தமிழகத்தில் 17 வயது சிறுமியை திருமணம் செய்வதற்கு 35 வயது நபர் இரண்டு ஆண்டுகளில் மூன்று முறை கடத்தியுள்ள சம்பவம் அதிர்ச்சியை ஏற்படுத்தியுள்ளது.

சிவகங்கை மாவட்டம் சிங்கம்புணரி பகுதியைச் சேர்ந்த தம்பதி முருகன் (38)-இளமதி(34). இவர்களுக்கு லதா(17) என்ற மகள் உள்ளார். இந்நிலையில் சென்னை குரோம் பேட்டை பகுதியைச் சேர்ந்த இவரது உறவினர் ஒருவர் கடந்த இரண்டு வருடங்களுக்கு முன்னர் இவர்களின் வீட்டிற்கு வந்துள்ளார்.

அப்போது லதாவைக் கண்டவுடன் லதாவை எனக்கு திருமணம் செய்து வைக்கும் படி அவரது தாயாரான இளமதியிடம் கேட்டுள்ளார். மணிகண்டனுக்கு ஏற்கனவே திருமணமாகி மூன்று பிள்ளைகள் உள்ளனர். அதுமட்டுமின்றி அவர் மீது பல்வேறு வழக்குகள் உள்ளன.

நீ இப்படி இருக்கையில் நான் எப்படி என் மகளை உனக்கு திருமணம் செய்து வைக்க முடியும், அதுமட்டுமின்றி அவள் உனக்கு மகள் மாதிரி என்று இளமதி கூறியுள்ளார்.

இதனால் ஆத்திரமடைந்த மணிகண்டன் லதா பள்ளிக்கு சென்ற போது அவரை காரில் கடத்திக் கொண்டு சென்றுள்ளார். இது குறித்து பொலிசில் புகார் அளித்தும் அவர்கள் அலட்சியப்படுத்தியதால், பெற்றோர் நீதிமன்றத்தில் முறையிட்டுள்ளனர்.

அதன் பின் பொலிசார் லதாவை மீட்டு குடும்பத்தாரிடம் ஒப்படைத்துள்ளனர். மணிகண்டனும் தூரத்து உறவினர் என்பதால் பெற்றோரும் பெரிய அளவில் பொலிசாரிடம் புகார் அளிக்கவில்லை.

இதை சாதகமாக்கிக் கொண்ட மணிகண்டன் மீண்டும் அந்த சிறுமியை கடந்த மார்ச் மாதம் கடத்தியுள்ளான். மீண்டும் பொலிசாரிடம் புகார் அளித்தும் அலட்சியக் காட்டியதால், நீதிமன்றத்தில் ஆட்கொணர்வு மனு தாக்கல் செய்துள்ளனர்.

அதன் பின் மணிகண்டனையும் லதாவையும் மீட்டனர். மணிகண்டனுக்கு 1 ஆண்டுகள் சிறை தண்டனை வழங்கப்பட்டது. சிறுமியும் காப்பகத்தில் வளர்க்கப்பட்டு வந்தார். மகளின் பிரிவை தாங்கமல் இளமதி மீண்டும் மகளை தன் வீட்டிற்கு அழைத்து வந்து படிக்க வைத்து வந்துள்ளார்.

தற்போது 12-ஆம் வகுப்பு படித்து வரும் லதாவை கடந்த மார்ச் மாதம் சிறையிலிருந்து வெளியில் வந்த மணிகண்டன் மீண்டும் நான்கு பேருடன் கடத்தியுள்ளான்.

இது குறித்து பெற்றோர் புகார் அளித்தும் பொலிசார் எந்த வித நடவடிக்கை எடுக்கவில்லை எனவும் மகள் கடத்தப்பட்டு 16 நாட்கள் ஆகிவிட்டதாக கூறி அவர்கள் கண்ணீர் வடித்துள்ளனர்.

