இந்தியாவில் முகநூல் பதிவு ஒன்றின் மூலம் வீடின்றி தெருவில் படுத்து வாழ்ந்த முதியவர் ஒருவருக்கு வீடு கிடைத்துள்ளது. சமூக வலைத்தளம் மூலம் ஏற்பட்ட நெகிழ்ச்சியான நிகழ்வின் முழு பதிவு இதோ,

தெருவோரம் வாழ்ந்த இந்த முதியவர் சாதாரமாணவர் அல்ல. இங்கிலாந்தின் புகழ் பெற்ற ஒக்ஸ்போர்ட் பல்கலையில் படித்து பட்டம் பெற்றவர். இவரது பெயர் ராஜா சிங் (76) தனது 60 வயது வரை வெளிநாட்டில் வாழ்ந்து வந்தவர், தனது சகோதரருக்காக இந்தியா திரும்பி உள்ளார்.

சகோதரரும் இவரும் இணைந்து பல்வேறு தொழில்கள் செய்த நிலையில், இவரது சகோதரரின் குடிப்பழக்கத்தால் தொழிலில் பெரிய நஷ்டம் ஏற்பட்டிருக்கிறது.

இருந்தாலும் தனது கடுமையான உழைப்பால் தன் மகன்கள் இருவரையும் படிக்க வைத்து வெளிநாட்டுக்கு அனுப்பியிருக்கிறார்.

வெளிநாடு சென்ற மகன்கள் அங்குள்ள பெண்களை திருமணம் செய்து கொண்டு ஒருவர் இங்கிலாந்திலும் இன்னொருவரும் அமெரிக்காவிலும் நிரந்தரமாக தங்கி விட்டனர். தன் நல்வாழ்விற்கு உதவிய தகப்பனை மறந்தும் விட்டனர்.

தனது மனைவியும் இறந்த பின் டெல்லியில் உள்ள தெருக்களில் வாழத் தொடங்கியிருக்கிறார் இந்த ஆக்ஸ்போர்ட பட்டதாரியான ராஜா சிங்.

கடும் வறுமையிலும் பிச்சை எடுத்து வாழ்வதை விரும்பாத இவர், விசா கோரி வருபவர்களின் விண்ணப்பங்களை பூர்த்தி செய்து கொடுத்து அதன் மூலம் கிடைக்கும் வருமானத்தில் வாழ்ந்து வருகிறார்.

தினமும் பொதுக் கழிப்பிடத்தில் குளித்து விட்டு டெல்லியில் உள்ள அனுமந்த் மந்திர அருகே உள்ள தூதரக அலுவலகத்தில் விண்ணப்ப வேலைகளை முடித்துக் கொடுத்துவிட்டு பின்னர், இரவில் ரயில் நிலையங்களிலோ பிளாட்பாரங்களிலோ உறங்குகிறார்.

உணவுக்கு வழியில்லாத பல பொழுதுகளில் கூட யாரிடமும் யாசகம் கேட்காத இந்த தாத்தாவைப் பற்றி அவினாஷ் சிங் எனும் ஒருவர் இவரது படங்களுடன் முகநூலில் பதிவேற்றினார்.

இதனையடுத்து இவருக்கு பலரும் உதவி செய்ய தயாராக உள்ள நிலையில், தற்போது குருநானக் சுக்லா எனும் இடத்தில் இவருக்கு தங்க இடம் கிடைத்திருக்கிறது.

அங்குள்ள ஆட்டோக்காரர் ஒருவர் ராஜா சிங்கை தனது ஆட்டோவில் தூதரக அலுவலகத்தில் கொண்டு விடுகிறார், திரும்பவும் கூட்டி செல்கிறார்.

தினமும் மதியம் வீடு திரும்பும் ராஜ் சிங் யாரிடமும் யாசகம் பெற மறுத்து, இந்த வயதிலும் உழைத்து உண்ண வேண்டும் என்கிற கோட்பாட்டில் உறுதியாக இருப்பது அங்குள்ளோரை வியப்பில் ஆழ்த்துகிறது.

இந்தியாவில் தனது மகளுக்கு திருமணம் செய்து வைக்கும் போதே ஏழு ஏழை பெண்களுக்கும் சேர்த்து திருமணம் செய்து வைத்த தந்தையின் செயல் நெகிழ்ச்சியை ஏற்படுத்தியுள்ளது.

