பிரெக்சிற்றுக்கு பின்னர் பிரித்தானியாவில் அறிமுகப்படுத்தப்படவுள்ள புதிய கடவுச்சீட்டை தயாரிப்பதற்கு பிரான்ஸ் நிறுவனத்தை பயன்படுத்தும் தீர்மானத்துக்கு எதிராக பிரித்தானிய கடவுச்சீட்டு தயாரிப்பாளர்கள் முறையீடு செய்யவுள்ளதாக அறிவித்துள்ளனர்.

புதிய கடவுச்சீட்டை தயாரிக்க பிரான்கோ-டச்சு நிறுவனமான ஜெமால்டோவுக்கு 490 மில்லியன் பவுண்ட்ஸூக்கு ஒப்பந்தத்தை வழங்குவதற்கு எதிராக பிரித்தானிய கடவுச்சீட்டு தயாரிப்பாளரான டி லா ரியூ நிறுவனம் முறையீடு செய்ய தயாராகி உள்ளது.

ஜெமால்டோ தரம் மற்றும் பாதுகாப்பு குறித்த சிறந்த வாய்ப்பை கொண்டிருப்பதாக கருதப்படுகின்ற நிலையில் ஜெமால்டோவுக்கு இந்த வாய்ப்பு வழங்கப்படுவதாக கூறப்படுகின்றது. எனினும் இது தொடர்பான உத்தியோகபூர்வ அறிவிப்பு இதுவரை வெளியாகவில்லை.

ஆனாலும் ஒப்பந்தத்தை உத்தியோகபூர்வமாக ஏற்படுத்துவதற்கான கால அவகாசம் இன்றுடன் நிறைவடைகின்றது.

பிரித்தானியாவில் 1998ஆம் ஆண்டில் அறிமுகப்படுத்தப்பட்ட கடவுச்சீட்டுப் பயன்பாடே இருந்துவரும் நிலையில், பிரெக்சிற்றுக்குப் பின்னர், எதிர்வரும் 2019ஆம் ஆண்டில் புதிய கடவுச்சீட்டுகளை அறிமுகப்படுத்தப்படுத்த நடவடிக்கை எடுக்கப்பட்டுள்ளது.

அதன்படி கடவுச்சீட்டுகள் நீலம் மற்றும் தங்க நிறங்களை உடையதாக வடிவமைக்கவும் தீர்மானிக்கப்பட்டுள்ளமை குறிப்பிடத்தக்கது.

மனைவிக்கு தெரியாமல் அவரது கைத்தொலைபேசியை எடுத்து சோதனை செய்யும் ஆண்களுக்கு தண்டனை வழங்கப்படும் என்றும் சவுதி அரேபிய அரசு அறிவித்திருக்கிறது.

மிகவும் அதிக அளவில் இதற்கு தண்டனை வழங்கப்படும் என்று கூறப்பட்டிருக்கிறது.

சவுதியின் முடி இளவரசராக முகமது பின் சல்மான் பதவியேற்றதில் இருந்து அங்கு நிறைய மாற்றங்கள் கொண்டு வருகிறார். முக்கியமாக பெண்களுக்கு நிறைய சுதந்திரங்கள் வழங்கப்பட்டு வருகிறது.

இதற்கு அங்கு பாராட்டும் எதிர்ப்பும் நிலவி வருகிறது. பெண்களுக்கு இராணுவத்தில் சேர அனுமதியளித்து சவுதி முடி இளவரசர் அதிரடி உத்தரவை பிறப்பித்திருக்கிறார்.

2018 மார்சில் இருந்து சவுதியில் தியேட்டர்கள் திறக்கப்படும் என்றார். 2018ல் இருந்து பெண்கள் கார் ஓட்ட சாரதி அனுமதிப்பத்திரம் வழங்கப்படும் என்று அறிவித்தார்.

விரைவில் சவுதியில் பெண்கள் பர்தா அணிய கட்டாயம் இல்லை என்று சட்டம் கொண்டு வரப்படலாம் என்றும் கூறப்பட்டிருக்கிறது.

தற்போது மனைவிக்கு தெரியாமல் அவர்கள் தொலைபேசியை எடுத்து சோதனை செய்யும் ஆண்களுக்கு தண்டனை வழங்கப்படும் என்றும் சவுதி அரேபிய அரசு அறிவித்திருக்கிறது.

அதன்படி மனைவிக்கு தெரியாமல் அவர்களின் தொலைபேசியை எடுத்து பார்ப்பது, கேலரியை பார்ப்பது, சமூக வலைத்தள கணக்குகளை சோதனை செய்வது, யாருடன் பேசுகிறார் என்று சண்டை போடுவது எல்லாம் தண்டனைக்குரிய குற்றமாகும்.

