வாடகை செலுத்தாமல் வீட்டு கழிவறையை பயன்படுத்த உரிமையாளர் தடை விதித்ததால் அவமானத்தில் குடும்பப் பெண் தூக்கிட்டு தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது.

வேலூர் மாவட்டம் அடுக்கம்பாறையை சேர்ந்த ரவி மற்றும் லாவண்யா தம்பதியினர் அப்பகுதியில் உள்ள புது தெருவில் வாடகை வீட்டில் வசித்து வந்துள்ளனர். வீட்டுக்கு வாடகையாக 1500 ரூபாய் செலுத்திவந்த நிலையில் கூடுதல் வாடகை கேட்டு உரிமையாளர் தொந்தரவு செய்துள்ளார் .

அது மட்டுமல்லாமல் கூடுதல் வாடகை கொடுத்தால் மட்டுமே வீட்டின் கழிப்பறை சாவியை கொடுப்பேன் என கூறிவிட்டு கழிப்பறையை பூட்டி சாவியை எடுத்துச்சென்றுள்ளார். லாவண்யாவின் கணவர் வேலூர் பேருந்து நிலையத்தில் டீ மாஸ்டராக இருப்பதால் குறைந்த அளவு வருமானமே அந்த தம்பதியினருக்கு இருந்துள்ளது.

ஆகவே தற்காலிகமாக ஓலை மூலம் தடுப்பு அமைத்து குளிப்பதற்கும், மலம் கழிக்க திறந்த வெளியையும் லாவண்யா பயன்படுத்தி வந்துள்ளார்.

இருப்பினும் கழிவறை பிரச்சனையை தீர்த்து வைக்கும்படி கணவர் ரவியிடம் பலமுறை லாவண்யா முறையிட்டுள்ளார். ஆனால் குறைந்த வருவாய் காரணமாக ரவியால் ஒன்றும் செய்ய முடியவில்லை.

இந்நிலையில் கழிப்பறை பிரச்சனை தீராததாலும் திறந்த வெளியில் குளிப்பதாலும் மனமுடைந்து லாவண்யா தூக்கிட்டு தற்கொலை செய்துகொண்டுள்ளார். இந்த சம்பவம் அப்பகுதி மக்களிடையே அதிர்ச்சியையும் சோகத்தையும் ஏற்படுத்தியுள்ளது.

இந்தியாவில் தன்னை திருமணம் செய்யவிருந்த இளைஞர் திடீரென திருமணம் செய்ய மறுத்ததால் மனமுடைந்த இளம்பெண் தற்கொலை செய்து கொண்டுள்ளார். உத்தரபிரதேச மாநிலத்தின் கசியாபாத்தை சேர்ந்தவர் பிரியங்கா வர்மா (25). இவர் அங்குள்ள விடுதியில் தங்கி வேலை செய்து வந்தார். பிரியங்காவுக்கும் இளைஞர் ஒருவருக்கும் திருமணம் நிச்சயிக்கப்பட்டிருந்த நிலையில் விரைவில் திருமணம் நடக்கவிருந்தது.

இந்நிலையில் வருங்கால கணவருடன் பிரியங்காவுக்கு சண்டை ஏற்பட்டுள்ளது. இதையடுத்து பிரியங்காவை திருமணம் செய்து கொள்ளமுடியாது என அவர் கூறியுள்ளார். இதனால் மனமுடைந்த பிரியங்கா தனது தோழிக்கு போன் செய்து நடந்தவற்றை கூறி, எல்லாமே முடிந்துவிட்டது என அழுதுள்ளார்.

பின்னர், ஏதோ விபரீதம் நடக்கவுள்ளது என்பதை உணர்ந்த தோழி பிரியங்காவின் விடுதிக்கு வந்து அவர் அறை கதவை திறந்த போது பிரியங்கா தூக்கில் சடலமாக தொங்கியுள்ளார்.

இது குறித்து பொலிசுக்கு தகவல் தரப்பட்ட நிலையில் சம்பவ இடத்துக்கு வந்த பொலிசார் பிரியங்காவின் சடலத்தை கைப்பற்றிவிட்டு இது குறித்து விசாரணை நடத்தி வருகிறார்கள்.

தருமபுரி மாவட்டத்தில் இளம்பெண் ஒருவர் பள்ளி மாணவன் மீது கட்டுக்கடங்காத காதல் கொண்டதால் அந்த மாணவனையே கடத்திய குற்றத்திற்காக பொலிசாரால் கைது செய்யப்பட்டுள்ளார்.

விவசாயியான தசரதன் என்பவரின் 15 வயது மகன் 10 ஆம் வகுப்பு படித்து வந்துள்ளான். இந்த மாணவனுக்கும், அவரது உறவினர் மகளுக்கும் பழக்கம் ஏற்பட்டுள்ளது. இதனை அறிந்த தசரதன் கண்டித்துள்ளார். இந்நிலையில், மாணவன் திடீரென காணாமல் போயுள்ளான். இதுகுறித்து தந்தை தசரதன் பொலிசில் புகார் அளித்துள்ளார்.

இதற்கிடையில், மாணவனை பெங்களூருக்கு இளம்பெண் கடத்தி சென்றுள்ளது தெரியவந்தது. இதனைத்தொடர்ந்து இருவரும் தமருபுரி அழைத்துவரப்பட்டனர். மாணவனை குழந்தைகள் நலக்காப்பகத்தில் ஒப்படைத்தனர். இளம்பெண்ணை போக்சோ சட்டத்தில் காவல்துறையினர் கைது செய்துள்ளனர்.