இதனால் பொலிசாரோ இரண்டு தனிப்படைகள் அமைத்து மணிகண்டனை தேடி வருவதாக கூறியுள்ளனர். மேலும் சாதாரண ஏழைக் குடும்பம் என்பதால் மிகப் பெரிய அநியாயம் நடப்பதாகவும், மணிகண்டனின் இந்த துணிச்சலுக்கு பொலிசாரே காரணம் தான் எனவும், அவர்கள் உரிய நடவடிக்கை எடுத்திருந்தால் இந்த அளவிற்கு வந்திருக்குமா என்று உறவினர்கள் கூறி வருகின்றனர்.

காஷ்மீரில் மிக கொடூரமாக பாலியல் வன்கொடுமைக்கு உள்ளாக்கப்பட்டு கொலை செய்யப்பட்ட ஆஷிபாவின் பெயரை தனது மகளுக்கு சூட்டியுள்ளார் கேரள பத்திரிக்கையாளர். காஷ்மீரின் கத்துவா பகுதியை சேர்ந்த 8 வயது சிறுமி ஆஷிபா, பொலிஸ் அதிகாரி உட்பட எட்டு பேரால் பாலியல் பலாத்காரம் செய்யப்பட்டு கொல்லப்பட்டார்.

இந்த விவகாரம் நாடு முழுவதும் கொந்தளிப்பை ஏற்படுத்திய நிலையில், கேரளாவை சேர்ந்த பத்திரிக்கையாளர் ரஞ்சித் ராம் தனது மகளுக்கு ஆஷிபா ராஜ் என பெயர் சூட்டியுள்ளார். அவர் கூறுகையில், எனது மகளுக்கு என்ன பெயர் சூட்டுவது என இணையதளத்தில் தேடிக் கொண்டிருந்த போது தான் ஆஷிபா செய்தியை கேட்டு மனம் நொந்து போனேன்.

என்னுடைய முதல் குழந்தைக்கு ஏழு வயதாகிறது, இந்த நிலை என் குழந்தைக்கு வந்தால் என்னவாகும் என ஒரு நிமிடம் யோசித்தேன். இரு பெண் குழந்தைகளின் தந்தையான நான் நிம்மதியை இழந்து விட்டேன், எனவே அவளது நினைவாக என் குழந்தைக்கு ஆஷிபா ராஜ் என பெயர் சூட்டினேன். இதுகுறித்து என் மனைவியிடம் சொன்ன போதும் மறுப்பு ஏதும் தெரிவிக்கவில்லை என கூறியுள்ளார்.

இதுகுறித்து பேஸ்புக்கில் பதிவிட்டதும் வைரலாகியதுடன் இதுவரையிலும் 15,000 பேர் ஷேர் செய்துள்ளனர்.

இந்தியாவில் 13 வயது சிறுமியை திருமணம் செய்து கொண்டு ஒரு ஆண்டுக்கு மேலாக அவரை துன்புறுத்தி வந்த 42 வயதான நபரை பொலிசார் கைது செய்துள்ளனர்.

புதுடெல்லியை சேர்ந்த 42 வயதான நபர் ஆட்டோ ஓட்டுனராக உள்ளார். இவர் இரண்டு பெண்களை திருமணம் செய்து கொண்ட நிலையில் முதல் மனைவி இறந்துவிட, இரண்டாவது மனைவி பிரிந்து சென்றுவிட்டார்.

இந்நிலையில் கடந்தாண்டு பிப்ரவரி மாதம் ஆட்டோ ஓட்டுனர் பீகாருக்கு சென்ற போது ஒரு ஏழ்மையான குடும்பத்தை சந்தித்துள்ளார். அந்த குடும்பத்தின் தலைவர் இறந்துவிட்ட நிலையில் தாய் தனது 13 வயது மகளுடன் வசித்து வந்தார்.

தாயிடம் சென்று பேசிய ஆட்டோ ஓட்டுனர், அவரின் மகளை தான் திருமணம் செய்ய விரும்புவதாகவும் அவளை வசதியாக வைத்து காப்பாற்றுவேன் எனவும் கூறியுள்ளார். இதை நம்பிய தாய், ஆட்டோ ஓட்டுனருக்கு சிறுமியான தனது மகளை திருமணம் செய்து கொடுத்துள்ளார்.

பின்னர் டெல்லிக்கு சிறுமியை அழைத்து வந்த ஆட்டோ ஓட்டுனர் தினமும் சிறுமியை பாலியல் ரீதியாக கொடுமைப்படுத்தியதோடு, வீட்டு வேலைகள் பலவற்றை செய்ய சொல்லி அடித்து கொடுமைப்படுத்தியுள்ளார்.