குஜராத் மாநிலத்தின் அஜிமா கிராமத்தை சேர்ந்தவர் அம்ருத் தேசாய். இவர் தனது மகளுக்கு திருமணம் செய்து வைக்க முடிவெடுத்த நிலையில் நேற்று அதற்கான ஏற்பாடுகள் நடந்தது.

தனது மகள் திருமணத்தின் போது அம்ருத் செய்த செயல் அங்கிருப்போரை ஆச்சரியத்தில் ஆழ்த்தியது. காரணம், ஏற்கனவே ஏற்பாடு செய்திருந்த படி கிராமத்தில் உள்ள ஏழு ஏழை பெண்களுக்கு தனது சொந்த செலவிலேயே தனது மகளின் திருமணத்தின் போதே அம்ருத் திருமணம் செய்து வைத்தார்.

திருமணம் செய்து வைத்ததோடு மணமக்களுக்கு வீட்டு உபயோகத்துக்கு தேவையான பொருட்களையும் அம்ருத் பரிசாக வழங்கினார். இந்த திருமணத்தில் கிட்டத்தட்ட 3000 பேர் கலந்து கொண்டார்கள்.

இது குறித்து அம்ருத் கூறுகையில், பழமைவாய்ந்த சாதி பிரிவினைகளை வேரறுக்கவே இதை செய்தோம். இந்த திருமணங்களை நடத்துவது குறித்து ஊர் மக்களுடன் ஏற்கனவே ஆலோசனை நடத்தினேன்.

அவர்கள் அதை ஏற்றதோடு மட்டுமில்லாமல் திருமண விழாவில் தீவிரமாக பங்கேற்கவும் ஒப்புக்கொண்டனர் என கூறியுள்ளார்.

இந்தியாவில் கணவரின் சொத்துக்காக அவரை ஆட்களை வைத்து கொலை செய்த மனைவியின் செயல் அதிர்ச்சியை ஏற்படுத்தியுள்ளது. மும்பையை சேர்ந்தவர் ஷைலீஸ் நிம்சே. இவர் மனைவி சாக்‌ஷி. தம்பதிக்கு மூன்று பிள்ளைகள் உள்ளனர். இந்நிலையில் நிம்சேவுக்கு வேறு பெண்ணுடன் தொடர்பு ஏற்பட்டுள்ளது, இது தொடர்பாக அவருக்கும், சாக்‌ஷிக்கும் இடையில் அடிக்கடி சண்டை ஏற்பட்டு வந்துள்ளது.

இதையடுத்து நிம்சே தன்னை விவாகரத்து செய்துவிட்டால் அவரின் சொத்துக்கள் தனக்கு கிடைக்காது என நினைத்து சாக்‌ஷி பயந்துள்ளார். இதனால் கணவரை தனது உறவினரான லூட் என்பவரின் உதவியுடன் கொல்ல முடிவெடுத்த சாக்‌ஷி இதற்காக அவருக்கு 3 லட்சம் பணம் கொடுத்துள்ளார்.

பின்னர் கடந்த வாரம் தனது இரண்டு நண்பர்களுடன் லூட், நிம்சே வீட்டுக்கு வந்துள்ளார். அங்கு சாக்‌ஷியும் இருந்த நிலையில், தூங்கி கொண்டிருந்த நிம்சேவின் கழுத்தை நெரித்து எல்லோரும் கொலை செய்துள்ளனர்.

பிறகு அவரின் சடலத்தை பாதி எரித்துவிட்டு காட்டு பகுதியில் தூக்கி போட்டுள்ளனர். அடுத்த நாள நிம்சேவை காணவில்லை என அவர் உறவினர்கள் பொலிசில் புகார் அளித்த நிலையில் தீவிர தேடுதல் வேட்டைக்கு பின்னர் அவரின் சடலத்தை பொலிசார் கைப்பற்றினார்கள்.

நிம்சே வீட்டு பகுதியில் இருந்த சிசிடிவி கமெரா காட்சிகளை பொலிசார் ஆராய்ந்த போது லூட் தனது நண்பர்களுடன் அங்கு வந்தது தெரிந்தது.