திருவண்ணாமலையை சேர்ந்த நித்யானந்தாவின் இயற்பெயர் ராஜசேகர். தென் இந்தியாவில் ஆன்மீகச் சொற்பொழிவு, பிரசங்கம் மூலம் வெகுவாக மக்களின் கவனத்தைக் கவர்ந்த நித்தியானந்தா, இந்தியாவில் உள்ள பணக்கார சாமியார்களில் இவரும் ஒருவர்.

பெங்களூரில் உள்ள இவரது தியான பீடத்தில் சேர விரும்புபவர்களுக்கு 2,000 முதல் 25,000 ஆயிரம் வரை வசூலிக்கப்படுகிறது. இன்றைய நாளில் இவரது சொத்து மதிப்பு 1.5 பில்லியன் டொலராகும்.

உலகம் முழுவதும் இவர் கற்றுக்கொடுத்த யோகா மற்றும் தியானங்கள் பிரபலமாக உள்ளது. இவர், தனது சொற்பொழிவுகளை புத்தமாக வெளியிட்டுள்ளார். இதுவரை, 27 மொழிகளில் 300 புத்தகங்கள் எழுதியுள்ளார்.

திருவள்ளூர் அருகில் 5 வயது சிறுமிக்கு பாலியல் வன்கொடுமை செய்த வடமாநிலத்தை சேர்ந்த இளைஞரை அப்பகுதி மக்கள் அடித்து உதைத்து காவல் நிலையத்தில் ஒப்படைத்துள்ளனர். சின்ராத்- சம்சா தம்பதியினர் ஒடிசா மாநிலத்தை சேர்ந்தவர்கள், இவர்கள் திருவள்ளூரில் உள்ள போராக்ஸ் பகுதியில் 7 ஆண்டுகளாக வசித்து வருகின்றனர்.

இந்த போராக்ஸ் பகுதியில் இன்னபிற வடமாநிலத்தவரும் அதிகளவில் வசித்து வருகிறார்கள். இந்நிலையில் சின்ராத்- சம்சா தம்பதியினரின் 5 வயது மகள் வீட்டின் வெளியே விளையாடிக் கொண்டிருந்துள்ளார்.

அப்போது அதே பகுதியில் வசித்து வரும் பரவத் சிங் சிறுமியை தூக்கி சென்று, ஆள்நடமாட்டம் இல்லாத வயல்வெளியில் வைத்து பாலியல் வன்கொடுமை கொடுத்துள்ளார். ஆனால் இந்த வக்கிர செயல் குறித்து புரிந்துகொள்ளும் ஆற்றல் அந்த சிறுமியிடம் இல்லை என்றாலும், நடந்ததை அவரது பெற்றோரிடம் அப்படியே தெரிவித்துள்ளார்.

உடனடியாக சிறுமியை மருத்துவமனை கொண்டுசென்று பரிசோதித்த பின்னர் சிறுமி பாலியல் வன்கொடுமைக்கு ஆளாக்கப்பட்டுள்ளதை மருத்துவர்கள் உறுதி செய்தனர்.

மேலும் சிறுமிக்கு மேல் சிக்கிச்சை தேவைப்படுவதால் சென்னை ஸ்டான்லி மருத்துவமனைக்கு அனுப்பி வைத்தனர். இதனால் கோபமடைந்த அப்பகுதி மக்கள், குறித்த இளைஞரை சரமாரியாக அடித்து பொலிசிடம் ஒப்படைத்தனர்.

இந்தியாவில் 40 ஆண்டுகளுக்கு முன் காணாமல் போன நபர் யூ டியூப் வீடியோ மூலம் தன்னுடைய குடும்பத்தில் இணைந்துள்ளார். மணிப்பூர் தலைநகர் இம்பாலைச் சேர்ந்த கோந்ராம் காம்பீர் சிங் என்பவர் 1978-ஆம் ஆண்டு வீட்டை விட்டு வெளியேறியுள்ளார். வீட்டை விட்டு வெளியேறியவர் திரும்பவே இல்லாத காரணத்தினால் அவரது குடும்பத்தினர் பல இடங்களில் தேடியுள்ளனர்.

காவல்நிலையத்தில் புகார் அளித்தும் எந்த பலனும் இல்லை. இந்நிலையில் கடந்த ஆண்டு பைரோ சாபிர் என்பவர் தன்னுடைய யூ டி யூப் சேனலில் காம்பீர் சிங் பாடிய ஹிந்தி பாடலை பதிவேற்றம் செய்துள்ளார். இதைக் கண்ட அவரது குடும்பத்தினர் உடனடியாக இது குறித்து வீடியோவை சுட்டிக் காட்டி மீட்டுத் தரும்படி காவல்நிலையத்தில் தெரிவித்துள்ளனர்.

இதனையடுத்து மும்பைக்கு சென்ற பொலிசார் காம்பீர் சிங்கை மீட்டு குடும்பத்தினரிடம் ஒப்படைத்துள்ளனர். அப்போது காம்பீர் சிங் தன்னுடைய குடும்பத்தினரைக் கண்டவுடன் எண்ணற்ற மகிழ்ச்சியில் அவர்களை கட்டி அணைத்துக் கொண்டார்.