுபவர்கள் 2 வருட இளங்கலை படித்து விட்டு நேரடியாக கனடாவின் பிரசித்திப்பெற்ற மருத்துவத்துறைக்கு செல்லமுடியும்.

இதேவேளை, கனடாவில் மருத்துவத்துறைக்கு மிகவும் பிரசித்திபெற்று விளங்குவது Queen’s பல்கலைக்கழம் ஆகும்.

அடுத்த 12 மாதங்களில் ஒரு இலட்சம் சீன சுற்றுலாப் பயணிகளை ஈர்க்கும் வகையில், சீன நிறுவனம் ஒன்றுடன் அரசாங்கம் உடன்படிக்கை ஒன்றில் கையெழுத்திட்டுள்ளது. கொழும்பில் நேற்று இந்த உடன்படிக்கை கைச்சாத்திடப்பட்டுள்ளது. சுற்றுலாத்துறை அமைச்சர் ஜோன் அமரதுங்கவின் முன்னிலையில் குறித்த உடன்படிக்கை கையெழுத்திடப்பட்டது.

பீஜிங்கைத் தளமாக கொண்ட யிங்கி ட்ரவல் நிறுவனத்துடனேயே, சுற்றுலாத்துறை அமைச்சின் கீழ் உள்ள கிறீன் லீவ்ஸ் லெய்சர் நிறுவனம் இந்த புரிந்துணர்வு உடன்பாட்டில் கையெழுத்திட்டுள்ளது.

சீன சுற்றுலாப் பயணிகளை ஈர்ப்பதன் மூலம், 120 மில்லியன் டொலர் வருமானத்தை எதிர்பார்த்து இந்த உடன்பாடு கையெழுத்திடப்பட்டுள்ளது.

இந்த திட்டத்தின் கீழ் சீன சுற்றுலாப் பயணிகளுக்கு சீன முறையிலான திருமணங்களை ஒழுங்கு செய்தல், தொல்பொருள் மற்றும் வரலாற்றுப் புகழ்பெற்ற இடங்களுக்கு அழைத்துச் செல்லல், மலையேற்றம் போன்ற வசதிகள் செய்து கொடுக்கப்படவுள்ளன.

கனடாவில் கொல்லப்பட்ட பெண்ணுக்கு இலங்கையில் உள்ள உறவினர்கள் தான நிகழ்வு ஒன்றை செய்துள்ளனர். கடந்த வாரம் கனடா, டொரொன்டோவில் இடம்பெற்ற பயங்கரவாத தாக்குதலில் உயிரிழந்த இலங்கை பெண்ணுக்காக தானம் வழங்கப்பட்டுள்ளது.

நேற்று முன்தினம் மில்லேவ, கிதேல்பிட்டிய பிரதேசத்தில் இந்த தானம் வழங்கும் நடவடிக்கை மேற்கொள்ளப்பட்டுள்ளது.

இந்த சம்பவத்தில் உயிரிழந்த ரேனுகா அமரசிங்கவின் இறுதி அஞ்சலி நடவடிக்கை எதிர்வரும் திங்கட்கிழமை கனடா டொரொன்டோ நகரில் இடம்பெறவுள்ளதாக அறிவிக்கப்பட்டுள்ளது.

ஹொரண குடாஓய பிரதேசத்தை சேர்ந்த ரேனுகா அமரசிங்க தனது 46 வயதில் உயிரிழந்துள்ளார். சுமார் 17 வருடங்கள் அவர் கனடாவில் வாழ்ந்து வந்த நிலையில் அவருக்கு கனடாவில் குடியுரிமை வழங்கப்பட்டுள்ளது.