இதையடுத்து அவரை பிடித்து பொலிசார் விசாரித்ததில் அனைத்து உண்மைகளையும் ஒப்பு கொண்டார். இதை தொடர்ந்து சாக்‌ஷி மற்றும் லூட்டை பொலிசார் கைது செய்துள்ள நிலையில் தலைமறைவாக உள்ள மற்ற இருவரை தேடி வருகிறார்கள்.

இந்தியாவில் தான் கூறிய பொய்யை மறைப்பதற்காக பிறந்த குழந்தையின் மர்ம உறுப்பை சிதைத்து கொலை செய்த மருத்துவர் தலைமறைவாகியுள்ளார். ராஞ்சியின் ஜார்கண்டில் ஜெயப்ரகாஷ் நகர் பகுதியை சேர்ந்தவர் குடியாதேவி, நிறை மாத கர்ப்பிணியான இவர் பிரசவத்திற்காக அங்குள்ள தனியார் மருத்துவமனையில் சிகிச்சை பெற்று வந்திருக்கிறார்.

குடியா தேவியை சோதனை செய்து அவர் வயிற்றில் வளர்ந்தது பெண் குழந்தை என்று கூறியிருக்கிறார் அங்குள்ள மருத்துவர் அனுஜ் குமார். பிரசவ வலி ஏற்பட்டபின் அனுஜ் குமாரிடம் பிரசவம் பார்த்துள்ள நிலையில், குடியா தேவிக்கு ஆண் குழந்தை பிறந்துள்ளது.

தான் கூறிய பொய்யை மறைக்க பிறந்த குழந்தையின் பிறப்புறுப்பை அறுத்து கொலை செய்துள்ளார். குறைபாடுள்ள குழந்தை இறந்தே பிறந்தது என்று பொய் கூறி, குழந்தையின் சடலத்தை பெற்றோரிடம் ஒப்படைத்துள்ளார்.

பிரேத பரிசோதனையில் அரசு மருத்துவர்கள் குழந்தையின் பிரப்புறுப்பு துண்டிக்கப்பட்டதால் இறந்ததாக கூறியுள்ளனர். இதனை தொடர்ந்து அனுஜ் குமார் தலைமறைவான நிலையில், பொலிசார் தேடி வருகின்றனர்.

இந்நிலையில் குழந்தையின் பாலினத்தை அறிய விரும்பும் பெற்றோர், அனுஜ் குமாரை அணுகுவது விசாரணையில் தெரியவந்துள்ளது.

இந்தியாவின் ஜம்மு மாநிலத்தில் உள்ள கதுவா பகுதி சிறுமி பாலியல் பலாத்காரத்துக்கு உட்படுத்தப்பட்டு கொலை செய்யப்பட்ட வழக்கில் கைது செய்யப்பட்டிருக்கும் முக்கியக் குற்றவாளியின் வாக்குமூலம் வெளியாகியுள்ளது.

கதுவா வழக்கை விசாரித்து வரும் விசாரணை அதிகாரி இது பற்றி கூறுகையில், முஸ்லிம் பக்கர்வால் சமுதாய மக்களை மிரட்டவே, கதுவா சிறுமியை கடத்தி வந்து அடைத்து வைத்துள்ளார் சஞ்சி ராம்.

ஆனால், அச்சிறுமி பாலியல் பலாத்காரத்துக்கு உள்ளானதும், அந்த குற்றத்தில் தனது மகனுக்கும் தொடர்பிருப்பதை அறிந்த பிறகே, மகனைக் காப்பாற்ற சிறுமியைக் கொலை செய்ய முடிவெடுத்ததாக விசாரணையின் போது கூறியதாகத் தெரிவித்துள்ளார்.

கதுவா சிறுமி வழக்கில், சஞ்சி ராம், அவரது மகன் விஷால், மற்ற 5 பேர் மற்றும் ஒரு சிறார் ஆகிய 8 பேர் மீது குற்றம்சாட்டப்பட்டுள்ளது. சிறுமி கடந்த ஜனவரி 10ம் திகதி கடத்தப்பட்டுள்ளார். அன்றைய தினமே ராமின் உறவுக்கார பையனான சிறார் குற்றவாளி பாலியல் பலாத்காரம் செய்துள்ளான்.

சிறுமி 10ம் திகதி கடத்தி வரப்பட்ட நிலையில், 13ம் திகதி தான் அவர் பலாத்காரத்துக்கு உள்ளான விடயம் தனக்கு தெரிய வந்ததாகவும், உறவுக்கார பையன்தான் அதனை ஒப்புக் கொண்டதாகவும் சஞ்சி ராம் கூறியுள்ளார்.