இந்நிலையில் சிறுமி தினமும் இரவில் அழும் சத்தத்தை கேட்ட அவர் வீட்டருகில் வசிக்கும் நபர் சமீபத்தில் இது குறித்து சிறுவர்கள் உதவி மையத்துக்கு போன் செய்து கூறியுள்ளார்.

இதையடுத்து பொலிசார் உதவியுடன் சம்பவ இடத்துக்கு வந்த மைய அதிகாரிகள் சிறுமியை மீட்டு காப்பகத்தில் ஒப்படைத்தனர்.

சிறுமியை ஏமாற்றி திருமணம் செய்து அவரை கொடுமைப்படுத்தி வந்த ஆட்டோ ஓட்டுனரை பொலிசார் கைது செய்துள்ளனர். மேலும், இதில் வேறு யாரேனும் சம்மந்தப்பட்டுள்ளார்களா என்றும் விசாரித்தும் வருகிறார்கள்

ஆஷிபாவை கொன்றது சரிதான் என பேஸ்புக்கில் பதிவிட்ட இளைஞர் மீது பொலிசார் வழக்குப்பதிவு செய்துள்ள நிலையில் அவரை தேடி வருகிறார்கள்.

ஜம்மு – காஷ்மீரை சேர்ந்த 8 வயது சிறுமி ஆஷிபா எட்டு பேர் கொண்ட கும்பலால் பலாத்காரம் செய்யப்பட்டு கொலை செய்யப்பட்டார். இந்த சம்பவம் இந்தியா முழுவதும் பெரும் அதிர்வலைகளை ஏற்படுத்தியுள்ளது.

இது சம்மந்தமாக கேரளாவின் பலரிவடோமை சேர்ந்த கோடாக் மகேந்திரா தனியார் வங்கி துணை மேலாளரான விஷ்ணு நந்தகுமார் பேஸ்புக்கில் ஒரு பதிவை எழுதியிருந்தார். அதில், இந்த வயதிலேயே ஆஷிபா கொல்லப்பட்டது நல்லது தான், இல்லையென்றால் அவள் வளர்ந்து இந்தியாவுக்கு எதிராக மனித வெடிகுண்டாக வருங்காலத்தில் வந்திருப்பார் என பதிவிட்டிருந்தார்.

இதற்கு கடும் கண்டணங்கள் எழுந்த நிலையில் மேலாளர் பதவியிலிருந்து விஷ்ணுவை பணி நீக்கம் செய்ய கோரிக்கை எழுந்தது. இதையடுத்து விஷ்ணு தனது பணியை திறம்பட செய்யவில்லை என கூறப்பட்டு அதிரடியாக பணிநீக்கம் செய்யப்பட்டார்.

இந்நிலையில் ஆர்.எஸ்.எஸ் தலைவர் நந்தகுமாரின் மகன் தான் விஷ்ணு என தெரியவந்துள்ளது. இதையடுத்து பொலிசார் விஷ்ணு மீது வழக்குப்பதிவு செய்துள்ளனர். மேலும் விஷ்ணு தலைமறைவாக உள்ளதால் அவரை பொலிசார் தேடி வருகிறார்கள்.

சொத்து தகராறு காரணமாக 1 லட்சத்தை கூலிப்படையினரிடம் கொடுத்து பெற்ற மகனையே கொலை செய்த சம்பவம் பெரும் அதிர்ச்சியை ஏற்படுத்தியுள்ளது.

ராஜஸ்தான் மாநிலத்தில் உள்ள பிரதாப்கர் மாவட்டத்தை சேர்ந்தவர் பிரேமலதா சுதர். இவருடை கணவர் சமீபத்தில் மறைந்து விட்டார். இவர்களுக்கு மோஹித் (21) என்ற மகன் உள்ளார். ஆனால் போதைக்கு அடிமையாகிவிட்ட மோஹித் தினமும் அவரது தாயை அடித்து சித்திரவதை செய்து வந்துள்ளார்.