இந்த குற்றத்திற்கு ஒரு வருடம் வரை சிறைத்தண்டனை அளிக்கப்படலாம். அதே சமயம் 85 லட்சம் முதல் 90 லட்சம் வரை அபராதம் விதிக்கப்படலாம்.

சவுதியில் சமீப காலங்களில் கைத்தொலைபேசி ரீதியாக நிறைய குற்றங்கள் நடைபெற்று வருகிறது. இதை இதன் மூலம் கட்டுப்படுத்த முடியும் என்று கூறப்படுகிறது.

பெண்களின் சுதந்திர தேவை தான் இந்த சட்டத்திற்கு பின் முக்கிய காரணம் என்று முகமது பின் சல்மான் தெரிவித்துள்ளார்.

பெண்கள் அவர்கள் விருப்பப்படி இணையத்தை பார்க்க வேண்டும், அவர்களை யாரும் கட்டுப்படுத்தக் கூடாது என்று கூறியுள்ளார்.

ஆண்களின் வேவு பார்க்கும் குணத்தை போக்கவே இந்த நடவடிக்கை எடுக்கப்பட்டிருக்கிறது என்று தெரிவித்துள்ளார்.

– One India-

அமெரிக்காவில் உறங்கிக்கொண்டிருந்த மகனை எழுப்வுதற்காக துப்பாக்கியை பயன்படுத்திய தாயை பொலிசார் கைது செய்துள்ளனர்.

அரிசோனா மாகாணத்தில் ஷரோன் டாபின்ஸ் என்பவர் ஈஸ்டர் பண்டிகை அன்று தேவாலயம் செல்வதற்காக தனது 17 வயது மகனை எழுப்ப மின்சார துப்பாக்கியை பயன்படுத்தியுள்ளார்.

இக்குற்றத்திற்காக கைது செய்யப்பட்ட இவர், நான் துப்பாக்கியை இயக்கவில்லை என மறுத்தாலும், மகனின் காலில் தழும்புகள் இருந்ததை பொலிசார் உறுதிப்படுத்தியுள்ளனர்.

வழக்கை விசாரித்த நீதிபதி சில நிபந்தனைகளுடன், ஷரோனை பொலிஸ் காவலிலிருந்து விடுவித்துள்ளார்.

அமெரிக்காவில் தனது இடது கையை இழந்த பெண்ணொருவர், அலைச் சறுக்கு விளையாட்டில் சிறந்த வீராங்கனையாக திகழ்ந்து வருகிறார்.

அமெரிக்காவைச் சேர்ந்த அலைச் சறுக்கு வீராங்கனை Bethany Hamilton(28). இவர், தன்னம்பிக்கையால் சாதித்த பெண்மணியாக திகழ்ந்து வருகிறார்.

இவருக்கு 14 வயது இருக்கும் போது அலைச்சறுக்கு விளையாட்டில் ஈடுபட்டிருக்கிறார். அப்போது எதிர்பாராத விதமாக மிகப்பெரிய சுறா ஒன்று, இவரை தாக்கியதில் தனது இடது கையை இழந்தார்.

சுமார் 60 சதவித ரத்தம் இவரது உடலில் இருந்து வெளியேறியதால், Bethany உயிர் பிழைப்பதே கடினம் என்று மருத்துவர்கள் கருதினர்.

ஆனால், சற்றும் மனம் தளராத நம்பிக்கையை கொண்டிருந்த Bethany உயிர் பிழைத்தார். ஆனால், தனது பெற்றோர், தம்பிகள் போல அலைச் சறுக்கு வீராங்கனையாக வேண்டும் என்ற கனவை செயல்படுத்த முடியுமா என்ற எண்ணத்தில் இருந்துள்ளார் Bethany.

அவரைப் போலவே அனைவரும் நினைத்தனர். இந்நிலையில், ஒருநாள் கடற்கரையைப் பார்த்துக் கொண்டிருந்த Bethany, திடீரென தனது அலைச் சறுக்கு அட்டையை எடுத்துக்கொண்டு கடலுக்குள் இறங்கினார்.

இதனைக் கண்ட Bethany-யின் குடும்பத்தினரும், நண்பர்களும் அதிர்ச்சியடைந்தனர். ஆனால், தனது கையை இழந்தாலும் நம்பிக்கையை இழக்காத Bethany, சில மணிநேர முயற்சிக்கு பிறகு ஒற்றைக் கையினால் விளையாடும் உத்தியைக் கற்றுக் கொண்டார்.

இதனைத் தொடர்ந்து, தினமும் கடுமையான பயிற்சி செய்த Bethany-க்கு மீண்டும் போட்டிகளில் கலந்து கொள்ளும் தைரியம் வந்தது.