இந்த பலாத்காரத்தில் தனது மகனுக்கும் தொடர்பிருப்பதால், அவனைக் காப்பாற்றவே கதுவா சிறுமியை கொலை செய்ய முடிவெடுத்ததாகத் தெரிவித்துள்ளார். மேலும், முஸ்லிம் பக்கர்வால் மக்களை மிரட்ட நினைத்த தனது திட்டமும் இதன் மூலம் நிறைவேறும் என்று கருதியுள்ளார் அவர்.

ஜனவரி 14ம் திகதி கதுவா சிறுமியைக் கொலை செய்து, அங்கு தனது மகன் மாட்டிக் கொள்ளாத வகையில் எந்த தடயமும் இல்லாமல் பார்த்துக் கொள்ளவும் சஞ்சி ராம் நினைத்துள்ளார்.

ஆனால், அவர் நினைத்தபடி திட்டம் நிறைவேறவில்லை. பிறகுதான், ஒரு வாகனத்தில் ஏற்றி கதுவா சிறுமியின் உடல் ஹிராநகர் கால்வாய்க்கு அருகே வீசப்பட்டுள்ளது.

இந்த கடத்தலுக்கான திட்டம் ஜனவரி 7ம் திகதியே தீட்டப்பட்டு, அதற்கான போதைப் பொருட்களும் வாங்கி வைக்கப்பட்டுள்ளது.

கதுவா சிறுமியை காவல்துறையினர் தீவிரமாக தேடி வந்த போது, தனது மகன் பிடிபட்டு விடக் கூடாது என்பதற்காக, சிறார் குற்றவாளியை, குற்றத்தை ஒப்புக் கொள்ளும்படியும், விரைவில் அவரை விடுதலை செய்ய வைப்பதாகவும் சஞ்ஜி ராம் கூறியுள்ளார். இதையடுத்தே அந்த சிறார் தனது குற்றத்தை காவல்நிலையத்தில் சென்று ஒப்புக் கொண்டுள்ளார்.

முன்னதாக, ஜனவரி 15ம் திகதி தான் செய்த கொலை குறித்து அந்த சிறார் குற்றவாளி தனது நண்பன் அமித் ஷர்மாவிடம் கூறியுள்ளான். அமித் ஷர்மாவின் சாட்சியம் நீதிமன்றத்தில் நேரடியாக பதிவு செய்யப்பட்டு முக்கிய சாட்சியாக வைக்கப்பட்டுள்ளது குறிப்பிடத்தக்கது.

தமிழகத்தில் திருமணமான ஒரே நாளில் புதுப்பெண் தூக்கிட்டு தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது.

வேலூர் மாவட்டம் வாணியம்பாடியில் உள்ள நேதாஜி நகரைச் சேர்ந்தவர் விநாயகம். இவரது மகள் மீனாவுக்கும்(20), குரிசிலாப்பட்டையைச் சேர்ந்த சின்னசாமி மகன் கோவிந்தராஜுக்கும்(25) நேற்று முன்தினம் திருமணம் நடந்தது. திருமணம் முடிந்தவுடன், மணமகள் வீட்டிற்கு புதுமண தம்பதி அழைத்து வரப்பட்டனர். இந்நிலையில், கோவிந்தராஜ் நேற்று மாலை குரிசிலாப்பட்டைக்கு சென்றுள்ளார்.

அச்சமயம் அதே பகுதியில் உள்ள தனது உறவினர் வீட்டிற்கு சென்ற மீனா, திடீரென தூக்குப்போட்டு தற்கொலை செய்து கொண்டார். அவரை தேடி வந்த குடும்பத்தினர், மீனா தூக்கில் தொங்கியதைப் பார்த்து அதிர்ச்சியடைந்தனர்.

அதனைத் தொடர்ந்து தகவல் அறிந்த வாணியம்பாடி பொலிசார், மீனாவின் உடலை மீட்டு பிரேத பரிசோதனைக்கு அனுப்பி வைத்தனர்.

மேலும், இது தொடர்பாக வழக்குப்பதிவு செய்த பொலிசார், மீனா தற்கொலை செய்து கொண்டதற்கான காரணம் குறித்து விசாரணை மேற்கொண்டு வருகின்றனர்.