இதன் காரணமாக எரிச்சல் அடைந்த பிரேமலதா கோபித்துக்கொண்டு அவரது மகள் வீட்டுக்கு சென்றுவிட்டார். இந்நிலையில் பிரேமலதா செலவுக்கு பணம் இல்லாததால் தன்னிடம் இருந்த நிலத்தை விற்க முடிவு செய்து மகாதேவ் என்பவரை அனுகினார்.

ஆனால் நிலத்தை விற்க பிரேமலதா மகன் மோஹித் ஒப்புக்கொள்ளவில்லை இதனால் ஆத்திரம் அடைந்த பிரேமலதா பெற்ற மகனையை தீர்த்துக்கட்ட துணிந்தார் .இதற்காக அவர் கிராமத்தின் அருகே தாபா நடத்தி வரும் கணபத் சிங் ராஜ்புட் என்பவரிடம் மகனை கொலை செய்ய முன்பனமாக 50 ஆயிரத்தை கொடுத்துள்ளார். காரியம் முடிந்த பின்னர் மீதி 50 ஆயிரத்தை கொடுப்பதாக பிரேமலதா கூறி உறுதியளித்தார்.

இதையடுத்து கடந்த ஏப்ரல் 6-ஆம் தேதி மோஹித், கணபத்தின் தாபாவுக்கு வந்தார். அப்போது அவர் கேட்ட உணவில் கணபத் தூக்க மாத்திரையை கலந்தார். இதை சாப்பிட்டவுடன் மோஹித்துக்கு ஒரு பீரும் வழங்கப்பட்டது.

இதையடுத்து தனது பைக்கை எடுத்துக் கொண்டு வீட்டுக்கு புறப்பட்டார். அதிக போதையில் இருந்ததால் மோஹித்துடன் கணபத்தின் பணியாளர் அனில் நாயக் என்பவரும் உடன் சென்றார். இவர்களை கணபத் உள்ளிட்டோர் பின்தொடர்ந்தனர்.

சிவானா என்ற இடத்தில் வண்டியை நிறுத்திய அனில் நாயக், மோஹித்துக்கு மற்றொரு பீரை கொடுத்து குடிக்கச் சொன்னார். இதனால் போதை தலைக்கேறிய மோஹித் தனது சுயநினைவை இழந்தார்.

இந்த சந்தர்ப்பத்தில் ஒரு துணியால் மொஹித் கழுத்தை நெரித்து கொலை செய்துள்ளனர். இதன் பின்னர் ஒன்றும் தெரியாதது போல் எல்லோரும் தாபாவில் அவரவர் வேலையை செய்ய தொடங்கினர். சிறிது நேரம் கழித்து மொஹித் சடலத்தை பார்த்து சிலர் பொலிஸாருக்கு தகவல் அளித்துள்ளனர்.

உடனே சம்பவ இடத்திற்கு விரைந்து வந்த பொலிஸார் மொஹித் உடலை பிரேதபரிசோதனைக்கு அனுப்பி கொலை குறித்து விசாரிக்க தொடங்கினர். ஆனால் இந்த கொலைக்கு துப்பு கிடைக்காமல் அவதிப்பட்டு வந்த போலீஸாருக்கு அங்கிருந்த டோல்கேட்டில் இருந்த சிசிடிவி கேமரா காட்சிகள் மிகவும் உதவியாக இருந்தன. இதை வைத்து கணபத்திடம் போலீஸார் விசாரணை நடத்தினர்.

அப்போது தாபா கடை கணபத் செய்த கொலையை பொலிஸிடம் ஒப்புக் கொண்டார். அவரிடம் நடத்திய விசாரணையை தொடர்ந்து பிரேமலதா, மருமகன் கிஷான் சுதர், கணபத், மகாதேவ் உள்ளிட்டோர் கைது செய்யப்பட்டனர்.

மேலும் தலைமறைவாக உள்ள மற்றொரு குற்றவாளியான அனில் நாயக்கை போலீஸார் தேடி வருகின்றனர். கேவலம் சொத்துக்காக பெற்ற மகனையே கூலிப்படையை ஏவி தாய் கொலை செய்த சம்பவம் அதிர்ச்சியை ஏற்படுத்தியுள்ளது.