அதன் பின்னர், உள்ளூர் போட்டிகளில் கலந்து கொண்ட அவர் 5வது இடத்தைப் பிடித்தார். அதற்கு அடுத்த ஆண்டே தனது விடமுயற்சியால் முதலிடத்தைப் பிடித்து அனைவரையும் ஆச்சரியத்தில் ஆழ்த்தினார்.

தனது கையை இழந்த 4 ஆண்டுகளில் தொழில்முறை அலைச் சறுக்கு வீராங்கனையாகி, உலகத்தை தன் பக்கம் திரும்பி பார்க்க வைத்தார் Bethany. அதன் பின்னர், கடந்த 2013ஆம் ஆண்டு ஆடம் டிர்க்ஸ் என்பவரை திருமணம் செய்து கொண்டார்.

கடந்த 2015ஆம் ஆண்டு, இந்த தம்பதியருக்கு முதல் குழந்தை பிறந்த நிலையில், தற்போது இரண்டாவது குழந்தை பிறந்துள்ளது. இது குறித்து Bethany Hamilton கூறுகையில்,

‘இது மிகவும் மகிழ்ச்சியான தருணம். எங்கள் வீட்டில் 4வது உறுப்பினர் வந்திருக்கிறார். மனைவியாகவும், தாயாகவும் இந்த நாட்களை மிகவும் மகிழ்ச்சியாக கழித்துக் கொண்டிருக்கிறேன். எங்களுக்கு வாழ்த்துக்களைத் தெரிவித்த அனைவருக்கும் நன்றி’ என தெரிவித்துள்ளார்.

‘Soul Surfer’ எனும் பெயரில் Bethany வாழ்க்கை திரைப்படமாக வந்துள்ளது குறிப்பிடத்தக்கது.

மெக்சிகோவில் கர்ப்பிணியான இளம் பெண்ணை ஆசை வார்த்தை கூறி ஏமாற்றி கழுத்தை நெரித்து கொலை செய்து பெண் ஒருவர் குழந்தையை பறித்துச் சென்றுள்ள சம்பவம் பரபரப்பை ஏற்படுத்தியுள்ளது.

குறித்த கொலை சம்பவம் தொடர்பாக அந்த பெண்மணி மற்றும் அவரது கணவரை பொலிசார் கைது செய்துள்ளனர்.

மெக்சிகோ நாட்டில் 20 வயதேயான Jessica Gabriela என்ற இளம் பெண் நிறைமாத கர்ப்பிணியாக இருந்தார். இவருக்கு சமூக வலைதளம் வாயிலாக சிந்தியா ஃபாத்திமா என்ற பெண்மணி ஒருவரின் நட்பு கிடைத்துள்ளது.

இந்த நிலையில் பொலிசாருக்கு சிந்தியாவின் குடியிருப்பில் இளம்பெண் ஒருவரின் சடலம் கிடப்பதாக தகவல் கிட்டியுள்ளது.

இதனையடுத்து நடந்த விசாரணையில் திடுக்கிடும் தகவல் வெளியானது. சம்பவத்தன்று ஜெஸ்ஸிகாவை தமது குடியிருப்புக்கு நிர்பந்தித்து அழைத்த சிந்தியா, பிறக்கவிருக்கும் குழந்தைக்கான உடைகள் தருவதாக கூறியுள்ளார்.

தோழமையாக பழகியதால் ஜெஸ்ஸிக்காவும் சிந்தியாவை நம்பி அவரது குடியிருப்புக்கு சென்றுள்ளார்.

ஜெஸ்ஸிக்காவை தமது குடியிருப்புக்கு வரவழைத்த சிந்தியா அவரது கழுத்தை நெரித்து கொலை செய்துள்ளார்.

பின்னர் அவரது வயிற்றை கிழித்து குழந்தையை வெளியே எடுத்துள்ளார்.

பின்னர் ஜெஸ்ஸிக்காவின் உடலை மறைவு செய்ய முயன்றும் முடியாது போகவே, அவர்களது குடியிருப்பில் ஒரு அறையிலேயே மறைவு செய்துள்ளனர்.

சிந்தியாவின் கணவர் நாட்டின் வேறு ஒரு பகுதியில் வேலை நிமித்தம் தங்கியிருந்து வருகிறார்.

இதனிடையே கர்ப்பமாக இருந்த சிந்தியாவுக்கு பிறந்த குழந்தை இறந்து போயுள்ளது. கணவரிடம் இதை மறைத்த சிந்தியா தமது தோழி ஜெஸ்ஸிக்காவின் குழந்தையை பறிக்க திட்டமிட்டு அவரை கொலையும் செய்துள்ளார்.

ஜெஸ்ஸிக்காவின் நட்பு கிட்டும் முன்னர் பலமுறை சமூக வலைதளத்தில் சிந்தியா கர்ப்பிணி பெண்களின் நட்பு கோரியுள்ளதும் பொலிஸ் விசாரணையில் தற்போது வெளிவந்துள்ளது.